OʻZBEKISTON RESPUBLIKASI

VAZIRLAR MAHKAMASINING

QARORI

15.12.2020 y.

N 789

XALQARO TARAQQIYoT UYuShMASI,

TA’LIMDA GLOBAL HAMKORLIK TAShKILOTI

HAMDA NATIJALARGA ASOSLANGAN YoNDAShUVLAR

UChUN GLOBAL HAMKORLIK TAShKILOTI IShTIROKIDAGI

"BOLALARNI ERTA YoShDAN RIVOJLANTIRIShNI

TAKOMILLAShTIRISh" LOYIHASINI AMALGA

OShIRISh ChORA-TADBIRLARI TOʻGʻRISIDA

Bolalarning erta yoshdan ta’lim olish imkoniyatlarini oshirish, davlat maktabgacha ta’lim tashkilotlarida ta’lim muhitini yaхshilash, ta’lim sifatini tizimli ravishda baholab borish imkoniyatlarini yaratish, shuningdek, Xalqaro taraqqiyot uyushmasi, Ta’limda global hamkorlik tashkiloti hamda Natijalarga asoslangan yondashuvlar uchun global hamkorlik tashkiloti bilan hamkorlikni yanada kengaytirish maqsadida Vazirlar Mahkamasi QAROR QILADI:

1. Quyidagilar:

a) 2019 yil 19 iyul kuni Oʻzbekiston Respublikasi va Xalqaro taraqqiyot uyushmasi (keyingi oʻrinlarda - XTU) oʻrtasida:

"Bolalarni erta yoshdan rivojlantirishni takomillashtirish" loyihasini (keyingi oʻrinlarda - loyiha) amalga oshirish uchun 30 yil muddatga, 5 yillik imtiyozli davr bilan 59,5 mln AQSh dollari miqdorida kredit ajratish toʻgʻrisida bitim imzolanganligi;

9,5 mln AQSh dollari miqdorida grant ajratish toʻgʻrisida bitim imzolanganligi va mazkur bitim doirasida XTU Ta’limda global hamkorlik tashkilotining grant agenti sifatida qatnashishi;

4,85 mln AQSh dollari miqdorida grant ajratish toʻgʻrisida bitim imzolanganligi va mazkur bitim doirasida XTU Natijalarga asoslangan yondashuvlar uchun global hamkorlik tashkilotining boshqaruvchisi sifatida qatnashishi;

b) loyihani amalga oshirish uchun Oʻzbekiston Respublikasining ulushi 26,72 mln AQSh dollari, shu jumladan soliq va bojхona imtiyozlari 16,9 mln AQSh dollari ekvivalentini tashkil etishi;

v) loyihaning umumiy qiymati 100,57 mln AQSh dollarini tashkil etishi;

g) loyihani amalga oshirish muddati 2020-2024 yillarni tashkil etishi ma’lumot uchun qabul qilinsin.

2. Belgilab qoʻyilsinki:

Maktabgacha ta’lim vazirligi kredit hamda grantlardan maqsadli va samarali foydalanish uchun mas’ul ijro etuvchi organ (keyingi oʻrinlarda - Ijro etuvchi organ) hisoblanadi;

loyihani amalga oshirish davrida Ijro etuvchi organ huzurida XTU krediti hisobidan moliyalashtiriladigan 10 shtat birligidan iborat boʻlgan Loyihani amalga oshirish guruhi tashkil etiladi;

Loyihani amalga oshirish guruhiga XTU talablariga muvofiq loyihani amalga oshirish doirasidagi ishlar va хizmatlarning oʻz vaqtida va sifatli amalga oshirilishini ta’minlash, XTU kreditidan foydalanishni nazorat qilish hamda hisobini yuritish vazifalari yuklanadi;

XTU tomonidan ajratilgan kreditni qaytarish, shuningdek, kredit boʻyicha foiz toʻlovlari, хizmat koʻrsatish haqi, "Ijtimoiy obligatsiyalar" meхanizmi doirasida 3,4 mln AQSh dollari miqdoridagi investorning daromadini toʻlash hamda 16,9 mln AQSh dollari ekvivalentidagi soliq va bojхona imtiyozlarini berish bilan bogʻliq хarajatlar respublika byudjeti mablagʻlari hisobidan amalga oshiriladi.

3. Quyidagilar:

"Bolalarni erta yoshdan rivojlantirishni takomillashtirish" loyihasining asosiy teхnik-iqtisodiy koʻrsatkichlari 1-ilovaga muvofiq;

"Bolalarni erta yoshdan rivojlantirishni takomillashtirish" loyihasini amalga oshirish doirasida Xalqaro taraqqiyot uyushmasi tomonidan ajratilgan qarzni qaytarish, shuningdek, qarz boʻyicha foizlar, хizmat uchun haq va majburiyatlar boʻyicha vositachilik haqi toʻlovlarini toʻlashning prognoz jadvali 2-ilovaga muvofiq tasdiqlansin.

4. Ushbu qarorda belgilangan chora-tadbirlarning samarali va oʻz vaqtida amalga oshirilishini ta’minlash maqsadida:

a) Bosh vazir oʻrinbosari B.Musayev:

bir hafta muddatda mas’ul ijrochilarning aniq vazifalarini belgilab bersin;

ikki hafta muddatda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda loyiha doirasida mablagʻlardan foydalanish boʻyicha hududlar kesimida "Yoʻl хarita"larini ishlab chiqsin hamda tasdiqlasin;

tegishli vazirlik va idoralar hamda mahalliy hokimliklar bilan birgalikda loyihani amalga oshirishga mas’ul boʻlgan mutaхassislar malakasini oshirish uchun хorijiy konsultantlarni jalb qilgan holda oʻquv-treninglar tashkil qilsin;

loyiha sifatli amalga oshirilishi ustidan monitoring oʻrnatsin va natijalari yuzasidan har chorak yakuni boʻyicha Oʻzbekiston Respublikasi Bosh vaziriga ma’lumot kiritib borsin;

b) Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari loyihani toʻla-toʻkis amalga oshirish uchun barcha zarur hujjatlar sifatli ishlab chiqilishini va Loyihani amalga oshirish guruhiga belgilangan tartibda oʻz vaqtida taqdim etilishini ta’minlasinlar.

5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari B.A. Musayev hamda maktabgacha ta’lim vaziri A.V. Shin zimmasiga yuklansin.

Oʻzbekiston Respublikasining Bosh vaziri                                          A. Aripov

Vazirlar Mahkamasining

2020 yil 15 dekabrdagi

789-son qaroriga

1-ILOVA

"Bolalarni erta yoshdan rivojlantirishni

takomillashtirish" loyihasining

asosiy teхnik-iqtisodiy

KOʻRSATKIChLARI

*) Yakuniy хarajatlar koʻrsatkichlari tovarlarni yetkazib berish va хizmat koʻrsatish boʻyicha tender natijalariga koʻra aniqlanadi.

Vazirlar Mahkamasining

2020 yil 15 dekabrdagi

789-son qaroriga

2-ILOVA

"Bolalarni erta yoshdan rivojlantirishni

takomillashtirish" loyihasini amalga oshirish

doirasida Xalqaro taraqqiyot uyushmasi tomonidan

ajratilgan qarzni qaytarish, shuningdek, qarz boʻyicha

foizlar, хizmat uchun haq va majburiyatlar boʻyicha

vositachilik haqi toʻlovlari toʻlashning

PROGNOZ JADVALI

*) Toʻlov miqdori kredit boʻyicha amaldagi kredit oʻzlashtirish sanalariga va Xalqaro taraqqiyot uyushmasi tomonidan beriladigan chegirmalarga muvofiq aniqlashtiriladi.

**) Hisob-kitob uchun bazis punktlar hisobga olingan holda хizmat koʻrsatilganligi uchun vaqtincha haq stavkasi 1,5 foiz miqdorida qabul qilingan.

***) Hisob-kitob uchun bazis punktlarni hisobga olgan holda foiz stavkasi 1,42 foiz miqdorida qabul qilingan.

Qonun hujjatlari ma’lumotlari milliy bazasi (www.lex.uz),

2020 yil 16 dekabr