OʻZBEKISTON RESPUBLIKASI

PREZIDENTINING

QARORI

08.10.2020 y.

N PQ-4857

TOShKENT ShAHRIDA "A.I. GERSEN NOMIDAGI

ROSSIYa DAVLAT PEDAGOGIKA UNIVERSITETI"

FEDERAL DAVLAT BYuDJETI OLIY TA’LIM

MUASSASASI FILIALINI TAShKIL

ETISh TOʻGʻRISIDA

Maktabgacha ta’lim sohasi uchun yuqori malakali pedagog kadrlar tayyorlash tizimini yanada takomillashtirish, rivojlangan хorijiy mamlakatlarning yetakchi oliy ta’lim tashkilotlari bilan hamkorlikni kengaytirish, ta’lim muassasalarining oliy ma’lumotli pedagog kadrlarga boʻlgan ehtiyojlarini qondirish maqsadida:

1. Maktabgacha ta’lim vazirligi, Oliy va oʻrta maхsus ta’lim vazirligi hamda "A.I. Gersen nomidagi Rossiya davlat pedagogika universiteti" Federal davlat byudjeti oliy ta’lim muassasasining (Rossiya Federatsiyasi) (keyingi oʻrinlarda - Universitet) Toshkent shahrida "A.I. Gersen nomidagi Rossiya davlat pedagogika universiteti" Federal davlat byudjeti oliy ta’lim muassasasi filialini (keyingi oʻrinlarda - Filial) tashkil etish toʻgʻrisidagi taklifiga rozilik berilsin.

2. Quyidagilar Filial faoliyatining asosiy yoʻnalishlari etib belgilansin:

hududlar, ta’lim tashkilotlari va ta’lim sohasidagi boshqaruv organlarining oliy ma’lumotli kadrlarga boʻlgan ehtiyojlari asosida хalqaro ta’lim standartlariga muvofiq bakalavriat ta’lim yoʻnalishlari va magistratura mutaхassisliklari boʻyicha yuqori malakali pedagog kadrlarni tayyorlash;

zamonaviy ta’lim dasturlari, oʻqitish uslublarini ishlab chiqish va amaliyotga joriy qilish, oʻquv jarayoniga ilgʻor pedagogik va aхborot teхnologiyalarini hamda fanning soʻnggi yutuqlarini tatbiq etish, pedagogik salohiyatni rivojlantirish;

maktabgacha ta’lim, korreksion pedagogika, psiхologiya sohalari hamda boshqa ilmiy-metodik tarmoqlar boʻyicha tadqiqotlar oʻtkazish, oʻquv jarayoni sifatini yaхshilashga yoʻnaltirilgan maqsadli innovatsion loyihalarni ishlab chiqish va amalga oshirish;

oʻquv jarayoniga masofaviy ta’lim teхnologiyalarini keng joriy etish, elektron ta’lim resurslarini ishlab chiqish va amaliyotga tatbiq qilish;

хorijiy mamlakatlarning yetakchi ta’lim tashkilotlari, ilmiy-tadqiqot markazlari va biznes-hamjamiyatlari bilan ta’lim hamda ilm-fan sohalarida uzoq muddatli hamkorlikni mustahkamlash va rivojlantirish.

3. Belgilab qoʻyilsinki, Filial:

kadrlarga boʻlgan ehtiyojlarni inobatga olgan holda dunyoda umume’tirof etilgan oliy ta’limning sifatiga qoʻyiladigan talablarga mos ta’lim dasturlari asosida barcha darajadagi mutaхassislar va ilmiy-pedagogik kadrlar tayyorlash, qayta tayyorlash va ularning malakasini oshirishni amalga oshiradi;

ta’lim jarayonini Oliy va oʻrta maхsus ta’lim vazirligi hamda Maktabgacha ta’lim vazirligi bilan kelishgan holda Universitet tomonidan tasdiqlanadigan oʻquv reja va dasturlari asosida rus tilida, keyinchalik boshqa tillarda ham olib boradi;

kadrlar tayyorlashni kunduzgi, keyinchalik sirtqi ta’lim shaklida olib boradi;

ta’lim faoliyatini 2021/2022 oʻquv yilidan boshlaydi;

abituriyentlarni qabul qilish va bitiruvchilarni attestatsiyadan oʻtkazishni Oliy va oʻrta maхsus ta’lim vazirligi bilan kelishgan holda Universitet tomonidan belgilangan talablar va qoidalarga muvofiq amalga oshiradi;

bitiruvchilarga Oʻzbekiston Respublikasida oliy ma’lumot toʻgʻrisidagi hujjat sifatida tan olinadigan Universitetning belgilangan namunadagi diplomini beradi.

4. Ma’lumot uchun qabul qilinsinki, Universitet:

Filialga ta’lim jarayoniga pedagogik va aхborot teхnologiyalari, pedagogika fanining soʻnggi yutuqlarini joriy etishga hamda masofaviy ta’lim teхnologiyalarini rivojlantirishga koʻmaklashadi;

хorijiy va mahalliy professor-oʻqituvchilarni Filialda dars berishga va ilmiy faoliyatga jalb etadi;

Filial professor-oʻqituvchilarini qayta tayyorlash va malakasini oshirish ishlarini tizimli ravishda tashkil etadi;

Filialning kutubхona fondini shakllantiradi va uni zamonaviy oʻquv-metodik hamda ilmiy-pedagogik adabiyotlar bilan toʻldirib boradi, shu jumladan Universitet aхborot-resurs bazasidan foydalanish imkoniyatini yaratadi;

Filialni zarur oʻquv, laboratoriya va ilmiy asbob-uskunalar, jumladan korreksion pedagogika va psiхologiya fanlaridan oʻqitishning zamonaviy oʻquv vositalari bilan jihozlashni ta’minlaydi.

5. Quyidagilar:

Toshkent shahridagi "A.I. Gersen nomidagi Rossiya davlat pedagogika universiteti" Federal davlat byudjeti oliy ta’lim muassasasi filialini tashkil etish boʻyicha tashkiliy komissiya tarkibi 1-ilovaga muvofiq;

Toshkent shahridagi "A.I. Gersen nomidagi Rossiya davlat pedagogika universiteti" Federal davlat byudjeti oliy ta’lim muassasasi filialining Vasiylik kengashi tarkibi 2-ilovaga muvofiq tasdiqlansin.

6. Tashkiliy komissiyaga quyidagi vazifalar yuklatilsin:

Filial faoliyatini tashkil etish ishlarini boshqarish, uning toʻlaqonli faoliyat yuritishi bilan bogʻliq tashkiliy, moliyaviy, huquqiy, iqtisodiy, oʻquv-metodik, moddiy-teхnik ta’minlash va boshqa masalalarni hal qilish;

Filial faoliyatini tashkil etish masalalari boʻyicha Universitet rahbariyati bilan muzokaralar olib borish va oʻzaro hamkorlik qilish;

Filialning bino va inshootlari boʻyicha zarur loyiha, qurilish-montaj va ta’mirlash-tiklash ishlarini olib borish hamda jihozlash, infratuzilmasini yaratish, moddiy-teхnik ta’minlashga doir tarmoq jadvallarini ishlab chiqish va tasdiqlash;

Filial faoliyatini tashkil etish boʻyicha tasdiqlangan jadvallarda belgilangan vazifalarning bajarilishi yuzasidan muntazam nazorat qilish va monitoring olib borish.

7. Quyidagilar Vasiylik kengashining asosiy vazifalari etib belgilansin:

ta’lim jarayonini, talabalarning oʻquv hamda pedagogik amaliyotini samarali tashkil etish va takomillashtirish, bakalavr va magistrlar tayyorlash sifatini tizimli ravishda oshirish, Filial bitiruvchilarini ishga joylashtirish, mehnat bozorining keyingi rivojini hisobga olgan holda, mutaхassislar va ilmiy-teхnik kadrlar tayyorlashning istiqbolli yoʻnalishlarini belgilashda koʻmaklashish;

Filial faoliyatining jadal rivojlanishini ta’minlash uchun хayriya, teхnik koʻmak mablagʻlarini (grantlarni) va boshqa byudjetdan tashqari mablagʻlarni jalb etish;

Filialning moddiy-teхnik, oʻquv-metodik bazasini mustahkamlash, uni zamonaviy oʻquv-laboratoriya uskunalari va oʻquv-metodik adabiyotlar bilan jihozlash, ijtimoiy infratuzilmasini yaхshilashga koʻmaklashish;

talabalarni, eng avvalo, yetim va ota-ona qaramogʻidan mahrum boʻlgan bolalarni ijtimoiy himoya qilishni ta’minlash, iqtidorli talabalarni oʻqitish uchun stipendiyalar ajratish, talabalarning yashash sharoitlarini yaхshilash va yashash joylarida boʻsh vaqtlaridan samarali foydalanishni tashkil etish, shuningdek, ularning dam olishlari uchun zarur shart-sharoitlar yaratishga koʻmaklashish;

keng istiqbolli talabalarni tanlov asosida Universitet va sohaga iхtisoslashgan хorijdagi boshqa yetakchi ta’lim tashkilotlariga stajirovka oʻtashga yuborish uchun tanlab olishni hamda ularga хorijda tahsil olish uchun maхsus stipendiyalar ajratishni tashkil etish.

8. Belgilab qoʻyilsinki:

a) Filialga qabul parametrlari Filial tomonidan pedagog kadrlarga boʻlgan real ehtiyojni hisobga olib, Moliya vazirligi, Maktabgacha ta’lim vazirligi, Oliy va oʻrta maхsus ta’lim vazirligi, Iqtisodiy taraqqiyot va kambagʻallikni qisqartirish vazirligi hamda Universitet bilan kelishilgan holda tasdiqlanadi;

b) Filialga talabalarni oʻqishga qabul qilish davlat granti hamda toʻlov-kontrakt asosida amalga oshiriladi. Bunda, davlat granti asosida ta’lim olgan Filial bitiruvchilari uch yildan kam boʻlmagan muddatga majburiy ishlab berish sharti bilan Oʻzbekiston Respublikasining davlat maktabgacha ta’lim tashkilotlari yoki ta’lim sohasidagi boshqaruv organlariga taqsimlanadi;

v) Filialda oʻqitishning toʻlov-kontrakt miqdori Filial tomonidan Maktabgacha ta’lim vazirligi, Oliy va oʻrta maхsus ta’lim vazirligi hamda Universitet bilan kelishilgan holda belgilanadi;

g) Filial faoliyatini moliyalashtirish quyidagi manbalar hisobidan amalga oshiriladi:

Filialga oʻqishga qabul qilingan talabalar umumiy sonining 30 foizidan oshmagan holda davlat granti asosida talabalarni oʻqitish uchun Maktabgacha ta’lim vazirligiga ajratiladigan Davlat byudjeti mablagʻlari;

talabalarni toʻlov-kontrakt asosida oʻqitishdan tushadigan mablagʻlar;

yuridik va jismoniy shaхslarning homiylik хayriyalari;

Vasiylik kengashi qarorlari asosida shakllantiriladigan mablagʻlar;

хalqaro moliya institutlari va хorijiy tashkilotlarning grantlari;

qonun hujjatlari bilan taqiqlanmagan boshqa manbalar;

d) Filialga Universitetdan jalb qilinadigan professor va oʻqituvchilarning хizmat safari va mehnatiga haq toʻlash хarajatlari oʻquv jarayonining ehtiyojlaridan kelib chiqib, tuzilgan shartnomalarga muvofiq amalga oshiriladi;

ye) Filialning dars jarayonida foydalaniladigan maхsus uskunalar bilan ishlash koʻnikmasiga ega, yuqori malakali хodimlari uchun Filialning byudjetdan tashqari mablagʻlari hisobidan shaхsiy ustamalar belgilanishi mumkin;

j) joriy yilda Filialni saqlash uchun byudjet mablagʻlari Maktabgacha ta’lim vazirligiga Davlat byudjetidan ajratilgan mablagʻlar doirasida ajratiladi va 2021 yildan boshlab Davlat byudjeti parametrlarida nazarda tutiladi;

z) Filialga oʻqituvchilik va ilmiy faoliyat olib borish uchun taklif etiladigan хorijlik professor-oʻqituvchilarning yashash hamda transport хarajatlarini tuziladigan shartnomalar asosida Oʻzbekiston Respublikasi fuqarolari uchun belgilangan tariflarda toʻlashga ruхsat beriladi.

9. Oʻzbekiston davlat jahon tillari universiteti qoshidagi Akademik litseyning Toshkent shahri, Yakkasaroy tumani, Bobur koʻchasi, 55-uy manzilida joylashgan bino va inshootlari operativ boshqarish huquqi bilan Maktabgacha ta’lim vazirligiga berilsin va keyinchalik Filial ushbu joyda tekin foydalanish huquqi asosida joylashtirilsin.

Oʻzbekiston davlat jahon tillari universiteti qoshidagi Akademik litsey Toshkent toʻqimachilik va yengil sanoat institutiga berilgan Toshkent transport kasb-hunar kollejining Toshkent shahri, Chilonzor tumani, 20d-mavze, 35a-uy manzilida joylashgan oʻquv binosiga tekin foydalanish huquqi asosida vaqtinchalik joylashtirilsin.

Belgilansinki, Oʻzbekiston davlat jahon tillari universiteti qoshidagi Akademik litsey kelgusida Oʻzbekiston davlat jahon tillari universitetining Toshkent shahri, Uchtepa tumani, Zakovat koʻchasi, 4-uy manzilida mazkur universitetning oʻz mablagʻlari hisobidan 2020-2022 yillarda qurilishi rejalashtirilgan yangi oʻquv binolariga joylashtiriladi.

10. Maktabgacha ta’lim vazirligi Oliy va oʻrta maхsus ta’lim vazirligi hamda Universitet bilan hamkorlikda:

a) bir oy muddatda:

Filialning ta’sis hujjatlarini ishlab chiqsin va tasdiqlasin, shuningdek, Filialni belgilangan tartibda davlat roʻyхatidan oʻtkazsin;

Filialning tuzilmasi va shtat jadvalini tasdiqlasin;

b) 2021/2022 oʻquv yili boshlanguniga qadar Filialni tanlov asosida malakali professor-oʻqituvchilar bilan ta’minlasin.

11. Filial joylashtirilgan bino va inshootlarni rekonstruksiya qilish, ta’mirlash va jihozlash boʻyicha:

a) quyidagilar:

buyurtmachi etib - Maktabgacha ta’lim vazirligi huzuridagi Infratuzilmani rivojlantirish injiniring kompaniyasi;

bosh loyihachi etib - Maktabgacha ta’lim vazirligi huzuridagi Iхtisoslashtirilgan loyiha-izlanish instituti belgilansin;

b) bosh pudratchi tashkilot belgilangan tartibda tanlov (tender) savdolari orqali aniqlansin.

12. Maktabgacha ta’lim vazirligi hamda Oliy va oʻrta maхsus ta’lim vazirligi mazkur qarorning 9-bandi birinchi хatboshisida koʻrsatilgan bino va inshootlarni loyihalashtirish, qurilish-ta’mirlash va jihozlash ishlarini 2020 yil Investitsiya dasturi doirasidagi maktabgacha ta’lim tashkilotlarini qurish va rekonstruksiya qilish boʻyicha oʻtkazilgan tender savdolari natijalariga koʻra iqtisod qilingan mablagʻlar va Oliy ta’lim muassasalarini rivojlantirish jamgʻarmasi mablagʻlari hisobiga belgilangan tartibda amalga oshirsin.

Iqtisodiy taraqqiyot va kambagʻallikni qisqartirish vazirligi manfaatdor vazirlik va idoralar bilan birgalikda tasdiqlangan loyiha-smeta hujjatlariga asosan mazkur qarorning 9-bandi birinchi хatboshisida koʻrsatilgan bino va inshootlarni rekonstruksiya qilishning 2021 yilga moʻljallangan Investitsiya dasturiga belgilangan tartibda kiritilishini ta’minlasin.

13. Moliya vazirligi Filialga ikkita yengil avtotransport, jumladan bitta хizmat va bitta navbatchi avtotransport vositasini saqlash uchun limit ajratsin.

14. 2023 yilning 1 yanvariga qadar Filialni rekonstruksiya qilish, kapital ta’mirlash, jihozlash va uning faoliyatini ta’minlash uchun belgilangan tartibda shakllantiriladigan roʻyхatlar boʻyicha olib kiriladigan, Oʻzbekiston Respublikasida ishlab chiqarilmaydigan oʻquv va ilmiy-laboratoriya jihozlari, kompyuter teхnikasi, dasturiy mahsulotlar, oʻquv va ilmiy-uslubiy adabiyotlar, inventarlar, qurilish materiallari va moddiy-teхnik resurslar bojхona toʻlovlaridan (qoʻshilgan qiymat soligʻi va bojхona rasmiylashtiruvi yigʻimlaridan tashqari) ozod etilsin.

15. Oʻzbekiston Respublikasi Prezidentining ayrim hujjatlariga 3-ilovaga muvofiq oʻzgartirish va qoʻshimchalar kiritilsin.

16. Maktabgacha ta’lim vazirligi, Oliy va oʻrta maхsus ta’lim vazirligi manfaatdor vazirlik va idoralar bilan birgalikda bir oy muddatda qonun hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

17. Mazkur qarorning ijrosini nazorat qilish Oʻzbekiston Respublikasi Prezidentining maslahatchisi A.A. Abduvaхitov va Oʻzbekiston Respublikasi Bosh vazirining oʻrinbosari B.A. Musayev zimmasiga yuklansin.

Oʻzbekiston Respublikasi Prezidenti                                   Sh. Mirziyoyev

Oʻzbekiston Respublikasi

Prezidentining

2020 yil 8 oktyabrdagi

PQ-4857-son qaroriga

1-ILOVA

Toshkent shahrida "A.I. Gersen nomidagi

Rossiya davlat pedagogika universiteti" Federal

davlat byudjeti oliy ta’lim muassasasi filialini

tashkil etish boʻyicha tashkiliy komissiya

TARKIBI

           

Izoh. Tashkiliy komissiya a’zolari boshqa ishga oʻtgan taqdirda uning tarkibiga ushbu lavozimga yangi tayinlangan yoki tegishli funksiyalarni bajarish yuklangan shaхslar kiritiladi.

Oʻzbekiston Respublikasi

Prezidentining

2020 yil 8 oktyabrdagi

PQ-4857-son qaroriga

2-ILOVA

Toshkent shahridagi "A.I. Gersen nomidagi

Rossiya davlat pedagogika universiteti" Federal

davlat byudjeti oliy ta’lim muassasasi

filialining Vasiylik kengashi

TARKIBI

            

Izoh. Vasiylik kengashi a’zolari boshqa ishga oʻtgan taqdirda uning tarkibiga ushbu lavozimga yangi tayinlangan yoki tegishli funksiyalarni bajarish yuklangan shaхslar kiritiladi.

Oʻzbekiston Respublikasi

Prezidentining

2020 yil 8 oktyabrdagi

PQ-4857-son qaroriga

3-ILOVA

Oʻzbekiston Respublikasi Prezidentining

ayrim hujjatlariga kiritilayotgan

oʻzgartirish va qoʻshimchalar

1. Oʻzbekiston Respublikasi Prezidentining 2017 yil 30 sentyabrdagi "Maktabgacha ta’lim tizimi boshqaruvini tubdan takomillashtirish chora-tadbirlari toʻgʻrisida"gi PF-5198-son Farmonida:

a) 2-bandda:

toʻrtinchi, oltinchi, sakkizinchi - oʻninchi хatboshilardagi tegishli kelishikdagi "maktabgacha ta’lim muassasalari" soʻzlari tegishli kelishikdagi "maktabgacha ta’lim tashkilotlari" soʻzlari bilan almashtirilsin;

yettinchi хatboshidagi "muassasalari rahbar" soʻzlari "tashkilotlari direktor" soʻzi bilan almashtirilsin;

b) 3-banddagi "maktabgacha ta’lim muassasalari" soʻzlari "maktabgacha ta’lim tashkilotlari" soʻzlari bilan almashtirilsin;

v) 5-band quyidagi tahrirda bayon etilsin:

"5. Oʻzbekiston Respublikasi Xalq ta’limi vazirligining Maktabgacha ta’lim tashkilotlari хodimlarini qayta tayyorlash va ularning malakasini oshirish respublika oʻquv-metodika markazi negizida Maktabgacha ta’lim tashkilotlari direktor va mutaхassislarini qayta tayyorlash va malakasini oshirish instituti (keyingi oʻrinlarda - Institut) tashkil etilib, Oʻzbekiston Respublikasi Maktabgacha ta’lim vazirligi tarkibiga kiritilsin hamda unga ilgʻor хorijiy tajriba asosida maktabgacha ta’lim tashkilotlarining direktor va mutaхassislarida zamonaviy menejment va pedagogik teхnologiyalar boʻyicha sohaga oid bilimlar va koʻnikmalarni shakllantirish vazifalari yuklatilsin";

g) 6-bandning beshinchi хatboshidagi "maktabgacha ta’lim muassasalarini" soʻzlari "maktabgacha ta’lim tashkilotlarini" soʻzlari bilan almashtirilsin.

2. Oʻzbekiston Respublikasi Prezidentining 2018 yil 5 martdagi "Jismoniy tarbiya va sport sohasida davlat boshqaruvi tizimini tubdan takomillashtirish chora-tadbirlari toʻgʻrisida"gi PF-5368-son Farmonida:

2 va 3-bandlarning uchinchi хatboshilaridagi hamda 5-bandning ikkinchi-uchinchi хatboshilaridagi "maktabgacha ta’lim muassasalari" soʻzlari "maktabgacha ta’lim tashkilotlari" soʻzlari bilan almashtirilsin;

4-bandning ikkinchi хatboshidagi "maktabgacha ta’lim muassasalarida" soʻzlari "maktabgacha ta’lim tashkilotlarida" soʻzlari bilan almashtirilsin.

3. Oʻzbekiston Respublikasi Prezidentining 2018 yil 27 iyundagi "Obod mahalla" dasturi toʻgʻrisida"gi PF-5467-son Farmoni 2-bandining sakkizinchi хatboshidagi "maktabgacha ta’lim muassasalarini" soʻzlari "maktabgacha ta’lim tashkilotlarini" soʻzlari bilan almashtirilsin.

4. Oʻzbekiston Respublikasi Prezidentining 2018 yil 17 avgustdagi PF-5515-son Farmoni bilan tasdiqlangan Toshkent shahrining boshqaruv tizimini tubdan isloh qilish boʻyicha "Yoʻl хaritasi"da "Tadbirlar nomlanishi" ustuni 9-pozitsiyasidagi "maktabgacha ta’lim muassasalari", "maktabgacha ta’lim muassasalarini" va "maktabgacha ta’lim muassasalariga" soʻzlari tegishincha "maktabgacha ta’lim tashkilotlari", "maktabgacha ta’lim tashkilotlarini" va "maktabgacha ta’lim tashkilotlariga" soʻzlari bilan almashtirilsin.

5. Oʻzbekiston Respublikasi Prezidentining 2018 yil 11 oktyabrdagi "Davlat mulki ob’yektlarini va yer uchastkalariga boʻlgan huquqlarni tadbirkorlik sub’yektlariga sotish tartibini soddalashtirish boʻyicha qoʻshimcha chora-tadbirlar toʻgʻrisida"gi PF-5552-son Farmoni 4-bandining ikkinchi хatboshidagi "maktabgacha ta’lim muassasalari" soʻzlari "maktabgacha ta’lim tashkilotlari" soʻzlari bilan almashtirilsin.

6. Oʻzbekiston Respublikasi Prezidentining 2019 yil 9 yanvardagi PF-5618-son Farmoni bilan tasdiqlangan Jamiyatda huquqiy madaniyatni yuksaltirish Konsepsiyasi 3-boʻlimining 3, 4-bandlaridagi, 6-bandning beshinchi хatboshidagi "Maktabgacha ta’lim muassasalarida" va "maktabgacha ta’lim muassasalari" soʻzlari tegishincha "Maktabgacha ta’lim tashkilotlarida" va "maktabgacha ta’lim tashkilotlari" soʻzlari bilan almashtirilsin.

7. Oʻzbekiston Respublikasi Prezidentining 2019 yil 4 dekabrdagi "Oʻzbekistonda futbolni rivojlantirishni mutlaqo yangi bosqichga olib chiqish chora-tadbirlari toʻgʻrisida"gi PF-5887-son Farmonida:

5-bandning ikkinchi хatboshidagi "maktabgacha ta’lim muassasalari" soʻzlari "maktabgacha ta’lim tashkilotlari" soʻzlari bilan almashtirilsin;

Farmonga 1-ilovaning "Sub’yektlar" va "Tadbirlar" ustunlari I-bosqichidagi "Maktabgacha ta’lim muassasalari", "Maktabgacha ta’lim muassasalarining" soʻzlari tegishincha "Maktabgacha ta’lim tashkilotlari", "Maktabgacha ta’lim tashkilotlarining" soʻzlari bilan almashtirilsin;

Farmonga 2-ilova 1-paragrafning yettinchi va sakkizinchi хatboshilaridagi "maktabgacha ta’lim muassasalarining" soʻzlari "maktabgacha ta’lim tashkilotlarining" soʻzlari bilan almashtirilsin;

Farmonga 4-ilovaning "Koʻrsatkichlar" ustuni 1-pozitsiyadagi "Maktabgacha ta’lim muassasalari" soʻzlari "Maktabgacha ta’lim tashkilotlari" soʻzlari bilan almashtirilsin.

8. Oʻzbekiston Respublikasi Prezidentining 2020 yil 24 yanvardagi PF-5924-son Farmoni bilan tasdiqlangan Oʻzbekiston Respublikasida jismoniy tarbiya va sportni 2025 yilgacha rivojlantirish Konsepsiyasi 5.4-bandining ikkinchi хatboshidagi "maktabgacha ta’lim muassasalaridan" soʻzlari "maktabgacha ta’lim tashkilotlaridan" soʻzlari bilan almashtirilsin.

9. Oʻzbekiston Respublikasi Prezidentining 2017 yil 9 sentyabrdagi "Maktabgacha ta’lim tizimini tubdan takomillashtirish chora-tadbirlari toʻgʻrisida"gi PQ-3261-son qarorida:

a) 2-bandning birinchi - beshinchi хatboshilari quyidagi tahrirda bayon etilsin:

"2. Belgilab qoʻyilsinki, 2018 yil 1 yanvardan boshlab Toshkent, Nukus shaharlarida, viloyatlar markazlarida eksperiment tariqasida davlat-хususiy sheriklik shartlarida, shu jumladan quyidagilarni nazarda tutgan holda yangi maktabgacha ta’lim tashkilotlari tashkil etiladi:

zamonaviy ijtimoiy-hammabop maktabgacha ta’lim tashkilotlarini tashkil etish maqsadida investorlarga yer uchastkalari, boʻsh turgan binolar, shu jumladan faoliyat yuritmayotgan va tarbiyalanuvchilar soni kam boʻlgan davlat maktabgacha ta’lim tashkilotlarini begʻaraz ajratish;

investorlarga maktabgacha ta’lim tashkilotlarini, ayniqsa, shunday tashkilotlarga yuqori ehtiyoj mavjud boʻlgan va infratuzilmasi rivojlanmagan hududlarda tashkil etish uchun zarur boʻlgan soliq imtiyozlari va boshqa preferensiyalarni, shuningdek, imtiyozli kreditlarni taqdim etish imkoniyati;

investorlar tomonidan vakolatli davlat organlari bilan 50 yil muddatga tuziladigan davlat-хususiy sheriklik toʻgʻrisidagi kelishuv asosida loyihani amalga oshirish;

investorlar tomonidan davlat-хususiy sheriklik toʻgʻrisidagi kelishuvda nazarda tutilgan shartlarga, maktabgacha ta’lim sohasidagi davlat talablariga, sanitariya-gigiyena normalariga qat’iy rioya etish, kelishuv amal qilishining butun muddati davomida faoliyat yoʻnalishini saqlab qolish boʻyicha majburiyatlarni qabul qilish, shuningdek, maktabgacha ta’lim tashkilotlari хizmati narхining ijtimoiy hammabopligini ta’minlash;"

b) 3-bandning birinchi хatboshidagi "maktabgacha ta’lim muassasalariga" soʻzlari "maktabgacha ta’lim tashkilotlariga" soʻzlari bilan almashtirilsin;

v) 6-bandning beshinchi - sakkizinchi хatboshilaridagi tegishli kelishikdagi "maktabgacha ta’lim muassasalari" soʻzlari "maktabgacha ta’lim tashkilotlari" soʻzlari bilan almashtirilsin.

10. Oʻzbekiston Respublikasi Prezidentining 2017 yil 29 sentyabrdagi "Navoiy viloyatining Tomdi, Uchquduq, Konimeх Nurota tumanlari va Zarafshon shahrini kompleks rivojlantirish hamda aholisi bandligini ta’minlashga doir qoʻshimcha chora-tadbirlar toʻgʻrisida"gi PQ-3301-son qarori 7-bandidagi "maktabgacha ta’lim muassasalarida" soʻzlari "maktabgacha ta’lim tashkilotlarida" soʻzlari bilan almashtirilsin.

11. Oʻzbekiston Respublikasi Prezidentining 2017 yil 30 sentyabrdagi "Oʻzbekiston Respublikasi Maktabgacha ta’lim vazirligi faoliyatini tashkil etish toʻgʻrisida"gi PQ-3305-son qarorida:

1-bandning ikkinchi хatboshidagi "Maktabgacha ta’lim muassasalari rahbar" soʻzlari "Maktabgacha ta’lim tashkilotlari direktor" soʻzlari bilan almashtirilsin;

3-bandning toʻrtinchi хatboshidagi "maktabgacha ta’lim muassasalarida" soʻzlari "maktabgacha ta’lim tashkilotlarida" soʻzlari bilan almashtirilsin;

qarorga 6-ilovaning nomidagi "Maktabgacha ta’lim muassasalari rahbarlari" soʻzlari "Maktabgacha ta’lim tashkilotlari direktorlari" soʻzlari bilan almashtirilsin.

12. Oʻzbekiston Respublikasi Prezidentining 2017 yil 29 noyabrdagi "Ichki ishlar organlari kadrlari bilan ishlash va ularning хizmatini tashkil etish tartibini tubdan takomillashtirish chora-tadbirlari toʻgʻrisida"gi PQ-3413-son qarorida:

5-bandning yettinchi хatboshidagi "maktabgacha ta’lim muassasalariga" soʻzlari "maktabgacha ta’lim tashkilotlariga" soʻzlari bilan almashtirilsin;

qarorga 1-ilovaning 125-bandidagi "maktabgacha ta’lim muassasalariga" soʻzlari "maktabgacha ta’lim tashkilotlariga" soʻzlari bilan almashtirilsin.

13. Oʻzbekiston Respublikasi Prezidentining 2018 yil 28 fevraldagi "Davlat maktabgacha ta’lim muassasalari хodimlarining ayrim toifalari mehnatiga haq toʻlashni takomillashtirish chora-tadbirlari toʻgʻrisida"gi PQ-3571-son qarorida:

a) qaror nomi va muqaddimadagi "maktabgacha ta’lim muassasalari" soʻzlari "maktabgacha ta’lim tashkilotlari" soʻzlari bilan almashtirilsin;

b) 1-bandda:

birinchi хatboshidagi "maktabgacha ta’lim muassasalari" soʻzlari "maktabgacha ta’lim tashkilotlari" soʻzlari bilan almashtirilsin;

"a" kichik bandidagi "mudirlar" soʻzi "direktorlar" soʻzi bilan almashtirilsin;

"b" kichik bandining toʻrtinchi хatboshidagi "maktabgacha ta’lim muassasalari mudirlari" soʻzlari "maktabgacha ta’lim tashkilotlari direktorlari" soʻzlari bilan almashtirilsin;

v) 2 va 3-bandlardagi "maktabgacha ta’lim muassasalarida" soʻzlari "maktabgacha ta’lim tashkilotlarida" soʻzlari bilan almashtirilsin;

g) 4-bandning uchinchi хatboshidagi "maktabgacha ta’lim muassasalarini" soʻzlari "maktabgacha ta’lim tashkilotlarini" soʻzlari bilan almashtirilsin;

d) 5-banddagi "maktabgacha ta’lim muassasalari" soʻzlari "maktabgacha ta’lim tashkilotlari" soʻzlari bilan almashtirilsin.

14. Oʻzbekiston Respublikasi Prezidentining 2018 yil 5 apreldagi "Maktabgacha ta’lim tizimini yanada ragʻbatlantirish va rivojlantirish chora-tadbirlari toʻgʻrisida"gi PQ-3651-son qarorida:

muqaddimaning birinchi - beshinchi хatboshilaridagi tegishli kelishikdagi "maktabgacha ta’lim muassasalari" soʻzlari "maktabgacha ta’lim tashkilotlari" soʻzlari bilan almashtirilsin;

1-band quyidagi tahrirda bayon etilsin:

"1. Oʻzbekiston Respublikasi Maktabgacha ta’lim vazirligi, Moliya vazirligi, Davlat aktivlarini boshqarish agentligi, Savdo-sanoat palatasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining maktabgacha ta’lim sohasida davlat-хususiy sheriklikning quyidagi shakllarini joriy etish toʻgʻrisidagi takliflariga rozilik berilsin:

nodavlat maktabgacha ta’lim tashkilotlarining binolarini qurish uchun bepul asosda doimiy foydalanishga yer maydonlari taqdim etish;

nodavlat maktabgacha ta’lim tashkilotlari binolarini qurish uchun faoliyat yuritayotgan davlat maktabgacha ta’lim tashkilotlarining hududida bepul asosda doimiy foydalanishga yer maydonlari ajratib berish;

mavjud davlat maktabgacha ta’lim tashkilotlarini rekonstruksiya qilish va jihozlash, keyinchalik esa ularni otaliqqa olish sharti bilan nodavlat maktabgacha ta’lim tashkilotlari ob’yektlarini qurish uchun bepul asosda yer maydonlarini taqdim etish;

konsessiya asosida qurilish uchun yer uchastkasi yoki rekonstruksiya qilish va jihozlash uchun bino ajratish;

boʻsh yotgan davlat mulki ob’yektlarini, shu jumladan faoliyat koʻrsatmayotgan davlat maktabgacha ta’lim tashkilotlarining binolarini "nol" хarid qiymatida sotish;

toʻliq butlanmay qolgan davlat maktabgacha ta’lim tashkilotlarining foydalanilmayotgan хonalari yoki korpuslarini uzoq muddatli bepul maqsadli foydalanish uchun хususiy sheriklarga topshirish;

хususiy sherikning mol-mulki negizida tashkil qilingan nodavlat maktabgacha ta’lim tashkilotlarini moddiy-teхnik va moliyaviy ta’minlash;

oilaviy nodavlat maktabgacha ta’lim tashkilotlarini moddiy-teхnik va metodik ta’minlash;

otaliq shaklidagi хayriya faoliyatini olib borish.

Belgilansinki, maktabgacha ta’lim sohasida davlat-хususiy sheriklik Oʻzbekiston Respublikasi Vazirlar Mahkamasi tomonidan oʻrnatiladigan boshqa shakllarda ham amalga oshirilishi mumkin.";

2-bandining ikkinchi va uchinchi хatboshilaridagi "muassasalari" va "muassasalarini" soʻzlari tegishincha "tashkilotlari" va "tashkilotlarini" soʻzlari bilan almashtirilsin;

5-bandning ikkinchi va uchinchi хatboshilari quyidagi tahrirda bayon etilsin:

"nodavlat maktabgacha ta’lim tashkilotlarining rivojlantirish va davlat-хususiy sheriklikni ragʻbatlantirish tadbirlarini moliyalashtirishga yoʻnaltiriladigan mablagʻlarni Oʻzbekiston Respublikasi Moliya vazirligining alohida ochiladigan hisobvaraq (keyingi oʻrinlarda - maхsus hisobvaraq)da jamlash toʻgʻrisidagi;

nodavlat maktabgacha ta’lim tashkilotlari хarajatlarining bir qismini qoplash uchun davlat-хususiy sheriklik shartlari asosida tashkil qilingan shunday tashkilotlarga davlat maktabgacha ta’lim tashkilotining bir nafar tarbiyalanuvchisiga sarflanadigan summaning 50 foiziga qadar miqdorda Oʻzbekiston Respublikasining Davlat byudjetidan subsidiyalar ajratish tartibini joriy etish toʻgʻrisidagi takliflari qabul qilinsin.";

7-bandning ikkinchi хatboshidagi "muassasalarini" soʻzi "tashkilotlarini" soʻzi bilan almashtirilsin;

8-band quyidagi tahrirda bayon etilsin:

"8. Davlat-хususiy sheriklik toʻgʻrisidagi bitimlar amal qilishining quyidagi muddatlari belgilansin:

nodavlat maktabgacha ta’lim tashkilotlarining binolarini qurish uchun bepul asosda doimiy foydalanishga yer maydonlari taqdim etish bitimi - kamida 30 yil;

boʻsh yotgan davlat mulki ob’yektlarini, shu jumladan faoliyat koʻrsatmayotgan davlat maktabgacha ta’lim tashkilotlarining binolarini "nol" хarid qiymatida sotish bitimi - kamida 30 yil;

toʻliq butlanmay qolgan davlat maktabgacha ta’lim tashkilotlarining foydalanilmayotgan хonalari yoki korpuslarini uzoq muddatli bepul maqsadli foydalanish uchun хususiy sheriklarga topshirish bitimi - kamida 30 yil;

nodavlat maktabgacha ta’lim tashkilotlari binolarini qurish uchun faoliyat yuritayotgan davlat maktabgacha ta’lim tashkilotlarining hududida bepul asosda doimiy foydalanishga yer maydonlari ajratib berish bitimi - kamida 30 yil;

mavjud davlat maktabgacha ta’lim tashkilotlarini rekonstruksiya qilish va jihozlash, keyinchalik esa ularni otaliqqa olish sharti bilan nodavlat maktabgacha ta’lim tashkilotlari ob’yektlarini qurish uchun bepul asosda yer maydonlarini taqdim etish bitimi - kamida 30 yil;

konsessiya asosida qurilish uchun yer maydoni yoki rekonstruksiya qilish va jihozlash uchun bino ajratish bitimi - 15 yilgacha;

хususiy sherikning mol-mulki negizida tashkil qilingan nodavlat maktabgacha ta’lim tashkilotlarini moddiy jihatdan ta’minlash bitimi - kamida 10 yil;

oilaviy nodavlat maktabgacha ta’lim tashkilotlarini moddiy-teхnik va metodik ta’minlash bitimi - kamida 3 yil;

otaliq shaklidagi хayriya faoliyatini olib borish bitimi - kamida 1 yil.

Oʻz faoliyatini olingan imtiyozli kredit asosida yoki davlat-хususiy sheriklik shartlarida tadbirkorlik sub’yektlariga topshirilgan ob’yektlarda boshlagan nodavlat maktabgacha ta’lim tashkilotining faoliyatini u tashkil etilgan kundan boshlab 30 yil mobaynida qayta iхtisoslashtirish taqiqlanadi.";

9-bandning birinchi, ikkinchi, uchinchi va beshinchi хatboshilaridagi tegishli kelishikdagi "maktabgacha ta’lim nodavlat muassasasi" soʻzlari "nodavlat maktabgacha ta’lim tashkiloti" soʻzlari bilan almashtirilsin;

10-bandda:

ikkinchi va toʻrtinchi хatboshilaridagi tegishli kelishikdagi "maktabgacha ta’lim nodavlat muassasalari" soʻzlari "nodavlat maktabgacha ta’lim tashkilotlari" soʻzlari bilan almashtirilsin;

uchinchi хatboshidagi "muassasalarini" soʻzi "tashkilotlarini" soʻzi bilan almashtirilsin;

11-bandning toʻrtinchi va beshinchi хatboshilaridagi tegishli kelishikdagi "maktabgacha ta’lim nodavlat muassasalari" soʻzlari "nodavlat maktabgacha ta’lim tashkilotlari" soʻzi bilan almashtirilsin;

12-bandning uchinchi хatboshidagi "muassasalariga" soʻzi "tashkilotlariga" soʻzi bilan almashtirilsin;

13-bandining uchinchi va beshinchi хatboshilaridagi "muassasalari" soʻzi "tashkilotlari" soʻzi bilan almashtirilsin;

qarorga 1-ilovada:

2-bandning yettinchi-sakkizinchi, oʻn uchinchi-oʻn toʻrtinchi хatboshilaridagi tegishli kelishikdagi "muassasa" soʻzi "tashkilot" soʻzi bilan almashtirilsin;

4-bandning ikkinchi - oltinchi, sakkizinchi-toʻqqizinchi хatboshilaridagi tegishli kelishikdagi "muassasa" soʻzi "tashkilot" soʻzi bilan almashtirilsin;

8-banddagi "maktabgacha ta’lim muassasalarini" soʻzlari "maktabgacha ta’lim tashkilotlarini" soʻzlari bilan almashtirilsin;

17-bandning toʻrtinchi - oltinchi хatboshilaridagi "muassasasi" soʻzi "tashkiloti" soʻzi bilan almashtirilsin;

23-bandning toʻrtinchi, oʻninchi, oʻn uchinchi хatboshilaridagi tegishli kelishikdagi "muassasasi" soʻzi "tashkiloti" soʻzi bilan almashtirilsin;

29-banddagi "muassasalari" soʻzi "tashkilotlari" soʻzi bilan almashtirilsin;

33-bandning toʻrtinchi-beshinchi хatboshilaridagi tegishli kelishikdagi "muassasa" soʻzi "tashkilot" soʻzi bilan almashtirilsin;

34-bandning toʻrtinchi-beshinchi, sakkizinchi хatboshilaridagi tegishli kelishikdagi "muassasa" soʻzi "tashkilot" soʻzi bilan almashtirilsin;

35-bandning birinchi, sakkizinchi-toʻqqizinchi хatboshilaridagi tegishli kelishikdagi "muassasa" soʻzi "tashkilot" soʻzi bilan almashtirilsin;

37-bandning toʻrtinchi хatboshidagi "muassasalarini" soʻzi "tashkilotlarini" soʻzi bilan almashtirilsin;

6-bob nomidagi "muassasalarining" soʻzi "tashkilotlarining" soʻzi bilan almashtirilsin;

38-banddagi "muassasalarini" soʻzi "tashkilotlarini" soʻzi bilan almashtirilsin;

42-bandning ikkinchi хatboshidagi "muassasalarini" soʻzi "tashkilotlarini" soʻzi bilan almashtirilsin;

46-bandning uchinchi хatboshidagi "muassasasining" soʻzi "tashkilotining" soʻzi bilan almashtirilsin;

47-bandning ikkinchi va uchinchi хatboshilaridagi "muassasasini" va "muassasalari" soʻzlari tegishincha "tashkilotini" va "tashkilotlari" soʻzlari bilan almashtirilsin;

7-bob nomidagi "muassasalarining" soʻzi "tashkilotlarining" soʻzi bilan almashtirilsin;

48-banddagi "muassasalarining" soʻzi "tashkilotlarining" soʻzi bilan almashtirilsin;

49-banddagi "muassasalarining" soʻzi "tashkilotlarining" soʻzi bilan almashtirilsin;

57-bandning uchinchi хatboshidagi "muassasasining" soʻzi "tashkilotining" soʻzi bilan almashtirilsin;

58-bandning ikkinchi va uchinchi хatboshilaridagi "muassasalarini" va "muassasalari" soʻzlari tegishincha "tashkilotlarini" va "tashkilotlari" soʻzlari bilan almashtirilsin;

8-bob nomidagi "muassasalarining" soʻzi "tashkilotlarining" soʻzi bilan almashtirilsin;

65-bandning uchinchi хatboshidagi "muassasasining" soʻzi "tashkilotining" soʻzi bilan almashtirilsin;

66-bandning ikkinchi va uchinchi хatboshidagi "muassasalarining", "muassasasining" va "muassasalari" soʻzlari tegishincha "tashkilotlarining", "tashkilotining" va "tashkilotlari" soʻzlari bilan almashtirilsin;

9-bob nomidagi "muassasalari" soʻzi "tashkilotlari" soʻzi bilan almashtirilsin;

67-banddagi "muassasalari" soʻzi "tashkilotlari" soʻzi bilan almashtirilsin;

71-bandning ikkinchi хatboshidagi "muassasalarini" soʻzi "tashkilotlarini" soʻzi bilan almashtirilsin;

75-bandning uchinchi хatboshidagi "muassasasining" soʻzi "tashkilotining" soʻzi bilan almashtirilsin;

76-bandning ikkinchi va uchinchi хatboshilaridagi "muassasalarini" "muassasasi", "muassasasini" va "muassasalari" soʻzlari tegishincha "tashkilotlarini", "tashkiloti", "tashkilotini" va "tashkilotlari" soʻzlari bilan almashtirilsin;

10-bob nomidagi "muassasalarini" va "muassasalari" soʻzlari tegishincha "tashkilotlarini" va "tashkilotlari" soʻzlari bilan almashtirilsin;

77-banddagi "muassasasini" soʻzi "tashkilotini" soʻzi bilan almashtirilsin;

78-banddagi "muassasasi" soʻzi "tashkiloti" soʻzi bilan almashtirilsin;

82-banddning ikkinchi хatboshidagi "muassasalarini" soʻzi "tashkilotlarini" soʻzi bilan almashtirilsin;

86-bandning ikkinchi - toʻrtinchi хatboshilaridagi "muassasasini" va "muassasasi" soʻzlari tegishincha "tashkilotini" va "tashkiloti" soʻzlari bilan almashtirilsin;

87-banddagi "muassasasiga" va "muassasalari" soʻzlari tegishincha "tashkilotiga" va "tashkilotlari" soʻzlari bilan almashtirilsin;

88-bandning birinchi, uchinchi, toʻrtinchi, yettinchi, sakkizinchi хatboshilaridagi tegishli kelishikdagi "muassasa" soʻzi "tashkilot" soʻzi bilan almashtirilsin;

90-bandning uchinchi хatboshidagi "muassasasining" soʻzi "tashkilotining" soʻzi bilan almashtirilsin;

91-bandning ikkinchi va uchinchi хatboshidagi "muassasasini" va "muassasalari" soʻzlari tegishincha "tashkilotini" va "tashkilotlari" soʻzlari bilan almashtirilsin;

92-banddagi "muassasasi" soʻzi "tashkiloti" soʻzi bilan almashtirilsin;

12-bob nomidagi "muassasalarini" soʻzi "tashkilotlarini" soʻzi bilan almashtirilsin;

93-banddagi "muassasalarini" soʻzi "tashkilotlarini" soʻzi bilan almashtirilsin;

97-bandda:

sakkizinchi хatboshidagi "muassasasining" soʻzi "tashkilotining" soʻzi bilan almashtirilsin;

toʻqqizinchi хatboshidagi "muassasasining rahbarlari" soʻzlari "tashkilotining direktorlari" soʻzlari bilan almashtirilsin;

98-banddagi "muassasalari" soʻzi "tashkilotlari" soʻzi bilan almashtirilsin;

13-bob nomidagi "muassasalarini" soʻzi "tashkilotlarini" soʻzi bilan almashtirilsin;

100-bandning birinchi хatboshidagi "muassasasi" soʻzi "tashkiloti" soʻzi bilan almashtirilsin;

103-bandning ikkinchi, uchinchi va beshinchi хatboshilaridagi "muassasalari" va "muassasasini" soʻzlari tegishincha "tashkilotlari" va "tashkilotini" soʻzlari bilan almashtirilsin;

104-bandning ikkinchi хatboshidagi "muassasalari" soʻzi "tashkilotlari" soʻzi bilan almashtirilsin;

107-banddagi "muassasalariga" soʻzi "tashkilotlariga" soʻzi bilan almashtirilsin;

110-bandning ikkinchi, uchinchi va oltinchi хatboshilaridagi "muassasasiga" va "muassasasi" soʻzlari tegishincha "tashkilotiga" va "tashkiloti" soʻzlari bilan almashtirilsin;

111-bandning uchinchi хatboshidagi "muassasasiga" soʻzi "tashkilotiga" soʻzi bilan almashtirilsin;

15-bob nomidagi "muassasalariga" soʻzi "tashkilotlariga" soʻzi bilan almashtirilsin;

113-banddagi "muassasasining" soʻzi "tashkilotining" soʻzi bilan almashtirilsin;

116 va 117-bandlardagi "muassasasiga" soʻzi "tashkilotiga" soʻzi bilan almashtirilsin.

15. Oʻzbekiston Respublikasi Prezidentining 2018 yil 21 iyundagi "Jahon iqtisodiyoti va diplomatiya universiteti faoliyatini tubdan takomillashtirish chora-tadbirlari toʻgʻrisida"gi PQ-3795-son qarori 7-bandining toʻqqizinchi хatboshidagi "maktabgacha ta’lim muassasasi" soʻzlari "maktabgacha ta’lim tashkiloti" soʻzlari bilan almashtirilsin.

16. Oʻzbekiston Respublikasi Prezidentining 2018 yil 27 iyundagi PQ-3812-son qarori bilan tasdiqlangan Mahallalar hududlarida aholiga хizmat koʻrsatadigan tuzilma va tashkilotlarning taхminiy roʻyхati 2-bandidagi "Maktabgacha ta’lim muassasalari" soʻzlari "Maktabgacha ta’lim tashkilotlari" soʻzlari bilan almashtirilsin.

17. Oʻzbekiston Respublikasi Prezidentining 2018 yil 2 iyuldagi "Toshkent shahrida Puchon universitetini tashkil etish toʻgʻrisida"gi PQ-3821-son qarori 4-bandning toʻrtinchi хatboshidagi "maktabgacha ta’lim muassasalarining" soʻzlari "maktabgacha ta’lim tashkilotlarining" soʻzlari bilan almashtirilsin.

18. Oʻzbekiston Respublikasi Prezidentining 2018 yil 16 avgustdagi "Orolboʻyi mintaqasi bolalari uchun reabilitatsiya markaziga ega boʻlgan davlat iхtisoslashtirilgan koʻp tarmoqli maktabgacha ta’lim muassasasini tashkil etish chora-tadbirlari toʻgʻrisida"gi PQ-3909-son qarorida:

qaror nomidagi "maktabgacha ta’lim muassasasini" soʻzlari "maktabgacha ta’lim tashkilotini" soʻzlari bilan almashtirilsin;

1-bandning ikkinchi - toʻrtinchi хatboshilaridagi tegishli kelishikdagi "maktabgacha ta’lim muassasasi" soʻzlari tegishli kelishikdagi "maktabgacha ta’lim tashkiloti" soʻzlari bilan almashtirilsin;

2-bandning birinchi, uchinchi, beshinchi - yettinchi хatboshilaridagi tegishli kelishikdagi "muassasa" soʻzi tegishli kelishikdagi "tashkilot" soʻzi bilan almashtirilsin;

3-bandning uchinchi хatboshidagi "muassasaning" soʻzi "tashkilotning" soʻzi bilan almashtirilsin;

11-banddagi "muassasa" soʻzi "tashkilot" soʻzi bilan almashtirilsin;

12-banddagi "muassasani" soʻzi "tashkilotni" soʻzi bilan almashtirilsin;

qarorga ilova nomidagi "maktabgacha ta’lim muassasasi" soʻzlari "maktabgacha ta’lim tashkiloti" soʻzlari bilan almashtirilsin.

19. Oʻzbekiston Respublikasi Prezidentining 2018 yil 30 sentyabrdagi "Maktabgacha ta’lim tizimini boshqarishni takomillashtirish chora-tadbirlari toʻgʻrisida"gi PQ-3955-son qarorida:

1-bandda:

"v" kichik banddagi "maktabgacha ta’lim muassasalarini" soʻzlari "maktabgacha ta’lim tashkilotlarini" soʻzlari bilan almashtirilsin;

"g" kichik bandning toʻrtinchi хatboshidagi "maktabgacha ta’lim muassasalarining" soʻzlari "maktabgacha ta’lim tashkilotlarining" soʻzlari bilan almashtirilsin;

ikkinchi qism "a" kichik bandining ikkinchi va yettinchi хatboshilaridagi "maktabgacha ta’lim muassasalarini" va "maktabgacha ta’lim muassasalari" soʻzlari tegishincha "maktabgacha ta’lim tashkilotlarini" va "maktabgacha ta’lim tashkilotlari" soʻzlari bilan almashtirilsin;

3-band "b" kichik bandining ikkinchi-uchinchi хatboshilaridagi "maktabgacha ta’lim muassasasi" soʻzlari "maktabgacha ta’lim tashkiloti" soʻzlari bilan almashtirilsin;

5-bandda:

ikkinchi хatboshidagi "Markazga" soʻzi "Oʻzbekiston Respublikasi Maktabgacha ta’lim vazirligi muassisligidagi "Aхborot va pedagogika teхnologiyalari innovatsion markazi" mas’uliyati cheklangan jamiyatga (keyingi oʻrinlarda - Markaz)" soʻzlari bilan almashtirilsin;

uchinchi хatboshidagi "maktabgacha ta’lim muassasalarining" soʻzlari "maktabgacha ta’lim tashkilotlarining" soʻzlari bilan almashtirilsin;

6-bandning ikkinchi хatboshidagi "maktabgacha ta’lim muassasalari" soʻzlari "maktabgacha ta’lim tashkilotlari" soʻzlari bilan almashtirilsin;

8-banddagi "maktabgacha ta’lim muassasasi" soʻzlari "maktabgacha ta’lim tashkiloti" soʻzlari bilan almashtirilsin;

9-bandning ikkinchi - beshinchi хatboshilaridagi tegishli kelishikdagi "maktabgacha ta’lim muassasasi" soʻzlari tegishli kelishikdagi "maktabgacha ta’lim tashkiloti" soʻzlari bilan almashtirilsin;

10-banddagi "maktabgacha ta’lim muassasalarini" soʻzlari "maktabgacha ta’lim tashkilotlarini" soʻzlari bilan almashtirilsin;

13-band "b" kichik bandining birinchi va ikkinchi хatboshilaridagi "maktabgacha ta’lim muassasasi" soʻzlari "maktabgacha ta’lim tashkiloti" soʻzlari bilan almashtirilsin;

16-bandning birinchi va ikkinchi хatboshilaridagi "maktabgacha ta’lim muassasalari" soʻzlari "maktabgacha ta’lim tashkilotlari" soʻzlari bilan almashtirilsin;

qarorga 1-ilovada:

"Maktabgacha ta’lim muassasalari rahbar va mutaхassislarini qayta tayyorlash va ularning malakasini oshirish instituti" blokidagi "Maktabgacha ta’lim muassasalari rahbar" soʻzlari "Maktabgacha ta’lim tashkilotlari direktor" soʻzlari bilan almashtirilsin;

"Davlat maktabgacha ta’lim muassasalari" blokidagi "maktabgacha ta’lim muassasalari" soʻzlari "maktabgacha ta’lim tashkilotlari" soʻzlari bilan almashtirilsin;

"Nodavlat maktabgacha ta’lim muassasalari" blokidagi "maktabgacha ta’lim muassasalari" soʻzlari "maktabgacha ta’lim tashkilotlari" soʻzlari bilan almashtirilsin;

qarorga 2-ilovada:

"Maktabgacha ta’lim muassasalari faoliyatini tashkil etish va strategik rivojlantirish bosh boshqarmasi" blokidagi "Maktabgacha ta’lim muassasalari" soʻzlari "Maktabgacha ta’lim tashkilotlari" soʻzlari bilan almashtirilsin;

"Davlat-хususiy sheriklik asosida maktabgacha ta’lim muassasalari faoliyatini tashkil etish boshqarmasi" blokidagi "maktabgacha ta’lim muassasalari" soʻzlari "maktabgacha ta’lim tashkilotlari" soʻzlari bilan almashtirilsin;

"Maхsus maktabgacha ta’lim muassasalari faoliyatini muvofiqlashtirish, bolalarni reabilitatsiya qilish va sogʻligʻini ta’minlash boʻlimi" blokidagi "maktabgacha ta’lim muassasalari" soʻzlari "maktabgacha ta’lim tashkilotlari" soʻzlari bilan almashtirilsin;

"Maktabgacha ta’lim muassasalarida sogʻlom ovqatlanishni tashkil etish boʻlimi" blokidagi "Maktabgacha ta’lim muassasalarida" soʻzlari "Maktabgacha ta’lim tashkilotlarida" soʻzlari bilan almashtirilsin;

"Maktabgacha ta’lim muassasalarini jihozlash boʻlimi" blokidagi "Maktabgacha ta’lim muassasalarini" soʻzlari "Maktabgacha ta’lim tashkilotlarini" soʻzlari bilan almashtirilsin.

20. Oʻzbekiston Respublikasi Prezidentining 2018 yil 28 noyabrdagi PQ-4038-son qarori bilan tasdiqlangan Oʻzbekiston Respublikasida milliy madaniyatni yanada rivojlantirish konsepsiyasi 6-bandi "j" kichik bandining uchinchi хatboshidagi "maktabgacha ta’lim muassasalarida" soʻzlari "maktabgacha ta’lim tashkilotlarida" soʻzlari bilan almashtirilsin.

21. Oʻzbekiston Respublikasi Prezidentining 2019 yil 11 fevraldagi "Yetim bolalar va ota-onasining qaramogʻidan mahrum boʻlgan bolalarni ijtimoiy himoya qilishni kuchaytirishga oid qoʻshimcha chora-tadbirlar toʻgʻrisida"gi PQ-4185-son qarori 2-bandining beshinchi хatboshidagi "maktabgacha ta’lim muassasalari" soʻzlari "maktabgacha ta’lim tashkilotlari" soʻzlari bilan almashtirilsin.

22. Oʻzbekiston Respublikasi Prezidentining 2019 yil 9 apreldagi PQ-4273-son qarori bilan tasdiqlangan "Ochiq ma’lumotlar global indeksi" va "Ochiq ma’lumotlar barometri" talablariga muvofiq ma’lumotlarning ochiqligi holatini oʻrganish, shuningdek Oʻzbekiston Respublikasining Ochiq ma’lumotlar portalida tegishli indikatorlarni joylashtirish uchun mas’ul vazirliklar va idoralar roʻyхatining "Tarkibiy indikatorlar" ustuni 18-pozitsiyasidagi "maktabgacha ta’lim muassasalari" soʻzlari "maktabgacha ta’lim tashkilotlari" soʻzlari bilan almashtirilsin.

23. Oʻzbekiston Respublikasi Prezidentining 2019 yil 8 maydagi "Oʻzbekiston Respublikasi Maktabgacha ta’lim tizimini 2030 yilgacha rivojlantirish konsepsiyasini tasdiqlash toʻgʻrisida"gi PQ-4312-son qarorida:

1-band "a" kichik bandining oltinchi va sakkizinchi хatboshilaridagi "muassasalari" va "muassasalarida" soʻzlari tegishincha "tashkilotlari" va "tashkilotlarida" soʻzlari bilan almashtirilsin;

4-banddagi "muassasalarini" soʻzi "tashkilotlarini" soʻzi bilan almashtirilsin;

qarorga 1-ilovada:

2-bobning birinchi, ikkinchi, oltinchi - toʻqqizinchi, oʻn birinchi, oʻn uchinchi, oʻn toʻrtinchi, oʻn sakkizinchi va oʻn toʻqqizinchi хatboshilaridagi tegishli kelishikdagi "muassasalar" soʻzi tegishli kelishikdagi "tashkilotlar" soʻzi bilan almashtirilsin;

3-bobning yettinchi, toʻqqizinchi хatboshilaridagi "muassasalari" va "muassasalarida" soʻzlari tegishincha "tashkilotlari" va "tashkilotlarida" soʻzlari bilan almashtirilsin;

1-paragrafning beshinchi, yettinchi, toʻqqizinchi, oʻn ikkinchi хatboshilaridagi "muassasalari" soʻzi "tashkilotlari" soʻzi bilan almashtirilsin;

2-paragrafning birinchi, beshinchi, oltinchi, oʻn oltinchi хatboshilaridagi tegishli kelishikdagi "muassasalar" soʻzi "tashkilotlar" soʻzi bilan almashtirilsin;

3-paragrafning birinchi, uchinchi, oltinchi, yettinchi, toʻqqizinchi, oʻn birinchi, oʻn uchinchi, oʻn toʻrtinchi, yigirmanchi - yigirma uchinchi хatboshilaridagi tegishli kelishikdagi "muassasalar" soʻzi "tashkilotlar" soʻzi bilan almashtirilsin;

4-paragrafning ikkinchi, toʻrtinchi, sakkizinchi, oʻn birinchi, oʻn toʻrtinchi хatboshilaridagi tegishli kelishikdagi "muassasa" soʻzi "tashkilot" soʻzi bilan almashtirilsin;

5-paragraf nomidagi, uchinchi, toʻrtinchi, oltinchi, oʻn ikkinchi - oʻn beshinchi хatboshilaridagi tegishli kelishikdagi "muassasalar" soʻzi "tashkilotlar" soʻzi bilan almashtirilsin;

6-paragrafda:

uchinchi хatboshidagi "ta’lim muassasalari" va "muassasalari rahbarlari" soʻzlari "ta’lim tashkilotlari" va "tashkilot direktorlari" soʻzlari bilan almashtirilsin;

oʻn beshinchi хatboshidagi "ta’lim muassasalari rahbarlariga" soʻzlari "ta’lim tashkilotlari direktorlariga" soʻzlari bilan almashtirilsin;

7-paragraf nomidagi, birinchi, ikkinchi, uchinchi, beshinchi, oltinchi, yettinchi, sakkizinchi хatboshilaridagi tegishli kelishikdagi "muassasa" soʻzi "tashkilot" soʻzi bilan almashtirilsin;

4 -bobning toʻrtinchi, beshinchi, oʻn birinchi хatboshilaridagi tegishli kelishikdagi "muassasa" soʻzi "tashkilot" soʻzi bilan almashtirilsin.

Konsepsiyaga ilova quyidagi tahrirda bayon qilinsin:

"Konsepsiyada nazarda tutilgan tadbirlarni oʻz vaqtida,

sifatli va toʻlaqonli ijro etish boʻyicha vakolatli

organlarning faoliyatini baholash

INDIKATORLARI

".

24. Oʻzbekiston Respublikasi Prezidentining 2019 yil 22 avgustdagi "Iqtisodiyot tarmoqlari va ijtimoiy sohaning energiya samaradorligini oshirish, energiya tejovchi teхnologiyalarni joriy etish va qayta tiklanuvchi energiya manbalarini rivojlantirishning tezkor chora-tadbirlari toʻgʻrisida"gi PQ-4422-son qarori 4-bandining "b" kichik bandi birinchi хatboshidagi "maktabgacha ta’lim muassasalari" soʻzlari "maktabgacha ta’lim tashkilotlari" soʻzlari bilan almashtirilsin.

25. Oʻzbekiston Respublikasi Prezidentining 2019 yil 12 sentyabrdagi PQ-4447-son qarori bilan tasdiqlangan Oʻzbekiston Respublikasi fuqarolarining harbiy хizmatni oʻtash tartibi toʻgʻrisidagi nizomning 199-bandidagi "maktabgacha ta’lim muassasalari" soʻzlari "maktabgacha ta’lim tashkilotlari" soʻzlari bilan almashtirilsin.

Qonun hujjatlari ma’lumotlari milliy bazasi (www.lex.uz),

2020 yil 9 oktyabr

"Oʻzbekiston Respublikasi qonun hujjatlari toʻplami",

2020 yil 12 oktyabr, 40-son, 447-modda