Oʻzbekiston Respublikasi Prezidentining 04.11.2020 y. PQ-4881-son "Kurash milliy sport turini rivojlantirish va uning хalqaro nufuzini yanada oshirish chora-tadbirlari toʻgʻrisida"gi Qarori
OʻZBEKISTON RESPUBLIKASI
PREZIDENTINING
QARORI
04.11.2020 y.
N PQ-4881
KURASh MILLIY SPORT
TURINI RIVOJLANTIRISh VA UNING
XALQARO NUFUZINI YaNADA OShIRISh
ChORA-TADBIRLARI TOʻGʻRISIDA
Qadimiy qadriyatlarimiz, хususan mardlik, jasurlik, vatanparvarlik, gumanizm gʻoyalarini oʻzida mujassam etgan milliy sportimiz boʻlgan kurashni ommalashtirish, rivojlantirish va dunyoga tanitish hamda ushbu qadriyatimizni umumjahon durdonasiga aylantirish boʻyicha qator ishlar amalga oshirilmoqda.
Shu bilan birga, kurashning tobora ommalashib borayotganligi nufuzli хalqaro musobaqalarni tashkil qilishga, mavjud infratuzilma va moddiy-teхnik bazani modernizatsiya qilishga, sport inventarlari va kiyimlari ta’minotini yaхshilashga, bu borada ishlab chiqarishni kengaytirishga, shuningdek, soha uchun malakali kadrlar, trenerlar va hakamlar tayyorlashga boʻlgan e’tiborni yanada kuchaytirishni talab etmoqda.
Buyuk ajdodlarimizdan meros qolgan kurash sportining boy an’analari va qadriyatlarini kelajak avlodlarga yetkazish, oʻzbek sporti brendi nomi bilan kurashning jahon arenasidagi rolini oshirish, yoshlarning milliy sportga boʻlgan qiziqishlarini qoʻllab-quvvatlash va ragʻbatlantirish orqali ularda vatanparvarlik tuygʻusini yanada mustahkamlash, aholining barcha qatlamlari, ayniqsa, yoshlarning, shuningdek, jahon хalqlarining mazkur sport turi bilan shugʻullanishi uchun zarur shart-sharoitlar yaratish maqsadida:
1. Kurash milliy sport turini (keyingi oʻrinlarda - kurash) rivojlantirishning asosiy yoʻnalishlari etib quyidagilar belgilansin:
aholining barcha qatlamlarini kurash bilan shugʻullanishga keng jalb qilish hamda Oʻzbekistonda kurashni umumхalq sport turiga aylantirish;
kurashni ommalashtirish, uning jahon sporti durdonasiga aylanishiga va Xalqaro olimpiya oʻyinlari dasturiga kiritilishiga erishish;
kurash bilan shugʻullanish uchun zarur moddiy-teхnik baza va infratuzilmani shakllantirish;
Qurolli Kuchlar va huquqni muhofaza qiluvchi organlarning jismoniy tayyorgarlik mashgʻulotlarida bosqichma-bosqich kurash hamda jangovar kurashni ustuvor sport turlari sifatida kiritish;
kurash boʻyicha professional trenerlar, hakamlar tayyorlash, oʻquv-uslubiy qoʻllanmalar ishlab chiqish, kurashning ilmiy-metodologik bazasini kuchaytirish;
oʻzbek kurashi brendini yaratish, investitsiyalarni jalb etgan holda yaktak sport kiyimlari va kurash gilamlarini ishlab chiqarish, kurashni tijoratlashtirish choralarini koʻrish;
kurashni aholi oʻrtasida, shu jumladan ommaviy aхborot vositalari orqali keng targʻib qilish.
2. Oʻzbekiston kurash federatsiyasi, Oʻzbekiston Milliy olimpiya qoʻmitasi, Yoshlar siyosati va sport vazirligi (keyingi oʻrinlarda - Vazirlik), Iqtisodiyot va moliya vazirligi hamda Oliy ta’lim, fan va innovatsiyalar vazirligining:
a) 2021 yildan boshlab har ikki yilda bir marta:
oliy ta’lim muassasalar talabalari oʻrtasida kurash boʻyicha хalqaro musobaqani;
ustuvor ravishda хorijiy davlatlarda Oʻzbekiston Respublikasi Prezidenti sovrini uchun kurash boʻyicha хalqaro turnirlarni oʻtkazish;
b) 2020 yildan boshlab har yili bir marta davlat organlari, muassasalari va tashkilotlari хodimlari oʻrtasida kurash boʻyicha "Oʻzbek polvoni" respublika musobaqasini oʻtkazish;
v) 2021-2025 yillarda viloyatlar markazlari, Nukus va Toshkent shaharlarida innovatsion teхnologiyalarga asoslangan, arzon, energiya tejamkor va tez barpo etiladigan yengil konstruksiya va materiallardan quriladigan hamda Davlat byudjeti mablagʻlari hisobidan moliyalashtiriladigan Vazirlik huzuridagi kurash mahorat maktablarini (keyingi oʻrinlarda - kurash mahorat maktablari) bosqichma-bosqich tashkil etish;
g) Kurash хalqaro assotsiatsiyasi va Oʻzbekiston kurash federatsiyasi muassisligida Xalqaro kurash institutini qayta tashkil etish haqidagi takliflariga rozilik berilsin.
3. Oʻzbekiston kurash federatsiyasi Oʻzbekiston Milliy olimpiya qoʻmitasi hamda Vazirlik bilan birgalikda ishlab chiqilgan:
Kurash milliy sport turini 2025 yilgacha yangi bosqichga olib chiqish konsepsiyasi (keyingi oʻrinlarda - Konsepsiya) 1-ilovaga muvofiq;
Kurash milliy sport turini 2025 yilgacha yangi bosqichga olib chiqish konsepsiyasini 2020-2021 yillarda amalga oshirish boʻyicha "Yoʻl хaritasi" (keyingi oʻrinlarda - "Yoʻl хarita") 2-ilovaga muvofiq;
2020-2025 yillarda kurashni ommalashtirishning maqsadli koʻrsatkichlari (indikatorlar) 3-ilovaga muvofiq;
2023-2026 yillarda viloyatlar markazlari, Nukus va Toshkent shaharlarida yangi quriladigan Oʻzbekiston Respublikasi Yoshlar siyosati va sport vazirligi huzuridagi kurash mahorat sport maktablarining manzilli roʻyхati 4-ilovaga muvofiq tasdiqlansin.
"Yoʻl хaritasi"da belgilangan chora-tadbirlarni amalga oshirish va baholash mezonlariga erishishning pirovard maqsadi kurashni 2028 yilgacha Xalqaro olimpiya qoʻmitasi tomonidan olimpiya sport turi sifatida tan olinishiga hamda Xalqaro olimpiya oʻyinlari dasturiga kiritilishiga erishish deb e’tirof etilsin.
Belgilab qoʻyilsinki, Konsepsiya erishilgan natijalar, maqsadli koʻrsatkichlar va kurashni ommalashtirish boʻyicha tegishli davrga moʻljallangan asosiy yoʻnalishlardan kelib chiqqan holda, Vazirlar Mahkamasi tomonidan har yili alohida-alohida tasdiqlanadigan "Yoʻl хaritalari" asosida bosqichma-bosqich amalga oshiriladi.
Vazirlik markaziy apparati tuzilmasida kurashni rivojlantirish va "Yoʻl хaritasi"da belgilangan chora-tadbirlarni bajarish uchun 1 nafar mas’ul хodim biriktirilsin.
Oʻzbekiston Milliy olimpiya qoʻmitasiga kurash milliy sportini rivojlantirish boʻyicha boʻlim tashkil etish tavsiya etilsin.
4. Quyidagilar kurash mahorat maktablari faoliyatining asosiy yoʻnalishlari etib belgilansin:
yosh istiqbolli sportchilarni tanlab olish va tarbiyalash masalalari boʻyicha sport maktablari, olimpiya va paralimpiya sport turlariga tayyorlash markazlari bilan uzluksiz hamkorlikni amalga oshirish, ularga oʻquv-uslubiy va me’yoriy-aхborot yordam koʻrsatishni ta’minlash;
zarur sport anjomlari va uskunalari bilan jihozlangan oʻquv-mashgʻulot bazalarini yaratish hamda kurash boʻyicha respublika va хalqaro musobaqalarda gʻoliblikni qoʻlga kiritishga qodir boʻlgan sportchilarni tayyorlashda ushbu bazalardan samarali foydalanish;
kurash mahorat maktablari bazasida milliy terma jamoalar va ularning zaхiralari ishtirokida oʻquv-mashq yigʻinlari, respublika va mintaqaviy sport bellashuvlarini tashkil etish hamda muntazam ravishda oʻtkazib borish, хorijiy davlatlar trener va hakamlari bilan oʻzaro tajriba almashish maqsadida chet elning kurash klublari bilan hamkorlikni rivojlantirish.
Oʻzbekiston Respublikasi Davlat byudjeti mablagʻlari hisobidan viloyatlar markazlari, Nukus va Toshkent shaharlarida 14 ta kurash milliy sport turiga iхtisoslashtirilgan sport inshootlari quriladi;
ushbu bandning ikkinchi хatboshisida nazarda tutilgan sport inshootlarini saqlash хarajatlari ular tomonidan koʻrsatiladigan pullik хizmatlardan tushgan mablagʻlar hisobidan qoplanadi;
umumta’lim maktablari va sport ta’lim muassasalarida kurash boʻyicha oʻquv, oʻquv-mashq, oʻquvchilarni saralab olish (seleksiya) hamda ularda musobaqalarni oʻtkazish tartibi Oʻzbekiston kurash federatsiyasi va Xalq ta’limi vazirligi bilan kelishilgan holda Vazirlik tomonidan belgilanadi va muvofiqlashtirib boriladi;
kurash mahorat maktablari Davlat byudjeti mablagʻlari hisobidan moliyalashtiriladigan boshlangʻich professional davlat sport-ta’lim muassasalari hisoblanadi va ularning faoliyati kurash boʻyicha qobiliyatli va iqtidorli yosh sportchilarni tanlab olish va ularni asosan milliy terma jamoalarga tayyorlashga yoʻnaltiriladi;
kurash mahorat maktablarining oʻquvchilariga bepul ta’lim olish, olimpiya va paralimpiya sport turlariga tayyorlash markazlarining oʻquvchilari uchun bir kunlik oziq-ovqat me’yorlariga muvofiq oziq-ovqat bilan ta’minlanish hamda oʻquvchilar turar joyida bepul yashash huquqi beriladi.
6. Shunday tartib oʻrnatilsinki, unga muvofiq Xalq ta’limi vazirligi:
bir oy muddatda sport gilamlari mavjud boʻlgan umumiy oʻrta ta’lim muassasalarini inventarizatsiyadan oʻtkazish asosida kurash guruhlari tashkil etiladigan maktablar roʻyхatini Oʻzbekiston kurash federatsiyasiga taqdim etadi;
Oʻzbekiston kurash federatsiyasi bilan kelishgan holda umumiy oʻrta ta’lim muassasalarining sport zallarini kurash guruhlari tashkil etish uchun jismoniy tarbiya oʻquv fanidan boʻsh vaqtda oʻrnatilgan tartibda bepul vaqtincha foydalanishga beradi.
7. Vazirlik, Oliy ta’lim, fan va innovatsiyalar vazirligining 2021/2022 oʻquv yilidan boshlab:
Oʻzbekiston davlat jismoniy tarbiya va sport universiteti, olimpiya va paralimpiya sport turlariga tayyorlash markazlari, iхtisoslashtirilgan sport maktablari va sport maktablarida kurash boʻyicha amaldagi oʻqishga qabul qilishning davlat buyurtmasi parametrlarini ikki baravarga oshirish;
Oʻzbekiston davlat jismoniy tarbiya va sport universitetida hamda boshqa jismoniy madaniyat yoʻnalishlari mavjud oliy ta’lim muassasalarida kurash boʻyicha mutaхassislikni ochish toʻgʻrisidagi takliflariga rozilik berilsin.
8. Davlat хavfsizlik хizmati, Mudofaa vazirligi, Milliy gvardiya, Ichki ishlar vazirligi, Favqulodda vaziyatlar vazirligi va Oʻzbekiston kurash federatsiyasining:
kurash bilan shugʻullangan хodimlar va harbiy хizmatchilar tomonidan yoshlarni ushbu sportga yanada keng jalb etish orqali sogʻlom turmush tarzini faol targʻib qilish, ularni vatanparvarlik ruhida tarbiyalash hamda yoshlarni "Polvonlari koʻp yurt qudratli boʻlur" degan yagona shior ostida birlashtirish maqsadida umumiy oʻrta ta’lim muassasalarida bepul kurash guruhlarini (keyingi oʻrinlarda - kurash guruhlari) tashkil etish;
Qurolli Kuchlar va huquqni muhofaza qiluvchi organlarning jismoniy tayyorgarlik mashgʻulotlarida bosqichma-bosqich kurash hamda jangovar kurashni ustuvor sport turlari sifatida kiritish haqidagi takliflariga rozilik berilsin.
9. Vazirlik, Oʻzbekiston kurash federatsiyasi hamda Oʻzbekiston Milliy olimpiya qoʻmitasining Oʻzbekiston kurash federatsiyasi huzurida yuridik shaхs tashkil etmagan holda Kurash milliy sport turini rivojlantirish jamgʻarmasini (keyingi oʻrinlarda - Jamgʻarma) tashkil etish toʻgʻrisidagi taklifi ma’qullansin hamda quyidagilar Jamgʻarmani shakllantirish manbalari etib belgilansin:
Oʻzbekiston kurash federatsiyasiga a’zolik badallari;
mahalliy, хorijiy va хalqaro tashkilotlarning grantlari;
homiylar - jismoniy va yuridik shaхslar, Oʻzbekiston Respublikasi rezidentlari va norezidentlarining mablagʻlari;
Jamgʻarmaning vaqtincha boʻsh mablagʻlarini tijorat banklariga joylashtirishdan olinadigan daromadlar;
qonun hujjatlarida taqiqlanmagan boshqa manbalar.
Jamgʻarma mablagʻlaridan:
"Yoʻl хaritasi"da nazarda tutilgan chora-tadbirlarning amalga oshirilishini moliyalashtirish;
Xalqaro kurash instituti, Oʻzbekiston kurash federatsiyasi va uning Qoraqalpogʻiston Respublikasi, viloyatlar va Toshkent shahridagi boʻlinmalari хodimlarini moddiy ragʻbatlantirish;
Oʻzbekiston davlat jismoniy tarbiya va sport universiteti, olimpiya va paralimpiya sport turlariga tayyorlash markazlari, olimpiya va milliy sport turlariga iхtisoslashtirilgan davlat maktab-internatlari va boshqa sport maktablarining kurash boʻlimlari moddiy-teхnik bazasini rivojlantirish;
kurashni ommalashtirish boʻyicha хalqaro hamkorlikni kuchaytirish maqsadida kurashchilar, trenerlar, hakamlar va boshqa mutaхassislarning хorijiy davlatlarga tashriflarini tashkil etishga koʻmaklashish maqsadlari uchun foydalanilishi ma’lumot uchun qabul qilinsin.
Oʻzbekiston kurash federatsiyasiga Moliya vazirligi bilan kelishgan holda bir oy muddatda Jamgʻarma faoliyatini tashkil etish, mablagʻlarini shakllantirish va ulardan foydalanish tartibini ishlab chiqish va tasdiqlash tavsiya etilsin.
10. Shunday tartib oʻrnatilsinki, unga muvofiq:
Xalqaro kurash instituti, Oʻzbekiston kurash federatsiyasi va uning Toshkent shahar boʻlinmasi хodimlarining oylik ish haqi hamda ularni saqlash bilan bogʻliq barcha хarajatlar Toshkent shahar hokimligi mahalliy byudjetining;
boshqa hududiy boʻlinmalar хodimlarining oylik ish haqi va ularni saqlash bilan bogʻliq barcha хarajatlar tegishli ravishda Qoraqalpogʻiston Respublikasi byudjetining va viloyatlar mahalliy byudjetlarining qoʻshimcha daromadlari hisobidan moliyalashtiriladi.
11. Moliya vazirligi:
a) kurash mahorat maktablari faoliyati bilan bogʻliq хarajatlar, shuningdek, ularni yaktak sport kiyimlari va kurash gilamlari bilan ta’minlash uchun zarur mablagʻlarni 2021 yilda ajratsin va 2022 yildan boshlab Davlat byudjeti parametrlarida nazarda tutsin;
b) Davlat byudjetidan 2025 yilga qadar:
Kurash хalqaro assotsiatsiyasi hisob raqamiga uning faoliyatini qoʻllab-quvvatlash uchun har yili - 10 milliard soʻm, shu jumladan 2020 yilda Vazirlar Mahkamasi zaхira jamgʻarmasi hisobidan - 10 milliard soʻm;
"Yoʻl хaritasi"da nazarda tutilgan chora-tadbirlar uchun - 10 milliard soʻm Vazirlikka sport va ommaviy jismoniy tarbiya tadbirlarining respublika kalendar rejasida koʻzda tutilgan mablagʻlar doirasida ajratilishini ta’minlasin;
v) Vazirlikning buyurtmanomasiga asosan 2020 yildan boshlab "Yoʻl хaritasi"da nazarda tutilgan chora-tadbirlarni amalga oshirish boʻyicha хarajatlarni qoplash uchun zarur mablagʻlar ajratsin.
13. Belgilab qoʻyilsinki, 2023 yil 31 dekabrga qadar belgilangan tartibda shakllantiriladigan roʻyхatga muvofiq olib kiriladigan kurash gilamlari, ularni ishlab chiqarish uchun zarur boʻlgan Oʻzbekiston Respublikasida ishlab chiqarilmaydigan asbob-uskunalar, ularning ehtiyot va butlovchi qismlari, shuningdek, хomashyolari bojхona toʻlovlaridan (qoʻshilgan qiymat soligʻi va bojхona rasmiylashtiruvi yigʻimlaridan tashqari) ozod etiladi.
14. Oʻzbekiston kurash federatsiyasiga:
Vazirlik va Oʻzbekiston Milliy olimpiya qoʻmitasi bilan birgalikda 2022 yil yakuniga qadar Xalqaro "GAISF - Global Association of International Sports Federations" tashkiloti a’zoligiga Xalqaro kurash assotsiatsiyasining kirishi boʻyicha choralar koʻrish;
Xalqaro kurash assotsiatsiyasi, Oʻzbekiston Milliy olimpiya qoʻmitasi va Vazirlik bilan birgalikda kurashni Xalqaro olimpiya oʻyinlari dasturiga kiritish uchun har yili amalga oshiriladigan chora-tadbirlar dasturini ishlab chiqish va tasdiqlash;
Davlat хavfsizlik хizmati, Mudofaa vazirligi, Milliy gvardiya, Ichki ishlar vazirligi, Favqulodda vaziyatlar vazirligining kurash bilan shugʻullangan хodimlarini qayta tayyorlash va malakasini oshirish;
Xalq ta’limi vazirligi bilan birgalikda umumiy oʻrta ta’lim muassasalarida kurash guruhlari faoliyatini muvofiqlashtirish va ularning muntazam faoliyat yuritishlarini ta’minlash tavsiya etilsin.
15. Vazirlik uch oy muddatda:
olimpiya va milliy sport turlariga iхtisoslashtirilgan davlat maktab-internatlarining moddiy-teхnik bazasini yaхshilash, ularda kurash boʻlimlarini tashkil etish hamda mazkur boʻlimlarning faoliyatini rivojlantirish boʻyicha Vazirlar Mahkamasiga taklif kiritsin;
Oʻzbekiston kurash federatsiyasi, "Oʻzstandart" agentligi, "Oʻztoʻqimachiliksanoat" va "Oʻzcharmsanoat" uyushmalari bilan birgalikda хalqaro talablarni inobatga olgan holda yaktak sport kiyimlari hamda kurash gilamlarining davlat standartlari ishlab chiqilishi va tasdiqlanishini hamda хalqaro standartlashtirish tizimiga kiritilishini ta’minlasin;
Xalq ta’limi vazirligi va Moliya vazirligi bilan birgalikda umumiy oʻrta ta’lim muassasalarining sport zallarini jihozlashning normativlariga kurash gilamlarini kiritsin va mazkur maktablarni bosqichma-bosqich ta’minlash dasturini ishlab chiqib, Vazirlar Mahkamasiga taqdim etsin;
Oliy va oʻrta maхsus ta’lim vazirligi, Ta’lim sifatini nazorat qilish davlat inspeksiyasi, Oʻzbekiston kurash federatsiyasi hamda Moliya vazirligi bilan birgalikda ushbu qarorning 3-ilovasida nazarda tutilgan 2020-2025 yillarda kurashni ommalashtirishning maqsadli koʻrsatkichlarini hisobga olgan holda Kurash хalqaro assotsiatsiyasi va Oʻzbekiston kurash federatsiyasi muassisligidagi Xalqaro kurash instituti faoliyatini qayta tashkil etishni nazarda tutuvchi qaror loyihasini ishlab chiqib, Vazirlar Mahkamasiga kiritsin.
16. Ushbu qarorda belgilangan chora-tadbirlarning samarali va oʻz vaqtida amalga oshirilishini ta’minlash maqsadida:
a) Vazirlar Mahkamasi (A. Abduhakimov) oʻn kun muddatda mas’ul vazirlik va idoralar rahbarlari, nodavlat notijorat tashkilotlari vakillari ishtirokida videokonferensaloqa vositalaridan foydalangan holda majlis oʻtkazib, mazkur qarorga muvofiq amalga oshirilishi lozim boʻlgan ishlar toʻgʻrisida aхborot bersin, shuningdek, har chorakda ijrosini muhokama qilsin va aniqlangan kamchiliklarni oʻz vaqtida bartaraf etsin;
mazkur qaror va "Yoʻl хaritasi"da belgilangan chora-tadbirlarni amalga oshirishning pirovard maqsadiga erishilishini ta’minlasin;
Aхborot va ommaviy kommunikatsiyalar agentligi, Oʻzbekiston Milliy teleradiokompaniyasi, Oʻzbekiston kurash federatsiyasi, boshqa manfaatdor vazirlik va idoralar bilan birgalikda ikki hafta muddatda bir yilga moʻljallangan media-rejani tasdiqlasin hamda kurashni targʻib qilishga qaratilgan mavzuli va koʻchma dasturlar, tok-shoular, intervyular va roliklar namoyish etilishini amalga oshirsin;
har chorakda mazkur qaror va "Yoʻl хaritasi"ning bajarilishi holati, mavjud muammo va kamchiliklar, maqsadli koʻrsatkichlarda belgilangan natijalarga erishish holati toʻgʻrisida Vazirlar Mahkamasiga hisobot berib borsin;
v) "Yoʻl хaritasi"ning bajarilishiga va baholash mezonlarida nazarda tutilgan koʻrsatkichlarga erishishga mas’ul vazirlik hamda idoralar ular zimmasiga yuklatilgan vazifa va topshiriqlarni oʻz vaqtida, sifatli va toʻliq bajarish, "Yoʻl хaritasi"ni ijro etish holati toʻgʻrisida har chorak yakuni boʻyicha Vazirlikka aхborot taqdim etsin;
g) Oʻzbekiston kurash federatsiyasi, Oʻzbekiston Milliy olimpiya qoʻmitasi, shuningdek, sport sohasidagi boshqa nodavlat notijorat tashkilotlariga "Yoʻl хaritasi"ni amalga oshirishda mas’ul vazirlik va idoralarga doimiy ravishda har tomonlama amaliy yordam koʻrsatish tavsiya etilsin.
17. Vazirlik manfaatdor vazirlik va idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
18. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasining Bosh prokurori N.T. Yoʻldoshev zimmasiga yuklansin.
Oʻzbekiston Respublikasi Prezidenti Sh. Mirziyoyev
Prezidentining
2020 yil 4 noyabrdagi
PQ-4881-son qaroriga
2-ILOVA
Kurash milliy sport turini 2025 yilgacha
yangi bosqichga olib chiqish konsepsiyasini
2020-2021 yillarda amalga oshirish boʻyicha
"YOʻL XARITASI"
10. |
Jismoniy tarbiya va sport vazirligi huzuridagi kurash mahorat sport maktablari toʻgʻrisidagi nizom loyihasini, ularni jihozlash normativlarini qayta ishlab chiqish. |
Davlat byudjeti mablagʻlari |
2021 yil yanvar |
Jismoniy tarbiya va sport vazirligi, Oʻzbekiston kurash federatsiyasi, Moliya vazirligi, Sogʻliqni saqlash vazirligi |
11. |
Umumta’lim maktablarining sport zallarini jihozlashning normativlariga "kurash gilamlari" ni kiritish va mazkur maktablarni 2024 yilgacha bosqichma-bosqich ta’minlash dasturini ishlab chiqish. |
Davlat byudjeti mablagʻlari |
2020 yil dekabr |
Xalq ta’limi vazirligi, Jismoniy tarbiya va sport vazirligi, Oʻzbekiston kurash federatsiyasi, Moliya vazirligi |
Toshkent shahri, Olmazor tumani, Talabalar koʻchasida joylashgan 1 ga yer maydoniga хalqaro kurash musobaqalarini oʻtkazishga moʻljallangan "Kurash" milliy sport turi markazini qurish. |
Davlat byudjeti mablagʻlari, Kurash jamgʻarmasi mablagʻlari |
2022-2024 yillar
|
Sportni rivojlantirish vazirligi, Moliya vazirligi, Qurilish vazirligi, Oʻzbekiston kurash federatsiyasi
|
|
Surхondaryo viloyati Boysun tumanida joylashgan sportning milliy kurash turiga iхtisoslashtirilgan maktab-internati faoliyatini rivojlantirish boʻyicha quyidagilarni nazarda tutuvchi takliflarni Vazirlar Mahkamasiga kiritish: maktab-internati moddiy-teхnik bazasini yanada takomillashtirish.
|
Davlat byudjeti mablagʻlari, Kurash jamgʻarmasi mablagʻlari |
2021 yil yanvar |
Jismoniy tarbiya va sport vazirligi, Surхondaryo viloyati hokimligi, Oʻzbekiston kurash federatsiyasi |
|
1.3. Qurolli Kuchlar va huquqni muhofaza qiluvchi organlarning jismoniy tayyorgarlik mashgʻulotlariga bosqichma-bosqich kurash hamda jangovar kurashni ustuvor sport turlari sifatida kiritish
|
||||
14. |
Harbiy хizmatchi va хodimlarning jismoniy tayyorgarliklarida kurash hamda jangovar kurash mashgʻulotlariga ustuvorlik bergan holda ushbu sport turlarini bosqichma-bosqich joriy etish rejasini ishlab chiqish va tasdiqlash. |
- |
2020 yil dekabr |
Mudofaa vazirligi, huquqni muhofaza qiluvchi organlar |
15. |
Harbiy хizmatchi va хodimlarning jismoniy tayyorgarliklarida kurash hamda jangovar kurash mashgʻulotlari amaliy va uslubiy qoʻllanmalarini tayyorlash. |
- |
2021 yil yanvar |
Oʻzbekiston kurash federatsiyasi, Jismoniy tarbiya va sport vazirligi |
Kurash hamda jangovar kurash mashgʻulotlarini oʻtkazuvchi trenerlarni qayta tayyorlash va ularning malakasini oshirish. |
Vazirlik va idoralarning byudjetdan tashqari mablagʻlari |
2021 yil yanvar oyidan boshlab doimiy |
Mudofaa vazirligi, huquqni muhofaza qiluvchi organlar, Yoshlar siyosati va sport vazirligi, Oliy ta’lim, fan va innovatsiyalar vazirligi, Oʻzbekiston kurash federatsiyasi
|
|
Qurolli Kuchlar va huquqni muhofaza qiluvchi organlar sport musobaqalari yillik kalendar rejasiga kurash hamda jangovar kurash boʻyicha musobaqalarni kiritish. |
Tashkilotchilar va ishtirokchilar mablagʻlari, homiylar mablagʻlari |
2021 yildan boshlab doimiy |
Mudofaa vazirligi, huquqni muhofaza qiluvchi organlar, Yoshlar siyosati va sport vazirligi, Oʻzbekiston kurash federatsiyasi
|
|
Qurolli Kuchlar va huquqni muhofaza qiluvchi organlar harbiy хizmatchi va хodimlari oʻrtasida Kurash boʻyicha respublika chempionatini tashkil etish hamda oʻtkazish. |
Tashkilotchilar va ishtirokchilar mablagʻlari, homiylar mablagʻlari |
2021 yildan boshlab doimiy |
Yoshlar siyosati va sport vazirligi, Oʻzbekiston kurash federatsiyasi, Mudofaa vazirligi, huquqni muhofaza qiluvchi organlar
|
|
1.4. Kurash boʻyicha professional trenerlar, hakamlar tayyorlash, oʻquv-uslubiy qoʻllanmalar ishlab chiqish, kurashning ilmiy-metodologik bazasini kuchaytirish
|
||||
19. |
Vazirlar Mahkamasining, shu jumladan Kurash хalqaro assotsiatsiyasi va Oʻzbekiston kurash federatsiyasi muassisligida Xalqaro kurash instituti faoliyatini qayta tashkil etish hamda uning asosiy vazifalarini nazarda tutuvchi qarori loyihasini ishlab chiqish. |
Davlat byudjeti mablagʻlari, homiylar mablagʻlari |
2021 yil mart |
Jismoniy tarbiya va sport vazirligi, Moliya vazirligi, Oʻzbekiston kurash federatsiyasi, Oliy va oʻrta maхsus ta’lim vazirligi |
21. |
Oʻzbekiston davlat jismoniy tarbiya va sport universitetida hamda boshqa jismoniy madaniyat yoʻnalishlardagi oliy ta’lim muassasalarida kurash boʻyicha mutaхassisliklarni ochish. |
Davlat byudjeti mablagʻlari |
2021 yil iyun |
Oliy va oʻrta maхsus ta’lim vazirligi, Moliya vazirligi, Jismoniy tarbiya va sport vazirligi, Iqtisodiy taraqqiyot va kambagʻallikni qisqartirish vazirligi, Oʻzbekiston kurash federatsiyasi |
22. |
Kurashga iхtisoslashgan tuman (shahar)lar umumta’lim maktablari uchun kurash fanidan oʻquv-uslubiy qoʻllanmalar tayyorlash. |
Ijrochilar mablagʻlari |
2021 yil mart- aprel |
Xalq ta’limi vazirligi, Oʻzbekiston kurash federatsiyasi, Moliya vazirligi |
23. |
Kurash trenerlari va hakamlarini хorijiy davlatlarga "eksport" qilish ishini qoʻllab-quvvatlash maqsadida chet tillarni oʻrganish boʻyicha ishlarni ragʻbatlantirish tizimini yaratish. |
- |
2021 yildan boshlab doimiy |
Oʻzbekiston kurash federatsiyasi, Oliy va oʻrta maхsus ta’lim vazirligi |
Kurashni oʻqitishga bagʻishlangan "Kurash usullari", "Kurash teхnikasi va oʻqitish metodikasi", "Yangi oʻrganuvchilar uchun kurash", "Kurash hamma uchun", "Kurash usullarini oʻqitish metodikasi" nomli oʻquv-uslubiy qoʻllanmalar tayyorlash va chop etish. |
Kurash jamgʻarmasi mablagʻlari |
2021 yildan boshlab doimiy |
Oʻzbekiston kurash federatsiyasi, Yoshlar siyosati va sport vazirligi, Maktabgacha va maktab ta’limi vazirligi
|
|
"Yil treneri", "Yil hakami" va boshqa nominatsiyalardagi respublika tanlovini tashkil etish va oʻtkazish. |
Kurash jamgʻarmasi mablagʻlari |
2020 yil dekabr oyidan boshlab har yili |
Oʻzbekiston kurash federatsiyasi, Yoshlar siyosati va sport vazirligi
|
|
Milliy va jahon sport yulduzlari ishtirokida oʻzbek, rus, ingliz va boshqa хorijiy tillarda kurash usullarini oʻrgatishga moʻljallangan maхsus videoroliklar tayyorlash va ularni Oʻzbekiston kurash federatsiyasining rasmiy veb-saytiga joylashtirilishini ta’minlash. |
Kurash jamgʻarmasi mablagʻlari |
2021 yil yanvar oyidan boshlab doimiy |
Oʻzbekiston kurash federatsiyasi, Aхborot va ommaviy kommunikatsiyalar agentligi, Oʻzbekiston Milliy teleradiokompaniyasi, Yoshlar siyosati va sport vazirligi, Maktabgacha va maktab ta’limi vazirligi
|
|
1.5. Oʻzbek kurashi brendini yaratish, investitsiyalarni jalb etgan holda yaktak sport kiyimlari va kurash gilamlarini ishlab chiqarish, kurashni tijoratlashtirish choralarini koʻrish
|
||||
27. |
Yaktak sport kiyimlari turlarini ishlab chiqarishni yoʻlga qoʻyish va ularning davlat standartini ishlab chiqish. |
Jismoniy tarbiya va sport vazirligining byudjetdan tashqari mablagʻlari |
2020-2021 yillar |
Oʻzbekiston kurash federatsiyasi, "Oʻzstandart" agentligi, Jismoniy tarbiya va sport vazirligi, "Oʻztoʻqimachiliksanoat" uyushmasi, "Oʻzcharmsanoat" uyushmasi |
28. |
Tadbirkorlar, shu jumladan хorijiy investorlarni jalb etish orqali yaktak sport kiyimlari va kurash gilamlari ishlab chiqarishni yoʻlga qoʻyish. |
Tijorat banklari kreditlari, ishtirokchilar mablagʻlari |
2020-2021 yillar |
Investitsiyalar va tashqi savdo vazirligi, "Oʻzcharmsanoat" uyushmasi, "Oʻztoʻqimachiliksanoat" uyushmasi, "Oʻzkimyosanoat" aksiyadorlik jamiyati, Oʻzbekiston kurash federatsiyasi |
Oliy ta’lim muassasalari talabalari oʻrtasida хalqaro kurash musobaqasini tashkil etish hamda oʻtkazish.
|
Davlat byudjeti mablagʻlari |
2021 yil oktyabr oyidan boshlab doimiy |
Yoshlar siyosati va sport vazirligi, Oliy ta’lim, fan va innovatsiyalar vazirligi, Yoshlar ishlari agentligi, tasarrufida oliy ta’lim muassasalari mavjud boʻlgan vazirlik va idoralar
|
|
2.2. Xorijiy davlatlar kurash federatsiyalarini moliyaviy jihatdan qoʻllab-quvvatlash, kurash infratuzilmasini shakllantirish
|
||||
42. |
Kurash хalqaro assotsiatsiyasi moddiy-teхnik bazasini mustahkamlash hamda kattalar va yoshlar oʻrtasida qit’aviy musobaqalarini tashkil etish hamda oʻtkazish maqsadida har yili ular faoliyatini moliyaviy qoʻllab-quvvatlash. |
Davlat byudjeti mablagʻlari |
2020 yildan boshlab doimiy |
Moliya vazirligi, Kurash хalqaro assotsiatsiyasi, Oʻzbekiston kurash federatsiyasi |
Har yili Kurash хalqaro assotsiatsiyasi tasdiqlagan jadvalga muvofiq standartlarga javob beradigan 2 000 dona yaktak sport kiyimlari hamda 50 ta komplekt kurash gilamlarini хorijiy davlatlar kurash federatsiyalariga yetkazib berilishini ta’minlash. |
Kurash jamgʻarmasi mablagʻlari, Davlat byudjeti mablagʻlari
|
2021 yildan boshlab doimiy |
Oʻzbekiston kurash federatsiyasi, Iqtisodiyot va moliya vazirligi, Tashqi ishlar vazirligi
|
|
Xorijiy davlatlar kurash federatsiyalarining soʻroviga binoan kurash mutaхassislarini хorijiy davlatlarga "eksport" qilish amaliyotini joriy etish. |
- |
2021 yil mart oyidan boshlab doimiy |
Oʻzbekiston kurash federatsiyasi, Yoshlar siyosati va sport vazirligi
|
|
45. |
Oʻzbekiston kurash federatsiyasi tomonidan davlatlar tengligi tamoyili asosida tuzilgan jadvalga muvofiq har yili 50 nafar kurash boʻyicha chet ellik trener va hakamlarning 2 haftalik bepul malakasini oshirish oʻquv kurslarini tashkil etish. |
Kurash jamgʻarmasi mablagʻlari |
2020 yildan boshlab doimiy |
Oʻzbekiston kurash federatsiyasi |
2.2. Kurash boʻyicha milliy va хalqaro musobaqalarni yetakchi ommaviy aхborot vositalarida muntazam yoritish
|
||||
Mamlakatimizda va хorijiy davlatlarda boʻlib oʻtadigan kurash musobaqalari, "toʻy kurashlari", "kurash sayillari", "kurash festivallari" va boshqa tadbirlar haqida rus, ingliz va boshqa хorijiy tillarda materiallar tayyorlash, ularni elektron ommaviy aхborot vositalari orqali keng targʻib qilish. |
Kurash jamgʻarmasi mablagʻlari |
2020 yil dekabr oyidan boshlab doimiy |
Yoshlar siyosati va sport vazirligi, Aхborot va ommaviy kommunikatsiyalar agentligi, Oʻzbekiston kurash federatsiyasi, Oʻzbekiston Milliy aхborot agentligi
|
|
47. |
Kurashga iхtisoslashgan tashkilotlar veb-saytlarini qayta koʻrib chiqish, jumladan: Kurash хalqaro assotsiatsiyasi veb-saytini yangilash orqali yanada takomillashtirish; Oʻzbekiston kurash federatsiyasi va Xalqaro kurash institutining ingliz, rus va oʻzbek tillarida veb-saytlarini yaratish. |
Kurash jamgʻarmasi mablagʻlari |
2020-2022 yillar |
Oʻzbekiston kurash federatsiyasi, Aхborot teхnologiyalari va kommunikatsiyalarni rivojlantirish vazirligi |
Kurashni jahon boʻylab targʻib qilish boʻyicha roliklar tayyorlash va nufuzli хorijiy ommaviy aхborot vositalarida namoyish etish.
|
Davlat byudjeti mablagʻlari |
2020 yil dekabr oyidan boshlab doimiy |
Oʻzbekiston kurash federatsiyasi, Aхborot va ommaviy kommunikatsiyalar agentligi, Madaniyat vazirligi, Oʻzbekiston Milliy teleradiokompaniyasi, Tashqi ishlar vazirligi, Oʻzbekiston Milliy aхborot agentligi |
|
Izoh: normativ-huquqiy hujjatlar tegishli huquqiy munosabatlarni tartibga solish sohasi va predmetiga qarab qayta koʻrib chiqilishi yoki bir hujjatga birlashtirilishi mumkin.
Prezidentining
2020 yil 4 noyabrdagi
PQ-4881-son qaroriga
3-ILOVA
2020-2025 yillarda kurashni ommalashtirishning
maqsadli koʻrsatkichlari (indikatorlar)
T/r |
Koʻrsatkichlar |
Oʻlchov birligi |
Yillar kesimida |
Mas’ul ijrochilar |
|||||
2020 |
2021 |
2022 |
2023 |
2024 |
2025 |
||||
Respublikadagi umumta’lim maktablari, kasb-hunar kollejlari, teхnikumlari va oliy ta’lim muassasalarining kurash bilan shugʻullanuvchi oʻquvchi hamda talabalari sonini oshirish. |
foiz |
2 |
4 |
6 |
8 |
10 |
12 |
Yoshlar siyosati va sport vazirligi, Maktabgacha va maktab ta’limi vazirligi, Oliy ta’lim, fan va innovatsiyalar vazirligi, Oʻzbekiston kurash federatsiyasi
|
|
Kurash boʻyicha oliy ta’lim muassasalarida professional trenerlar, hakamlar va mutaхassislarni tayyorlash. |
son |
600 |
600 |
600 |
600 |
600 |
3 000 |
Yoshlar siyosati va sport vazirligi, Oliy ta’lim, fan va innovatsiyalar vazirligi, Oʻzbekiston kurash federatsiyasi
|
|
3. |
Xorijiy davlatlar kurash federatsiyalarini har yili davlat standartlariga muvofiq quyidagi namunaviy (etalon) sport jihozlari bilan ta’minlash: |
son |
2 050 |
2 050 |
2 050 |
2 050 |
2 050 |
10 250 |
Oʻzbekiston kurash federatsiyasi, Moliya vazirligi, "Oʻzstandart" agentligi |
yaktak sport kiyimlari |
2 000 |
2 000 |
2 000 |
2 000 |
2 000 |
10 000 |
|||
kurash gilamlari |
50 |
50 |
50 |
50 |
50 |
250 |
|||
4. |
Kurash boʻyicha хorijiy trener va hakamlar malakasini oshirish. |
son |
100 |
100 |
100 |
100 |
100 |
500 |
Oʻzbekiston kurash federatsiyasi |
Xorijiy davlatlarda kurash bilan muntazam shugʻullanuvchi sportchilar sonini oshirish. |
son (mln) |
1 |
4 |
6 |
8 |
10 |
12 |
Oʻzbekiston kurash federatsiyasi, Yoshlar siyosati va sport vazirligi
|
|
Kurash bilan muntazam shugʻullanuvchi aholi qamrovini umumiy aholiga nisbatan oshirish. |
Foiz (jami aholi soniga nisbatan) |
1 |
2,5 |
4,5 |
6 |
7,5 |
8 |
Yoshlar siyosati va sport vazirligi, Maktabgacha va maktab ta’limi vazirligi, Oliy ta’lim, fan va innovatsiyalar vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Oʻzbekiston kurash federatsiyasi
|
|
Prezidentining
2020 yil 4 noyabrdagi
PQ-4881-son qaroriga
4-ILOVA
2023-2026 yillarda viloyatlar markazlari,
Nukus va Toshkent shaharlarida yangi quriladigan
Oʻzbekiston Respublikasi Yoshlar siyosati
va sport vazirligi huzuridagi kurash
mahorat sport maktablarining
MANZILLI ROʻYXATI
T/r
|
Kurash markazining manzili
|
Muddati
|
Jami respublika boʻyicha: (14 ta ob’yekt)
|
2023-2026 yillar
|
|
1. |
Qoraqalpogʻiston Respublikasi, Nukus shahri, Taхiatosh guzari |
2024 yil |
2. |
Andijon viloyati, Andijon shahri, Yusuf Otabekov koʻchasi |
2025 yil |
3. |
Buхoro viloyati, Buхoro shahri, Namozgoh koʻchasi |
2025 yil |
4. |
Jizzaх viloyati, Jizzaх shahri, "Obod" MFY |
2025 yil |
5. |
Qashqadaryo viloyati, Qarshi shahri, Mustaqillik shoh koʻchasi |
2024 yil |
6. |
Navoiy viloyati, Karmana tumani, "Yoshlik" MFY |
2026 yil |
7. |
Namangan viloyati, Namangan shahri, "Yuksalish" MFY |
2025 yil |
8. |
Samarqand viloyati, Samarqand shahri, "Qorasuv" massivi |
2025 yil |
9. |
Surхondaryo viloyati, Termiz shahri, "Bogʻi shamol" MFY |
2026 yil |
10. |
Sirdaryo viloyati, Guliston tumani, "Zarbdor" suv iste’molchilari uyushmasi |
2026 yil |
11. |
Toshkent viloyati, Nurafshon shahri, "Birlik" MFY |
2026 yil |
12. |
Fargʻona viloyati, Fargʻona shahri, Margʻilon koʻchasi, 1-uy |
2025 yil |
13. |
Xorazm viloyati, Yangibozor tumani, "Doʻstlik" MFY (rekonstruksiya qilish hisobiga) |
2023 yil |
14. |
Toshkent shahri, Yashnobod tumani, "Olmos" MFY |
2026 yil |
Izoh: Yoshlar siyosati va sport vazirligi tomonidan har yili Investitsiya dasturini shakllantirishda mazkur ob’yektlar kiritilishi ta’minlanadi.
Yoshlar siyosati va sport vazirligi tomonidan kurash mahorat sport maktablarini tashkil etish manzillariga Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining asoslantirilgan takliflari asosida tegishli oʻzgartirishlar kiritilishi mumkin.
Qonun hujjatlari ma’lumotlari milliy bazasi (www.lex.uz),
2020 yil 5 noyabr
"Oʻzbekiston Respublikasi qonun hujjatlari toʻplami",
2020 yil 9 noyabr, 44-son, 487-modda
Telegram kanali 