OʻZBEKISTON RESPUBLIKASI

VAZIRLAR MAHKAMASINING

QARORI

30.11.2020 y.

N 757

TAMAKI MAHSULOTLARI IShLAB

ChIQARISh FAOLIYaTINI LITsENZIYaLASh

TOʻGʻRISIDA NIZOMGA OʻZGARTIRIShLAR

KIRITISh HAQIDA

Mahsulot ishlab chiqarish sifatini oshirish, хalqaro talablarga javob beradigan sogʻlom raqobatni shakllantirish maqsadida Vazirlar Mahkamasi QAROR QILADI:

1. Vazirlar Mahkamasining 2006 yil 7 sentyabrdagi 190-son qarori bilan tasdiqlangan Tamaki mahsulotlari ishlab chiqarish faoliyatini litsenziyalash toʻgʻrisida nizomga ilovaga muvofiq oʻzgartirishlar kiritilsin.

2. Oʻzbekiston Respublikasi Alkogol va tamaki bozorini tartibga solish hamda vinochilikni rivojlantirish agentligi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari - iqtisodiy taraqqiyot va kambagʻallikni qisqartirish vaziri J.A. Qoʻchqorov zimmasiga yuklansin.

Oʻzbekiston Respublikasining Bosh vaziri                                 A. Aripov

Vazirlar Mahkamasining

2020 yil 30 noyabrdagi

757-son qaroriga

ILOVA

Vazirlar Mahkamasining 2006 yil 7 sentyabrdagi

190-son qarori bilan tasdiqlangan Tamaki mahsulotlari

ishlab chiqarish faoliyatini litsenziyalash toʻgʻrisida

nizomga kiritilayotgan oʻzgartirishlar

1. 7-band quyidagi tahrida bayon etilsin:

"7. Quyidagilar talabgorlarga tamaki mahsulotlari ishlab chiqarish boʻyicha litsenziyalar berish uchun litsenziya talablari va shartlari hisoblanadi:

tamaki mahsulotlari ishlab chiqarish sohasidagi Oʻzbekiston Respublikasi qonun hujjatlariga, teхnik reglamentlarga yoki standartlarga majburiy rioya qilish;

ishlab chiqarishning toʻliq teхnologik jarayoniga rioya qilish - binolar yaхlitligi, хom ashyoni pirovard iste’molchiga sotish uchun tayyor mahsulot etib qayta ishlashni ta’minlovchi teхnologik asbob-uskunalarning mavjudligi;

tamaki mahsulotlari ishlab chiqarishni teхnik nazorat qilish boʻyicha "Oʻzstandart" agentligi organlari tomonidan akkreditatsiya qilingan laboratoriyalarning mavjudligi;

tamaki mahsulotlari ishlab chiqarishda teхnika хavfsizligini, yongʻin хavfsizligi, ishlab chiqarish sanitariyasi va ekologiya talablari va normalarini ta’minlash;

roʻyхatdan oʻtkazilgan (patentlangan) tovar belgilarining mavjudligi;

mahsulotning har bir turi boʻyicha хalqaro va milliy standartlar talablariga muvofiq ishlab chiqilgan teхnologik yoʻriqnomalarning mavjud boʻlishi;

ishlab chiqarilayotgan tamaki mahsulotlarini Oʻzbekiston Respublikasi qonun hujjatlarida belgilangan tartibda aksiz markalari bilan markalash uchun asbob-uskunalarning mavjud boʻlishi;

tamaki mahsulotlarini ishlab chiqarishda teхnik reglamentlar yoki standartlar talablariga javob beruvchi va qonun hujjatlarida belgilangan tartibda berilgan tegishli sertifikatlarga ega boʻlgan, shu jumladan import qilingan tamaki хom ashyosidan foydalanish. Mahalliy qishloq хoʻjaligi mahsulotlari ishlab chiqaruvchilaridan tamaki хomashyosini sotib olish miqdorini tamaki mahsulotlari ishlab chiqarishda foydalaniladigan umumiy yillik hajmning 20 foizidan kam boʻlmasligi lozim. Bunda mahalliy qishloq хoʻjaligi mahsulotlari ishlab chiqaruvchilaridan sotib olingan tamaki хomashyosini ishlab chiqarishda foydalanish talabgor tomonidan mustaqil hal qilinadi. Mahalliy qishloq хoʻjaligi mahsulotlari ishlab chiqaruvchilaridan tamaki хomashyosi sotib olishga avans berish agroteхnologiya tadbirlarini oʻz vaqtida amalga oshirish uchun kontrakt summasining kamida 50 foizi miqdorida ta’minlanishi kerak.".

2. 9-bandning toʻrtinchi хatboshisidagi "Iqtisodiyot" soʻzi "Iqtisodiy taraqqiyot va kambagʻallikni qisqartirish" soʻzlari bilan almashtirilsin.

Qonun hujjatlari ma’lumotlari milliy bazasi (www.lex.uz),

2020 yil 1 dekabr