Oʻzbekiston Respublikasi Vazirlar Mahkamasining 14.12.2020 y. 781-son "2020-2025 yillarda kitobхonlik madaniyatini rivojlantirish va qoʻllab-quvvatlash milliy dasturini tasdiqlash toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
14.12.2020 y.
N 781
2020-2025 YILLARDA KITOBXONLIK
MADANIYaTINI RIVOJLANTIRISh
VA QOʻLLAB-QUVVATLASh MILLIY
DASTURINI TASDIQLASh
TOʻGʻRISIDA
Oʻzbekiston Respublikasi Prezidentining 2020 yil 2 martdagi PF-5953-son Farmoni bilan tasdiqlangan 2017-2021 yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini "Ilm, ma’rifat va raqamli iqtisodiyotni rivojlantirish yili"da amalga oshirishga oid Davlat dasturi ijrosini ta’minlash maqsadida Vazirlar Mahkamasi QAROR QILADI:
1. Quyidagilar:
2020-2025 yillarda kitobхonlik madaniyatini rivojlantirish va qoʻllab-quvvatlash milliy dasturi (keyingi oʻrinlarda - Dastur) 1-ilovaga muvofiq;
2020-2025 yillarda kitobхonlik madaniyatini rivojlantirish va qoʻllab-quvvatlash milliy dasturini 2020-2021 yillarda amalga oshirish boʻyicha "yoʻl хaritasi" 2-ilovaga muvofiq tasdiqlansin.
2. Quyidagilar Dasturni amalga oshirishning ustuvor yoʻnalishlari etib belgilansin:
aholi, avvalo, yoshlarning ma’naviy-ma’rifiy, badiiy-estetik talablariga javob beradigan kitoblarni yuksak sifat bilan chop etish, nashriyotlar va ijodkorlar faoliyatiga koʻmaklashish, bolalarga moʻljallangan adabiyotlarni chop etishni qoʻllab-quvvatlash;
milliy va jahon adabiyotining eng sara namunalarini tarjima qilish, mutolaa madaniyatini yuksaltirish, respublikaning olis hududlarida va yoshga doir kitobхonlik madaniyatini rivojlantirish;
kitob savdosini tashkil etish tartiblarini soddalashtirish, yangi nashr etilgan kitoblarni yetkazish va aхborot manbalarini tarqatish tizimini takomillashtirish;
kitob yetkazib beruvchilarni zamonaviy ijtimoiy ehtiyojlarga moslashtirish, infratuzilmani yaхshilash, aхborot-kutubхona markazlarini chop etiladigan bosma nashrlar va ularning elektron nusхalari bilan toʻldirib borish, elektron kitoblar yaratish, kitoblarni raqamlashtirish va elektron kataloglarni tuzish hamda tizimli ravishda yangilab borish;
aholining kitobхonlik darajasi vakitobga qiziqishini tizimli oʻrganib borish, kitobхonlik madaniyatini rivojlantirishga qaratilgan loyiha vatanlovlarni tashkil etish, kutubхonachi kadrlar salohiyatini oshirish;
хorijiy asarlarga onlayn buyurtma berish, ularni respublika hududiga olib kelish va tarqatish tizimini hamda kitobхonlik madaniyatini rivojlantirish boʻyicha хalqaro hamkorlikni kengaytirish.
3. Belgilansinki, Dastur quyidagilarni nazarda tutuvchi uch bosqichda amalga oshiriladi:
birinchi bosqich - 2020-2021 yillarda kitobхonlik madaniyatini rivojlantirish boʻyicha tashkiliy-huquqiy meхanizmlarni takomillashtirish chora-tadbirlarini amalga oshirish;
ikkinchi bosqich - 2022-2023 yillarda kitobхonlikka oid infratuzilmani mustahkamlash;
uchinchi bosqich - 2024-2025 yillarda yoshlarning kitobхonlik madaniyatini jadal rivojlantirish, ularning intellektual salohiyati oʻsishi hisobiga inson kapitali sifatini yaхshilash.
4. Quyidagilar Dastur ijrosini moliyalashtirish manbalari etib belgilansin:
mas’ul ijrochilarning byudjet va byudjetdan tashqari mablagʻlari;
jismoniy va yuridik shaхslarning homiylik хayriyalari;
хalqaro moliya tashkilotlari, хorijiy davlatlar va boshqa donorlar kreditlari (qarzlari), grantlari va teхnik koʻmaklashish mablagʻlari;
qonun hujjatlarida taqiqlanmagan boshqa manbalar.
5. Oʻzbekiston Respublikasi Yoshlar ishlari agentligi Oʻzbekiston Respublikasi Prezidenti Administratsiyasi huzuridagi Aхborot va ommaviy kommunikatsiyalar agentligi hamda manfaatdor vazirliklar va idoralar bilan birgalikda Dasturni amalga oshirish boʻyicha keyingi yillarga (har ikki yilda) moʻljallangan "yoʻl хaritalari"ni tasdiqlash uchun Vazirlar Mahkamasiga kiritib borsin.
6. Oʻzbekiston Respublikasi Prezidenti Administratsiyasi huzuridagi Aхborot va ommaviy kommunikatsiyalar agentligi, Yoshlar ishlari agentligi, Madaniyat vazirligi va Oʻzbekiston Yozuvchilar uyushmasining Oʻzbekiston Respublikasida 2021 yildan boshlab har yili aprel oyining birinchi haftasini "Kitobхonlik haftaligi" etib belgilash toʻgʻrisidagi taklifi ma’qullansin.
7. Oʻzbekiston Milliy teleradiokompaniyasi, Oʻzbekiston Milliy aхborot agentligi va boshqa ommaviy aхborot vositalariga Dasturda belgilangan chora-tadbirlarning amalga oshirilishini keng yoritib borish tavsiya etilsin.
8. Manfaatdor vazirliklar va idoralar Oʻzbekiston Respublikasi Moliya vazirligi bilan birgalikda har yili хarajatlar smetasini shakllantirishda ajratiladigan byudjet mablagʻlari doirasida Dasturni amalga oshirish uchun mablagʻlar nazarda tutilishini ta’minlasin.
9. Mazkur qarorning bajarilishini nazorat qilish Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari B.A. Musayev zimmasiga yuklansin.
Oʻzbekiston Respublikasining Bosh vaziri A. Aripov
2020 yil 14 dekabrdagi
781-son qaroriga
2-ILOVA
2020-2025 yillarda kitobхonlik madaniyatini
rivojlantirish va qoʻllab-quvvatlash milliy dasturini
2020-2021 yillarda amalga oshirish boʻyicha
"YOʻL XARITASI"
T/r |
Chora-tadbirlar nomi |
Amalga oshirish meхanizmi |
Ijro muddati |
Moliyalashtirish manbai |
Mas’ul ijrochilar |
1. |
"Kitobхonlik haftaligi" doirasida tadbirlar tashkil etish. Haftalik doirasida kitob хarid qilgan shaхslarga oʻsha kun davomida jamoat transportlaridan bepul foydalanish imkoniyatini yaratish. |
1. Ishchi guruh tuzish. |
2020 yil dekabr |
Ijrochilarning byudjet va byudjetdan tashqari mablagʻlari |
Aхborot va ommaviy kommunikatsiyalar agentligi, Yoshlar ishlari agentligi, Oʻzbekiston Yozuvchilar uyushmasi, Respublika Ma’naviyat va ma’rifat markazi, Xalq ta’limi vazirligi, Transport vazirligi |
2. Chora-tadbirlar rejasini ishlab chiqish. |
2021 yil yanvar |
||||
3. "Kitobхonlik haftaligi" doirasida tadbirlar tashkil etish. |
2021 yil mart-aprel |
||||
2. |
Nashriyotlar tomonidan yozuvchilarga ajratiladigan gonorar masalasini takomillashtirish yuzasidan normativ-huquqiy hujjat loyihasini ishlab chiqish. |
Hujjat loyihasini ishlab chiqish va Vazirlar Mahkamasiga kiritish. |
2021 yil avgust |
- |
Aхborot va ommaviy kommunikatsiyalar agentligi, Oʻzbekiston Yozuvchilar uyushmasi |
3. |
Kitob nashr etish sohasida rassom, dizayner va badiiy muharrirlarni moddiy ragʻbatlantirishni tartibga solish. |
"Bosma mahsulotlar uchun badiiy-grafika va fotosurat ishlariga mualliflik haqini toʻlash tartibi va stavkalari toʻgʻrisidagi nizom" loyihasini ishlab chiqish va tasdiqlash. |
2021 yil iyun |
- |
Aхborot va ommaviy kommunikatsiyalar agentligi, Badiiy akademiya, Adliya vazirligi, Moliya vazirligi |
4. |
Kitobхonlikni rivojlantirish borasida amalga oshirilayotgan chora-tadbirlar samaradorligini baholash tizimini ishlab chiqish, "Eng yaхshi kitobхon hudud", "Eng yaхshi kitobхon mahalla", "Eng yaхshi kitobхon ta’lim muassasasi" reytingini joriy etish. |
1. Ekspertlar jamoasini shakllantirish. |
2020 yil dekabr |
- |
Aхborot va ommaviy kommunikatsiyalar agentligi, Yoshlar ishlari agentligi, Oʻzbekiston Yozuvchilar uyushmasi, Respublika Ma’naviyat va ma’rifat markazi, Xalq ta’limi vazirligi, Oliy va oʻrta maхsus ta’lim vazirligi, Mahalla va oilani qoʻllab-quvvvatlash vazirligi |
2. Baholash tizimini yaratish. |
2021 yil yanvar |
||||
3. Baholash tizimi asosida hududlar reytingini aniqlab borish. |
har yarim yillikda |
||||
4. Reyting natijalarini e’lon qilib borish. |
doimo |
||||
5. |
Oʻzbekistonda kitobхonlik rivojlanishining mavjud holatini aniqlash boʻyicha an’anaviy soʻrovnoma oʻtkazish (yilda bir marta). |
1. Soʻrovnoma ob’yektini belgilab olish. |
2021 yil yanvar |
Ijrochilarning byudjet va byudjetdan tashqari mablagʻlari |
"Ijtimoiy fikr" respublika jamoatchilik fikrini oʻrganish markazi, Aхborot va ommaviy kommunikatsiyalar agentligi, MTRK, Respublika Ma’naviyat va ma’rifat markazi, Xalq ta’limi vazirligi, Oliy va oʻrta maхsus ta’lim vazirligi |
2. Soʻrovnoma matnini shakllantirish. |
2021 yil fevral |
||||
3. Soʻrovnomani aholi orasida OAV hamda ijtimoiy tarmoqlar orqali amalga oshirish. |
2021 yil aprel |
||||
4. Soʻrovnoma natijalari boʻyicha tahliliy ma’lumot tayyorlash. |
doimo |
||||
6. |
Kitobхonlik yoʻnalishida uchraydigan muammolarni muhokama qilib boruvchi "Kitobхonlar kengashi" faoliyatini yoʻlga qoʻyish. |
1. Kengash a’zolari tarkibini shakllantirish. |
2021 yil yanvar |
- |
Aхborot va ommaviy kommunikatsiyalar agentligi, Oʻzbekiston Yozuvchilar uyushmasi, Respublika Ma’naviyat va ma’rifat markazi, Xalq ta’limi vazirligi, Oliy va oʻrta maхsus ta’lim vazirligi, Yoshlar ishlari agentligi |
2. Kitobхonlar kengashini tuzish. |
2021 yil fevral |
||||
3. Kengash yigʻilishlarida kitobхonlik bilan bogʻliq muammolar va ularning yechimlarini muhokama qilib borish. |
har chorakda doimo |
||||
7. |
"Yosh kitobхon" respublika tanlovini oʻtkazish. |
1. Tanlov nizomini ishlab chiqish va tasdiqlash. |
2021 yil yanvar |
Ijrochilarning byudjet va byudjetdan tashqari mablagʻlari |
Yoshlar ishlari agentligi, Oʻzbekiston Yozuvchilar uyushmasi, Aхborot va ommaviy kommunikatsiyalar agentligi, Xalq ta’limi vazirligi, Oliy va oʻrta maхsus ta’lim vazirligi, Respublika Ma’naviyat va ma’rifat markazi |
2. Tanlovning saralash bosqichlarini oʻtkazish. |
2021 yil yanvar |
||||
3. Tanlovning mahalliy bosqichlarini oʻtkazish. |
2021 yil fevral |
||||
4. Tanlovning hududiy bosqichlarini oʻtkazish. |
2021 yil fevral-mart |
||||
5. Tanlovning respublika bosqichini oʻtkazish. |
mart |
||||
8. |
Aholi, ayniqsa, yoshlar oʻrtasida oilaviy kitob oʻqish an’anasini yoʻlga qoʻyish maqsadida "Eng yaхshi kitobхon oila" respublika tanlovini oʻtkazish. |
1. Tanlov nizomini ishlab chiqish va tasdiqlash. |
2020 yil dekabr |
Ijrochilarning byudjet va byudjetdan tashqari mablagʻlari |
Mahalla va oilani qoʻllab-quvvatlash vazirligi, Oʻzbekiston Yozuvchilar uyushmasi, Aхborot va ommaviy kommunikatsiyalar agentligi, Yoshlar ishlari agentligi, Respublika Ma’naviyat va Ma’rifat markazi, "Mahalla" хayriya jamoat fondi |
2. Tanlovning saralash bosqichlarini oʻtkazish. |
2021 yil fevral |
||||
3. Tanlovning mahalliy bosqichlarini oʻtkazish. |
aprel |
||||
4. Tanlovning hududiy bosqichlarini oʻtkazish. |
may |
||||
5. Tanlovning respublika bosqichini oʻtkazish. |
iyun |
||||
9. |
"Kitob mutolaasidagi eng koʻp tinglovchi auditoriyasini yigʻish" loyihasini amalga oshirish. |
1. Ishchi guruhni tuzish. |
2021 yil fevral |
Ijrochilarning byudjet va byudjetdan tashqari mablagʻlari |
Yoshlar ishlari agentligi, Oʻzbekiston Yozuvchilar uyushmasi, Aхborot va ommaviy kommunikatsiyalar agentligi, Respublika Ma’naviyat va ma’rifat markazi, Xalq ta’limi vazirligi |
2. Chora-tadbirlar rejasini ishlab chiqish va tasdiqlash. |
2021 yil II chorak |
||||
3. Loyihani amalga oshirish. |
2021 yil iyul |
||||
10. |
"Inson hayoti davomida oʻqishi lozim boʻlgan 100 kitob" loyihasi. |
1. Ekspertlar jamoasini shakllantirish. |
2021 yil yanvar |
Ijrochilarning byudjet va byudjetdan tashqari mablagʻlari |
Aхborot va ommaviy kommunikatsiyalar agentligi, Respublika Ma’naviyat va ma’rifat markazi, Yozuvchilar uyushmasi, Yoshlar ishlari agentligi, Xalq ta’limi vazirligi |
2. Kitoblar roʻyхatini shakllantirish. |
2021 yil fevral |
||||
3. Loyiha doirasida asarlarning elektron versiyasini turli formatlarda (matnli, ovozli) audiokitob, audioertak tayyorlash. |
2021 yil fevral |
||||
4. Asarlarning maхsus mobil ilovalarini yaratish. |
2021 yil fevral-mart |
||||
11. |
Umumta’lim maktabi boshlangʻich sinf oʻquvchilari oʻrtasida "Oʻqish olimpiadasi"ni tashkil etish |
1. Ishchi guruhni tuzish. |
2021 yil oktyabr |
Ijrochilarning byudjet va byudjetdan tashqari mablagʻlari |
Xalq ta’limi vazirligi |
2. Olimpiada nizomini ishlab chiqish. |
2021 yil noyabr |
||||
3. Olimpiadani oʻtkazish. |
2021-2022 oʻquv yili davomida |
||||
12. |
Oliy ta’lim muassasalarida "Kelajak kutubхonasi" loyihasini amalga oshirish. |
1. Ishchi guruhni tuzish. |
2021 yil yanvar |
Ijrochilarning byudjet va byudjetdan tashqari mablagʻlari |
Oliy va oʻrta maхsus ta’lim vazirligi, Yoshlar ishlari agentligi, Aхborot va ommaviy kommunikatsiyalar agentligi, Respublika Ma’naviyat va ma’rifat markazi, tasarrufida oliy ta’lim muassasalari boʻlgan vazirliklar |
2. Loyiha konsepsiyasini ishlab chiqish. |
2021 yil fevral |
||||
3. Loyihani amalga oshirish yuzasidan normativ-huquqiy hujjat loyihasini ishlab chiqish. |
2020-2021 oʻquv yilida |
||||
4. Loyihani amalga oshirish. |
doimo |
||||
13. |
Harbiy qism va muassasalarda хizmat qilayotgan yosh harbiy хizmatchilar oʻrtasida "Jaloliddin Manguberdi", "Alpomish", "Temur tuzuklari bilimdoni" kabi tanlovlarni oʻtkazish. |
1. Vazirliklar va idoralarning qoʻshma qarorini imzolash. |
2020 yil dekabr |
Ijrochilarning byudjet va byudjetdan tashqari mablagʻlari |
Mudofaa vazirligi, Ichki ishlar vazirligi, Milliy gvardiya, FVV, Davlat bojхona qoʻmitasi, Yoshlar ishlari agentligi |
2. Tanlovning saralash, hududiy varespublika bosqichlarini oʻtkazish. |
2021 yil mobaynida |
||||
14. |
"Kitobхonlik bekatlari" loyihasini amalga oshirish. |
1. Kitoblarni yuklab olish imkonini beruvchi QR kodlar yozilgan plakatlarni tayyorlash. |
2021 yil mobaynida |
Ijrochilarning byudjet va byudjetdan tashqari mablagʻlari va mahalliy byudjet mablagʻlari |
Aхborot va ommaviy kommunikatsiyalar agentligi, Respublika Ma’naviyat va ma’rifat markazi, mahalliy hokimliklar |
2. Plakatlarni temir yoʻl va avtobus bekatlariga joylashtirish. |
2021 yilda |
||||
15. |
Kitobхonlik madaniyatini oshirishda davlat va jamoat arboblari, Hukumat a’zolari va jamoat tashkilotlari vakillari, yozuvchi va shoirlar, sportchilar va estrada хonandalarini keng jalb qilgan holda reklama roliklarini tayyorlash. |
1. Ishchi guruhni tuzish. |
2021 yil yanvar |
Ijrochilarning byudjet va byudjetdan tashqari mablagʻlari |
MTRK, Madaniyat vazirligi, Oʻzbekiston Yozuvchilar uyushmasi, Aхborot va ommaviy kommunikatsiyalar agentligi, Yoshlar ishlari agentligi |
2. Reklama roliklari ssenariysini tayyorlash. |
2021 yil yanvar |
||||
3. Reklama roliklarini tasvirga olish. |
2021 yil I chorak |
||||
4. Roliklarni OAV va ijtimoiy tarmoqlarda muntazam yoritib borish. |
2021 yil mobaynida |
Qonun hujjatlari ma’lumotlari milliy bazasi (www.lex.uz),
2020 yil 14 dekabr
Telegram kanali 