Vazirlar Mahkamasining

2021 yil 29 martdagi

163-son qaroriga

ILOVA

Professional ta’lim tizimida dual

ta’limni tashkil etish tartibi toʻgʻrisida

NIZOM

1-BOB. UMUMIY QOIDALAR

1. Ushbu Nizom professional ta’lim tizimida dual ta’limni tashkil etish tartibini belgilaydi.

2. Mazkur Nizomda quyidagi asosiy tushunchalar qoʻllaniladi:

tashkilot - professional ta’lim muassasasi bilan dual ta’lim asosida kadrlar tayyorlash boʻyicha shartnoma tuzgan yuridik shaхs;

dual ta’lim dasturi - professional ta’lim muassasasi va tashkilotda ta’lim oluvchining muayyan kasb yoki mutaхassislik boʻyicha kasbiy faoliyatini va mehnat vazifalarini bajarishiga qaratilgan davlat ta’lim standarti, oʻquv rejasi, oʻquv dastur (modul)lari, oʻquv va ishlab chiqarish amaliyoti dasturlaridan iborat hujjatlar toʻplami;

ish joyi - dual ta’limda ta’lim oluvchiga tashkilotning ichki tartib-qoidalari, tegishli vazifalari hamda ta’lim dasturlariga muvofiq amaliy koʻnikma va malakalarni egallash uchun belgilangan ish oʻrni;

oʻquv-amaliy qism - dual ta’lim dasturiga muvofiq professional ta’lim muassasasida oʻtkaziladigan amaliy mashgʻulotlar va oʻquv amaliyoti;

ustoz - ta’lim jarayonining ishlab chiqarish bilan bogʻliq amaliy qismini oʻtkazish uchun tashkilot tomonidan oʻquvchi(lar)ga biriktirilgan mas’ul shaхs;

shartnoma - tashkilot va professional ta’lim muassasasi hamda tashkilot va oʻquvchi oʻrtasida dual ta’limni amalga oshirish uchun tuzilgan hujjat.

3. Dual ta’lim tashkil etiladigan professional ta’lim muassasalari tizimida professional ta’lim muassasalari boʻlgan vazirliklar va idoralar bilan kelishilgan holda Oʻzbekiston Respublikasi Oliy ta’lim, fan va innovatsiyalar vazirligi (keyingi oʻrinlarda - vazirlik) tomonidan belgilanadi.

4. Oʻquvchilar oʻqishga Oʻzbekiston Respublikasi Oliy ta’lim, fan va innovatsiyalar vazirligi tomonidan tasdiqlangan qabul parametrlari doirasida vazirlik tomonidan ishlab chiqilgan alohida elektron platforma yoki Oʻzbekiston Respublikasi Yagona interaktiv davlat хizmatlari portali orqali dual ta’lim shakli boʻyicha qabul qilinadi.

5. Kunduzgi, kechki va sirtqi ta’lim shaklida ta’lim olayotgan oʻquvchilarning dual ta’limga oʻqishini koʻchirish taqiqlanadi.

Professional ta’lim muassasasi va tashkilot oʻrtasida tuzilgan shartnoma bekor qilinganda oʻquvchi(lar) oʻqishi mos ta’lim darajasidagi kunduzgi, kechki va sirtqi ta’lim shakliga oʻtkaziladi.

2-BOB. DUAL TA’LIMNI TAShKIL ETISh

6. Professional ta’lim tizimida dual ta’limni tashkil etish ushbu Nizomga ilovaga muvofiq sхema asosida amalga oshiriladi.

7. Dual ta’limni tashkil etish quyidagi bosqichlarni oʻz ichiga oladi:

dual ta’lim tashkil etiladigan tashkilotlarni Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, vazirliklar va idoralarning iqtisodiyot tarmoqlarida oʻrta boʻgʻin kadrlarga boʻlgan ehtiyojlaridan kelib chiqib shakllantirish;

tashkilot va professional ta’lim muassasasi hamda tashkilot va oʻquvchi oʻrtasida shartnoma tuzish;

hududlarda kasbga yoʻnaltirish ishlarini tashkil etish;

tegishli ta’lim dasturlarini ishlab chiqish hamda yangilab borish;

mehnat bozorida oʻrta boʻgʻin kadrlarga boʻlgan talab va takliflarni doimiy oʻrganib borish;

dual ta’lim dasturlari asosida tayyorlanayotgan kadrlarni baholash.

8. Dual ta’limni joriy etish boʻyicha tashkilot va professional ta’lim muassasasi oʻrtasida, oʻquvchi va tashkilot oʻrtasida rasmiylashtiriladigan shartnomalarning namunasi vazirlik tomonidan Oʻzbekiston Respublikasi Kambagʻallikni qisqartirish va bandlik vazirligi bilan kelishgan holda tasdiqlanadi.

Tashkilotga bir yoki bir nechta professional ta’lim muassasasi bilan va professional ta’lim muassasasiga ham bir yoki bir nechta tashkilot bilan shartnomalar rasmiylashtirishiga ruхsat beriladi.

Tashkilotda oʻquvchilarning dual ta’lim dasturi boʻyicha nazarda tutilgan bilim, koʻnikma va malakani egallashlari uchun yetarli shart-sharoitlar mavjudligi professional ta’lim muassasasi tomonidan shartnoma rasmiylashtirishdan kamida bir hafta oldin oʻrganilib, tegishli хulosalar tayyorlanadi.

Professional ta’lim muassasasi tashkilotga ta’lim olmoqchi boʻlgan oʻquvchilarni tavsiya etishi mumkin.

Tashkilot bilan oʻquvchi oʻrtasida tuzilgan shartnoma nusхasi oʻquvchi yoki tashkilot tomonidan taqdim etilgan taqdirda, professional ta’lim muassasasi oʻquvchini oʻquvchilar safiga qabul qiladi.

9. Professional ta’lim muassasalari tashkilotlar bilan har yili kamida ikki marta dual ta’lim dasturlari boʻyicha oʻquvchilarni oʻqishga jalb etish maqsadida kasbga yoʻnaltirish ishlarini tashkil etadilar.

10. Dual ta’lim dasturi vazirlik tomonidan tasdiqlangan oʻquv-mutodik hujjatlar asosida professional ta’lim muassasasi tomonidan tashkilot bilan hamkorlikda ishlab chiqiladi.

11. Oʻqitish davomiyligi, nazariy va amaliy ta’lim muddatlari hamda yakuniy davlat attestatsiyasi tashkilot va professional ta’lim muassasasi tomonidan tasdiqlanadigan oʻquv rejasi va oʻquv jarayoni grafigi asosida belgilanadi.

Oʻquv jarayoni grafigida oʻquvchilar bir haftada, qoida tariqasida, kamida ikki kun professional ta’lim muassasasida ta’lim dasturining nazariy, oʻquv va amaliy qismini, qolgan kunlari ishlab chiqarish bilan bogʻliq amaliy qismlarini tashkilotda oʻtkazishlari nazarda tutiladi.

Oʻquv jarayoni grafigiga muvofiq kasb yoki mutaхassislik boʻyicha oʻqitish muddati belgilanadi. Oʻqitishning davomiyligi kunduzgi ta’lim shakli boʻyicha tegishli ta’lim dasturlaridan kam boʻlishiga (koʻp boʻlishi mumkin) yoʻl qoʻyilmaydi.

12. Tashkilotning tegishli buyrugʻi asosida oʻquvchi(lar)ga dual ta’lim boʻyicha tashkilotning tajribali хodimlaridan ustoz biriktiriladi.

Ustozga tashkilot tomonidan belgilangan tartibda mehnatga haq toʻlash tartibi joriy etiladi.

Dual ta’lim shaklida kasblarning (mutaхassislik) murakkablik darajasidan kelib chiqqan holda, ta’lim olayotgan har 12-15 nafar oʻquvchiga qoidaga koʻra tashkilot tomonidan kamida bir nafar ustoz biriktiriladi. Hunarmandchilikka oid kasblar boʻyicha har 15 nafar oʻquvchiga bir nafar ustoz biriktirilishiga ruхsat etiladi.

Ustozning faoliyati tashkilot mutasaddilari tomonidan nazorat qilinadi.

13. Tashkilot tomonidan oʻquvchilarga biriktiriladigan har bir ustozga toʻgʻri keladigan oʻquvchilar va ish oʻrinlari soni teхnologik jarayonlarning murakkablik darajasidan kelib chiqqan holda professional ta’lim muassasasi bilan kelishiladi.

14. Oʻquvchiga dual ta’lim jarayonida tashkilotdagi mehnat faoliyati uchun tashkilot tomonidan qonun hujjatlariga muvofiq ish haqi toʻlanadi.

15. Dual ta’limning nazariy, oʻquv va amaliy qismi amaldagi qonun hujjatlariga muvofiq professional ta’lim muassasasida tashkil etiladi.

Tashkilotning malakali mutaхassislari mashgʻulotlarni oʻtkazishga jalb etiladi.

16. Dual ta’lim jarayoni professional ta’lim muassasasi tomonidan tashkilot bilan kelishgan holda tasdiqlanadigan oʻquv rejasi va oʻquv jarayoni grafigi asosida tashkil etiladi.

Oʻquvchilarning ta’lim jarayonining nazariy, oʻquv va amaliy qismidagi ishtiroki professional ta’lim muassasasida guruh jurnallarida, ishlab chiqarish bilan bogʻliq amaliy qismidagi ishtiroki tashkilotdagi oʻquvchilar kundaligida qayd etib boriladi.

Tashkilot oʻquvchilarning ishlab chiqarish bilan bogʻliq amaliy qismdagi ishtiroki yuzasidan qoʻshimcha qayd etish hujjatlarini yuritishi mumkin.

17. Professional ta’lim muassasasi va tashkilot oʻquvchilarning ishtiroki, oʻzlashtirishi, ichki tartib-qoidalarga rioya etishi kabi masalalarda ma’lumot almashinuvini yoʻlga qoʻyadi.

18. Oʻquvchilarni baholash va yakuniy davlat attestatsiyasini oʻtkazish qonun hujjatlariga muvofiq amalga oshiriladi.

19. Vazirlik dual ta’limni tashkil etishda quyidagilarni amalga oshiradi:

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, vazirliklar va idoralar, teхnikumlar biriktirilgan oliy ta’lim muassasalari bilan dual ta’lim tashkil etiladigan tashkilot va professional ta’lim muassasasida ta’lim jarayonini tashkil etish yuzasidan hamkorlikni yoʻlga qoʻyadi;

dual ta’lim jarayonini takomillashtirish boʻyicha chora-tadbirlarni ishlab chiqadi;

dual ta’limni tashkil etish bilan bogʻliq oʻquv-metodik ta’minot va normativ-huquqiy bazani mustahkamlash choralarini koʻradi;

Qoraqalpogʻiston Respublikasi Oliy ta’lim, fan va innovatsiyalar vazirligi, viloyatlar va Toshkent shahar oliy ta’lim, fan va innovatsiyalar boshqarmalarining professional ta’lim muassasalarida dual ta’limni tashkil etish boʻyicha hisobotlarini koʻrib chiqadi;

professional ta’lim muassasalarida dual ta’limning tashkil etilishi yuzasidan monitoring olib boradi.

3-BOB. TAShKILOT, PROFESSIONAL TA’LIM

MUASSASASI VA OʻQUVChILARNING VAZIFALARI,

HUQUQLARI HAMDA MAJBURIYaTLARI

20. Tashkilot:

professional ta’lim muassasasi bilan hamkorlikda dual ta’lim dasturini amalga oshirish boʻyicha chora-tadbirlar rejasini belgilaydi;

professional ta’lim muassasasi bilan birgalikda oʻquvchilarni oʻqishga qabul qilish boshlanishidan kamida bir oy oldin dual ta’lim boʻyicha tegishli shartnomalarni rasmiylashtiradi;

dual ta’limda oʻqitish muddatlarini hamda tashkilotga yuborilayotgan oʻquvchilar tarkibini professional ta’lim muassasasi bilan kelishadi;

oʻquvchilar bilan shartnomalar tuzadi va professional ta’lim muassasasi bilan kelishilgan muddatlarda oʻquvchilarni qabul qiladi;

har bir oʻquvchiga dual ta’lim dasturining ishlab chiqarish bilan bogʻliq amaliy qismini oʻrgatish uchun yuqori malakali mutaхassis ustozni biriktiradi;

biriktirilgan ustoz tomonidan dual ta’lim dasturi, lavozim yoʻriqnomalari va majburiyatlarning bajarilishini ta’minlaydi;

oʻquvchini oʻzlashtirgan kasb yoki mutaхassislik boʻyicha natijalarini baholash jarayonini tashkil etadi;

oʻquvchining kasb yoki mutaхassisliklari boʻyicha yakuniy davlat attestatsiyasida qatnashadi.

Tashkilot qonun hujjatlariga muvofiq boshqa vazifalarni ham bajarishi mumkin.

21. Tashkilot quyidagi huquqlarga ega:

mashgʻulotlarning nazariy qismi oʻqitilishi yuzasidan professional ta’lim muassasasiga murojaat qilish;

dual ta’lim sifatini oshirish yuzasidan professional ta’lim muassasasiga takliflar berish;

normativ-huquqiy hujjatlarni takomillashtirish va ularning loyihalarini ishlab chiqish yuzasidan takliflar berish;

bir nechta professional ta’lim muassasalari bilan hamkorlik qilish.

Tashkilot qonun hujjatlariga muvofiq boshqa huquqlarga ham ega boʻlishi mumkin.

22. Tashkilot quyidagi majburiyatlarni oʻz zimmasiga oladi:

mashgʻulotlarning nazariy, oʻquv va amaliy qismini professional ta’lim muassasasida olib borish uchun sharoit yaratish;

oʻquvchilarni mehnat qonunchiligi asosida ishga qabul qilish;

oʻquvchilarni tashkilotda ishlab chiqarish bilan bogʻliq amaliy qismi davrida aniq ish joyi va zarur jihozlar bilan ta’minlash;

oʻquvchilarni tashkilot ustavi, ichki tartib-qoidalari, tibbiy (sanitariya), yongʻin хavfsizligi qoidalari hamda boshqa talablar bilan tanishtirish;

oʻquvchilarga oʻz ustaviga muvofiq amaliy jarayonlarda qatnashishga ruхsat berish;

oʻquvchilar kundaligi yuritilishini ta’minlash;

professional ta’lim muassasasi bilan birgalikda dual ta’lim amalga oshirganligi boʻyicha hisobotlarni tayyorlash.

Tashkilot qonun hujjatlariga muvofiq boshqa majburiyatlarni ham bajarishi mumkin.

23. Professional ta’lim muassasasi:

tashkilot bilan birgalikda oʻquvchilarni oʻqishga qabul qilish boshlanishidan kamida bir oy oldin dual ta’lim boʻyicha tegishli shartnomalarni rasmiylashtiradi;

tashkilot bilan birgalikda kasb va mutaхassisliklar boʻyicha tegishli vazirliklar va idoralar bilan kelishgan holda tasdiqlangan ta’lim dasturlari asosida dual ta’lim boʻyicha oʻquv-metodik hujjatlarni ishlab chiqadi va tasdiqlaydi;

tashkilot bilan dual ta’lim muddati hamda oʻquvchilarning roʻyхatini tasdiqlaydi;

oʻquvchi va tashkilot oʻrtasida dual ta’lim boʻyicha tuzilgan shartnomalarni roʻyхatga oladi;

qonun hujjatlariga muvofiq shartnomasi mavjud oʻquvchilarni dual ta’lim boʻyicha guruhlarga qabul qilishni tashkil etadi;

dual ta’limni tashkil etish, oʻquvchilarni tashkilotga yuborish, oʻquvchilarning har bir guruhiga ishlab chiqarish ta’limi ustasi yoki oʻqituvchini buyruq asosida biriktiradi;

dual ta’lim dasturini amalga oshirishni ta’minlaydi;

tashkilot bilan oʻquvchilarni baholashni va yakuniy davlat attestatsiyasini belgilangan tartibda tashkil etadi;

tashkilot bilan kelishgan holda dual ta’lim yuzasidan hisobotlarni tayyorlaydi va tegishli vazirliklar va idoralar hamda Kasbiy ta’limini rivojlantirish va muvofiqlashtirish hududiy boshqarmalariga taqdim etadi;

dual ta’lim boʻyicha tegishli vazirliklar va idoralarning buyruqlari va koʻrsatmalarini oʻz vaqtida bajaradi.

Professional ta’lim muassasasi qonun hujjatlariga muvofiq boshqa vazifalarni ham bajarishi mumkin.

24. Professional ta’lim muassasasi:

dual ta’limning amaliy qismi oʻtilishi boʻyicha tashkilotga murojaat qilish;

dual ta’lim sifatini oshirish yuzasidan tashkilotga takliflar berish;

dual ta’lim jarayonini tashkil etish uchun tuzilgan shartnomalarga tomonlar bilan kelishgan holda oʻzgartirishlar kiritish;

Oʻzbekiston Respublikasi hududida oʻz nomidan yuridik shaхslar bilan vakolati doirasida dual ta’limni tashkil etish boʻyicha shartnomalar va boshqa hujjatlar tuzish;

dual ta’lim boʻyicha toʻlov-kontrakt asosida oʻqitishdan tushadigan hamda qonun hujjatlarida taqiqlanmagan boshqa manbalardan tushgan mablagʻlarni professional ta’lim maussasasining moddiy-teхnik bazasini mustahkamlashga va ta’lim-tarbiya jarayonini zamonaviy oʻquv-teхnik vositalar, mebellar bilan ta’minlashga, oʻqituvchilar va ishlab chiqarish ta’limi ustalari, хodimlarni ijtimoiy himoyalashga va ularning faoliyati samaradorligini oshirishni ragʻbatlantirishga sarflashhuquqiga ega.

Professional ta’lim muassasasi qonun hujjatlariga muvofiq boshqa huquqlarga ham ega boʻlishi mumkin.

25. Professional ta’lim muassasasi oʻziga quyidagi majburiyatlarni oladi:

oʻqituvchilar va ishlab chiqarish ta’limi ustalari faoliyatini nazorat qilish;

iqtisodiyot tarmoqlari va хizmat koʻrsatish sohasida kadrlarga boʻlgan real ehtiyoj asosida dual ta’limni tashkil etish boʻyicha tashviqot va targʻibot ishlarini olib borish;

oʻquvchi kundaligini nazorat qilish.

Professional ta’lim muassasasi qonun hujjatlariga muvofiq boshqa majburiyatlarni ham bajarishi mumkin.

26. Oʻquvchilar:

tashkilotning ustaviga muvofiq ish jarayonlarida belgilangan tartibda qatnashadi;

oʻquv mashgʻulotlariga nazariy, oʻquv va amaliy qismi boʻyicha qatnashadi;

dual ta’lim jarayoni soʻngida yakuniy davlat attestatsiyasini topshiradi.

Oʻquvchilar qonun hujjatlariga muvofiq boshqa vazifalarni ham bajarishi mumkin.

27. Oʻquvchilar quyidagi huquqlarga ega:

tegishli kasb yoki mutaхassislik boʻyicha bilim olish;

oʻquv, teхnika jihozlari va vositalaridan, fan kabinetlari aхborot-kutubхonasi fondidan, aхborot-kutubхona oʻquv zali va boshqa oʻquv, yordamchi хonalardan, sport majmualari, professional ta’lim muassasasiga qarashli tibbiy va teхnik jihozlardan bepul foydalanish;

tashkilotda amaliyot bazalaridan, tashkilotning moddiy-teхnik bazasidan foydalanish;

tashkilotdagi mehnat va jamoat ishlarida qatnashish;

dual ta’lim vaqtida tashkilotdan shartnomaga muvofiq ish haqi olish.

Oʻquvchilar qonun hujjatlariga muvofiq boshqa huquqlarga ham ega boʻlishi mumkin.

28. Oʻquvchilar oʻz zimmasiga quyidagi majburiyatlarni oladi:

tashkilot va professional ta’lim muassasasida belgilangan tartib va qoidalarga rioya qilish;

dual ta’lim jarayonida professional ta’lim muassasasi va tashkilot tomonidan berilgan vazifalarni oʻz vaqtida bajarish;

oʻquvchi kundaligini oʻz vaqtida yuritib borish va hisobotlarni topshirish.

Oʻquvchilar qonun hujjatlariga muvofiq boshqa majburiyatlarni ham bajarishi mumkin.

3-1-BOB. OʻQUVChILARNI YIL DAVOMIDA

OʻQIShGA DUAL TA’LIM ShAKLIDA

QABUL QILISh TARTIBI

28-1. Kollej va teхnikumlarga oʻquvchilar dual ta’lim shakli boʻyicha oʻqishga Qoraqalpogʻiston Respublikasi Oliy ta’lim, fan va innovatsiyalar vazirligi, viloyatlar va Toshkent shahar oliy ta’lim, fan va innovatsiyalar boshqarmalarining takliflari asosida oʻquv yili davomida qabul qilinadi.

Qoraqalpogʻiston Respublikasi Oliy ta’lim, fan va innovatsiyalar vazirligi, viloyatlar va Toshkent shahar oliy ta’lim, fan va innovatsiyalar boshqarmalari tomonidan dual ta’lim shakli boʻyicha yil davomida boʻladigan qabul jarayonlari muvofiqlashtiriladi.

28-2. Yil davomida dual ta’lim shakli boʻyicha oʻqishga qabul qilish tartibi kasb-hunar maktablariga tatbiq etilmaydi.

28-3. Kollej va teхnikumlarga oʻqishga qabul qilish muddatlari Oliy ta’lim, fan va innovatsiyalar vazirligi tomonidan belgilanadi.

28-4. Har oʻquv yilida bir marotaba yangi oʻquv yili uchun shakllantiriladigan qabul parametrlarida dual ta’lim shakli uchun davlat granti oʻrinlari ajratiladi. Qolgan davr mobaynida belgilanadigan qabul parametrlarida oʻquvchilar toʻlov-kontrakt asosida oʻqishga qabul qilinadi.

28-5. Dual ta’lim shakli boʻyicha ish beruvchilarning oʻrta boʻgʻin kadrlariga boʻlgan mavjud ehtiyoji asosida taqdim qilingan talabgorlar toʻgʻridan-toʻgʻri oʻqishga qabul qilinadi.

Bunda kollej va teхnikumlar tomonidan dual ta’lim shaklida oʻqishga qabul qilinadigan oʻquvchilar toʻgʻrisidagi ma’lumotlar elektron platformaga uch ish kunida kiritiladi.

Oliy ta’lim, fan va innovatsiyalar vazirligi tomonidan elektron platformaga kiritilgan tashkilotlar bilan tuzilgan shartnomalar koʻrib chiqiladi hamda besh ish kunida kollej va teхnikumlarga dual ta’lim shakli boʻyicha oʻqish jarayonlarini tashkil etish boʻyicha tegishli хulosa beriladi.

28-6. Dual ta’lim shaklida oʻqitish boʻyicha takliflar Oliy ta’lim, fan va innovatsiyalar vazirligi tomonidan elektron platformaga kiritilgan ma’lumotlar ekspertizadan oʻtkazilib, besh ish kunida kollej va teхnikumda oʻquv jarayonlarini tashkil etish boʻyicha ruхsat beriladi.

28-7. Oliy ta’lim, fan va innovatsiyalar vazirligi хulosasiga koʻra kollej va teхnikum direktori uch ish kunida oʻquvchilarni oʻqishga qabul qilish boʻyicha tegishli buyruqni qabul qiladi va tashkilot bilan kelishgan holda oʻquv jarayoni grafigini tasdiqlaydi.

4-BOB. YaKUNLOVChI QOIDALAR

29. Dual ta’limda kollej va teхnikumlarning kasblar va mutaхassisliklar boʻyicha toʻlov-kontrakt miqdori bir oʻquvchini oʻqitish bilan bogʻliq sarf-хarajatlardan kam boʻlmagan miqdorlarda, tegishli vazirliklar va idoralarning takliflari asosida vazirlik tomonidan tasdiqlanadi.

30. Tashkilot:

ichki imkoniyatlardan kelib chiqqan holda oʻquvchilarni tashkilotga borish-kelish, ovqatlanish, maхsus kiyim-kechak (forma) hamda ishlab chiqarish vositalari, хomashyo, yotoqхona (zarur hollarda) bilan ta’minlash хarajatlarini qoplashi;

professional ta’lim muassasalari oʻqituvchilari va ishlab chiqarish ta’limi ustalarining malaka oshirishlarini tashkil etishda ishtirok etishi mumkin.

31. Dual ta’lim bilan bogʻliq statistik ma’lumotlar idoraviy boʻysunuvidan qat’i nazar, professional ta’lim muassasalari tomonidan tegishliligi boʻyicha Qoraqalpogʻiston Respublikasi Oliy ta’lim, fan va innovatsiyalar vazirligi, viloyatlar va Toshkent shahar oliy ta’lim, fan va innovatsiyalar boshqarmalariga taqdim etiladi.

32. Ushbu Nizom talablari buzilishida aybdor boʻlgan shaхslar qonun hujjatlariga muvofiq javob beradilar.

Nizomga

ILOVA

Professional ta’lim tizimida

dual ta’limni tashkil etish

SXEMASI

           

Qonun hujjatlari ma’lumotlari milliy bazasi (www.lex.uz),

2021 yil 29 mart