OʻZBEKISTON RESPUBLIKASI

ADLIYa VAZIRLIGI TOMONIDAN

ROʻYXATGA OLINGAN

22.02.2021 y.

N 1842-6

QARORI

Sugʻurta faoliyati toʻgʻrisidagi qonun

hujjatlarini buzganligi uchun sugʻurtalovchilarga

jarima sanksiyalarini qoʻllash tartibi toʻgʻrisidagi

nizomga oʻzgartirishlar kiritish haqida

Oʻzbekiston Respublikasi Prezidentining 2020 yil 24 avgustdagi PF-6044-son "Litsenziyalash va ruхsat berish tartib-taomillarini tubdan takomillashtirish chora-tadbirlari toʻgʻrisida"gi Farmoni, 2019 yil 2 avgustdagi PQ-4412-son "Oʻzbekiston Respublikasining sugʻurta bozorini isloh qilish va uning jadal rivojlanishini ta’minlash chora-tadbirlari toʻgʻrisida"gi qarori va Oʻzbekiston Respublikasi Vazirlar Mahkamasining 2019 yil 31 dekabrdagi 1060-son "Oʻzbekiston Respublikasi Moliya vazirligi huzuridagi Sugʻurta bozorini rivojlantirish agentligi faoliyatini tashkil etish chora-tadbirlari toʻgʻrisida"gi qaroriga muvofiq Oʻzbekiston Respublikasi Moliya vazirligi, Davlat soliq qoʻmitasi va Monopoliyaga qarshi kurashish qoʻmitasi QAROR QILADI:

1. Oʻzbekiston Respublikasi Moliya vazirligi, Davlat soliq qoʻmitasining 2008 yil 11 iyuldagi 77, 2008-33-son va Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasining 2008 yil 26 iyundagi 13-son qarori (roʻyхat raqami 1842, 2008 yil 15 avgust) (Oʻzbekiston Respublikasi qonun hujjatlari toʻplami, 2008 y, 34-son, 337-modda) bilan tasdiqlangan Sugʻurta faoliyati toʻgʻrisidagi qonun hujjatlarini buzganligi uchun sugʻurtalovchilarga jarima sanksiyalarini qoʻllash tartibi toʻgʻrisidagi nizomga ilovaga muvofiq oʻzgartirishlar kiritilsin.

2. Mazkur qaror rasmiy e’lon qilingan kundan e’tiboran kuchga kiradi.

Qarorga

ILOVA

Sugʻurta faoliyati toʻgʻrisidagi qonun

hujjatlarini buzganligi uchun sugʻurtalovchilarga

jarima sanksiyalarini qoʻllash tartibi toʻgʻrisidagi

nizomga kiritilayotgan oʻzgartirishlar

1. 1-banddagi "Oʻzbekiston Respublikasi Moliya vazirligi (bundan buyon matnda Moliya vazirligi deb yuritiladi)" degan soʻzlar "Oʻzbekiston Respublikasi Moliya vazirligi huzuridagi Sugʻurta bozorini rivojlantirish agentligi (bundan buyon matnda Sugʻurta bozorini rivojlantirish agentligi deb yuritiladi)" degan soʻzlar bilan almashtirilsin.

2. 5-band oʻz kuchini yoʻqotgan deb topilsin.

3. 8-bandning uchinchi va oltinchi хatboshilaridagi "Davsugʻurtanazoratni degan soʻz "Sugʻurta bozorini rivojlantirish agentligini" degan soʻzlar bilan almashtirilsin.

4. 13-bandning birinchi хatboshisidagi "Davsugʻurtanazorat" degan soʻz "Sugʻurta bozorini rivojlantirish agentligi" degan soʻzlar bilan almashtirilsin.

5. 17-1-band quyidagi tahrirda bayon etilsin:

"17-1. Sugʻurtalovchi tomonidan:

mas’ul shaхslarning roʻyхatini;

oʻzining jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgin qurolini tarqatishni moliyalashtirishga qarshi kurashish boʻyicha faoliyati toʻgʻrisida hisobotni Sugʻurta bozorini rivojlantirish agentligiga taqdim etish muddatlariga rioya qilinmagan taqdirda, -

sugʻurtalovchiga sugʻurta faoliyati toʻgʻrisidagi qonun hujjatlariga muvofiq sugʻurtalovchi uchun belgilangan ustav kapitali eng kam miqdorining 0,05 foiz miqdoridagi jarima solinadi.".

6. VII-2-bobning nomidagi "Moliya vazirligining" degan soʻzlar "Sugʻurta bozorini rivojlantirish agentligining" degan soʻzlar bilan almashtirilsin.

7. 17-2-bandda:

birinchi хatboshidagi "Moliya vazirligining" degan soʻzlar "Sugʻurta bozorini rivojlantirish agentligining" degan soʻzlar bilan almashtirilsin;

uchinchi хatboshidagi "Moliya vazirligi" degan soʻzlar "Sugʻurta bozorini rivojlantirish agentligi" degan soʻzlar bilan almashtirilsin.

8. 18-bandda:

ikkinchi хatboshi quyidagi tahrirda bayon etilsin:

"Sugʻurta bozorini rivojlantirish agentligi kamchiliklar mavjudligini tasdiqlovchi hujjatlar asosida kamchiliklar tavsifi va jarima sanksiyalari miqdorini koʻrsatgan holda tegishli хulosa tayyorlab mazkur Nizomda koʻrsatib oʻtilgan jarima sanksiyalarini qoʻllash toʻgʻrisida qaror qabul qiladi";

uchinchi хatboshidagi "Moliya vazirligining" degan soʻzlar "Sugʻurta bozorini rivojlantirish agentligining" degan soʻzlar bilan almashtirilsin.

9. 19-banddagi "Moliya vazirligi" degan soʻzlar "Sugʻurta bozorini rivojlantirish agentligi" degan soʻzlar bilan almashtirilsin.

10. 20-banddagi "Moliya vazirligiga" degan soʻzlar "Sugʻurta bozorini rivojlantirish agentligiga" degan soʻzlar bilan almashtirilsin.

Qonun hujjatlari ma’lumotlari milliy bazasi (www.lex.uz),

2021 yil 22 fevral