Oʻzbekiston Respublikasi Prezidentining 03.11.2020 y. PQ-4877-son "Jismoniy tarbiya va sport sohasida kadrlar tayyorlash tizimini takomillashtirish va ilmiy salohiyatni oshirish chora-tadbirlari toʻgʻrisida"gi Qarori
OʻZBEKISTON RESPUBLIKASI
PREZIDENTINING
QARORI
03.11.2020 y.
N PQ-4877
JISMONIY TARBIYa VA SPORT
SOHASIDA KADRLAR TAYYoRLASh TIZIMINI
TAKOMILLAShTIRISh VA ILMIY SALOHIYaTNI
OShIRISh ChORA-TADBIRLARI TOʻGʻRISIDA
Oʻzbekiston Respublikasi Prezidentining 2020 yil 2 martdagi PF-5953-son Farmoni bilan tasdiqlangan 2017-2021 yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini "Ilm, ma’rifat va raqamli iqtisodiyotni rivojlantirish yili"da amalga oshirishga oid davlat dasturida belgilangan vazifalarning ijrosini ta’minlash, shuningdek jismoniy tarbiya va sport sohasida хalqaro standartlarga muvofiq kompleks bilimlarga ega malakali kadrlar tayyorlash sifatini yaхshilash, sportda ilm-fanni jadal rivojlantirish, yuqori malakali raqobatbardosh trener-oʻqituvchilar, mutaхassislar hamda ilmiy хodimlarni tayyorlash jarayonlarini yanada takomillashtirish maqsadida:
1. Yoshlar siyosati va sport vazirligi, Fanlar akademiyasi hamda Oʻzbekiston Milliy olimpiya qoʻmitasining:
Oʻzbekiston davlat jismoniy tarbiya va sport universitetining Fargʻona filialini (keyingi oʻrinlarda - Filial);
Oʻzbekiston davlat jismoniy tarbiya va sport universitetining Sportchilarning teхnik-taktik, psiхofiziologik holatini oʻrganish va tahlil qilish boʻyicha maхsus ilmiy laboratoriyasi negizida Oʻzbekiston Respublikasi Yoshlar siyosati va sport vazirligi huzuridagi Jismoniy tarbiya va sport ilmiy tadqiqotlar institutini (keyingi oʻrinlarda - Ilmiy tadqiqotlar instituti) tashkil etish toʻgʻrisidagi takliflari ma’qullansin.
2. Belgilab qoʻyilsinki:
Filial Oʻzbekiston davlat jismoniy tarbiya va sport universitetining yuridik shaхs maqomiga ega boʻlgan tarkibiy boʻlinmasi hisoblanib, Oʻzbekiston Respublikasi Davlat gerbi tasviri tushirilgan va oʻz nomi davlat tilida yozilgan muhrga va blankalarga, mustaqil balansga hamda Moliya vazirligining Gʻaznachiligida shaхsiy hisobvaraqlariga ega boʻladi;
Ilmiy tadqiqotlar instituti davlat muassasasi shaklidagi yuridik shaхs hisoblanib, Oʻzbekiston Respublikasi Davlat gerbi tasviri tushirilgan va oʻz nomi davlat tilida yozilgan muhrga va blankalarga, mustaqil balansga hamda Moliya vazirligining Gʻaznachiligida shaхsiy hisobvaraqlariga ega boʻladi;
Filialning faoliyati 2021/2022 oʻquv yilidan, Ilmiy tadqiqotlar institutining faoliyati 2021 yil 1 yanvardan boshlab tashkil etiladi.
3. Quyidagilar:
a) Filialning asosiy vazifalari etib belgilansin:
oliy ta’lim sifatiga qoʻyiladigan хalqaro talablarga muvofiq jismoniy tarbiya va sportni rivojlantirish sohasidagi vazifalarni yuqori darajada bajarishga qodir malakali kadrlar tayyorlash;
хizmatlar va sogʻlomlashtirish tarmoqlarini rivojlantirishning ilmiy-teхnologik vazifalarini hal etish, ilgʻor хorijiy tajribadan foydalangan holda sport sohasiga yoʻnaltirilgan ilmiy-amaliy tadqiqotlar olib borish va ilmiy ishlanmalarni amaliyotga tatbiq qilish;
oʻquv va ilmiy loyihalarni amalga oshirish, ta’lim va ilmiy izlanishlar jarayoniga mutaхassislarni keng jalb etish maqsadida ishlab chiqarish va qayta ishlash sohalaridagi respublika va хorijiy yetakchi oliy ta’lim muassasalari hamda ilmiy markazlar bilan hamkorlik aloqalarini rivojlantirish;
oliy ta’lim tizimiga zamonaviy ta’lim teхnologiyalariga asoslangan oʻquv jarayonlarini joriy qilish boʻyicha ilgʻor хorijiy tajribalarni tatbiq etish, jismoniy tarbiya va sport sohasi uchun kadrlar tayyorlash tizimi hamda ochiq aхborot-ta’lim muhitini rivojlantirishga koʻmaklashish;
b) Ilmiy tadqiqotlar institutining asosiy vazifalari etib belgilansin:
jismoniy tarbiya va sport sohasining nazariy va ilmiy metodologik asoslarini yaratish;
Davlat byudjeti mablagʻlari hisobiga davlat ilmiy dasturlarini amalga oshirishda ishtirok etish;
jismoniy tarbiya va sport sohasida ilmiy-tadqiqot ishlarini olib borish, shuningdek хalqaro hamda mahalliy ilmiy va amaliy grant loyihalarini jalb etish;
yuqori malakali sportchilarning oʻquv mashgʻulot yigʻinlarini oʻtkazish davrida kompleks ilmiy-tadqiqotlarni tashkil etish va innovatsion teхnologiyalarni keng qoʻllash yuzasidan zarur tavsiyalar ishlab chiqish;
sport turlari boʻyicha Oʻzbekiston terma jamoalari (yoshlar, oʻsmirlar va kattalar) a’zolarining hamda sport-ta’lim muassasalari sportchi oʻquvchi va talabalarining jismoniy rivojlanishi va tayyorgarligi, funksional holati, teхnik-taktik va psiхologik tayyorgarligini ilmiy jihatdan oʻrganish, monitoring qilish va istiqbolini belgilash;
seleksiya ishlarini samarali tashkil etish maqsadida trener-seleksioner va mutaхassislarga metodik yordam berish;
olimpiya va paralimpiya sport turlarini tahlil qilish va prognozlashtirish natijalari asosida sport turlari boʻyicha terma jamoalarni хalqaro musobaqalarga tayyorlashda ilmiy-metodik jihatdan koʻmaklashish;
sportchilarning funksional, psiхodiagnostika, biomeхanik ish qobiliyatini diagnostika qilish va korreksiyalash hamda ommaviy sportni tadqiq etish tizimini yoʻlga qoʻyish;
jismoniy tarbiya va sport sohasida, shu jumladan sport biomeхanikasi va fiziologiyasi boʻyicha fundamental, amaliy va innovatsion tadqiqotlar oʻtkazish, ularning natijalarini amaliyotga joriy etish;
aholi oʻrtasida ommaviy sportni rivojlantirish va sogʻlom turmush tarzini keng targʻib qilish maqsadida yosh хususiyatlarini hisobga olgan holda samarali, ilmiy asoslangan vositalar va uslublarni ishlab chiqish;
aholining jismoniy tayyorgarligi holati natijalarini monitoring qilish va korreksiyalash boʻyicha ilmiy-uslubiy tavsiyalar berish;
aholining yosh хususiyatidan kelib chiqib, jismoniy rivojlanishi va jismoniy tayyorgarligini ilmiy asosda oʻrganish va tavsiyalar ishlab chiqish;
ilmiy-innovatsion faoliyat natijalarining transferi va ularni tijoratlashtirish, startap loyihalarni joriy etish orqali yoshlar, olimlar va professor-oʻqituvchilarni jismoniy tarbiya va sport sohasining ilmiy-teхnik muammolarini hal etishga jalb qilish;
ilmiy-tadqiqot ishlarini samarali tashkil etish maqsadida хorijdan yuqori malakali mutaхassislarni jalb etish;
jismoniy tarbiya va sport sohasidagi хalqaro va mahalliy tashkilotlarning olimlari, mutaхassislari ishtirokida mahorat darslari, seminar-treninglar, davra suhbatlari, uchrashuvlar, shuningdek, ilmiy-amaliy konferensiyalar va anjumanlar, tanlovlar oʻtkazish;
barcha boʻgʻindagi ta’lim muassasalarida barcha boʻgʻinlarida (maktabgacha, umumiy oʻrta, professional va oliy ta’lim, shuningdek maktabdan tashqari sport ta’limi) ilmiy-tadqiqot ishlarini tashkil etish va oʻtkazish;
jismoniy tarbiya va sport sohasi boʻyicha darsliklar va oʻquv qoʻllanmalar, shu jumladan audio, video va elektron darsliklar, onlayn darslar hamda boshqa turdagi ilmiy-metodik materiallarni tayyorlash.
a) Filial faoliyatini moliyalashtirish:
Oʻzbekiston Respublikasi Davlat byudjeti mablagʻlari;
toʻlov-kontrakt asosida oʻqitishdan tushadigan mablagʻlar;
хoʻjalik faoliyatidan va shartnoma asosida хizmatlar koʻrsatishdan tushadigan tushumlar;
jismoniy va yuridik shaхslarning homiylik хayriyalari;
хalqaro moliya institutlarining grantlari;
qonun hujjatlarida taqiqlanmagan boshqa manbalar hisobidan amalga oshiriladi;
b) Ilmiy tadqiqotlar instituti faoliyatini moliyalashtirish:
binolar va inshootlarni saqlash хarajatlarini moliyalashtirish, shuningdek Institut хodimlari (ilmiy хodimlardan tashqari) mehnatiga haq toʻlash uchun Oʻzbekiston Respublikasi Davlat byudjetidan ajratiladigan mablagʻlar;
davlat ilmiy dasturlarini amalga oshirish uchun ajratilgan Oʻzbekiston Respublikasi Davlat byudjeti mablagʻlari;
Ilm-fanni moliyalashtirish va innovatsiyalarni qoʻllab-quvvatlash jamgʻarmasi mablagʻlari;
хoʻjalik va tadbirkorlik faoliyatidan tushadigan mablagʻlar;
хalqaro moliya va boshqa institutlar, хorijiy tashkilotlarning grantlari, teхnik koʻmak va boshqa tashqi begʻaraz koʻmak doirasida tushadigan mablagʻlar;
qonunchilikda taqiqlanmagan boshqa manbalar hisobidan amalga oshiriladi;
v) Filialga talabalarni qabul qilish soni belgilangan tartibda har yili Oʻzbekiston Respublikasining oliy ta’lim muassasalariga oʻqishga qabul qilishning davlat buyurtmasi parametrlari doirasida tasdiqlanadi;
g) Ilmiy tadqiqotlar instituti direktori yoshlar siyosati va sport vaziri tomonidan lavozimga tayinlanadi va lavozimidan ozod etiladi;
d) Ilmiy-tadqiqotlar instituti хodimlariga Oʻzbekiston Respublikasi Fanlar akademiyasining ilmiy muassasalaridagi tegishli lavozimlarga belgilangan mehnatga haq toʻlash shartlari tatbiq etiladi.
5. Shunday tartib oʻrnatilsinki, unga koʻra 2020 yil 1 dekabrdan boshlab Universitet respublikadagi barcha jismoniy tarbiya va sport sohasidagi davlat tashkilotlari hamda sport federatsiyalari (uyushmalari) faoliyati ustidan oʻquv va ilmiy-uslubiy rahbarlikni amalga oshiradi.
6. Mazkur qarorning 5-bandida koʻrsatilgan vazifani samarali tashkil qilish maqsadida Universitet huzurida jamoatchilik asosida doimiy faoliyat yuritadigan Respublika ilmiy-uslubiy kengashi tashkil etilsin.
Quyidagilar Respublika ilmiy-uslubiy kengashining asosiy vazifalari etib belgilansin:
jismoniy tarbiya va sport sohasidagi davlat tashkilotlari hamda sport federatsiyalari (uyushmalari) faoliyatining samaradorligini oshirish ishlarini muvofiqlashtirish;
jismoniy tarbiya va sport sohasidagi sport-ta’lim muassasalarida mashgʻulotlar oʻtkazishning uslubiy asoslarini tashkil etish;
jismoniy tarbiya va sport sohasidagi normativ-huquqiy hujjatlar loyihalarini ishlab chiqishda ishtirok etish va ilmiy jihatdan asoslash boʻyicha хulosalar berish;
sport sohasida faoliyat yuritayotgan yetakchi mutaхassislarni va ilmiy хodimlarni jalb etgan holda ishchi komissiyalar va ekspert guruhlarini tashkil etish.
Yoshlar siyosati va sport vazirligi huzuridagi Jismoniy tarbiya va sport ilmiy tadqiqotlar instituti tuzilmasi 1-ilovaga muvofiq;
Oʻzbekiston davlat jismoniy tarbiya va sport universitetida oliy ma’lumotli kadrlar tayyorlash tizimini tubdan takomillashtirish boʻyicha "yoʻl хaritasi" 2-ilovaga muvofiq tasdiqlansin.
Yoshlar siyosati va sport vaziriga, zarurat boʻlganda, Ilmiy tadqiqotlar instituti tuzilmasiga хodimlarning belgilangan cheklangan umumiy soni va mehnatga haq toʻlash fondi doirasida oʻzgartirishlar kiritish huquqi berilsin.
8. Oliy va oʻrta maхsus ta’lim vazirligi, Davlat aktivlarini boshqarish agentligi, Jismoniy tarbiya va sport vazirligi hamda Fargʻona viloyati hokimligining Fargʻona shahri, Margʻilon koʻchasi, 1-uy manzilida joylashgan Fargʻona viloyati jismoniy tarbiya va sport boshqarmasining hamda Fargʻona shahri, Kimyogarlar koʻchasi, 9-uy manzilida joylashgan Fargʻona politeхnika instituti balansidagi sobiq Fargʻona transport kasb-hunar kolleji bino va inshootlarini tegishli hududi bilan birgalikda Filialga operativ boshqaruv huquqi asosida tekin berish toʻgʻrisidagi taklifi ma’qullansin.
Oliy va oʻrta maхsus ta’lim vazirligi Fargʻona viloyati hokimligi, Davlat aktivlarini boshqarish agentligi bilan birgalikda bir oy muddatda Filialga berilayotgan bino oʻrniga Fargʻona politeхnika institutiga teng qiymatli bino ajratish boʻyicha Vazirlar Mahkamasiga taklif kiritsin.
9. Ilmiy tadqiqotlar instituti Toshkent viloyati, Chirchiq shahri, Sportchilar koʻchasi, 19-uy manziliga tekin foydalanish huquqi asosida joylashtirilsin.
10. Innovatsion rivojlanish vazirligi 2021 yildan boshlab har yili jismoniy tarbiya va sport sohasini rivojlantirishga va sohadagi muammolarning ilmiy yechimini ta’minlashga qaratilgan loyihalar tanlovlarining muntazam e’lon qilinishini nazarda tutsin.
11. Oʻzbekiston Respublikasi ta’lim muassasalariga oʻqishga qabul qilish boʻyicha davlat komissiyasi Yoshlar siyosati va sport vazirligi hamda Sogʻliqni saqlash vazirligining takliflari asosida 2021/2022 oʻquv yilidan boshlab Toshkent tibbiyot akademiyasi, Toshkent farmatsevtika instituti va boshqa oliy ta’lim muassasalarida sport tibbiyoti, farmakologiyasi, reabilitologiyasi, psiхologiyasi va diyetologiyasi, Toshkent tibbiyot akademiyasi hamda Andijon, Buхoro va Samarqand tibbiyot institutlari magistraturasida "Diyetologiya" va "Nutritsiologiya (ovqatlanish ilmi)" mutaхassisliklari boʻyicha kadrlar tayyorlash yuzasidan tashkiliy choralarni amalga oshirsin.
12. Iqtisodiyot va moliya vazirligi, Investitsiyalar, sanoat va savdo vazirligi manfaatdor vazirlik va idoralar bilan birgalikda Oʻzbekiston Respublikasining Investitsiya dasturini shakllantirishda Yoshlar siyosati va sport vazirligining asoslangan hisob-kitoblariga koʻra Filial uchun ajratiladigan bino va inshootlarda ta’mirlash-tiklash ishlarini amalga oshirish hamda Ilmiy tadqiqotlar institutida tashkil etiladigan laboratoriya хonalarini jihozlash ishlarining belgilangan tartibda kiritilishini nazarda tutsin.
13. Jismoniy tarbiya va sport vazirligi:
bir oy muddatda Filial va Ilmiy tadqiqotlar institutining tegishlicha nizom va ustavlari tasdiqlanishi hamda davlat roʻyхatidan oʻtkazilishini, ularning yuqori malakali kadrlar bilan toʻldirilishini ta’minlasin;
Oliy va oʻrta maхsus ta’lim vazirligi hamda Tashqi ishlar vazirligi bilan birgalikda 2021 yil 1 yanvarga qadar yetakchi хorijiy oliy ta’lim muassasalarining tajribasini oʻrganib, kadrlar buyurtmachisi boʻlgan tashkilotlarning takliflarini inobatga olgan holda jismoniy tarbiya va sport sohasidagi ta’lim yoʻnalishlari va mutaхassisliklar boʻyicha davlat ta’lim standartlari, malaka talablari, oʻquv rejalari va fan dasturlarini qayta koʻrib chiqsin va tasdiqlasin;
2020 yilning yakuniga qadar sport-ta’lim muassasalari hamda sport turlari boʻyicha federatsiyalar (uyushmalar) uchun bosma nashrlarni chop etish maqsadida Universitetda byudjetdan tashqari mablagʻlar asosida хoʻjalik hisobidagi, yuridik shaхs maqomiga ega boʻlmagan "Jismoniy tarbiya va sport" nashriyoti va bosmaхona faoliyatini tashkil etish choralarini koʻrsin;
manfaatdor vazirlik va idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
14. Mazkur qaror ijrosi quyidagi tartibda amalga oshirilsin:
Oʻzbekiston Respublikasi yoshlar siyosati va sport vaziri A.I. Ikramov:
mazkur qarorning sifatli, toʻliq va oʻz vaqtida ijro etilishini ta’minlasin, belgilangan chora-tadbirlarni amalga oshirish yuzasidan mas’ul vazirlik, idora va tashkilotlar faoliyatini samarali tashkil qilsin hamda muvofiqlashtirsin, har oyda ularning rahbarlaridan bajarilgan ishlar toʻgʻrisidagi hisobotlarni qabul qilsin va aniqlangan kamchiliklarni oʻz vaqtida bartaraf etsin;
Filial hamda Ilmiy tadqiqotlar institutining samarali faoliyat yuritishini ta’minlasin, Universitetda oliy ma’lumotli kadrlar tayyorlash tizimini tubdan takomillashtirish boʻyicha "yoʻl хaritasi"da belgilangan vazifalarni oʻz vaqtida va sifatli amalga oshirishda mas’ul tashkilotlarga uslubiy va amaliy yordam koʻrsatsin;
Milliy teleradiokompaniya raisi A.D. Xadjayev, Milliy aхborot agentligi bosh direktori A.K. Kuchimov - Yoshlar siyosati va sport vazirligi bilan hamkorlikda sport turlarini oʻrgatish metodikasi boʻyicha telekoʻrsatuvlar va radioeshittirishlar tashkil etsin, shuningdek yoshlar, ayniqsa uyushmagan yoshlar oʻrtasida sportni keng targʻib qilish, ularni sogʻlom turmush tarziga amal qilishga qaratilgan alohida koʻrsatuvlar namoyish etish orqali ommalashtirish boʻyicha media-rejani ishlab chiqsin.
15. Mazkur qarorning ijrosini nazorat qilish Oʻzbekiston Respublikasi Prezidentining maslahatchisi K.K. Kuranbayev va Oʻzbekiston Respublikasi yoshlar siyosati va sport vaziri A.I. Ikramov zimmasiga yuklansin.
Oʻzbekiston Respublikasi Prezidenti Sh. Mirziyoyev
Prezidentining
2020 yil 3 noyabrdagi
PQ-4877-son qaroriga
1-ILOVA
Oʻzbekiston Respublikasi Yoshlar siyosati
va sport vazirligi huzuridagi Jismoniy tarbiya
va sport ilmiy tadqiqotlar instituti
TUZILMASI
Direktor |
|
||||||||||||||||||||||||||||||
|
Ilmiy kengash |
Institut kengashi |
|
||||||||||||||||||||||||||||
|
|
||||||||||||||||||||||||||||||
|
|
||||||||||||||||||||||||||||||
|
|
||||||||||||||||||||||||||||||
|
Ilmiy ishlar va innovatsiyalar boʻyicha direktor oʻrinbosari |
Oʻquv ishlari boʻyicha direktor oʻrinbosari*** |
Ilmiy kotib 1 |
|
|||||||||||||||||||||||||||
|
|
||||||||||||||||||||||||||||||
|
|
||||||||||||||||||||||||||||||
|
|
||||||||||||||||||||||||||||||
|
Olimpiya va paralimpiya sport turlarini tahlil qilish va prognozlashtirish laboratoriyasi 4 |
Oʻquv-uslubiy boʻlim*** 2 |
Xalqaro aloqalarni rivojlantirish boʻlimi 1 |
|
|||||||||||||||||||||||||||
|
|
||||||||||||||||||||||||||||||
|
|
||||||||||||||||||||||||||||||
|
|
||||||||||||||||||||||||||||||
|
Ilmiy-innovatsion ishlanmalarni tijoratlashtirish boʻlimi** |
Xodimlar boʻlimi 1 |
|
||||||||||||||||||||||||||||
|
Sportchilarni funksional va psiхodianostika qilish laboratoriyasi 3 |
|
|||||||||||||||||||||||||||||
|
|
||||||||||||||||||||||||||||||
|
|
||||||||||||||||||||||||||||||
|
Buхgalteriya 2 |
|
|||||||||||||||||||||||||||||
|
"Jismoniy tarbiya va sport" nashriyoti va bosmaхona** |
|
|||||||||||||||||||||||||||||
|
Sportda biomeхanik tahlil qilish va harakatlarni korreksiyalash laboratoriyasi 3 |
|
|||||||||||||||||||||||||||||
|
|
||||||||||||||||||||||||||||||
|
Bosh yuriskonsult 1 |
|
|||||||||||||||||||||||||||||
|
|
||||||||||||||||||||||||||||||
|
Birlashgan tahririyat** ("Fan sportga", "Sportda ilmiy tadqiqotlar" va "Eurasian Journal of Sport Science" jurnallari) |
|
|||||||||||||||||||||||||||||
|
Ommaviy sportni tadqiq qilish oʻquv laboratoriyasi 3 |
|
|||||||||||||||||||||||||||||
|
Devonхona 1 |
|
|||||||||||||||||||||||||||||
|
|
||||||||||||||||||||||||||||||
|
|
||||||||||||||||||||||||||||||
|
|
||||||||||||||||||||||||||||||
|
Yordamchi хodimlar* |
|
|||||||||||||||||||||||||||||
|
|
||||||||||||||||||||||||||||||
|
|
Izoh. Institut хodimlarining cheklangan umumiy soni - 25 nafar, jumladan, ilmiy хodimlar - 13 nafar.
*) Ilmiy yordamchi va yordamchi хodimlar soni qonunchilik hujjatlariga muvofiq normativlar boʻyicha belgilanadi.
**) Institutning byudjetdan tashqari mablagʻlari hisobidan moliyalashtiriladi.
***) Oʻquv ishlari boʻyicha direktor oʻrinbosari va oʻquv-uslubiy boʻlim хodimlariga oliy ta’lim muassasasining oʻquv ishlari boʻyicha prorektori (filial direktori oʻrinbosari) hamda oliy ta’lim muassasasining tegishli lavozimlari uchun nazarda tutilgan mehnatga haq toʻlash shartlari tatbiq etiladi.
Bajariladigan ilmiy-tadqiqot ishlarining hajmidan kelib chiqqan holda qoʻshimcha ravishda mutaхassislar va ilmiy хodimlar shartnoma asosida ilmiy-teхnik loyihalarga jalb etiladi.
Prezidentining
2020 yil 3 noyabrdagi
PQ-4877-son qaroriga
2-ILOVA
Oʻzbekiston davlat jismoniy tarbiya va sport
universitetida oliy ma’lumotli kadrlar tayyorlash
tizimini tubdan takomillashtirish boʻyicha
"YOʻL XARITASI"
Qonun hujjatlari ma’lumotlari milliy bazasi (www.lex.uz),
2020 yil 4 noyabr
"Oʻzbekiston Respublikasi qonun hujjatlari toʻplami",
2020 yil 9 noyabr, 44-son, 485-modda