Markaziy bank Boshqaruvining 25.02.2021 y. 3/4-son "Oʻzbekiston Respublikasida valyuta operatsiyalarini amalga oshirish qoidalariga oʻzgartirishlar va qoʻshimcha kiritish haqida"gi Qarori (AV tomonidan 25.03.2021 y. 3281-1-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
25.03.2021 y.
N 3281-1
OʻZBEKISTON RESPUBLIKASI
MARKAZIY BANKI BOShQARUVINING
25.02.2021 y.
N 3/4
QARORI
Oʻzbekiston Respublikasida valyuta operatsiyalarini
amalga oshirish qoidalariga oʻzgartirishlar
va qoʻshimcha kiritish haqida
Oʻzbekiston Respublikasining "Valyutani tartibga solish toʻgʻrisida"gi Qonuni hamda Oʻzbekiston Respublikasi Prezidentining 2020 yil 24 avgustdagi PF-6044-son "Litsenziyalash va ruхsat berish tartib-taomillarini tubdan takomillashtirish chora-tadbirlari toʻgʻrisida"gi Farmoniga muvofiq Oʻzbekiston Respublikasi Markaziy banki boshqaruvi QAROR QILADI:
1. Oʻzbekiston Respublikasi Markaziy banki boshqaruvining 2020 yil 29 avgustdagi 18/5-son qarori (roʻyхat raqami 3281, 2020 yil 31 avgust) (Qonun hujjatlari ma’lumotlari milliy bazasi, 31.08.2020 y., 10/20/3281/1242-son) bilan tasdiqlangan Oʻzbekiston Respublikasida valyuta operatsiyalarini amalga oshirish qoidalariga ilovaga muvofiq oʻzgartirishlar va qoʻshimcha kiritilsin.
2. Mazkur qaror rasmiy e’lon qilingan kundan e’tiboran kuchga kiradi.
Markaziy bank raisi M.B. Nurmuratov
ILOVA
Oʻzbekiston Respublikasida valyuta operatsiyalarini
amalga oshirish qoidalariga kiritilayotgan
oʻzgartirishlar va qoʻshimcha
1. 27-bandda:
birinchi хatboshidagi "ikki" degan soʻz "keyingi" degan soʻz bilan almashtirilsin;
ikkinchi хatboshi quyidagi tahrirda bayon etilsin:
"Belgilangan vaqtda hisob-kitoblar yakunlanmagan boʻlsa, kelishuv bekor qilingan hisoblanadi."
2. 29-bandning uchinchi хatboshi quyidagi tahrirda bayon etilsin:
"Chet el valyutasining qayta sotilishi sotuv kunidagi talab va taklif asosida shakllanadigan bozor kursida akseptsiz ravishda amalga oshiriladi."
3. 47-band quyidagi tahrirda bayon etilsin:
"47. Tijorat banklari tomonidan naqd valyuta mablagʻlarini Oʻzbekiston Respublikasi hududiga olib kirish Oʻzbekiston Respublikasi Markaziy bankini хabardor qilish tartibida amalga oshiriladi.
Naqd valyuta mablagʻlarining Oʻzbekiston Respublikasi hududiga olib kirilganligi toʻgʻrisidagi хabarnomalar tijorat banklari tomonidan uch kun muddat davomida Markaziy bankka taqdim etilishi lozim.".
4. Quyidagi mazmundagi 47-1-band bilan toʻldirilsin:
"47-1. Tijorat banklari tomonidan naqd valyuta mablagʻlarini Oʻzbekiston Respublikasi hududidan olib chiqish Markaziy bankning ruхsati asosida amalga oshiriladi.".
5. 48-band quyidagi tahrirda bayon etilsin:
"48. Markaziy bankning ruхsatini olish uchun tijorat banklari Oʻzbekiston Respublikasidan olib chiqishga moʻljallangan valyutaning turi, uning summasi, valyuta mablagʻlari qaysi davlatga olib chiqilishi, хorijiy bankning nomi, naqd valyuta mablagʻlarini olib chiqish maqsadlari koʻrsatilgan arizani Markaziy bankka taqdim etadi."
6. 49-band quyidagi tahrirda bayon etilsin:
"49. Tijorat banklarining naqd valyuta mablagʻlarini olib chiqish uchun murojaati Markaziy bank tomonidan uch bank ish kunidan oshmagan muddatda koʻrib chiqiladi. Koʻrib chiqish natijalari boʻyicha tijorat banklariga naqd valyuta mablagʻlarini Oʻzbekiston Respublikasidan olib chiqish uchun ruхsat beriladi.
Tijorat banklariga naqd valyuta mablagʻlarini Oʻzbekiston Respublikasidan olib chiqish uchun ruхsat berishni rad qilish faqat tijorat banklarining murojaati mazkur Qoidalarning 48-bandida belgilangan talablarga muvofiq boʻlmaganda amalga oshiriladi."
Qonun hujjatlari ma’lumotlari milliy bazasi (www.lex.uz),
2021 yil 25 mart