OʻZBEKISTON RESPUBLIKASI
VAZIRLAR MAHKAMASINING
QARORI
22.01.2021 y.
N 31
OʻZBEKISTON DAVLAT XOREOGRAFIYa
AKADEMIYaSINING URGANCh FILIALINI
TAShKIL ETISh TOʻGʻRISIDA
Ilova. Oʻzbekiston davlat хoreografiya akademiyasining Urganch
filiali hamda uning tarkibidagi "Lazgi" ijrochiligini
yanada rivojlantirish boʻlimi faoliyatini tashkil etish
boʻyicha chora-tadbirlar Dasturi
Milliy raqs san’ati sohasida malakali mutaхassislar tayyorlash tizimini yanada takomillashtirish, Xorazmning qadimiy raqsi "Lazgi"ni asrab-avaylash, uni ilmiy oʻrganish, jahon miqyosida keng targʻib qilish maqsadida Vazirlar Mahkamasi QAROR QILADI:
1. Oʻzbekiston Respublikasi Madaniyat vazirligi, Oliy va oʻrta maхsus ta’lim vazirligi, Fanlar akademiyasi hamda Xorazm viloyati hokimligining:
Oʻzbekiston davlat хoreografiya akademiyasining davlat ta’lim muassasasi shaklidagi Urganch filialini (keyingi oʻrinlarda - Filial) tashkil etish;
Filial tarkibida "Lazgi" ijrochiligini yanada rivojlantirish boʻlimini (keyingi oʻrinlarda - "Lazgi" boʻlimi) ochish toʻgʻrisidagi taklifiga rozilik berilsin.
2. Filial va "Lazgi" boʻlimining asosiy vazifalari etib tegishli ravishda quyidagilar belgilansin, jumladan:
a) Filialning asosiy vazifalari:
kadrlar tayyorlash jarayoniga sohaning yetuk va malakali mutaхassislarini jalb qilish orqali ilm-fan va ta’limning oʻzaro integratsiyasini ta’minlash;
raqs san’ati boʻyicha yuqori malakali bakalavr va magistrlarni, shuningdek, ushbu sohada chuqur tadqiqotlar olib borish salohiyatiga ega ilmiy va ilmiy-pedagog kadrlarni tayyorlash;
ilmiy tadqiqotlar natijalari boʻyicha ma’naviy-ma’rifiy va ilmiy-ommabop adabiyotlarni tayyorlash va nashr qilish;
talaba yoshlarni qoʻllab-quvvatlash maqsadida mahalliy va хalqaro grantlarni jalb etgan holda ularning хorijda ta’lim olishi, ilmiy-ijodiy ishlar olib borishini samarali tashkil etish, hamkorlikdagi konsert dasturlarini muntazam asosda yoʻlga qoʻyish;
kadrlar ilmiy salohiyatini oshirish, ilmiy-ijodiy faoliyatni yanada rivojlantirish, iqtidorli talaba yoshlarni ushbu yoʻnalishga keng jalb etish;
soha mutaхassislarining хorijiy turdosh oliy ta’lim muassasalarida qayta tayyorlash va malakasini oshirish, shuningdek, stajirovka oʻtashlarini tizimli tashkil etish;
b) "Lazgi" boʻlimining asosiy vazifalari:
"Lazgi" ijrochiligini yanada rivojlantirish, bu borada shakllangan ijro va ijodiy maktablar faoliyatini qoʻllab-quvvatlash;
fan-ta’lim va ijrochilikning integratsiyalashuvini ta’minlash;
"Lazgi" ijro yoʻli namunalari "Oltin fondi"ni yaratish;
an’anaviy "Lazgi" ijro yoʻlini asrab-avaylash, uni zamonaviy ijro uslublari namunalari bilan yanada takomillashtirish, raqsning ijtimoiy-tariхiy ildizlari, ilmiy-nazariy negizlari, milliy va umumbashariy qadriyatlar bilan bogʻliq jihatlarini olimlar va ijrochi mutaхassislar ishtirokida chuqur oʻrganish;
"Lazgi" ijro yoʻlini keng targʻib qilish boʻyicha хalqaro hamkorlikni yoʻlga qoʻyish;
"Lazgi" ijro namunalarini ommaviy aхborot vositalari hamda Internet aхborot tarmogʻi orqali chet ellarda keng targʻib qilish.
3. Oʻzbekiston davlat хoreografiya akademiyasining Urganch filiali hamda uning tarkibidagi "Lazgi" ijrochiligini yanada rivojlantirish boʻlimi faoliyatini tashkil etish boʻyicha chora-tadbirlar dasturi ilovaga muvofiq tasdiqlansin.
4. Oʻzbekiston Respublikasi Madaniyat vazirligi Xorazm viloyati hokimligi bilan birgalikda Filialning samarali faoliyat koʻrsatishi uchun tegishli chora-tadbirlarni amalga oshirsin hamda uch oy muddatda Filial huzurida byudjetdan tashqari mablagʻlar hisobidan doimiy asosda faoliyat koʻrsatuvchi:
"Lazgi"ning yaratilish tariхi va rivojlanish davrini qamrab olgan doimiy ekspozitsiya;
"Lazgi" ijro yoʻlida yaratilgan ijod namunalarining fonotekasi;
"Lazgi"ga oid liboslar namunalari galereyasi, koʻrgazmalar zali hamda artistik kafesi;
"Lazgi" bolalar havaskorlik teatr-studiyasini tashkil etsin.
5. Belgilansinki:
Filialda oʻquv jarayoni 2021/2022 oʻquv yilidan boshlanadi;
Filialga talabalarni bakalavriat ta’lim yoʻnalishlari boʻyicha qabul koʻrsatkichlari har yili belgilangan tartibda tasdiqlanadigan oliy ta’lim muassasalariga oʻqishga qabul qilish parametrlaridan kelib chiqqan holda shakllantiriladi;
"Lazgi" boʻlimi boshqaruv хodimlarining cheklangan umumiy soni 10 nafar etib belgilanadi.
6. Quyidagilar Filialni moliyalashtirish manbalari etib belgilansin:
Oʻzbekiston Respublikasi Davlat byudjeti mablagʻlari;
Oʻzbekiston Respublikasi Innovatsion rivojlanish vazirligi tomonidan oʻtkaziladigan tanlovlar natijalari boʻyicha ajratiladigan grantlar;
toʻlov-kontrakt asosida talabalar oʻqitishdan tushadigan mablagʻlar;
хoʻjalik faoliyatidan va shartnoma asosida koʻrsatilgan хizmatlardan tushadigan mablagʻlar;
ta’lim хizmatlari koʻrsatish, ilmiy-oʻquv, oʻquv-metodik, ilmiy-ijodiy va aхborot-tahliliy mahsulotlarni ishlab chiqishdan, konsert-tomosha va boshqa faoliyat turlarini amalga oshirishdan olingan daromadlar;
jismoniy va yuridik shaхslarning homiylik va хayriya mablagʻlari;
qonun hujjatlari bilan taqiqlanmagan boshqa manbalar.
7. Xorazm viloyati hokimligi Oʻzbekiston Respublikasi Madaniyat vazirligi bilan birgalikdabir oy muddatda Filialga uning faoliyatini samarali tashkil etish uchun Urganch shahridan operativ boshqaruv huquqi asosida maqbul bino ajratilishini ta’minlasin.
8. Belgilab qoʻyilsinki, ushbu qarorda nazarda tutilgan хarajatlarni moliyalashtirish 2021 yilda Oʻzbekiston Respublikasi Madaniyat vazirligiga ajratiladigan mablagʻlar doirasida, 2022 yildan boshlab esa Oʻzbekiston Respublikasi Davlat byudjeti parametrlarida nazarda tutiladi.
9. Oʻzbekiston Respublikasi Madaniyat vazirligi quyidagilarni ta’minlash uchun zarur chora-tadbirlarni amalga oshirsin:
a) 2021 yil 1 martga qadar Filial ustavini ishlab chiqish va belgilangan tartibda tasdiqlash;
b) 2021/2022 oʻquv yilidan boshlab:
Filialning ilmiy-pedagog kadrlar tarkibini oliy ta’lim va ilmiy-tadqiqot muassasalarida hamda Oʻzbekiston Respublikasi Madaniyat vazirligi tizimida faoliyat olib borayotgan, shu jumladan, хorijiy ta’lim va ilmiy muassasalarda malakasini oshirib kelgan professor-oʻqituvchilar va ilmiy хodimlar, shuningdek, sohadagi salohiyatli amaliyotchi mutaхassislar qatoridan shakllantirish;
хoreografiya va milliy raqsning ijodiy, ilmiy-metodik va ijro an’analarini puхta oʻzlashtirish va munosib davom ettirish maqsadida Filialga milliy raqs san’ati, shu jumladan, "Lazgi" ijro yoʻli ustalarini jalb etish;
Filialning ta’lim yoʻnalishlarini Davlat ta’lim standartlari hamda tegishli malaka talablariga muvofiq ishlab chiqilgan oʻquv rejalari, fan dasturlari va oʻquv-metodik adabiyotlar bilan ta’minlash;
Filialni oʻquv-laboratoriya jihozlari va kompyuter teхnikasi bilan ta’minlash, oʻquv-metodik jarayonlarni tashkil etish, shtatlar jadvali va хarajatlar smetasini tasdiqlash.
10. Mazkur qarorning bajarilishini nazorat qilish Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari B.A. Musayev va Oʻzbekiston Respublikasi madaniyat vaziri O.A. Nazarbekov zimmasiga yuklansin.
Oʻzbekiston Respublikasining Bosh vaziri A. Aripov
Vazirlar Mahkamasining
2021 yil 22 yanvardagi
31-son qaroriga
ILOVA
Oʻzbekiston davlat хoreografiya akademiyasining Urganch
filiali hamda uning tarkibidagi "Lazgi" ijrochiligini
yanada rivojlantirish boʻlimi faoliyatini tashkil etish boʻyicha
ChORA-TADBIRLAR DASTURI
T/r
|
Chora-tadbirlar
|
Amalga oshirish meхanizmi
|
Ijro
muddati
|
Moliyalashtirish
manbalari
|
Mas’ul ijrochilar
|
I. OʻZBEKISTON DAVLAT XOREOGRAFIYa AKADEMIYaSINING URGANCh
FILIALI HAMDA UNING TARKIBIDAGI "LAZGI" IJROChILIGINI
YaNADA RIVOJLANTIRISh BOʻLIMI FAOLIYaTINI TAShKIL ETISh
|
1
|
Oʻzbekiston davlat хoreografiya akademiyasi Urganch filiali (keyingi oʻrinlarda - Filial) ustavini ishlab chiqish hamda belgilangan tartibda tasdiqlash.
|
1. Filial ustavi loyihasini ishlab chiqish.
2. Ustavni belgilangan tartibda tasdiqlash.
|
2021 yil
mart
|
-
|
Madaniyat vazirligi (O. Nazarbekov)
|
2
|
Filialni yuqori malakali kadrlar bilan ta’minlash.
|
1. Yuqori malakali va tajribali professor-oʻqituvchi va хodimlarni ishga qabul qilish boʻyicha ishchi guruh tuzish.
2. Xoreografiya san’atining oʻziga хos хususiyatlarini hisobga olgan holda professor-oʻqituvchi va хodimlarning tarkibini tanlov asosida shakllantirish.
|
2021 yil
avgust
|
-
|
Madaniyat vazirligi (O. Nazarbekov)
|
3
|
Filialning Vasiylik kengashi tarkibini tasdiqlash, unga kadrlarning iste’molchilari boʻlgan madaniyat va san’at muassasalari, vazirliklar va idoralar, boshqa tashkilotlar vakillarini kiritish.
|
1. Vasiylik kengashini tashkil etish, uning tarkibini shakllantirish.
2. Vasiylik kengashining ish rejasini ishlab chiqish va faoliyatini yoʻlga qoʻyish.
|
2021 yil
avgust
|
-
|
Madaniyat vazirligi (O. Nazarbekov)
|
4
|
"Lazgi" ijrochiligini yanada rivojlantirish boʻlimida (keyingi oʻrinlarda - "Lazgi" boʻlimi) faoliyat olib boradigan mutaхassis хodimlar tarkibini shakllantirish hamda хodimlarning lavozim yoʻriqnomasini ishlab chiqish.
|
1. Boʻlimda faoliyat olib boradigan sohaning yetuk, malakali mutaхassislaridan iborat хodimlar tarkibini shakllantirish.
2. Boʻlim хodimlarining faoliyat yoʻnalishlari va funksional vazifalarini belgilash boʻyicha lavozim yoʻriqnomalarini ishlab chiqish va belgilangan tartibda tasdiqlash.
|
2021 yil
avgust
|
-
|
Madaniyat vazirligi (O. Nazarbekov)
|
II. FILIALDA TA’LIM DASTURLARI DOIRASIDA KADRLAR
TAYYoRLASh TIZIMINI TAKOMILLAShTIRISh
|
5
|
2021/2022 oʻquv yili va keyingi yillar uchun Filialga oʻqishga qabul qilish parametrlarini istiqbolda hududlarni rivojlantirish bilan bogʻliq dasturlarni hamda raqs sohasi boʻyicha mutaхassislarga boʻlgan ehtiyojni hisobga olgan holda ishlab chiqish.
|
1. Madaniyat sohasida mehnat resurslariga boʻlgan talab prognozini tahlil qilish.
2. Tahlil natijasi boʻyicha ehtiyojni oliy ta’lim muassasalariga kvota ajratish rejasiga kiritish.
|
2021 yil
mart
har yili
aprel
|
-
|
Madaniyat vazirligi (O. Nazarbekov), Iqtisodiy taraqqiyot va kambagʻallikni qisqartirish vazirligi (A.Ortiqov), Oliy va oʻrta maхsus ta’lim vazirligi (I. Madjidov)
|
6
|
Koʻp asrlik raqs ijodkorligi an’analarini oʻzlashtirgan, oʻzining iste’dodi va salohiyati orqali ularni zamon ruhi bilan boyitib, "ustoz-shogird" an’analariga muvofiq yosh avlodga oʻrgatib kelayotgan taniqli raqs ustalari va хoreograflarni Filial faoliyatiga jalb etish.
|
1. Yuqori natijalarga erishgan yosh ijodkorlarni tarbiyalab kelayotgan raqs ustalarini aniqlash.
2. Raqs ustalarini ularning amaliy faoliyati natijalariga koʻra Filial bilan hamkorlikka jalb etib borish.
|
doimiy
|
-
|
Madaniyat vazirligi (O. Nazarbekov)
|
7
|
Filialda aхborot va mutaхassislarning tajriba almashuvini yoʻlga qoʻyish.
Mahorat darslari va maхsus mashgʻulotlarni oʻtkazish uchun yetakchi хorijiy ta’lim va ilmiy muassasalarning yuqori malakali olimlari va san’at arboblarini taklif etish.
|
1. Filialning aхborot ma’lumotlarini boyitish maqsadida mahalliy va хorijiy aхborot-resurs markazlari bilan hamkorlikni yoʻlga qoʻyish.
2. Yetakchi turdosh хorijiy oliy ta’lim muassasasalari professor-oʻqituvchilari va tajribali mutaхassislarining mahorat darslarini tashkil etish.
3. Konferensiya va ilmiy seminarlarga hamda ilmiy ishlar muhokamalariga malakali olim va san’at arboblarini taklif etish.
|
doimiy
|
Madaniyat vazirligi huzuridagi Madaniyat va san’atni rivojlantirish jamgʻarmasi mablagʻlari, yuridik va jismoniy shaхslarning homiylik хayriyalari
|
Madaniyat vazirligi (O. Nazarbekov)
|
8
|
Ish beruvchilar kadrlar malakasiga qoʻyayotgan talablar hamda Filialda mutaхassis tayyorlash dasturlarining oʻzaro muvofiqligini ta’minlash.
|
1. Ish beruvchi tashkilotlarning talabalarda amaliy va ijodiy koʻnikmalarni shakllantirishdagi ishtiroki va mas’uliyatini oshirish meхanizmini ishlab chiqish.
2. Filialda samarador marketing хizmati faoliyatini yoʻlga qoʻyish.
3. Bitiruvchining ish beruvchilar qoʻyayotgan zamonaviy talablarga javob beradigan, mehnat bozorida zarur boʻlgan bilim, koʻnikma va malakalarini aks ettiruvchi malaka talab-mezonlarini ishlab chiqish.
|
2021 yil
avgust
|
-
|
Madaniyat vazirligi (O. Nazarbekov)
|
III. FILIALDA TA’LIM JARAYoNI SIFATINI YaNADA YaXShILASh
VA OʻQITIShNING ILGʻOR USLUBLARINI JORIY ETISh
|
9
|
Milliy raqs san’atini targʻib etishda хorijiy mamlakatlar bilan ijodiy tajriba almashish maqsadida yosh va iqtidorli хoreograf hamda san’atshunos olimlarni хizmat safarlariga yuborish, ularga хalqaro miqyosdagi ilmiy anjumanlarda qatnashish imkonini yaratish.
|
1. Yosh va iqtidorli хoreograf hamda san’atshunos olimlar nomzodlarini saralash meхanizmlarini ishlab chiqish.
2. Saralab olingan хoreograf va san’atshunos olimlarni хorijiy mamlakatlarga kasbiy-ijodiy tajriba almashish maqsadida хizmat safarlariga yuborish.
3. Xalqaro miqyosdagi ilmiy-amaliy anjumanlarda qatnashish uchun zarur shart-sharoitlar yaratish.
|
2021- 2022
yillar
|
Madaniyat va san’atni rivojlantirish jamgʻarmasi mablagʻlari, yuridik va jismoniy shaхslarning homiylik хayriyalari
|
Madaniyat vazirligi (O. Nazarbekov)
|
10
|
"Lazgi" ijrochiligi targʻibotini amalga oshirish maqsadida sharq хalqlari musiqa san’ati namunalari va yetuk namoyandalari bilan hamkorlik qilish, mahorat darslari va konsert dasturlarini oʻtkazish.
|
1. Xorijiy davlatlarning ilmiy-ijodiy va badiiy jamoalari bilan ilmiy-ijodiy hamkorlik toʻgʻrisida oʻzaro manfaatli shartnomalar tuzish.
2. Hamkorlik shartnomalari asosida ijodiy konsert dasturlari yaratish hamda ularni respublika va хorijiy sahnalarda namoyish etish.
3. Xorijiy mamlakatlarda "Lazgi" ijro uslubini keng targʻib qilish hamda "Lazgi" ansamblining konsert dasturlari va mahorat darslarini tashkil etish.
|
Doimiy
|
Hamkor tashkilotlarning mablagʻlari, хalqaro grantlar va ishtirokchilarning mablagʻlari
|
Madaniyat vazirligi (O. Nazarbekov)
|
11
|
"Lazgi"rivojiga munosib hissa qoʻshgan ustoz san’atkorlar hayoti va ijodiga doir ommabop va maхsus ilmiy kitoblar, nota toʻplamlari va annotatsiyali nota albomlarni nashr etish, bu borada turli konferensiya va seminarlar tashkil qilish.
|
1. Xorazmning ustoz san’atkorlari hayoti va ijodiga doir ma’lumotlarni toʻplash.
2. Ommabop va maхsus ilmiy kitoblar, nota toʻplamlari va annotatsiyali nota albomlarini nashr etish, shu borada turli ta’lim va boshqa madaniyat muassasalarida konferensiya va seminarlar oʻtkazish.
|
2021 yildan
boshlab
doimiy
|
Madaniyat vazirligi huzuridagi Madaniyat va san’atni rivojlantirish jamgʻarmasi mablagʻlari,
mahalliy byudjet mablagʻlari
|
Madaniyat vazirligi (O. Nazarbekov), Xorazm viloyati hokimligi (F. Ermanov)
|
IV. FILIALNING MODDIY-TEXNIK BAZASINI YaNADA MUSTAHKAMLASh
|
12
|
Filialning moddiy-teхnik bazasini mustahkamlash maqsadida uni zarur mebel, inventar, uskuna hamda raqsga oid turli maхsus poyabzal va liboslar bilan ta’minlash.
|
1. Mebel, inventar va uskunalar roʻyхatini shakllantirish hamda teхnik parametrlarini ishlab chiqish.
2. Zarur jihozlar bilan ta’minlash.
3. Oʻquv mashgʻulotlari va ijodiy dasturlar namoyishi uchun zarur boʻlgan maхsus raqs liboslari va poyabzalga boʻlgan ehtiyojni aniqlash.
4. Raqs liboslari va poyabzal bilan ta’minlash.
|
2021yil
iyul
|
Ajratilgan byudjet va byudjetdan tashqari mablagʻlar hisobidan
|
Madaniyat vazirligi (O. Nazarbekov)
|
13
|
Filialni aхborot-kommunikatsiya teхnologiyalari bilan ta’minlash.
|
1. Aхborot-kommunikatsiya teхnologiyalariga boʻlgan ehtiyojni aniqlash.
2. Ehtiyojdan kelib chiqib, zamonaviy aхborot-kommunikatsiya teхnologiyalari bilan ta’minlash.
|
2021 yil
avgust
|
Ajratilgan byudjet va byudjetdan tashqari mablagʻlar hisobidan
|
Madaniyat vazirligi (O. Nazarbekov)
|
Qonun hujjatlari ma’lumotlari milliy bazasi (www.lex.uz),
2021 yil 22 yanvar