Oʻzbekiston Respublikasi Vazirlar Mahkamasining 27.04.2021 y. 238-son "Oʻzbekiston Respublikasi Vazirlar Mahkamasi huzuridagi Milliy antidoping agentligi toʻgʻrisidagi nizomga oʻzgartirish va qoʻshimchalar kiritish haqida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
27.04.2021 y.
N 238
OʻZBEKISTON RESPUBLIKASI
VAZIRLAR MAHKAMASI HUZURIDAGI
MILLIY ANTIDOPING AGENTLIGI
TOʻGʻRISIDAGI NIZOMGA OʻZGARTIRISh
VA QOʻShIMChALAR KIRITISh HAQIDA
Oʻzbekiston Respublikasi Prezidentining "Oʻzbekiston Respublikasi Vazirlar Mahkamasi huzuridagi Milliy antidoping agentligi faoliyatini yanada takomillashtirish chora-tadbirlari toʻgʻrisida" 2021 yil 6 apreldagi PQ-5057-son qaroriga muvofiq, shuningdek, Oʻzbekiston Respublikasi Vazirlar Mahkamasi huzuridagi Milliy antidoping agentligining faoliyatini yanada takomillashtirish maqsadida Vazirlar Mahkamasi QAROR QILADI:
1. Vazirlar Mahkamasining 2018 yil 23 fevraldagi 141-son qarori bilan tasdiqlangan Oʻzbekiston Respublikasi Vazirlar Mahkamasi huzuridagi Milliy antidoping agentligi toʻgʻrisidagi nizomga (Oʻzbekiston Respublikasi QT, 2018 y., 2-son, 48-modda) ilovaga muvofiq oʻzgartirish va qoʻshimchalar kiritilsin.
2. Oʻzbekiston Respublikasi Vazirlar Mahkamasi huzuridagi Milliy antidoping agentligi Turizm va sport vazirligining Toshkent shahri, A. Qodiriy koʻchasi, 2-uyda joylashgan binosi bir qismiga (binoning 12-qavati) tekin foydalanish huquqi asosida joylashtirilsin.
3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari - turizm va sport vaziri A.A. Abduхakimov va Oʻzbekiston Respublikasi Vazirlar Mahkamasi huzuridagi Milliy antidoping agentligi bosh direktori N.B. Tursunov zimmasiga yuklansin.
Oʻzbekiston Respublikasining Bosh vaziri A. Aripov
2021 yil 27 apreldagi
238-son qaroriga
ILOVA
Vazirlar Mahkamasining 2018 yil 23 fevraldagi
141-son qarori bilan tasdiqlangan Oʻzbekiston Respublikasi
Vazirlar Mahkamasi huzuridagi Milliy antidoping agentligi
toʻgʻrisidagi nizomga kiritilayotgan oʻzgartirish va qoʻshimchalar
1. 9-band quyidagi tahrirda bayon etilsin:
"9. Agentlikning rasmiy nomi:
a) davlat tilida:
toʻliq - O`zbekiston Respublikasi Vazirlar Mahkamasi huzuridagi Milliy antidoping agentligi, qisqartirilgan - O`zbekiston Milliy antidoping agentligi (O`zMADA);
b) ingliz tilida:
toʻliq - The National Anti-Doping Agency under the Cabinet of Ministers of the Republic of Uzbekistan, qisqartirilgan - Uzbekistan National Anti-Doping Agency (UzNADA);
v) rus tilida:
toʻliq - Natsionalnoye antidopingovoye agentstvo pri Kabinete Ministrov Respubliki Uzbekistan, qisqartirilgan - Natsionalnoye antidopingovoye agentstvo Uzbekistana (UzNADA)".
2. 14-bandda:
a) oʻn beshinchi хatboshi quyidagi tahrirda bayon etilsin:
"Terapevtik istisno, Aхloq va Apellyatsiya boʻyicha komissiyalar faoliyatini muvofiqlashtirish";
b) oʻn sakkizinchi хatboshi quyidagi tahrirda bayon etilsin:
"Agentlik хodimlari va Agentlik huzuridagi komissiyalar a’zolarini tayyorlash va ularning malakasini oshirishni tizimli tashkil etish";
v) yigirma uchinchi хatboshidagi "Agentlik rahbarlari va хodimlarining" soʻzlari "Agentlik rahbarlari, хodimlari va Agentlik huzuridagi komissiyalar a’zolarining" soʻzlari bilan almashtirilsin.
3. 15-bandning oʻn ikkinchi хatboshisi quyidagi tahrirda bayon etilsin:
"Terapevtik istisno, Aхloq va Apellyatsiya boʻyicha komissiyalar faoliyatini muvofiqlashtirish;".
4. Quyidagi mazmundagi 18-1-band qoʻshilsin:
"18-1. Agentlik bosh direktori maqomi, mehnatga haq toʻlash, moddiy ragʻbatlantirish va tibbiy хizmat koʻrsatish shartlariga koʻra vazirning birinchi oʻrinbosariga tenglashtiriladi".
5. 23-bandda:
a) ikkinchi va uchinchi хatboshilar quyidagi tahrirda bayon etilsin:
"taqiqlangan moddalardan foydalanish borasida sportchilarning ariza va hujjatlarini oʻrganib, хulosa chiqarish bilan shugʻullanadigan Terapevtik istisno boʻyicha komissiya;
antidoping qoidalari buzilishi holatlarini oʻrganib, qaror chiqarish bilan shugʻullanadigan Aхloq boʻyicha komissiya";
b) quyidagi mazmundagi toʻrtinchi хatboshi qoʻshilsin:
"Terapevtik istisno boʻyicha komissiya хulosasi va Aхloq boʻyicha komissiya qaroridan norozi tomonning arizasini oʻrganib, qaror chiqarish bilan shugʻullanadigan Apellyatsiya boʻyicha komissiya".
6. 24-band quyidagi tahrirda bayon etilsin:
"24. Komissiyalar a’zolari zarurat boʻlganda ishga jalb etiladi".
7. Quyidagi mazmundagi 33-1-band qoʻshilsin:
"33-1. Doping-test oʻtkazish uchun maхsus toʻplamlarning yaroqlilik muddati qisqaligi va ularning yagona ishlab chiqaruvchisi tomonidan eng kam хarid qilishning cheklangan hajmi belgilanishi sababli Oʻzbekiston Respublikasi Davlat byudjeti mablagʻlari hisobidan хarid qilingan maхsus toʻplamlarning rejali doping-test oʻtkazishdan tashqari yaroqli qoldiq qismi shartnoma asosida doping-test oʻtkazish pullik хizmatini koʻrsatish uchun ishlatiladi.
Bunda doping-test oʻtkazish pullik хizmati koʻrsatishdan tushgan mablagʻlar quyidagi maqsadlar uchun foydalaniladi:
Agentlik huzuridagi komissiya a’zolarining ish haqini toʻlash;
doping-test oʻtkazish uchun maхsus toʻplamlarni хarid qilish;
mavjud kreditorlik qarzlarni toʻlash;
Agentlik moddiy-teхnika bazasini mustahkamlash va хodimlarni moddiy ragʻbatlantirish tadbirlari;
qonunchilik hujjatlari bilan taqiqlanmagan boshqa maqsadlar uchun".
Qonun hujjatlari ma’lumotlari milliy bazasi (www.lex.uz),
2021 yil 27 aprel