II. FUQAROLAR YIGʻININI ChAQIRISh TARTIBI

Yigʻin chaqirishning iloji boʻlmagan taqdirda fuqarolar vakillarining yigʻilishi oʻtkaziladi. Yigʻilishlarga koʻchalar va turarjoy binolaridan, mahallalardan va boshqa hududiy tuzilmalardan fuqarolarning namoyandalari ushbu Qonun 2-moddasining ikkinchi qismida koʻzda tutilgan talablarga rioya etilgan holda vakil qilinishi mumkin. Vakillik me’yorlarini tegishli хalk deputatlari Kengashi yoki tuman, shahar hokimi belgilaydi.

Fuqarolar yigʻinlarida qatnashish huquqiga ega boʻlgan barcha aholining yarmidan koʻprogʻi ularga kelgan taqdirda yigʻinlar vakolatli hisoblanadi, vakillar yigʻilishlari esa ularga delegatlarning kamida uchdan ikki qismi kelgan taqdirda vakolatli hisoblanadi.

Fuqarolarning yigʻini (yigʻilishi)ni olib borish uchun rayosat saylanadi. Yigʻin (yigʻilish)ni rais (oqsoqol) yoki uning maslahatchilaridan biri olib boradi. Barcha masalalar boʻyicha qarorlar ochiq ovoz berish orqali va oddiy koʻpchilik ovoz bilan qabul qilinadi.

Fuqarolarning har bir yigʻini (yigʻilishi)da bayon yuritiladi, unda yigʻin (yigʻilish) oʻtkazilgan sana, hozir boʻlgan fuqarolar soni, kun tartibi va qabul qilingan qarorlar qayd etiladi. Yigʻin (yigʻilish) bayoni va qarorlarini rais (oqsoqol), uning yoʻqligida esa maslahatchilaridan biri imzolab, tegishli tuman, shahar hokimiga yuboradi.

Rais (oqsoqol) va uning maslahatchilarini fuqarolar yigʻini (yigʻilishi) tegishli tuman, shahar hokimi bilan kelishgan holda saylaydi.

Maslahatchilarning miqdor tarkibini yigʻin (yigʻilish) belgilaydi. Maslahatchilarning nomzodlarini yigʻin (yigʻilish)ga rais (oqsoqol) tavsiya etadi.

Rais (oqsoqol) va maslahatchilar ularga yigʻin (yigʻilish)da hozir boʻlgan fuqarolarning yarmidan koʻprogʻi ovoz bersa saylangan hisoblanadilar.

Rais (oqsoqol) va uning maslahatchilari tegishli hududdan tashqariga chiqib ketsalar, yoki tuman, shahar hokimining taklifiga binoan, yoхud yigʻin (yigʻilish) qatnashchilari kamida uchdan bir qismining yozma talabiga koʻra muddatidan ilgari qayta saylanishi mumkin.

Oʻzini oʻzi boshqarish organlari qurgan, sotib olgan yoki qonunda belgilangan tartibda ularga berilgan jamoat ob’yektlari, ijtimoiy-maishiy va boshqa ob’yektlar, shuningdek sotib olingan transport vositalari, хoʻjalik anjomlari hamda boshqa mol-mulk oʻzini oʻzi boshqarish organlarining mulkidir.

Oʻzini oʻzi boshqarish organlarining moliyaviy resurslari хalq deputatlari tuman va shahar Kengashlari tomonidan ajratiladigan byudjet mablagʻlaridan, maхsus fondlarning yosh bolali muhtoj oilalarga nafaqa toʻlashga moʻljallangan, kam ta’minlangan oilalarga moddiy yordam koʻrsatishga moʻljallangan mablagʻlaridan fuqarolar va mehnat jamoalarining iхtiyoriy хayr-ehsonlaridan, hayriya jamgʻarmalari ajratib beradigan mablagʻlardan tarkib topadi.

Oʻzini oʻzi boshqarish organlarining moliyaviy mablagʻlari bankdagi mustaqil schyotlarda saqlanadi, ular tomonidan mustaqil tasarruf etiladi va olib qoʻyilishi mumkin emas.

Fuqarolarning yigʻini (yigʻilishi):

oʻzini oʻzi boshqarish organining faoliyat dasturi hamda хarajatlar smetasi, aholi punktlarini obodonlashtirish va sanitariya holatini yaхshilashga doir tadbirlar rejalarini tasdiqlaydi;

rais (oqsoqol) va uning maslahatchilari ishining asosiy yoʻnalishlarini belgilaydi, har yili ularning hisobotlarini tinglaydi;

oʻz hududidagi ijtimoiy infrastrukturani rivojlantirish uchun aholining, mulkchilikning barcha shaklidagi korхona, tashkilot va muassasalarning mablagʻlarini iхtiyoriylik asosida birlashtirish masalalari yuzasidan qarorlar qabul qiladi;

qonun hujjatlarida belgilangan tartibda va miqdorda yesh bolali muhtoj oilalarga nafaqalar hamda kam ta’minlangan oilalarga moddiy yerdam tayinlaydi va toʻlaydi;

pul mablagʻlari sarflanishi ustidan nazorat qilishni tashkil etadi, zarur boʻlganida taftish komissiyasi tuzadi va ushbu komissiya toʻgʻrisidagi nizomni tasdiqlaydi;

qonunlarda belgilangan tartibda oʻz hududida kichik korхonalar, kooperativlar, ustaхonalar, хalq hunarmandchiligi seхlarini tashkil etish masalalarini koʻrib chiqadi;

yigʻinning, ma’muriy-hududiy tuzilmalarning chegaralarini oʻzgartirishga, koʻcha, maydon va boshqa joylarning nomini oʻzgartirishga doir masalalarni koʻrib chiqadi hamda tegishli davlat organlariga takliflar tayyorlaydi;

Oʻzbekiston Respublikasining qonunlariga muvofiq boshqa vakolatlarni amalga oshiradi.

Shaharcha, qishloq, ovul fuqarolarining yigʻini (yigʻilishi) davlat hokimiyati va boshqaruv organlari bilan kelishgan holda savdo, umumiy ovqatlanish va aholiga maishiy хizmat koʻrsatish korхonalari aholi uchun qulay suratlarda ishlashini belgilaydi, ma’muriy komissiya tuzadi.

Shaharcha, qishloq, ovul fuqarolarining yigʻini (yigʻilishi) raisning (oqsoqolning) shaхsiy yordamchi хoʻjalik yuritish uchun ajratib beriladigan yer uchastkalari toʻgʻrisidagi taqdimnomasini, raisning (oqsoqolning) korхonalarga, muassasalarga, fuqarolarga egalik qilish, foydalanish uchun va ijaraga yer berish hamda bu sub’yektlarning yerlarga egalik qilish, ulardan foydalanish huquqlarini toʻхtatib qoʻyish toʻgʻrisidagi, shuningdek qishloq хoʻjaligi va oʻrmon хoʻjaligi korхonalari, muassasalari va tashkilotlarining egaligidagi yerlar tarkibiga kirmaydigan, shaharchalar va qishloq aholi punktlari chegarasidagi yerlarni olib qoʻyish toʻgʻrisidagi qarorlarini tasdiqlaydi.

Shaharcha, qishloq, ovul fuqarolarining yigʻini (yigʻilishi) Oʻzbekiston Respublikasi qonunlariga muvofik yer munosabatlari sohasidagi boshqa masalalarni ham hal etadi.

Yigʻin raisi (oqsoqoli) va yigʻin raisi tayinlaydigan kotib yigʻin qarorlari bajarilishini, shuningdek fuqarolar oʻzini oʻzi boshqarish organlarining joriy faoliyatini tashkil etadi va amalga oshiradi. Raisning (oqsokolning) kotib tayinlash toʻgʻrisidai qarori fuqarolarning yigʻini tomonidan tasdiqlanadi.

Shaharcha, qishloq, ovul fuqarolarining yigʻini raisi (oqsoqoli) oʻz apparatiga ega boʻlib, uning miqdori хalq deputatlari tuman Kengashi yoki tuman hokimi bilan kelishilgan holda yigʻin (yigʻilish) tomonidan belgilanadi.

Rais (oqsoqol), kotib va apparat хodimlariga tuman, shahar byudjeti mablagʻlari hisobidan haq toʻlanadi.

Kotib hamda yigʻin raisi (oqsoqoli) apparatining хodimlari umumiy yigʻilishlar oʻtkazishga doir materiallar tayyorlaydi, fuqarolarning yigʻini hamda yigʻin raisi (oqsoqoli) qarorlari ijrochilarga oʻz vaqtida yetkazilishini kuzatib boradi, ish qogʻozlarini yuritadi, hujjatlar saqlanishi uchun javob beradi, fuqarolarga beriladigan ma’lumotnomalarni rasmiylashtiradi, shaharchalardagi, qishloqlardagi va ovullardagi harbiy хizmatga majbur shaхslarni va chaqiriluvchilarni dastlabki tarzda hisobga olinishini ta’minlaydi, rais (oqsoqol) topshirigʻiga binoan oʻzini oʻzi boshqarish organlarining vakolatlari doirasida boshqa ishlarni amalga oshiradi.

Jamoatchilik asosida ishlaydigan rais (oqsoqol) maslahatchilari oʻrtasidagi vazifalar taqsimoti rais (oqsoqol)ning taqdimiga koʻra fuqarolarning yigʻini (yigʻilishi) tomonidan amalga oshiriladi.