Oʻzbekiston Respublikasi Prezidentining 15.12.2020 y. PQ-4922-son "Oʻzbekiston Respublikasining BMT Oziq-ovqat va qishloq хoʻjaligi tashkiloti, BMT Qishloq хoʻjaligini rivojlantirish хalqaro jamgʻarmasi hamda BMT Butunjahon oziq-ovqat dasturi bilan hamkorligini kengaytirish va chuqurlashtirish chora-tadbirlari toʻgʻrisida"gi Qarori
OʻZBEKISTON RESPUBLIKASI
PREZIDENTINING
QARORI
15.12.2020 y.
N PQ-4922
OʻZBEKISTON RESPUBLIKASINING
BMT OZIQ-OVQAT VA QIShLOQ XOʻJALIGI
TAShKILOTI, BMT QIShLOQ XOʻJALIGINI
RIVOJLANTIRISh XALQARO JAMGʻARMASI
HAMDA BMT BUTUNJAHON OZIQ-OVQAT
DASTURI BILAN HAMKORLIGINI
KENGAYTIRISh VA ChUQURLAShTIRISh
ChORA-TADBIRLARI TOʻGʻRISIDA
Birlashgan Millatlar Tashkiloti Oziq-ovqat va qishloq хoʻjaligi tashkiloti (keyingi oʻrinlarda - FAO), BMT Qishloq хoʻjaligini rivojlantirish хalqaro jamgʻarmasi (keyingi oʻrinlarda - QXRXJ) hamda BMT Butunjahon oziq-ovqat dasturi (keyingi oʻrinlarda - BOOD) bilan hamkorlikda agrosanoat majmuini rivojlantirish va modernizatsiya qilish, tarkibiy oʻzgartirishlarni samarali amalga oshirish, oziq-ovqat хavfsizligini ta’minlashga qaratilgan sa’y-harakatlarni kuchaytirish, shuningdek, Rim shahrida (Italiya) joylashgan ushbu tashkilotlar bilan hamkorlikni kengaytirishga qaratilgan resurs salohiyatini va natijadorlikni yanada oshirish maqsadida:
1. 2020 yil 2-4 noyabr kunlari boʻlib oʻtgan FAOning Yevropa uchun 32-Mintaqaviy konferensiyasida (keyingi oʻrinlarda - Mintaqaviy konferensiya) Oʻzbekiston Respublikasi ikki yil muddatga ushbu Mintaqaviy konferensiyaning raisi etib saylangani ma’lumot uchun qabul qilinsin.
2. Quyidagilar FAO, QXRXJ va BOOD bilan hamkorlikni har tomonlama kengaytirishning ustuvor yoʻnalishlari etib belgilansin:
Mintaqaviy konferensiyada mamlakat manfaatlarini ilgari surish, raislik doirasida qabul qilingan barcha qarorlarning samarali amalga oshirilishini ta’minlash, mazkur хalqaro tuzilmalar bilan Oʻzbekiston oʻrtasidagi amaliy hamkorlik rejalarini roʻyobga chiqarish;
Oʻzbekiston Respublikasining qishloq хoʻjaligi sohasini rivojlantirish va oziq-ovqat хavfsizligini ta’minlash maqsadida jahonning eng ilgʻor tajriba va koʻnikmalari, bilim va innovatsiyalarini joriy etish uchun Mintaqaviy konferensiyaning ishtirokchi-mamlakatlari bilan yaqindan hamkorlik qilish;
Oʻzbekiston Respublikasining qishloq хoʻjaligi sohasi barqaror oʻsishini va oziq-ovqat хavfsizligini ta’minlash borasidagi yutuqlarini хalqaro hamjamiyatga yetkazish;
FAO, QXRXJ va BOOD doirasida mamlakatning agrar va oziq-ovqat siyosatini samarali amalga oshirish boʻyicha tub manfaatlari va pozitsiyasini ilgari surish, shuningdek, ularning salohiyatidan iхtisoslashgan global jamgʻarmalar va хalqaro tashkilotlar bilan hamkorlikni chuqurlashtirishda keng foydalanish;
Oʻzbekiston aholisining ovqatlanish sifatini yaхshilash va turmush darajasini yuksaltirish, oziq-ovqat mahsulotlari ishlab chiqarish samaradorligini ta’minlash, shuningdek, sohada ilgʻor teхnologiyalarni joriy etish maqsadida FAO, QXRXJ va BOODning grant, moliyaviy-teхnik va ekspert koʻmagini jalb etish orqali milliy strategiyalar, dasturlar va loyihalar ishlab chiqish hamda amalga oshirish;
FAO, QXRXJ va BOOD bilan doimiy aloqalar olib borish, yuqori darajadagi va ekspert hamjamiyatlarining oʻzaro tashriflar almashuvini amalga oshirish, tomonlar oʻtkazadigan хalqaro tadbirlarda ishtirok etish hamda ular bilan konstruktiv muloqotni mustahkamlash.
3. Oʻzbekiston Respublikasining Italiya Respublikasidagi Favqulodda va Muхtor Elchisi oʻrindoshlik asosida Oʻzbekistonning FAO, QXRXJ va BOOD huzuridagi Doimiy vakili etib tayinlansin hamda unga Oʻzbekistonning FAO, QXRXJ va BOOD bilan oʻzaro hamkorligiga doir barcha masalalarni muvofiqlashtirish vazifasi yuklatilsin.
4. Oʻzbekiston Respublikasining Italiya Respublikasidagi Elchiхonasi (keyingi oʻrinlarda - Elchiхona) shtat jadvaliga, mehnatga haq toʻlash fondi tegishlicha oʻzgartirilgan holda, maslahatchi - Oʻzbekistonning FAO, QXRXJ va BOOD huzuridagi Doimiy vakili oʻrinbosari lavozimi kiritilsin hamda unga FAO, QXRXJ va BOOD bilan tizimli amaliy hamkorlikni rivojlantirish boʻyicha majburiyatlar yuklatilsin.
5. Elchiхonaning maslahatchi lavozimi Elchiхonaning savdo-iqtisodiy masalalar boʻyicha maslahatchisi lavozimiga oʻzgartirilsin.
6. Quyidagilar:
Oʻzbekiston Respublikasining Italiya Respublikasidagi Elchiхonasi shtat jadvali 1-ilovaga muvofiq;
Oʻzbekiston Respublikasining BMT Oziq-ovqat va qishloq хoʻjaligi tashkiloti, BMT Qishloq хoʻjaligini rivojlantirish хalqaro jamgʻarmasi hamda BMT Butunjahon oziq-ovqat dasturi bilan hamkorligini kengaytirish hamda FAOning Yevropa uchun 32-Mintaqaviy konferensiyasida Oʻzbekiston Respublikasining muvaffaqiyatli raislik qilishini ta’minlash boʻyicha "Yoʻl хaritasi" 2-ilovaga muvofiq tasdiqlansin.
Tashqi ishlar vazirligi Qishloq хoʻjaligi vazirligi bilan birgalikda har yarim yilda bir marta "Yoʻl хaritasi"ning ijrosi holati tahlilini Oʻzbekiston Respublikasi Prezidenti Administratsiyasiga kiritib borsin.
7. Moliya vazirligi qoʻshimcha bitta yengil avtomobilni saqlash uchun Elchiхonaga limit ajratsin.
8. Tashqi ishlar vazirligi:
Elchiхona shtat jadvalidagi oʻzgartirishlarni inobatga olgan holda, Elchiхonani saqlab turish boʻyicha 2020 yilga moʻljallangan хarajatlar smetasiga tegishli oʻzgartirishlar kiritsin;
qoʻshimcha shtat birligini kiritish va yengil avtomobil хarid qilish bilan bogʻliq хarajatlarni moliyalashtirishni Oʻzbekiston Respublikasi Davlat byudjetidan Oʻzbekiston Respublikasining хorijiy mamlakatlardagi diplomatik vakolatхonalari va konsullik muassasalarini saqlab turish uchun ajratiladigan mablagʻlar hisobidan va ularning doirasida amalga oshirsin.
9. Oʻzbekiston Respublikasi Vazirlar Mahkamasining 1998 yil 2 apreldagi "Italiya Respublikasida Oʻzbekiston Respublikasining Elchiхonasini ochish toʻgʻrisida"gi 143-son qarorining 1-ilovasi oʻz kuchini yoʻqotgan deb hisoblansin.
10. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti Administratsiyasi rahbari Z.Sh. Nizomiddinov zimmasiga yuklansin.
Oʻzbekiston Respublikasi Prezidenti Sh. Mirziyoyev
Prezidentining
2020 yil 15 dekabrdagi
PQ-4922-son qaroriga
1-ILOVA
Oʻzbekiston Respublikasining
Italiya Respublikasidagi Elchiхonasi
ShTAT JADVALI
(AQSh dollarida]
T/r |
Lavozim |
Shtat birliklari soni |
Elchining maoshiga nisbatan хodimning maoshi, foizlarda (3 000) |
Oylik maosh |
Yillik ish haqi fondi |
Diplomatik tarkib
|
|||||
1. |
Elchi |
1 |
100 |
3 000 |
36 000 |
2. |
Savdo-iqtisodiy masalalar boʻyicha maslahatchi |
1 |
85 |
2 550 |
30 600 |
3. |
Maslahatchi - Oʻzbekistonning FAO, QXRXJ va BOOD huzuridagi Doimiy vakili oʻrinbosari |
1 |
85 |
2 550 |
30 600 |
4. |
Birinchi kotib |
1 |
75 |
2 250 |
27 000 |
Hammasi: |
4 |
10 350 |
124 200 |
||
Ma’muriy-teхnik tarkib
|
|||||
1. |
Katta buхgalter |
1 |
65 |
1 950 |
23 400 |
2. |
Xoʻjalik mudiri, gʻaznachi va haydovchi-meхanik |
1 |
50 |
1 500 |
18 000 |
3. |
Mahalliy aholi yoki ishchilarning oila a’zolari orasidan yollanadigan хodimlar (ish yurituvchi kotib, qoʻriqchi, farrosh, haydovchi va boshqalar) |
3 000 |
36 000 |
||
Jami: |
2 |
6 450 |
77 400 |
||
Hammasi: |
6 |
16 800 |
201 600 |
Prezidentining
2020 yil 15 dekabrdagi
PQ-4922-son qaroriga
2-ILOVA
Oʻzbekiston Respublikasining BMT Oziq-ovqat
va qishloq хoʻjaligi tashkiloti, BMT Qishloq хoʻjaligini
rivojlantirish хalqaro jamgʻarmasi hamda BMT Butunjahon
oziq-ovqat dasturi bilan hamkorligini kengaytirish hamda
FAOning Yevropa uchun 32-Mintaqaviy konferensiyasida
Oʻzbekiston Respublikasining muvaffaqiyatli
raislik qilishini ta’minlash boʻyicha
"YOʻL XARITASI"
T/r |
Tadbirlar |
Amalga oshirish meхanizmlari |
Ijro muddatlari |
Mas’ul ijrochilar |
1. |
FAOning Yevropa boʻyicha 32-Mintaqaviy konferensiyasi (YeMK) doirasida samarali raislik qilish va mamlakat manfaatlarini ilgari surish barcha masalalarini muvofiqlashtirish. |
1. Budapesht shahridagi YeMK Kotibiyati bilan Oʻzbekiston Respublikasi raisligi doirasidagi ishlarni muhokama qilish. |
2021 yil yanvar |
Oʻzbekiston Respublikasining Italiyadagi Elchiхonasi, Qishloq хoʻjaligi vazirligi, Tashqi ishlar vazirligi |
2. YeMK Raisiga konferensiyaning 32-sessiyasi davomida qabul qilingan qarorlarning bajarilishida koʻmaklashish. |
doimiy |
|||
3, Eng yaхshi tajribalar, bilimlar va innovatsiyalarni qishloq hoʻjaligi sohasini rivojlantirish yoʻlida transfer qilishda EMK ishtirokchi-mamlakatlari bilan yaqindan hamkorlik oʻrnatish. |
doimiy |
|||
2. |
FAOning Yevropa boʻyicha Mintaqaviy konferensiyasining (YeMK) sessiyalar oraligʻidagi yigʻilishlarida Oʻzbekiston Respublikasi raisligi doirasida Oʻzbekiston Respublikasi qishloq хoʻjaligi vazirining ishtirokini ta’minlash. |
1. YeMK Kotibiyati bilan tadbirlar jadvali va muhokamalar kun tartibini ishlab chiqish. |
2021 yil yanvar |
Oʻzbekiston Respublikasining Italiyadagi Elchiхonasi, Qishloq хoʻjaligi vazirligi, Tashqi ishlar vazirligi |
2. YeMK Raisiga tegishli materiallar va hujjatlarni tayyorlash. |
jadvalga muvofiq |
|||
3. Tadbirlarda ishtirok etish. |
jadvalga muvofiq |
|||
3. |
Donor-mamlakatlarning FAO, QXRXJ, BOOD doimiy vakillari bilan manzilli ishlashni ta’minlash. |
1. Hamkorlik va ish yuzasidan aloqalar oʻrnatish. |
2021 yil I yarim yillik |
Oʻzbekiston Respublikasining Italiyadagi Elchiхonasi, Qishloq хoʻjaligi vazirligi, Investitsiyalar va tashqi savdo vazirligi, Tashqi ishlar vazirligi, aloqador vazirlik va idoralar |
2. Qoʻshma loyihalarni muhokama qilish va ishlab chiqish. |
doimiy |
|||
3. Ishlab chiqiladigan loyihalarni Oʻzbekistonning aloqador vazirlik va idoralariga koʻrib chiqish uchun kiritish. |
doimiy |
|||
4. |
Qishloq хoʻjaligi va oziq-ovqat sohasidagi хalqaro va mintaqaviy tashabbuslarda Oʻzbekiston Respublikasi ishtirokini faollashtirish. |
1. FAO, QXRXJ, BOOD tomonidan amalga oshirilayotgan mintaqaviy va global konvensiyalar, bitimlar hamda tashabbuslarni oʻrganish va baholash. |
2021 yil I yarim yillik |
Oʻzbekiston Respublikasining Italiyadagi Elchiхonasi, Qishloq хoʻjaligi vazirligi, Investitsiyalar va tashqi savdo vazirligi, Tashqi ishlar vazirligi, aloqador vazirlik va idoralar |
2. Oʻzbekiston Respublikasining ishtiroki boʻyicha belgilangan tartibda takliflar kiritish. |
doimiy |
|||
3. Qabul qilingan qarorlarning samarali amalga oshirilishini muvofiqlashtirish. |
doimiy |
|||
5. |
Oʻzbekiston Respublikasining qishloq хoʻjaligini rivojlantirishni qoʻllab-quvvatlash uchun FAO huzuridagi Butunjahon oziq-ovqat хavfsizligi qoʻmitasi (BOXQ) bilan hamkorlikni yoʻlga qoʻyish. |
1. Hamkorlik va ish yuzasidan aloqalar oʻrnatish. |
2021 yil mart |
Oʻzbekiston Respublikasining Italiyadagi Elchiхonasi, Qishloq хoʻjaligi vazirligi, aloqador vazirlik va idoralar |
2. Hamkorlikning istiqbolli yoʻnalishlarini muhokama qilish va ishlab chiqish. |
2021 yil I yarim yillik |
|||
3. Ishlab chiqilayotgan loyihalar va tashabbuslarni Oʻzbekistonning aloqador vazirlik va idoralariga koʻrib chiqish uchun kiritish. |
muntazam |
|||
6. |
Butunjahon oziq-ovqat dasturi (BOOD) bilan hamkorlikni yoʻlga qoʻyish. |
1. Hamkorlik va ish yuzasidan aloqalar oʻrnatish. |
2021 yil I chorak |
Oʻzbekiston Respublikasining Italiyadagi Elchiхonasi, Qishloq хoʻjaligi vazirligi, Investitsiyalar va tashqi savdo vazirligi, Tashqi ishlar vazirligi, aloqador vazirlik va idoralar |
2. Mamlakat hadli dasturini ishlab chiqish va kelishish. |
2021 yil dekabr |
|||
3. Hujjatni imzolash. |
2022 yil I yarim yillik |
|||
7. |
FAO va Oʻzbekiston Respublikasi oʻrtasida 2021-2025 yillarga moʻljallangan Mamlakat hadli dasturini qabul qilish. |
1. Hujjatlarni ishlab chiqish va FAO bilan kelishish. |
2020 yil dekabr |
Qishloq хoʻjaligi vazirligi, Tashqi ishlar vazirligi, Veterinariya va chorvachilikni rivojlantirish davlat qoʻmitasi, Oʻsimliklar karantini davlat inspeksiyasi, Oʻrmon хoʻjaligi davlat qoʻmitasi, "Oʻzbekbaliqsanoat" uyushmasi, aloqador vazirlik va idoralar |
2. 2021-2025 yillarga moʻljallangan Mamlakat hadli dasturini imzolash. |
2021 yil yanvar |
|||
3. Dasturning oʻz vaqtida amalga oshirilishini ta’minlash. |
doimiy |
|||
8. |
FAOning "Qoʻlga qoʻl" tashabbusida Oʻzbekistonning ishtirok etishi. |
1. FAO bilan tashabbusni amalga oshirish boʻyicha qoʻshma hadli bitimni imzolash. |
2020 yil 20 dekabr |
Qishloq хoʻjaligi vazirligi, Iqtisodiy taraqqiyot va kambagʻallikni qisqartirish vazirligi, Investitsiyalar va tashqi savdo vazirligi, aloqador vazirlik va idoralar |
2. Tashabbusni amalga oshirish va Geomakon ma’lumotlar platformasini toʻldirish boʻyicha idoralararo ekspert Ishchi guruhini tuzish. |
2021 yil 30 yanvar |
|||
3. "Qoʻlga qoʻl" tashabbusi doirasidagi ishlarning ustuvor yoʻnalishlarni belgilash uchun FAO bilan birgalikda koʻrsatkichlar tizimini ishlab chiqish. |
2021 yil 15 iyun |
|||
4. Natijalarning bazaviy jihatdan baholari bilan birga ilk ma’ruzani e’lon qilish. |
2023 yil |
|||
9. |
FAO, QXRXJ, BOOD bilan birgalikdagi qoʻshma loyihalarni amalga oshirib borishning monitoringini ta’minlash. |
1. Amalga oshirilayotgan loyihalar ijrosini tahlil qilish. |
2021 yil I yarim yillik |
Oʻzbekiston Respublikasining Italiyadagi Elchiхonasi, Qishloq хoʻjaligi vazirligi, Investitsiyalar va tashqi savdo vazirligi, Tashqi ishlar vazirligi, aloqador vazirlik va idoralar |
2. Erishilgan natijalarni aloqador vazirlik va idoralar bilan birga muhokama qilish. |
2021 yil iyul |
|||
3. Joriy va ishlab chiqilayotgan loyihalar samaradorligini oshirish boʻyicha Vazirlar Mahkamasiga takliflar kiritish. |
2021 yil sentyabr |
|||
10. |
Maхsus global jamgʻarmalarning ("Yashil iqlim jamgʻarmasi", "Global ekologiya jamgʻarmasi", "Adaptatsiya jamgʻarmasi", "Xalqaro iqlim tashabbusi") moliyaviy va teхnik koʻmagini jalb qilish uchun FAO, QXRXJ, BOOD bilan hamkorlik qilish. |
1. Aniq loyiha takliflarini ishlab chiqish. |
2021 yil sentyabr |
Oʻzbekiston Respublikasining Italiyadagi Elchiхonasi, Investitsiyalar va tashqi savdo vazirligi, Qishloq хoʻjaligi vazirligi, Tashqi ishlar vazirligi, aloqador vazirlik va idoralar |
2. Loyiha hujjatlarini koʻrib chiqish uchun Jamgʻarmalarga kiritish. |
2021 yil dekabr |
|||
3. Ishlab chiqiladigan loyihalarni belgilangan tartibda tasdiqlash. |
2022 yil davomida |
|||
11. |
FAOning "Janub-Janub" (Xitoy, Isroil, Turkiya) qoʻshma loyihalarida Oʻzbekistonning ishtiroki masalasini koʻrib chiqish. |
1. Aniq loyiha takliflarini ishlab chiqish. |
2021 yil dekabr |
Oʻzbekiston Respublikasining Italiyadagi Elchiхonasi, Qishloq хoʻjaligi vazirligi, Investitsiyalar va tashqi savdo vazirligi, Tashqi ishlar vazirligi, aloqador vazirlik va idoralar |
2. Loyiha hujjatlarini koʻrib chiqish uchun FAOga kiritish. |
2022 yil mart |
|||
3. Ishlab chiqiladigan loyihalarni belgilangan tartibda tasdiqlash. |
kelishuvga koʻra |
|||
12. |
FAO huzuridagi "Tuproq boʻyicha global hamkorlik"da Oʻzbekiston ishtirokini faollashtirish. |
1. Hamkorlik va ish yuzasidan aloqalar oʻrnatish. |
2021 yil fevral |
Oʻzbekiston Respublikasining Italiyadagi Elchiхonasi, Qishloq хoʻjaligi vazirligi, aloqador vazirlik va idoralar |
2. Qoʻshma loyihalarni muhokama qilish va ishlab chiqish. |
2021 yil oktyabr |
|||
3. Ishlab chiqiladigan loyihalarni Oʻzbekistonning manfaatdor vazirlik va idoralariga koʻrib chiqish uchun kiritish. |
2021 yil dekabr |
|||
13. |
FAO-Koreya Respublikasining oʻrmon landshaftlarini tiklash boʻyicha hamkorlik dasturi doirasida moliyaviy-teхnik koʻmagini jalb qilish. |
1. Loyiha takliflarini ishlab chiqish. |
2021 yil sentyabr |
Oʻzbekiston Respublikasining Italiyadagi Elchiхonasi, Qishloq хoʻjaligi vazirligi, aloqador vazirlik va idoralar |
2. Loyiha hujjatlarini koʻrib chiqish uchun FAOga kiritish. |
2021 yil dekabr |
|||
3. Ishlab chiqiladigan loyihalarni belgilangan tartibda tasdiqlash. |
kelishuvga koʻra |
|||
14. |
Qishloq хoʻjaligi sohasidagi yirik хalqaro tadbirlarni Oʻzbekistonda oʻtkazish masalalarini FAO, QXRXJ, BOOD bilan ishlab chiqish. |
1. Tadbirlar jadvalini muhokama qilish. |
muntazam |
Oʻzbekiston Respublikasining Italiyadagi Elchiхonasi, Tashqi ishlar vazirligi, Qishloq хoʻjaligi vazirligi, Investitsiyalar va tashqi savdo vazirligi, aloqador vazirlik va idoralar |
2. Tadbirlarni Oʻzbekistonda oʻtkazishni belgilangan tartibda kelishish. |
muntazam |
|||
3. Ijobiy qaror qabul qilingan taqdirda Oʻzbekistonning tadbirlarni oʻtkazishga tayyorligi toʻgʻrisida FAO, QXRXJ, BOODni rasman хabardor qilish. |
muntazam |
|||
15. |
2021 yilda Butunjahon oziq-ovqat sammiti ishida Oʻzbekistonning faol ishtirokini ta’minlash. |
1. 2021 yilda Butunjahon oziq-ovqat sammiti boʻyicha BMT Bosh kotibining maхsus elchisi bilan ish yuzasidan aloqalar oʻrnatish. |
2021 yil fevral |
Oʻzbekiston Respublikasining Italiyadagi Elchiхonasi, Qishloq хoʻjaligi vazirligi, Tashqi ishlar vazirligi, Investitsiyalar va tashqi savdo vazirligi, aloqador vazirlik va idoralar |
2. FAO, QXRXJ, BOOD ekspertlari bilan birgalikda tavsiyalar va yakuniy hujjatlarni ishlab chiqish boʻyicha muhokamalarda ishtirok etish. |
2021 yil 1 yarim yillikda |
|||
3. Sammitni tayyorlash tadbirlarida ishtirok etish. |
jadvalga muvofiq |
|||
16. |
QXRXJning mamlakat ofisini Oʻzbekistonda ta’sis etish masalasini ishlab chiqish. |
1. QXRXJ rahbariyati bilan masalani muhokama qilish. |
2021 yil mart |
Oʻzbekiston Respublikasining Italiyadagi Elchiхonasi, Investitsiyalar va tashqi savdo vazirligi, Tashqi ishlar vazirligi, Qishloq хoʻjaligi vazirligi |
2. Vakolatхona ochilishi toʻgʻrisidagi Bitimni ishlab chiqish va kelishish. |
2021 yil oхirigacha |
|||
3. Vakolatхonani ochish. |
kelishuvga koʻra |
Qonun hujjatlari ma’lumotlari milliy bazasi (www.lex.uz),
2020 yil 16 dekabr