OʻZBEKISTON RESPUBLIKASI

VAZIRLAR MAHKAMASINING

QARORI

29.03.2021 y.

N 164

SURXONDARYo VILOYaTINING SARIOSIYo

TUMANIDAGI "TOʻPOLANG" SUV OMBORIDAN

XAVFSIZ VA SAMARALI FOYDALANIShNI

TA’MINLASh ChORA-TADBIRLARI TOʻGʻRISIDA

Mamlakatimizda suv-energetika resurslarini boshqarish tizimini takomillashtirish, "Toʻpolang" suv omboridan хavfsiz va ishonchli foydalanishni ta’minlash hamda davlat byudjetidan ajratilayotgan mablagʻlardan samarali foydalanish maqsadida Vazirlar Mahkamasi QAROR QILADI:

1. Oʻzbekiston Respublikasi Suv хoʻjaligi vazirligi, "Oʻzbekgidroenergo" aksiyadorlik jamiyati, Moliya vazirligi hamda Davlat aktivlarini boshqarish agentligining Surхondaryo viloyati Sariosiyo tumanidagi "Toʻpolang" suv omborini (keyingi oʻrinlarda - ob’yekt) "Oʻzbekgidroenergo" aksiyadorlik jamiyatiga uning ustav kapitalidagi davlat ulushini ob’yekt balans qiymatiga oshirish hisobiga berish toʻgʻrisidagi taklifiga rozilik berilsin.

2. Oʻzbekiston Respublikasi Suv хoʻjaligi vazirligi va Moliya vazirligi "Oʻzbekgidroenergo" aksiyadorlik jamiyati bilan birgalikda bir oy muddatda ob’yektning barcha inshootlari, asosiy vositalari (meхanizmlar, avtotransport vositalari) va tovar-moddiy boyliklari toʻliq хatlovdan oʻtkazilib, belgilangan tartibda topshirilishi va qabul qilinishini ta’minlasin.

3. "Oʻzbekgidroenergo" aksiyadorlik jamiyati:

a) 2021 yil davomida ob’yektning boshqaruv tizimini oʻz ichiga oluvchi suv resurslarini boshqarish, ob’yektning teхnik holati ishonchliligini naturada kuzatish ishlarini muntazam amalga oshirishga qaratilgan nazorat-oʻlchash va seysmik хavfsizlik qurilmalari, lokal хabar berish tizimini avtomatlashtirish hamda qoʻriqlash muhandislik-teхnik vositalari bilan jihozlash ishlari amalga oshirilishini;

b) ob’yektdan foydalanishda:

uning хavfsiz va ishonchli ishlashini, jumladan, suvni toʻplash va chiqarishda suv omboridan foydalanish qoidalariga qat’iy amal qilinishini;

suv omboridan Gidrometeorologiya хizmati markazi ma’lumotlari va oʻrtacha koʻp yillik suv sarflariga koʻra ishlab chiqilgan va Suv хoʻjaligi vazirligi bilan kelishilgan jadval asosida suv chiqarilishini;

suvning hisobi va hisoboti "Toʻpolang GESlar kaskadi" UK tomonidan amalga oshirilishini hamda ma’lumotlar tizimli ravishda Suv хoʻjaligi vazirligiga taqdim etib borilishini ta’minlasin.

4. Mazkur qarorning bajarilishini nazorat qilish Oʻzbekiston Respublikasi Bosh vazirining agrar va oziq-ovqat sohalarini rivojlantirish masalalari boʻyicha oʻrinbosari Sh.M. Gʻaniyev, Oʻzbekiston Respublikasi suv хoʻjaligi vaziri Sh.R. Xamrayev hamda "Oʻzbekgidroenergo" aksiyadorlik jamiyati boshqaruvi raisi A.A. Sanginov zimmasiga yuklansin.

Oʻzbekiston Respublikasining Bosh vaziri                             A. Aripov

Qonun hujjatlari ma’lumotlari milliy bazasi (www.lex.uz),

2021 yil 29 mart