Oʻzbekiston Respublikasi Prezidentining 17.04.2020 y. PQ-4685-son "Oʻzbekiston Respublikasi Sogʻliqni saqlash vazirligining markaziy apparati tuzilmasiga oʻzgartirish kiritish toʻgʻrisida"gi Qarori
OʻZBEKISTON RESPUBLIKASI
PREZIDENTINING
QARORI
17.04.2020 y.
N PQ-4685
OʻZBEKISTON RESPUBLIKASI
SOGʻLIQNI SAQLASh VAZIRLIGINING
MARKAZIY APPARATI TUZILMASIGA
OʻZGARTIRISh KIRITISh TOʻGʻRISIDA
Aholining sanitariya-epidemiologik osoyishtaligini ta’minlash, Oʻzbekiston Respublikasi sanitariya-epidemiologiya хizmati tizimini boshqarish samaradorligini yanada oshirish maqsadida:
1. Oʻzbekiston Respublikasi Sogʻliqni saqlash vazirligining markaziy apparati tuzilmasiga qoʻshimcha Oʻzbekiston Respublikasi sogʻliqni saqlash vazirining oʻrinbosari - Oʻzbekiston Respublikasi Sanitariya-epidemiologik osoyishtalik va jamoat salomatligi хizmati boshligʻi lavozimi kiritilsin.
2. Oʻzbekiston Respublikasi Sogʻliqni saqlash vazirligi manfaatdor vazirlik va idoralar bilan birgalikda ikki hafta muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
3. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. Mirziyoyev
Qonun hujjatlari ma’lumotlari milliy bazasi (www.lex.uz),
2020 yil 18 aprel