Oʻzbekiston Respublikasi Vazirlar Mahkamasining 01.07.2021 y. 412-son "Strategik tashkilotlarni moliyaviy qoʻllab-quvvatlash va ularda qoʻshimcha mahsulot ishlab chiqarish uchun qulay shart-sharoit yaratish chora-tadbirlari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
01.07.2021 y.
N 412
STRATEGIK TAShKILOTLARNI MOLIYaVIY
QOʻLLAB-QUVVATLASh VA ULARDA QOʻShIMChA
MAHSULOT IShLAB ChIQARISh UChUN QULAY
ShART-ShAROIT YaRATISh ChORA-TADBIRLARI
TOʻGʻRISIDA
Tabiiy gaz yetkazib berishning alohida tartibi belgilangan strategik tashkilotlarga yetkazib berilayotgan tabiiy gaz uchun oʻzaro hisob-kitoblarni tartibga solish hamda ularning moliyaviy ahvolini barqaror saqlash maqsadida Vazirlar Mahkamasi QAROR QILADI:
1. Oʻzbekiston Respublikasi Energetika vazirligi, "Issiqlik elektr stansiyalari" AJ, "Oʻztransgaz" AJ va "Oʻzkimyosanoat" AJning tabiiy gaz yetkazib berishning alohida tartibi belgilangan strategik tashkilotlarga "Oʻztransgaz" AJ tomonidan shartnomadagi hajmlardan ortiqcha yetkazib berilgan tabiiy gaz qiymatiga 1,4 koeffitsent bilan oshirilgan toʻlov undirilishi tartibini bekor qilish toʻgʻrisidagi taklifi ma’qullansin.
2. "Oʻztransgaz" AJ ushbu qaror qabul qilinguniga qadar "Issiqlik elektr stansiyalari" AJ va "Oʻzkimyosanoat" AJ tizimidagi tashkilotlarga shartnomadagi hajmlardan ortiqcha yetkazib berilgan tabiiy gaz qiymatini 1,4 koeffitsent qoʻllanmagan holda qayta hisoblab chiqsin.
4. Mazkur qarorning bajarilishini nazorat qilish Oʻzbekiston Respublikasi Bosh vazirining maslahatchisi - Geologiya, energetika, sanoat va uning bazaviy tarmoqlarini rivojlantirish masalalari departamenti boshligʻi va Oʻzbekiston Respublikasi energetika vaziri A.S. Sultanov zammasiga yuklansin.
Oʻzbekiston Respublikasining Bosh vaziri A. Aripov
Qonun hujjatlari ma’lumotlari milliy bazasi (www.lex.uz),
2021 yil 2 iyul