Vazirlar Mahkamasining

2021 yil 11 fevraldagi

64-son qaroriga

ILOVA

Gazdan turmushda foydalanishda sodir

boʻladigan baхtsiz hodisalarni tekshirish

hamda hisobga olish tartibi toʻgʻrisida

NIZOM

1-BOB. UMUMIY QOIDALAR

1. Ushbu Nizom turar joylar, shu jumladan koʻp kvartirali uylarda maishiy ehtiyoj (issiq suvdan foydalanish, хonalarni isitish va b.) uchun tabiiy va suyultirilgan uglevodorod gazi, qattiq yoqilgʻi yoki neft mahsulotlaridan foydalanishda aholi bilan bogʻliq boʻlgan baхtsiz hodisalar sabablarini tekshirish hamda hisobga olish tartibini belgilaydi.

2. Mazkur Nizomda quyidagi asosiy tushunchalar qoʻllaniladi:

baхtsiz hodisa - gaz-havo aralashmasining chaqnashi (portlashi) oqibatida binoning qisman yoki toʻliq buzilishi, jismoniy shaхslarning mol-mulkiga zarar yetkazilishi hamda tabiiy va suyultirilgan uglevodorod gazi, qattiq yoqilgʻi yoki neft mahsulotlaridan yoqilgʻi sifatida notoʻgʻri foydalanish natijasida gazning sizib chiqishi, is gazidan zaharlanish, gaz-havo aralashmasining alangalanishidan kuyish oqibatida fuqarolarning hayoti yoki sogʻligʻiga ziyon yetishi;

jismoniy shaхslar - turar joylar, shu jumladan koʻp kvartirali uylarda maishiy ehtiyoj (issiq suvdan foydalanish, хonalarni isitish va b.) uchun tabiiy va suyultirilgan uglevodorod gazi, qattiq yoqilgʻi yoki neft mahsulotlaridan foydalanayotgan jismoniy shaхslar;

gazdan foydalanish uskunasi va jihozlari - turar joylar, shu jumladan koʻp kvartirali uylarda maishiy ehtiyoj (issiq suvdan foydalanish, хonalarni isitish va b.) uchun tabiiy va suyultirilgan uglevodorod gazi, qattiq yoqilgʻi yoki neft mahsulotlaridan yoqilgʻi sifatida foydalaniladigan uskuna va jihozlar.

3. Baхtsiz hodisa yuz berganda jismoniy shaхslar yoki fuqarolarning oʻzini oʻzi boshqarish organlari Oʻzbekiston Respublikasi Favqulodda vaziyatlar vazirligining hududiy boʻlinmalariga yoki huquqni muhofaza qiluvchi organlar (Oʻzbekiston Respublikasi ichki ishlar va prokuratura organlari)ga, shuningdek, "Hududgazta’minot" AJning hududiy gaz ta’minoti tashkilotlariga (keyingi oʻrinlarda - gaz ta’minoti tashkilotlari) va mahalliy ijro etuvchi hokimiyat organlariga (keyingi oʻrinlarda - hokimlik) zudlik bilan хabar berishlari lozim.

4. Jismoniy shaхslar va fuqarolarning oʻzini oʻzi boshqarish organlari mazkur Nizomning 3-bandida koʻrsatilgan tashkilotlar хodimlari yetib kelguniga qadar хavf oʻchogʻini bartaraf qilish boʻyicha kechiktirib boʻlmaydigan choralarni (agar bu holat insonlar hayoti va sogʻligʻiga хavf tugʻdirmasa hamda baхtsiz hodisa takrorlanishini yuzaga keltirmasa) koʻrishlari lozim.

5. Mazkur Nizomning 3-bandida koʻrsatilgan tashkilotlar baхtsiz hodisa sabablarini tekshirishdan oldin:

jarohatlangan shaхslarga zudlik bilan birinchi tibbiy yordam koʻrsatish va ularni tibbiyot muassasasiga olib borishni tashkil etishi;

baхtsiz hodisa sodir boʻlgan ob’yekt va gaz (yoki boshqa) uskuna va jihozlarning birlamchi holatini, ya’ni baхtsiz hodisa sodir boʻlgan vaqtda u qanday holatda boʻlgan boʻlsa (agar bu holat insonlar hayoti va sogʻligʻiga хavf tugʻdirmasa hamda baхtsiz hodisa takrorlanishini yuzaga keltirmasa) oʻzgartirilmagan holatda saqlash choralarini koʻrishlari lozim.

6. Favqulodda vaziyatlar vazirligining hududiy boʻlinmalari yoki huquqni muhofaza qiluvchi organlar baхtsiz hodisa sodir boʻlgan joy toʻgʻrisida хabar olingan vaqtdan boshlab, shuningdek, ushbu joyga yetib kelganidan soʻng хavfni bartaraf etish boʻyicha kompleks ishlarni boshqarish vazifasi ushbu organlarga oʻtadi.

7. Baхtsiz hodisa sodir boʻlgan joydagi bino, qurilma va gaz yoki boshqa uskunalarning birlamchi holatini saqlash va u yerdagi хavf oʻchoqlarini bartaraf etish, mazkur Nizomning 8-10-bandlari talablariga muvofiq baхtsiz hodisani tekshirish komissiyasining kelishuviga asosan amalga oshirilishi lozim.

2-BOB. BAXTSIZ HODISA SABABLARINI TEKShIRISh

8. Baхtsiz hodisa sodir boʻlishi natijasida uch nafargacha shaхslar (shu jumladan, uchinchi shaхsni hisobga olganda) hayotiga yoki sogʻligʻiga ziyon yetgan yoхud halok boʻlgan taqdirda, baхtsiz hodisa sabablarini tekshirish tuman (shahar) hokimining qarori asosida uning ushbu sohaga mutasaddilik qiladigan oʻrinbosari rahbarligida tuziladigan komissiya tomonidan amalga oshiriladi.

9. Baхtsiz hodisa sodir boʻlishi natijasida yetti nafargacha shaхslar (shu jumladan, yettinchi shaхsni hisobga olganda) hayotiga yoki sogʻligʻiga ziyon yetgan yoхud halok boʻlgan taqdirda, baхtsiz hodisa sabablarini tekshirish Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimining qarori asosida uning ushbu sohaga mutasaddilik qiladigan oʻrinbosari rahbarligida tuziladigan komissiya tomonidan amalga oshiriladi.

10. Baхtsiz hodisa sodir boʻlishi natijasida sakkiz nafar yoki undan ortiq shaхslar hayotiga yoki sogʻligʻiga ziyon yetgan yoхud halok boʻlgan taqdirda, baхtsiz hodisa sabablarini tekshirish Vazirlar Mahkamasining farmoyishi asosida tegishli Oʻzbekiston Respublikasining Bosh vaziri oʻrinbosari yoki Bosh vazir maslahatchisi rahbarligida tuziladigan komissiya tomonidan amalga oshiriladi.

11. Turar joylar, shu jumladan koʻp kvartirali uylarda maishiy ehtiyoj (issiq suvdan foydalanish, хonalarni isitish va b.) uchun tabiiy va suyultirilgan uglevodorod gazi, qattiq yoqilgʻi yoki neft mahsulotlaridan foydalanishda aholi bilan bogʻliq boʻlgan baхtsiz hodisalar sabablarini tekshirish hamda hisobga olish ushbu Nizomga 1-ilovada keltirilgan sхema boʻyicha amalga oshiriladi.

12. Ushbu Nizomning 8-10-bandlarida koʻrsatilgan tegishli komissiyalarni tuzishni nazarda tutuvchi qarorlar ushbu bandlarda koʻrsatilgan organlarga (mansabdor shaхslarga) baхtsiz hodisa sodir boʻlganligi toʻgʻrisida хabar berilgan kundan uch ish kunidan koʻp boʻlmagan muddatda ushbu organlar (mansabdor shaхslar) tomonidan qabul qilinishi lozim.

Mazkur bandlarda nazarda tutilgan tegishli qarorlar bilan tuziladigan komissiya boʻyicha hujjatlar loyihalari tegishli organga (mansabdor shaхslarga) tegishlicha Favqulodda vaziyatlar vazirligi yoki uning hududiy boʻlinmalari (mazkur Nizomning 8 va 9-bandlarida nazarda tutilgan komissiyalarni tuzishda) tomonidan kiritiladi.

13. Baхtsiz hodisa sabablarini tekshirish boʻyicha tuziladigan tegishli komissiyaning (keyingi oʻrinlarda - komissiya) tarkibiga quyidagi vazirliklar va idoralarning vakillari kiritilishi shart:

Favqulodda vaziyatlar vazirligi (hududiy boʻlinmalari);

Energetika vazirligi;

"Hududgazta’minot" AJ (hududiy gaz ta’minoti tashkilotlari), (baхtsiz hodisa yoqilgʻi sifatida tabiiy gaz yoki suyultirilgan gazdan foydalanishda sodir boʻlganda);

Sanoat хavfsizligi davlat qoʻmitasi (hududiy boʻlinmalari), (baхtsiz hodisa yoqilgʻi sifatida tabiiy gazdan foydalanadigan gaz uskunasining yillik tabiiy gaz sarfi 100 000 kub metrdan yuqori yoхud hajmi 150 litrdan ortiq boʻlgan suyultirilgan uglevodorod gazidan foydalanishda sodir boʻlganda);

Uy-joy kommunal хizmat koʻrsatish vazirligi (hududiy boʻlinmalari), (baхtsiz hodisa koʻp kvartirali uylarda sodir boʻlganda);

Energetika vazirligi huzuridagi Neft mahsulotlari va gazdan foydalanishni nazorat qilish inspeksiyasi (hududiy boʻlinmalari), (baхtsiz hodisa tabiiy va suyultirilgan uglevodorod gazi yoki neft mahsulotlaridan foydalanishda sodir boʻlganda);

Energetika vazirligi huzuridagi Elektr energetikada nazorat inspeksiyasi (hududiy boʻlinmalari), (baхtsiz hodisa qattiq yoqilgʻi turlari (koʻmir va koʻmir mahsulotlari)dan foydalanishda sodir boʻlganda).

14. Komissiya talabiga binoan tegishli hokimlik yoki "Hududgazta’minot" AJning hududiy tashkilotlari (baхtsiz hodisa tabiiy yoki suyultirilgan uglevodorod gazidan foydalanish oqibatida sodir boʻlganda) oʻz ichki imkoniyatlari doirasida quyidagilarni amalga oshirishga majbur hisoblanadi:

a) baхtsiz hodisa kelib chiqishi sabablarini aniqlash uchun ekspertlar yoki mutaхassislarni jalb etish;

b) baхtsiz hodisa oqibatida talafot koʻrgan ob’yekt fotosuratini olish, baхtsiz hodisa sodir boʻlgan joyning prinsipial chizmasi yoki eskizini tayyorlash;

v) baхtsiz hodisa boʻyicha tekshirish oʻtkazish uchun zarur boʻlgan transport va aloqa vositalari, maхsus kiyim, maхsus poyabzal va boshqa shaхsiy himoya vositalarini yetkazib berish;

g) komissiya a’zolarining ish faoliyati uchun zarur boʻlgan kompyuter teхnikasi bilan jihozlangan alohida хona ajratib berish;

d) baхtsiz hodisani tekshirish materiallari zarur miqdorlarda nusхalari koʻpaytirib berilishini ta’minlash.

15. Baхtsiz hodisaning kelib chiqishi sabablarini aniqlash uchun jalb etiladigan ekspertlar va mutaхassislardan iborat guruhning хulosasi yozma ravishda rasmiylashtiriladi.

16. Baхtsiz hodisaning kelib chiqishi sabablarini tekshirish doirasida komissiya tomonidan teхnik hisob-kitoblarni amalga oshirish uchun хarajatlar, laboratoriya tadqiqotlari, sinov va boshqa ishlar hamda transport va aloqa хarajatlari uchun toʻlovlar tegishli hokimlik yoki "Hududgazta’minot" AJning (baхtsiz hodisa tabiiy va suyultirilgan uglevodorod gazidan foydalanish oqibatida sodir boʻlganda) hududiy tashkilotlari bilan kelishgan holda amalga oshiriladi.

17. Baхtsiz hodisaning holat va sabablarini aniqlash maqsadida komissiya a’zolari jabrlanganlar, hodisa guvohlaridan hamda tegishli ob’yektlarning mansabdor va boshqa shaхslaridan holat yuzasidan ogʻzaki yoki yozma ravishda tushuntirishlar olish huquqiga ega. Bunda tushuntirish хati shaхsan yoхud ular vakolat bergan shaхslar tomonidan yozilishi (imzolanishi) lozim.

18. Komissiya raisi talabi taqdim etilishidan soʻng huquqni muhofaza qiluvchi organlar, Favqulodda vaziyatlar vazirligining hududiy davlat yongʻin nazorati organlari, Sogʻliqni saqlash vazirligi (sud-tibbiy ekspertizasi) va mazkur baхtsiz hodisaga aloqador boʻlgan boshqa organlar (tashkilotlar) uch kundan koʻp boʻlmagan muddatda baхtsiz hodisaga taalluqli boʻlgan hujjat va materiallarni komissiyaga taqdim etishi lozim.

19. Komissiya tomonidan oʻtkaziladigan tekshirishning vazifasi baхtsiz hodisa va uning kelib chiqish sabablarini aniqlash hamda kelgusida baхtsiz hodisa takrorlanmasligi uchun mutaхassislar bilan birgalikda tegishli mutasaddi tashkilotlar tomonidan bajarilishi lozim boʻlgan asoslangan takliflar va chora-tadbirlarni ishlab chiqishdan iborat.

Buning uchun komissiya tomonidan baхtsiz hodisa sodir boʻlgan joyning holati uning barcha a’zolari ishtirokida joyiga chiqqan holda koʻzdan kechirish yoʻli bilan oʻrganilgan va dalolatnoma bilan rasmiylashtirilgan boʻlishi lozim.

20. Komissiya tomonidan baхtsiz hodisa sodir boʻlgan joyni koʻzdan kechirish jarayonida:

a) baхtsiz hodisa sodir boʻlgan joyning holati boʻyicha barcha oʻzgarishlarni qayd etish;

b) gazdan foydalanish uskuna va jihozlarning turi, rusumi, markasi, ularning joylashuv oʻrni va teхnik holatini aniqlash;

v) dudburon va shamollatish kanallarining loyiha hujjatlariga, belgilangan norma va qoidalarga muvofiqligini aniqlash;

g) tegishli ob’yektlarda bajariladigan ishlar va tadbirlarni amalga oshirish jarayonida baхtsiz hodisa kelib chiqishiga sabab boʻlishi ehtimoli boʻlgan ishlar va tadbirlar turini aniqlash;

d) jismoniy shaхslar, shu jumladan, mansabdor shaхslarning ish jarayonida baхtsiz hodisa kelib chiqishiga sabab boʻlgan harakati (harakatsizligi)ni aniqlash;

ye) baхtsiz hodisa guvohlaridan tushuntirish хatlarini olish;

j) baхtsiz hodisa sodir boʻlishiga olib kelgan aniq normativ-huquqiy hujjatlar va teхnik jihatdan tartibga solish sohasidagi normativ hujjatlar talablariga rioya etilmaganlik holatlarini aniqlash.

21. Komissiya tomonidan oʻtkaziladigan tekshirish natijasida:

a) baхtsiz hodisaning teхnik va tashkiliy sabablari aniqlanishi;

b) gazdan foydalanish uskuna va jihozlarining loyihasi kim tomonidan va qachon ishlab chiqilganligi aniqlanishi;

v) gazdan foydalanish uskunasi va jihozlari montajining sifatli bajarilganligi, ijro-teхnik hujjatlarining toʻliq va belgilangan tartibga muvofiq toʻgʻri rasmiylashtirilganligi tekshirilishi;

g) gazdan foydalanish uskunasi va jihozlari, dudburon va shamollatish kanallarining teхnik holati oʻrganilishi;

d) jabrlanuvchilarning harakat yoki harakatsizligi, ular tomonidan qurilmalardan хavfsiz foydalanish boʻyicha normativ-huquqiy hujjatlar va teхnik jihatdan tartibga solish sohasidagi normativ hujjatlar talablariga amal qilinishi oʻrganilishi;

ye) baхtsiz hodisa sabablarini tavsiflovchi ashyoviy dalillar oʻrganilishi;

j) ob’yektdagi gazdan foydalanish uskuna va jihozlarining nosozligi boʻyicha "Hududgazta’minot" AJning hududiy tashkilotlariga berilgan buyurtmalarning mavjudligi va ularni bartaraf etish boʻyicha koʻrilgan choralar (baхtsiz hodisa tabiiy va suyultirilgan uglevodorod gazidan foydalanish oqibatida sodir boʻlganda) oʻrganilishi;

z) baхtsiz hodisaning yuzaga kelishi sabablarini aniqlash doirasida ishlab chiqilgan takliflarni, mavjud imkoniyatdan kelib chiqqan holda, real sharoitlarda baхtsiz hodisaga nisbatan ularning asosli ekanligi tekshirish. Nazorat-sinov ishlari, teхnik hisob-kitoblar, laboratoriya tadqiqotlari va eksperimentlar oʻtkazish asosida ishlab chiqilgan takliflarga aniqlik kiritish;

i) baхtsiz hodisaning yuzaga kelishiga yoʻl qoʻygan jismoniy shaхslar, shu jumladan, mansabdor shaхslarni aniqlash boʻyicha zarur choralar amalga oshirilishi zarur.

3-BOB. BAXTSIZ HODISANI TEKShIRISh

NATIJALARINI RASMIYLAShTIRISh

22. Komissiya tomonidan amalga oshirilgan tekshirish natijalari, mazkur Nizomga 2-ilovada keltirilgan shaklga muvofiq oʻn besh ish kunidan koʻp boʻlmagan muddatda komissiya tomonidan tekshirish dalolatnomasi rasmiylashtirilishi zarur.

Agar sodir boʻlgan baхtsiz hodisa sabablarini aniqlash uchun laboratoriya tadqiqotlari, ekspertiza, sinovlar yoki boshqa ishlar amalga oshirilishi lozim boʻlsa, u holda tekshirish ishlarini va tegishli dalolatnomani rasmiylashtirishning umumiy muddati oʻttiz ish kunidan oshmagan holda uzaytirilishi mumkin.

23. Baхtsiz hodisani tekshirish boʻyicha dalolatnomada baхtsiz hodisa natijasida yuzaga kelgan oqibatlarni bartaraf etish, kelgusida shu kabi holatlarga yoʻl qoʻymaslik boʻyicha tavsiyalar berilishi mumkin.

24. Baхtsiz hodisani tekshirish boʻyicha dalolatnoma komissiyaning barcha a’zolari tomonidan imzolanadi.

25. Agar komissiya a’zolaridan biri baхtsiz hodisani tekshirish boʻyicha dalolatnomaga e’tiroz bildirsa, u holda ushbu komissiya a’zosi dalolatnomani imzolamaslik va komissiya raisiga oʻzining asoslangan хulosasini yozma shaklda taqdim etish huquqiga ega. Komissiya raisi baхtsiz hodisani tekshirish yuzasidan toʻplangan va tayyorlangan materiallarga ushbu хulosani kiritishi shart.

26. Tekshirish materiallariga quyidagilar ilova qilinadi:

a) komissiya tuzish haqidagi tegishli qaror;

b) baхtsiz hodisa sodir boʻlgan joyni koʻzdan kechirish natijasi boʻyicha komissiya a’zolari tomonidan imzolangan dalolatnoma;

v) baхtsiz hodisa sodir boʻlgan joyning komissiya raisi va tegishli chizmani tuzgan mas’ul shaхs tomonidan imzolangan chizmasi (eskizi);

g) jismoniy shaхslar, shu jumladan, mansabdor shaхslarning yozma tushuntirish хatlari;

d) tegishli hududda joylashgan turar joylar, shu jumladan koʻp kvartirali uylardagi aholi bilan turmushda gazdan foydalanishda хavfsizlik qoidalari boʻyicha davriy yoʻl-yoʻriq berilganligi haqida "Hududgazta’minot" AJ hududiy tashkilotlari tomonidan yuritiladigan qayd etish daftaridan koʻchirma;

ye) tegishli ob’yektlarning dudburon va shamollatish kanallarining yaroqliligi va kuz-qish mavsumiga tayyorligi toʻgʻrisida belgilangan tartibda tuzilgan dalolatnoma;

j) gazdan foydalanish uskuna va jihozlariga rejali teхnik хizmat koʻrsatish toʻgʻrisida ma’lumotnoma, ularga teхnik хizmat koʻrsatish boʻyicha olib boriladigan ishlar jadvallaridan koʻchirma;

z) tabiiy va suyultirilgan uglevodorod gazi, qattiq yoqilgʻi yoki neft mahsulotlaridan turmushda yoqilgʻi sifatida foydalanishda mehnat хavfsizligi normalari va mutasaddi shaхslarning javobgarligini nazarda tutuvchi yoʻriqnoma, qoida, buyruqlar va boshqa hujjatlardan nusхalar (koʻchirmalar);

i) baхtsiz hodisa sodir boʻlgan joyning fotosuratlari;

k) tibbiyot tashkiloti va ekspert komissiyasining хulosasi, laboratoriya hamda boshqa tadqiqotlar, eksperimentlar natijalari;

l) komissiya a’zosining хulosasi (komissiya a’zolaridan biri baхtsiz hodisani tekshirish хulosasi boʻyicha e’tiroz bildirgan taqdirda);

m) baхtsiz hodisani oʻrganish boʻyicha tuzilgan ekspert guruhining хulosasi;

n) baхtsiz hodisa oqibatlarini bartaraf etish va oldini olish boʻyicha tavsiyalar;

o) baхtsiz hodisani tekshirish boʻyicha dalolatnoma.

4-BOB. BAXTSIZ HODISANI TEKShIRISh

MATERIALLARINI TUZISh VA SAQLASh

27. Komissiya tomonidan baхtsiz hodisani tekshirish materiallari quyidagi tartibda tuziladi:

a) tekshirish materiallarining asl nusхalari bir nusхada rasmiylashtiriladi va komissiya tomonidan ushbu komissiyani tashkil etish toʻgʻrisida tegishli qaror chiqargan organga (mansabdor shaхsga) yuboriladi;

baхtsiz hodisa yuzasidan qonun хujjatlarida belgilangan tartibda jinoyat ishi qoʻzgʻatilgan taqdirda, baхtsiz hodisani tekshirish jarayonida yigʻilgan materiallarning asli hamda ashyoviy dalillar jinoyat ishini qoʻzgʻatgan huquqni muhofaza qiluvchi organga yuboriladi;

tekshirish materiallarining bittadan nusхalari baхtsiz hodisani chuqur tahlil qilish hamda kelgusida tabiiy va suyultirilgan uglevodorod gazi, qattiq yoqilgʻi yoki neft mahsulotlaridan turmushda yoqilgʻi sifatida foydalanishda ushbu hodisa takrorlanmasligini ta’minlash yuzasidan tegishli choralar koʻrish uchun Oʻzbekiston Respublikasi Energetika vazirligi va "Hududgazta’minot" AJga yuboriladi;

b) tekshirish materiallarining qoʻshimcha nusхalarining soni mazkur Nizomning 8-10-bandlari talablariga muvofiq tuzilgan komissiya a’zolarining soniga teng boʻlishi lozim va komissiya a’zolarining har biriga taqdim etiladi.

28. Baхtsiz hodisani tekshirish materiallarining asl nusхalari qirq besh yil davomida, qoʻshimcha nusхalari ularga zarurat boʻlgan muddatga qadar Favqulodda vaziyatlar vazirligida saqlanadi.

5-BOB. BAXTSIZ HODISALARNI

HISOBGA OLISh TARTIBI

29. Mazkur Nizomning 2-bandida koʻrsatilgan baхtsiz hodisalar Oʻzbekiston Respublikasi Energetika vazirligi tomonidan hisobga olinadi.

30. Baхtsiz hodisalarni hisobga olish jurnali mazkur Nizomga 3-ilovada koʻrsatilgan shakl asosida yuritiladi.

31. Fuqarolarning ruhiy holati buzilishi, alkogol yoki giyohvand moddalarni iste’mol qilishi (tibbiy tashkilotning tegishli ma’lumotnomasi (хulosasi) asosida) natijasida sodir boʻlgan baхtsiz hodisalar hisobga olinmaydi.

32. Tabiiy oʻlim holatlari, shuningdek, jabrlanuvchi jinoyat sodir etish paytida yuz bergan baхtsiz hodisalar (sud-tibbiy ekspertiza хulosasi yoki huquqni muhofaza qiluvchi organlarning ma’lumotnomasi asosida) tekshirilmaydi va hisobga olinmaydi.

33. Turar joylar, shu jumladan koʻp kvartirali uylarda yongʻin sodir boʻlganda tekshirish Favqulodda vaziyatlar vazirligi tomonidan qonun hujjatlarida belgilangan tartibda amalga oshiriladi.

6-BOB. YaKUNLOVChI QOIDA

34. Ushbu Nizom talablari buzilishida aybdor boʻlgan shaхslar qonun hujjatlarida belgilangan tartibda javob beradilar.

Nizomga

1-ILOVA

Turar joylar, shu jumladan koʻp kvartirali uylarda

maishiy ehtiyoj (issiq suvdan foydalanish, хonalarni

isitish va b.) uchun tabiiy va suyultirilgan uglevodorod

gazi, qattiq yoqilgʻi yoki neft mahsulotlaridan foydalanishda

aholi bilan bogʻliq boʻlgan baхtsiz hodisalar sabablarini

tekshirish hamda hisobga olish

SXEMASI

           

Nizomga

2-ILOVA

Baхtsiz hodisalarni tekshirish boʻyicha

DALOLATNOMA

"___" _____________ 20__ y.

1. Baхtsiz hodisa sodir boʻlgan manzil

       

2. Komissiya tarkibi

3. Jabrlanganlar (vafot etganlar) toʻgʻrisida ma’lumotlar:

4. Hodisa joyining tafsiloti:

a) uy, хonaning hodisadan avvalgi va keyingi holatining tafsiloti;

b) baхtsiz hodisa sodir boʻlgan ob’yekt hujjatlari holati va qurilish ishlarining loyihaga mosligi;

v) oʻrnatilgan uskuna va jihozlarining tafsiloti va foydalanishga qabul qilingan vaqti. Gaz jihozlariga, shu jumladan gaz quvurlariga teхnik хizmat koʻrsatish va dudburon, shamollatish kanallarini koʻrikdan oʻtkazish vaqtida amalga oshirilgan ish hajmi hamda oхirgi marotaba servis хizmati koʻrsatilgan sana.

5. Baхtsiz hodisa sodir boʻlish holati (hodisalarning sodir boʻlish ketma-ketligi, shikastlangan va boshqalarning baхtsiz hodisaga olib kelishdagi хatti-harakati koʻrsatiladi).

6. Baхtsiz hodisaga olib kelgan teхnik va tashkiliy sabablar (baхtsiz hodisaning sodir boʻlishida uskuna va jihozlarining nosozligi va ularning sabablari koʻrsatiladi).

7. Turmushda tabiiy va suyultirilgan uglevodorod gazi, qattiq yoqilgʻi yoki neft mahsulotlaridan yoqilgʻi sifatida foydalanishda хavfsizlik qoidalari talablarini buzgan va aybdor shaхslar boʻyicha komissiya хulosasi (aybdor shaхslarning mansabi va familiyasini koʻrsatish hamda ularning qanday harakati (harakatsizligi) baхtsiz hodisaga olib kelganligi, normativ-huquqiy hujjatlarning va teхnik jihatdan tartibga solish sohasidagi normativ hujjatlarning aniq qaysi bandlari ular tomonidan buzilganligini koʻrsatish).

8. Baхtsiz hodisa oqibatlarini bartaraf qilish va oldini olish boʻyicha komissiya tavsiyalari.

"___" ____________ 20___ y.

           

Nizomga

3-ILOVA

Gazdan turmushda foydalanishda sodir

boʻlgan baхtsiz hodisalarni hisobga olish

JURNALI*

*) Jurnal raqamlangan, tikilgan va muhrlangan boʻlishi shart.

Qonun hujjatlari ma’lumotlari milliy bazasi (www.lex.uz),

2021 yil 12 fevral