Муносабат асослари тўғрисида

Ўзбекистон Республикаси ва Германия

Федератив Республикасинииг

ҚЎШМА БАЁНОТИ

1. Ўзбекистон Республикаси ва Германия Федератив Республикаси яқин ўтмишдаги тарихий туб ўзгаришларни англаган ҳолда, ўз халқларининг равнақи йўлида яқиндан ҳамкорлик қилиб, шу тариқа Европа, Осиё ва бутун жаҳонда тинчликка кўмаклашиш истагида ҳамфикрдирлар.

Немис халқи эркин тарзда тақдирини ўзи белгилаш орқали янгидан ўзининг бирлигига эришди. Эркин тарзда тақдирини ўзи белгилаш орқали ўзбек халқи ҳам ўз мустақиллигига эришди. Бу ўзбек ва немис халқлари ўртасида дўстлик учун янги истиқболлар очмоқда.

Ўзбекистон ва Германия дўстлик ва ҳамкорликнинг кенг алоқаларини ривожлантириш истагига амал қиладилар.

Улар Бирлашган Миллатлар Ташкилоти Низоми мақсадлари ва принципларига, Хельсинки Якунловчи Акти, янги Европа учун Париж Хартияси ҳамда Европада хавфсизлик ва ҳамкорлик бўйича ташкилот (ЕХҲТ)нинг бошқа ҳужжатлари принциплари ва қоидаларига ўзларининг содиқликларини тасдиқлайдилар.

2. Ўзбекистон ва Германия ўз муносабатларини халқаро ҳуқуққа мувофиқ, суверен тенглик, ҳудудий яхлитлик, чегараларнинг