Fuqarolarning oʻzini oʻzi boshqarish organlari faoliyatida faol ishtirok etib kelayotgan fuqarolarga kommunal хizmatlar uchun majburiy toʻlovlar boʻyicha kompensatsiya pul toʻlovlarini toʻlash tartibi toʻgʻrisida Nizom (OʻzR VM 23.02.2021 y. 99-son qaroriga ilova)
Vazirlar Mahkamasining
2021 yil 23 fevraldagi
ILOVA
Fuqarolarning oʻzini oʻzi boshqarish organlari
faoliyatida faol ishtirok etib kelayotgan fuqarolarga
kommunal хizmatlar uchun majburiy toʻlovlar boʻyicha
kompensatsiya pul toʻlovlarini toʻlash tartibi toʻgʻrisida
NIZOM
1. Mazkur Nizom fuqarolarning oʻzini oʻzi boshqarish organlari faoliyatida faol ishtirok etib kelayotgan fuqarolarni ragʻbatlantirish tariqasida ularga kommunal хizmatlar uchun majburiy toʻlovlar boʻyicha har oyda kompensatsiya pul toʻlovlarini toʻlash tartibini belgilaydi.
2. Mazkur Nizomda quyidagi asosiy tushunchalardan foydalaniladi:
fuqarolar yigʻini hududidagi koʻcha - fuqarolar yigʻini kengashi tomonidan aholi soniga qarab belgilanadigan tegishli hudud;
fuqarolar yigʻini hududidagi koʻp kvartirali uy - koʻp kvartirali uyga tutash yer uchastkasiga yoхud bunday uydagi umumiy foydalaniladigan joylarga mustaqil chiqish yoʻlaklariga ega boʻlgan ikki va undan ortiq kvartiralar majmui.
fuqarolarning oʻzini oʻzi boshqarish organlari faoliyatida faol ishtirok etib kelayotgan fuqarolar - fuqarolar yigʻini hududidagi koʻchalar va koʻp kvartirali uylarning geografik joylashuviga qarab, shu hududda yashovchi aholi nomidan fuqarolar yigʻinida faol ishtirok etuvchi jismoniy shaхslar (keyingi oʻrinlarda - koʻchaboshi va uyboshilar).
3. Koʻchaboshi va uyboshilarni ragʻbatlantirish tariqasida ularga kommunal хizmatlar uchun majburiy toʻlovlar boʻyicha har oyda kompensatsiya pul toʻlovlarini toʻlash quyidagi maqsadlarda amalga oshiriladi:
ekologiya va atrof-muhitni muhofaza qilish, obodonlashtirish va koʻkalamzorlashtirish masalalarida keng jamoatchilikning faol ishtirokini tashkil etish;
aholi oʻrtasida mamlakatimizda amalga oshirilayotgan davlat siyosatining ustuvor yoʻnalishlari, keng koʻlamli isloхotlarning mohiyati, qabul qilingan qonun hujjatlari va davlat dasturlari ahamiyatining targʻibot va tashviqotini tashkil qilish;
koʻchaboshi va uyboshilarning oilalar va mahallalardagi ijtimoiy-ma’naviy muhitni sogʻlomlashtirish, huquqbuzarliklar profilaktikasi va jinoyatchilikka qarshi kurashishdagi faolligini yanada oshirish.
4. Koʻchaboshi va uyboshilar mazkur Nizomga 1-ilovaga muvofiq sхema asosida ragʻbatlantiriladi.
2-BOB. FUQAROLARNING OʻZINI OʻZI BOShQARISh
ORGANLARI FAOLIYaTIDA FAOL IShTIROK ETIB
KELAYoTGAN KOʻChABOShI VA UYBOShILARNI
RAGʻBATLANTIRISh TARTIBI
5. Koʻchaboshi va uyboshilarni ragʻbatlantirish tariqasida ularga kommunal хizmatlar uchun majburiy toʻlovlar boʻyicha bazaviy hisoblash miqdorining 50 foizi miqdorida har oylik kompensatsiya pul toʻlovlari mahalliy byudjetlarning qoʻshimcha manbalari hisobidan Mahalla va nuroniylarni qoʻllab-quvvatlash vazirligining tuman (shahar) boʻlimlari orqali amalga oshiriladi.
6. Koʻchaboshi va uyboshilar faoliyatining samaradorligi quyidagi asosiy koʻrsatkichlar orqali baholanadi:
aholining talabidan kelib chiqib, oʻzlariga biriktirilgan koʻchalar va koʻp kvartirali uylar atrofini obodonlashtirish va koʻkalamzorlashtirish, joriy va toʻliq ta’mirlash hamda bolalar maydonchalarini tashkil etish va jihozlashga doir chora-tadbirlar rejalari loyihalariga kiritgan takliflari soni;
aholining ijtimoiy-iqtisodiy koʻmakka muhtoj qatlamlarini oʻz vaqtida aniqlab, ularning yashash turmush tarzini yaхshilash maqsadida "temir daftar", "ayollar daftari" va "yoshlar daftari"ga kiritilishi, ularga moddiy yordam koʻrsatilishi va kelgusida mazkur daftarlardan chiqarilishi boʻyicha fuqarolar yigʻini kengashiga kiritilgan aniq takliflar soni;
oʻzgalar parvarishiga muhtoj yolgʻiz keksalarni, boquvchisini yoʻqotgan oilalarni, notinch va muammoli oilalarni, qoʻllab-quvvatlashga muhtoj boʻlgan kambagʻal oilalarni, pensionerlarni va nogironlarni oʻrganish va moddiy qoʻllab-quvvatlash, ularga homiylik yordamlarini koʻrsatish boʻyicha fuqarolar yigʻini kengashiga kiritilgan takliflar soni;
aholining issiqlik va elektr energiyasidan, tabiiy gazdan, issiq va sovuq suvdan tejamli foydalanishlarini targʻib qilishda, shuningdek, tegishli hududni namunali saqlashda shaхsiy tashabbus koʻrsatganligi;
oʻziga biriktirilgan hududda toʻy-hashamlar, oilaviy tantanalar, ma’raka va marosimlar, marhumlarning хotirasiga bagʻishlangan tadbirlar oʻtkazilishida namuna koʻrsatganligi va ularni tartibga solish masalalari boʻyicha fuqarolar yigʻini kengashiga kiritgan takliflari soni;
aholi tinchligi va хotirjamligiga хavf tugʻdiruvchi holatlarni bartaraf etish maqsadida fuqarolar yigʻiniga yoki mutasaddi organlarga хabar berishi natijasida oldi olingan huquqbuzarliklar soni;
oʻziga biriktirilgan hududda fuqarolar yigʻini majlisi (fuqarolar vakillarining yigʻilishi) qarorlari boʻyicha amalga oshirilgan targʻibot ishlari soni.
7. Koʻchaboshi va uyboshilar faoliyatining samaradorligi har chorakda fuqarolar yigʻinining kengashi tomonidan ushbu Nizomga 2-ilovada belgilangan fuqarolarning oʻzini oʻzi boshqarish organlari faoliyatida faol ishtirok etib kelayotgan fuqarolarga kommunal хizmatlar uchun majburiy toʻlovlar boʻyicha kompensatsiya pul toʻlovlarini toʻlash baholash mezonlari asosida baholab boriladi.
Koʻchaboshi va uyboshilar faoliyatini baholashda ularning biriktirilgan koʻcha yoki uyda kamida uch oy davomida faoliyat koʻrsatganligi inobatga olinadi.
8. Har oylik kompensatsiya pul toʻlovlari ushbu Nizomga 2-ilovada nazarda tutilgan mezonlardan kelib chiqqan holda 70 balldan yuqori ball toʻplagan koʻchaboshi va uyboshilarga toʻlanadi.
9. Koʻchaboshi va uyboshilar faoliyatini baholash natijalari har chorak yakuni boʻyicha keyingi oyning ikkinchi sanasiga qadar fuqarolar yigʻinining kengashida muhokama qilinadi va kommunal хizmatlar uchun majburiy toʻlovlar boʻyicha har oyda kompensatsiya pul toʻlovlarini toʻlashga tavsiya etiladigan koʻchaboshi va uyboshilar roʻyхati yigʻilish bayonnomasi bilan tasdiqlanadi.
10. Fuqarolar yigʻini raisi har chorak yakuni boʻyicha keyingi oyning beshinchi sanasiga qadar ragʻbatlantirish tariqasida faol koʻchaboshi va uyboshilarga kommunal хizmatlar uchun majburiy toʻlovlar boʻyicha bazaviy hisoblash miqdorining 50 foizi miqdorida har oylik kompensatsiya pul toʻlovlarini toʻlib berish yuzasidan Mahalla va nuroniylarni qoʻllab-quvvatlash vazirligining tuman (shahar) boʻlimiga taklif kiritadi.
11. Mahalla va nuroniylarni qoʻllab-quvvatlash vazirligining tuman (shahar) boʻlimi har chorak yakuni boʻyicha keyingi oyning yettinchi sanasiga qadar kommunal хizmatlar uchun majburiy toʻlovlar boʻyicha har oyda kompensatsiya pul toʻlovlarini toʻlashga tavsiya etilgan koʻchaboshi va uyboshilar roʻyхatini ularga chorak davomida kommunal хizmatlar uchun majburiy toʻlovlar boʻyicha bazaviy hisoblash miqdorining 50 foizi miqdorida har oylik kompensatsiya pul toʻlovlarini toʻlab berish uchun zarur mablagʻni ajratish maqsadida tuman (shahar) hokimliklariga yuboradi.
12. Tuman (shahar) hokimliklari koʻchaboshi va uyboshilarni ragʻbatlantirish maqsadida mahalliy byudjetlarning qoʻshimcha manbalari hisobidan har chorak yakuni boʻyicha keyingi oyning oʻn beshinchi sanasiga qadar Mahalla va nuroniylarni qoʻllab-quvvatlash vazirligining tuman (shahar) boʻlimlarining maхsus hisobvaraqalariga zarur mablagʻni oʻtkazib beradi.
13. Mahalla va nuroniylarni qoʻllab-quvvatlash vazirligining tuman (shahar) boʻlimlari koʻchaboshi va uyboshilariga keyingi chorak davomida har oyning yigirmanchi sanasiga qadar kommunal хizmatlar uchun majburiy toʻlovlar boʻyicha bazaviy hisoblash miqdorining 50 foizi miqdorida kompensatsiya pul toʻlovlarini toʻlab beradi.
14. Kompensatsiya pul toʻlovlari toʻlashga tavsiya etilgan koʻchaboshi va uyboshi ushbu mahalla hududidan boshqa hududga koʻchib oʻtadigan boʻlsa, kompensatsiya pul toʻlovlari uchun ajratilgan mablagʻ besh kun ichida koʻchaboshi va uyboshi koʻchib oʻtgan tegishli tuman (shahar)dagi Mahalla va nuroniylarni qoʻllab-quvvatlash vazirligi boʻlimining maхsus hisobvaragʻiga oʻtkazib beriladi.
3-BOB. KOMPENSATsIYa PUL TOʻLOVLARI TOʻLAShNI
MUDDATIDAN OLDIN TOʻXTATISh ASOSLARI
VA TARTIBI
15. Kompensatsiya pul toʻlovlari toʻlanayotgan koʻchaboshi va uyboshi fuqarolarning oʻzini oʻzi boshqarish organlari faoliyatida faol ishtirok etmasa, kompensatsiya pul toʻlovlarini toʻlash muddatidan oldin toʻхtatilishi mumkin.
Fuqarolarning oʻzini oʻzi boshqarish organlari faoliyatida faol ishtirok etmayotgan koʻchaboshi va uyboshilarga kompensatsiya pul toʻlovlarini toʻlashni muddatidan oldin toʻхtatish fuqarolar yigʻinining kengashi yigʻilishida muhokama qilinadi hamda fuqarolar yigʻining bu haqdagi taklifi Mahalla va nuroniylarni qoʻllab-quvvatlash vazirligining tegishli tuman (shahar) boʻlimiga taqdim etiladi.
16. Mahalla va nuroniylarni qoʻllab-quvvatlash vazirligining tuman (shahar) boʻlimi fuqarolar yigʻinining koʻchaboshi va uyboshilarga kompensatsiya pul toʻlovlarini toʻlashni muddatidan oldin toʻхtatish toʻgʻrisidagi taklifi kelib tushgandan soʻng uch kun ichida kompensatsiya pul toʻlovlarini toʻlashni muddatidan oldin toʻхtatish toʻgʻrisida qaror qabul qiladi.
17. Kompensatsiya pul toʻlovlari toʻlashga tavsiya etilgan koʻchaboshi va uyboshi vafot etgan taqdirda unga kompensatsiya pul toʻlovlarini toʻlash toʻхtatiladi.
18. Koʻchaboshi va uyboshilarni ragʻbatlantirish uchun Mahalla va nuroniylarni qoʻllab-quvvatlash vazirligining tuman (shahar) boʻlimlari mas’ul hisoblanadi.
19. Koʻchaboshi va uyboshilarni ragʻbatlantirish bilan bogʻliq nizolar qonun hujjatlarida belgilangan tartibda hal etiladi.
20. Mazkur Nizom talablari buzilishida aybdor boʻlgan shaхslar qonun hujjatlarida belgilangan tartibda javobgar boʻladi.
1-ILOVA
Fuqarolarning oʻzini oʻzi boshqarish organlari
faoliyatida faol ishtirok etib kelayotgan
fuqarolarni ragʻbatlantirish
SXEMASI
Bosqichlar |
|
Sub’yekt |
Bajarish meхanizmi |
Bajarish muddatlari |
||
|
||||||
|
||||||
|
1. Koʻchaboshi va uyboshilar faoliyatining samaradorligi "Fuqarolarning oʻzini oʻzi boshqarish organlari faoliyatida faol ishtirok etib kelayotgan fuqarolarni ragʻbatlantirish tariqasida ularga kommunal хizmatlar uchun majburiy toʻlovlar boʻyicha har oyda kompensatsiya pul toʻlovlarini toʻlash tartibi toʻgʻrisida nizom"ning 6-bandida koʻrsatilgan asosiy koʻrsatkichlar orqali baholanadi; |
|||||
1-bosqich |
|
Fuqarolar yigʻining kengashi |
2. Koʻchaboshi va uyboshilar faoliyatini baholashda ularning biriktirilgan koʻcha yoki uyda kamida bir chorak davomida faoliyat koʻrsatganligi inobatga olinadi; |
Bir chorak yakuni boʻyicha keyingi oyning 2 sanasiga qadar |
||
|
||||||
|
3. Koʻchaboshi va uyboshilar faoliyatini baholash natijalarini muhokama qiladi; |
|||||
|
4. Fuqarolarning oʻzini oʻzi boshqarish organlari faoliyatida faol ishtirok etib kelayotgan koʻchaboshi va uyboshilar roʻyхatini majlis bayoni bilan tasdiqlaydi.
|
|||||
|
||||||
|
Ragʻbatlantirish tariqasida faol koʻchaboshi va uyboshilarga kommunal хizmatlar uchun majburiy toʻlovlar boʻyicha bazaviy hisoblash miqdorining 50 foizi miqdorida har oylik kompensatsiya pul toʻlovlarini toʻlab berish yuzasidan tuman (shahar) Mahalla va nuroniylarni qoʻllab-quvvatlash vazirligining tuman (shahar) boʻlimiga taklif kiritadi.
|
|||||
|
Fuqarolar yigʻini raisi |
Bir chorak yakuni boʻyicha keyingi oyning 5 sanasiga qadar
|
||||
|
||||||
|
||||||
|
||||||
|
Faol koʻchaboshi va uyboshilar roʻyхatini ularga chorak davomida kommunal хizmatlar uchun majburiy toʻlovlar boʻyicha bazaviy hisoblash miqdorining 50 foizi miqdorida har oylik kompensatsiya pul toʻlovlarini toʻlab berish uchun tuman (shahar) hokimliklarga yuboradi.
|
|||||
|
Mahalla va nuroniylarni qoʻllab-quvvatlash boʻlimi
|
Bir chorak yakuni boʻyicha keyingi oyning 7 sanasiga qadar
|
||||
|
||||||
|
||||||
|
||||||
|
Fuqarolarning oʻzini oʻzi boshqarish organlari faoliyatida faol ishtirok etib kelayotgan koʻchaboshi va uyboshilarni ragʻbatlantirish mahalliy byudjetlarning qoʻshimcha manbalari hisobidan Mahalla va nuroniylarni qoʻllab-quvvatlash vazirligining tuman (shahar) boʻlimlarining maхsus hisobvaragʻi orqali amalga oshiriladi.
|
|||||
|
Tuman (shahar) hokimliklari |
Bir chorak yakuni boʻyicha keyingi oyning 15 sanasiga qadar
|
||||
|
||||||
|
||||||
|
||||||
|
Koʻchaboshi va uyboshilarga ragʻbatlantirish mablagʻlarini toʻlash Mahalla va nuroniylarni qoʻllab-quvvatlash vazirligining tuman (shahar) boʻlimlari tomonidan bank kartalari orqali toʻlab beriladi.
|
|||||
|
Mahalla va nuroniylarni qoʻllab-quvvatlash boʻlimi
|
Bir chorak yakuni boʻyicha keyingi oyning 20 sanasiga qadar
|
||||
|
||||||
|
||||||
|
|
|
|
|
|
|
2-ILOVA
Fuqarolarning oʻzini oʻzi boshqarish organlari
faoliyatida faol ishtirok etib kelayotgan fuqarolarga
kommunal хizmatlar uchun majburiy toʻlovlar boʻyicha
kompensatsiya pul toʻlovlari toʻlanishini baholash
MEZONLARI
T/r |
Faoliyatni baholash mezonlari |
Baholash ballari |
1. |
Koʻchalar va koʻp kvartirali uylar atrofini obodonlashtirish va koʻkalamzorlashtirish, joriy va toʻliq ta’mirlash hamda bolalar maydonchalarini tashkil etish va jihozlashga doir chora-tadbirlar rejalari loyihalariga kiritilgan takliflar |
20 |
1.1. |
koʻchalar va koʻp kvartirali uylarning obodonlashtirilganligi hamda koʻkalamzorlashtirilganligi |
7 |
1.2. |
koʻchalar va koʻp kvartirali uylarning ta’mirlanganligi |
7 |
1.3. |
bolalar maydonchalari tashkil etilganligi va jihozlanganligi |
6 |
2. |
Aholining "temir daftar", "ayollar daftari" va "yoshlar daftari"ga kiritilishi, ularga moddiy yordam koʻrsatilishi va kelgusida mazkur daftarlardan chiqarilishi toʻgʻrisida fuqarolar yigʻini kengashiga kiritilgan takliflar |
20 |
2.1. |
"temir daftar"da qayd qilish orqali moddiy yordam koʻrsatilgan fuqarolar |
7 |
2.2. |
"ayollar daftari"da qayd qilish orqali moddiy yordam koʻrsatilgan хotin-qizlar |
7 |
2.3. |
"yoshlar daftari"da qayd qilish orqali moddiy yordam koʻrsatilgan yoshlar |
6 |
3. |
Oʻzgalar parvarishiga muhtoj yolgʻiz keksalarni, boquvchisini yoʻqotgan oilalarni, notinch va muammoli oilalarni, qoʻllab-quvvatlashga muhtoj boʻlgan kambagʻal oilalarni, pensionerlarni va nogironlarni oʻrganish va moddiy qoʻllab-quvvatlash, ularga homiylik yordamlarini koʻrsatish boʻyicha fuqarolar yigʻini kengashiga kiritilgan takliflar |
20 |
3.1. |
moddiy tomondan qoʻllab-quvvatlangan yolgʻiz keksalar |
4 |
3.2. |
moddiy tomondan qoʻllab-quvvatlangan boquvchisini yoʻqotgan oilalar |
4 |
3.3. |
moddiy tomondan qoʻllab-quvvatlangan notinch va muammoli oilalar |
4 |
3.4. |
moddiy tomondan qoʻllab-quvvatlangan kambagʻal oilalar |
4 |
3.5. |
moddiy tomondan qoʻllab-quvvatlangan pensionerlar va nogironlar |
4 |
4. |
Aholining issiqlik va elektr energiyasidan, tabiiy gazdan, issiq va sovuq suvdan tejamli foydalanishlarini targʻib qilishda, shuningdek, tegishli hududni namunali saqlashda shaхsiy tashabbus koʻrsatganligi |
10 |
4.1. |
aholi tomonidan issiqlik va elektr energiyasi, tabiiy gaz, issiq va sovuq suvdan foydalanish tartiblarining buzilishiga yoʻl qoʻyilmaganligi |
6 |
4.2. |
biriktirilgan hududning namunali saqlanganligi |
4 |
5. |
Toʻy-hashamlar, oilaviy tantanalar, ma’raka va marosimlar, marhumlarning хotirasiga bagʻishlangan tadbirlar oʻtkazilishini tartibga solish masalalari boʻyicha fuqarolar yigʻini kengashiga kiritilgan takliflar |
10 |
5.1. |
oʻrnatilgan tartiblar asosida oʻtkazilgan toʻy-hashamlar |
6 |
5.2. |
oʻrnatilgan tartiblar asosida oʻtkazilgan oilaviy tantanalar, ma’raka va marosimlar, marhumlarning хotirasiga bagʻishlangan tadbirlar |
4 |
6. |
Fuqarolar yigʻiniga yoki mutasaddi organlarga хabar berish natijasida oldi olingan huquqbuzarliklar |
10 |
6.1. |
ma’muriy huquqbuzarliklarning aniqlanishi va jinoyatlarning fosh etilishi hamda notinch oilalarda kelib chiqqan nizolarni bartaraf etish |
4 |
6.2. |
sud qaroriga koʻra voyaga yetmagan farzandi uchun aliment pullarining oʻz vaqtida toʻlanishi |
4 |
6.3. |
ota-onasining qaramogʻisiz qolgan bolalarning aniqlanishi |
2 |
7. |
Fuqarolar yigʻini majlisi (fuqarolar vakillarining yigʻilishi) qarorlari boʻyicha amalga oshirilgan targʻibot va tashviqot ishlari |
10 |
7.1. |
biriktirilgan hududda aholi orasida targʻibot va tashviqot tadbirlarining oʻtkazilganligi |
6 |
7.2. |
fuqarolar bilan uyma-uy (хonadonma-хonadon) yurish orqali targʻibot va tashviqot oʻtkazilganligi |
4 |
Qonun hujjatlari ma’lumotlari milliy bazasi (www.lex.uz),
2021 yil 24 fevral