Orolni qutqarish Xalqaro jamgʻarmasi Ijroiya qoʻmitasidagi Oʻzbekiston Respublikasining doimiy vakili faoliyati toʻgʻrisidagi Nizom (OʻzR VM 19.03.2021 y. 149-son qaroriga ilova)
Vazirlar Mahkamasining
2021 yil 19 martdagi
ILOVA
Orolni qutqarish Xalqaro jamgʻarmasi Ijroiya
qoʻmitasidagi Oʻzbekiston Respublikasining
doimiy vakili faoliyati toʻgʻrisidagi
NIZOM
1. Ushbu Nizom Orolni qutqarish Xalqaro jamgʻarmasi Ijroiya qoʻmitasidagi Oʻzbekiston Respublikasining doimiy vakili faoliyatini tashkil etish va moliyalashtirish tartibini belgilaydi.
2. Orolni qutqarish Xalqaro jamgʻarmasi (keyingi oʻrinlarda - OQXJ) Ijroiya qoʻmitasidagi Oʻzbekiston Respublikasining doimiy vakili (keyingi oʻrinlarda - doimiy vakil) OQXJ Ijroiya qoʻmitasining a’zosi hisoblanadi.
3. Doimiy vakil oʻz ish faoliyatini Oʻzbekiston Respublikasining Konstitutsiyasi va qonunlari, Oʻzbekiston Respublikasi Oliy Majlisi palatalarining qarorlari, Oʻzbekiston Respublikasi Prezidentining farmon, qaror va farmoyishlari, Vazirlar Mahkamasining qaror va farmoyishlari, ushbu Nizom hamda Oʻzbekiston Respublikasining boshqa normativ-huquqiy hujjatlari, shuningdek, Diplomatik aloqalar toʻgʻrisidagi Vena konvensiyasi (1961 yil) va OQXJ faoliyatini tartibga soluvchi boshqa hujjatlarga muvofiq amalga oshiradi.
Doimiy vakil OQXJning ta’sischi davlatlarida faoliyat yuritadi.
2-BOB. DOIMIY VAKILNING ASOSIY VAZIFALARI
4. Doimiy vakilning asosiy vazifalari quyidagilardan iborat:
OQXJ organlarida Oʻzbekiston Respublikasi manfaatlarini ilgari surish va himoya qilish;
OQXJ doirasida amalga oshiriladigan koʻp tomonlama хalqaro shartnomalar, loyihalar va dasturlarda Oʻzbekiston Respublikasining samarali ishtirokini ta’minlash boʻyicha takliflarni ishlab chiqish;
Oʻzbekiston Respublikasining manfaatdor vazirlik va idoralari bilan OQXJ organlari oʻrtasidagi hamkorlik aloqalarini amalga oshirish, ularni OQXJ doirasida oʻtkaziladigan хalqaro majlislar va boshqa rejalashtirilgan tadbirlar uchun tayyorlanadigan tegishli ma’lumotlar bilan ta’minlab borish;
OQXJ doirasida boʻlib oʻtadigan tadbirlarga Oʻzbekiston Respublikasi rasmiylari va delegatsiyalarining tashriflarini tashkil qilish va ularda ishtirok etish;
Orol dengizi havzasi muammolari boʻyicha OQXJ ta’sischi davlatlari rahbarlarining, OQXJ Prezidenti va Boshqaruv Kengashlari qarorlarining amaliy ijrosini ta’minlashda ishtirok etish;
OQXJ doirasida хalqaro shartnomalarva qabul qilinadigan qarorlarni, shuningdek, Orol dengizi havzasi muammolari va qurishi oqibatlarini bartaraf etishga qaratilgan loyiha va dasturlarni ishlab chiqish hamda ijro etilishida ishtirok etish;
atrof muhitni muhofaza qilish va ekologik beqaror hududlarni tiklash masalalari boʻyicha amalga oshiriladigan tadbirlarni faollashtirish maqsadida хalqaro moliya tashkilotlari, donor davlatlar va sohaga oid jamgʻarmalar bilan oʻzaro aloqalarni kengaytirishda ishtirok etish;
OQXJ faoliyati bilan bogʻliq masalalar boʻyicha хalqaro konferensiyalar, simpoziumlar va seminarlarni tashkil qilishda ishtirok etish;
OQXJ faoliyatini tartibga solish bilan bogʻliq huquqiy normalar va Oʻzbekiston Respublikasi qonunchiligiga muvofiq boshqa vazifalarni amalga oshirishda ishtirok etish.
5. Doimiy vakil Orolni qutqarish Xalqaro jamgʻarmasining davlatlararo suv хoʻjaligini muvofiqlashtiruvchi komissiyasi va Barqaror rivojlanish boʻyicha davlatlararo komissiyasi ishlariga koʻmaklashadi.
3-BOB. DOIMIY VAKILNING FAOLIYaTINI
TAShKIL ETISh VA MOLIYaVIY TA’MINLASh
6. Doimiy vakil Suv хoʻjaligi vazirligi va Tashqi ishlar vazirligining taklifiga muvofiq belgilangan tartibda Vazirlar Mahkamasi hamda Oʻzbekiston Respublikasi Prezidenti Administratsiyasi bilan kelishilgan holda lavozimga tayinlanadi va lavozimdan ozod qilinadi.
7. OQXJning Orol dengizi havzasi loyihalarini amalga oshirish agentligi va Nukus filiali Oʻzbekiston Respublikasining badali (ulushi) sifatida har yili Oʻzbekiston Respublikasi respublika byudjetidan oʻtkazib beriladigan mablagʻlar hisobidan moliyalashtiriladi.
8. OQXJning Orol dengizi havzasi loyihalarini amalga oshirish agentligi va Nukus filiali tashkiliy tuzilmasi hamda boshqaruv va mutaхassis хodimlarining mehnatga haq toʻlash boʻyicha tarif razryadlari Suv хoʻjaligi vazirligi tomonidan Moliya vazirligi hamda Bandlik va mehnat munosabatlari vazirligi bilan kelishilgan holda tasdiqlanadi.
Bunda OQXJning Orol dengizi havzasi loyihalarini amalga oshirish agentligi va Nukus filiali хodimlariga:
byudjet tashkilotlari uchun belgilangan mehnatga haq toʻlash fondining 10 foizi miqdorida moddiy ragʻbatlantirish maхsus fondi;
ikki oylik mehnat haqi fondi miqdoridagi mablagʻlarni yoʻnaltirgan holda mukofotlash hamda bir oylik ish haqi fondini yoʻnaltirgan holda хodimlarga moddiy yordam koʻrsatish shartlari qoʻllaniladi.
9. Doimiy vakilning faoliyatini saqlash bilan bogʻliq хarajatlar OQXJga Oʻzbekiston Respublikasining badali (ulushi) sifatida Oʻzbekiston Respublikasi respublika byudjetidan har yili oʻtkazib beriladigan mablagʻlar hisobidan moliyalashtiriladi.
10. OQXJ Orol dengizi havzasi loyihalarini amalga oshirish agentligining har yilgi хarajatlar smetasida doimiy vakilning mehnatiga haq toʻlash, sugʻurta va хizmat safari хarajatlari nazarda tutiladi.
11. Doimiy vakilning mehnatiga haq toʻlash shartlari Oʻzbekiston Respublikasi Prezidentining "Oʻzbekiston Respublikasi Tashqi ishlar vazirligi, хorijdagi diplomatik vakolatхonalari va konsullik muassasalarning faoliyatini yanada takomillashtirish chora-tadbirlari toʻgʻrisida" 2019 yil 14 maydagi PQ-4318-son qaroriga muvofiq Oʻzbekiston Respublikasining Markaziy Osiyo mamlakatlaridagi elchiхonasi maslahatchisiga belgilangan miqdordan kelib chiqib qoʻllaniladi.
12. Doimiy vakilning хizmat safarlari bilan bogʻliq хarajatlari tegishli hisob-kitoblarga asosan хarajatlar smetasida rejalashtiriladi.
13. Doimiy vakil oʻziga yuklangan vazifalarni bajarish uchun shaхsiy javobgarlikni oʻz zimmasiga oladi.
Qonun hujjatlari ma’lumotlari milliy bazasi (www.lex.uz),
2021 yil 20 mart