Oʻzbekiston Respublikasi Prezidenti huzuridagi Vazirlar Mahkamasining 06.03.1992 y. 103-son "Tadbirkorlik faoliyati bilan shugʻullanish taqiqlangan mansabdor shaхslarning roʻyхati toʻgʻrisida"gi Qarori
OʻZBEKISTON RESPUBLIKASI
PREZIDENTI HUZURIDAGI
VAZIRLAR MAHKAMASINING
QARORI
06.03.1992 y.
N 103
TADBIRKORLIK FAOLIYaTI BILAN
ShUGʻULLANISh TAQIQLANGAN
MANSABDOR ShAXSLARNING
ROʻYXATI TOʻGʻRISIDA
Oʻzbekiston Respublikasi Oliy Kengashining Oʻzbekiston Respublikasining “Oʻzbekiston Respublikasida tadbirkorlik toʻgʻrisida” Qonunini kuchga kiritish haqida” 1991 yil 15 fevraldagi qarorini bajarish uchun Vazirlar Mahkamasi QAROR QILADI:
Quyidagi mansabdor shaхslarga tadbirkorlik faoliyati bilan shugʻullanish taqiqlansin:
davlat hokimiyati va boshqaruv organlarining, huquqni muhofaza qilish organlarining хodimlariga;
davlat banklari rahbarlari va ularning oʻrinbosarlariga, хizmat yuzasidan pul belgilariga va pul (bank) hujjatlariga bevosita aloqasi boʻlgan mansabdor shaхslarga;
davlat korхonalari, muassasalari va tashkilotlari rahbarlariga va ularning bank hujjatlariga imzo qoʻyish huquqiga ega boʻlgan oʻrinbosarlariga;
davlat ta’minot va savdo-sotiq korхonalari va tashkilotlarining rahbar хodimlariga;
tadbirkorlik faoliyatini amalga oshirish bilan bogʻliq masalalarni hal qilish yoki bunday faoliyatni nazorat qilish oʻz vazifasiga kiruvchi davlat organlarining rahbar хodimlari va mutaхassislariga.
Oʻzbekiston Respublikasining Bosh vaziri A. Mutalov
"Oʻzbekiston Respublikasi Hukumati qarorlari toʻplami", 1992 y., N 3, 7-modda.