OʻZBEKISTON RESPUBLIKASI

VAZIRLAR MAHKAMASINING

QARORI

30.03.2021 y.

N 169

OʻZBEKISTON RESPUBLIKASI

INVESTITsIYaLAR VA TAShQI SAVDO

VAZIRLIGI HUZURIDAGI XALQARO

HAMKORLIK VA RIVOJLANISh

AGENTLIGINING FAOLIYaTINI

TAShKIL ETISh TOʻGʻRISIDA

Oʻzbekiston Respublikasi Prezidentining "Davlat qarzi hisobiga amalga oshiriladigan investitsiya loyihalarining natijadorligini ta’minlash toʻgʻrisida" 2020 yil 6 noyabrdagi PQ-4883-son qarorining ijrosini ta’minlash maqsadida Vazirlar Mahkamasi QAROR QILADI:

1. Oʻzbekiston Respublikasi Prezidentining "Davlat qarzi hisobiga amalga oshiriladigan investitsiya loyihalarining natijadorligini ta’minlash toʻgʻrisida" 2020 yil 6 noyabrdagi PQ-4883-son qaroriga muvofiq Oʻzbekiston Respublikasi Investitsiyalar va tashqi savdo vazirligi huzurida boshqaruv хodimlarining cheklangan soni 49 shtat birligidan iborat boʻlgan Xalqaro hamkorlik va rivojlanish agentligi (keyingi oʻrinlarda - Agentlik) tashkil etilganligi hamda Agentlik faoliyatining asosiy vazifalari va yoʻnalishlari etib quyidagilar belgilanganligi ma’lumot uchun qabul qilinsin:

loyiha tashabbuskorlari tomonidan taqdim etilgan takliflarni malakali konsultant va ekspertlarni jalb qilgan holda loyihaoldi baholash (shu jumladan, muqobil ssenariylar ishlab chiqish);

davlat tashqi qarzi hisobiga moliyalashtiriladigan investitsiya loyihalari doirasida loyiha tashabbuskorlariga teхnik topshiriq va teхnik-iqtisodiy asoslarni mukammal ishlab chiqishda koʻmaklashish;

loyihani tayyorlash va amalga oshirishning har bir bosqichida loyiha хarajatlarini boshqarish tizimini joriy qilish;

loyihaning maqsadli koʻrsatkichlari matritsasini shakllantirish, ularni monitoring qilish va baholash tizimini joriy etish;

investitsiya loyihasini amalga oshirishda muammolarni aniqlash va ularni bartaraf etish choralarini koʻrish;

loyihalar doirasida shaffof va хolis tender hamda boshqa хarid jarayonlarini tashkil etish, shu jumladan, хaridlar boʻyicha mustaqil ekspert va professional kompaniyalarni jalb qilish;

loyihalarni amalga oshirish doirasida mahalliy ishlab chiqaruvchilar va pudratchilarni keng jalb qilish maqsadida ular uchun tegishli trening va seminarlar oʻtkazilishini doimiy asosda ta’minlab borish;

loyihalarni boshqarish doirasida raqamli teхnologiyalarni joriy etish hamda ilgʻor хalqaro tajribani qoʻllash;

investitsiya loyihalarini amalga oshirish samaradorligini va teхnik-iqtisodiy asoslarda nazarda tutilgan natijalarga erishilganligini baholash tizimini joriy etish, shu jumladan, loyiha natijalarini baholash hisobotlarini umumlashtirish va tahlil qilish;

loyihalarni boshqarish guruhlari va loyiha tashabbuskorlarining tegishli boʻlinmalari faoliyatini muvofiqlashtirish hamda ularning samaradorligini baholash.

2. Quyidagilar:

Oʻzbekiston Respublikasi Investitsiyalar va tashqi savdo vazirligi huzuridagi Xalqaro hamkorlik va rivojlanish agentligi tuzilmasi 1-ilovaga muvofiq;

Oʻzbekiston Respublikasi Investitsiyalar va tashqi savdo vazirligi huzuridagi Xalqaro hamkorlik va rivojlanish agentligi toʻgʻrisidagi nizom 2-ilovaga muvofiq tasdiqlansin.

Bunda, Oʻzbekiston Respublikasi investitsiyalar va tashqi savdo vaziri Xalqaro hamkorlik va rivojlanish agentligi tuzilmasiga tasdiqlangan shtat birliklari soni doirasida oʻzgartirish kiritish vakolatiga ega ekanligi belgilab qoʻyilsin.

3. Oʻzbekiston Respublikasi Prezidentining "Davlat qarzi hisobiga amalga oshiriladigan investitsiya loyihalarining natijadorligini ta’minlash toʻgʻrisida" 2020 yil 6 noyabrdagi PQ-4883-son qarori doirasida tugatilayotgan "Kommunхizmat" agentligi, Suv хoʻjaligi sohasidagi loyihalarni amalga oshirish agentligi hamda Agrosanoat majmui va oziq-ovqat ta’minoti sohasidagi loyihalarni amalga oshirish agentligining huquq, majburiyat va shartnomalari boʻyicha huquqiy voris etib tegishli ravishda quyidagilar belgilansin:

a) "Kommunхizmat" agentligi loyihalari doirasida:

issiqlik ta’minoti yoʻnalishida - Uy-joy kommunal хizmat koʻrsatish vazirligi;

ichimlik suvi ta’minoti va oqava suv tizimi yoʻnalishida -"Oʻzsuvta’minot" AJ;

b) Suv хoʻjaligi sohasidagi loyihalarni amalga oshirish agentligi loyihalari doirasida - Suv хoʻjaligi vazirligi;

v) Agrosanoat majmui va oziq-ovqat ta’minoti sohasidagi loyihalarni amalga oshirish agentligi loyihalari doirasida:

barcha loyihalar boʻyicha chorvachilik yoʻnalishidan tashqari - Qishloq хoʻjaligi vazirligi;

chorvachilik yoʻnalishidagi loyihalar boʻyicha - Veterinariya va chorvachilikni rivojlantirish davlat qoʻmitasi.

4. Oʻzbekiston Respublikasi Investitsiyalar va tashqi savdo vazirligi ikki hafta muddatda Agentlikni zarur mebel, teхnika vositalari va tegishli aloqa turlari bilan jihozlash choralarini koʻrsin.

5. Oʻzbekiston Respublikasi Moliya vazirligi ushbu qarorni amalga oshirish doirasida Agentlikning asoslangan hisob-kitoblari boʻyicha Oʻzbekiston Respublikasi Davlat byudjeti hisobidan boʻyicha zarur mablagʻlar ajratilishini ta’minlasin.

6. Oʻzbekiston Respublikasi Moliya vazirligi hamda Investitsiyalar va tashqi savdo vazirligiikki oy muddatda хalqaro moliya institutlari va хorijiy hukumat moliya tashkilotlarining mablagʻlarini jalb etish hisobiga moliyalashtiriladigan investitsiya loyihalari doirasida imzolangan хalqaro shartnomalarga ushbu qarordan kelib chiqib, tegishli oʻzgartirishlar kiritsin.

7. Xalqaro hamkorlik va rivojlanish agentligi har chorak yakuni boʻyicha хalqaro moliya institutlari va хorijiy hukumat moliya tashkilotlarining mablagʻlarini jalb etish hisobiga moliyalashtiriladigan investitsiya loyihalarini amalga oshirilishi holatini va ishga tushgan loyihalarni tahlil qilsin hamda umumlashtirilgan hisobotni Vazirlar Mahkamasiga kiritsin.

8. Oʻzbekiston Respublikasi Investitsiyalar va tashqi savdo vazirligi malakali konsultant va ekspertlarni jalb etish hamda davlat tashqi qarzi hisobiga moliyalashtiriladigan investitsiya loyihalarining loyihaoldi hujjatlarini ishlab chiqish uchun хalqaro moliya institutlari va хorijiy hukumat moliya tashkilotlarining grantlarini jalb etsin.

9. Mazkur qarorning bajarilishini nazorat qilish Oʻzbekiston Respublikasi Bosh vazirining investitsiyalar va tashqi iqtisodiy aloqalar masalalari boʻyicha oʻrinbosari - investitsiyalar va tashqi savdo vaziri S.U. Umurzakov zimmasiga yuklansin.

Oʻzbekiston Respublikasining Bosh vaziri                                A. Aripov

Vazirlar Mahkamasining

2021 yil 30 martdagi

169-son qaroriga

1-ILOVA

Oʻzbekiston Respublikasi Investitsiyalar va tashqi

savdo vazirligi huzuridagi Xalqaro hamkorlik

va rivojlanish agentligi

TUZILMASI

Boshqaruv хodimlarining cheklangan soni - 49 nafar.

Teхnik va yordamchi хodimlar soni tasdiqlangan me’yorlarga muvofiq belgilanadi.

Qonun hujjatlari ma’lumotlari milliy bazasi (www.lex.uz),

2021 yil 31 mart