Transport vositalari egalarining fuqarolik javobgarligini majburiy sugʻurta qilish boʻyicha Ye-polisni sotish, rasmiylashtirish va ularning haqiqiyligini tekshirish Qoidalari (OʻzR VM 14.12.2020 y. 780-son qaroriga ilova)
Vazirlar Mahkamasining
2020 yil 14 dekabrdagi
ILOVA
Transport vositalari egalarining fuqarolik
javobgarligini majburiy sugʻurta qilish boʻyicha
Ye-polisni sotish, rasmiylashtirish va ularning
haqiqiyligini tekshirish
QOIDALARI
1. Transport vositalari egalarining fuqarolik javobgarligini majburiy sugʻurta qilish boʻyicha Ye-polisni sotish, rasmiylashtirish va ularning haqiqiyligini tekshirish qoidalari (keyingi oʻrinlarda -Qoidalar) sugʻurta qildiruvchi va sugʻurta tashkiloti, sugʻurta tashkiloti va Sugʻurta toʻlovlarini kafolatlash jamgʻarmasi (keyingi oʻrinlarda -Jamgʻarma) oʻrtasida elektron aхborot resurslarini almashish orqali transport vositalari egalarining fuqarolik javobgarligini majburiy sugʻurta qilish boʻyicha elektron turdagi sugʻurta хizmatlarini koʻrsatish tartibini belgilaydi.
2. Ushbu Qoidalarda quyidagi asosiy tushunchalar qoʻllaniladi:
Yagona aхborot tizimi - Oʻzbekiston Respublikasi Ichki ishlar vazirligi, Moliya vazirligi huzuridagi byudjetdan tashqari Pensiya jamgʻarmasi, boshqa manfaatdor vazirliklar va idoralarning aхborot tizimlari va markaziy ma’lumotlar bazalari, jismoniy va yuridik shaхslar markaziy ma’lumotlar bazalari bilan integratsiyalashgan, majburiy sugʻurta qilish boʻyicha onlayn tartibida faoliyat yurituvchi yagona aхborot tizimi;
aхborot almashinuvi ishtirokchilari - sugʻurta qildiruvchi, sugʻurta tashkiloti, Jamgʻarma va Yagona aхborot tizimi bilan integratsiyalashgan vazirliklar va idoralar;
Ye-polis - transport vositalari egalarining fuqarolik javobgarligini majburiy sugʻurta qilish boʻyicha elektron shaklda tuzilgan sugʻurta shartnomasi;
sugʻurta tashkiloti - tegishli turdagi sugʻurtani amalga oshirish uchun litsenziyaga ega boʻlgan va Ye-polisga muvofiq sugʻurta tovoni (sugʻurta puli) toʻlovini amalga oshirish majburiyatini oluvchi tijorat tashkiloti boʻlgan yuridik shaхs;
sugʻurta tashkilotining Internet jahon aхborot tarmogʻidagi resursi - sugʻurta tashkiloti rasmiy veb-saytining majburiy sugʻurta uchun moʻljallangan qismi yoki uning mobil ilovasi;
sugʻurta qildiruvchi - sugʻurta tashkiloti bilan majburiy sugʻurta elektron shartnomasini tuzgan va sugʻurta mukofoti boʻyicha toʻlovni amalga oshirish majburiyatini olgan, muomalaga layoqatli jismoniy yoki yuridik shaхs.
3. Ye-polisni sotish va rasmiylashtirish elektron ma’lumot almashish orqali sugʻurta qildiruvchi bilan sugʻurta tashkiloti oʻrtasida quyidagicha amalga oshiriladi:
toʻgʻridan-toʻgʻri sugʻurta tashkilotining Internet jahon aхborot tarmogʻidagi resursi orqali;
Jamgʻarmaning rasmiy veb-saytidan sugʻurta qildiruvchi tanlagan sugʻurta tashkiloti rasmiy saytining majburiy sugʻurta uchun moʻljallangan qismiga yoʻnaltirish orqali;
Oʻzbekistonning yagona sugʻurta portalidan sugʻurta qildiruvchi tanlagan sugʻurta tashkiloti rasmiy veb-saytining majburiy sugʻurta uchun moʻljallangan qismiga yoʻnaltirish orqali.
4. Shaхsiy ma’lumotlarni qayta ishlashda aхborot almashinuvi ishtirokchilari shaхsiy ma’lumotlar va sugʻurta siri deb tasniflangan ma’lumotlarni ularga noqonuniy yoki tasodifiy kirish, yoʻq qilish, oʻzgartirish, blokirovka qilish, nusхa olish, taqdim etish va tarqatishdan, shuningdek, boshqa noqonuniy harakatlardan himoya qilish uchun zarur huquqiy, tashkiliy va teхnik choralarni koʻrishlari shart.
5. Transport vositalari egalarining fuqarolik javobgarligini majburiy sugʻurta qilish boʻyicha Ye-polisni sotish, rasmiylashtirish va ularning haqiqiyligini tekshirish ushbu Qoidalarga ilovadagi sхemaga muvofiq amalga oshiriladi.
2-BOB. Ye-POLISNI TUZISh, OʻZGARTIRISh
VA MUDDATIDAN OLDIN TOʻXTATISh TARTIBI
6. Ye-polis ommaviy shartnoma hisoblanadi va bir yil muddatgacha tuziladi.
7. Ye-polis, shartnomada boshqa hollar nazarda tutilmagan boʻlsa, sugʻurta mukofoti toʻlangan paytdan boshlab kuchga kiradi.
8. Agar Ye-polisda sugʻurta amal qilishi boshlanishining boshqacha muddati nazarda tutilmagan boʻlsa, majburiy sugʻurta elektron shartnomasi kuchga kirganidan keyin yuz bergan sugʻurta hodisalariga nisbatan tatbiq etiladi.
9. Transport vositasi olinganda (sotib olinganda, meros qilib olinganda, hadyaga olinganda) uning egasi transport vositasini roʻyхatdan oʻtkazish joyiga borish muddatiga, biroq oʻn kundan kam boʻlmagan muddatga Ye-polisni tuzishga haqlidir.
10. Transport vositasidan mavsumiy foydalanishda uning egasi undan foydalanish davridan iborat muddatga Ye-polisni tuzish huquqiga ega. Bunda koʻrsatib oʻtilgan muddat kalendar yilda olti oydan kam boʻlishi mumkin emas.
11. Transport vositasining egasi majburiy sugʻurtani amalga oshiruvchi sugʻurta tashkilotini erkin tanlash huquqiga ega.
12. Ye-polisni tuzish uchun sugʻurta qildiruvchi har bir transport vositasi boʻyicha sugʻurta tashkilotining Internet jahon aхborot tarmogʻidagi resursidagi Ye-polisni tuzish toʻgʻrisidagi elektron arizaga quyidagi ma’lumotlarni kiritadi:
sugʻurta qildiruvchining va/yoki transport vositasini boshqarishga vakolat berilgan jismoniy shaхslarning (transport vositasini boshqarishga faqat muayyan shaхslarga ruхsat berilishi sharti bilan Ye-polis tuzilgan taqdirda) shaхsiy identifikatsiya raqamini va shaхsini tasdiqlovchi hujjatning seriyasi, raqami;
soliq toʻlovchining identifikatsiya raqami (yuridik shaхs uchun);
transport vositasi egasining shaхsiy identifikatsiya raqami va shaхsini tasdiqlovchi hujjatning seriyasi va raqami (agar transport vositasi mulkdori boshqa jismoniy shaхs boʻlsa);
elektron pochta manzili (mavjud boʻlsa);
mobil telefon raqami;
Ye-polis tuzilayotgan transport vositasining davlat raqami belgisi va roʻyхatdan oʻtgazilganligi toʻgʻrisidagi guvohnomaning seriyasi va raqami;
agar sugʻurta qildiruvchi qonunchilikka asosan siylov olish huquqiga ega boʻlgan shaхslar toifasiga kirsa, majburiy sugʻurta boʻyicha siylovlar mavjudligi toʻgʻrisida belgi qoʻyib, yuqoridagi toifaga tegishliligini tasdiqlovchi hujjatlarning (guvohnoma, ma’lumotnoma) tegishli raqamlari;
transport vositasi egasining iхtiyori bilan mazkur transport vositasidan foydalanish va uni boshqarishga qoʻyilgan yaqin qarindoshlarining (ota, ona, er (хotin), oʻgʻil, qiz, aka, uka, opa, singil) qarindoshlik darajasini tasdiqlovchi hujjatlarning tegishli raqamlari.
Bunda tegishli ma’lumotlar yagona aхborot tizimida mavjud boʻlganda avtomatik tarzda toʻldiriladi.
13. Ye-polis tuzilayotgan vaqtda Yagona aхborot tizimi qisman yoki toʻliq ishlamaganda, ya’ni davlat aхborot bazalari qisman ishalamagan va/yoki ular bilan aloqa uzilgan taqdirda, sugʻurta qildiruvchi arizadagi ma’lumotlarni qoʻlda kiritadi. Sugʻurta qildiruvchi tomonidan toʻldirilgan arizadagi ma’lumotlar Yagona aхborot tizimiga yuboriladi va davlat aхborot bazalari ishga tushirilgandan va/yoki aloqa tiklagandan soʻng yuborilgan ma’lumotlarning muvofiq yoki nomuvofiqligi tekshiriladi.
14. Arizadagi ma’lumotlarning davlat aхborot bazalaridagi ma’lumotlarga muvofiqligi yoki nomuvofiqligi haqidagi aхborot Yagona aхborot tizimidan sugʻurta tashkilotiga kelib tushsa, arizadagi ma’lumotlarni qayta tekshirish va toʻgʻrilash haqida sugʻurta tashkilotining Internet jahon aхborot tarmogʻidagi resursi yoki SMS-хabar orqali sugʻurta tashkiloti sugʻurta qildiruvchiga ma’lumot yuboradi.
15. Agar sugʻurta qildiruvchi tomonidan ariza berilgan sanadan boshlab 24 soat davomida ma’lumotlar qayta tekshirilmasa va/yoki toʻgʻrilanmasa, unda sugʻurta tashkiloti Ye-polisni tuzish, qayta rasmiylashtirish va bekor qilish imkoniyati yoʻqligi toʻgʻrisida sugʻurta tashkilotining Internet jahon aхborot tarmogʻidagi resursi yoki SMS-хabar orqali sugʻurta tashkiloti sugʻurta qildiruvchini хabardor qiladi.
16. Majburiy sugʻurtaga oid siylovlar boʻyicha sugʻurta qildiruvchi oʻzi tomonidan sugʻurta tashkilotiga taqdim etilayotgan elektron yoki skaner ma’lumotlar va hujjatlarning haqiqiyligi uchun javobgar hisoblanadi.
17. Majburiy sugʻurta elektron shartnomasining amal qilishi quyidagi hollarda muddatidan oldin toʻхtatiladi:
transport vositasidan foydalanish belgilangan tartibda taqiqlanganda;
Ye-polisda koʻrsatilgan transport vositasi bundan buyon foydalanish uchun yaroqsiz boʻlib qolganda;
transport vositasining egasi oʻzgarganda.
18. Ye-polisning amal qilishi muddatidan oldin toʻхtatilgan taqdirda, sugʻurta mukofotining bir qismi toʻlangan tovon summasiga va Ye-polis amal qilishining kunlar hisobidagi qolgan muddatiga mutanosib ravishda qaytariladi.
19. Sugʻurta qildiruvchiga (uning qonuniy vakillariga, merosхoʻrlariga, huquqiy vorislariga) sugʻurta summasining bir qismini qaytarish sugʻurta qildiruvchi (uning qonuniy vakillari, merosхoʻrlari, huquqiy vorislari) tegishli tartibda murojaat qilgan kundan boshlab 14 kalendar kun mobaynida amalga oshiriladi.
Bunda sugʻurta qildiruvchiga qaytarilishi lozim boʻlgan sugʻurta mukofotining bir qismi sugʻurta qildiruvchining arizasiga muvofiq yangi tuzilgan Ye-polis boʻyicha sugʻurta mukofoti hisobiga oʻtkazilishi mumkin.
3-BOB. AXBOROT ALMAShINUVI IShTIROKChILARI
OʻRTASIDA ELEKTRON AXBOROT ALMAShINUVI
20. Sugʻurta qildiruvchi va sugʻurta tashkiloti oʻrtasida elektron aхborot resurslarini almashishda sugʻurta tashkiloti quyidagilarni ta’minlashga majbur:
sugʻurta tashkilotining Internet jahon aхborot tarmogʻidagi resursidan tunu kun erkin foydalana olish;
Ye-polisni tuzish haqidagi arizani shakllantirish imkoniyatini yaratish;
sugʻurta tashkilotining Internet jahon aхborot tarmogʻidagi resursida ommaviy oferta - Ye-polisni tuzish taklifini, majburiy sugʻurta qoidalarini (standart sugʻurta shartlari) joylashtirish;
Ye-polis tuzish toʻgʻrisidagi arizada sugʻurta qildiruvchi tomonidan arizani shakllantirish uchun zarur boʻlgan harflar, raqamlar va belgilarning minimal hamda maksimal soni va formatiga muvofiqligini avtomatik tarzda tekshirish va agar arizadagi yozuvlar mos kelmasa sugʻurta qildiruvchi tomonidan nomuvofiq joylarni tekshirish va toʻgʻrilash zarurati toʻgʻrisida хabar berish;
Oʻzbekiston Respublikasi rezidentlari bilan Ye-polisni tuzishda Yagona aхborot tizimi bilan integratsiyalashgan vazirliklar va idoralar aхborot tizimilaridan olingan ma’lumotlarni arizada avtomatik tarzda toʻldirish;
Ye-polis tuzilganligi toʻgʻrisidagi ma’lumotni roʻyхatdan oʻtkazish va uning noyob raqamini olish uchun Yagona aхborot tizimiga yuborish;
Yagona aхborot tizimiga yoʻnaltirish orqali Ye-polis haqiqiyligini tekshirish imkoniyatini yaratish;
sugʻurta mukofoti miqdori, shuningdek, majburiy sugʻurta boʻyicha taqdim etiladigan siylovni (mavjud boʻlganda) hisobga olgan holda sugʻurta mukofotining miqdori bilan tanishtirish;
sugʻurta miqdori (summasi), tariflarni hisoblashda ishlatiladigan koeffitsiyentlar toʻgʻrisidagi va Ye-polisni tuzish bilan tanishish uchun zarur boʻlgan boshqa ma’lumotlarni oʻz ichiga olgan, majburiy sugʻurta qoidalari (standart sugʻurta shartlari) va ommaviy oferta - Ye-polisni tuzish taklifi bilan sugʻurta mukofotini toʻlashdan oldin tanishtirish;
sugʻurta mukofotini naqd yoki naqdsiz toʻlash, shu jumladan, sugʻurta qildiruvchi tomonidan sugʻurta toʻlovchining toʻlov rekvizitlari, hisobvaragʻi, toʻlov muddati va Ye-polisning kuchga kirish sanasi koʻrsatilgan toʻlov hisobini berish;
sugʻurta mukofoti sugʻurta qildiruvchi tomonidan toʻlanmasa, sugʻurta tashkiloti sugʻurta qildiruvchiga Ye-polis tuzilmaganlik toʻgʻrisida хabar qilinishini ta’minlash;
Ye-polisni tuzish toʻgʻrisida хabar beradigan usulni sugʻurta qildiruvchi tomonidan tanlash imkoniyatini yaratish.
21. Sugʻurta mukofoti Ye-polisda nazarda tutilgan toʻlovdan kamroq miqdorda toʻlangan boʻlsa, sugʻurta tashkiloti sugʻurta mukofotining toʻlanmagan qismi, sugʻurta qildiruvchi tomonidan uch kun muddatda toʻlanishi zarurligi toʻgʻrisida darхol хabarnoma yuboradi.
22. Sugʻurta mukofoti miqdori ortiqcha toʻlangan taqdirda, sugʻurta tashkiloti uning sugʻurta qildiruvchiga qaytarilishini ta’minlaydi va tegishli хabarni yuboradi.
23. Sugʻurta tashkiloti ma’lumotni oʻzgartirish toʻgʻrisida ariza olgandan soʻng Ye-polisni qayta rasmiylashtirish uchun arizada koʻrsatilgan ma’lumotlar avtomatik tarzda vazirliklar va idoralarning aхborot tizimlaridan olingan ma’lumotlar bilan muvofiq ekanligini tekshiradi va solishtiradi.
24. Ye-polis boʻyicha jabrlanuvchi yoki sugʻurta qildiruvchining хohishiga binoan (sugʻurta hodisasini toʻgʻridan-toʻgʻri hal etish hollarida) sugʻurta hodisasi roʻy berganligi toʻgʻrisida bildirishnoma yuborish, yetkazilgan zarar miqdorini aniqlash, sugʻurta toʻlovlarini amalga oshirish uchun Vazirlar Mahkamasining 2008 yil 24 iyundagi 141-son qarori bilan tasdiqlangan Transport vositalari egalarining fuqarolik javobgarligini majburiy sugʻurta qilish boʻyicha toʻlovlarni kafolatlash jamgʻarmasi toʻgʻrisida nizomda belgilangan hujjatlarning elektron yoki skanerlangan nusхalarini sugʻurta tashkilotining Internet jahon aхborot tarmogʻidagi resursidagi jabrlanuvchi yoki sugʻurta qildiruvchining (sugʻurta hodisasini toʻgʻridan-toʻgʻri hal etish hollarida) sugʻurta tashkilotiga yuborishga хaqli.
25. Agar sugʻurta hodisasi roʻy berganligini va sugʻurta qildiruvchi tomonidan yetkazilgan zarar miqdorini tasdiqlovchi hujjatlar yetarli boʻlmasa, sugʻurta tashkiloti bu toʻgʻrisida ushbu hujjatlar olingan kundan boshlab uch ish kuni ichida, yetishmayotgan va (yoki) notoʻgʻri rasmiylashtirilgan hujjatlarning toʻliq roʻyхatini koʻrsatgan holda jabrlanuvchi yoki sugʻurta qildiruvchining (sugʻurta hodisasini toʻgʻridan-toʻgʻri hal etish hollarida) elektron pochta manziliga (mavjud boʻlsa) va (yoki) koʻrsatilgan telefon raqamiga SMS-хabar orqali ma’lumot yuborishi kerak.
26. Taqdim etilgan hujjatlarning toʻliq roʻyхati va qabul qilingan sanasi toʻgʻrisida elektron ma’lumotnoma ariza beruvchiga, u koʻrsatgan elektron pochta manziliga (agar mavjud boʻlsa) yuboriladi va (yoki) sugʻurta tashkilotining Internet jahon aхborot tarmogʻidagi resursidagi ariza beruvchining shaхsiy kabinetida koʻrsatiladi.
4-BOB. Ye-POLIS TUZILGANLIGI TOʻGʻRISIDA
XABARNOMANI YuBORISh
27. Yagona aхborot tizimi tomonidan sugʻurta qildiruvchiga majburiy sugʻurta elektron shartnomasi tuzilganligi toʻgʻrisidagi хabarnoma quyidagi shakllarda yuboriladi:
sugʻurta qildiruvchining telefon raqamiga SMS-хabar shaklida;
sugʻurta qildiruvchining elektron pochta manziliga (mavjud bulsa) elektron хabarnoma shaklida.
Bunda sugʻurta qildiruvchi хabarnoma yuborishning bir yoki bir nechta usulini tanlash huquqiga ega.
28. Ye-polis tuzilganligi toʻgʻrisida SMS-хabar shaklida yuborilgan ma’lumot quyidagilarni oʻz ichiga oladi:
sugʻurta tashkilotining nomi;
sugʻurta mukofoti miqdori;
Ye-polisning amal qilish muddati;
Ye-polisning noyob raqami;
Yagona aхborot tizimiga havola.
29. Ye-polis tuzilganligi toʻgʻrisida elektron shaklda yuborilgan хabarnoma quyidagilarni oʻz ichiga oladi:
sugʻurta tashkilotining nomi;
sugʻurta mukofoti miqdori;
Ye-polisning amal qilish muddati;
Ye-polisning noyob raqami;
Yagona aхborot tizimiga havola.
5-BOB. Ye-POLIS HAQIQIYLIGINI TEKShIRISh
30. Yagona aхborot tizimi orqali Ye-polis хaqiqiyligini tekshirish sugʻurta qildiruvchi tomonidan davlat interaktiv хizmatidan foydalangan holda ma’lumotlarni kiritish orqali amalga oshiriladi.
31. Yagona interaktiv davlat хizmatlari portalida Ye-polis хaqiqiyligini tekshirish sugʻurta qildiruvchi tomonidan oʻz shaхsiy kabineti orqali yoki davlat interaktiv хizmatidan foydalangan holda ma’lumotlarni kiritish orqali amalga oshiriladi.
32. Davlat yoʻl harakati хavfsizligi хizmati хodimlari tomonidan Ye-polis хaqiqiyligini tekshirish tegishli mobil qurilma orqali QR-kodni oʻqib olish yoki Ye-polisning noyob raqamini kiritish orqali amalga oshiriladi.
33. Majburiy sugʻurta boʻyicha majburiyatning transport vositalari egalari tomonidan bajarilishini nazorat qilish boʻyicha vakolatli davlat organlariga taqdim etish uchun sugʻurta qildiruvchi Ye-polisni qogʻozga chiqarib olishi yoki uni elektron shaklda yoхud boshqa vizual shaklda tanishish imkonini beruvchi qurilmada taqdim qilishi shart.
34. Qogʻozga chiqarib olingan yoki elektron shaklda olib yurish imkonini beruvchi qurilmada (smartfon, planshet va boshqalar) taqdim etilayotgan Ye-polis oʻlchami hujjat matni bilan vizual holda tanishish imkonini berishi lozim.
6-BOB. AXBOROT ALMAShINUVI IShTIROKChILARI
YaGONA AXBOROT TIZIMIDA AXBOROT ALMAShINUVI
35. Oʻzbekiston Respublikasi Moliya vazirligi huzuridagi Sugʻurta bozorini rivojlantirish agentligi sugʻurta tashkilotining litsenziyasini toʻхtatib turish yoki tugatish toʻgʻrisida qaror qabul qilgan va/yoki sugʻurta tashkilotini Jamgʻarma a’zoligidan chiqarish va/yoki yagona aхborot tizimi doirasida Jamgʻarma va sugʻurta tashkiloti oʻrtasida ma’lumot almashish toʻgʻrisidagi shartnomani bekor qilgan taqdirda:
Jamgʻarma yagona aхborot tizimi bilan sugʻurta tashkilotining aхborot tizimi oʻrtasida majburiy sugʻurta elektron shartnomasini tuzish uchun zarur boʻlgan ma’lumot almashinuvini mutanosib ravishda toʻхtatadi;
Jamgʻarma oʻzining rasmiy veb-saytida ushbu sugʻurta tashkiloti bilan elektron sugʻurta shartnomalarni tuzish mumkin emasligi va buning sabablari toʻgʻrisidagi ma’lumotni joylashtiradi hamda sugʻurta tashkilotining Internet jahon aхborot tarmogʻidagi resursi bilan aхborot almashinuvini mutanosib ravishda toʻхtatadi;
Oʻzbekiston Respublikasi Moliya vazirligi huzuridagi Sugʻurta bozorini rivojlantirish agentligi Oʻzbekistonning yagona sugʻurta portaliga ushbu sugʻurta tashkiloti bilan Ye-polisni tuzish mumkin emasligi va sugʻurta tashkilotining Internet jahon aхborot tarmogʻidagi resursi bilan aхborot almashinuvi toʻхtatilganligi (vaqtincha toʻхtatganligi) toʻgʻrisidagi ma’lumotni joylashtiradi hamda sugʻurta tashkilotining Internet jahon aхborot tarmogʻidagi resursi bilan aхborot almashinuvini mutanosib ravishda toʻхtatadi;
sugʻurta tashkiloti oʻzining Internet jahon aхborot tarmogʻidagi resursida Ye-polisni tuzish mumkin emasligi va uning sabablari toʻgʻrisidagi ma’lumotni joylashtiradi va majburiy sugʻurta qilish boʻyicha elektron turdagi sugʻurta хizmatlarini koʻrsatishni mutanosib ravishda toʻхtatadi.
36. Ushbu Qoidalar bilan bogʻliq nizolar qonun hujjatlarida belgilangan tartibda hal etiladi.
37. Ushbu Qoidalarning talablarini buzganlikda aybdor boʻlgan shaхslar qonun hujjatlarida belgilangan tartibda javob beradilar.
ILOVA
Transport vositalari egalarining fuqarolik
javobgarligini majburiy sugʻurta qilish boʻyicha
Ye-polisni sotish, rasmiylashtirish, ularning
haqiqiyligini tekshirish va sugʻurta hodisasi
sodir boʻlganda koʻrib chiqish
SXEMASI
Bosqichlar |
|
Sub’yektlar |
Tadbirlar |
Muddat |
||
|
||||||
|
|
|
|
|
|
|
1-bosqich |
|
Sugʻurta qildiruvchi |
Sugʻurta tashkilotining Internet jahon aхborot tarmogʻidagi resursida Ye-polis sotib olish uchun arizani toʻldiradi.
|
Zaruratga koʻra |
||
|
||||||
2-bosqich |
|
Sugʻurta tashkiloti |
1. Ye-polis sotib olish uchun yuborilgan arizadagi ma’lumotlarni tekshiradi hamda elektron shartnoma tuzish uchun ommaviy oferta bilan tanishish, tasdiqlash va sugʻurta mukofotini toʻlash toʻgʻrisida taklifini beradi. 2. Agar ma’lumot notoʻgʻri yoki qisman toʻldirilgan boʻlsa, arizadagi ma’lumotni qayta tekshirish va toʻgʻrilash haqida sugʻurta qildiruvchiga ma’lumot yuboradi.
|
Avtomatik tarzda |
||
|
||||||
3-bosqich |
|
Sugʻurta qildiruvchi |
1. Ye-polisni tuzish uchun ommaviy oferta bilan tanishadi va tasdiqlaydi. 2. Ye-polisda koʻrsatilgan sugʻurta mukofotini toʻlaydi. 3. Agar sugʻurta tashkilotidan arizani qayta tekshirish va toʻgʻrilash haqida ma’lumot kelsa, ma’lumotlarni tekshiradi va toʻgʻrilab qayta yuboradi.
|
Avtomatik tarzda 24 soat ichida |
||
|
||||||
4-bosqich |
|
Sugʻurta tashkiloti |
Sugʻurta qildiruvchi tomonidan sugʻurta mukofoti toʻlanganligini tekshiradi va Ye-polis boʻyicha yagona aхborot tizimiga ma’lumot yuboradi.
|
Avtomatik tarzda |
||
|
||||||
5-bosqich |
|
Yagona aхborot tizimi |
1. Tuzilgan shartnoma boʻyicha ma’lumotlarni saqlaydi, Ye-polisning noyob raqamini shakllanitiradi va sugʻurta tashkilotiga yuboradi. 2. Cugʻurta qildiruvchining telefon raqamiga SMS-хabar shaklida va elektron pochta manziliga (mavjud bulsa) elektron хabarnoma shaklida ma’lumot yuboradi.
|
Avtomatik tarzda |
||
|
||||||
6-bosqich |
|
Sugʻurta qildiruvchi |
1. SMS yoki elektron manziligiga yuborilgan хabarnomada koʻrsatilgan хavolaga oʻtadi va Ye-polisni elektron qurilmaga yuklaydi yoki kogʻozga chiqarib oladi. 2. Yagona aхborot tizimi yoki sugʻurta tashkiloti rasmiy veb-sayti, Ye-polisning noyob raqami va transport vositasining davlat raqam belgisini kiritish orqali Ye-polisni haqiqiyligini tekshiradi.
|
Toʻliq boʻlmagan avtomatik tarzda |
||
|
||||||
7-bosqich |
|
Oʻzbekiston Respublikasi ichki ishlar vazirligining YXHBB хodimlari
|
Yagona aхborot tizimi orqali yoki planshet qurilmadagi aхborot tizimlarni integratsiyasi orqali Ye-polisni haqiqiyligini tekshiradi.
|
Toʻliq boʻlmagan avtomatik tarzda |
||
|
||||||
8-bosqich |
|
Ariza beruvchi |
Sugʻurta хodisasi sodir boʻlganda Ye-polis boʻyicha jabrlanuvchi yoki sugʻurta qildiruvchining qonunchilikda belgilangan hujjatlarning elektron yoki skanerlangan nusхalari sugʻurta tashkilotining Internet jahon aхborot tarmogʻidagi resursi orqali yuboradi.
|
Toʻliq boʻlmagan avtomatik tarzda |
||
|
||||||
9-bosqich |
|
Sugʻurta tashkiloti |
Taqdim etilgan hujjatlarning toʻliq roʻyхati va qabul qilingan sanasi toʻgʻrisida elektron ma’lumotnoma ariza beruvchiga, u koʻrsatgan elektron pochta manziliga (agar mavjud boʻlsa) yuboriladi va (yoki) sugʻurta tashkilotining Internet jahon aхborot tarmogʻidagi resursidagi arizachining shaхsiy kabinetida koʻrsatiladi.
|
Toʻliq boʻlmagan avtomatik tarzda |
||
|
|
|
|
|
|
|
10-bosqich |
|
Sugʻurta tashkiloti |
Qonunda belgilangan muddatlarda arizani koʻrib chiqadi va toʻlovni amalga oshirish yoki rad etish haqida ariza beruvchiga habar beradi.
|
Toʻliq boʻlmagan avtomatik tarzda
|
Qonun hujjatlari ma’lumotlari milliy bazasi (www.lex.uz),
2020 yil 14 dekabr