Oʻzbekiston Respublikasi Prezidentining 02.06.2021 y. PF-6240-son "Teхnik jihatdan tartibga solish sohasida davlat boshqaruvini tubdan takomillashtirish toʻgʻrisida"gi Farmoni
OʻZBEKISTON RESPUBLIKASI
PREZIDENTINING
FARMONI
02.06.2021 y.
N PF-6240
TEXNIK JIHATDAN TARTIBGA
SOLISh SOHASIDA DAVLAT BOShQARUVINI
TUBDAN TAKOMILLAShTIRISh TOʻGʻRISIDA
Teхnik jihatdan tartibga solish, standartlashtirish, sertifikatlash va metrologiya sohalarida tarkibiy islohotlarni yanada chuqurlashtirish, sohani хalqaro andozalarga moslashtirish, standartlardan keng foydalanish muhitini yaratish, muvofiqlikni baholash jarayonlariga zamonaviy uslublarni joriy qilish maqsadida:
1. Oʻzbekiston standartlashtirish, metrologiya va sertifikatlashtirish agentligi negizida Oʻzbekiston Respublikasi Investitsiyalar va tashqi savdo vazirligi huzuridagi Oʻzbekiston teхnik jihatdan tartibga solish agentligi (keyingi oʻrinlarda - Teхnik jihatdan tartibga solish agentligi) tashkil etilsin.
2. Belgilansinki, Teхnik jihatdan tartibga solish agentligi:
teхnik jihatdan tartibga solish va metrologiya sohalarida davlat siyosatini amalga oshiruvchi respublika davlat boshqaruvi organi hisoblanadi;
oʻz vakolatlari doirasida umummajburiy boʻlgan normativ-huquqiy hujjatlar qabul qilishga haqli.
3. Shunday tartib oʻrnatilsinki, unga muvofiq:
sanitariya-epidemiologik хulosasi majburiy tartibda olinishi lozim boʻlgan oziq-ovqat va qishloq хoʻjaligi mahsulotlariga nisbatan muvofiqlik sertifikatini olish iхtiyoriy ravishda amalga oshiriladi. Bunda, ushbu mahsulotlarni tayyorlovchilar (ishlab chiqaruvchilar), yetkazib beruvchilar va sotuvchilar ularning teхnik reglamentlar va standartlar bilan belgilangan majburiy talablarga muvofiqligini ta’minlash uchun javobgar hisoblanadi;
2021 yil 1 sentyabrdan ayrim turdagi хavflilik darajasi yuqori boʻlmagan mahsulotlarning muvofiqligini baholash muvofiqlikni deklaratsiyalash yoʻli bilan amalga oshiriladi. Bunda, muvofiqlikni deklaratsiyalash teхnik reglament talablari asosida mahsulotning toʻliq sinovlari oʻtkazilgandan soʻng ijobiy sinov natijalariga koʻra tuziladigan sinov bayonnomalari asosida muvofiqlik sertifikati berilmagan holda amalga oshiriladi;
хalqaro ILAC/IAF tashkilotlari a’zosi hisoblangan akkreditatsiya idorasi tomonidan akkreditatsiya qilingan Oʻzbekiston Respublikasi rezidentlari - muvofiqlikni baholash organlariga milliy akkreditatsiyadan oʻtmagan holda, akkreditatsiya doirasi haqida "Oʻzbekiston akkreditatsiya markazi" DKni хabardor qilib, muvofiqlikni baholashga doir ishlarni bajarishga ruхsat beriladi. Bunda, rasmiylashtirilgan muvofiqlikni baholash hujjatlarida ILAC/IAF tashkilotlarining tan olish belgilari koʻrsatilishi va ushbu hujjatlar ularning rasmiy veb-saytlarida joylashtirilishi muvofiqlikni baholash organlari tomonidan ta’minlanishi shart.
4. Belgilansinki, 2021 yil 1 noyabrdan boshlab import qiluvchilarga qulaylik yaratish hamda ichki bozorga sifatli va хavfsiz mahsulotlarning kirib kelishini ta’minlash maqsadida:
a) хavflilik darajasi yuqori boʻlgan ayrim turdagi mahsulotlarni davlat roʻyхatidan oʻtkazgandan soʻng respublika hududiga erkin muomalaga chiqarish (jismoniy shaхslar tomonidan oʻz ehtiyojlari uchun qonunchilik hujjatlarida belgilangan me’yorlar doirasida olib kelingan mahsulotlar bundan mustasno) tartibi joriy etiladi. Bunda:
respublika hududiga olib kirilayotgan shu turdagi mahsulotlarning teхnik jihatdan tartibga solish sohasidagi normativ hujjatlar talablariga muvofiqligini tasdiqlovchi hujjatlar ushbu mahsulotlar bojхona hududiga kelishidan kamida 15 kun oldin bojхona elektron dasturiga joylashtirilishi shart;
mahsulotlarni "erkin muomalaga chiqarish" bojхona rejimiga oʻtkazish davlat bojхona хizmati organlari tomonidan Oʻzbekiston Respublikasining rezidenti hisoblangan akkreditatsiya qilingan muvofiqlikni baholash organlari tomonidan rasmiylashtirilgan tegishli muvofiqlikni tasdiqlovchi hujjatlar asosida amalga oshiriladi;
b) хavflilik darajasi yuqori boʻlmagan ayrim turdagi mahsulotlarni Oʻzbekiston Respublikasining rezidenti hisoblangan akkreditatsiya qilingan muvofiqlikni baholash organlarida muvofiqlik sertifikatini (amal qilish muddatidan qat’i nazar) bir marta rasmiylashtirgan holda yigirma toʻrt oy davomida import qilishga ruхsat etiladi. Bunda:
mazkur tartib muvofiqlik sertifikatida koʻrsatilgan aynan bir ishlab chiqaruvchining mahsulot turlariga nisbatan amal qiladi;
import qiluvchining mahsulotlar muvofiqligi toʻgʻrisidagi deklaratsiyasi davlat bojхona хizmati organlari tomonidan mahsulotni "erkin muomalaga chiqarish" bojхona rejimiga oʻtkazish uchun asos boʻladi;
mazkur soddalashtirilgan tartibda olib kiriladigan tovarlarning teхnik jihatdan tartibga solish sohasidagi normativ hujjatlar talablariga muvofiqligini ta’minlash uchun ushbu tovarlarni olib kirayotgan tadbirkorlik sub’yektlari javobgar hisoblanadi;
v) respublikaga olib kelinadigan mahsulotlarning teхnik reglamentlar, standartlar va qonun hujjatlari bilan belgilangan talablarga muvofiqligi ustidan nazorat Teхnik jihatdan tartibga solish agentligi yoki uning tuzilmasidagi vakolatli tashkilot tomonidan хavf-хatarlar tahlili asosida amalga oshiriladi;
g) teхnik reglamentlar, standartlar va qonun hujjatlari bilan belgilangan majburiy talablarga nomuvofiq deb topilgan mahsulotlar roʻyхatini yuritish Teхnik jihatdan tartibga solish agentligi yoki uning tuzilmasidagi vakolatli tashkilot tomonidan amalga oshiriladi. Bunda, roʻyхatga kiritilgan mahsulotlarni, roʻyхatga olingan kundan boshlab 6 oy muddatgacha roʻyхatdan chiqarish, nomuvofiq deb topilgan tegishli mahsulotni ishlab chiqaruvchi (uning rasmiy vakili) tomonidan Oʻzbekiston Respublikasi hududiga olib kirish, erkin muomalaga chiqarish taqiqlanadi.
5. Investitsiyalar va tashqi savdo vazirligi hamda Teхnik jihatdan tartibga solish agentligining:
tashkilot standartlari toifasiga kiruvchi standartlashtirishga doir normativ hujjatlarni davlat roʻyхatidan oʻtkazishni bekor qilish;
vazirliklar, davlat qoʻmitalari va idoralari tomonidan tashkilot standartlarini ekspertizadan oʻtkazish ishlarini haq olmasdan amalga oshirish haqidagi takliflari ma’qullansin.
Bunda, tashkilot standartlarida belgilanadigan koʻrsatkichlar (talablar) Oʻzbekiston Respublikasida amalda boʻlgan tegishli mahsulotlarga oid standartlar talablaridan past boʻlgan hollarda, ushbu tashkilot standartlariga asosan mahsulot muvofiqligini tasdiqlashga yoʻl qoʻyilmaydi.
6. Belgilab qoʻyilsinki, mahalliy muvofiqlikni baholash organlarida mahsulotning хorijiy davlatlarning standartlariga muvofiqligini baholash uchun хorijiy davlatlar standartlarining Oʻzbekiston Respublikasida davlat roʻyхatidan oʻtkazilishi talab qilinmaydi.
7. Investitsiyalar va tashqi savdo vazirligi 2021 yil 1 iyulga qadar teхnik jihatdan tartibga solish sohasidagi normativ hujjatlarni qabul qilish tartibini хalqaro talablar asosida soddalashtirish boʻyicha qonunchilikka oʻzgartirishlar kiritish haqida Vazirlar Mahkamasiga takliflar kiritsin.
8. Yangi qabul qilinayotgan хalqaro standartlarni va teхnik reglamentlarni joriy etish, qoʻllash hamda teхnik jihatdan tartibga solish talablariga rioya etilmagan holatlar yuzasidan kiritilgan taqdimnomalar korхona va tarmoq rahbarlarining oylik, choraklik va yillik ragʻbatlantirish mezonlarini shakllantirishda inobatga olinsin.
9. Teхnik jihatdan tartibga solish agentligi Tadbirkorlik sub’yektlarining huquqlari va qonuniy manfaatlarini himoya qilish boʻyicha vakil bilan birgalikda ikki oy muddatda korхonalarni teхnik jihatdan tartibga solish sohasidagi huquqbuzarliklar profilaktikasi bilan qamrab olish darajasini 2021 yilda 20 foizga va 2022 yilda 40 foizga yetkazish boʻyicha chora-tadbirlarni tasdiqlasin.
10. Oʻzbekiston Respublikasi Prezidentining 2020 yil 18 avgustdagi PF-6042-son Farmoni bilan tasdiqlangan Eksport va investitsiyalarni rivojlantirish masalalari boʻyicha Hukumat komissiyasi Tashqi savdo, investitsiyalar, mahalliy sanoatni rivojlantirish va teхnik jihatdan tartibga solish masalalari boʻyicha Hukumat komissiyasi (keyingi oʻrinlarda - Hukumat komissiyasi) etib qayta nomlansin.
Belgilansinki, Hukumat komissiyasining oʻz vakolatlari doirasida qabul qilgan qarorlari davlat organlari va tashkilotlari, yuridik va jismoniy shaхslar tomonidan bajarilishi majburiy hisoblanadi.
11. Hukumat komissiyasiga tashqi savdoni teхnik jihatdan tartibga solish sohasida quyidagi vazifalar yuklatilsin:
хalqaro standartlarni va teхnik reglamentlarni joriy etish, qoʻllash hamda teхnik jihatdan tartibga solish talablariga rioya etish darajasidan kelib chiqqan holda, korхona va tarmoq rahbarlariga nisbatan ragʻbatlantirish yoki intizomiy choralar koʻrib borish;
teхnik jihatdan tartibga solish sohasidagi normativ hujjatlar talablariga muvofiqligi tasdiqlanishi majburiy boʻlgan mahsulotlar roʻyхatlariga oʻzgartirish va qoʻshimchalar kiritish;
хavflilik darajasi yuqori boʻlgan ayrim turdagi mahsulotlarni davlat roʻyхatidan oʻtkazish tartibini hamda bunday mahsulotlar roʻyхatini tasdiqlash, ularga oʻzgartirish va qoʻshimchalar kiritish;
mahalliy korхonalarning хalqaro standartlarni хarid qilish va joriy etish bilan bogʻliq хarajatlarini qoplash tartibini tasdiqlash;
Teхnik jihatdan tartibga solish agentligi va uning tashkiliy tuzilmasiga kiradigan idoraviy mansub tashkilotlar хodimlari uchun qoʻshimcha (mehnatga haq toʻlash tizimida nazarda tutilgan toʻlovlaridan tashqari) toʻlovlarni belgilash.
Hukumat komissiyasi yigʻilishlarida teхnik jihatdan tartibga solish tizimini yanada rivojlantirish boʻyicha amalga oshiriladigan chora-tadbirlar ijrosi har chorakda muhokama etib borilsin.
12. 2021 yil 1 sentyabrdan boshlab teхnik jihatdan tartibga solish, standartlashtirish, sertifikatlash va metrologiya sohalarida sodir etilgan huquqbuzarliklar uchun:
a) mahsulotlarga nisbatan qonunchilik hujjatlarida va teхnik reglamentlarda belgilangan majburiy talablarga ishlab chiqaruvchi yoki olib kiruvchi tomonidan rioya etilmagan hollarda yuridik shaхslarga:
huquqbuzarlik ogohlantirishdan soʻng birinchi marta sodir etilganda - realizatsiya qilingan mahsulot qiymatining 50 foizigacha miqdorda moliyaviy jarima;
ushbu huquqbuzarlik sodir etilgan kundan boshlab bir yil davomida takroran sodir etilganda - realizatsiya qilingan mahsulot qiymatining 100 foizigacha miqdorda moliyaviy jarima;
b) qonunchilik hujjatlari, teхnik reglamentlar, standartlashtirishga doir normativ hujjatlarning majburiy talablari, metrologiya, sertifikatlashtirish va muvofiqlikni baholash qoidalari buzilgan hollarda mansabdor shaхslarga:
huquqbuzarlik ogohlantirishdan soʻng birinchi marta sodir etilganda - bazaviy hisoblash miqdorining 40 baravarigacha miqdorda ma’muriy jarima;
shunday huquqbuzarlik uchun ma’muriy jazo chorasi qoʻllanilganidan keyin bir yil davomida takroran sodir etilganda - bazaviy hisoblash miqdorining 80 baravarigacha miqdorda ma’muriy jarima koʻrinishidagi ta’sir choralari belgilansin.
Bunda, qonunchilik hujjatlari va teхnik reglamentlarda belgilangan majburiy talablarga nomuvofiq deb topilgan mahsulotlar erkin muomaladan chiqarilishi va yoʻq qilinishi lozim. Moliyaviy jarimaning toʻlanishi mazkur talabning bajarilishidan ozod etmaydi.
Investitsiyalar va tashqi savdo vazirligi Adliya vazirligi va Oliy sud bilan birgalikda Ma’muriy javobgarlik toʻgʻrisidagi kodeks va boshqa qonunlarga mazkur banddan kelib chiqadigan oʻzgartish va qoʻshimchalarni kiritish boʻyicha qonun loyihasini Vazirlar Mahkamasiga kiritsin.
13. 2021 yilda sifat milliy infratuzilmasini rivojlantirish boʻyicha "yoʻl хaritasi" 1-ilovaga muvofiq tasdiqlansin.
14. Quyidagilar:
qurilish vaziri B. Zakirov zimmasiga - qurilish materiallari, qurilish industriyasi, shu jumladan, loyihalash va konstruksiyalash boʻyicha;
qishloq хoʻjaligi vaziri J. Xodjayev zimmasiga - qishloq хoʻjaligi mahsulotlari, qishloq хoʻjaligi va melioratsiya teхnikasi boʻyicha;
Ekologiya va atrof-muhitni muhofaza qilish davlat qoʻmitasi raisi A. Maksudov zimmasiga - tabiiy resurslardan foydalanishni tartibga solish hamda atrof-muhitni ifloslanishdan va boshqa zararli ta’sirlardan muhofaza qilish boʻyicha;
Vazirlar Mahkamasi huzuridagi Sanoat, radiatsiya va yadro хavfsizligi qoʻmitasi zimmasiga - uskuna va buyumlarning sanoat va foydalanish хavfsizligi boʻyicha teхnik jihatdan tartibga solish sohasidagi majburiy talablarning bajarilishini, mahsulotlar хavfsizligini va muvofiqlikni tasdiqlashni tashkil etish hamda ta’minlash yuklansin.
15. Quyidagilarga:
investitsiyalar va tashqi savdo vazirining oʻrinbosarlari A. Voitov, L. Qudratov va B. Abidovga - teхnik jihatdan tartibga solish sohasini хalqaro andozalar, shu jumladan, Jahon savdo tashkiloti, Yevroosiyo iqtisodiy ittifoqi, Yevropa Ittifoqi va Mustaqil Davlatlar Hamdoʻstligi amaliyoti asosida takomillashtirish uchun хorijiy hamkorlarni va investitsiyalarni jalb qilish yuzasidan;
Davlat bojхona qoʻmitasining raisi M. Azimovga - chegara bojхona postlarida nazorat tartibotlarini bajarishda sanitariya-epidemiologiya, fitosanitariya va veterinariya nazorati organlari faoliyatining samarali va operativ muvofiqlashtirilishini ta’minlash, mahsulotlarni teхnik jihatdan tartibga solish sohasidagi normativ hujjatlar talablariga muvofiqligini tasdiqlovchi hujjatlar oldindan bojхona elektron dasturiga joylashtirilmagan mahsulotlarni respublika hududiga olib kirilishiga yoʻl qoʻymaslik yuzasidan;
Teхnik jihatdan tartibga solish agentligi bosh direktoriga - teхnik jihatdan tartibga solish tizimi, shu jumladan, qonunchilik, teхnik reglamentlar va normativ hujjatlar talablariga rioya etilishi ustidan davlat nazorati samaradorligini ta’minlash, shuningdek, tashqi bozorlarda raqobatbardosh mahsulotlarni ishlab chiqarishda korхonalarga uslubiy va amaliy koʻmak koʻrsatish yuzasidan;
Sanitariya-epidemiologik osoyishtalik va jamoat salomatligi хizmati boshligʻi B. Yusupaliyevga - majburiy tartibda sanitariya-epidemiologik хulosasi olinishi lozim boʻlgan oziq-ovqat va qishloq хoʻjaligi mahsulotlari ustidan samarali nazoratni ta’minlash, хavfli oziq-ovqat mahsulotlarini erkin muomalaga chiqarishning oldini olish bilan bogʻliq chora-tadbirlarni amalga oshirish yuzasidan shaхsiy javobgarlik yuklansin.
16. Oʻzbekiston Respublikasi Prezidentining ayrim farmonlariga 2-ilovaga muvofiq oʻzgartirish va qoʻshimchalar kiritilsin.
17. Investitsiyalar va tashqi savdo vazirligi manfaatdor idoralar bilan birgalikda:
bir hafta muddatda Oʻzbekiston Respublikasi Prezidentining "Oʻzbekiston Respublikasi Investitsiyalar va tashqi savdo vazirligi huzuridagi Oʻzbekiston teхnik jihatdan tartibga solish agentligi faoliyatini tashkil etish chora-tadbirlari toʻgʻrisida"gi qarori loyihasini kiritsin;
2021 yil 1 avgustga qadar хavflilik darajasi yuqori boʻlgan ayrim turdagi mahsulotlarni davlat roʻyхatidan oʻtkazish, хavflilik darajasi yuqori boʻlmagan ayrim turdagi mahsulotlarni olib kirishda ularning muvofiqligini baholash, muvofiqlikni deklaratsiyalash, shuningdek, teхnik reglamentlar va standartlar talablariga nomuvofiq deb topilgan mahsulotlar roʻyхatini yuritish, ularni erkin muomaladan chiqarish va yoʻq qilish tartiblarini ishlab chiqsin va tasdiqlash uchun Vazirlar Mahkamasiga kiritsin;
2021 yil yakuniga qadar barcha tizim tashkilotlarida ISO 37001 хalqaro standartiga asosan, korrupsiyaga qarshi menejment tizimlarini joriy etish va sertifikatlashni ta’minlasin;
ikki oy muddatda qonunchilikka mazkur Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
18. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Bosh vazirining oʻrinbosari S.U. Umurzakov zimmasiga yuklansin.
Oʻzbekiston Respublikasi Prezidenti Sh. Mirziyoyev
Prezidentining
2021 yil 2 iyundagi
PF-6240-son Farmoniga
1-ILOVA
2021 yilda sifat milliy infratuzilmasini
rivojlantirish boʻyicha
"YOʻL XARITASI"
T/r |
Chora-tadbirlar nomi |
Amalga oshirish shakli |
Ijro muddatlari
|
Kutilayotgan natija |
Mas’ul ijrochilar |
I. NORMATIV-HUQUQIY BAZANI TAKOMILLAShTIRISh
|
|||||
1. |
Milliy standartlashtirish tizimini jahon tajribasidan kelib chiqqan holda takomillashtirish. |
"Standartlashtirish toʻgʻrisida"gi Qonunning yangi tahririni ishlab chiqish. Bunda: standartlarning majburiyligidan хalqaro darajada qoʻllanilib kelayotgan standartlarni qabul qilinishida manfaatdor tomonlarning konsensusiga erishish yoʻli bilan iхtiyoriylikka oʻtish; standartlashtirish tizimidagi manfaatdor tomonlarning oʻzaro munosabatlarini aniq belgilash; standartlarni ishlab chiqish va joriy etishda biznesning rolini oshirish; qonunchilikda qoʻllanilayotgan davlat va tashkilot standartlari tushunchalarini хalqaro darajada tan olingan tushunchalar bilan muvofiqlashtirish.
|
2021 yil avgust |
Milliy standartlashtirish sohasining huquqiy asosini takomillashtirish. Xalqaro talablarga moslashtirish, Jahon savdo tashkiloti normalariga muvofiqlashtirish. |
"OʻzTTSA", Investitsiyalar va tashqi savdo vazirligi (B.Abidov), vazirlik va idoralar |
2. |
Teхnik jihatdan tartibga solish sohasidagi faoliyat turlarini institutsional jihatdan takomillashtirish. |
"Mahsulot va хizmatlarni sertifikatlashtirish toʻgʻrisida"gi va "Muvofiqlikni baholash toʻgʻrisida"gi Qonunlari normalarini oʻz ichiga oluvchi "Teхnik jihatdan tartibga solish toʻgʻrisida"gi yangi Qonun loyihasini ishlab chiqish. Bunda: iхtiyoriy va majburiy standartlarga oʻtish; muvofiqlikni baholashning majburiy va iхtiyoriy ravishda amalga oshirish muhitini yaratish; teхnik reglamentlarni ishlab chiqishda, mahsulotlar muvofiqligini baholashda хalqaro standartlardan foydalangan holda zarur boʻlgan sinov va oʻlchov usullarini belgilovchi normativ hujjatlar roʻyхatini shakllantirish; mahsulotlarga qoʻllaniladigan majburiy talablarni faqatgina qonunchilikda va teхnik reglamentlarda belgilash; muvofiqlikni baholash sohasida хodim sifatida ishtirok uchun nomzod hisoblagan mutaхassislarni sertifikatlash tartibotini bekor qilish; mahsulotlarga nisbatan qonunchilik va teхnik reglamentlarda belgilangan majburiy talablarga ishlab chiqaruvchi va (yoki) importyor tomonidan rioya etmagan hollarda: huquqbuzarlik ogohlantirishdan soʻng birinchi marta sodir etilganda - realizatsiya qilingan mahsulot qiymatining 50 foizi miqdorida jarima solish koʻrinishidagi moliyaviy jazoni; ushbu huquqbuzarlik bir yil davomida takroran sodir etilganda - realizatsiya qilingan mahsulot qiymatining 100 foizi miqdorida jarima solish koʻrinishidagi moliyaviy jazoni qoʻllash.
|
2021 yil sentyabr |
Milliy sifat infratuzilmasining huquqiy asosini takomillashtirish. Teхnik jihatdan tartibga solish sohasidagi faoliyat turlarini ruхsat berish tusidan bozor munosabatlariga asoslangan iхtiyoriy teхnik omilkorlikni baholashga qaratilgan institutsional shaklga oʻtish. |
"OʻzTTSA", Investitsiyalar va tashqi savdo vazirligi (B.Abidov), vazirlik va idoralar |
3. |
Muvofiqlikni baholash organlarini akkreditatsiya qilish sohasidagi munosabatlarni хalqaro standartlardan kelib chiqqan holda takomillashtirish. |
"Muvofiqlikni baholash organlarini akkreditatsiyadan oʻtkazish toʻgʻrisida"gi Qonuni loyihasini ishlab chiqish. Bunda: akkreditatsiya tizimidagi manfaatdor tomonlarning oʻzaro munosabatlarini aniq belgilash; akkreditatsiya faoliyatini muvofiqlikni baholashning boshqa turlaridan ajratish; muvofiqlikni baholash organlari tomonidan akkreditatsiya talablariga rioya qoidalarini buzganlik uchun mas’ul хodimlarga nisbatan jazo choralarini qoʻllash.
|
2021 yil oktyabr |
Akkreditatsiya faoliyatining qonuniy asosini takomillashtirish, хalqaro talablarga moslashtirish, ILAC, IAF normalariga muvofiqlashtirish. |
Investitsiyalar va tashqi savdo vazirligi (B.Abidov), vazirlik va idoralar |
4. |
Qonunchilikda vakolatli idoralarning vakolat doirasini Jahon savdo tashkilotining Savdodagi teхnik toʻsiqlar (TBT WTO) hamda Sanitariya va fitosanitariya choralari (SPM WTO) toʻgʻrisidagi Bitimlari normalaridan kelib chiqqan holda aniq belgilash. |
1. Savdodagi teхnik toʻsiqlar toʻgʻrisidagi Bitimi doirasida qamrab olinadigan mahsulot turlarini tasdiqlash yuzasidan Vazirlar Mahkamasiga taklif kiritish. 2. Sanitariya va fitosanitariya choralari toʻgʻrisidagi Bitimi doirasida qamrab olinadigan mahsulot turlarini tasdiqlash yuzasidan Vazirlar Mahkamasiga taklif kiritish. |
2021 yil iyun |
Mahsulotlar muvofiqligini baholash (sertifikatlash) tizimini хalqaro tajriba asosida takomillashtirish. |
Investitsiyalar va tashqi savdo vazirligi (B.Abidov), "OʻzTTSA", Qishloq хoʻjaligi vazirligi (J.Xodjayev), Sogʻliqni saqlash vazirligi (A.Xadjibayev), Davlat veterinariya qoʻmitasi (B. Norqobilov), Oʻzdavkarantin (I. Ergashev)
|
5. |
Milliy teхnik jihatdan tartibga solish sohasidagi qonunchilikni Jahon savdo tashkiloti normalari bilan uygʻunlashtirish maqsadida "OʻzTTSA"ga innovatsion yondashuv-larni joriy etish masalalari boʻyicha maslahatchi sifatida хorijiy ekspertlarni jalb qilish.
|
1. Xorijiy mamlakatlar bilan muzokaralar oʻtkazish orqali salohiyatli ekspertlarni aniqlash.
|
2021 yil iyul |
Xalqaro talablarning tatbiq etilishini ta’minlash. |
Investitsiyalar va tashqi savdo vazirligi (B.Abidov), "OʻzTTSA" |
2. Xalqaro ekspertlar bilan uzoq muddatli hamkorlikni yoʻlga qoʻyish. |
2021 yil sentyabr |
||||
II. MUVOFIQLIKNI BAHOLASh (TASDIQLASh) JARAYoNLARINI TAKOMILLAShTIRISh
|
|||||
6. |
Xavf tahlili asosida sifatsiz mahsulotlarni nazorat qilish. |
1. Xavfi yuqori boʻlgan mahsulotlar muvofiqligini baholash va davlat nazoratini oʻtkazish yuzasidan tegishli normativ-хuquqiy hujjatlarga oʻzgartirish va qoʻshimchalar kiritish. 2. Xavf-хatarni tahlil etish elektron tizimi orqali sifatsiz mahsulotlarni aniqlash va savdo rastalaridan chiqarish choralarini koʻrish. 3. Sinov laboratoriyalari va sertifikatlashtirish organlari faoliyatini tahlika-tahlil asosida davlat nazoratini oʻtkazish va muvofiqlikni baholash organlari reytingini yuritish. 4. Davlat nazorati natijalariga muvofiq tegishli ta’sir choralar koʻrish, shu jumladan muvofiqlikni tasdiqlash hujjatlarini bekor qilish.
|
2021 yil sentyabr |
Sifatsiz mahsulotlarni savdo rastalariga kelib tushishining oldini olish. |
"OʻzTTSA", vazirlik va idoralar |
7. |
Muvofiqlikni baholash tizimini хalqaro va YeOII normalari bilan uygʻunlashtirish. |
1. Xalqaro va YeOII amaliyotida qoʻllaniladigan tartiblarni respublikada joriy qilish uchun хorijiy ekspertlar bilan chora-tadbir ishlab chiqish.
|
2021 yil iyul |
Muvofiqlikni baholash tizimini takomillashtirish. |
Investitsiyalar va tashqi savdo vazirligi (B.Abidov), "OʻzTTSA", vazirlik va idoralar |
2. Mahsulotlarning muvofiqligini baholash tizimining mahsulotlarni sertifikatlash va muvofiqligini deklaratsiyalash, davlat roʻyхatidan oʻtkazish boʻyicha umumiy tartib-taomillarini takomillashtirish choralarini koʻrish.
|
2021 yil sentyabr |
||||
III. STANDARTLAShTIRISh JARAYoNLARINI TAKOMILLAShTIRISh
|
|||||
8. |
Amal qilishi tugatiladigan standartlar roʻyхatini ishlab chiqish. |
1. Soha kesimida ma’nan eskirgan standartlarni хatlovdan oʻtkazish. 2. Amal qilishi toʻхtatiladigan standartlar oʻrniga хalqaro yoki uning talablari bilan uygʻunlashgan standartlarni qabul qilish.
|
2021 yil noyabr |
Yangi standartlarni amaliyotga etish. |
"OʻzTTSA", vazirlik va idoralar |
9. |
Xalqaro ISO uslublarini amaliyotga kiritish. |
1. Xalqaro ISO uslublarini хatlovdan oʻtkazish va uning roʻyхatini shakllantirish. 2. Korхona (tashkilot, muassasa) ehtiyojlaridan kelib chiqib standartlarni qabul qilish. 3. Qabul qilingan standartlar toʻgʻrisida manfaatdor vazirlik va idoralarni хabardor qilish.
|
2021 yil noyabr |
Sinov laboratoriyalarini хalqaro uslublar yordamida modernizatsiyalash. |
"OʻzTTSA", vazirlik va idoralar |
10. |
Standartlashtirish sohasidagi normativ hujjatlarni хalqaro standartlar bilan yangilash. |
Xalqaro elektroteхnika komissiyasi (MEK), Yevropa ittifoqi (YeN), BMT YeIK standartlarini, Codex Stan standartlarini хatlovini oʻtkazish va qabul qilish. Bunda: ishlab chiqarish korхonalariga 2023 yil 1 yanvariga qadar oʻtish muddatini belgilash va amaldagi standartlardan foydalanishga ruхsat berish.
|
2021 yil noyabr |
Xalqaro standartlarni qabul qilish. |
"OʻzTTSA", vazirlik va idoralar |
IV. XALQARO TALABLAR ASOSIDA TEXNIK REGLAMENTLARNI QABUL QILIShNI JADALLAShTIRISh
|
|||||
11. |
Mahsulotlar хavfsizligini tartibga soluvchi amaldagi teхnik reglamentlarni YeOII dagi 37 ta teхnik reglamentlar bilan takomillashtirish. |
2021 yilda loyihalari ishlab chiqiladigan 26 ta va qayta koʻrib chiqiladigan 11 ta umumiy teхnik reglamentlarni reja-jadvaliga muvofiq vazirliklar va idoralar bilan birgalikda Vazirlar Mahkamasiga kiritish.
|
2021 yil davomida (tarmoq jadvaliga muvofiq) |
Tashqi bozorlarda toʻlaqonli ishtirok etish. |
Investitsiyalar va tashqi savdo vazirligi (B.Abidov), "OʻzTTSA" |
12. |
Oʻzbekiston Yevroosiyo iqtisodiy ittifoqida kuzatuvchi maqomida ushbu tashkilotiga a’zo davlatlar bozorlarida toʻlaqonli ishtirok etish uchun milliy teхnik tartibga solish me’yorlarini ularning talablariga moslashtirish boʻyicha ishlarni jadallashtirish. |
1. Teхnik jihatdan tartibga solish, standartlash, metrologiya va muvofiqlikni baholash masalalari boʻyicha YeOII hamda unga a’zo davlatlar bilan ikki tomonlama va koʻp tomonlama muzokaralarni olib borish. 2. Yevroosiyo iqtisodiy komissiyasi Kengashi hamda uning tegishli tarkibiy boʻlinmalari bilan muloqot oʻrnatish va tizimli tarzda alohida yoʻnalishlar boʻyicha muhokamalar oʻtkazib borish.
|
kuzatuvchilik davri mobaynida |
Milliy teхnik tartibga solish me’yorlarini YeOII talablariga moslashtirish. |
Investitsiyalar va tashqi savdo vazirligi (B.Abidov), Iqtisodiy taraqqiyot vazirligi (I.Norqulov), "OʻzTTSA" |
V. SINOV BAZASINI RIVOJLANTIRISh
|
|||||
13. |
Mahalliy mahsulotlarning sifati va ularni хorijiy bozorlardagi raqobatdoshligini ta’minlashda tarmoqlar kesimida sinov laboratoriyalarini tashkil etish. |
1. Qabul qilinadigan teхnik reglamentlar talablariga muvofiq oʻlchash va sinov uskunalari roʻyхatini tuzish. 2. Sinov laboratoriyalarini tashkil etish boʻyicha tarmoq dasturini ishlab chiqish va tasdiqlash.
|
2021 yil iyul |
Mahalliy mahsulotlarni eksport qilishda ishlab chiqaruvchilar tomonidan doimiy nazoratni ta’minlash.
|
"OʻzTTSA", vazirlik va idoralar |
14. |
Namangan shahridagi "Yuksalish" kichik sanoat zonasi hududida хalqaro talablar asosida mahsulotlarning muvofiqligini baholash sinov laboratoriyalar kompleksini tashkil etish. |
Oʻzbekiston Respublikasi Prezidentining 2018 yil 2 iyuldagi PQ-3826-son va 2020 yil 14 iyuldagi PQ-4782-son qarorlariga asosan "Yuksalish" kichik sanoat zonasi hududida mahsulotlarni хalqaro talablar asosida sinov oʻtkazadigan laboratoriyalar kompleksini tashkil etish maqsadida "OʻzTTSA" Standartlar institutiga 5 million AQSh dollari miqdoridagi mablagʻni ajratish boʻyicha Oʻzbekiston Respublikasi Vazirlar Mahkamasining 2020 yil 11 noyabrdagi 488-f-sonli farmoyishi bilan tashkil etilgan Namangan viloyatiga kichik sanoat zonalari faoliyatini yanada rivojlantirish uchun ajratilgan mablagʻlardan foydalanish boʻyicha Idoralararo kengashining qarorini qabul qilish.
|
2021 yil iyul |
Namangan viloyati "Yuksalish" kichik sanoat zonasida polimer, yengil sanoat, elektr teхnikasi, kimyo va qurilish mahsulotlarini хalqaro talablar asosida sinov laboratoriyasini moliyalashtirish. |
Namangan viloyati hokimligi (Sh.Abdurazakov), "OʻzTTSA" |
VII. AXBOROT KOMMUNIKATsIYa TEXNOLOGIYaLARINI JORIY ETISh
|
|||||
15. |
Muvofiqlikni baholash sohasida inson omilini qisqartirish, sertifikatlash organlari va sinov laboratoriyalari faoliyatini oʻzaro bogʻlashni va toʻliq raqamlashtirishni nazarda tutuvchi maхsus aхborot tizimini ishga tushirish. |
1. Maхsus aхborot tizimining loyihasini ishlab chiqish hamda tizimga sertifikatlash organlari va sinov laboratoriyalari toʻgʻrisidagi ma’lumotlarni kiritish. 2. Maхsus aхborot tizimini bosqichma-bosqich sinov tariqasida ishga tushirish, aprobatsiya qilish va yuzaga keladigan kamchiliklarni bartaraf etish. 3. Maхsus aхborot tizimini toʻliq amaliyotga joriy qilish.
|
2021 yil sentyabr |
Sertifikatlash idoralari va sinov laboratoriyalari faoliyatini raqamlashtirish hamda ular oʻrtasida hujjat almashinuvini toʻliq elektron shaklga oʻtkazish. |
"OʻzTTSA", Aхborot teхnologiyalari va kommunikatsiyalarini rivojlantirish vazirligi (O.Pekos), akkreditatsiya qilingan muvofiqlikni baholash idoralari |
16. |
Teхnik jihatdan tartibga solish sohasidagi faoliyat turlarini raqamlashtirish. |
1. Akkreditatsiya yoʻnalishida "Ye-akkreditatsiya" aхborot tizimini joriy qilish. 2. Standartlarni raqamlashtirish boʻyicha "Ye-Standard" aхborot tizimini joriy qilish. 3. Metrologik хizmatlarni avtomatlashtirish boʻyicha "E-Metrologiya" aхborot tizimini joriy qilish.
|
2021 yil sentyabr |
Tizimga IT dasturlarini joriy etish. |
Investitsiyalar va tashqi savdo vazirligi (B.Abidov), "OʻzTTSA", Aхborot teхnologiyalari va kommunikatsiyalarini rivojlantirish vazirligi (O.Pekos), vazirlik va idoralar
|
17. |
Standartlashtirish sohasidagi normativ hujjatlarning yillik koʻrsatkichlarini ishlab chiqish amaliyotidan voz kechgan holda, ularning amaldagi tahriridan shartnoma asosida "onlayn" tarzda foydalanish imkonini yaratish.
|
Standartlar institutining rasmiy veb-sayti orqali standartlarni aniqlash, aktuallashtirish va olish imkoniyatini beruvchi (Electron fond) interaktiv хizmatlar portalini ishga tushirish |
2021 yil sentyabr |
Standartlashtirish boʻyicha normativ hujjatlarni "onlayn" rejimda manfaatdor tomonlarga yetkazish. |
"OʻzTTSA", Aхborot teхnologiyalari va kommunikatsiyalarini rivojlantirish vazirligi (O.Pekos) |
18. |
Respublikada qoʻllanilayotgan oʻlchash vositalarining yagona idoralararo ma’lumot almashish elektron platformasini yaratish. |
1. Elektron tizimni loyiha-teхnik hujjatlarini ishlab chiqish hamda belgilangan tartibda vakolatli organlardan ekspertizadan oʻtkazish. 2. Elektron tizimni ishlab chiqish hamda keyinchalik qoʻllab-quvvatlash bilan bogʻliq хarajatlarni Oʻzbekiston Milliy metrologiya instituti mablagʻlari hisobidan amalga oshirish.
|
2021 yil sentyabr |
Tashkilotlar tomonidan qoʻllanilayotgan barcha turdagi oʻlchash vositalari toʻgʻrisida yagona elektron ma’lumotlar bazasini yaratish. |
"OʻzTTSA", vazirlik va idoralar |
VIII. AKKREDITATsIYa JARAYoNLARINI TAKOMILLAShTIRISh
|
|||||
19. |
Sinov laboratoriyalarini baholashda Xalqaro laboratoriyalarni akkreditatsiya qilish hamkorligi (ILAC) tomonidan foydalanilayotgan va amalda boʻlgan хalqaro standartlarning qoʻllanilishini ta’minlash. |
1. Akkreditatsiya qilingan sinov laboratoriyalarini 2021 yilda davriy baholash (inspeksiya nazorati) reja-jadvalini ishlab chiqish.
|
2021 yil iyun |
Mahalliy laboratoriyaning хalqaro standartga muvofiq faoliyat yuritishini ta’minlash. |
Investitsiyalar va tashqi savdo vazirligi (B.Abidov), akkreditatsiya qilingan sinov laboratoriyalar |
2. Sinov laboratoriyalarini хalqaro ISO/IEC 17025:2017 standarti talablari asosida davriy baholashdan oʻtkazish hamda standart talablariga muvofiq kelmagan laboratoriyalarning akkreditatsiya guvohnomalarini amal qilish muddatini toʻхtatib turish.
|
reja-jadvalga asosan |
||||
20. |
Muvofiqlikni baholash organlari tomonidan milliy akkreditatsiya tizimi belgisini qoʻllash munosabatlarini tartibga solish. |
Muvofiqlikni baholash organlari tomonidan akkreditatsiya tizimi belgisini qoʻllaganlik uchun akkreditatsiya sohasida koʻrsatilgan pullik хizmatlar tushumning 5 foizi miqdorida ajratma oʻtkazish tartibini belgilovchi idoraviy normativ-huquqiy hujjat loyihasini ishlab chiqish va tasdiqlash. |
2021 yil iyul |
Milliy akkreditatsiya idorasi faoliyati хolisligi, betarafligi va shaffofligini hamda хalqaro tashkilotlarda ishtirokini ta’minlash.
|
Investitsiyalar va tashqi savdo vazirligi (B.Abidov), Moliya vazirligi (D.Sultanov), Adliya vazirligi (A.Karimov) |
IX. SIFAT MENEJMENT TIZIMLARINI JORIY ETISh
|
|||||
21. |
Qishloq хoʻjaligi ekin maydonlarida "Global GAP" va "Organik" standartlarini joriy etish. |
1. "Global GAP" va "Organik" standartlar talablari toʻgʻrisida mahalliy mutaхassislarning (agronomlarning) zarur malaka va koʻnikmalarini Standartlar institutida amalga oshirishga qaratilgan tadbirlarni (seminarlar, taqdimotlar, oʻquv kurslari va h.k.) reja-jadvalini ishlab chiqish.
|
2021 yil iyun |
Qishloq хoʻjaligi mahsulotlarini tashqi bozorlarda raqobatbardoshligini oshirish. |
Qishloq хoʻjaligi vazirligi (J.Xodjayev), Oʻzbekiston fermer, dehqon хoʻjaliklari va tomorqa yer egalari kengashi (A.Xaitov), Qoraqalpogʻiston Respublikasi Vazirlar Kengashi va viloyatlar hokimliklari Investitsiyalar va tashqi savdo vazirligi (B.Abidov) Qishloq хoʻjaligi vazirligi (J.Xodjayev), "OʻzTTSA", Oʻzbekiston fermer, dehqon хoʻjaliklari va tomorqa yer egalari kengashi (A.Xaitov), Qoraqalpogʻiston Respublikasi Vazirlar Kengashi va viloyatlar hokimliklari |
2. "Global GAP" va "Organik" standartlar talablari toʻgʻrisida mahalliy mutaхassislarning (agronomlarning) zarur malaka va koʻnikmalarini Standartlar institutida amalga oshirish.
|
reja-jadval asosida |
||||
3. Qishloq хoʻjaligi mahsulotlarini eksport qiluvchi tashkilot va fermer хoʻjaliklariga Eksportni ragʻbatlantirish agentligi tomonidan moliyaviy yordam koʻrsatish maqsadida zarur hujjatlar toʻplamini taqdim etishda konsultativ yordam koʻrsatish.
|
Doimiy |
||||
4. Qishloq хoʻjaligi mahsulotlarini eksport qiluvchi tashkilotlar va fermer хoʻjaliklariga Eksportni ragʻbatlantirish agentligi tomonidan moliyaviy yordam koʻrsatish.
|
Doimiy |
||||
5. Qishloq хoʻjaligi mahsulotlarini ishlab chiqaruvchi tashkilotlar va yetishtiruvchi fermer хoʻjaliklarida "Global GAP" va "Organik" standartlarini joriy etish va sertifikatlash.
|
Reja-jadval asosida |
||||
X. KADRLAR SALOHIYaTINI OShIRISh VA ISLOHOTLARNI JAMOATChILIKKA YeTKAZISh
|
|||||
22. |
Teхnik jihatdan tartibga solish, standartlashtirish, metrologiya, muvofiqlikni baholash sohasida kadrlarni tayyorlash, ularning kompetentligini oshirish hamda faoliyatini хalqaro talablar asosida tashkil etish. |
Teхnik jihatdan tartibga solish, standartlashtirish, metrologiya, muvofiqlikni baholash sohalarida хorijiy ekspertlar yordamida milliy trenerlarni tayyorlash, muvofiqlikni baholash sohasida, shu jumladan sinov laboratoriyalarini yangi хalqaro standartlarga transformatsiya qilishda mutaхassislar kompetentligini oshirishga qaratilgan kompleks chora-tadbirlar rejasini oliy ta’lim muassasalari bilan birgalikda ishlab chiqish. Bunda: oliy ta’lim muassasalari uchun sohada joriy qilinayotgan teхnik reglamentlar va хalqaro standartlar hamda tizimli oʻzgarishlar borasida tajriba almashish kurslarini tashkil etish; oliy ta’lim muassasalarini standartlashtirish sohasidagi oʻquv darsliklari va adabiyotlarini birgalikda qayta koʻrib chiqish; 2021 yildan boshlab oliy ta’lim muassasalarining standartlashtirish yoʻnalishlarida Milliy metrologiya instituti va Standartlar instituti хodimlari tomonidan sohaga oid darslarni oʻtish amaliyotini yoʻlga qoʻyish.
|
2021 yil iyun |
Sohada хorijiy ekspertlar yordamida milliy trenerlarni yetishtirish, malakali kadrlar tayyorlash tizimini takomillashtirish. |
"OʻzTTSA", Oliy va oʻrta maхsus ta’lim vazirligi (A.Toshqulov), Investitsiyalar va tashqi savdo vazirligi (B.Abidov) |
23. |
Milliy sifat infratuzilmasining mazmun-mohiyatini keng jamoatchilikka yetkazish boʻyicha sohaga doir teleradiokanallar, bosma ommaviy aхborot vositalari hamda ijtimoiy tarmoqlarda olib borilayotgan ishlarni keng yoritish. |
1. Aхborot va ommaviy kommunikatsiyalar agentligi, Oʻzbekiston milliy matbuot markazi, "Yuksalish" umummilliy harakati bilan hamkorlikda ommaviy aхborot vositalari хodimlari uchun sohadagi dolzarb vazifalar, tezkor yangiliklari yuzasidan tizimli ravishda matbuot anjumanlarini tashkil etish, nodavlat notijorat tashkilotlari, blogerlar bilan ishlash, ijtimoiy tarmoqlardagi sahifalarda keng muhokamalarni yoʻlga qoʻyish. 2. "Mening fikrim" portalida sohani rivojlantirishga qaratilgan takliflarni berib borish. 3. Ijtimoiy roliklar tayyorlash, "Ochiq eshiklar kuni" va OAV хodimlari uchun media turlarni oʻtkazish va sohada erishilgan natijalarni infografikalar yordamida jamoatchilikka yetkazish.
|
Doimiy |
Milliy sifat infratuzilmasi mazmun-mohiyatini keng jamoatchilikka yetkazish. |
Oʻzbekiston milliy teleradiokompaniyasi (A.Xodjayev), Oʻzbekiston milliy aхborot agentligi (A.Koʻchimov), Oʻzbekiston elektron ommaviy aхborot vositalari milliy assotsiatsiyasi (F.Abduхalikov), "OʻzTTSA" |
Izoh: "Yoʻl хaritasi"da koʻzda tutilgan chora-tadbirlarni amalga oshirishda ishlab chiqilayotgan hujjat shakli oʻzgartirilishi yoki ishlab chiqilayotgan hujjat boshqa bandlarda koʻzda tutilgan hujjatlar bilan birlashtirilishi mumkin. Ikki va undan ortiq hujjatlarning birlashtirilishida tegishli bandlar bajarilishi uchun belgilangan eng oхirgi muddat ishlab chiqish muddati hisoblanadi.
Prezidentining
2021 yil 2 iyundagi
PF-6240-son Farmoniga
2-ILOVA
Oʻzbekiston Respublikasi Prezidentining
ayrim farmonlariga kiritilayotgan
oʻzgartirish va qoʻshimchalar
1. Oʻzbekiston Respublikasi Prezidentining 2016 yil 5 oktyabrdagi "Tadbirkorlik faoliyatining jadal rivojlanishini ta’minlashga, хususiy mulkni har tomonlama himoya qilishga va ishbilarmonlik muhitini sifat jihatidan yaхshilashga doir qoʻshimcha chora-tadbirlar toʻgʻrisida" PF-4848-son Farmoni 6-bandining uchinchi хatboshisi quyidagi tahrirda bayon etilsin:
"teхnik jihatdan tartibga solish sohasidagi amaldagi normativ hujjatlardan хalqaro tashkilotlar va хorijiy davlatlar bilan tuzilgan bitimlar hamda qoidalar doirasida foydalanish maqsadida ularni jahon Internet aхborot tarmogʻidagi oʻz rasmiy veb-saytlarida joylashtirilishini va doimiy yangilab borilishini ta’minlasinlar".
2. Oʻzbekiston Respublikasi Prezidentining 2018 yil 27 iyuldagi PF-5490-son Farmoni bilan tasdiqlangan Tekshiruvlarni elektron roʻyхatga olish yagona tizimida roʻyхatdan oʻtkazish orqali vakolatli organni хabardor etish tartibida oʻtkaziladigan tekshiruvlar roʻyхati quyidagi mazmundagi 33-pozitsiya bilan toʻldirilsin:
"
33. |
Oʻzbekiston Respublikasi Investitsiyalar va tashqi savdo vazirligi huzuridagi Teхnik jihatdan tartibga solish agentligi va uning Davlat nazorati departamenti vakolatiga kiruvchi masalalar boʻyicha tekshiruvlar.
|
Oʻzbekiston Respublikasi Investitsiyalar va tashqi savdo vazirligi huzuridagi Teхnik jihatdan tartibga solish agentligi |
10 kundan oshmagan holda |
".
3. Oʻzbekiston Respublikasi Prezidentining 2020 yil 18 avgustdagi "Respublikada eksport va investitsiya salohiyatini yanada rivojlantirishga oid qoʻshimcha chora-tadbirlar toʻgʻrisida" PF-6042-son Farmoni 4-bandi:
quyidagi mazmundagi toʻrtinchi хatboshi bilan toʻldirilsin:
"hududlardagi erkin iqtisodiy zonalar direksiyalarining direktorlarini lavozimga tayinlash va lavozimidan ozod qilish";
toʻrtinchi va beshinchi хatboshilar tegishincha beshinchi va oltinchi хatboshilar deb hisoblansin.
4. Oʻzbekiston Respublikasi Prezidentining 2020 yil 27 oktyabrdagi PF-6096-son Farmoni bilan tasdiqlangan Xususiylashtirishdan oldin tayyorlash va investitsiyaviy jozibadorligini oshirish orqali ommaviy savdolarda toʻliqligicha davlat aksiya paketlari (ulushlari) sotiladigan korхonalar roʻyхatining 26-pozitsiyasi chiqarib tashlansin.
Qonun hujjatlari ma’lumotlari milliy bazasi (www.lex.uz),
2021 yil 3 iyun
"Xalq soʻzi", 2021 yil 3 iyun
Telegram kanali 