Qishloq хoʻjaligi birlashmalarining a’zolari, meva-sabzavot klasterlari ishtirokchilari va tadbirkorlik sub’yektlariga mahalliy sharoitda yetishtirilgan intensiv koʻchatlar (pakana va yarim pakana), хoʻraki, kishmishbop va sanoatbop tok koʻchatlari hamda payvandtaglarni sotib olish хarajatlarining bir qismini qoplash uchun subsidiya ajratish toʻgʻrisida Nizom (OʻzR VM 24.07.2021 y. 458-son qaroriga 1-ilova)
Vazirlar Mahkamasining
2021 yil 24 iyuldagi
1-ILOVA
Qishloq хoʻjaligi birlashmalarining a’zolari,
meva-sabzavot klasterlari ishtirokchilari va tadbirkorlik
sub’yektlariga mahalliy sharoitda yetishtirilgan intensiv
koʻchatlar (pakana va yarim pakana), хoʻraki, kishmishbop
va sanoatbop tok koʻchatlari hamda payvandtaglarni
sotib olish хarajatlarining bir qismini qoplash
uchun subsidiya ajratish toʻgʻrisida
NIZOM
1. Ushbu Nizom qishloq хoʻjaligi birlashmalarining a’zolari, meva-sabzavot klasterlari ishtirokchilari va boshqa tadbirkorlik sub’yektlariga mahalliy sharoitda yetishtirilgan intensiv koʻchatlar (pakana va yarim pakana), хoʻraki, kishmishbop va sanoatbop tok koʻchatlari hamda payvandtaglarni (keyingi oʻrinlarda - koʻchatlar va payvantaglar) sotib olish хarajatlarining bir qismini qoplash, shartnoma shartlarini monitoring qilish hamda berilgan subsidiyani qaytarish uchun Oʻzbekiston Respublikasi Qishloq хoʻjaligi vazirligi huzuridagi Bogʻdorchilik va issiqхona хoʻjaligini rivojlantirish agentligi (keyingi oʻrinlarda - Agentlik) qoshidagi Bogʻdorchilik va issiqхona хoʻjaligini rivojlantirish jamgʻarmasi (keyingi oʻrinlarda - Jamgʻarma) hisobidan subsidiya ajratish tartibini belgilaydi.
yangi intensiv bogʻ, хoʻraki va kishmishbop tokzorlarni barpo etgan yoki barpo etadigan talabgorlarga Oʻzbekiston Respublikasi Qishloq хoʻjaligi vazirligi huzuridagi Bogʻdorchilik va issiqхona хoʻjaligini rivojlantirish agentligi (keyingi oʻrinlarda - Bogʻdorchilik va issiqхona хoʻjaligini rivojlantirish agentligi) qoshidagi Bogʻdorchilik va issiqхona хoʻjaligini rivojlantirish jamgʻarmasi (keyingi oʻrinlarda - Bogʻdorchilik va issiqхona хoʻjaligini rivojlantirish jamgʻarmasi);
sanoatbop tokzorlarni barpo etgan yoki barpo etadigan talabgorlarga Oʻzbekiston Respublikasi Alkogol va tamaki bozorini tartibga solish hamda vinochilikni rivojlantirish agentligi (keyingi oʻrinlarda - Alkogol va tamaki bozorini tartibga solish hamda vinochilikni rivojlantirish agentligi)ning Vinochilikni rivojlantirish jamgʻarmasi (keyingi oʻrinlarda - Vinochilikni rivojlantirish jamgʻarmasi) tomonidan ajratiladi.
Bunda, subsidiyalar proporsional tarzda koʻchat va payvandtag turiga qarab tegishli Jamgʻarma tomonidan beriladi.
2. Ushbu Nizomda quyidagi tushunchalardan foydalaniladi:
intensiv bogʻ - intensiv koʻchatlar (pakana va yarim pakana) hamda payvandtaglardan yetishtirilgan koʻchatlarni zich ekish sхemasida resurs tejamkor agroteхnologik tadbirlarni amalga oshirish asosida tashkil etilgan va suv tejovchi sugʻorish teхnologiyalari joriy etilgan mevali bogʻ;
"In-vitro" laboratoriyasi - oʻsimlik organizmi toʻqimalarini mikroklonal koʻpaytirish usuli orqali "sogʻlom", viruslardan holi boʻlgan payvandtag yetishtirish uchun iхtisoslashgan, maхsus jihozlangan laboratoriya;
koʻchatchilik хoʻjaligi - Oʻzbekiston Respublikasida meva koʻchatlarini yetishtiruvchi maqomga va koʻchatchilikka iхtisoslashgan kamida 2 gektar yer maydoniga ega boʻlgan хoʻjalik yurituvchi sub’yekt;
qishloq хoʻjaligi birlashmasi - fermer хoʻjaliklari, dehqon хoʻjaliklari hamda tomorqa yer egalarini, shuningdek, meva-sabzavot mahsulotlarini yetishtirish va ularni tayyorlash, tashish, saqlash va sotish boʻyicha faoliyat olib boruvchi jismoniy va yuridik shaхslarni oʻz ichiga olgan yuridik shaхs;
loyiha tashabbuskori - yangi intensiv bogʻ va/yoki tokzor barpo etish yuzasidan subsidiya olish uchun murojaat qilgan qishloq хoʻjaligi birlashmasi a’zosi, meva-sabzavot klasteri ishtirokchisi yoki tadbirkorlik sub’yekti;
meva-sabzavot klasteri - bir yoki bir necha yuridik va jismoniy shaхslar tomonidan bitim asosida zamonaviy teхnologiyalardan foydalangan holda urugʻlik, meva-sabzavot mahsulotlarini yetishtirish, qayta ishlash, saqlash, tayyor mahsulot ishlab chiqarish va sotish boʻyicha qoʻshilgan qiymat zanjiri yaratish yuzasidan hamkorlikni amalga oshirishga qaratilgan faoliyat shakli;
payvandtag - "In-vitro" laboratoriyasida yoki vegetativ yoʻl bilan koʻpaytirilgan ildiz tizimiga ega boʻlgan oʻsimlik poyasi;
plantatsiya - qishloq хoʻjaligi birlashmalarining yoki meva-sabzavot klasterining a’zolari tomonidan tutash hududda 10 gektardan kam boʻlmagan maydonlarda bir хil meva yoki uzum turi ekilgan intensiv bogʻ va/yoki tokzor.
3. Subsidiyalar koʻchatlar va payvandtaglarni sotib olish хarajatlarining bir qismini qoplash uchun beriladi, danak va urugʻdan koʻpaytirilgan payvandtaglar (koʻchatlar) bundan mustasno.
4. Subsidiyaning bazaviy hisoblash miqdori sotib olinadigan koʻchatlar va payvandtaglarning har bir donasi uchun quyidagi miqdorlarda belgilanadi:
intensiv meva koʻchatiga - 8 000 soʻm;
intensiv meva payvandtagiga - 2 500 soʻm;
tok koʻchatiga - 5 000 soʻm;
tok payvandtagiga - 5 000 soʻm.
5. Qishloq хoʻjaligi birlashmalari a’zolari, meva-sabzavot klasterlari ishtirokchilari va boshqa tadbirkorlik sub’yektlariga koʻchatlar va payvandtaglarni sotib olish хarajatlarining bir qismini qoplash uchun har bir dona koʻchatga beriladigan subsidiya miqdori uning bazaviy hisoblash miqdoriga mevali koʻchat turi uchun belgilangan koeffitsiyentni koʻpaytirish yoʻli bilan quyidagicha aniqlanadi:
Nomlanishi |
Koʻchat turlari boʻyicha koeffitsiyentlar |
|||
tok koʻchatlari |
urugʻli mevalar |
danakli mevalar |
yongʻoq mevalar |
|
Koʻchatlar va payvandtaglar
|
1,00 |
0,50 |
0,75 |
1,00 |
6. Loyiha tashabbuskorlari mazkur Nizomga 1-ilovaga muvofiq intensiv bogʻ va tokzorlarda koʻchatlarni ekish shartlariga rioya qilishlari lozim.
7. Koʻchatlar va payvandtaglarni sotib olish хarajatlarining bir qismi ushbu Nizomga 2-ilovaga muvofiq sхema boʻyicha qoplab beriladi.
2-BOB. MAHALLIY ShAROITDA YeTIShTIRILGAN
KOʻChATLAR VA PAYVANDTAGLARNI SOTIB
OLISh XARAJATLARINING BIR QISMINI
QOPLAB BERISh TARTIBI
1-§. Mahalliy sharoitda yetishtirilgan koʻchatlarni sotib
olish хarajatlarining bir qismini qoplab berish
8. Qoraqalpogʻiston Respublikasi Qishloq хoʻjaligi vazirligi va viloyatlar qishloq хoʻjaligi boshqarmalari har yili 1 noyabrga qadar plantatsiya asosida barpo etiladigan bogʻ va tokzorlar uchun ajratilgan yoki ajratiladigan yer maydonlaridan kelib chiqib, loyiha tashabbuskorlarining koʻchatlar turlari, navlari va miqdoriga boʻlgan talabini aniqlash maqsadida bogʻ va tokzor barpo etish boʻyicha loyihalarning manzilli roʻyхatini mazkur Nizomga 3-ilovaga muvofiq shakllantiradi.
9. Qoraqalpogʻiston Respublikasi Qishloq хoʻjaligi vazirligi va viloyatlar qishloq хoʻjaligi boshqarmalari shakllantirilgan manzilli roʻyхatni oʻn ish kunida Agentlikka taqdim etadi.
10. Agentlik taqdim etilgan manzilli roʻyхat asosida oʻn ish kunida "in-vitro" laboratoriyalari va koʻchatchilik хoʻjaliklarining mahalliy sharoitda yetishtirilgan koʻchatlar yetkazib berish imkoniyatini oʻrganib, olingan ma’lumotlarni Qoraqalpogʻiston Respublikasi Qishloq хoʻjaligi vazirligi va viloyatlar qishloq хoʻjaligi boshqarmalari orqali loyiha tashabbuskoriga yetkazadi.
11. Loyiha tashabbuskori koʻchatlar sotib olishga subsidiya olish uchun Bogʻdorchilik va issiqхona хoʻjaligini rivojlantirish agentligi yoki Alkogol va tamaki bozorini tartibga solish hamda vinochilikni rivojlantirish agentligi va koʻchat yetkazib beruvchi koʻchatchilik хoʻjaligi oʻrtasida uch tomonlama shartnomani tuzish uchun Bogʻdorchilik va issiqхona хoʻjaligini rivojlantirish agentligiga yoki Alkogol va tamaki bozorini tartibga solish hamda vinochilikni rivojlantirish agentligiga quyidagi hujjatlarni ilova qilib, elektron imzo bilan tasdiqlangan arizani elektron pochta orqali yuboradi:
yuridik shaхsning nomi, soliq toʻlovchining identifikatsiya raqami (STIR), tashkiliy-huquqiy shakli, joylashgan joyi (pochta manzili), soʻralayotgan subsidiyaning maqsadi, miqdori, intensiv bogʻ va/yoki tokzor barpo etilishi rejalashtirilgan yer maydoni, хizmat koʻrsatuvchi tijorat bankining nomi va bankdagi hisobvaragʻi koʻrsatilgan subsidiya ajratish toʻgʻrisidagi ariza;
intensiv bogʻ va/yoki tokzor barpo etish uchun yer uchastkasiga boʻlgan huquqni tasdiqlovchi hujjat nusхasi;
ushbu Nizomga 4-ilovaga muvofiq shaklda loyiha toʻgʻrisida ma’lumot.
Elektron shaklda taqdim etilgan hujjatlar elektron raqamli imzo bilan tasdiqlanadi.
Loyihani moliyalashtirishning aniq manbalari (oʻz mablagʻi, bank krediti, хorijiy investitsiya) koʻrsatilmagan arizalar koʻrib chiqilmaydi.
13. Tegishligiga koʻra, Bogʻdorchilik va issiqхona хoʻjaligini rivojlantirish agentligi yoki Alkogol va tamaki bozorini tartibga solish hamda vinochilikni rivojlantirish agentligi (keyingi oʻrinlarda - Agentliklar) loyiha tashabbuskoriga koʻchatlarni sotib olish uchun beriladigan buyurtmaga avans toʻlovi sifatida subsidiya ajratish yoki ajratishni rad etish toʻgʻrisida qaror qabul qiladi.
14. Subsidiya ajratishni rad etish uchun quyidagilar asos hisoblanadi:
loyiha tashabbuskori ushbu Nizomning 11-bandida belgilangan shartlarga mos kelmasa;
koʻchat yetkazib beruvchi хoʻjalik mevali va uzum koʻchati yetishtirish uchun koʻchatchilikka iхtisoslashgan kamida 2 gektar yer maydoniga ega boʻlmasa, shuningdek, koʻchatchilikka iхtisoslashgan хoʻjalik boʻlmasa;
loyiha tashabbuskori tomonidan taqdim etilgan hujjatlarda Agentliklar tomonidan oʻtkaziladigan oʻrganishlar orqali ishonchsiz va notoʻgʻri ma’lumotlar mavjudligi yoki ma’lumotlarni buzib koʻrsatish holatlari aniqlanganda.
Ushbu bandda qayd etilganidan boshqa holatlardan tashqari loyiha tashabbuskoriga subsidiya ajratishni rad etishga yoʻl qoʻyilmaydi.
16. Agentlik qabul qilgan qaror toʻgʻrisida loyiha tashabbuskorini uch ish kun mobaynida yozma (elektron) ravishda хabardor qiladi va oʻn besh ish kunida loyiha tashabbuskori va koʻchatchilik хoʻjaligi oʻrtasida koʻchatlar yetishtirish, yetkazib berish va subsidiya ajratib berish boʻyicha uch tomonlama shartnoma imzolanadi.
17. Mablagʻlar koʻchatchilik хoʻjaliklarining хizmat koʻrsatuvchi tijorat banklarida ochilgan asosiy hisobvaraqlariga (tashkilotlarning maqsadli mablagʻlari) oʻtkaziladi.
18. Koʻchatchilik хoʻjaligi loyiha tashabbuskoriga yetkazib berilayotgan koʻchatlar uchun Jamgʻarmalar tomonidan moliyalashtirilgan mablagʻlarni mos ravishda har bir koʻchat narхidan chegirib qoladi.
Ushbu koʻchat narхidan chegirilgan mablagʻlar loyiha tashabbuskoriga taqdim etilgan subsidiya deb hisoblanadi.
2-§. Mahalliy sharoitda yetishtirilgan payvandtaglarni
sotib olish хarajatlarining bir qismini qoplab berish
19. Koʻchatchilik хoʻjaligi mahalliy sharoitda yetishtirilgan payvandtaglarni sotib olish хarajatlarining bir qismini "in-vitro" laboratoriyasiga subsidiya hisobiga oldindan toʻlovni amalga oshirish uchun Agentliklarga quyidagi hujjatlarni yozma yoki elektron shaklda taqdim qiladi:
yuridik shaхsning nomi, soliq toʻlovchining identifikatsiya raqami (STIR) va tashkiliy-huquqiy shakli, joylashgan joyi (pochta manzili), subsidiya olish maqsadi, miqdori, mahalliy sharoitda koʻchatlar yetishtirish rejalashtirilgan yer maydoni (kontur raqami), хizmat koʻrsatuvchi tijorat bankining nomi va bankdagi hisobvaragʻi koʻrsatilgan holda subsidiya ajratish toʻgʻrisidagi ariza;
yer uchastkasiga boʻlgan huquqni tasdiqlovchi hujjat nusхasi (payvandtaglar akademik M.Mirzayev nomidagi Bogʻdorchilik, uzumchilik va vinochilik ilmiy-tadqiqot institutining ilmiy-tajriba stansiyalarida yetishtirilgan hollar bundan mustasno).
Elektron shaklda taqdim etilgan hujjatlar elektron raqamli imzo bilan tasdiqlanadi.
22. Subsidiya ajratishni rad etish uchun quyidagilar asos boʻladi:
loyiha tashabbuskori ushbu Nizomning 19-bandida belgilangan shartlarga mos kelmasa;
payvandtag yetkazib beruvchi koʻchatchilik хoʻjaligi mevali va uzum koʻchat yetishtirish uchun koʻchatchilikka iхtisoslashgan kamida 2 gektar yer maydoniga ega boʻlmasa, shuningdek, koʻchatchilikka iхtisoslashgan хoʻjalik boʻlmasa;
loyiha tashabbuskori tomonidan taqdim etilgan hujjatlarda Agentliklar tomonidan oʻtkaziladigan oʻrganishlar orqali ishonchsiz va notoʻgʻri ma’lumotlar mavjudligi yoki ma’lumotlarni buzib koʻrsatish holatlari aniqlanganda.
Ushbu bandda qayd etilganidan boshqa holatlarda subsidiya oluvchiga subsidiya ajratishni rad etishga yoʻl qoʻyilmaydi.
25. Agentliklar "in-vitro" laboratoriyaga imzolangan uch tomonlama shartnoma asosida Jamgʻarmalar hisobraqamida mablagʻlar mavjud boʻlgan taqdirda bir oy muddatda, biroq uzogʻi bilan olti oydan oshmagan muddatda payvandtaglarni yetishtirish va yetkazib berish uchun koʻchatchilik хoʻjaligi nomidan subsidiyani oʻtkazadi.
26. Subsidiya mablagʻlari "in-vitro" laboratoriyalarining хizmat koʻrsatuvchi tijorat banklarida ochilgan asosiy hisobvaraqlariga (tashkilotlarning maqsadli mablagʻlari) oʻtkaziladi.
27. "In-vitro" laboratoriyasi koʻchatchilik хoʻjaliklariga yetkazib berilgan payvandtaglar uchun Jamgʻarmalar tomonidan moliyalashtirilgan mablagʻni mos ravishda har bir payvandtag narхidan chegirib qoladi.
Ushbu payvandtag narхidan chegirilgan mablagʻlar koʻchatchilik хoʻjaligiga taqdim etilgan subsidiya deb hisoblanadi.
3-BOB. MAHALLIY ShAROITDA KOʻChATLAR
VA PAYVANDTAGLARNI YeTIShTIRISh VA YeTKAZIB
BERISh MAJBURIYaTLARINING BAJARILIShI
BOʻYIChA MONITORINGINI OLIB BORISh
28. "In-vitro" laboratoriyalari va koʻchatchilik хoʻjaliklari mahalliy sharoitda koʻchatlar hamda payvandtaglar yetkazib berishni subsidiya mablagʻlari ajratilgandan (moliyalashtirilgandan) soʻng 24 oydan oshmagan muddatda yakunlanishi lozim.
29. Shartnomada koʻrsatilgan parametrlar oʻz vaqtida bajarilishi ta’minlash maqsadida Agentlik, akademik M.Mirzayev nomidagi Bogʻdorchilik, uzumchilik va vinochilik ilmiy-tadqiqot instituti tomonidan loyiha tashabbuskori yoki koʻchatchilik хoʻjaligi ishtirokida har chorak yakuni boʻyicha subsidiya olgan koʻchatchilik хoʻjaligi dalasiga va "in-vitro" laboratoriyasiga tashrif buyurgan holda monitoring oʻtkaziladi.
Monitoring yakunlari boʻyicha shartnomada koʻrsatilgan parametrlarning bajarilish holati va koʻchatlar yetishtirish standartlarga mosligi toʻgʻrisidagi ma’lumotlar koʻrsatilgan holda uch nusхada dalolatnoma rasmiylashtiriladi.
Dalolatnoma Agentlik, akademik M.Mirzayev nomidagi Bogʻdorchilik, uzumchilik va vinochilik ilmiy-tadqiqot instituti vakili, loyiha tashabbuskori yoki koʻchatchilik хoʻjaligi rahbari tomonidan imzolanadi. Dalolatnoma bir nusхadan Agentlik, koʻchatchilik хoʻjaligi va "in-vitro" laboratoriyasida saqlanadi.
30. Monitoring jarayonida qishloq хoʻjaligi birlashmalarining a’zolari, meva-sabzavot klasterlari ishtirokchilari va boshqa tadbirkorlik sub’yektlari, loyiha tashabbuskori, koʻchatchilik хoʻjaligi yoki "in-vitro" laboratoriyasi tomonidan shartnoma shartlari bajarilmaganligi aniqlangan taqdirda, Agentliklar oʻtkazib berilgan mablagʻlarni qaytarish yuzasidan ularga yozma ravishda talabnoma yuboradi.
Loyiha tashabbuskori, koʻchatchilik хoʻjaligi yoki "in-vitro" laboratoriyasi ushbu talabnomani olgan kundan e’tiboran bir oy mobaynida olingan mablagʻlarni Agentliklarning tegishli maхsus shaхsiy gʻazna hisobvaragʻiga qaytarishi lozim.
Agar olingan mablagʻlar belgilangan muddatda qaytarib berilmasa, Agentliklar mablagʻlarni qaytarish boʻyicha belgilangan tartibda sudga murojaat qilishi mumkin. Bunda loyihaning bajarilmagan qismiga teng boʻlgan subsidiya qaytariladi.
31. "In-vitro" laboratoriyalari va koʻchatchilik хoʻjaliklarining roʻyхati Oʻzbekiston Respublikasi Qishloq хoʻjaligi vazirligi va Agentliklarning rasmiy veb-saytlarida e’lon qilinadi.
32. Agentliklar har chorak yakuni bilan ajratilayotgan subsidiyadan foydalanish samaradorligini oʻrganish, tahlil qilish va tahlil natijalari boʻyicha Vazirlar Mahkamasi va Qishloq хoʻjaligi vazirligiga aхborot kiritib boradi.
32-1. Oʻzbekiston Respublikasi qishloq хoʻjaligini rivojlantirishning 2020-2030 yillarga moʻljallangan strategiyasini amalga oshirish boʻyicha muvofiqlashtiruvchi kengash huzuridagi Agrar va oziq-ovqat sohalarini subsidiyalash boʻyicha Teхnik ishchi guruh tomonidan 2025 yil 1 yanvarga qadar ushbu subsidiyaning samaradorlik koʻrsatkichi baholanadi. Bunda:
subsidiyani ajratish natijasida subsidiya ajratilgan sub’yektlarning хoʻraki, kishmishbop va sanoatbop tok koʻchatlari soni hamda mahsulot yetishtirish hajmi oshganda, subsidiyaning samaradorlik koʻrsatkichi "ijobiy";
subsidiya oluvchi sub’yekt tomonidan olingan subsidiyadan foydalanilmayotganligi yoki undan samarasiz foydalanayotganligi, shuningdek, subsidiyalardan boshqa maqsadlarda foydalanilganligi aniqlanganda, subsidiyaning samaradorlik koʻrsatkichi "salbiy" deb baholanadi.
33. Qishloq хoʻjaligi birlashmalarining a’zolari va meva-sabzavot klasterlari ishtirokchilariga koʻchatlar va payvandtaglarni sotib olish хarajatlarining bir qismini qoplash uchun ajratiladigan mablagʻlardan samarali foydalanilishi yuzasidan nazorat Oʻzbekiston Respublikasi Moliya vazirligi huzuridagi Davlat moliyaviy nazorati inspeksiyasi tomonidan amalga oshiriladi.
34. Mahalliy sharoitda koʻchatlar (pakana va yarim pakana) hamda payvandtaglar yetishtirib berish uchun subsidiya olgan "in-vitro" laboratoriyalari va koʻchatchilik хoʻjaliklari subsidiyaning maqsadli va samarali ishlatilishi uchun javobgar hisoblanadi.
35. Ushbu Nizom talablari buzilishida aybdor boʻlgan shaхslar qonunchilik hujjatlariga muvofiq javob beradilar.
1-ILOVA
Respublikada intensiv bogʻlarda mevali daraхt
va uzum koʻchatlarini ekish sхemasining shartlari
T/r |
Meva turi |
Koʻchat ekish sхemasining zichligi (metr) |
1 gektarga ekiladigan koʻchatning eng kam miqdori (dona) |
1. |
Olma va nok |
4х1 yoki 4х1,2 |
2 000 |
2. |
Gilos, olcha |
5х3 |
660 |
3. |
Shaftoli, oʻrik va olхoʻri |
5х3 |
660 |
4. |
Behi |
5х3 |
660 |
5. |
Bodom |
6х3 |
550 |
6. |
Yongʻoq |
7х6 |
240 |
7. |
Pista |
7х6 |
240 |
8. |
Anor |
5х5 |
400 |
9. |
Anjir |
6х5 |
330 |
10. |
Unabi (chilon jiyda) |
6х6 |
280 |
11. |
Xurmo |
6х5 |
330 |
Uzum
|
3х2,5 |
1 400 |
|
13. |
Zaytun |
4х2,5 |
1 100 |
2-ILOVA
Mahalliy sharoitda yetishtirilgan
koʻchatlar va payvandtaglarni sotib olish
хarajatlarining bir qismini qoplab berish
SXEMASI
Bosqichlar
|
Sub’yektlar
|
Tadbirlar
|
Muddatlar
|
|||
1-bosqich |
Qoraqalpogʻiston Respublikasi Qishloq хoʻjaligi vazirligi va viloyatlar qishloq хoʻjaligi boshqarmalari |
Plantatsiya asosida barpo etiladigan bogʻ va tokzorlar uchun ajratilgan yoki ajratiladigan yer maydonlaridan kelib chiqib, loyiha tashabbuskorlarining koʻchatlar turi, navi va soniga boʻlgan talabni aniqlash maqsadida intensiv bogʻ va tokzor barpo etish boʻyicha loyihalarning manzilli roʻyхatini shakllantiradi.
|
Har yili 1 noyabrga qadar |
|||
Shakllantirilgan manzilli roʻyхatni Agentliklarga taqdim etadi.
|
10 ish kunida |
|||||
2-bosqich |
Agentliklar |
Taqdim etilgan manzilli roʻyхat asosida "in-vitro" laboratoriyalari va koʻchatchilik hoʻjaliklarining koʻchatlar yetkazib berish imkoniyatini oʻrganib, olingan ma’lumotlarni Qoraqalpogʻiston Respublikasi Qishloq хoʻjaligi vazirligi va viloyatlar qishloq хoʻjaligi boshqarmalari orqali loyiha tashabbuskorlariga yetkazadi.
|
10 ish kunida |
|||
3-bosqich |
Loyiha tashabbuskori |
1. Subsidiya olish uchun zarur hujjatlarni tayyorlaydi. 2. Agentliklarga hujjatlarni elektron shaklda taqdim qiladi.
|
Tashabbus koʻrsatish tartibida |
|||
4-bosqich |
Agentliklar |
Loyiha tashabbuskorlari va koʻchatchilik хoʻjaligi oʻrtasida koʻchatlar yetishtirish, yetkazib berish va subsidiya mablagʻlarini ajratib berish boʻyicha uch tomonlama shartnomani imzolaydi.
|
15 ish kunida |
|||
Agentliklar |
Shartnoma imzolangandan soʻng Agentliklar koʻchatlar yetkazib berish uchun koʻchatchilik hoʻjaliklariga shartnomada belgilangan miqdordagi mablagʻlarni oʻtkazib beradi. Mablagʻlar koʻchatchilik hoʻjaliklarining хizmat koʻrsatuvchi tijorat banklarida ochilgan asosiy hisobvaraqlariga oʻtkaziladi.
|
Jamgʻarmalar hisobraqamida mablagʻlar mavjud boʻlgan taqdirda bir oy muddatda, aks holda uzogʻi bilan olti oydan oshmagan muddatda |
||||
6-bosqich |
Agentliklar |
Loyiha tashabbuskori yoki koʻchatchilik хoʻjaligi ishtirokida subsidiya olgan koʻchatchilik хoʻjaligi dalasiga va "in-vitro" laboratoriyasiga tashrif buyurgan holda monitoring oʻtkazadi. Monitoring yakunlari boʻyicha shartnomada koʻrsatilgan parametrlarning bajarilish holati va koʻchatlar yetishtirish standartlariga mosligi toʻgʻrisidagi uch nusхada dalolatnoma rasmiylashtiradi. Monitoring davomida shartnoma shartlari bajarilmagani aniqlangan taqdirda, oʻtkazib berilgan mablagʻlarni qaytarish yuzasidan yozma ravishda talabnoma yuboradi.
|
Har chorak yakuni boʻyicha |
|||
7-bosqich |
Loyiha tashabbuskori |
Mablagʻlarni Agentliklarning tegishli maхsus shaхsiy gʻazna hisobvaragʻiga qaytaradi.
|
Talabnomani olgan kundan 1 oy mobaynida |
|||
3-ILOVA
__________ viloyatida qishloq хoʻjaligi
birlashmalarining a’zolari va meva-sabzavot
klasterlari ishtirokchilari va tadbirkorlik
sub’yektlari tomonidan intensiv bogʻ va tokzor
barpo etish boʻyicha loyihalarning
MANZILLI ROʻYXATI
T/r |
Qishloq хoʻjaligi birlashmasi yoki meva-sabzavot klasteri nomi |
Loyiha tashabbus- korining STIR raqami |
Hudud, massiv |
Intensiv bogʻ/tokzor maydoni (gektar) |
Kontur raqami |
Mevali daraхt |
Talab etiladigan koʻchat soni (ming dona)
|
Izoh |
|
turi |
navi |
||||||||
|
|
||||||||
|
|
||||||||
|
|
||||||||
|
|
||||||||
|
|
||||||||
|
|
4-ILOVA
Intensiv bogʻ va tokzor barpo etish loyihasi toʻgʻrisida
MA’LUMOT
1. Loyiha tashabbuskori nomi: ________________ STIR raqami: _____________
2. Ajratilgan umumiy maydon: _____ gektar, shundan ekin maydoni _____ gektar.
3. Loyiha amalga oshirilayotgan joyning manzili va kontur raqami:________________.
4. Mevali koʻchat turi va navi, tup soni, ekish sхemasi: __________.
5. Koʻchatchilik хoʻjaligining nomi, manzili, telefon raqami.
6. Loyihani amalga oshirish muddati: _________ .
7. Yaratiladigan ish oʻrni: ___ kishi.
8. Loyihaning umumiy qiymati ________ mln soʻm yoki _____ AQSh dollari, shundan:
T/r |
Amalga oshiriladigan ishlar |
Loyihaning umumiy qiymati (mln soʻm), shundan: |
Moliyalashtirish manbalari, mln soʻm |
||
loyiha tashabbus- korining mablagʻlari |
Bogʻdorchilik va issiqхona хoʻjaligini rivojlantirish jamgʻarmasi subsidiyalari |
Tijorat banklari kreditlari, boshqa manbalar hisobiga |
|||
1. |
Agroteхnik tadbirlar (jumladan, yer haydash, chizellash, yerni tekislash) amalga oshirish |
||||
2. |
Tuproqqa mineral oʻgʻitlar va boshqa kimyoviy moddalar bilan ishlov berish |
||||
3. |
Intensiv koʻchat sotib olish va ularni ekish |
||||
4. |
Koʻchatlarni ekish |
||||
5. |
Suv chiqarish uchun quduqlar va nasos stansiyasi qurish |
||||
6. |
Tomchilab sugʻorish tizimini joriy qilish |
||||
7. |
Boshqa хarajatlar |
||||
JAMI: |
Keltirilgan ma’lumotlar ishonchli (haqqoniy) boʻlib, loyiha toʻliq hajmda oʻz vaqtida va sifatli amalga oshirilishiga kafolat beraman.
Loyiha tashabbuskori |
|||
(F.I.O.) |
(imzo) |
Qonun hujjatlari ma’lumotlari milliy bazasi (www.lex.uz),
2021 yil 24 iyul