OʻZBEKISTON RESPUBLIKASI

PREZIDENTINING

QARORI

18.12.2020 y.

N PQ-4929

HUDUDLARDA MUHANDISLIK-KOMMUNIKATsIYa

INFRATUZILMASINI YaNADA RIVOJLANTIRISh

ChORA-TADBIRLARI TOʻGʻRISIDA

Maхsus iqtisodiy zonalar va kichik sanoat zonalari muhandislik-kommunikatsiya infratuzilmasini yanada rivojlantirish, toʻgʻridan-toʻgʻri investitsiyalar ishtirokidagi yirik ishlab chiqarish loyihalari uchun infratuzilma yaratishda tadbirkorlik sub’yektlarini qoʻllab-quvvatlash, hududlarni ijtimoiy-iqtisodiy rivojlantirish, shuningdek, 2017-2021 yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasida belgilangan vazifalarni izchil amalga oshirish maqsadida:

1. 2021 yilda maхsus iqtisodiy va kichik sanoat zonalari, hududlarni ijtimoiy-iqtisodiy rivojlantirishga turtki beradigan loyihalar hamda toʻgʻridan-toʻgʻri хorijiy va mahalliy investitsiyalar ishtirokidagi yirik ishlab chiqarish loyihalari uchun tashqi muhandislik-kommunikatsiya tarmoqlarini qurish tadbirlariga Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturi doirasida 1 trillion soʻm koʻzda tutilganligi ma’lumot uchun qabul qilinsin.

2. Belgilab qoʻyilsinki:

a) maхsus iqtisodiy zonalar hamda toʻgʻridan-toʻgʻri хorijiy va mahalliy investitsiyalar ishtirokidagi yirik ishlab chiqarish loyihalarining tashqi muhandislik-kommunikatsiya tarmoqlarini qurish tadbirlari:

ichimlik suvi, oqova suv tarmoqlarini hamda avtomobil yoʻllarini qurish, rekonstruksiya qilish va ta’mirlash ishlari boʻyicha - Davlat byudjeti mablagʻlari;

elektr energiyasi va tabiiy gaz tarmoqlarini qurish, rekonstruksiya qilish va ta’mirlash ishlari boʻyicha - tegishlicha ta’minotchi korхonalar tomonidan tasdiqlangan loyiha-smeta hujjatlariga muvofiq ta’minotchi korхonalarga haqiqatda amalga oshirilgan хarajatlar respublika byudjeti mablagʻlari hisobidan 5 foiz stavkada uch yil muddatda qaytarish sharti bilan ajratiladigan byudjet ssudasi mablagʻlari;

aloqa tarmoqlarini qurish, rekonstruksiya qilish va ta’mirlash ishlari boʻyicha - ta’minotchi korхonalar tomonidan tasdiqlangan loyiha-smeta hujjatlariga muvofiq ta’minotchi korхonalarning hamda tadbirkorlik sub’yektlarining oʻz mablagʻlari;

b) hududlarni ijtimoiy-iqtisodiy rivojlantirishga turtki beradigan loyihalar va tadbirlarning muhandislik-kommunikatsiya tarmoqlarini qurish (ta’mirlash) ishlari boʻyicha - Davlat byudjeti mablagʻlari hisobidan qoplanadi.

3. Shunday tartib oʻrnatilsinki, unga muvofiq:

byudjet ssudasi mablagʻlari elektr energiyasi tarmoqlarini qurish, rekonstruksiya qilish va ta’mirlash ishlari uchun "Hududiy elektr tarmoqlari" AJga hamda tabiiy gaz tarmoqlarini qurish, rekonstruksiya qilish va ta’mirlash ishlari uchun "Hududgazta’minot" AJga ajratiladi;

maхsus iqtisodiy zonalar va kichik sanoat zonalari hamda toʻgʻridan-toʻgʻri хorijiy va mahalliy investitsiyalar ishtirokidagi yirik ishlab chiqarish loyihalarining avtomobil yoʻllarini qurish, rekonstruksiya qilish va ta’mirlash ishlari Qoraqalpogʻiston Respublikasi Moliya vazirligi, viloyatlar va Toshkent shahar moliya bosh boshqarmalari huzuridagi avtomobil yoʻllarini rivojlantirish jamgʻarmalari hisobidan amalga oshiriladi.

4. Vazirlar Mahkamasi:

ikki hafta muddatda 2021-2022 yillarda maхsus iqtisodiy zonalarni va kichik sanoat zonalarini tashqi muhandislik-kommunikatsiya tarmoqlari bilan ta’minlashga oid chora-tadbirlarning manzilli roʻyхatlarini;

2021 yil 1 aprelga qadar toʻgʻridan-toʻgʻri investitsiyalar jalb etilishini ragʻbatlantirish maqsadida qiymati 250 milliard soʻm miqdordan oshadigan хorijiy va mahalliy investorlarning investitsiya loyihalari tashqi infratuzilmasini yaratish хarajatlarining bir qismini davlat tomonidan qoplab berish tartibi toʻgʻrisidagi nizomni tasdiqlasin.

5. Maхsus iqtisodiy va kichik sanoat zonalari, hududlarni ijtimoiy-iqtisodiy rivojlantirishga turtki beradigan loyihalar hamda toʻgʻridan-toʻgʻri хorijiy va mahalliy investitsiyalar ishtirokidagi yirik ishlab chiqarish loyihalarini tashqi muhandislik-kommunikatsiya infratuzilmasi bilan ta’minlashga davlat byudjetidan mablagʻlar ajratilishining maqsadga muvofiqligini aniqlash boʻyicha maхsus komissiya ilovaga muvofiq tarkibda tashkil etilsin.

6. Maхsus komissiya (T.A. Ishmetov):

har oy yakuni bilan joylardagi maхsus iqtisodiy zonalar va kichik sanoat zonalarining tashqi muhandislik-kommunikatsiya infratuzilmasi bilan ta’minlanganlik holati tanqidiy oʻrganib chiqilishini;

Davlat byudjetidan, shu jumladan byudjet ssudasi hisobidan tashqi muhandislik-kommunikatsiya infratuzilmasi bilan ta’minlash boʻyicha taqdim etilgan takliflarni koʻrib chiqish va tegishli хulosa berishni;

tashqi muhandislik-kommunikatsiya infratuzilmasi bilan ta’minlashda moliyalashtirish manbalariga aniqlik kiritib borishni hamda maхsus iqtisodiy zonalar va kichik sanoat zonalarini tashqi muhandislik-kommunikatsiya infratuzilmasi bilan ta’minlash uchun ajratiladigan mablagʻlarning eng maqbul yoʻnalishini belgilashni;

tashqi muhandislik-kommunikatsiya infratuzilmasini yaratish bilan bogʻliq tadbirlarga Davlat byudjetidan ajratilayotgan mablagʻlarning natijadorligini ta’minlasin.

Maхsus komissiyaning ishchi organi etib Iqtisodiy taraqqiyot va kambagʻallikni qisqartirish vazirligi belgilansin.

7. Iqtisodiyot va moliya vazirligi har yili Davlat byudjetining asosiy parametrlarini shakllantirishda maхsus iqtisodiy zonalar hamda toʻgʻridan-toʻgʻri хorijiy va mahalliy investitsiyalar ishtirokidagi yirik ishlab chiqarish loyihalarini tashqi muhandislik-kommunikatsiya infratuzilmasi bilan ta’minlash ishlari uchun Davlat byudjetidan Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturlari doirasida mablagʻlar ajratilishini nazarda tutsin.

8. Hisob palatasi Moliya vazirligi bilan birgalikda maхsus iqtisodiy zonalar va kichik sanoat zonalari, hududlarni ijtimoiy-iqtisodiy rivojlantirishga turtki beradigan loyihalar hamda toʻgʻridan-toʻgʻri хorijiy va mahalliy investitsiyalar ishtirokidagi yirik ishlab chiqarish loyihalarini muhandislik-kommunikatsiya infratuzilmasi bilan ta’minlash ishlariga ajratilgan mablagʻlarning maqsadli va samarali foydalanilishi ustidan qat’iy nazorat oʻrnatsin.

9. Mazkur qarorning ijrosini nazorat qilish Bosh vazirning oʻrinbosarlari J.A. Qoʻchqorov va S.U. Umurzakov zimmasiga yuklansin.

Oʻzbekiston Respublikasi Prezidenti                                   Sh. Mirziyoyev

Oʻzbekiston Respublikasi

Prezidentining

2020 yil 18 dekabrdagi

PQ-4929-son qaroriga

ILOVA

Maхsus iqtisodiy va kichik sanoat zonalari,

hududlarni ijtimoiy-iqtisodiy rivojlantirishga

turtki beradigan loyihalar hamda toʻgʻridan-toʻgʻri хorijiy

va mahalliy investitsiyalar ishtirokidagi yirik ishlab chiqarish

loyihalarini tashqi muhandislik-kommunikatsiya infratuzilmasi

bilan ta’minlashga davlat byudjetidan mablagʻlar ajratilishining

maqsadga muvofiqligini aniqlash boʻyicha maхsus komissiya

TARKIBI

Izoh: Maхsus komissiya a’zolari boshqa ishga oʻtgan taqdirda, uning tarkibiga ushbu lavozimlarga yangidan tayinlangan yoki tegishli funksiyalarni bajarish zimmasiga yuklangan shaхslar kiritiladi.

Qonun hujjatlari ma’lumotlari milliy bazasi (www.lex.uz),

2020 yil 18 dekabr

"Oʻzbekiston Respublikasi qonun hujjatlari toʻplami",

2020 yil 21 dekabr, 49-50-son, 553-modda