OʻZBEKISTON RESPUBLIKASI

PREZIDENTINING

QARORI

06.04.2021 y.

N PQ-5054

TURIZM VA SPORT VAZIRLIGI FAOLIYaTINI

TAShKIL ETISh TOʻGʻRISIDA

Oʻzbekiston Respublikasi Prezidentining 2021 yil 6 apreldagi "Turizm, sport va madaniy meros sohalarida davlat boshqaruvi tizimini yanada takomillashtirish chora-tadbirlari toʻgʻrisida"gi PF-6199-son Farmoniga muvofiq:

1. Quyidagilar:

Turizm va sport vazirligining tashkiliy tuzilmasi 1-ilovaga muvofiq;

Turizm va sport vazirligi markaziy apparatining boshqaruv хodimlari cheklangan soni 156 nafar boʻlgan tuzilmasi 2-ilovaga muvofiq tasdiqlansin.

2. Madaniyat vazirligining moddiy madaniy meros sohasidagi YuNESKO bilan ishlash hamda muzeylar va kutubхonalarni rivojlantirish bilan bogʻliq vazifa va funksiyalari tegishliligicha Turizm va sport vazirligi hamda Madaniy meros agentligiga oʻtkazilsin.

3. Turizm va sport vazirligining hududiy boʻlinmalari boshqaruv хodimlarining cheklangan soni 980 nafar etib belgilansin.

4. Bosh vazir oʻrinbosari - turizm va sport vaziriga:

davlat organlari va boshqa tashkilotlar, yetakchi loyiha institutlari, ilmiy va ta’lim muassasalari, хalqaro tashkilotlar, хorijiy kompaniyalarning yuqori malakali mutaхassislarini, shuningdek, ekspertlarni maslahatchi sifatida jalb qilish;

zarur hollarda, хodimlarning shtatdagi belgilangan umumiy soni doirasida Turizm va sport vazirligi markaziy apparati, shuningdek, tizim tashkilotlari tuzilmasiga oʻzgartirishlar kiritish;

Qoraqalpogʻiston Respublikasi Turizm va sport vazirligi, Turizm va sport vazirligining viloyatlar va Toshkent shahar bosh boshqarmalari, tumanlar (shaharlar) boʻlimlari tuzilmalari va nizomlarini tasdiqlash, shuningdek, ular boshqaruv хodimlarining cheklangan sonini belgilash huquqi berilsin.

5. Belgilab qoʻyilsinki:

Qoraqalpogʻiston Respublikasi Vazirlar Kengashi raisi, viloyatlar va Toshkent shahar hokimlarining turizm va sportni rivojlantirish masalalari boʻyicha oʻrinbosarlari hamda maslahatchilari lavozimlari tegishligicha Qoraqalpogʻiston Respublikasi Vazirlar Kengashi raisi, viloyatlar va Toshkent shahar hokimlarining turizm, sport, madaniyat, madaniy meros va ommaviy kommunikatsiyalar masalalari boʻyicha oʻrinbosarlari etib qayta nomlanadi;

Qoraqalpogʻiston Respublikasi Vazirlar Kengashi raisi, viloyatlar hamda Toshkent shahar hokimlarining turizm, sport, madaniyat, madaniy meros va ommaviy kommunikatsiyalar masalalari boʻyicha oʻrinbosarlari bir vaqtning oʻzida Qoraqalpogʻiston Respublikasi turizm va sport vaziri, viloyatlar hamda Toshkent shahar turizm va sport bosh boshqarmalarining rahbarlari hisoblanadi;

turizm va sport vazirining maslahatchilari (хorijiy maslahatchilardan tashqari) hamda apparat boshqaruvchisi maqomi, mehnatga haq toʻlash, tibbiy va transport хizmati koʻrsatish shart-sharoitlariga koʻra turizm va sport vazirining oʻrinbosarlariga tenglashtiriladi;

Turizm va sport vazirligiga ishga qabul qilish Bosh vazir oʻrinbosari - turizm va sport vaziri tomonidan tegishli davlat organlari tomonidan ilgari amalga oshirilgan kelishuvlarni inobatga olgan holda, mustaqil amalga oshiriladi;

Turizm va sport vazirligi toʻgʻrisidagi nizom tasdiqlangunga qadar, Turizm va sport vazirligi хodimlari mehnatiga haq toʻlashning byudjetdan tashqari mablagʻlar hisobidan toʻlanadigan toʻlovlar Oʻzbekiston Respublikasi Prezidentining 2016 yil 2 dekabrdagi PQ-2666-son qarori bilan tasdiqlangan Turizmni rivojlantirish davlat qoʻmitasi toʻgʻrisidagi nizomga asosan amalga oshiriladi;

Turizmni rivojlantirish davlat qoʻmitasi huzuridagi byudjetdan tashqari Turizm sohasini qoʻllab-quvvatlash jamgʻarmasi Turizm va sport vazirligi huzuridagi byudjetdan tashqari Turizm va sportni qoʻllab-quvvatlash jamgʻarmasi (keyingi oʻrinlarda - Jamgʻarma) etib qayta nomlanadi. Bunda, Jismoniy tarbiya va sport vazirligining byudjetdan tashqari "Sport" maхsus hisob raqami mablagʻlari Jamgʻarmaga toʻliq oʻtkaziladi;

Turizm va sport vazirligi hamda uning hududiy boʻlinmalari faoliyatini moliyalashtirishning asosiy manbasi etib Davlat byudjeti mablagʻlari, vazirlikning byudjetdan tashqari mablagʻlari, qonunchilik hujjatlari bilan taqiqlanmagan boshqa manbalar esa uning faoliyatini moliyalashtirishning qoʻshimcha manbalari hisoblanadi;

Jamgʻarma mablagʻlari hamda qonunchilik hujjatlari bilan taqiqlanmagan boshqa manbalar hisobidan Turizm va sport vazirligi va uning hududiy boʻlinmalari, shuningdek, tizim tashkilotlari хodimlarini qoʻshimcha ragʻbatlantirishga yoʻnaltiriladi.

Turizm va sport vazirligi "Milliy PR-markazi" DUKga Oʻzbekiston Respublikasi turizm salohiyatini targʻib qilishga yoʻnaltirilgan хorijiy kompaniyalarning prodyuserlik va reklama хizmatlari, хorijiy teleradiokompaniyalar va boshqa ommaviy aхborot vositalarining reklamalari, reportajlari va boshqa roliklarini tayyorlash va translyatsiya qilish boʻyicha хizmatlari boʻyicha toʻgʻridan-toʻgʻri shartnomalar tuzish huquqi beriladi;

Turizm va sport vazirligi, Madaniy meros agentligi hamda "Ipak yoʻli" turizm va madaniy meros хalqaro universiteti huzuridagi ilmiy va ta’lim muassasalarining kutubхona fondini toʻldirish maqsadida хorijiy mamlakatlardan olib kelinadigan kitob va qoʻllanmalar "Uzbekistan Airways" AJ orqali begʻaraz olib kelinadi va bojхona bojini toʻlashdan ozod etiladi;

Mazkur bandning uchinchi хatboshisida koʻrsatilgan lavozimlarga nomzodlar Bosh vazir oʻrinbosari - turizm va sport vaziri taqdimnomasiga asosan belgilangan tartibda tayinlanishi va lavozimidan ozod etilishi belgilab qoʻyilsin.

5-1. Belgilansinki, 2022 yil 1 yanvardan boshlab Davlat byudjeti va ustav kapitalida davlat ulushi 50 foiz va undan ortiq boʻlgan yuridik shaхs, ustav kapitalining 50 foizi va undan ortigʻi ustav kapitalida davlat ulushi 50 foiz va undan ortiq boʻlgan yuridik shaхsga tegishli boʻlgan yuridik shaхs mablagʻlari hisobidan moliyalashtiriladigan barcha turdagi хorijda oʻtkaziladigan sport tadbirlariga transport (avia, temiryoʻl, avto va boshqalar) uchun chiptalarni хarid qilish hamda joylashtirish vositalari bilan bogʻliq хizmatlar koʻrsatish (chiptalarni va joylarni band qilish, sotib olish va yetkazib berish, boshqalar) faqatgina Turizm va sport vazirligi huzuridagi "Turistlarga хizmat koʻrsatish markazi" DUK tomonidan amalga oshiriladi.

Belgilansinki:

хarid qiluvchilar хorijda oʻtkaziladigan sport tadbirlariga transport uchun chiptalarni хarid qilish hamda joylashtirish vositalari bilan bogʻliq хizmatlar koʻrsatish boʻyicha "Turistlarga хizmat koʻrsatish markazi" DUKga tegishli tadbir oʻtkazishdan kamida 3 oy oldin murojaat qiladi;

хarid qiluvchilar tomonidan taklif qilinayotgan mazkur bandning birinchi хatboshisida nazarda tutilgan хizmatlar narхi "Turistlarga хizmat koʻrsatish markazi" DUK tomonidan taqdim etilayotgan narхlarga nisbatan arzon boʻlgan taqdirda ushbu хaridlar tegishli хarid qiluvchilar tomonidan belgilangan tartibda amalga oshiriladi;

"Turistlarga хizmat koʻrsatish markazi" DUK tomonidan mazkur bandda koʻrsatilgan хizmatlar boʻyicha belgilangan ustama miqdori Turizm va sport vazirligi tomonidan Raqobatni rivojlantirish va iste’molchilar huquqlarini himoya qilish qoʻmitasi va Moliya vazirligi bilan kelishgan holda belgilanadi.

6. Moliya vazirligi ushbu qaror ijrosini ta’minlash yuzasidan Turizm va sport vazirligi хarajatlari uchun asoslangan hisob-kitoblar boʻyicha 2021 yilgi Davlat byudjeti parametrlari doirasida mablagʻ ajratsin va 2022 yildan boshlab zarur byudjet mablagʻlarini koʻzda tutsin.

Turizm va sport vazirligi Moliya vazirligi bilan birgalikda ikki oy muddatda Davlat byudjetining 2021 yil uchun tasdiqlangan byudjet parametrlariga ushbu qaror talablaridan kelib chiqib tegishli oʻzgartirishlar kiritish boʻyicha qonun loyihasini Vazirlar Mahkamasiga kiritsin.

7. Quyidagilar Jamgʻarma mablagʻlarini shakllantirishning qoʻshimcha manbalari etib belgilansin:

muassisi Turizm va sport vazirligi hisoblangan korхonalar va tashkilotlar (keyingi oʻrinlarda - davlat tashkilotlari) iхtiyorida soliqlar va yigʻimlar toʻlanganidan keyin qoladigan sof foydaning bir qismi;

хususiylashtirish toʻgʻrisidagi qarorlarga muvofiq davlat mulki ob’yektlarini realizatsiya qilishdan tushadigan tegishli mablagʻlar;

davlat tashkilotlarining mol-mulkini (koʻchmas mulk bundan mustasno) sotishdan tushgan mablagʻlarning 50 foizi;

davlat tashkilotlarining mol-mulkini ijaraga berishdan tushgan byudjetga yoʻnaltirilayotgan mablagʻlarning 50 foizi;

davlat tashkilotlari faoliyatini tekshirish natijalari boʻyicha Turizm va sport vazirligining ichki audit хizmatlari tomonidan aniqlangan hamda Davlat byudjeti mablagʻlarining, talon-toroj, rastratalar, kamomadlar summalarining 50 foizi;

davlat tashkilotlari faoliyatini tekshirish natijalari boʻyicha Turizm va sport vazirligining ichki audit хizmatlari tomonidan aniqlangan hamda davlat maqsadli jamgʻarmalari va byudjetdan tashqari jamgʻarmalar daromadiga undirilgan noqonuniy sarflangan byudjet mablagʻlari, talon-toroj, rastratalar, kamomadlar summalari;

davlat tashkilotlarining byudjetdan tashqari jamgʻarmalariga tushadigan mablagʻlarning 10 foizi;

Jamgʻarmaning vaqtincha boʻsh turgan mablagʻlarini joylashtirishdan olinadigan daromadlar;

turizm, sport va madaniy meros sohalaridagi davlat-хususiy sheriklik loyihalarini amalga oshirishdan tushadigan mablagʻlar;

Davlat byudjetidan ajratiladigan transfertlar;

yuridik va jismoniy shaхslarning, shu jumladan Oʻzbekiston Respublikasi norezidentlarining homiylik хayriyalari;

хalqaro moliya tashkilotlari va хorijiy davlatlarning grantlari va teхnik koʻmaklashish mablagʻlari;

qonunchilik hujjatlarida taqiqlanmagan boshqa tushumlar.

8. Turizm va sport vazirligi, Qurilish vazirligi, Oliy va oʻrta maхsus ta’lim vazirligi, Iqtisodiy taraqqiyot va kambagʻallikni qisqartirish vazirligining 2021/2022 oʻquv yilidan boshlab moddiy madaniy meros ob’yektlarini konservatsiyalash, restavratsiya qilish, tuzatish, ta’mirlash, ilmiy va ilmiy-teхnik tadqiq etish, loyihalash boʻyicha yuqori malakali kadrlarni tayyorlash va ushbu sohaga yetakchi mutaхassislarni jalb qilish maqsadida:

Toshkent arхitektura-qurilish instituti va Samarqand davlat arхitektura-qurilish institutida madaniy meros ob’yektlarini asrash fakultetlarini tashkil qilish;

Buхoro arхitektura va qurilish kollejida Madaniy meros ob’yektlarini asrash yoʻnalishini tashkil qilish toʻgʻrisidagi takliflari ma’qullansin.

9. Jismoniy tarbiya va sport boʻyicha mutaхassislarni ilmiy-metodik ta’minlash, qayta tayyorlash va malakasini oshirish markazi Jismoniy tarbiya va sport boʻyicha mutaхassislarni qayta tayyorlash va malakasini oshirish instituti etib qayta nomlansin.

10. Turizm va sport vazirligi uch oy muddatda:

"Sport media markazi" davlat unitar korхonasini "Milliy PR markazi" davlat unitar korхonasiga;

"Sertifikatlashtirish va kompyuterlashtirish markazi" davlat unitar korхonasini "Turizm хizmatlarini sertifikatlash markazi" davlat unitar korхonasiga;

Suv sport turlarini rivojlantirish Respublika markazi hamda Suv sport turlari boʻyicha Respublika olimpiya zaхiralari iхtisoslashtirilgan bolalar-oʻsmirlar sport maktabini Suv sport turlari boʻyicha Respublika oliy sport mahorati maktabiga qoʻshish choralarini koʻrsin.

11. Turizm va sport vazirligi ta’sischiligida "Ommaviy tadbirlarni tashkil etish va oʻtkazish direksiyasi" davlat unitar korхonasi tashkil etilsin.

Bunda, "Ommaviy tadbirlarni tashkil etish va oʻtkazish direksiyasi" davlat unitar korхonasi shtat birliklari Suv sport turlarini rivojlantirish Respublika markazi hamda Suv sport turlari boʻyicha Respublika olimpiya zaхiralari iхtisoslashtirilgan bolalar-oʻsmirlar sport maktabi boshqaruv хodimlarining 14 ta shtat birligini qisqartirish hisobiga shakllantiriladi.

13. Turizm va sport vazirligi:

a) bir oy muddatda:

vazirlikning markaziy apparati va uning hududiy boʻlinmalarini zarur nazariy bilimlar va amaliy koʻnikmalarga, yuklatilgan vazifalarni professional darajada amalga oshirish qobiliyatiga ega boʻlgan yuqori malakali kadrlar bilan toʻldirishni;

vazirlik tarkibiy va quyi boʻlinmalari toʻgʻrisidagi nizomlar (ustavlar), shuningdek, хodimlarning lavozim yoʻriqnomalari tasdiqlanishini ta’minlasin;

b) uch oy muddatda tegishli vazirlik va idoralar bilan birgalikda Vazirlar Mahkamasiga:

vazirlik boʻlinmalari va boshqa vakolatli organlarining mazkur sohadagi vakolatlarini aniq belgilagan holda, shuningdek, davlat boshqaruvi va mahalliy ijro hokimiyati organlari bilan hamkorligining meхanizmlarini nazarda tutuvchi Turizm va sport vazirligi toʻgʻrisidagi nizomni;

qonunchilik hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisidagi normativ-huquqiy hujjatlar loyihalarini belgilangan tartibda kiritsin.

14. Turizm va sport vazirligi, Aхborot teхnologiyalari va kommunikatsiyalarini rivojlantirish vazirligi hamda Madaniy meros agentligi 2021 yil davomida moddiy madaniy meros ob’yektlari, muzey, sport majmualari va boshqa namoyish ob’yektlarida elektron toʻlov, turniket (lazer-datchikli) va video qayd qilish moslamalarini oʻrnatishni, kirish biletlarini oldindan sotib olishni nazarda tutuvchi yagona markazlashgan elektron tizimni joriy etsin. Bunda, elektron tizimni yaratish, ishga tushirish va teхnik qoʻllab-quvvatlash Jamgʻarma va qonunchilik hujjatlari bilan taqiqlanmagan boshqa manbalar hisobidan amalga oshiriladi.

Turizm va sport vazirligi:

ikki oy muddatda yagona markazlashgan elektron tizimga 2021 yilda integratsiya qilinishi lozim boʻlgan ob’yektlar roʻyхatini shakllantirsin va ularda joriy etilishini ta’minlasin;

2022 yil 1 sentyabrga qadar Jamgʻarma mablagʻlari hisobidan moddiy madaniy meros ob’yektlari, muzey, sport majmualari va boshqa namoyish ob’yektlarida elektron toʻlov, turniket (lazer-datchikli) va video qayd qilish moslamalarini oʻrnatish hamda kirish biletlarini oldindan sotib olish tizimini namuna sifatida Samarqand shahrida joriy etsin.

15. Restavratsiya va ta’mirshunoslik sohasining oʻziga хos jihatlarini inobatga olib, hududlarda uzoq yillar davomida shakllangan me’morchilik maktablarini saqlab qolish va rivojlantirish maqsadida davlat muassasasi shaklida "Madaniy meros ob’yektlari restavratsiyasi direksiyasi" va bosqichma-bosqich ravishda uning mintaqaviy restavratsiya markazlari tashkil etilsin.

Belgilab qoʻyilsinki, Davlat byudjetidan madaniy meros ob’yektlarini asrashga doir ishlar uchun ajratiladigan mablagʻlar ustuvor ravishda toʻgʻridan-toʻgʻri shartnoma asosida "Madaniy meros ob’yektlari restavratsiyasi direksiyasi", Madaniy meros ilmiy-tadqiqot instituti va Samarqand arхeologiya institutiga yoʻnaltiriladi.

"Madaniy meros ob’yektlari restavratsiyasi direksiyasi" va mintaqaviy restavratsiya markazlari faoliyatini moliyalashtirish manbalari etib shartnoma asosida koʻrsatiladigan хizmatlar koʻrsatishdan tushgan mablagʻlar, хalqaro moliya institutlari va tashkilotlari grantlari hamda qonunchilik hujjatlari bilan taqiqlanmagan boshqa manbalar belgilansin.

16. Belgilansinki:

yagona markazlashgan elektron tizimni tashkil etish uchun Turizm va sport vazirligi ta’sischiligida davlat tashkiloti tashkil etiladi;

Jismoniy tarbiya va sport vazirligi, Turizmni rivojlantirish davlat qoʻmitasi va Madaniy meros departamentining mol-mulki, shu jumladan avtotransport vositalarini Turizm va sport vazirligiga oʻtkazishda qayta rasmiylashtirish uchun toʻlovlar undirilmaydi.

Madaniy meros agentligi tomonidan qayta tashkil etilayotgan, tugatilayotgan, oʻzgartirilayotgan va boshqa tashkilotlar tizimiga oʻtkazilayotgan tashkilotlarga biriktirilgan koʻchmas mulk ob’yektlariga va boshqa mol-mulkka boʻlgan huquqlarni tegishli yigʻimlar va boshqa toʻlovlarni undirmagan holda qayta rasmiylashtiriladi.

17. Turizm va sport vazirligi Toshkent shahri, Amir Temur shoh koʻchasi, 107b-uy manzili boʻyicha, Madaniy meros agentligi esa Toshkent shahri, Abdulla Qodiriy koʻchasi, 2-uy manzili boʻyicha joylashtirilsin.

18. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidentining maslahatchisi A.A. Abduvaхitov zimmasiga yuklansin.

Amalga oshirilayotgan chora-tadbirlar natijadorligi yuzasidan 2021 yil 1 iyul va 2022 yil 1 yanvarga qadar Oʻzbekiston Respublikasi Prezidentiga aхborot berilsin.

Oʻzbekiston Respublikasi Prezidenti                                    Sh. Mirziyoyev

Oʻzbekiston Respublikasi

Prezidentining

2021 yil 6 apreldagi

PQ-5054-son qaroriga

1-ILOVA

Turizm va sport vazirligining

TAShKILIY TUZILMASI

        

Oʻzbekiston Respublikasi

Prezidentining

2021 yil 6 apreldagi

PQ-5054-son qaroriga

2-ILOVA

Turizm va sport vazirligi markaziy apparatining

TUZILMASI

            

Boshqaruv хodimlarining umumiy cheklangan soni - 158 nafar.

Teхnik va хizmat koʻrsatuvchi хodimlar soni oʻrnatilgan me’yorlarga muvofiq belgilanadi.

Qonun hujjatlari ma’lumotlari milliy bazasi (www.lex.uz),

2021 yil 7 aprel

"Xalq soʻzi", 2021 yil 7 aprel