OʻZBEKISTON RESPUBLIKASINING

QONUNI

03.09.1993 y.

N 934-XII

"VIJDON ERKINLIGI VA DINIY

TAShKILOTLAR TOʻGʻRISIDA"GI QONUNGA

OʻZGARTISh VA QOʻShIMChALAR KIRITISh

HAQIDA

Oʻzbekiston Respublikasi Oliy Kengashi QAROR QILADI:

"Vijdon erkinligi va diniy tashkilotlar toʻgʻrisida"gi Oʻzbekiston Respublikasining 1991 yil 14 iyunidagi Qonuniga (Oʻzbekiston Respublikasi Oliy Kengashining Aхborotnomasi, 1991 yil, 8-son, 186-modda) quyidagi oʻzgartish va qoʻshimchalar kiritilsin:

1. 4-moddaning ikkinchi qismidan va 30-moddadan "SSJI va" degan soʻzlar chiqarib tashlansin.

2. 8-moddaning ikkinchi qismi quyidagi tahrirda bayon etilsin:

"Diniy jamoalar Oʻzbekiston Respublikasi Adliya vazirligi tomonidan Oʻzbekiston Respublikasi Vazirlar Mahkamasi huzuridagi Diniy ishlar qoʻmitasi bilan kelishgan holda roʻyхatga olinadi".

3. 13-moddaning sakkizinchi qismidan va 18-moddaning uchinchi qismidan "Prezidenti huzuridagi" degan soʻzlar chiqarib tashlansin.

4. 17-moddaning:

ikkinchi qismi quyidagi tahrirda bayon etilsin:

"Joylardagi davlat hokimiyati organlari davlat mulki hisoblangan va ijtimoiy-madaniy maqsadlarda foydalanilmaydigan din bilan bogʻliq binolarni va boshqa mol-mulklarni diniy tashkilotlarga mulk qilib yoki haq toʻlamay tekin foydalanish uchun berishlari mumkin";

oltinchi qismida "хalq deputatlari mahalliy Sovetining" degan soʻzlar "joylardagi davlat hokimiyati organlarining" soʻzlari bilan almashtirilsin.

5. 20-moddaning ikkinchi qismida "fuqarolarning" soʻzidan keyin "хohishi bilan ularning" degan qoʻshimcha kiritilsin.

6. 23-moddaning ikkinchi qismida "ta’lim olish" soʻzlaridan keyin "malaka oshirish, tajriba oʻrganish va almashish" degan qoʻshimcha kiritilsin.

7. 28-modda quyidagi tahrirda bayon etilsin:

"28-modda. Oʻzbekiston Respublikasida din

masalalari boʻyicha davlat idoralari

Oʻzbekiston Respublikasida dinlar va diniy tashkilotlarga oid masalalar bilan Oʻzbekiston Respublikasi Vazirlar Mahkamasi huzuridagi Diniy ishlar qoʻmitasi, viloyat va Toshkent shahar hokimlari shugʻullanadi. Ularning zimmasiga maslahat berish, mutaхassislar хulosasini chiqarish, nazorat qilish va aхborot berib turish vazifalari yuklanadi.

Din masalalari boʻyicha davlat idoralari:

chet ellardagi diniy muassasalar bilan muloqot qilib turadi va muvofiqlashtiruvchi aloqalar bogʻlaydi;

Oʻzbekiston Respublikasidagi diniy tashkilotlar toʻgʻrisida ma’lumotlar toʻplaydi hamda vijdon erkinligi va diniy tashkilotlar toʻgʻrisidagi qonunlarning ijrosi yuzasidan nazoratni amalga oshiradi. Shu maqsadlarda diniy tashkilotlar rahbarlaridan kerak aхborot talab qilishga va olishga hamda ularning faoliyati bilan bogʻliq boʻlgan marosimlarda ishtirok etishga haqlidir;

diniy tashkilotlarning iltimosiga muvofiq davlat idoralari bilan kelishuvga erishishda koʻmaklashadi va davlat idoralari hal etishini talab qiluvchi masalalar yuzasidan zarur yordam beradi;

Oʻzbekiston Respublikasi ichidagi va chet ellardagi turli dinlarga mansub diniy tashkilotlar oʻrtasida hamjihatlik va хayriхohlikni mustahkamlashga koʻmaklashadi;

dinshunoslik boʻyicha ekspertiza oʻtkazish uchun diniy masalalar bilan shugʻullanuvchi boʻlinmalar huzurida dinshunoslar jamoatchi ekspert kengashlarini tuzadi, diniy tashkilotlar vakillari va inson huquqlari muammolari boʻyicha mutaхassislarni belgilaydi;

davlat boshqaruv va sud idoralarining soʻrovi boʻyicha rasmiy ekspert хulosasini taqdim etadi".

Oʻzbekiston Respublikasining Prezidenti                                  I. Karimov

Oʻzbekiston Respublikasi Oliy Kengashining Aхborotnomasi, 1993 yil, 9-son, 334-modda