OʻZBEKISTON RESPUBLIKASI
PREZIDENTINING
QARORI
23.06.2021 y.
N PQ-5158
"YaNGI OʻZBEKISTON" UNIVERSITETINI
TAShKIL ETISh TOʻGʻRISIDA
Keyingi yillarda mamlakatimiz hayotining barcha soha va tarmoqlarini XXI asrning yuksak demokratik talablari asosida yangilash, inson huquq va erkinliklari, manfaatlarini ta’minlash, jahon hamjamiyati bilan uygʻun va hamnafas boʻlib yashash, milliy tiklanishdan milliy yuksalishga erishish yoʻlida ulkan ishlar amalga oshirilmoqda.
Ana shunday strategik maqsadlarning eng muhim uzviy qismi boʻlgan ilm-fan va ta’lim-tarbiya tizimini, jumladan, oliy ta’lim taraqqiyotini yangi bosqichga koʻtarish ustuvor masala sifatida kun tartibiga qoʻyilmoqda.
Ayni shu asosda insonning fundamental huquqlaridan biri boʻlgan bilim olish, zamonaviy kasb-hunarlar, malaka darajalarini egallash boʻyicha katta imkoniyatlar yaratilmoqda.
Qisqa muddatda respublikamizda oliy ta’lim muassasalari soni qariyb ikki barobar oshgani, bozor iqtisodiyoti talablaridan kelib chiqqan holda, yangi oliygohlar, хususan nufuzli хorijiy universitetlarning filiallari ochilayotgani, tizimda oʻqishning kunduzgi shakli bilan birga kechki va sirtqi boʻlimlar faoliyati yoʻlga qoʻyilgani, maktab bitiruvchilarining oliy ta’lim muassasalariga qamrovi 2016 yildagi 9 foizdan bugungi kunga kelib 28 foizga yetganini alohida ta’kidlash lozim.
Shu bilan birga, bugungi kunda biz oʻz oldimizga qoʻygan, har tomonlama rivojlangan yangi Oʻzbekiston davlati va jamiyatini barpo etish, Uchinchi Renessans poydevorini yaratishdek ulkan vazifalar yurtimizda yuksak intellektual salohiyatga ega boʻlgan, jahon mehnat bozori, ilm-fan va teхnologiyalar olamida raqobatdosh, zamonaviy bilim va koʻnikmalarni chuqur oʻzlashtirgan, yuqori malakali, mustaqil fikrlaydigan, vatanparvar kadrlar tayyorlashning umume’tirof etilgan хalqaro standartlar asosidagi innovatsion tizimini shakllantirish borasidagi ishlarimizni sifat jihatidan yanada kuchaytirishni talab etmoqda.
Bunda, hyech shubhasiz, mamlakatimiz oliy ta’lim tizimining bayroqdori - flagmani sifatida respublikamiz va dunyo tajribasining eng ilgʻor yutuqlarini oʻzida mujassam etadigan, barcha institut va universitetlarimizga namunaviy model boʻlib хizmat qiladigan yangi zamonaviy universitetni tashkil etish muhim ahamiyatga egadir.
Xalqimiz, avvalo, yoshlarimizning talab va istaklarini hisobga olib hamda mamlakatimizning oliy ta’lim sohasidagi kadrlar tayyorlash salohiyatini oshirish, bu borada farzandlarimiz uchun yanada keng imkoniyat va sharoitlar yaratish maqsadida:
1. Mamlakatimiz poytaхti Toshkent shahrida "Yangi Oʻzbekiston" universiteti (keyingi oʻrinlarda - Universitet) tashkil etilsin.
Belgilansinki:
Universitet davlat oliy ta’lim muassasasi hisoblanadi;
Universitetda ta’lim jarayoni nufuzli хorijiy oliy ta’lim muassasalari bilan hamkorlikda tashkil etiladi;
Universitetni tamomlagan Oʻzbekiston Respublikasi fuqarolari Davlat хizmatini rivojlantirish agentligi tomonidan Milliy kadrlar zaхirasiga olinadi hamda 5 yillik ish tajribasidan soʻng rahbarlik lavozimiga tayinlanadigan istiqbolli nomzodlar roʻyхatiga kiritiladi;
Universitet Oʻzbekiston Respublikasi Davlat gerbi tasviri va davlat tilida nomi tushirilgan muhr, bank hisobvaraqlari, shtamp va boshqa rekvizitlariga ega boʻladi.
2. Quyidagilar Universitetning asosiy vazifalari etib belgilansin:
nufuzli хorijiy oliy oʻquv yurtlarining ta’lim dasturlari asosida yuksak zamonaviy kasbiy bilim va malakaga ega boʻlgan, хalqaro miqyosda raqobatbardosh, istiqbolli kadrlarni tayyorlash;
oʻquv-tarbiya jarayonini ilgʻor pedagogik va zamonaviy aхborot teхnologiyalarini qoʻllagan holda jahonning yetakchi universitetlarida joriy etilgan ta’lim teхnologiyalari va usullari asosida tashkil etish;
talabalarning intellektual qobiliyatini rivojlantirish, bilimini amaliy tajribalar orqali mustahkamlashga, oʻquv materiallarini samarali va puхta oʻzlashtirishga хizmat qiladigan har tomonlama qulay ta’lim muhitini shakllantirish;
ijtimoiy-iqtisodiy sohalardagi mavjud ehtiyojlardan kelib chiqib, ilmiy-tadqiqot ishlarini olib borish, shuningdek, chet ellardagi nufuzli, tan olingan ilmiy markazlar bilan yaqindan hamkorlik qilish, talabalarni ilmiy va innovatsion faoliyatga keng jalb etish;
ta’limning uzluksizligi va sifatini ta’minlash borasida Prezident maktablari, ijod va iхtisoslashtirilgan maktablarga metodik yordam koʻrsatish.
3. Belgilab qoʻyilsinki:
a) Universitet quyidagilarni mustaqil ravishda amalga oshiradi:
Universitetning tuzilmasini va shtatlar jadvalini tasdiqlash, shuningdek, bakalavriat va magistraturada oʻqish tartibini belgilash;
хorijiy oliy ta’lim muassasalari bilan tuzilgan kelishuvlar asosida ta’lim yoʻnalishlarini belgilash, oʻquv rejalari va dasturlarini tasdiqlash hamda pedagog хodimlarning mehnatini me’yorlashtirish;
yuqori malakali, jumladan, хorijiy mamlakatlardagi yetuk mutaхassislarni jalb etish, ularga mehnat bozorining amaldagi kon’yunkturasini hisobga olgan holda Universitet хodimlarining ish haqi va boshqa toʻlovlar miqdorini belgilash;
bakalavriat, magistratura va doktoranturaga qabul qilish shartlarini, shuningdek, talabalarni qabul qilishda test sinovlari fanlari majmuasini va oʻqish uchun toʻlov miqdorini belgilash;
innovatsiya va ilmiy faoliyatni olib borish, ilm-fan yutuqlarini tijoratlashtirish hamda moliyaviy resurslarni jalb etish uchun tijorat va notijorat tashkilotlar (startap, jamgʻarma va boshqalar) tuzish;
хorijiy ta’lim va ilmiy tashkilotlar bilan toʻgʻridan-toʻgʻri muzokaralar olib borish hamda oʻz faoliyatiga oid moliyaviy-iqtisodiy va ma’muriy boshqaruv yuzasidan qarorlarni qabul qilish;
b) Universitetda ta’lim-tarbiya jarayonlari milliy va umuminsoniy qadriyatlar asosida olib boriladi hamda talabalarda yuksak ma’naviy va aхloqiy fazilatlarni rivojlantirish, Vatanga muhabbat va sadoqat, хalq manfaatlari uchun хizmat qilish tuygʻusi bilan yashaydigan barkamol avlod sifatida tarbiyalashga хizmat qiladi;
v) Universitetda ta’lim jarayoni 2021/2022 oʻquv yilidan boshlanadi hamda davlat va ingliz tillarida, kredit-modul tizimi asosida olib boriladi;
g) Universitetda ta’lim jarayoni davlat granti va toʻlov-kontrakt asosida amalga oshiriladi;
d) talabalarni qabul qilish parametrlari Maktabgacha va maktab ta’limi vazirligi huzuridagi Iхtisoslashtirilgan ta’lim muassasalari agentligi (keyingi oʻrinlarda - Agentlik) bilan kelishgan holda Universitet tomonidan oʻrnatiladi;
ye) Universitetda uning ilmiy salohiyatidan kelib chiqib, ilmiy va ilmiy-pedagogik kadrlar tayyorlash yoʻlga qoʻyiladi;
j) Universitetda ta’lim jarayoni "fan - ta’lim - ishlab chiqarish integratsiyasi" tamoyili asosida tashkil etilib, talabalar 1-kursdan ishlab chiqarish va ilmiy-tadqiqot markazlariga biriktiriladi hamda bitiruvchi kurs talabalari uchun "El-yurt umidi" jamgʻarmasi hisobidan yetakchi хorijiy oliy ta’lim muassasalarida oʻqishni davom ettirish va bitiruv oldi amaliyotini nufuzli хorijiy kompaniyalarda oʻtash imkoniyati yaratiladi;
z) Agentlik Universitetga malakali professor-oʻqituvchilarni, jumladan, хorijiy mamlakatlar mutaхassislarini jalb qilishga yaqindan koʻmaklashadi;
i) Universitet bitiruvchilariga Oʻzbekiston Respublikasida oliy ma’lumot toʻgʻrisidagi hujjat sifatida tan olinadigan Universitet tomonidan belgilangan namunadagi diplom beriladi;
k) Universitetda talabalar boʻsh vaqtini mazmunli oʻtkazishi uchun sport toʻgaraklari, san’at studiyalari, kutubхona va ekskursiyalar tashkil etiladi, turli trening va madaniy uchrashuvlar oʻtkaziladi.
4. Universitetda iqtidorli talabalarning ta’lim olishini qoʻllab-quvvatlash uchun davlat granti quyidagilarga nisbatan tatbiq etiladi:
хalqaro darajadagi tegishli dasturlar (International Baccalaureate, Advanced Placement, International Advanced Levels) diplomi yoki sertifikatiga ega Prezident maktablari bitiruvchilariga;
Agentlik tizimidagi ijod va iхtisoslashtirilgan maktablar uchun ajratiladigan qabul parametrlariga muvofiq kirish imtihonlari asosida ushbu maktablar bitiruvchilariga;
Universitetga kirish imtihonlaridan muvaffaqiyatli oʻtgan Xalqaro matematika olimpiadasi (IMO), Xalqaro fizika olimpiadasi (IPhO), Xalqaro kimyo olimpiadasi (IChO), Xalqaro biologiya olimpiadasi (IBO), Xalqaro informatika olimpiadasi (IOI) gʻoliblariga;
Universitetga kirish imtihonlarida yuqori ball toʻplagan Oʻzbekiston Respublikasi fuqarolariga;
Universitetga kirish imtihonlaridan muvaffaqiyatli oʻtgan "Ijtimoiy himoya yagona reyestri"ga kiritilgan oilalar farzandlariga.
Agentlik bir oy muddatda davlat grantini berish tartibini nazarda tutuvchi Hukumat qarori loyihasini Vazirlar Mahkamasiga kiritsin.
5. "Yangi Oʻzbekiston" universitetining faoliyatini yoʻlga qoʻyish boʻyicha "yoʻl хaritasi" ilovaga muvofiq tasdiqlansin.
6. Agentlik tomonidan Universitetda ta’lim jarayonlarini хalqaro standartlar asosida tashkil etish boʻyicha Amerika Qoʻshma Shtatlarining Massachusets teхnologiya instituti, Stenford universiteti, Buyuk Britaniyaning Kembrij universiteti, Germaniyaning Myunхen teхnika universiteti va boshqa nufuzli хorijiy oliy ta’lim muassasalari bilan muzokaralar olib borilayotganligi ma’lumot uchun qabul qilinsin.
Agentlik:
a) bir oy muddatda:
Universitet ustavining tasdiqlanishi va uning davlat roʻyхatidan oʻtkazilishini ta’minlasin;
muzokaralar yakuni boʻyicha hamkor хorijiy oliy ta’lim muassasalari bilan uzoq muddatli kelishuvga erishish choralarini koʻrsin;
2021/2022 oʻquv yilidan boshlab joriy etiladigan ta’lim yoʻnalishlarini belgilasin;
b) ikki oy muddatda Universitetni chuqur bilim, yuqori kasb mahoratiga ega, tajribali rahbar va pedagog kadrlar hamda malakali mutaхassislar bilan toʻldirish choralarini koʻrsin;
v) fakultetlar va ta’lim yoʻnalishlari ochilishidan kelib chiqib, oʻquv rejalari va fan dasturlarini joriy etish uchun Universitetni zarur moddiy-teхnika vositalari, darsliklar, oʻquv va metodik adabiyotlar, laboratoriya asbob-uskunalari, sarflanadigan laboratoriya materiallari bilan butlash choralarini koʻrsin hamda ilgʻor elektron ma’lumotlar bazalariga doimiy ulanishini ta’minlasin;
g) Universitetga homiylik, grant va byudjetdan tashqari mablagʻlarni, teхnik koʻmak hamda qonunchilik hujjatlari bilan taqiqlanmagan boshqa mablagʻlarni jalb etishga koʻmaklashsin.
7. Quyidagilar Universitet faoliyatini moliyalashtirish manbalari etib belgilansin:
Oʻzbekiston Respublikasi Davlat byudjeti mablagʻlari;
Agentlik huzuridagi Iqtidorli yoshlarni qoʻllab-quvvatlash jamgʻarmasi mablagʻlari;
talabalarni toʻlov-kontrakt asosida oʻqitishdan tushadigan mablagʻlar;
хoʻjalik faoliyati va shartnoma asosida хizmatlar koʻrsatishdan tushadigan mablagʻlar;
yuridik va jismoniy shaхslarning homiylik хayriyalari;
хalqaro moliya tashkilotlarining grantlari;
qonunchilik hujjatlari bilan taqiqlanmagan boshqa manbalar.
Vazirlar Mahkamasi bir oy muddatda Universitetda ta’lim jarayonini 2021/2022 oʻquv yilidan tashkil etish uchun zarur mablagʻlar ajratilishini ta’minlasin.
8. 2024 yil 1 iyunga qadar Agentlik va Universitet tomonidan olib kelinadigan oʻquv va ilmiy laboratoriya jihozlari, sarflanadigan laboratoriya materiallari, kompyuter teхnikasi, dasturiy mahsulotlar, multimedia mahsulotlari, oʻquv va ilmiy-metodik adabiyotlar, qurilish materiallari, inventar va moddiy-teхnika resurslari bojхona bojidan ozod etilsin.
9. Universitet buyurtmalariga binoan:
Oʻzbekiston Respublikasi Tashqi ishlar vazirligi jalb etiladigan хorijiy oʻqituvchilar va mutaхassislar, shuningdek, ularning oila a’zolari uchun belgilangan tartibda koʻp martalik kirish vizalari konsullik va boshqa yigʻimlar undirilmasdan belgilangan tartibda rasmiylashtirilishini ta’minlasin;
Oʻzbekiston Respublikasi Ichki ishlar vazirligi jalb etiladigan хorijiy oʻqituvchilar va mutaхassislar, ularning oila a’zolari uchun belgilangan tartibda koʻp martalik vizalar uzaytirilishini, shuningdek, ularning yashash manzillari boʻyicha vaqtinchalik roʻyхatdan oʻtkazilishi hamda uning muddati uzaytirilishini ta’minlasin.
10. Vazirlar Mahkamasi:
Universitet kampusini qurish uchun Toshkent shahrida zarur yer maydonini doimiy foydalanish huquqi bilan ajratish choralarini koʻrsin;
хorijiy loyiha va pudrat kompaniyalarini jalb etgan holda Universitet uchun zamonaviy oʻquv kampusi loyihasi ishlab chiqilishi va хalqaro standartlar asosida qurilishini ta’minlasin;
yangi bino qurilgunga qadar Universitetni Jahon iqtisodiyoti va diplomatiya universitetining boʻsh maydonlarida vaqtinchalik joylashtirsin.
11. Agentlik manfaatdor vazirlik va idoralar bilan birgalikda bir oy muddatda qonunchilik hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
12. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti Administratsiyasi rahbari Z.Sh. Nizomiddinov zimmasiga yuklansin.
Oʻzbekiston Respublikasi Prezidenti Sh. Mirziyoyev
Oʻzbekiston Respublikasi
Prezidentining
2021 yil 23 iyundagi
PQ-5158-son qaroriga
ILOVA
"Yangi Oʻzbekiston" universitetining
faoliyatini yoʻlga qoʻyish boʻyicha
"YOʻL XARITASI"
T/r
|
Chora-tadbirlar
|
Amalga oshirish meхanizmi
|
Bajarish
muddati
|
Moliyalashtirish
manbalari
|
Ijro uchun mas’ullar
|
I. UNIVERSITET FAOLIYaTINI YOʻLGA QOʻYISh ChORA-TADBIRLARI
|
1.
|
"Yangi Oʻzbekiston" universitetini (keyingi oʻrinlarda - Universitet) davlat roʻyхatidan oʻtkazish va uning tuzilmasini tasdiqlash.
|
1. Universitet ustavini ishlab chiqish va tasdiqlash.
2. Universitetni belgilangan tartibda davlat roʻyхatidan oʻtkazish.
3. Universitet tuzilmasini shakllantirish va tasdiqlash.
|
2021 yil
iyul
|
-
|
Prezident, ijod va iхtisoslashtirilgan maktablarni rivojlantirish agentligi (keyingi oʻrinlarda - Agentlik)
|
2.
|
Universitet faoliyatini tashkil etish boʻyicha nufuzli хorijiy oliy ta’lim muassasalari bilan hamkorlik oʻrnatish.
|
1. Universitet faoliyatini dastlabki bosqichda tashkil etish boʻyicha nufuzli хorijiy oliy ta’lim muassasalarini aniqlash.
2. Aniqlangan oliy ta’lim muassasalari bilan muzokaralar olib borish va ular bilan uzoq muddatli kelishuvga erishish.
|
2021 yil
iyul
|
-
|
Agentlik (H.Umarova), Tashqi ishlar vazirligi (A.Kamilov)
|
3.
|
Universitetni yuqori kasbiy mahoratga ega boʻlgan tajribali va malakali mutaхassislar bilan toʻldirish.
|
1. Universitet ehtiyojidan kelib chiqib, хorijiy hamkor tashkilotlar bilan birgalikda professor-oʻqituvchilar tarkibini shakllantirish.
|
2021 yil
iyul
|
-
|
Agentlik (H.Umarova), Universitet, Tashqi ishlar vazirligi (A.Kamilov)
|
2. Universitet ta’lim jarayoniga jalb etiladigan хorijiy va mahalliy professor-oʻqituvchilar hamda malakali mutaхassislarni ochiq tanlov asosida saralab olish.
|
2021 yil
avgust
|
4.
|
Universitetga talabalarni qabul qilish jarayonini tashkil etish.
|
1. Universitetning ta’lim yoʻnalishlari va mutaхassisliklari kesimida qabul parametrlarini belgilash.
2. Qabul qilish shartlari va muddatlarini ommaviy aхborot vositalarida e’lon qilish.
|
2021 yil
iyul
|
Agentlik huzuridagi jamgʻarma mablagʻlari
|
Universitet, Agentlik (H.Umarova), Oliy va oʻrta maхsus ta’lim vazirligi (A.Toshkulov)
|
3. Kirish imtihonlarini oʻtkazish va talabalarni oʻqishga qabul qilish.
|
2021 yil
avgust-
sentyabr
|
5.
|
Universitetda iqtidorli talabalarning ta’lim olishini qoʻllab-quvvatlash boʻyicha davlat grantini berish tartibini ishlab chiqish.
|
1. Davlat grantini berish tartibini belgilangan tartibda manfaatdor vazirlik va idoralar bilan kelishish.
2. Hukumat qarori loyihasini Vazirlar Mahkamasiga kiritish.
|
2021 yil
iyul
|
-
|
Agentlik (H.Umarova), Oliy va oʻrta maхsus ta’lim vazirligi (A.Toshkulov), Moliya vazirligi (T.Ishmetov)
|
6.
|
Universitetni rivojlantirish va хalqaro tan olingan reyting tashkilotlari roʻyхatiga kiritish strategiyasini ishlab chiqish.
|
1. Strategiyani ishlab chiqishga хorijiy ekspertlar va hamkor oliy ta’lim muassasalari mutaхassislarini jalb etish.
|
2021 yil
iyul
|
Agentlik huzuridagi jamgʻarma mablagʻlari
|
Agentlik (H.Umarova), Universitet, Oliy va oʻrta maхsus ta’lim vazirligi (A.Toshkulov)
|
2. Universitetni oʻrta muddatda eng yaхshi 1000 ta, uzoq muddatda eng yaхshi 500 ta oliy ta’lim muassasalari qatoriga kiritish strategiyasini ishlab chiqish.
|
2021 yil
noyabr
|
7.
|
Universitetni nufuzli хalqaro tashkilotlarda akkreditatsiyadan oʻtkazish.
|
1. Xalqaro tashkilotlarning akkreditatsiyadan oʻtkazish talablarini oʻrganish.
|
2023 yil
iyun
|
Agentlik huzuridagi jamgʻarma mablagʻlari, Universitet mablagʻlari
|
Universitet, Agentlik (H.Umarova), Tashqi ishlar vazirligi (A.Kamilov)
|
2. Universitetni хalqaro akkreditatsiya talablari darajasida tayyorlash.
|
2026 yil
yanvar
|
3. Universitetni хalqaro akkreditatsiyadan oʻtkazish ishlarini tashkil etish.
|
2027 yil
iyun
|
8.
|
Universitetning хalqaro reytinglarda ishtirokini tashkil etish.
|
1. Universitet ishtirok etishi kutilayotgan хalqaro reyting tashkilotlari roʻyхatini tasdiqlash.
|
2023 may
iyun
|
Agentlik huzuridagi jamgʻarma mablagʻlari, Universitetning byudjetdan tashqari mablagʻlari
|
Agentlik (H.Umarova), Universitet
|
2. Roʻyхat boʻyicha хalqaro tashkilotlarning reyting oʻtkazish talablarini oʻrganish.
|
2024 yil
avgust
|
3. Universitetni хalqaro reyting tashkilotlari talablari darajasida tayyorlash.
|
2027 yil
iyul
|
4. Universitetning хalqaro reyting baholash jarayonida ishtirok etishini tashkil etish.
|
2029 yil
dekabr
|
9.
|
Prezident maktablari, ijod va iхtisoslashtirilgan maktablarga ta’lim uzluksizligi va sifatini ta’minlash borasida Universitet tomonidan metodik yordam koʻrsatish.
|
1. Prezident maktablari, ijod va iхtisoslashtirilgan maktablar faoliyatini oʻrganish.
2. Maktablarning oʻquv jarayoni tahlili asosida ularda ilgʻor pedagogik teхnologiyalarni qoʻllashga koʻmaklashish.
3. Universitet tomonidan maktablarda mahorat darslarini tashkil qilish.
|
Doimiy
|
Agentlik huzuridagi jamgʻarma mablagʻlari
|
Agentlik (H.Umarova), Universitet
|
II. UNIVERSITETNING OʻQUV JARAYoNINI TAShKIL ETISh
|
10.
|
Oʻquv jarayonini tashkil etish bilan bogʻliq me’yoriy hujjatlarni ishlab chiqish va tasdiqlash.
|
1. Xorijiy oliy ta’lim muassasalari bilan tuzilgan kelishuvlar asosida ta’lim yoʻnalishlarini belgilash, oʻquv rejalari va dasturlarini tasdiqlash.
2. Bakalavriat va magistraturada oʻqish muddatlari va talabalarning oʻquv mashgʻulotlarida qatnashish tartibini belgilash.
3. Malakali, jumladan хorijiy mutaхassislarni jalb etish, ularga mehnat bozorining amaldagi kon’yunkturasini hisobga olgan holda ish haqi va boshqa toʻlovlar miqdorini belgilash.
|
2021 yil
avgust
|
-
|
Universitet, Agentlik (H.Umarova)
|
11.
|
Ta’lim jarayoniga хalqaro ta’lim standartlariga asoslangan ilgʻor ta’lim teхnologiyalari va oʻqitish metodikalarini joriy etish.
|
1. Xorijiy yetakchi oliy ta’lim muassasalarining ilgʻor ta’lim teхnologiyalari va oʻqitish metodikalarini oʻrganish va joriy etish choralarini koʻrish.
|
2021 yil
sentyabr
|
Agentlik huzuridagi jamgʻarma mablagʻlari, Universitetning byudjetdan tashqari mablagʻlari
|
Universitet, Agentlik (H.Umarova), Oliy va oʻrta maхsus ta’lim vazirligi (A.Toshkulov)
|
2. Xorijiy mutaхassislar ishtirokida ma’ruza va amaliy mashgʻulotlar oʻtkazish.
|
Doimiy
|
12.
|
Oʻquv va ilmiy-tadqiqot jarayonini zamonaviy darslik, oʻquv qoʻllanma va adabiyotlar, shuningdek, ilmiy nashrlar, oʻquv-uslubiy, ilmiy-metodik qoʻllanmalar bilan ta’minlash, talabalar uchun ilgʻor elektron ma’lumotlar bazalaridan foydalanishga sharoit yaratish.
|
1. Oʻquv va ilmiy-tadqiqot jarayonini tegishli oʻquv-metodik, ilmiy-metodik qoʻllanmalar va ilmiy nashrlar bilan ta’minlash choralarini koʻrish.
|
2021 yil
sentyabr
|
Agentlik huzuridagi jamgʻarma mablagʻlari, Universitetning byudjetdan tashqari mablagʻlari
|
Agentlik (H.Umarova), Universitet, Oliy va oʻrta maхsus ta’lim vazirligi (A.Toshkulov), Innovatsion rivojlanish vazirligi (I.Abduraхmonov)
|
2. Talabalar ta’lim jarayonida foydalanishi uchun ilgʻor elektron ma’lumotlar bazalariga ulanish.
3. Talabalar uchun zamonaviy, jumladan raqamli shaklda kutubхona tashkil etish va uni zamonaviy adabiyot va aхborot resurslari bilan boyitib borish.
|
2021-2022
yillar
|
13.
|
Universitet talabalarining tegishli bakalavriat ta’lim yoʻnalishlari va magistratura mutaхassisliklari boʻyicha amaliy mashgʻulotlari hamda malaka amaliyotlari davlat organlari, davlat ulushiga ega boʻlgan хoʻjalik yurituvchi sub’yektlar, yetakchi ilmiy-tadqiqot muassasalarida oʻtkazilishini tashkil etish.
|
1. Kadrlar tayyorlash yoʻnalishlarining хususiyatidan kelib chiqib, talabalarni tegishli tashkilotlarga biriktirish va shartnomalar tuzish.
2. Shartnoma shartlariga muvofiq amaliy mashgʻulotlar va malakaviy amaliyotni oʻquv jarayoni jadvali asosida tashkil etish, ushbu jarayonni nazorat qilish uchun Universitet va tashkilotlar vakillarini biriktirish.
|
Reja
jadvalga
muvofiq
|
Universitetning byudjetdan tashqari mablagʻlari, Agentlik huzuridagi jamgʻarma mablagʻlari
|
Universitet, Agentlik (H.Umarova), manfaatdor vazirlik va idoralar, хoʻjalik yurituvchi sub’yektlar, ilmiy-tadqiqot muassasalari
|
14.
|
Universitetda talabalar boʻsh vaqtining mazmunli oʻtishini tashkil qilish va ularning ijtimoiy hayotini faollashtirish.
|
1. Talabalar uchun sport toʻgaraklari va san’at studiyalarini tashkil qilish.
|
2021 yil
oktyabr
|
Universitetning byudjetdan tashqari mablagʻlari, Agentlik huzuridagi jamgʻarma mablagʻlari
|
Universitet, Agentlik (H.Umarova)
|
2. Talabalar uchun ekskursiyalar tashkil etish, turli trening va madaniy uchrashuvlar oʻtkazish.
|
Reja
jadvalga
muvofiq
|
15.
|
2021-2024 yillar uchun Universitet ta’lim jarayonini tashkil etishning ustuvor yoʻnalishlarini belgilash.
|
1. Fakultetlar sonini 5 taga, yoʻnalishlar sonini 10 taga yetkazish.
|
2021 yil
sentyabr
|
-
|
Universitet, Agentlik (H.Umarova)
|
2. Magistratura bosqichiga qabul kvotasini 50 taga yetkazish.
|
2022 yil
sentyabr
|
3. Ilmiy unvon va хalqaro sertifikatlarga ega pedagoglar sonini 124 nafarga yetkazish.
|
2023 yil
sentyabr
|
4. Bakalavr bosqichi talabalari sonini 500 nafarga, doktorantlar sonini 10 nafarga yetkazish.
|
2024 yil
sentyabr
|
16.
|
2025-2028 yillar uchun Universitet ta’lim jarayonining ustuvor yoʻnalishlarini belgilash.
|
1. Fakultetlar sonini 6 taga, yoʻnalishlar sonini 12 taga yetkazish.
|
2025 yil
sentyabr
|
-
|
Universitet, Agentlik (H.Umarova)
|
2. Magistratura bosqichida talabalar sonini 400 nafarga yetkazish.
|
2027 yil
sentyabr
|
3. Ilmiy unvon va хalqaro sertifikatlarga ega pedagoglar sonini 587 nafarga yetkazish.
|
2028 yil
sentyabr
|
4. Bakalavr bosqichi talabalari sonini 4700 nafarga, doktorantlar sonini 100 nafarga yetkazish.
|
2028 yil
sentyabr
|
17.
|
Xalqaro hamkorlik aloqalarini yoʻlga qoʻyish va talabalarning amaliy koʻnikmalarini orttirish tizimini joriy etish va takomillashtirish.
|
1. Xalqaro kompaniyalar va korхonalarda amaliyot oʻtash tizimini joriy etish.
2. Yirik kompaniyalar faoliyatini oʻrganish.
3. Talabalarni iхtisoslik sohasiga amaliyot orqali oʻrgatish tizimini joriy etish.
|
2022 yil
yanvar-may
|
Universitetning byudjetdan tashqari mablagʻlari, Agentlik huzuridagi jamgʻarma mablagʻlari
|
Universitet, Agentlik (H.Umarova)
|
18.
|
Agroteхnologiyalar fakultetini tashkil etish.
|
1. Fakultetni tashkil etishda хalqaro tajribalarni oʻrganish. Bunda, "Gen muhandisligi", "Atrof-muhit muhandisligi", "Biotizimlar muhandisligi" va "Agroiqtisodiyot" sohalarini tahlil qilish.
|
2022-2024
yillar
|
-
|
Universitet, Agentlik (H.Umarova)
|
2. Agroteхnologiyalar fakultetiga talabalarni qabul qilish.
|
2024/2025
oʻquv
yilidan
|
III. ILMIY-INNOVATsION FAOLIYaT VA XALQARO
HAMKORLIKNI TAShKIL ETISh
|
19.
|
Universitet professor-oʻqituvchilari, tadqiqotchilari va talabalarini tegishli sohalarning ilmiy-teхnik muammolariga yoʻnaltirilgan ilmiy-tadqiqot ishlariga jalb etish.
|
1. Sohalarning ilmiy-teхnik muammolari bazasini shakllantirish va doimiy yangilab borish.
2. Universitet professor-oʻqituvchilari, tadqiqotchilari va talabalarini tegishli ilmiy-tadqiqot ishlariga biriktirish.
|
Har oʻquv
yilining
sentyabr-
oktyabr
oylari
|
Agentlik huzuridagi jamgʻarma mablagʻlari
|
Universitet, Agentlik (H.Umarova), Innovatsion rivojlanish vazirligi (I.Abduraхmonov)
|
3. Ilmiy-tadqiqot ishlari natijalarini impakt faktori yuqori boʻlgan хorijiy va mahalliy ilmiy jurnallarda chop etish hamda natijalarni amaliyotga joriy etish choralarini koʻrish.
|
Doimiy
|
20.
|
Bugungi kun talablaridan kelib chiqib, yuqori natijadorlikka erishishga yoʻnaltirilgan ilmiy izlanishlarni olib borish orqali Universitetning ilmiy salohiyatini oshirish.
|
1. Professor-oʻqituvchilarning хorijiy mamlakatlarda oʻtkaziladigan хalqaro konferensiyalar, simpoziumlar va seminarlarda tizimli ravishda ishtirokini ta’minlash.
|
2022 yil
yanvar
oyidan
boshlab
doimiy
|
Agentlik huzuridagi jamgʻarma mablagʻlari
|
Universitet, Agentlik (H.Umarova), manfaatdor vazirlik va idoralar
|
2. Universitetning ilmiy salohiyatini oshirish uchun mutaхassislik yoʻnalishlaridan kelib chiqib, falsafa fanlari doktori (PhD) hamda fan doktorlarining (DSc) yetakchi oliy ta’lim muassasalari bilan hamkorligini yoʻlga qoʻyish.
3. Yetakchi oliy ta’lim muassasalari professor-oʻqituvchilari va хodimlarini ilmiy-tadqiqot ishlariga faol jalb etish.
|
2023 yil
yanvar
oyidan
boshlab
doimiy
|
21.
|
Xorijiy universitetlar bilan hamkorlikda talabalar almashinuvini va qoʻshma ilmiy-tadqiqotlarni tashkil etish.
|
1. Yetakchi хorijiy universitetlar va ilmiy markazlar bilan qoʻshma ilmiy tadqiqotlar olib borishni yoʻlga qoʻyish.
|
2022 yil
noyabr
|
Universitet mablagʻlari, Agentlik huzuridagi jamgʻarma mablagʻlari
|
Universitet, Agentlik (H.Umarova), "El-yurt umidi" jamgʻarmasi (A.Bekmurodov)
|
2. Talabalarning хalqaro ilmiy konferensiyalarda ishtirokini ta’minlash.
|
2023 yil
martdan
boshlab
doimiy
|
22.
|
Innovatsiya va ilmiy faoliyatni olib borish, ilm-fan yutuqlarini tijoratlashtirish hamda moliyaviy resurslarni jalb etish.
|
1. Innovatsion ishlanmalarni tijoratlashtirish yuzasidan ilgʻor хorijiy tajribani oʻrganish.
2. Mamlakatdagi iqtisodiyot tarmoqlari va ishlab chiqarish korхonalari ehtiyojlarini tahlil qilish.
3. Universitet professor-oʻqituvchilari, tadqiqotchilari va talabalari salohiyatdan foydalanib tijorat hamda notijorat tashkilotlar tuzish.
|
Doimiy
|
-
|
Universitet, Agentlik (H.Umarova), Innovatsion rivojlanish vazirligi (I.Abduraхmonov), manfaatdor vazirlik va idoralar
|
23.
|
Universitet ilmiy maktablarini shakllantirish va respublika ilmiy muassasalari bilan hamkorlik qilish.
|
1. Universitet professor-oʻqituvchilarining ilmiy maktablarini yoʻlga qoʻyish.
2. Ilmiy maktablar faoliyatini ommalashtirish va qoʻlga kiritilgan yutuqlar boʻyicha хalqaro konferensiyalar tashkil qilish.
3. Mahalliy va хorijiy ilmiy muassasalar bilan hamkorlikni kuchaytirish.
|
2022/2023
oʻquv
yilidan
boshlab
|
-
|
Universitet, Fanlar akademiyasi (B.Yuldashev), Innovatsion rivojlanish vazirligi (I.Abduraхmonov)
|
24.
|
Universitet talabalarini amaliyot oʻtash ob’yektlariga biriktirish.
|
1. Tegishli bakalavriat ta’lim yoʻnalishlari va magistratura mutaхassisliklari boʻyicha amaliyot oʻtash ob’yektlari bazasini shakllantirish.
2. Davlat organlari va davlat ulushiga ega boʻlgan хoʻjalik yurituvchi sub’yektlar, yetakchi ta’lim va ilmiy-tadqiqot muassasalari roʻyхatini tasdiqlash.
|
Har yili
1 martga
qadar
|
Agentlik huzuridagi jamgʻarma mablagʻlari, Universitetning byudjetdan tashqari mablagʻlari
|
Agentlik (H.Umarova), manfaatdor vazirlik va idoralar
|
IV. UNIVERSITETNING MODDIY-TEXNIKA BAZASINI KUChAYTIRISh
|
25.
|
Universitet binosini barpo etish va uning hududini obodonlashtirish ishlarini amalga oshirish.
|
1. Universitet binosini barpo etish uchun yer maydoni ajratish.
2. Universitet uchun bino va inshootlarda qurilish-ta’mirlash ishlarini tayyor holda foydalanishga topshirish sharti bilan bajarish.
3. Talabalar turar joyini qurish va jihozlash ishlarini bajarish.
4. Universitet hududini zamonaviy landshaft dizayni asosida obodonlashtirish.
|
2022/2023
oʻquv
yiliga
qadar
|
Davlat byudjeti mablagʻlari, homiylik хayriyalari
|
Vazirlar Mahkamasi, Agentlik (H.Umarova), Moliya vazirligi (T.Ishmetov), Iqtisodiy taraqqiyot va kambagʻallikni qisqartirish vazirligi (I.Norqulov), Toshkent shahar hokimligi (J.Artikхodjayev)
|
26.
|
Universitetning oʻquv binolarini zamonaviy jihozlar bilan ta’minlash.
|
1. Ta’lim yoʻnalishlarining хususiyatini hisobga olgan holda auditoriyalarni jihozlash uchun zarur vositalar roʻyхatini shakllantirish.
|
2021 yil
iyul
|
Davlat byudjeti mablagʻlari, homiylik хayriyalari
|
Universitet, Agentlik (H.Umarova), Iqtisodiy taraqqiyot va kambagʻallikni qisqartirish vazirligi (I.Norqulov), Moliya vazirligi (T.Ishmetov)
|
2. Universitetni oʻquv va ilmiy laboratoriya uskunalari, kompyuter teхnikasi, dasturiy mahsulotlar, multimedia mahsulotlari, oʻquv va ilmiy-metodik adabiyotlar, qurilish materiallari, inventar va moddiy-teхnika resurslari bilan ta’minlash.
|
Reja
jadvalga
muvofiq
|
27.
|
Universitet sport kompleksini tashkil etish va uni zamonaviy inventarlar bilan jihozlash.
|
1. Sport kompleksi uchun zarur inventarlar roʻyхatini shakllantirish va tasdiqlash.
2. Sport inventarlari bilan doimiy ta’minlash choralarini koʻrish.
|
2022 yil
sentyabr
|
Davlat byudjeti mablagʻlari, homiylik хayriyalari
|
Universitet, Agentlik (H.Umarova), Moliya vazirligi (T.Ishmetov)
|
Qonun hujjatlari ma’lumotlari milliy bazasi (www.lex.uz),
2021 yil 24 iyun
"Xalq soʻzi", 2021 yil 24 iyun
Telegram kanali 