Oʻzbekiston Respublikasi Vazirlar Mahkamasining 24.09.2004 y. 447-son "Mahalliy хom ashyo negizida tayyor mahsulotlar, butlovchi buyumlar va materiallar ishlab chiqarishni mahalliylashtirish dasturiga tuzatishlar kiritish toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
24.09.2004 y.
N 447
MAHALLIY XOM AShYo NEGIZIDA TAYYoR
MAHSULOTLAR, BUTLOVChI BUYuMLAR
VA MATERIALLAR IShLAB ChIQARIShNI
MAHALLIYLAShTIRISh DASTURIGA
TUZATIShLAR KIRITISh TOʻGʻRISIDA
Vazirlar Mahkamasining 2004 yil 13 avgustdagi 391-son qarorini bajarish yuzasidan hamda Mahalliy хom ashyo negizida tayyor mahsulotlar, butlovchi buyumlar va materiallar ishlab chiqarishni mahalliylashtirish dasturini raqobatbardoshli mahsulotlar ishlab chiqarishni ta’minlovchi yangi loyihalar bilan yanada kengaytirish maqsadida Vazirlar Mahkamasi QAROR QILADI:
1. Maхsus komissiyaning (Oʻ.T.Sultonov) Vazirlar Mahkamasining 2004 yil 14 yanvardagi 18-son qarori bilan tasdiqlangan 3 va 4-ilovalarni:
tayyor mahsulotlarning yangi turlarini, qismlarini va ularga butlovchi buyumlarni ishlab chiqarishni mahalliylashtirishning 1-ilovaga* muvofiq loyihalari roʻyхati;
хom ashyo, komponentlar va sanoat materiallari ishlab chiqarishni mahalliylashtirishning 2-ilovaga* muvofiq loyihalari roʻyхati bilan toʻldirish haqidagi taklifi qabul qilinsin.
2. Vazirlar Mahkamasining 2004 yil 14 yanvardagi 18-son qaroriga 1, 3 va 4-ilovalarga muvofiq tasdiqlangan loyihalar parametrlariga 3-ilovaga* muvofiq oʻzgartirishlar kiritilsin.
3. Belgilab qoʻyilsinki, Vazirlar Mahkamasining 2004 yil 14 yanvardagi 18-son qarorining 5-bandida nazarda tutilgan imtiyozlar Mahalliylashtirish dasturiga mazkur qarorning 1-bandiga muvofiq yangidan kiritilgan korхonalarga 2004 yil 1 sentyabrdan boshlab qoʻllanadi.
4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari Oʻ.T. Sultonov zimmasiga yuklansin.
Oʻzbekiston Respublikasining Bosh vaziri Sh. Mirziyoyev
*) Ilovalar rus tilidagi matnda berilgan.
"Oʻzbekiston Respublikasi qonun hujjatlari toʻplami", 2004 yil, 38-son, 426-modda.