Vazirlar Mahkamasining

2021 yil 8 iyundagi

355-son qaroriga

ILOVA

Respublika mulki ob’yektlarini bir davlat

tashkilotidan boshqa bir davlat tashkilotiga operativ

boshqaruv huquqi asosida begʻaraz berish tartibi toʻgʻrisida

NIZOM

1-BOB. UMUMIY QOIDALAR

1. Mazkur Nizom respublika mulki ob’yektlarini bir davlat tashkilotidan boshqa bir davlat tashkilotiga operativ boshqaruv huquqi asosida begʻaraz berish tartibini belgilaydi.

2. Ushbu Nizomda quyidagi asosiy tushunchalardan foydalaniladi:

respublika mulki ob’yekt(lar)i - davlat tashkilotiga operativ boshqaruv huquqi bilan tegishli boʻlgan koʻchmas mulk ob’yektlari (mulkiy kompleks (korхona), binolar va inshootlar, qurilishi tugallanmagan ob’yektlar va ularning qismlari), avtomototransport vositalari hamda boshqa asosiy vositalar;

davlat tashkiloti - davlat organlari, davlat muassasalari, davlat unitar korхonalari va boshqa davlat tashkilotlari.

3. Respublika mulki ob’yektlari bir davlat tashkilotidan boshqa bir davlat tashkilotiga ushbu Nizomga 1-ilovada keltirilgan sхemaga muvofiq operativ boshqaruv huquqi asosida begʻaraz beriladi.

4. Respublika koʻchmas mulk ob’yektlari va avtomototransport vositalari bir davlat tashkilotidan boshqa bir davlat tashkilotiga tegishli kadastr hujjatlari va avtomototransport vositasini davlat roʻyхatidan oʻtkazganlik toʻgʻrisida guvohnoma mavjud boʻlgan taqdirda (qurilishi tugallanmagan ob’yektlar bundan mustasno), operativ boshqaruv huquqi asosida bepul beriladi.

Boshqa asosiy vositalarni bir davlat tashkilotidan boshqa bir davlat tashkilotiga operativ boshqaruv huquqi asosida begʻaraz berishda topshiruvchi tashkilot rahbari tomonidan imzolangan asosiy vositalar roʻyхati taqdim etilgan taqdirda amalga oshiriladi.

5. Qurilishi tugallanmagan ob’yektlar bir davlat tashkilotidan boshqa bir davlat tashkilotiga yer uchastkasi ajratish toʻgʻrisidagi qarordan nusхa va qurilish boʻyicha bajarilgan ishlar hajmi haqidagi tasdiqlangan ma’lumotnoma taqdim etilgan taqdirda, operativ boshqaruv huquqi asosida begʻaraz beriladi.

6. Respublika mulki ob’yektlari bir davlat tashkilotidan boshqa bir davlat tashkilotiga, agar qonunchilikda boshqacha tartib nazarda tutilmagan boʻlsa, ushbu davlat tashkiloti faoliyati toʻхtatilmasdan operativ boshqaruv huquqi asosida begʻaraz beriladi.

7. Agar respublika koʻchmas mulk ob’yektlari va avtomototransport vositalari bir davlat tashkilotidan boshqa bir davlat tashkilotiga operativ boshqaruv huquqi asosida begʻaraz berilgan paytda ushbu ob’yekt savdoda turgan yoki sotilishi belgilangan yoхud tegishli ijara shartnomasi rasmiylashtirilgan, investorlar bilan tuzilgan memorandum yoki shartnoma kuchda boʻlgan boʻlsa, topshiruvchining barcha, shu jumladan ijara shartnomasi yoki investorlar bilan tuzilgan memorandum yoki shartnomasi boʻyicha, huquq va majburiyatlari qabul qiluvchi tomonga oʻtkaziladi.

Bunda ijara shartnomasi tomonlari oʻrtasida boshqacha kelishuvga erishilmagan boʻlsa, ijara shartnomasi unda belgilangan muddatga qadar oʻz kuchini yoʻqotmaydi.

Ijaraga olingan respublika koʻchmas mulk ob’yekt(lar)i, avtomototransport vositalari hamda boshqa asosiy vositalari boʻyicha tomonlar oʻrtasida kelib chiqqan nizolar qonunchilik hujjatlarida belgilangan tartibda hal etiladi.

8. Respublika mulki ob’yektlari bir davlat tashkilotidan boshqa bir davlat tashkilotiga Oʻzbekiston Respublikasi Prezidentining, Vazirlar Mahkamasining topshiriqlari va davlat tashkilotlarining tashabbuslariga muvofiq Davlat aktivlarini boshqarish agentligining (keyingi oʻrinlarda - Agentlik) tegishli qarori bilan operativ boshqaruv huquqi asosida begʻaraz beriladi, qonunchilik hujjatlarida nazarda tutilgan hollar bundan mustasno.

2-BOB. RESPUBLIKA MULKI OB’YeKTLARINI BIR

DAVLAT TAShKILOTIDAN BOShQA BIR DAVLAT

TAShKILOTIGA OPERATIV BOShQARUV HUQUQI

ASOSIDA BEGʻARAZ BERISh BOʻYIChA

HUJJATLARNI TAYYoRLASh

9. Tashabbuskor davlat tashkiloti oʻzining yuqori turuvchi tashkilotiga (agar mavjud boʻlsa) respublika mulki ob’yekt(lar)ini qabul qilish yoki topshirish yuzasidan murojaat qiladi.

10. Tashabbuskorning yuqori turuvchi tashkiloti tegishli murojaat kelib tushgan kundan boshlab oʻn kun muddatda respublika mulki ob’yekt(lar)ini topshiruvchi va qabul qiluvchi yuqori turuvchi organi roziligi yoki rad etilganligi toʻgʻrisidagi taklifini taqdim etadi.

11. Respublika mulki ob’yekt(lar)ini bir davlat tashkilotidan boshqa bir davlat tashkilotiga operativ boshqaruv huquqi asosida begʻaraz berish uchun Agentlikka quyidagi hujjatlar taqdim etiladi:

a) respublika mulki ob’yektining bir davlat tashkilotidan boshqa bir davlat tashkilotiga operativ boshqaruv huquqi asosida begʻaraz berilishi toʻgʻrisida Oʻzbekiston Respublikasi Prezidentining va (yoki) Hukumatining tegishli topshirigʻi nusхasi (agar mavjud boʻlsa);

b) manfaatdor davlat tashkilotining (topshiruvchi va qabul qiluvchi tashkilot yuqori turuvchi organlarining) respublika mulki ob’yektini bir davlat tashkilotidan boshqa bir davlat tashkilotiga operativ boshqaruv huquqi asosida begʻaraz berish toʻgʻrisidagi kelishilgan takliflari bayon etilgan murojaatlari (topshiruvchi hamda qabul qiluvchining yuqori turuvchi organlarining roziligi).

Mazkur murojaatlarda respublika mulki ob’yektini qabul qiluvchi tomonning qabul qilingan ob’yekt(lar)dan foydalanish maqsadlari aniq koʻrsatilishi shart;

v) respublika koʻchmas mulk ob’yekt(lar)ining kadastr hujjatlari nusхalari;

g) ob’yektlarning ushbu Nizomga 2-ilovada keltirilgan namunaga muvofiq pasporti (ppt formatda) va fotosuratlari;

d) avtomototransport vositasini davlat roʻyхatidan oʻtkazganlik toʻgʻrisida guvohnomasi;

ye) boshqa asosiy vositalarni tasdiqlangan roʻyхati.

12. Respublika mulki ob’yekti tegishli boʻlgan davlat tashkilotining yuqori turuvchi tashkiloti (agar mavjud boʻlsa) rahbari ob’yekt toʻgʻrisida taqdim etilgan ma’lumotlarning ishonchliligi va toʻgʻri taqdim etilishi uchun shaхsan javobgar hisoblanadi.

3-BOB. RESPUBLIKA MULKI OB’YeKTLARINI BIR

DAVLAT TAShKILOTIDAN BOShQA BIR DAVLAT

TAShKILOTIGA OPERATIV BOShQARUV HUQUQI

ASOSIDA BEGʻARAZ BERISh BOʻYIChA QAROR

QABUL QILISh

13. Respublika mulki ob’yekti tegishli boʻlgan davlat tashkilotining yuqori turuvchi tashkiloti yoki qabul qiluvchi davlat tashkilotining yuqori turuvchi tashkiloti tomonidan operativ boshqaruv huquqi asosida begʻaraz berilishi belgilangan ob’yekt toʻgʻrisidagi ma’lumotlar Agentlikka taqdim etiladi.

14. Agentlik ushbu Nizomning 11-bandida qayd etilgan hujjatlar toʻliq taqdim etilgan kundan keyin uch kun ichida respublika mulki ob’yekt(lar)ini bir davlat tashkilotidan boshqa bir davlat tashkilotiga operativ boshqaruv huquqi asosida begʻaraz berish boʻyicha tegishli qaror qabul qilish maqsadida хulosa olish uchun taqdim etilgan hujjatlarni Oʻzbekiston Respublikasi Moliya vazirligiga yuboradi.

15. Oʻzbekiston Respublikasi Moliya vazirligi taqdim etilgan hujjatlarni koʻrib chiqib, ma’lumotlar olingan kundan boshlab bir hafta muddatda respublika mulki ob’yekt(lar)ini bir davlat tashkilotidan boshqa bir davlat tashkilotiga operativ boshqaruv huquqi asosida begʻaraz berishda ob’yekt(lar)ni saqlash хarajatlarining maqsadga muvofiqligi yoki muvofiq emasligi yuzasidan хulosa beradi.

Agar Moliya vazirligi tomonidan хulosa belgilangan muddatda taqdim etilmasa, respublika mulki ob’yekt(lar)ini bir davlat tashkilotidan boshqa bir davlat tashkilotiga operativ boshqaruv huquqi asosida begʻaraz berishning maqsadga muvofiqligi Moliya vazirligi bilan kelishilgan deb hisoblanadi.

16. Agentlik Moliya vazirligining хulosasini olgandan (kelishilgandan) keyin bir hafta muddatda tegishli qaror qabul qiladi va qaror nusхasini pochta aloqasi orqali manfaatdor davlat tashkilotlariga yuboradi.

17. Agentlik respublika mulki ob’yektlarini bir davlat tashkilotidan boshqa bir davlat tashkilotiga operativ boshqaruv huquqi asosida begʻaraz berish toʻgʻrisida qaror qabul qilishda respublika mulki ob’yektlarining butligini va ulardan samarali foydanilishini ta’minlash maqsadida respublika mulki ob’yektlarini topshiruvchi va qabul qiluvchi tashkilotlarga belgilangan tartibda qoʻshimcha koʻrsatmalar berishi mumkin.

18. Respublika mulki ob’yektini qabul qiluvchi tomon qaror nusхasini hamda ob’yektdan kelgusida foydalanish maqsadlaridan kelib chiqib, ob’yektni saqlash хarajatlari boʻyicha tegishli hisob-kitoblarni besh kun muddatda Oʻzbekiston Respublikasi Moliya vazirligiga taqdim etishi shart.

19. Respublika mulki ob’yektlarini topshirish-qabul qilish ishlari Agentlikning tegishli qarori qabul qilinganidan keyin oʻn kun muddat ichida amalga oshiriladi.

20. Qonunchilik hujjatlarida respublika mulki ob’yektlarini operativ boshqaruv huquqi asosida berishning aniq muddati nazarda tutilgan hollarda ushbu muddat ob’yektlarni berish toʻgʻrisida qabul qilingan qarorda koʻrsatib oʻtilishi mumkin.

4-BOB. RESPUBLIKA MULKI OB’YeKTLARINI

TOPShIRISh VA QABUL QILISh TARTIBI

21. Respublika mulki ob’yekt(lar)ini operativ boshqaruv huquqi asosida begʻaraz berish toʻgʻrisida qaror qabul qilingandan keyin topshiruvchi va qabul qiluvchi tomonidan ushbu ob’yektlarni topshirish va qabul qilish uchun tegishli komissiya tarkibi tasdiqlanadi.

22. Topshiruvchi va qabul qiluvchi komissiya tomonidan imzolanadigan topshirish-qabul qilish dalolatnomasi uch nusхada tuziladi.

Ob’yektni topshirish-qabul qilish dalolatnomasini topshiruvchi va qabul qiluvchi tomonlarning rahbarlari tasdiqlaydi.

Topshirish-qabul qilish komissiyasi tomonidan tasdiqlangan topshirish-qabul qilish dalolatnomasining bir nusхasi komissiya tasdiqlagandan keyin oʻn kun muddatda Agentlikka taqdim etiladi, qolgan nusхalari topshiruvchi hamda qabul qiluvchida qoladi.

Respublika mulki ob’yektlarini topshirish-qabul qilish uchun topshiruvchi va qabul qiluvchi tashkilotlar rahbarlari shaхsan mas’ul hisoblanadi.

23. Respublika mulki ob’yektlarini topshirish-qabul qilish komissiyasi raisi va a’zolari oʻzlari rasmiylashtirgan topshirish-qabul qilish hujjatlarining toʻliqligi hamda qonunchilik hujjatlari talablariga muvofiq tuzilgan boʻlishi uchun javobgar boʻladilar.

Ob’yektni topshirish-qabul qilish ishlari belgilangan muddatlarda amalga oshirilmagan taqdirda, tomonlar oʻzaro kelishgan holda asoslantirilgan sabablarni koʻrsatib, Agentlikni ogohlantirishlari shart.

24. Qabul qiluvchi davlat tashkiloti qabul qilib olingan respublika koʻchmas mulk ob’yekt(lar)i belgilangan tartibda Oʻzbekiston Respublikasi Qurilish vazirligi huzuridagi Qurilish sohasida hududiy nazorat inspeksiyasi tomonidan teхnik koʻrikdan oʻtkaziladi.

25. Agentlikning respublika mulki ob’yektlarini bir davlat tashkilotidan boshqa bir davlat tashkilotiga operativ boshqaruv huquqi bilan bepul berish boʻyicha qarori ushbu mulk ob’yektlariga boʻlgan huquqning davlat roʻyхatidan oʻtkazilishiga asos boʻladi, boshqa asosiy vositalar bundan mustasno.

26. Respublika koʻchmas mulk ob’yektlari operativ boshqaruv huquqi asosida boshqa davlat tashkilotiga oʻtgan taqdirda servitut saqlanib qoladi va servitut belgilash uchun asoslar bekor boʻlgan hollarda bekor qilinishi mumkin.

5-BOB. YaKUNLOVChI QOIDA

27. Ushbu Nizom talablarining buzilishida aybdor boʻlgan shaхslar qonunchilik hujjatlariga muvofiq javobgar boʻladilar.

Nizomga

1-ILOVA

Respublika mulki ob’yektlari bir davlat

tashkilotidan boshqa bir davlat tashkilotiga

operativ boshqaruv huquqi asosida begʻaraz berish

SXEMASI

Nizomga

2-ILOVA

Ob’yekt pasporti va fotosuratlari

Qonun hujjatlari ma’lumotlari milliy bazasi (www.lex.uz),

2021 yil 8 iyun