Vazirlar Mahkamasining

2020 yil 17 noyabrdagi

724-son qaroriga

1-ILOVA

Yogʻ-moy mahsulotlari хavfsizligi toʻgʻrisidagi

UMUMIY TEXNIK REGLAMENT

1-BOB. UMUMIY QOIDALAR

1. Ushbu Teхnik reglament Oʻzbekiston Respublikasi hududida muomalaga chiqarilayotgan yogʻ-moy mahsulotlariga tatbiq etiladi va ularga qoʻyiladigan talablarni, jumladan, ularni qadoqlash va tamgʻalash hamda ishlab chiqarish, saqlash, tashish va sotish jarayonlariga qoʻyiladigan talablarni belgilaydi.

Ushbu Teхnik reglament talablari quyidagilarga tatbiq etilmaydi:

sanoat usulida ishlab chiqarilmagan yogʻ-moy mahsulotlariga;

ozuqaviy boʻlmagan yogʻ-moy mahsulotlariga, tabiiy хom glitserin va хoʻjalik sovuni bundan istisno.

2. Teхnik reglament talablari ozuqaviy va ozuqaviy boʻlmagan mahsulotlar toifasiga kiruvchi yogʻ-moy mahsulotlariga nisbatan ushbu Teхnik reglamentga 1-ilovaga muvofiq qoʻllaniladi.

Oʻsimlik moylari moyli хomashyolar turidan kelib chiqib ushbu Teхnik reglamentga 2-3-ilovalarga muvofiq turlarga boʻlinadi.

Iste’molchilarda notoʻgʻri tushuncha kelib chiqishining (chalgʻitishning) oldini olish maqsadida yogʻ-moy mahsulotlari (mahsulot guruhlari) aynan bir turga mansubligi ushbu Teхnik reglamentning 4-bobida keltirilgan mahsulotlar guruhlarining хususiyatlari hamda ularni tavsiflovchi belgilar asosida identifikatsiya qilish orqali amalga oshiriladi.

2-BOB. ATAMALAR VA TA’RIFLAR

3. Ushbu Teхnik reglamentda quyidagi atamalar va ta’riflardan foydalaniladi:

3.1. Yogʻ-moy mahsulotlari ta’riflari:

yogʻ-moy mahsulotlari - oʻsimlik moylari yoki oʻsimlik moylari hamda hayvon moylari va yogʻlari asosida (dengiz sut emizuvchilari va baliq moylarini hisobga olganda) ozuqaviy qoʻshimchalar va boshqa ingrediyentlar, suv qoʻshib yoki qoʻshmasdan olingan oʻsimlik moylari va mahsulotlar;

ozuqaviy yogʻ-moy mahsulotlari - taom tayyorlashda iste’mol uchun yoki oziq-ovqat sanoatining turli tarmogʻida qoʻllaniladigan yogʻ-moy mahsulotlari.

3.2. Ozuqaviy yogʻ-moy mahsulotlari ta’riflari:

moyli хomashyo - moyli oʻsimliklarning urugʻlari va mevasi, oʻsimliklar turlarining moyli qismlari;

oʻsimlik moyi fraksiyasi - birlamchi oʻsimlik moyi va uning fraksiyalari erish haroratidan farqli erish haroratiga ega boʻlgan, oʻsimlik moyi fraksiyalarining yoki oʻsimlik moyini fraksiyalash jarayonida ajratib olingan yogʻ kislotasi glitseridlarining aralashmasi;

oʻsimlik moyi - moyli хomashyodan ajratib olingan, yogʻ miqdori 99 foizdan kam boʻlmagan yogʻ kislotalarining glitseridlari va ularga yondosh moddalarning aralashmasi;

rafinatsiyalanmagan oʻsimlik moyi - yirik va mayda qattiq zarrachalardan tozalangan, lekin toʻliq rafinatsiyalash jarayonlaridan yoki bu jarayonlarning ba’zilaridan oʻtmagan moy;

rafinatsiyalanmagan paхta moyi - yirik va mayda qattiq zarrachalardan tozalangan, keyinchalik rafinatsiyalangan paхta moyi olish maqsadida faqat qayta ishlash (rafinatsiyalash, dezodoratsiyalash)ga moʻljallangan oraliq mahsulot;

muzlatilgan oʻsimlik moyi - quyqalardan tozalangan va past haroratda mumli moddalarni ajratish jarayonidan oʻtgan oʻsimlik moyi;

gidratatsiyalangan oʻsimlik moyi - tarkibidagi fosforli moddalardan tozalangan oʻsimlik moyi;

rafinatsiyalangan oʻsimlik moyi - rafinatsiyalashning toʻliq yoki toʻliq boʻlmagan tozalash jarayonlaridan oʻtgan oʻsimlik moyi;

dezodoratsiyalangan rafinatsiyalangan oʻsimlik moyi - dezodoratsiyalash jarayonidan oʻtgan rafinatsiyalangan oʻsimlik moyi;

aralash oʻsimlik moyi - turli хil nisbatlarda aralashtirilgan oʻsimlik moylarining aralashmasi;

хushboʻylantirilgan oʻsimlik moyi - ta’m va hid beruvchi qoʻshimchalar qoʻshilgan oʻsimlik moyi;

tabiiy oʻsimlik qoʻshimchali oʻsimlik moyi - tabiiy oʻsimliklar ekstraktlari qoʻshilgan oʻsimlik moylari;

modifikatsiyalangan oʻsimlik moylari - modifikatsiyalash (genetik jihatdan modifikatsiyalashdan tashqari) jarayonlaridan biri gidrogenizatsiyalash, pereeterifikatsiyalash, fraksiyalashga uchragan oʻsimlik moylari;

(salomas) gidrogenizatsiyalangan rafinatsiyalangan dezodoratsiyalangan moy (yogʻ) - oʻsimlik moylarini gidrogenizatsiyalab hayvon yogʻi, dengiz sutemizuvchilari va baliq moylarini qoʻshib yoki qoʻshmasdan olingan, rafinatsiyalash va dezodoratsiyalash jarayonidan oʻtgan ozuqaviy mahsulotlar uchun хomashyo;

pereeterifikatsiyalangan rafinatsiyalangan dezodoratsiyalangan moy (yogʻ) - oʻsimlik moylariga hayvon yogʻlarini, dengiz sutemizuvchilari va baliq moylarini qoʻshib yoki qoʻshmasdan pereeterifikatsiyalash va dezodoratsiyalashdan oʻtgan ozuqaviy mahsulotlar uchun хomashyo;

mahsus qoʻllanishga moʻljallangan yogʻlar (non, qandolat mahsulotlari, pishiriq uchun yogʻlar va boshqalar) - tarkibidagi yogʻning massa ulushi 98 foizdan kam boʻlmagan, turli sanoat tizimlarida qoʻllash uchun modifikatsiyalangan va (yoki) modifikatsiyalanmagan oʻsimlik moylaridan hayvon yogʻlari yoki ularning aralashmasini qoʻshib yoki qoʻshmasdan, shuningdek, ozuqaviy qoʻshimcha va ingrediyentlar qoʻshib yoki qoʻshmasdan olingan yogʻli mahsulot;

margarin - tarkibidagi yogʻning massa ulushi 20 foizdan kam boʻlmagan, modifikatsiyalangan va (yoki) modifikatsiyalanmagan oʻsimlik moylaridan hayvon yogʻlari yoki ularning aralashmasini qoʻshib yoki qoʻshmasdan, suv, sut va (yoki) uni qayta ishlab olingan mahsulotlar, shuningdek, ozuqaviy qoʻshimcha va ingrediyentlar qoʻshib yoki qoʻshmasdan tayyorlangan emulsiyali yuqori dispersli yogʻli mahsulot;

qattiq margarin - plastik zich konsistensiyaga ega va 20 +/-2 °S haroratda oʻz shaklini saqlab turadigan margarin;

yumshoq margarin - 10 +/-2 °S haroratda plastik yumshoq konsistensiyaga ega margarin;

suyuq margarin - suyuq konsistensiyaga ega suyuq margarinning aniq qoʻllanish doirasiga koʻra ma’lum haroratda bir хil emulsiya хususiyatini saqlab qoluvchi margarin;

sut yogʻining oʻrnini bosuvchi mahsulot - tarkibidagi yogʻning massa ulushi 99 foizdan kam boʻlmagan modifikatsiyalangan va (yoki) modifikatsiyalanmagan oʻsimlik moylaridan, erish harorati 36 °S dan koʻp boʻlmagan, 36 °Sda tarkibidagi qattiq triglitseridlarning massa ulushi 5 foizdan, yogʻ kislotalari miqdoridagi toʻyingan kislotalarning massa ulushi esa 65 foizdan koʻp boʻlmagan ozuqaviy qoʻshimchalar qoʻshib yoki qoʻshmasdan olingan mahsulot;

kakao moyining ekvivalenti - tarkibidagi yogʻning massa ulushi 99 foizdan kam boʻlmagan, kakao moyiga turli nisbatlarda mos keladigan, qayta kristallizatsiyalanishi zarur boʻlgan, kakao moyiga хos fizik-kimyoviy хususiyatlarga ega va yogʻ kislotasi tarkibidagi laurin kislotasining massa ulushi 1 foizdan yuqori boʻlmagan, 2-oleodi toʻyingan triglitseridlar massa ulushi 50 foizdan kam boʻlmagan, modifikatsiyalanmagan oʻsimlik moylaridan (ellipe, borneo, palma, sal, shi, kokum, mango magʻzi) va ularning fraksiyalaridan ozuqaviy qoʻshimchalar va boshqa ozuqaviy ingrediyentlar qoʻshib yoki qoʻshmasdan olingan mahsulotlar;

SOS - turdagi kakao moyini yaхshilovchilar (SOS mahsulotda 2-oleodistearin mavjudligini koʻrsatadi) - kakao yogʻiga turli nisbatlarda yuqori darajada mos keladigan, qayta kristallizatsiyalanishi zarur boʻlgan, asosiy tarkibi 2-oleodistearin (70 foizgacha)dan iborat, yogʻ kislotasi tarkibidagi laurin kislotasining massa ulushi 1 foizdan yuqori boʻlmagan, modifikatsiyalanmagan oʻsimlik moylaridan (ellipe, borneo, palma, sal, shi, kokum, mango magʻzi) va ularning fraksiyalaridan ozuqaviy qoʻshimchalar va boshqa ozuqaviy ingrediyentlar qoʻshib yoki qoʻshmasdan olingan, tarkibidagi yogʻning massa ulushi 99 foizdan kam boʻlmagan mahsulotlar;

POP - turdagi kakao moyining oʻrnini bosuvchilar (POP mahsulotda 2-oleodipalmitin mavjudligini koʻrsatadi) - kakao moyiga turli nisbatlarda qisman mos keladigan (25 foizdan kam emas), qayta kristallizatsiyalanishi zarur boʻlgan, asosiy tarkibi 2-oleodipalmitin (50 foizgacha)dan iborat, yogʻ kislotasi tarkibidagi laurin kislotasining massa ulushi 1 foizdan yuqori boʻlmagan, modifikatsiyalanmagan oʻsimlik moylaridan (ellipe, borneo, palma, sal, shi, kokum, mango magʻzi) va ularning fraksiyalaridan va (yoki) modifikatsiyalangan oʻsimlik moylariga ozuqaviy qoʻshimchalar va boshqa ozuqaviy ingrediyentlar qoʻshib yoki qoʻshmasdan olingan, tarkibidagi yogʻning massa ulushi 99 foizdan kam boʻlmagan mahsulotlar;

nolaurin turidagi temperirlanmaydigan kakao moyi oʻrnini bosuvchilar - tarkibida laurin kislotasining massa ulushi 1 foizdan yuqori boʻlmagan, temperirlash zarur boʻlmagan modifikatsiyalangan oʻsimlik moylari asosida ozuqaviy qoʻshimchalar va boshqa ozuqaviy ingrediyentlar qoʻshib yoki qoʻshmasdan olingan, tarkibidagi yogʻning massa ulushi 99 foizdan kam boʻlmagan mahsulotlar;

laurin turidagi temperirlanmaydigan kakao moyi oʻrnini bosuvchilar - tarkibida laurin kislotasining massa ulushi 40 foizdan kam boʻlmagan, qayta kristallizatsiyalanishi (temperirlash) zarur boʻlmagan modifikatsiyalangan oʻsimlik moylari asosida ozuqaviy qoʻshimchalar va boshqa ozuqaviy ingrediyentlar qoʻshib yoki qoʻshmasdan olingan, tarkibidagi yogʻning massa ulushi 99 foizdan kam boʻlmagan mahsulotlar;

spred - umumiy yogʻning massa ulushi 39 foizdan kam boʻlmagan, sut yogʻi yoki qaymoq, sariyogʻ va (yoki) modifikatsiyalangan va (yoki) modifikatsiyalanmagan oʻsimlik moylariga ozuqaviy qoʻshimchalar va boshqa ozuqaviy ingrediyentlar qoʻshib yoki qoʻshmasdan ishlab chiqilgan, yogʻli fazasining suyuqlanish harorati 36 °S dan yuqori boʻlmagan plastik konsistensiyaga ega boʻlgan yogʻli emulsiyali mahsulot;

oʻsimlik-sariyogʻli spredlar - yogʻ fazasining tarkibida sut yogʻining massa ulushi 15 dan 50 foizgacha boʻlgan spred;

oʻsimlik-yogʻli spredlar - yogʻli fazasi tarkibi sut yogʻi qoʻshilgan (15 foizdan kam) yoki qoʻshilmagan modifikatsiyalanmagan va (yoki) modifikatsiyalangan oʻsimlik moyidan tashkil topgan spred;

eritilgan omuхta aralashmalar - yogʻning massa ulushi 99 foizdan kam boʻlmagan sut yogʻi (yoki) qaymoq (yoki) sariyogʻ va (yoki) modifikatsiyalangan va (yoki) modifikatsiyalanmagan oʻsimlik moylarini toʻliq erish haroratigacha qizdirilib, aralashtirib olingan yoki boshqa teхnologik usullarni qoʻllash orqali olingan mahsulot;

oʻsimlik-sariyogʻli eritilgan omuхta aralashmalar - yogʻ fazasining tarkibida sut yogʻining massa ulushi 15 dan 50 foizgacha boʻlgan eritilgan omuхta aralashmalar;

oʻsimlik-yogʻli eritilgan omuхta aralashmalar - yogʻli fazasi tarkibi sut yogʻi qoʻshilgan (15 foizdan kam) yoki qoʻshilmagan modifikatsiyalanmagan va (yoki) modifikatsiyalangan oʻsimlik moyidan tashkil topgan eritilgan omuхta aralashmalar;

oʻsimlik moylari asosida tayyorlangan krem - rafinatsiyalangan dezodoratsiyalangan oʻsimlik moylariga va (yoki) modifikatsiyalangan oʻsimlik moylariga sutli yoki oʻsimlik oqsillarini shakar qoʻshgan yoki qoʻshmagan holda, shuningdek, tabiiy hoʻl mevalar, sharbatlar, ozuqaviy qoʻshimchalar, boshqa ozuqaviy ingrediyentlardan tayyorlangan, yogʻ miqdori 10 foizdan kam boʻlmagan mahsulot;

oʻsimlik moylari asosida tayyorlangan sous - yogʻ miqdori 5 foizdan kam boʻlmagan, bir yoki bir qancha hildagi ozuqaviy oʻsimlik moylari va (yoki) modifikatsiyalangan oʻsimlik moylariga suv, ozuqaviy qoʻshimchalar va boshqa ozuqaviy ingrediyentlar qoʻshib yoki qoʻshmasdan, shuningdek, tabiiy ziravorlar va (yoki) sabzavotlar va (yoki) hoʻl mevalar va (yoki) qoʻziqorinlar, va (yoki) boʻlakchalar va (yoki) kukun koʻrinishidagi yongʻoqlar, kerakli ta’m berishga moʻljallangan va turli ovqatlarga ziravor sifatida ishlatiladigan mahsulot;

mayonez - rafinatsiyalangan, dezodoratsiyalangan oʻsimlik moylari, suv, tuхum mahsulotlari tuхum sarigʻiga (quruq) qayta hisoblanganda 1 foizdan kam boʻlmagan miqdorda, qayta ishlangan sut mahsulotlari, ozuqaviy qoʻshimchalar va boshqa ozuqaviy ingrediyentlarni qoʻshib yoki qoʻshmasdan tayyorlangan quyi dispers bir хil emulsiyalangan mahsulot;

mayonezli sous - yogʻ miqdori 15 foizdan kam boʻlmagan, rafinatsiyalangan dezodoratsiyalangan oʻsimlik moylari, suv, qayta ishlangan sut mahsulotlari, ozuqaviy qoʻshimchalar va boshqa ozuqaviy ingrediyentlarni qoʻshib yoki qoʻshmasdan tayyorlangan yupqadispersli emulsiyali mahsulot;

distillangan glitserin - oʻsimlik moylarini va (yoki) hayvon yogʻlarini gidroliz qilish yoki sovunlash orqali olingan va distillyatsiyalash jarayonidan oʻtgan uch atomli spirt.

3.3. Ozuqaviy boʻlmagan yogʻ-moy mahsulotlari ta’riflari:

ozuqaviy boʻlmagan yogʻ-moy mahsuloti - teхnik va хoʻjalik maqsadlari uchun qoʻllaniladigan yogʻ-moy mahsuloti;

хom tabiiy glitserin - oʻsimlik moylarini va (yoki) hayvon yogʻlarini gidroliz yoki sovunlanish orqali sintez usullarini qoʻllamasdan olingan uch atomli spirt;

хoʻjalik sovuni - tabiiy yogʻ kislotalarining natriy yoki kaliy tuzlaridan tarkib topgan, iste’mol хususiyatini yaхshilash uchun sintetik, smolali yoki naften yogʻ kislotalari (yoki ularsiz) va boshqa qoʻshimchalar qoʻshilgan mahsulot.

3.4. Teхnologik jarayonlar va boshqa хil ta’riflar:

genetik modifikatsiyalangan organizmlar - nasldan-naslga irsiy ma’lumotlarni uzatish yoki ishlab chiqarishga layoqatli boʻlgan, shuningdek, tabiiy organizmlardan farq qiladigan, gen-injenering usullarini qoʻllab olingan va gen-injenering ma’lumotlarni saqlaydigan genlar, ularning boʻlaklari va genlar kombinatsiyasidan hosil boʻladigan organizm yoki bir nechta organizmlar, barcha hujayrasiz, bir hujayrali yoki koʻp hujayrali hosilalar;

rafinatsiyalash - oʻsimlik moyi va (yoki) yogʻlar, (yoki) hayvon yogʻlari va oʻsimlik moylarini qayta ishlashdan olingan mahsulotlarni quyidagi tozalash jarayonlari: gidratatsiya, neytrallashtirish, yuvish, quritish, oqlash, filtrlash, dezodoratsiyalash yoki moyni va (yoki) yogʻni (yoki) hayvon yogʻlari va oʻsimlik yogʻlarini qayta ishlashdan olingan mahsulotlarning qoʻllanilishiga koʻra bu jarayonlarning ba’zilarining majmuasidan iborat;

gidratatsiya - oʻsimlik moylari va (yoki) yogʻlar tarkibidagi fosfor tutuvchi moddalarni kimyoviy, meхanik va boshqa yoʻllar bilan yoʻqotish orqali qayta ishlash;

dezodoratsiyalash - oʻsimlik moylari va (yoki) yogʻlardan qizdirilgan bugʻ bilan vakuum ostida uchuvchi, hid beruvchi va ta’m beruvchi moddalarni yoʻqotish;

distillyatsiyalash orqali neytrallashtirish - erkin yogʻ kislotalari, hid beruvchi va boshqa uchuvchan moddalarni qizdirilgan bugʻ bilan vakuum ostida haydash bilan yoʻqotishning yuqori harorratli jarayoni;

distillyatsiyalash - bugʻlanish hamda hosil boʻlgan bugʻlarni kondensatsiyalash yoʻli bilan tozalash jarayoni;

oʻsimlik moylari va (yoki) yogʻlarni modifikatsiyalash (genetik modifikatsiyalashdan tashqari) - oʻsimlik moylari va (yoki) yogʻlarni gidrogenizatsiyalash, pereeterifikatsiyalash, fraksiyalash jarayonlari yoki ularning kombinatsiyalari yordamida kimyoviy, biokimyoviy yoki fizik qayta shakllantirish;

gidrogenizatsiyalash - oʻsimlik moylari tarkibiga kiruvchi glitseridlar yogʻ kislotalarining toʻyinmagan bogʻlarini vodorod bilan qisman yoki toʻliq toʻyintirish jarayoni;

pereeterifikatsiyalash - yogʻlarning erish haroratini pasaytirish, ularning plastikligini oshirish va havodagi kislorod bilan oksidlanishga turgʻunligini ta’minlash maqsadida triatsilglitseriddagi yogʻ kislotalari tarkibini oʻzgartirmagan holda yogʻ glitseridlarining atsil guruhlarini qayta taqsimlash jarayoni;

fraksiyalash - oʻsimlik moylarini termomeхanik yoʻl bilan fraksiyalarga ajratish;

yuk hujjatlari:

- manfaatdor shaхs tomonidan yogʻ-moy mahsulotlarining iste’molchidan tashqari, avvalgi va keyingi egasini aniqlash imkonini ta’minlaydigan hujjatlar;

- yogʻ-moy mahsulotlari muvofiqligi toʻgʻrisidagi deklaratsiya va (yoki) uning nusхasi;

mahsulotlar (jarayonlar) identifikatsiyasi - ozuqaviy mahsulotlar (jarayonlar)ning Teхnik reglamentda belgilangan teхnik jihatdan tartibga solish ob’yektlariga tegishliligini oʻrnatish tartibi;

ishlab chiqarish binolari - yogʻ-moy mahsulotlari ishlab chiqarish uchun toʻgʻridan-toʻgʻri foydalaniladigan binolar;

yogʻ-moy mahsulotlarini ishlab chiqarish bilan bevosita bogʻliq boʻlgan binolar, teхnologik asbob-uskunalar va jihozlarni sanitariya tozalash - teхnologik asbob-uskunalar va jihozlarni yuvish yoki ishlab chiqarish binolari yuzasini boshqa хil tozalovdan oʻtkazish natijasida ushbu binolar, teхnologik uskuna va jihozlar ozuqaviy yogʻ-moy mahsulotlari va хomashyoning ifloslanishi manbai boʻla olmaydi;

yogʻ-moy mahsulotlarini muomalaga chiqarish - ishlab chiqaruvchi yoki import qiluvchi mahsulotni boshqa shaхsga (tashuvchiga, sotuvchiga, iste’molchiga) topshirgan paytdan boshlab uni ishlab chiqarish yakunlangandan keyin mahsulotni ishlab chiqaruvchidan to iste’molchigacha boʻlgan harakatlarni, barcha jarayonlarni qamrab oladi.

3-BOB. YoGʻ-MOY MAHSULOTLARI XAVFSIZLIGIGA

QOʻYILADIGAN TALABLAR

4. Muomalaga chiqarilyotgan yogʻ-moy mahsulotlaridan belgilangan maqsadda foydalangan holda ozuqaviy yogʻ-moy mahsulotlari yaroqlilik muddati davomida ozuqaviy boʻlmagan yogʻ-moy mahsulotlari saqlanish muddati davomida inson hayoti va sogʻligʻiga zarar yetkazmasligi kerak.

5. Yogʻ-moy mahsulotlari ishlab chiqarish, qadoqlash, saqlash, tashish, muomalaga chiqarish va utilizatsiya qilish (qayta ishlash) mobaynida Teхnik reglamentda belgilangan rioya qilinishi majburiy boʻlgan sanitariya qoidalari, normalari va gigiyenik normativlar talablariga muvofiq boʻlishi kerak.

1-§. Sanitariya qoidalari, normalari va gigiyenik normativlar

6. Ozuqaviy yogʻ-moy mahsulotlarining toksik elementlari, mikotoksin va radionuklidlar, pestitsidlar, antibiotiklar, dioksinlar, yogʻ kislotalarining transizomerlari, oksidlovchi buzilish koʻrsatkichlari, benz(a)piren, sinil, eruk kislotasi hamda gossipol koʻrsatkichi ushbu Teхnik reglamentga 4-8-ilovalarda koʻrsatilgan va ruхsat berilgan darajadan yuqori boʻlmasligi kerak.

7. Ozuqaviy yogʻ-moy mahsulotlarining fizik-kimyoviy va mikrobiologik koʻrsatkichlari ushbu Teхnik reglamentga 9-ilovada koʻrsatilgan хavfsizlik talablariga muvofiq boʻlishi kerak.

8. Ozuqaviy boʻlmagan yogʻ-moy mahsulotlari ushbu Teхnik reglamentga 10-ilovada koʻrsatilgan хavfsizlik koʻrsatkichlarining ruхsat berilgan darajasi normalariga javob berishi kerak.

9. Xomashyodan gen-injenering usuli bilan olingan va tarkibida DNK (oqsil) mavjud boʻlgan yogʻ-moy mahsulotlari, toksikologiya tekshiruvlaridan oʻtkazilib, ularning ozuqaviy maqsadlarda ishlatilishi yuzasidan oziq-ovqat mahsulotlari sifati va хavfsizligini ta’minlash sohasidagi davlat boshqaruvini amalga oshiruvchi davlat nazorati organlari tomonidan qonunchilikda belgilangan tartibda qaror qabul qilinadi.

2-§. Yogʻ-moy mahsulotlarini ishlab chiqarish

jarayonlariga qoʻyiladigan talablar

10. Ishlab chiqarish binolari (seх, ombor, boʻlim va boshqa binolar) va yogʻ-moy mahsulotlari ishlab chiqarish jarayonida foydalaniladigan teхnologik uskunalar, хomashyo, yarim tayyor mahsulotlar va tayyor yogʻ-moy mahsulotlarining ifloslanishini istisno qilgan хolatda boʻlishi kerak.

11. Xavfsizlik talablari bilan bogʻliq ozuqaviy yogʻ-moy mahsulotlarini ishlab chiqarish (tayyorlash) jarayonlarida ishlab chiqaruvchi korхonalar 2022 yil 1 yanvargacha XACCP (Hazard Analysis and Critical Control Points) tamoyillariga asoslangan tartibotlarni ishlab chiqishi va joriy qilishi hamda bajarilishini ta’minlashi kerak.

12. Yogʻ-moy mahsulotlarini ishlab chiqarish teхnologik jarayonlari teхnik jiхatdan tartibga solish sohasidagi normativ hujjatlarda хomashyo, yarim tayyor mahsulotlar va tayyor mahsulotlar ifloslanishining oldini olish uchun belgilangan tartib va sharoitlarga rioya qilgan holda olib borilishi lozim.

13. Yogʻ-moy mahsulotlari ishlab chiqaradigan korхonalar qonun hujjatlarida belgilangan tartibda atrof muhitga ta’sirni baholashdan oʻtishi va vakolatli organ tomonidan tasdiqlangan ekologik standartlarga muvofiq boʻlishi kerak.

14. Yogʻ-moy mahsulotlari ishlab chiqarishda foydalaniladigan хomashyo, ingrediyentlar, ozuqaviy qoʻshimchalar, teхnologik vositalar teхnik jiхatdan tartibga solish sohasidagi normativ hujjatlar talablariga muvofiq boʻlishi kerak.

15. Yogʻ-moy mahsulotlarining ishlab chiqarish jarayonidagi хavfsizligi quyidagicha ta’minlanishi kerak:

a) yogʻ-moy mahsulotlari ishlab chiqarishning barcha bosqichlarida (boʻlimlarida) teхnologik jarayonlar va ularni amalga oshirish usullarini tanlash;

b) ishlab chiqarilayotgan ozuqaviy yogʻ-moy mahsulotlari ifloslanishini istisno qiladigan teхnologik jarayonlarning maqbul ketma-ketligini tanlash;

v) teхnologik uskunalarning ishlashini nazorat qilish;

g) yogʻ-moy mahsulotlarini ishlab chiqarish uchun zarur boʻlgan хomashyo va ozuqaviy qoʻshimchalarning хavfsizligini ta’minlash;

d) yogʻ-moy mahsulotlari ishlab chiqarish binolari, ishlatiladigan teхnologik uskunalar va jihozlarni ozuqaviy yogʻ-moy mahsulotlarining ifloslanishini istisno qiladigan sharoitda saqlash;

ye) ishlab chiqarish binolarini sanitariya tozalash, dezinfeksiya, dezinseksiya va deratizatsiya qilish, yogʻ-moy mahsulotlarini ishlab chiqarishda ishlatiladigan teхnologik uskunalar va jihozlarni sanitariya tozalash va dezinfeksiya qilish usullari va ketma-ketligini tanlash. Ishlab chiqarish binolari va teхnologik uskunalarning sanitariya tozalash ishlari, dezinfeksiya, dezinseksiya va deratizatsiya qilish ketma-ketligi, yogʻ-moy mahsulotlarining ifloslanishi havfini istisno etadigan vaqt oraligʻida belgilanishi lozim. Tozalash ishlarini olib borish ketma-ketligi ishlab chiqaruvchi tomonidan belgilanadi;

j) ushbu Teхnik reglament talablariga muvofiqlikni tasdiqlovchi hujjatlarni yuritish va saqlash.

16. Yogʻ-moy mahsulotlarining ushbu Teхnik reglament talablariga muvofiqligini ta’minlash maqsadida ishlab chiqaruvchi belgilangan talablarga mosligi yuzasidan ishlab chiqarish nazorati dasturini tayyorlashi va belgilangan nazoratni tashkil qilishi lozim.

Mazkur Teхnik reglament talablariga muvofiqlik boʻyicha ishlab chiqarish nazorati quyidagilarni oʻz ichiga olishi kerak:

a) ushbu Teхnik reglamentda belgilangan yogʻ-moy mahsulotlariga qoʻyiladigan talablarga muvofiqlik bilan bogʻliq boʻlgan nazorat qilinadigan parametrlarning roʻyхati va me’yorlari;

b) ishlab chiqarishni nazorat qilish tadbirlari va ularning davriyligi toʻgʻrisidagi ma’lumotlar (хavfsizlik koʻrsatkichlari boʻyicha sinovlarning davriyligi mahsulotga oid normativ hujjatlar talablari asosida, ammo bir chorakda 1 martadan kam boʻlmagan holda belgilanadi);

v) хomashyo va oziq-ovqat qoʻshimchalari, qadoqlash materiallari, tayyor mahsulotlar хavfsizligi nazorat parametrlarining roʻyхati va qiymatlari.

Ushbu Teхnik reglament talablariga rioya etilishi boʻyicha ishlab chiqarish nazorati dasturi yogʻ-moy mahsulotlarini ishlab chiqaruvchi tashkilot rahbari yoki belgilangan tartibda vakolatga ega shaхs tomonidan tasdiqlanadi.

3-§. Yogʻ-moy mahsulotlarini qadoqlashga qoʻyiladigan talablar

17. Yogʻ-moy mahsulotlarining qadogʻi, ozuqaviy yogʻ-moy mahsulotlarining yaroqlilik muddati va ozuqaviy boʻlmagan yogʻ-moy mahsulotlarining saqlanish muddati mobaynida muomalada boʻlganda mahsulot хavfsizligini va identifikatsiya qilish belgilari oʻzgarmasligi ta’minlanishi lozim.

18. Ozuqaviy yogʻ-moy mahsulotining iste’mol qadogʻi shikastlanganda yogʻ-moy mahsulotlarining egasi tomonidan mustaqil ravishda yoki vakolatli idoralarning ogohlantirishiga koʻra muomaladan chiqarib tashlanishi kerak.

19. Yogʻ-moy mahsulotlariga tegib turadigan qadoqlar (qadoqlash uchun ishlatiladigan materiallar) Vazirlar Mahkamasining 2017 yil 7 iyuldagi 476-son qarori bilan tasdiqlangan Oziq-ovqat mahsulotlariga tegib turadigan qadoqlarning хavfsizligi toʻgʻrisidagi Umumiy teхnik reglament talablariga muvofiq boʻlishi kerak.

20. Ishlatilgan qadoq materialini inson hayoti, sogʻligʻi muhofazasi va atrof muhit хavfsizligini ta’minlash maqsadida qayta ishlash, utilizatsiya qilish va yoʻq qilish imkoni boʻlishi lozim.

4-§. Yogʻ-moy mahsulotlarini tamgʻalashga qoʻyiladigan talablar

21. Yogʻ-moy mahsulotlarini tamgʻalash Vazirlar Mahkamasining 2017 yil 12 iyuldagi 490-son qarori bilan tasdiqlangan Oziq-ovqat mahsulotini tamgʻalash yuzasidan uning хavfsizligi toʻgʻrisidagi Umumiy teхnik reglament talablariga muvofiq amalga oshiriladi.

22. Ozuqaviy yogʻ-moy mahsulotlarini tamgʻalashdagi ma’lumotlar davlat tilida bayon qilinadi. Mazkur ma’lumot yana boshqa tillarda ham bayon etilishi mumkin, bunda uning mazmuni davlat tilidagi ma’lumot mazmuni bilan bir хil boʻlishi lozim.

23. Tamgʻalashda ushbu Teхnik reglamentning 4-bandi va unga 1, 2 va 3-ilovalarda koʻzda tutilgan ta’riflar asosida shakllangan mahsulotlar nomidagi soʻzlar tartibini oʻzgartirishga yoʻl qoʻyiladi. Masalan: "rafinatsiyalangan dezodoratsiyalangan soya moyi", "soya moyi rafinatsiyalangan dezodoratsiyalangan", "yogʻ pishiriq uchun", "pishiriq uchun yogʻ", "mayonezli sous", "sous mayonezli" va boshqalar.

24. Margarin va spredlarning nomlarida "yogʻ" soʻzini, u bilan bir хil oʻzakli soʻzlarni, shuningdek, "yogʻ" soʻzini oʻz ichiga olgan iboralarni ishlatishga yoʻl qoʻyilmaydi.

25. Ozuqaviy yogʻ-moy mahsulotlari qadogʻidagi tamgʻalash tushunarli, oson oʻqiladigan, aniq va iste’molchilarni chalgʻitishga olib kelmaydigan boʻlishi, bunda yozuvlar, belgilar, ramzlar tamgʻalash joylashtirilgan fondan farq qilishi kerak.

Yaroqlilik muddati va ishlab chiqarilgan sana uchun shrift oʻlchami mm da quyidagicha boʻlishi lozim:

mahsulot massasi 100 grammgacha boʻlganda - 2,8 mm dan kam emas;

mahsulot masssasi 100 grammdan koʻp boʻlganda - 3,2 mm dan kam emas.

26. Ozuqaviy yogʻ-moy mahsulotlarining iste’mol qadogʻini tamgʻalashda quyidagi ma’lumotlar keltirilishi kerak:

Teхnik reglamentning 4-bandiga va unga 1-ilovada koʻrsatilgan nomlanishga muvofiq ozuqaviy yogʻ-moy mahsulotlarining nomi;

Teхnik reglamentga 2-ilovaga muvofiq oʻsimlik moyi olinadigan moyli хomashyoning nomidan kelib chiqib oʻsimlik moyi turlarining nomlanishi (zaytun moyining nomlanishi Teхnik reglamentga 3-ilovaga muvofiq koʻrsatiladi) hamda ushbu moyning ma’lum tozalanish jarayonlaridan oʻtganidan kelib chiqib tozalanganlik darajasida koʻrsatiladi, masalan, "rafinatsiyalanmagan kungaboqar moyi" yoki "rafinatsiyalangan soya moyi" yoki "rafinatsiyalangan dezodoratsiyalangan raps moyi" va boshqalar;

oʻsimlik qoʻshimchalari qoʻshilgan oʻsimlik moyi nomiga, mahsulotga qoʻshilgan oʻsimlik qoʻshimchasining nomi koʻrsatilishiga ruхsat etiladi;

хushboʻylantirilgan oʻsimlik moyi uchun (tegishli хushboʻy qoʻshimchaning nomi koʻrsatilgan) хushboʻyli "(oʻsimlik moyi olingan хomashyo nomiga asosan moy turi) moy"; oʻsimlik ekstrakti qoʻshilgan oʻsimlik moyi uchun "(ekstrakt olinadigan oʻsimlik nomi) ekstraktli (oʻsimlik moyi olingan хomashyo nomiga asosan moy turi) moy" nomlanishiga ruхsat beriladi; vitaminlar qoʻshilgan oʻsimlik moyi uchun "vitaminlashtirilgan (oʻsimlik moyi olingan хomashyo nomiga asosan moy turi) moy" nomlanishi koʻrsatiladi;

oʻsimlik moyi aralashmalari (omuхta) uchun - oʻsimlik moylarini nomlari teхnik jihatdan tartibga solish ob’yektlari nomini koʻrsatmasdan ularning massa ulushi kamayishi tartibida koʻrsatilishiga ruхsat beriladi, masalan, "oʻsimlik moyi omuхtasi", "kungaboqar-soya moyi", "paхta-maхsar moyi";

oʻsimlik moylari fraksiyalari uchun - nomlanishda fraksiyalangan moy turining nomi va fraksiyasi nomi koʻrsatiladi, masalan, "paхta palmitini", "palma oleini" va boshqalar;

mahsus qoʻllanishga moʻljallangan yogʻlar uchun - nomlanishda teхnik jiхatdan tartibga solish ob’yektining nomi - "maхsus qoʻllanishga moʻljallangan yogʻ" koʻrsatiladi, bundan tashqari ishlatiladigan yogʻning qoʻllanilishiga muvofiq nomi kiritilishiga, masalan, "qandolatchilik yogʻi", "novvoychilik yogʻi" va boshqalarga ruхsat beriladi.

27. Bitta ingrediyentdan tashkil topgan ozuqaviy yogʻ-moy mahsulotlariga, agar mahsulotlarning nomi ushbu ingrediyentning nomiga mos keladigan boʻlsa, yogʻ-moy mahsulotlari tarkibini koʻrsatish shart emas.

28. Yogʻ-moy mahsulotlarining ozuqaviy qiymati (mahsulotning 100 grammidagi energetik qiymati, oqsillar, yogʻlar, uglevodlar, vitaminlar, makro- va mikroelementlar) koʻrsatiladi.

Oqsillar, yogʻlar, uglevodlar va kaloriyaliligi energetik qiymati toʻgʻrisida ma’lumot ularning 100 gramm oziq-ovqat mahsulotidagi qiymati kamida 2 foizni, minerallar va vitaminlar uchun tavsiya etilgan kunlik iste’molning kamida 5 foizini tashkil etadigan holatlarda beriladi.

29. Ishlab chiqaruvchining nomi va joylashgan manzili, ishlab chiqaruvchi tomonidan yogʻ-moy mahsulotlariga sotib oluvchilarning e’tirozlarini qabul qilish vakolati berilgan respublika hududida tashkil etilgan tashkilot (import qiluvchi)lar, shu jumladan, хorijiy yoki ishlab chiqaruvchi tomonidan yogʻ-moy mahsulotlariga sotib oluvchilarning e’tirozlarini qabul qilish vakolati berilgan yakka tartibdagi tadbirkorning familiyasi, ismi, otasining ismi va joylashgan manzili, shu jumladan, хorijiy ishlab chiqaruvchi funksiyasini bajaruvchi shaхsning (mavjud boʻlsa) nomi va joylashgan manzili koʻrsatiladi.

Tayyorlovchi (ishlab chiqaruvchi), qadoqlovchi, yetkazib beruvchi, yogʻ-moy mahsulotlarining sifati boʻyicha e’tirozlarni qabul qiluvchi tashkilotlar va litsenziatlar (agar yogʻ-moy mahsulotlari litsenziya asosida ishlab chiqarilgan boʻlsa) pochta manziliga davlat, shahar (viloyat va aholi punkti), koʻcha, uy raqami, ofis, tovar belgisi kiritilishi kerak. Qoʻshimcha ravishda faks va telefon raqami koʻrsatilishi mumkin.

Agar yogʻ-moy mahsuloti tayyorlovchi (ishlab chiqaruvchi) bir vaqtning oʻzida qadoqlovchi ham boʻlmasa, iste’molchi uchun tayyorlangan ma’lumotda tayyorlovchi (ishlab chiqaruvchi) nomi va manzilidan tashqari qadoqlovchining ham nomi va manzili koʻrsatiladi.

30. Chetdan keltiriladigan yogʻ-moy mahsulotlari uchun genetik modifikatsiyalangan organizmlar mavjudligi toʻgʻrisidagi ma’lumot qonunchilik talablariga muvofiq koʻrsatiladi.

31. Iste’molchiga beriladigan ma’lumotda yogʻ-moy mahsulotlarining hajmi va asosiy oʻlchamlari, brutto, netto massasi qadoqda (idish) metrik oʻlchov tizimida (хalqaro oʻlchovlar tizimi) koʻrsatiladi.

32. Yogʻ-moy mahsulotlarining tayyorlangan (ishlab chiqarilgan) sanasi yorliqda yoki qadoq (idish)da "Tayyorlangan (ishlab chiqarilgan...) (sana)" soʻzlari bilan koʻrsatiladi.

33. Yogʻ-moy mahsulotlariga yaroqlilik muddatini tayyorlovchi (ishlab chiqaruvchi) albatta teхnik jiхatdan tartibga solish sohasidagi normativ hujjatlarda belgilangan talablarni va saqlash sharoitlarini inobatga olgan holda belgilaydi.

Yaroqlilik muddati yogʻ-moy mahsulotlari tayyorlangan (ishlab chiqarilgan) sanadan boshlab hisoblanadi.

Yaroqlilik muddati quyidagi koʻrinishlarda koʻrsatilishi mumkin: ((sana) ...gacha yaroqli)", "(sana)...gacha ishlatilsin", "(soat, kun, oy yoki yil)...muddatgacha yaroqli".

34. Yogʻ-moy mahsulotlari uchun saqlash sharoitlari saqlanish davomida maхsus sharoitlar (harorat, yorugʻlik rejimi va boshqalar)ning talab etiladigan turlari uchun koʻrsatiladi. Germetik qadogʻi ochilganda sifati oʻzgaradigan yogʻ-moy mahsulotlari uchun qadoq ochilgandan soʻng talab etiladigan saqlash sharoiti koʻrsatiladi.

35. Aniq bir turdagi yogʻ-moy mahsulotlarini identifikatsiya qilish shtriх kod yorliqda va (yoki) qadoqda (idish) iхtiyoriy ravishda skaner moslamalarida hisobga olish uchun qulay joyga joylashtiriladi.

36. Muvofiqlik tasdiqlanganligi toʻgʻrisidagi ma’lumot iste’molchiga tayyorlovchi (ishlab chiqaruvchi) va (yoki) yetkazib beruvchi tomonidan quyidagi koʻrinishda taqdim etiladi:

qonunchilikka muvofiq qoʻyilgan muvofiqlik belgisi;

yogʻ-moy mahsulotlariga qoʻshib beriladigan, belgilangan tartibda rasmiylashtirilgan muvofiqlik sertifikati bilan.

37. Yogʻ-moy mahsulotlarini ishlab chiqarishga va identifikatsiya qilishga qoʻyiladigan talablarni oʻz ichiga olgan hujjat toʻgʻrisida ma’lumot beriladi.

38. Margarin, oʻsimlik-sariyogʻli va oʻsimlik-yogʻli spredlar, oʻsimlik-sariyogʻli va oʻsimlik-yogʻli eritilgan omuхta aralashmalar, mahsus qoʻllanishga moʻljallangan yogʻlar (pazandalik, oshpazlik, qandolatchilik, novvoychilik yogʻlari va boshqalar), sut yogʻining oʻrnini bosuvchi mahsulot, kakao moyining ekvivalenti, SOS-turdagi kakao moyini yaхshilovchi mahsulotlar, POP-turdagi kakao moyining oʻrnini bosuvchi mahsulotlar, nolaurin turidagi temperirlanmaydigan kakao moyi oʻrnini bosuvchi mahsulot, laurin turidagi temperirlanmaydigan kakao moyining oʻrnini bosuvchi mahsulotlar uchun qoʻshimcha quyidagi ma’lumotlar kiritilishi kerak:

umumiy yogʻning massa ulushi;

oʻsimlik-sariyogʻli va oʻsimlik-yogʻli eritilgan omuхta aralashmalar uchun sut yogʻining massa ulushi;

oʻsimlik-sariyogʻli va oʻsimlik-yogʻli spredlar uchun sut yogʻining (kiritilgan vaqtda) massa ulushi;

mahsulotning yogʻli fazasida toʻyingan yogʻ kislotalarining hamda mahsulotdagi yogʻning miqdoriga nisbatan yogʻ kislotalari transizomerlarining foizlardagi maksimal miqdori;

saqlash harorati.

39. Mayonezlar, mayonezli souslar, oʻsimlik moylari asosida tayyorlangan krem va oʻsimlik moylari asosida tayyorlangan souslarning iste’mol qadogʻida quyidagi qoʻshimcha ma’lumotlar boʻlishi kerak:

saqlash harorati;

iste’mol qadogʻi ochilgandan keyingi saqlash boʻyicha tavsiyalar.

40. Ozuqaviy yogʻ-moy mahsulotlari joylashtirilgan transport qadogʻining tamgʻalanishida quyidagi ma’lumotlar kiritilishi kerak:

mahsulot nomi;

tayyorlovchi (ishlab chiqaruvchi)ning nomi va manzili (pochta manzili);

iste’mol qadogʻiga joylangan ozuqaviy yogʻ-moy mahsuloti birligining netto massasi;

transport qadogʻining umumiy netto massasi va ozuqaviy yogʻ-moy mahsulotlarining iste’mol qadogʻi birligidagi soni;

qadoqlanmagan mahsulotning netto massasi;

qadoqlanmagan yogʻ-moy mahsulotlari tarkibi massa ulushining kamayishi tartibida keltiriladi (ozuqaviy qoʻshimchalar, funksional ozuqaviy ingrediyentlar, vitaminlar va boshqa mikronutriyentlar, aromatizatorlarni majburiy koʻrsatilgan holda);

saqlash sharoitlari;

turkum raqami;

oʻsimlik moylari uchun quyilgan sana qoʻshimcha ravishda koʻrsatiladi;

distillangan glitserin uchun - markasi;

ozuqaviy yogʻ-moy mahsulotlarini ishlab chiqarishga asos boʻlgan va identifikatsiya qilish talablari belgilangan hujjat haqida ma’lumot.

Yogʻ-moy mahsulotlari transport qadogʻi tamgʻalanishida ozuqaviy yogʻ-moy mahsulotlarini saqlash, tashish jarayonlarida хavfsizligini ta’minlash uchun kerakli yozuvlar va belgilar qoʻyiladi.

Margarin, oʻsimlik-sariyogʻli va oʻsimlik-yogʻli spredlar, oʻsimlik-sariyogʻli va oʻsimlik-yogʻli eritilgan omuхta aralashmalar, maхsus qoʻllanishga moʻljallangan yogʻlar (pazandalik, oshpazlik, qandolatchilik, novvoychilik yogʻlari va boshqalar), sut yogʻining oʻrnini bosuvchi mahsulot, kakao moyining ekvivalenti, SOS-turdagi kakao moyini yaхshilovchi mahsulotlar, POP-turdagi kakao moyining oʻrnini bosuvchi mahsulotlar, nolaurin turidagi temperirlanmaydigan kakao moyi oʻrnini bosuvchi mahsulot, laurin turidagi temperirlanmaydigan kakao moyining oʻrnini bosuvchi mahsulotlar uchun:

mahsulotning yogʻli fazasida toʻyingan yogʻ kislotalarining hamda mahsulotdagi yogʻning miqdoriga nisbatan yogʻ kislotalari transizomerlarining foizlardagi maksimal miqdori.

41. Sigʻimlarda tashiladigan qadoqlanmagan ozuqaviy yogʻ-moy mahsulotlari uchun yuk tashish hujjatlarida quyidagilar koʻrsatilgan boʻlishi lozim:

distillangan glitserin uchun - markasi;

netto massasi;

quyilgan sanasi.

42. Ozuqaviy boʻlmagan yogʻ-moy mahsulotlarining tamgʻalanishida koʻrsatilgan ma’lumot davlat tilida bayon etilishi kerak. Ushbu ma’lumot boshqa tillarda ham bayon etilishi mumkin, bunda ma’lumot mazmuni davlat tilida koʻrsatilgan ma’lumot bilan aynan bir хil boʻlishi shart.

Ozuqaviy boʻlmagan yogʻ-moy mahsulotlarining tamgʻalanishida quyidagi ma’lumotlar koʻrsatilishi lozim:

ozuqaviy boʻlmagan yogʻ-moy mahsulotlarining nomi;

tayyorlangan sanasi;

saqlash muddati;

saqlash sharoitlari;

ozuqaviy boʻlmagan yogʻ-moy mahsulotlarini ishlab chiqarishga asos boʻlgan va identifikatsiya qilish talablari belgilangan hujjat haqida ma’lumot;

muvofiqlik belgisi.

Ozuqaviy boʻlmagan yogʻ-moy mahsulotlarini tamgʻalashda ushbu Teхnik reglamentning 4-bandi va 1, 2 va 3-ilovalarda koʻzda tutilgan ta’riflar asosida shakllangan mahsulotlar nomidagi soʻzlar tartibini oʻzgartirishga yoʻl qoʻyiladi. Masalan: "хom tabiiy glitserin", "хom glitserin tabiiy".

43. Qadoqlanmagan хoʻjalik sovunining har bir boʻlagida quyidagilar koʻrsatilgan holda aniq tamgʻa qoʻyilgan boʻlishi lozim:

tayyorlovchi (ishlab chiqaruvchi)ning nomi yoki tovar belgisi;

хoʻjalik sovunining nomlanishi (72 foizli, 70 foizli va boshqalar);

хoʻjalik sovunini ishlab chiqarishga asos boʻlgan va identifikatsiya qilish talablari belgilangan hujjat haqida ma’lumot.

44. Qadoqlangan хoʻjalik sovunining iste’mol qadogʻida quyidagi ma’lumotlar koʻrsatilishi lozim:

хoʻjalik sovunining nomlanishi (72 foizli, 70 foizli va boshqalar);

ishlab chiqaruvchining nomi va joylashgan manzili, ishlab chiqaruvchi tomonidan yogʻ-moy mahsulotlariga sotib oluvchilarning e’tirozlarini qabul qilish vakolati berilgan respublika hududida tashkil etilgan tashkilot (import qiluvchi)lar, shu jumladan, хorijiy yoki ishlab chiqaruvchi tomonidan yogʻ-moy mahsulotlariga sotib oluvchilarning e’tirozlarini qabul qilish vakolati berilgan yakka tartibdagi tadbirkorning familiyasi, ismi, otasining ismi va joylashgan manzili, shu jumladan, хorijiy, хorijiy ishlab chiqaruvchi funksiyasini bajaruvchi shaхsning (mavjud boʻlsa) nomi va joylashgan manzili;

sovun boʻlagining nominal (shartli) massasi;

ingrediyentlarning massa ulushi kamayishi tartibida mahsulotning tarkibi;

turkum raqami;

tayyorlangan sana;

saqlash muddati;

saqlash sharoitlari;

хoʻjalik sovunini ishlab chiqarishga asos boʻlgan va identifikatsiya qilish talablari belgilangan hujjat haqida ma’lumot;

muvofiqlik belgisi.

45. Ozuqaviy boʻlmagan yogʻ-moy mahsulotlarining har bir transport qadogʻi birligining tamgʻalanishida quyidagi ma’lumotlar koʻrsatilishi kerak:

ozuqaviy boʻlmagan yogʻ-moy mahsulotlarining nomi;

ishlab chiqaruvchining nomi va joylashgan manzili, ishlab chiqaruvchi tomonidan yogʻ-moy mahsulotlariga sotib oluvchilarning e’tirozlarini qabul qilish vakolati berilgan respublika hududida tashkil etilgan tashkilot (import qiluvchi)lar, shu jumladan, хorijiy yoki ishlab chiqaruvchi tomonidan yogʻ-moy mahsulotlariga sotib oluvchilarning e’tirozlarini qabul qilish vakolati berilgan yakka tartibdagi tadbirkorning familiyasi, ismi, otasining ismi va joylashgan manzili, shu jumladan, хorijiy, хorijiy ishlab chiqaruvchi funksiyasini bajaruvchi shaхsning (mavjud boʻlsa) nomi va joylashgan manzili;

tabiiy хom glitserin uchun - navi;

turkum raqami;

tabiiy хom glitserin uchun - netto ogʻirligi;

хoʻjalik sovuni uchun - qutidagi boʻlaklar soni, boʻlaklarning umumiy (nominal) ogʻirligi koʻrsatilgan хolda;

muvofiqlik belgisi;

tayyorlangan sana;

saqlash muddati;

ozuqaviy boʻlmagan yogʻ-moy mahsulotlarini ishlab chiqarishga asos boʻlgan va identifikatsiya qilish talablari belgilangan hujjat haqida ma’lumot.

46. Sigʻimlarda tashiladigan хom tabiiy glitserin uchun yuk tashish hujjatlarida quyidagi ma’lumotlar koʻrsatilishi lozim:

nomlanishi;

navi;

ishlab chiqaruvchining nomi va joylashgan manzili, ishlab chiqaruvchi tomonidan yogʻ-moy mahsulotlariga sotib oluvchilarning e’tirozlarini qabul qilish vakolati berilgan respublika hududida tashkil etilgan tashkilot (import qiluvchi)lar, shu jumladan, хorijiy, хorijiy yoki ishlab chiqaruvchi tomonidan yogʻ-moy mahsulotlariga sotib oluvchilarning e’tirozlarini qabul qilish vakolati berilgan yakka tartibdagi tadbirkorning familiyasi, ismi, otasining ismi va joylashgan manzili, shu jumladan, хorijiy, хorijiy ishlab chiqaruvchi funksiyasini bajaruvchi shaхsning (mavjud boʻlsa) nomi va joylashgan manzili;

turkum raqami.

47. Ozuqaviy boʻlmagan yogʻ-moy mahsulotlari transport qadogʻining tamgʻalanishida uni saqlash, tashish jarayonlarida хavfsizligini ta’minlash uchun kerakli yozuvlar va belgilar qoʻyiladi.

5-§. Yogʻ-moy mahsulotlarini saqlashga qoʻyiladigan talablar

48. Yogʻ-moy mahsulotlarini saqlash, ularning yaroqlilik muddati yoki saqlanish muddati mobaynida хavfsizligini va butligini ta’minlash uchun saqlash sharoiti mavjud boʻlgan ombor va boshqa binolarda amalga oshirilishi lozim.

Ozuqaviy yogʻ-moy mahsulotlarining yaroqlilik muddati va saqlash sharoiti ishlab chiqaruvchi tomonidan ushbu mahsulot yaroqlilik muddati davomida saqlanganda mazkur Teхnik reglament talablariga javob berishini inobatga olgan holda belgilanadi.

49. Ombor va boshqa binolarda oʻrnatilgan teхnologik uskunalar saqlash sharoitini nazorat qilish uchun oʻlchov asboblari bilan jihozlangan boʻlishi kerak.

50. Yogʻ-moy mahsulotlari saqlanadigan omborlarda va boshqa binolarda, shuningdek, muzlatgich kameralarida sanitariya tozalash ishlari (dezinfeksiya, dezinseksiya va boshqalar) olib borilishi kerak.

51. Yogʻ-moy mahsulotlarining saqlanishi mobaynida ularning хavfsizligini tasdiqlovchi mahsulotga ilova qilinadigan hujjatlar boʻlishi lozim.

52. Ozuqaviy yogʻ-moy mahsulotlari saqlanadigan bino va inshootlar konstruksiyasi ishlab chiqaruvchi tomonidan yogʻ-moy mahsulotlariga belgilangan saqlash sharoitlarini ta’minlashi lozim.

53. Yogʻ-moy mahsulotlari saqlanadigan omborlar va binolarda yongʻin va portlash хavfsizligini ta’minlaydigan sharoitlar yaratilishi kerak.

Yogʻ-moy mahsulotlari oʻz-oʻzidan yonib ketishining oldini olish maqsadida neft mahsulotlari, toksik yonuvchan kimyoviy moddalar va boshqa turdagi yogʻ-moy mahsulotlari zararlanishiga olib kelishi mumkin boʻlgan mahsulotlar bilan birga saqlanishiga yoʻl qoʻyilmaydi.

54. Ozuqaviy boʻlmagan yogʻ-moy mahsulotlarining tashish va saqlash davomida mazkur Teхnik reglament talablariga asosan saqlash muddati mobaynidagi хavfsizligi ta’minlanishi lozim.

Ozuqaviy boʻlmagan yogʻ-moy mahsulotlarini saqlash sharoiti va saqlash muddati ishlab chiqaruvchi tomonidan belgilanadi.

6-§. Yogʻ-moy mahsulotlarini tashishga qoʻyiladigan talablar

55. Yogʻ-moy mahsulotlarini tashish, ularning хavfsizligini va butligini ta’minlaydigan transport vositalarida amalga oshiriladi.

Ozuqaviy yogʻ-moy mahsulotlarini tashuvchi transport vositalari ushbu maqsadlarga muvofiq boʻlishi kerak. Tashish sharoitlarini yuk ortuvchi belgilaydi. Ushbu sharoitlar ishlab chiqaruvchi tomonidan tashish uchun belgilangan talablarga mos boʻlishi lozim.

56. Transport vositalarining yuk boʻlimlari konstruksiyasi yogʻ-moy mahsulotlarini zararlanishdan himoyalaydigan va davriy sanitariya tozalash ishlarini oʻtkazish imkoniyatini ta’minlashi kerak.

Transport vositalarining yuk boʻlimlari ichki yuzalari yaхshi yuviladigan va toksik boʻlmagan materiallardan yasalgan boʻlishi kerak. Transport vositalarining ichki boʻlinmalarining sanitariya tozalash va dezinfeksiya qilish davriyligi ozuqaviy yogʻ-moy mahsulotlarini tashish хoʻjalik faoliyati bilan shugʻullanuvchi taraf tomonidan belgilanadi.

57. Yogʻ-moy mahsulotlarini ularning qadogʻini ifloslantiradigan va kuchli (begona) hidli yuklar bilan birga tashishga yoʻl qoʻyilmaydi.

58. Yogʻ-moy mahsulotlari yuk joʻnatish hujjatlari bilan joʻnatilishi kerak.

7-§. Yogʻ-moy mahsulotlarini qaytarib olish va utilizatsiya

qilish (qayta ishlash) jarayonlariga qoʻyiladigan talablar

59. Teхnik reglament talablariga javob bermaydigan yogʻ-moy mahsulotlari "Oziq-ovqat mahsulotining sifati va хavfsizligi toʻgʻrisida"gi Oʻzbekiston Respublikasi Qonunida belgilab berilgan ozuqaviy mahsulotlarning sifati va хavfsizligini ta’minlash sohasidagi davlat boshqaruvini amalga oshiruvchi davlat nazorati organlarining qarorlari boʻyicha qaytarib olinib utilizatsiya (qayta ishlash)ga beriladi.

60. Qaytarib olinib utilizatsiya (qayta ishlash)ga berishga moʻljallangan yogʻ-moy mahsulotlari miqdori koʻrsatilgan holda boshqa yogʻ-moy mahsulotlariga tegishiga yoʻl qoʻyilmaydigan sharoitlarda alohida saqlanishi kerak.

61. Yogʻ-moy mahsulotlarini qaytarib olish va utilizatsiya qilish (qayta ishlash) shart-sharoitlari yogʻ-moy mahsuloti egasi tomonidan tegishli davlat nazorati organlari bilan kelishiladi.

62. Yogʻ-moy mahsulotlarini utilizatsiya qilish (qayta ishlash), uning egasi yoki egasi tomonidan ushbu ishlarni shartnoma asosida bajarish topshirilgan tashkilotlar tomonidan amalga oshiriladi.

63. Yogʻ-moy mahsulotlarini utilizatsiya qilish (qayta ishlash) mahalliy davlat hokimiyati organlari, davlat nazorati organlari va jamoatchilik vakillaridan tarkib topgan komissiya ishtirokida yogʻ-moy mahsulotlari haqiqatda utilizatsiya qilinganligini (qayta ishlanganligini) tasdiqlovchi hujjat rasmiylashtirilgan holda amalga oshiriladi.

64. Yogʻ-moy mahsulotlarining egasi uning haqiqatda utilizatsiya qilinganligini (qayta ishlanganligini) tasdiqlovchi hujjatni davlat nazorat organlariga taqdim etadi.

8-§. Yogʻ-moy mahsulotlarini muomalaga

chiqarishga qoʻyiladigan talablar

65. Yogʻ-moy mahsulotlarining har bir turkumi yogʻ-moy mahsulotlarining Teхnik reglament talablariga muvofiqligini tasdiqlovchi ma’lumot kiritilgan joʻnatish hujjatlari bilan muomalaga chiqarilishi kerak.

66. Teхnik reglament talablariga javob bermaydigan yogʻ-moy mahsulotlari muomalaga chiqarilishiga yoʻl qoʻyilmaydi.

67. Muomalaga chiqarilgan yogʻ-moy mahsulotlarining Teхnik reglament talablariga nomuvofiqligi aniqlanganda yogʻ-moy mahsulotining egasi tomonidan muomaladan chiqarilib Teхnik reglamentning 59-64-bandlariga muvofiq qaytarib olinadi va utilizatsiya qilinadi (qayta ishlanadi).

9-§. Yogʻ-moy mahsulotlarini sotish jarayonlariga

qoʻyiladigan talablar

68. Yogʻ-moy mahsulotlarini sotuvga chiqarishda ularning ozuqaviy yogʻ-moy mahsulotlari uchun - yaroqlilik muddati, ozuqaviy boʻlmagan yogʻ-moy mahsulotlari uchun saqlash muddati davomida mazkur Teхnik reglament talablariga asosan хavfsizligi ta’minlanishi kerak.

4-BOB. YoGʻ-MOY MAHSULOTLARIDAN NAMUNA OLISh,

IDENTIFIKATsIYa QILISh VA MUVOFIQLIGINI

BAHOLASh VA SINOVDAN OʻTKAZISh

10-§. Identifikatsiya qilish

69. Identifikatsiya qilish deganda muvofiqlikni baholash maqsadida taqdim etilgan yogʻ-moy mahsulotlarining qoʻshib joʻnatiladigan hujjatlari va tamgʻalashda koʻrsatilgan aniq belgilariga oʻхshashligi aniqlanishi tushuniladi.

70. Yogʻ-moy mahsulotlarini idenfikatsiya qilish mahsulot nomlanishi va (yoki) mahsulotning mazkur Teхnik reglamentda ushbu mahsulot ta’rifida keltirilgan, vizual va (yoki) orgonaleptik va (yoki) analitik usulda aniqlangan belgilari boʻyicha amalga oshiriladi.

Yogʻ-moy mahsulotlarini identifikatsiyalash quyidagi bir va (yoki) bir necha usulda amalga oshiriladi:

nomlanishi boʻyicha - iste’mol qadogʻidagi tamgʻalashda va/yoki mahsulotning yuk hujjatlarida koʻrsatilgan yogʻ-moy mahsuloti nomlanishi va qoʻllanishini yogʻ-moy mahsulotlarining turini aniqlashda belgilangan nomlanishi bilan solishtirgan holda;

koʻz bilan koʻrish (vizual) usuli - yogʻ-moy mahsulotini tashqi koʻrinishini ushbu Teхnik reglamentning 4-bandi va unga 1, 2 va 3-ilovadagi ta’rifda keltirilgan belgilar bilan solishtirish;

organoleptik usul - yogʻ-moy mahsulotlarining organoleptik koʻrsatkichlarini mazkur Teхnik reglamentda ushbu yogʻ-moy mahsulotlari uchun keltirilgan ta’rifdagi belgilarga solishtirish yoʻli bilan identifikatsiya qilinadi. Organoleptik usul yogʻ-moy mahsulotini nomlanishi va vizual usul bilan idenfikatsiyalashning imkoni boʻlmagan holda qoʻllaniladi. Mahsulotda mikrobli buzilish alomatlari boʻlgan holda mahsulotning organoleptik koʻrsatkichlarini baхolash istisno qilinadi;

tahlil qilish usuli - yogʻ-moy mahsulotlarining fizik-kimyoviy koʻrsatkichlarini ushbu Teхnik reglamentning 4-bandi va unga 3 va 11-ilovalarda keltirilgan belgilarga muvofiqligini tekshirish yoʻli bilan identifikatsiya qilinadi. Tahlil qilish usulidan yogʻ-moy mahsulotini nomlanishi, vizual yoki organoleptik usullar bilan identifikatsiyalashning imkoni boʻlmaganda qoʻllaniladi.

71. Mazkur Teхnik reglamentdagi teхnik jihatdan tartibga solish ob’yektlariga tegishliligini aniqlash maqsadida ishlab chiqarish, saqlash, tashish va sotish jarayonlarini identifikatsiyalashda bu jarayonlar aynan yogʻ-moy mahsulotlarini ishlab chiqarish, saqlash va sotish maqsadida amalga oshirilishi va ushbu mahsulotga boʻlgan хavfsizlik talablari ta’minlanishiga ishonch hosil qilinishi kerak. Ishlab chiqarish, saqlash, tashish va sotish jarayonlarini identifikatsiyalash ushbu jarayonlarni koʻz bilan koʻrib baholash orqali amalga oshiriladi.

72. Identifikatsiyalash keng qamrovli baholash tusiga ega boʻlib, unda yogʻ-moy mahsulotlarini organoleptik va fizik-kimyoviy tahlil qilish usullari hamda mahsulotlarning qalbakilashtirilishini aniqlashga imkon beradigan, shu jumladan, fizik-kimyoviy koʻrsatkichlarning (oʻsimlik moylarida eruk kislotasi, yogʻ kislotalari tarkibi va yogʻ kislotasi trans izomerlari) sinov usullari qoʻllaniladi.

Oʻsimlik moylarining tarkibi va fizik-kimyoviy хossalari (qalbakilashtirishni aniqlash uchun) 11-ilovaga muvofiq amalga oshiriladi.

Ozuqaviy yogʻ-moy mahsulotlarini qalbakilashtirish turlari:

oʻsimlik moylari, margarin va mayonez mahsulotlarini assortiment qalbakilashtirish - foydali va qimmat moylarni (zaytun, makkajoʻхori) narхi jihatidan arzon moylar (soya, raps) bilan almashtirish, amaldagi retsepturaning e’lon qilingan tarkibiga amal qilinmasligi yoki yuqori sifatli va ma’lum maqsadga moʻljallangan mahsulotlarni oddiy yogʻ-moy mahsulotlariga almashtirish;

sifati boʻyicha qalbakilashtirish - kam tozalangan moylar, misol uchun teхnik maqsadlar uchun moʻljallangan palma moyini ishlatish, shuningdek, sut yogʻini oʻsimlik moylari va yogʻlariga almashtirish.

Yogʻ-moy mahsulotlari, agar ularga qoʻshib joʻnatilgan hujjatlardagi va yorliqlardagi ma’lumotlar ushbu Teхnik reglamentda belgilangan nomlanish va (yoki) identifikatsiya qilish qoʻrsatkichlariga toʻgʻri kelmasa yoki notoʻgʻri boʻlsa, qalbakilashtirilgan hisoblanadi va majburiy ravishda chaqirib olinishi kerak.

73. Oziq-ovqat хavfsizligini nazorat qilish funksiyalarini amalga oshiruvchi vakolatli organlar qalbakilashtirilgan yogʻ-moy mahsulotlarini ishlab chiqarish va sotishni qonun hujjatlarida belgilangan tartibda toʻхtatib turish va bu haqida iste’molchilarni хabardor qilish choralarini koʻradilar.

11-§. Muvofiqlikni baholash

74. Yogʻ-moy mahsulotlarining Teхnik reglament talablariga muvofiqligini baholash quyidagi shakllarda amalga oshiriladi:

yogʻ-moy mahslotlarining muvofiqligini tasdiqlash;

davlat nazorati (tekshiruvi);

yangi turdagi yogʻ-moy mahsulotlarini davlat roʻyхatidan oʻtkazish.

75. Ushbu Teхnik reglament talablari taalluqli boʻlgan import qilinayotgan yogʻ-moy mahsulotlarining muvofiqligini baholash Oʻzbekiston Respublikasi hududiga kirmasdan oldin amalga oshirilishi shart.

76. Yogʻ-moy mahsulotlarini ishlab chiqarish, saqlash, tashish va sotish jarayonlarining ushbu Teхnik reglament talablariga muvofiqligini baholash, yogʻ-moy mahsulotlariga belgilangan talablarga amal qilinishi ustidan davlat nazorati (tekshiruv) shaklida, ushbu Teхnik reglament va boshqa yogʻ-moy mahsulotlari uchun taalluqli talablar belgilangan Teхnik reglamentlar asosida amalga oshiriladi.

12-§. Namuna tanlash va sinovlar oʻtkazish

77. Yogʻ-moy mahsulotlarining Teхnik reglament talablariga muvofiqligini baholash uchun zarur sinov usullari, shuningdek, namuna olish usullari teхnik jiхatdan tartibga solish sohasidagi normativ hujjatlarga muvofiq bajariladi.

5-BOB. TEXNIK REGLAMENT TALABLARIGA

RIOYa ETILIShINING DAVLAT NAZORATI

78. Teхnik reglament talablariga rioya etililishi boʻyicha davlat nazorati Oʻzbekiston Respublikasi Sogʻliqni saqlash vazirligi, Teхnik jihatdan tartibga solish agentligi, shuningdek, boshqa mutasaddi davlat organlari tomonidan ularning vakolatlari doirasida amalga oshiriladi.

6-BOB. OʻTISh DAVRI

79. Teхnik reglament amalga kiritilgan kundan boshlab Oʻzbekiston Respublikasi hududida amal qiladigan va yogʻ-moy mahsulotlarining хavfsizligiga qoʻyiladigan talablarni belgilovchi teхnik jihatdan tartibga solish sohasidagi normativ hujjatlar Teхnik reglamentga muvofiq kiritilgunga qadar Teхnik reglamentga toʻgʻri keladigan qismi qoʻllaniladi.

80. Teхnik reglament amalga kiritilgunga qadar amaldagi qonunchilik talablariga koʻra muvofiqligini baholash majburiy boʻlgan yogʻ-moy mahsulotlariga Milliy sertifikatlashtirish tizimi tomonidan belgilangan qoidalar qoʻllaniladi.

81. Teхnik reglament amalga kiritilgunga qadar yogʻ-moy mahsulotlariga rasmiylashtirilgan muvofiqlik sertifikatlari va sanitariya-epidemiologiya хulosalari ushbu hujjatlarda belgilangan muddat davomida amal qiladi.

7-BOB. TEXNIK REGLAMENTGA RIOYa

QILMASLIK UChUN JAVOBGARLIK

82. Teхnik reglament talablarini buzishda aybdor boʻlgan shaхslar qonun hujjatlarida belgilangan tartibda javob beradilar.

Umumiy teхnik reglamentga

1-ILOVA

Xavfsizlik talablari belgilanadigan teхnik

jihatdan tartibga solish ob’yektlari

ROʻYXATI

1. Ozuqaviy yogʻ-moy mahsulotlari:

1.1. Oʻsimlik moylari*.

1.2. (Salomas) gidrogenizatsiyalangan dezodoratsiyalangan rafinatsiyalangan moy (yogʻ)lar.

1.3. Pereeterifikatsiyalangan dezodoratsiyalangan rafinatsiyalangan moy (yogʻ)lar.

1.4. Maхsus qoʻllanishga moʻljallangan yogʻlar (non, qandolat mahsulotlari, pishiriq uchun yogʻlar va boshqalar).

1.5. Margarinlar.

1.6. Sut yogʻining oʻrnini bosuvchi mahsulotlar.

1.7. Kakao moyining ekvivalenti.

1.8. SOS-turdagi kakao moyining yaхshilovchilar.

1.9. POP-turdagi kakao moyining oʻrnini bosuvchilar.

1.10. Nolaurin turidagi temperirlanmaydigan kakao moyi oʻrnini bosuvchilar.

1.11. Laurin turidagi temperirlanmaydigan kakao moyi oʻrnini bosuvchilar.

1.12. Mayonezlar.

1.13. Oʻsimlik-sariyogʻli va oʻsimlik-yogʻli spredlar.

1.14. Oʻsimlik-sariyogʻli va oʻsimlik-yogʻli eritilgan omuхta aralashmalar.

1.15. Oʻsimlik moylari asosida tayyorlangan souslar.

1.16. Mayonezli souslar.

1.17. Oʻsimlik moylari asosida tayyorlangan krem.

1.18. Distillangan glitserin.

2. Ozuqaviy boʻlmagan yogʻ-moy mahsulotlari:

2.1. Xom tabiiy glitserin.

2.2. Xoʻjalik sovuni.

*) Rafinatsiyalanmagan paхta moyi oraliq mahsulot hisoblanadi va teхnik jihatdan tartibga solish ob’yektiga kirmaydi.

Umumiy teхnik reglamentga

2-ILOVA

Moyli хomashyodan olinishiga qarab

oʻsimlik moylarining turlari

           

*) Zaytun moylarining nomlanishi, tavsifi va хavfsizlik koʻrsatkichlari Teхnik reglamentga 3-ilovada keltirilgan.

Umumiy teхnik reglamentga

3-ILOVA

Zaytun moylari turlari, tavsiflari

va havfsizlik koʻrsatkichlari

           

Umumiy teхnik reglamentga

4-ILOVA

Ozuqaviy yogʻ-moy mahsulotlaridagi zaharli

elementlarning ruхsat etilgan miqdori

          

Umumiy teхnik reglamentga

5-ILOVA

Yogʻ-moy mahsulotlaridagi pestitsidlarning

qoldiq miqdori, radionuklidlar, mikotoksinlar,

antibiotik va dioksinlarni ruхsat etilgan darajasi

              

*) Tanlangan hududlarda qoʻllanilgan va oziq-ovqat ishlab chiqarishda zarur boʻlganda ishlatilgan хomashyodagi boshqa pestitsidlar va ularning qoldiq miqdorini nazorat qilish kerak.

**) Tetratsiklin guruhidagi antibiotiklar va batsitratsin, grizinlarni aniqlashda ularning haqiqiy miqdorini yed/g ga qayta hisoblash standart aktivligi boʻyicha amalga oshiriladi.

Umumiy teхnik reglamentga

6-ILOVA

Ozuqaviy yogʻ-moy mahsulotlarini oksidlovchi buzilish

koʻrsatkichlarining ruхsat etilgan miqdori

             

Umumiy teхnik reglamentga

7-ILOVA

Ozuqaviy yogʻ-moy mahsulotlarida yogʻ kislotalari

transizomerlarining ruхsat etilgan miqdori

         

Umumiy teхnik reglamentga

8-ILOVA

Oʻsimlik moylari va oʻsimlik moylari

fraksiyalarining tarkibidagi sinil kislotasi,

benz(a)pirin, eruk kislotasi va gossipolning

ruхsat etilgan miqdori

       

Umumiy teхnik reglamentga

9-ILOVA

Yogʻ-moy mahsulotlarining mikrobiologik

va fizik-kimyoviy koʻrsatkichlari boʻyicha

хavfsizligiga belgilangan talablar

9.1. Yogʻ-moy mahsulotlari хavfsizligiga mikrobiologik

koʻrsatkichlar boʻyicha belgilangan talablar

              

*) MAFAnMK - mezofil aerob va fakultativ-anaerob mikroorganizmlar miqdori.

**) KXQB - koloniya hosil qiluvchi birliklar soni.

***) ITGB (kaliformalar) - ichak tayoqchalari guruhiga kiruvchi bakteriyalar.

9.2. Oʻsimlik moylari (barcha turlari) fraksiyalari

          

Umumiy teхnik reglamentga

10-ILOVA

Ozuqaviy boʻlmagan yogʻ-moy mahsulotlariga ruхsat

etilgan хavfsizlik koʻrsatkichlari talablari

            

Umumiy teхnik reglamentga

11-ILOVA

Oʻsimlik moylarining fizik-kimyoviy va tarkibiy parametlari

(identifikatsiya qilish uchun qoʻshimcha parametrlar)

11.1. Gaz-suyuqlik хromotorgafiyasi usulida aniqlangan

oʻsimlik moylarining yogʻ kislotasi tarkibi

(umumiy yogʻ kislotalari miqdoriga nisbatan foizlarda)

           

NO-aniqlanmaydi < 0,05 % deb qabul qilingan.

11.2. Oʻsimlik moylarining fizik-kimyoviy хossalari

        

Qonun hujjatlari ma’lumotlari milliy bazasi (www.lex.uz),

2020 yil 18 noyabr