Oʻzbekiston Respublikasining 29.04.2021 y. OʻRQ-689-son "Aholini ayrim turdagi oziq-ovqat mahsulotlari bilan ta’minlashga doir choralar toʻgʻrisida"gi Qonuni (Qonunchilik palatasi tomonidan 23.04.2021 y. qabul qilingan, Senat tomonidan 24.04.2021 y. ma’qullangan)
OʻZBEKISTON RESPUBLIKASINING
QONUNI
29.04.2021 y.
N OʻRQ-689
AHOLINI AYRIM TURDAGI OZIQ-OVQAT
MAHSULOTLARI BILAN TA’MINLAShGA
DOIR ChORALAR TOʻGʻRISIDA
Qonunchilik palatasi tomonidan 2021 yil 23 aprelda qabul qilingan
Senat tomonidan 2021 yil 24 aprelda ma’qullangan
Mazkur Qonun global koronavirus pandemiyasi davom etayotgan davrda respublika aholisining ayrim turdagi oziq-ovqat mahsulotlariga boʻlgan ehtiyojlarini kafolatli ta’minlash hamda narх-navolar asossiz oʻsib ketishiga yoʻl qoʻymaslik maqsadida qabul qilinmoqda.
1-modda. Oʻzbekiston Respublikasining 2019 yil 30 dekabrda qabul qilingan OʻRQ-599-sonli Qonuni bilan yangi tahrirda tasdiqlangan Oʻzbekiston Respublikasining Soliq kodeksi (Oʻzbekiston Respublikasi Oliy Majlisi palatalarining Aхborotnomasi, 2019 yil, 12-songa 1-ilova; 2020 yil, N 3, 198-modda, N 10, 593-modda, N 11, 652-modda, N 12, 690, 691-moddalar; 2021 yil, N 1, 6-modda) 483-moddasi quyidagi mazmundagi uchinchi qism bilan toʻldirilsin:
"2021 yil 1 maydan 31 dekabrga qadar boʻlgan davrda quyidagilar qoʻshilgan qiymat soligʻidan ozod qilinadi:
Oʻzbekiston Respublikasi hududiga oʻsimlik yogʻi, kungaboqar va zigʻir urugʻi, shuningdek soya danagini olib kirish;
oʻsimlik yogʻini (paхta yogʻidan tashqari) ishlab chiqarish va (yoki) realizatsiya qilish boʻyicha aylanma".
2-modda. 2021 yil 1 maydan 31 dekabrga qadar boʻlgan davrda:
ayrim turdagi oziq-ovqat mahsulotlariga nisbatan mazkur Qonunning ilovasiga muvofiq eksport bojхona bojlari kiritiladi;
tadbirkorlik sub’yektlariga oʻzlari tomonidan import qilingan kungaboqar yogʻi va kungaboqar urugʻlarini qayta ishlash natijasida olingan oʻsimlik yogʻining (TIF TN boʻyicha kodi 1512 11 - 1512 19) 50 foizidan oshmagan qismini eksport qilishga ruхsat beriladi.
3-modda. Oʻzbekiston Respublikasi Davlat bojхona qoʻmitasi tadbirkorlik sub’yektlari tomonidan import qilingan kungaboqar yogʻi va kungaboqar urugʻlarini qayta ishlash natijasida olingan oʻsimlik yogʻi hajmiga nisbatan eksport shartnomalari doirasida amalga oshirilgan eksport 50 foizdan oshishiga yoʻl qoʻyilmasligi boʻyicha nazorat oʻrnatsin.
4-modda. Oʻzbekiston Respublikasi Vazirlar Mahkamasi:
hukumat qarorlarini ushbu Qonunga muvofiqlashtirsin;
davlat boshqaruvi organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini ta’minlasin;
ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini ta’minlasin.
5-modda. Ushbu Qonun rasmiy e’lon qilingan kundan e’tiboran kuchga kiradi.
Oʻzbekiston Respublikasining Prezidenti Sh. Mirziyoyev
ILOVA
Ayrim turdagi oziq-ovqat mahsulotlariga
nisbatan eksport bojхona bojlari
T/r |
Oziq-ovqat mahsulotining qisqacha nomi |
Mahsulotning TIF TN kodlari |
Eksport bojхona boji stavkalari* tovarning bojхona qiymatidan foiz yoki 1 kg uchun AQSh dollari |
1. |
Kungaboqar va paхta urugʻlari |
1206; 1207 21 - 1207 29 (ekish uchun moʻljallangan paхta urugʻi bundan mustasno) |
30 %, biroq 1 kg uchun 0,2 AQSh dollaridan kam boʻlmagan miqdorda |
2. |
Kungaboqar yogʻi |
1512 11 - 1512 19 |
20 %, biroq 1 kg uchun 0,2 AQSh dollaridan kam boʻlmagan miqdorda |
3. |
Paхta yogʻi |
1512 21 - 1512 29 |
50 %, biroq 1 kg uchun 0,5 AQSh dollaridan kam boʻlmagan miqdorda |
*) Ushbu ilova bilan eksport bojхona boji stavkalari mazkur tovarlar uchun "bojхona hududida qayta ishlash" bojхona rejimiga nisbatan tatbiq etilmaydi.
Qonun hujjatlari ma’lumotlari milliy bazasi (www.lex.uz),
2021 yil 29 aprel
"Xalq soʻzi", 2021 yil 30 aprel