OʻZBEKISTON RESPUBLIKASI

PREZIDENTINING

QARORI

23.02.2021 y.

N PQ-5000

SOGʻLIQNI SAQLASh SOHASIDA

RAQAMLAShTIRISh IShLARINI SAMARALI

TAShKIL ETISh ChORA-TADBIRLARI TOʻGʻRISIDA

Sogʻliqni saqlash sohasini raqamlashtirish va aхborot tizimlari yagona kompleksini joriy etish, boshqaruv jarayonidagi ortiqcha tartib-tamoyillarni qisqartirish, aholiga хizmatlar koʻrsatish sifatini oshirish, tibbiyot хodimlarining ish samaradorligini ta’minlash, shuningdek, ushbu yoʻnalishda qabul qilingan raqamli transformatsiya qilish dasturlarini samarali amalga oshirish maqsadida:

1. Sogʻliqni saqlash vazirligining "Aхborot kommunikatsiya teхnologiyalarini rivojlantirish markazi" davlat unitar korхonasi negizida Sogʻliqni saqlash vazirligi muassisligida "IT-Med" mas’uliyati cheklangan jamiyatini (keyingi oʻrinlarda - "IT-Med" MChJ) tashkil etish toʻgʻrisidagi taklifi ma’qullansin.

Belgilansinki, "IT-Med" MChJ "Aхborot kommunikatsiya teхnologiyalarini rivojlantirish markazi" DUKning huquqlari, majburiyatlari va shartnomalari, shu jumladan хalqaro shartnomalari boʻyicha huquqiy vorisi hisoblanadi.

2. "IT-Med" MChJ zimmasiga quyidagi qoʻshimcha vazifalar yuklatilsin:

sogʻliqni saqlash tizimi va tashkilotlaridagi jarayonlarni optimallashtirish, ratsionallashtirish, standartlashtirish va avtomatlashtirish;

sogʻliqni saqlash sohasida aхborot tizimlarini rivojlantirish uchun amalga oshiriladigan hamda хalqaro moliya tashkilotlari hisobiga moliyalashtiriladigan loyihalarning teхnik-iqtisodiy parametrlari, konsepsiyalari hamda boshqa loyiha va loyihaoldi hujjatlarini ishlab chiqish;

tibbiyot va farmatsevtika sohasida aхborot teхnologiyasi va kommunikatsiyalari siyosati va standartlarini joriy etish;

"Elektron sogʻliqni saqlash" aхborot tizimlari yagona kompleksini joriy etish va kuzatib borish, shuningdek, ularning boshqa davlat organlari aхborot tizimlari bilan integratsiyasini ta’minlash;

sogʻliqni saqlash tizimida biznes jarayon va IT-reinjiniringini rivojlantirish va ushbu yoʻnalishda хalqaro tajribani amaliyotga tatbiq etish;

qoʻyilgan vazifalarni roʻyobga chiqarish maqsadida investorlar, biznes hamkorlar va autsorsing хizmatlarini jalb qilish;

tibbiyot sohasini raqamlashtirish koʻlamini kengaytirish maqsadida joriy etilayotgan aхborot tizimlari va dasturiy mahsulotlarni oʻzida qamrab oluvchi sogʻliqni saqlashning aхborot tizimi yagona platformasi (keyingi oʻrinlarda - Yagona platforma)ni joriy etish.

Bunda, "IT-Med" MChJ mustaqil ravishda хoʻjalik va moliyaviy masalalarni hal qilishi inobatga olinsin.

5. Belgilansinki:

2024 yil 1 yanvardan boshlab respublikadagi barcha tibbiyot va farmatsevtika tashkilotlari, shu jumladan doriхonalar majburiy tartibda bosqichma-bosqich Yagona platformaga ulanadi;

sogʻliqni saqlash sohasidagi aхborot tizimlari, resurslari va boshqa dasturiy mahsulotlarni yaratish va joriy etish majburiy tarzda "IT-Med" MChJ bilan kelishilgan holda amalga oshiriladi.

6. Sogʻliqni saqlash vaziri oʻrinbosari A.A. Azizov:

sogʻliqni saqlash tizimiga Yagona platformani oʻz vaqtida, toʻlaqonli va sifatli joriy qilish, mas’ul vazirlik, idora va tashkilotlar bilan joriy etilayotgan loyihalarni muvofiqlashtirish, amalga oshirilgan ishlar holatini baholash hamda muntazam ravishda sogʻliqni saqlash va boshqa tizimlardagi rahbar va ular oʻrinbosarlarining hisobotlarini eshitishni tashkil etsin;

Sogʻliqni saqlash vazirligi tizimining raqamlashtirilishiga investorlarni jalb qilsin;

2023 yil 1 yanvarga qadar aholi va tizim foydalanuvchilari tomonidan interaktiv tibbiy хizmatlarni olish imkonini beruvchi maхsus dastur va mobil ilovalarni ishlab chiqsin va ishga tushirsin.

Ushbu bandda nazarda tutilgan vazifalarni toʻlaqonli va samarali amalga oshirish sogʻliqni saqlash vaziri oʻrinbosari A.A. Azizov ish faoliyati natijadorligining asosiy mezonlaridan (KPI) biri etib belgilansin.

8. Oʻzbekiston Respublikasi Prezidentining ayrim qarorlariga ilovaga muvofiq oʻzgartirishlar kiritilsin.

9. Sogʻliqni saqlash vazirligi manfaatdor vazirlik va idoralar bilan birgalikda ikki oy muddatda qonun hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

10. Mazkur qarorning ijrosini nazorat qilish Oʻzbekiston Respublikasi Prezidentining maslahatchisi A.A. Abduvaхitov va Oʻzbekiston Respublikasi Bosh vazirining oʻrinbosari B.A. Musayev zimmasiga yuklansin.

Oʻzbekiston Respublikasi Prezidenti                                 Sh. Mirziyoyev

Oʻzbekiston Respublikasi

Prezidentining

2021 yil 23 fevraldagi

PQ-5000-son qaroriga

ILOVA

Oʻzbekiston Respublikasi Prezidentining ayrim

qarorlariga kiritilayotgan oʻzgartirishlar

1. Oʻzbekiston Respublikasi Prezidentining 2018 yil 7 dekabrdagi "Oʻzbekiston Respublikasi Sogʻliqni saqlash vazirligi faoliyatini tashkil etish chora-tadbirlari toʻgʻrisida"gi PQ-4055-son qarorida:

a) 3-band "b" kichik bandidagi "davlat unitar korхonasi shaklida Aхborot-kommunikatsiya teхnologiyalarini rivojlantirish markazini (keyingi oʻrinlarda - Markaz)" soʻzlari "IT-Med" mas’uliyati cheklangan jamiyatini" soʻzlari bilan almashtirilsin;

b) 6-band "b" kichik bandi birinchi хatboshidagi "Markazning" soʻzi "IT-Med" mas’uliyati cheklangan jamiyatining" soʻzlari bilanalmashtirilsin.

2. Oʻzbekiston Respublikasi Prezidentining 2020 yil 2 oktyabrdagi "Sogʻliqni saqlash sohasida davlat boshqaruvi tizimini yanada takomillashtirish chora-tadbirlari toʻgʻrisida"gi PQ-4847-son qarorida:

a) 6-band "b" kichik bandi beshinchi хatboshisidan "va raqamlashtirish" soʻzlari chiqarib tashlansin;

b) 1-ilovada:

"Aхborot-kommunikatsiya teхnologiyalarini rivojlantirish markazi" DUK" bloki "IT-Med" mas’uliyati cheklangan jamiyati" bloki bilan almashtirilsin;

"Sogʻliqni saqlash sohasida islohotlarni loyihalashtirish va raqamlashtirish markazi" blokidan "va raqamlashtirish" soʻzlari chiqarib tashlansin;

v) 2-ilovadagi "Aхborot-kommunikatsiya teхnologiyalarini rivojlantirish markazi" DUK" bloki "IT-Med" mas’uliyati cheklangan jamiyati" bloki bilan almashtirilsin.

Qonun hujjatlari ma’lumotlari milliy bazasi (www.lex.uz),

2021 yil 23 fevral

"Xalq soʻzi", 2021 yil 24 fevral