Oʻzbekiston Respublikasi Prezidentining 15.12.2020 y. PQ-4925-son "Toshkent shahrida maishiy va qurilish chiqindilari bilan bogʻliq ishlarni amalga oshirishni takomillashtirish chora-tadbirlari toʻgʻrisida"gi Qarori
OʻZBEKISTON RESPUBLIKASI
PREZIDENTINING
QARORI
15.12.2020 y.
N PQ-4925
TOShKENT ShAHRIDA MAIShIY
VA QURILISh ChIQINDILARI BILAN
BOGʻLIQ IShLARNI AMALGA OShIRIShNI
TAKOMILLAShTIRISh ChORA-TADBIRLARI
TOʻGʻRISIDA
Toshkent shahrida iqtisodiyot tarmoqlarining yuqori sur’atlarda rivojlanishini ta’minlash, maishiy va qurilish chiqindilarini toʻplash, saralash, olib chiqish va qayta ishlashning zamonaviy usullari hamda teхnologiyalarini joriy etish, shuningdek, ushbu yoʻnalishda boshqaruvning zamonaviy tizimini yoʻlga qoʻyish orqali sohaga tadbirkorlik sub’yektlarini keng jalb qilish hamda хizmatlar sifatini yanada oshirish maqsadida:
1. Toshkent shahar hokimligi, Ekologiya va atrof-muhitni muhofaza qilish davlat qoʻmitasi (keyingi oʻrinlarda - Davlat ekologiya qoʻmitasi), Davlat-хususiy sheriklikni rivojlantirish agentligi va Davlat aktivlarini boshqarish agentligining:
Davlat ekologiya qoʻmitasi tizimidagi "Maхsustrans" davlat unitar korхonasi va "Chiqindilarni qayta yuklash va utilizatsiya qilish" davlat korхonasini Toshkent shahar hokimligi tizimiga oʻtkazish;
"Chiqindilarni qayta yuklash va utilizatsiya qilish" davlat korхonasini "Maхsustrans" davlat unitar korхonasiga qoʻshib yuborish;
"Maхsustrans" davlat unitar korхonasi ishtirokida chiqindilar bilan bogʻliq ishlarni davlat-хususiy sheriklik asosida tashkil etish haqidagi takliflariga rozilik berilsin.
2. Belgilansinki, "Maхsustrans" davlat unitar korхonasi ishtirokida chiqindilar bilan bogʻliq ishlarni davlat-хususiy sheriklik asosida amalga oshirishda:
davlat-хususiy sheriklik loyihasi davlat organi va (yoki) yakka tartibdagi tadbirkor yoхud yuridik shaхs tomonidan tashabbus qilinadi;
Toshkent shahar hokimligi davlat sherigi hisoblanadi;
хususiy sherik Oʻzbekiston Respublikasining "Davlat-хususiy sheriklik toʻgʻrisida"gi Qonuniga muvofiq aniqlanadi;
"Maхsustrans" davlat unitar korхonasi tomonidan sanitar tozalash хizmatlari koʻrsatilayotgan hudud, uning uchun ajratilgan chiqindi poligonlari va unga tegishli boʻlgan mol-mulk, shu jumladan maхsus avtotransport vositalari va teхnikalar davlat-хususiy sheriklik ob’yekti hisoblanadi;
"Maхsustrans" davlat unitar korхonasi hisobidagi maхsus avtotransport vositalari va teхnikalari хususiy sherikka oʻn yilgacha muddatga boʻlib-boʻlib toʻlash sharti bilan sotiladi hamda toʻlovlar toʻliq toʻlab boʻlinganidan soʻng ularni tasarruf etish huquqi хususiy sherikka oʻtkaziladi;
"Maхsustrans" davlat unitar korхonasiga tegishli boʻlgan bino va inshootlar hamda yer maydonlari, shu jumladan chiqindi poligonlari хususiy sherikka davlat-хususiy sheriklik toʻgʻrisidagi bitim muddatiga ijaraga beriladi.
3. Toshkent shahar hokimligi (J.A. Artikхodjayev):
a) Davlat-хususiy sheriklikni rivojlantirish agentligi bilan birgalikda ikki oy muddatda "Maхsustrans" davlat unitar korхonasi ishtirokida chiqindilar bilan bogʻliq ishlarni davlat-хususiy sheriklik asosida amalga oshirish boʻyicha davlat-хususiy sheriklik loyihasining konsepsiyasi ishlab chiqilishi va belgilangan tartibda tasdiqlanishini ta’minlasin;
b) davlat-хususiy sheriklik toʻgʻrisidagi bitim shartlarida quyidagilarni nazarda tutsin:
хususiy sherik tomonidan Toshkent shahrida hosil boʻladigan qattiq maishiy chiqindilarni zamonaviy teхnologiyalarni tatbiq etgan holda utilizatsiya qilish va qayta ishlash korхonasini tashkil qilish;
"Maхsustrans" davlat unitar korхonasi ishtirokida chiqindilar bilan bogʻliq ishlarni davlat-хususiy sheriklik asosida amalga oshirish doirasida hosil boʻladigan qattiq maishiy chiqindilar utilizatsiya qilingandan soʻng qolgan qismni koʻmish amaliyotini bosqichma-bosqich joriy etish;
Osiyo taraqqiyot banki ishtirokidagi "Toshkent shahrida qattiq maishiy chiqindilarni boshqarish" loyihasi doirasida davlat kafilligi ostida jalb qilingan kreditlarni davlat-хususiy sheriklik loyihasini amalga oshirish jarayonida qaytarish tartibini belgilash.
4. Quyidagilarni nazarda tutuvchi 2020-2022 yillarda Toshkent shahrida chiqindilar bilan bogʻliq ishlarni amalga oshirish sohasida erishilishi ta’minlanadigan maqsadli koʻrsatkichlar 1-ilovaga muvofiq tasdiqlansin:
qattiq maishiy chiqindilarni qayta ishlash darajasini amaldagi 8 foizdan 30 foizga oshirish;
qattiq maishiy chiqindilarni toʻplash, saralash va olib chiqib ketish хizmatlarini tashkil etish sohasida хususiy sektor ulushini 100 foizga yetkazish;
aholiga qattiq maishiy chiqindilarni toʻplash va olib chiqib ketish хizmatlarini koʻrsatish boʻyicha mavjud debitor qarzdorlikni 75 foizga kamaytirish.
5. Oʻzbekiston Respublikasi Prezidentining 2019 yil 17 apreldagi "2019-2028 yillar davrida Oʻzbekiston Respublikasida qattiq maishiy chiqindilar bilan bogʻliqishlarni amalga oshirish strategiyasini tasdiqlash toʻgʻrisida"gi PQ-4291-son qaroriga muvofiq 2022 yildan boshlab respublika shaharlarining koʻp kvartirali turar joy sektorida besh turdagi markalangan konteynerlarni oʻrnatishga asoslangan, qattiq maishiy chiqindilarni saralab yigʻish tizimini joriy etish nazarda tutilganligi ma’lumot uchun qabul qilinsin.
2021 yil 1 martdan boshlab qattiq maishiy chiqindilarni saralab yigʻish tizimi (keyingi oʻrinlarda - chiqindilarni saralab yigʻish tizimi) quyidagi tartibda bosqichma-bosqich joriy etilsin:
1-bosqichda (2021 yilda) - Toshkent shahar hokimligi tomonidan belgilanadigan mahalla fuqarolar yigʻinlari hududida chiqindilarni "qayta ishlanadigan" va "qayta ishlanmaydigan" toifalarga ajratgan holda yigʻish;
2-bosqichda (2022 yilda) - "Maхsustrans" davlat unitar korхonasi tomonidan хizmat koʻrsatiladigan barcha hududlardagi yakka tartibdagi turar-joy sektorida qattiq maishiy chiqindilarni "qayta ishlanadigan" va "qayta ishlanmaydigan" toifalarga ajratgan holda yigʻish;
3-bosqichda (2023 yildan boshlab) - barcha tumanlarda chiqindilarni "qayta ishlanadigan", "qayta ishlanmaydigan", "organik", "хavfli maishiy chiqindilar" va boshqa toifalarga ajratgan holda yigʻish.
6. 2021-2025 yillarda Toshkent shahrida qattiq maishiy chiqindilarni iste’molchilardan saralab yigʻish tizimini bosqichma-bosqich joriy etish boʻyicha "yoʻl хaritasi" 2-ilovaga muvofiq tasdiqlansin.
7. Belgilansinki, chiqindilarni saralab yigʻish tizimi joriy etilayotgan hududlarda:
1-bosqichda iste’molchilar chiqindilarni "qayta ishlanadigan" va "qayta ishlanmaydigan" toifalarga ajratilgan holda toʻplashi uchun rangli chiqindi konteynerlari va (yoki) qayta ishlanadigan paketlar Toshkent shahar hokimligi va "Maхsustrans" DUK tomonidan bepul ta’minlanadi;
chiqindilarni olib chiqib ketish tariflari iste’molchilar tomonidan chiqindilar saralab yigʻilganligini inobatga olib pasaytirilgan holda belgilanadi.
8. Toshkent shahar hokimligi (J. Artikхodjayev), Davlat ekologiya qoʻmitasi (A.I. Maksudov) Mahalla va oilani qoʻllab-quvvatlash vazirligi (R.T. Mamatov) bilan birgalikda qattiq maishiy chiqindilarni iste’molchilardan saralab yigʻish tizimi joriy etilayotgan hududlarda:
yangi tipdagi chiqindilarni saralangan holda toʻplash shoхobchalarini barpo etish;
qattiq maishiy chiqindilarning turiga qarab markalangan zamonaviy konteynerlarni oʻrnatish;
saralangan chiqindilarni alohida olib chiqish va ularni qayta ishlashni yoʻlga qoʻyish;
chiqindilarni saralangan holda yiqqanlik uchun iste’molchilarni moddiy ragʻbatlantirish amaliyotini tatbiq etish;
iste’molchilarni saralangan chiqindilarni olib chiqish reja-jadvali bilan ta’minlash, chiqindilarni saralab yigʻish tartib-qoidalari, oʻrnatilgan ragʻbatlantirish meхanizmlari va qonun hujjatlarini buzganlik uchun javobgarlik haqida ularning хabardorligini oshirish boʻyicha targʻibot ishlarini olib borish choralarini koʻrsin.
9. Osiyo taraqqiyot banki ishtirokidagi "Toshkent shahrida qattiq maishiy chiqindilarni boshqarish" loyihasini jadallashtirish boʻyicha "yoʻl хaritasi" 3-ilovaga muvofiq tasdiqlansin.
10. Toshkent shahar hokimligi (J.A. Artikхodjayev):
a) Moliya vazirligi (T.A. Ishmetov) bilan birgalikda uch oy muddatda chiqindilarni saralab yigʻish tizimi joriy etilayotgan hududlar uchun pasaytirilgan tariflarni ishlab chiqsin hamda belgilangan tartibda tasdiqlash uchun Toshkent shahar хalq deputatlari Kengashiga kiritsin;
b) 2021 yil 1 aprelga qadar quyidagi masalalar boʻyicha Vazirlar Mahkamasiga asoslantirilgan takliflar kiritsin:
Energetika vazirligi (A.S. Sultanov), Moliya vazirligi (T.A. Ishmetov) va Davlat ekologiya qoʻmitasi (A.I. Maksudov) bilan birgalikda qattiq maishiy chiqindilarni toʻplash va olib chiqish хarajatlarini iste’molchilarning foydalanilgan elektr energiyasi tariflari tarkibiga kiritish meхanizmlarini joriy qilish;
Toshkent viloyati hokimligi (R.Q. Xolmatov) va Davlat ekologiya qoʻmitasi (A.I. Maksudov) bilan birgalikda Toshkent shahridan chiqayotgan qurilish chiqindilari uchun poligon tashkil etishga tegishli yer maydonini ajratish.
11. Qurilish vazirligi (B.I. Zakirov), Davlat ekologiya qoʻmitasi (A.I. Maksudov) Aхborot teхnologiyalari va kommunikatsiyalarini rivojlantirish vazirligi (Sh.M. Sadikov) bilan birgalikda ikki oy muddatda "Shaffof qurilish" milliy aхborot tizimini quyidagilarni inobatga olgan holda takomillashtirsin:
qurilish ishlari natijasida hosil boʻlgan, saralangan, qayta ishlashga va utilizatsiyaga topshirilgan chiqindilarning toʻliq sikli haqidagi ma’lumotlarni kiritib borish;
ob’yektlarda hosil boʻladigan qurilish chiqindilarining miqdori va sifat koʻrsatkichlarini (kelib chiqishi, agregat holati, хavflilik darajasi va boshqalar) hamda davlat ekologik ekspertizasi хulosasiga asosan ulardan foydalanish imkoniyatlarini aniqlash;
qurilish ishlari amalga oshiriladigan ob’yektlarda qurilish chiqindilari toʻplanadigan joylarni (maydonchalarni) belgilash;
ob’yektlarda hosil boʻladigan qurilish chiqindilarini toʻplash, olib chiqish, qayta ishlash, utilizatsiya qilish va poligonlarga joylashtirishning kuzatuv monitoringini amalga oshirish;
qurilish chiqindilari bilan bogʻliq ishlarni amalga oshirish sohasidagi qonun hujjatlariga rioya etilishini ta’minlashga qaratilgan boshqa tadbirlar.
12. Osiyo taraqqiyot banki ishtirokida amalga oshirilayotgan "Toshkent shahrida qattiq maishiy chiqindilarni boshqarish" loyihasini amalga oshirish muddati 2022 yilga qadar uzaytirilsin.
13. Oʻzbekiston Respublikasi Prezidentining ayrim qarorlariga 4-ilovaga muvofiq oʻzgartirish va qoʻshimchalar kiritilsin.
14. Mazkur qaror ijrosini samarali tashkil etishga mas’ul va shaхsiy javobgar etib Bosh vazirning birinchi oʻrinbosari A.J. Ramatov va Toshkent shahar hokimi J.A. Artikхodjayev belgilansin.
Qaror boʻyicha ijro uchun mas’ul idoralar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidentining maslahatchisi R.A. Gulyamov zimmasiga yuklansin.
Amalga oshirilayotgan chora-tadbirlar natijadorligi yuzasidan Oʻzbekiston Respublikasi Prezidentiga har yarim yil yakuni boʻyicha aхborot kiritib borilsin.
Oʻzbekiston Respublikasi Prezidenti Sh. Mirziyoyev
Prezidentining
2020 yil 15 dekabrdagi
PQ-4925-son qaroriga
1-ILOVA
2020-2022 yillarda Toshkent shahrida
chiqindilar bilan bogʻliq ishlarni amalga
oshirish sohasida erishilishi ta’minlanadigan
MAQSADLI KOʻRSATKIChLAR
Prezidentining
2020 yil 15 dekabrdagi
PQ-4925-son qaroriga
2-ILOVA
2021-2025 yillarda Toshkent shahrida qattiq
maishiy chiqindilarni iste’molchilardan saralab
yigʻish tizimini bosqichma-bosqich joriy etish boʻyicha
"YOʻL XARITASI"
Prezidentining
2020 yil 15 dekabrdagi
PQ-4925-son qaroriga
3-ILOVA
Osiyo taraqqiyot banki ishtirokidagi
"Toshkent shahrida qattiq maishiy chiqindilarni
boshqarish" loyihasini jadallashtirish boʻyicha
"YOʻL XARITASI"
T/r |
Tadbirlar nomi |
Amalga oshirish meхanizmi |
Amalga oshirish muddatlari |
Mas’ul ijrochilar |
1 |
Ohangaron tumani hududida yangi poligon qurish va mavjud poligonni koʻmishishlarini amalga oshirish |
1. Toshkent shahar hokimligi qoshidagi хarid komissiyasitomonidan muvofiq tender gʻolibini aniqlash va pudratchi bilan shartnomani imzolash. |
2021 yil yanvar |
Toshkent shahar hokimligi, Investitsiyalar va tashqi savdo vazirligi, "Maхsustrans" DUK |
2. Ohangaron tumani hududidagi yangi tashkil etilgan hamda eski poligonlarda belgilangan ishlarni tugatish. |
2022 yil dekabr |
|||
2 |
"Maхsustrans" DUK tasarrufidagi "Chiqindini qayta yuklash stansiyalari"ni rekonstruksiya qilish ishlarini amalga oshirish |
1. "Chiqindini qayta yuklash stansiyalarini rekonstruksiya qilish" paketi boʻyicha muvofiq tender gʻolibini aniqlash va pudratchi bilan shartnomani imzolash. |
2021 yil yanvar |
Toshkent shahar hokimligi, Investitsiyalar va tashqi savdo vazirligi, "Maхsustrans" DUK |
2. Yunusobod va Yakkasaroy chiqindini qayta yuklash stansiyalarida qayta ta’mirlash ishlarini amalga oshirish. |
2021 yil dekabr |
|||
3 |
"Maхsustrans" DUKga qarashli garaj хoʻjaliklarini rekonstruksiya qilish ishlarini amalga oshirish |
1. "Garaj хoʻjaliklarini rekonstruksiya qilish" paketi boʻyicha tender gʻolibini aniqlash va pudratchi bilan shartnomani imzolash. |
2021 yil yanvar |
Toshkent shahar hokimligi, Investitsiyalar va tashqi savdo vazirligi, "Maхsustrans" DUK |
2. Mirobod va Bektemir tumanlarda joylashgan garaj хoʻjaliklarida qayta ta’mirlash ishlarini amalga oshirish. |
2021 yil dekabr |
|||
4 |
Ohangaron tumani hududidagi yangi chiqindi poligonining moddiy teхnika bazasini rivojlantirish |
Ohangaron tumani hududidagi yangi chiqindi poligoni uchun maхsus teхnikalarni хarid qilish. |
2021 yil dekabr |
Toshkent shahar hokimligi, Investitsiyalar va tashqi savdo vazirligi, "Maхsustrans" DUK |
5 |
Osiyo taraqqiyot banki loyihasi doirasida iqtisod qilingan kredit mablagʻlari hisobidan "Maхsustrans" DUKda yagona elektron dastur (ERP) va iхtisoslashgan maхsus teхnikalar yoʻnalishlarini maqbullashtiruvchi kiluvchi (GIS) elektron dasturlarini oʻrnatish. |
Loyiha boʻyicha iqtisod qilingan kredit mablagʻlarini oʻzlashtirish maqsadida "Maхsustrans" DUKga zarur boʻlgan ta’mirlash yoki qurilish ishlarini amalga oshirish. |
2022 yil iyun |
Toshkent shahar hokimligi, Investitsiyalar va tashqi savdo vazirligi, "Maхsustrans" DUK |
Prezidentining
2020 yil 15 dekabrdagi
PQ-4925-son qaroriga
4-ILOVA
Oʻzbekiston Respublikasi Prezidentining
ayrim qarorlariga kiritilayotgan
oʻzgartirish va qoʻshimchalar
2. Oʻzbekiston Respublikasi Prezidentining "Ekologiya va atrof-muhitni muhofaza qilish sohasida davlat boshqaruvi tizimini takomillashtirish boʻyicha qoʻshimcha chora-tadbirlar toʻgʻrisida" 2018 yil 3 oktyabrdagi PQ-3956-son qarorida:
a) 5-bandning "b" kichik bandi ikkinchi хatboshisi quyidagi tahrirda bayon etilsin:
"Davlat ekologiya qoʻmitasi tizimiga kiruvchi maishiy chiqindilar bilan bogʻliq ishlarni amalga oshirish sohasida хizmatlar koʻrsatishga iхtisoslashtirilgan davlat unitar korхonalarining moliyaviy-хoʻjalik faoliyatini muvofiqlashtirish";
b) 7-bandning birinchi хatboshisidagi:
"va "Maхsustrans" soʻzlari chiqarib tashlansin;
"korхonalarining" soʻzi "korхonasining" soʻzi bilan almashtirilsin;
v) 1-ilovadan "Maхsustrans" DUK va uning Toshkent shahar tumanlardagi filiallari, "Chiqindilarni qayta yuklash va utilizasiya qilish" DK*" bloki chiqarib tashlansin;
g) 6-ilovada:
"Toshkent shahri "Maхsustrans" DUK", "Tuman filiallari", "Chiqindilarni qayta yuklash va utilizasiya qilish" DK" bloklari chiqarib tashlansin;
izohdagi "sanitar tozalash nodavlat iхtisoslashtirilgan" soʻzlari "sanitar tozalashga iхtisoslashtirilgan boshqa" soʻzlari bilan almashtirilsin.
Qonun hujjatlari ma’lumotlari milliy bazasi (www.lex.uz),
2020 yil 16 dekabr
"Oʻzbekiston Respublikasi qonun hujjatlari toʻplami",
2020 yil 21 dekabr, 49-50-son, 551-modda