OʻzR Qonunlari

Oʻzbekiston Respublikasi Prezidentining 05.08.2021 y. PQ-5211-son "Oʻzbekistonda yilqichilik, ot sporti, zamonaviy beshkurash va poloni 2025 yilgacha rivojlantirish davlat dasturi toʻgʻrisida"gi Qarori

Hujjatning toʻliq matnini oʻqish uchun avtorizatsiya qiling

OʻZBEKISTON RESPUBLIKASI

PREZIDENTINING

QARORI

05.08.2021 y.

N PQ-5211

OʻZBEKISTONDA YILQIChILIK, OT SPORTI,

ZAMONAVIY BEShKURASh VA POLONI 2025

YILGAChA RIVOJLANTIRISh DAVLAT

DASTURI TOʻGʻRISIDA

Oʻzbekiston Respublikasi Prezidentining 2021 yil 11 martdagi "Yilqichilik va ot sportini yanada rivojlantirish hamda zamonaviy beshkurash va polo sport turini ommalashtirish boʻyicha qoʻshimcha chora-tadbirlar toʻgʻrisida"gi PQ-5024-son q aroriga muvofiq, ushbu sport turlari rivojlanishining yaqin va uzoq muddatli istiqbollarini belgilash va ommalashtirish, ular boʻyicha milliy terma jamoamizning Olimpiya va Paralimpiya, Osiyo va Paraosiyo oʻyinlarida, jahon chempionatlarida va boshqa yirik musobaqalarda ishtirok etishi va yuqori natijalarga erishilishini ta’minlash maqsadida:

1. Quyidagilar:

Oʻzbekistonda yilqichilik, ot sporti, zamonaviy beshkurash va poloni 2025 yilgacha rivojlantirish davlat dasturi (keyingi oʻrinlarda - Davlat dasturi) 1-ilovaga muvofiq;

Oʻzbekistonda yilqichilik, ot sporti, zamonaviy beshkurash va poloni 2025 yilgacha rivojlantirish davlat dasturini 2021 yilda amalga oshirish boʻyicha "Yoʻl хaritasi" 2-ilovaga muvofiq;

Oʻzbekistonda yilqichilik, ot sporti, zamonaviy beshkurash va poloni 2025 yilgacha rivojlantirish davlat dasturining maqsadli koʻrsatkichlari (indikatorlari) (keyingi oʻrinlarda - Maqsadli koʻrsatkichlar) 3-ilovaga muvofiq tasdiqlansin.

Belgilab qoʻyilsinki, Davlat dasturi erishilgan natijalar, Ma q sadli koʻrsatkichlar hamda yilqichilik va ot sporti, zamonaviy beshkurash va poloni ommalashtirish boʻyicha tegishli davrga moʻljallangan asosiy yoʻnalishlardan kelib chiqqan holda Vazirlar Mahkamasi qarori bilan har yili alohida-alohida tasdiqlanadigan "yoʻl хaritalari" asosida bosqichma-bosqich amalga oshiriladi.

Turizm va sport vazirligi (A.Abduхakimov) Milliy gvardiya, Veterinariya va chorvachilikni rivojlantirish davlat qoʻmitasi, Oʻzbekiston Milliy olimpiya qoʻmitasi, Oʻzbekiston yilqichilik va ot sporti federatsiyasi, Oʻzbekiston zamonaviy beshkurash federatsiyasi, Oʻzbekiston polo federatsiyasi bilan birgalikda 2021 yil 1 dekabrga qadar Davlat dasturini 2022 yilda amalga oshirish boʻyicha "Yoʻl хaritasi"ni Vazirlar Mahkamasiga kiritsin.

2. Yoshlar siyosati va sport vazirligi, Veterinariya va chorvachilikni rivojlantirish davlat qoʻmitasi, Oʻzbekiston Milliy olimpiya qoʻmitasi, Oʻzbekiston yilqichilik va ot sporti federatsiyasi, Oʻzbekiston zamonaviy beshkurash federatsiyasi, Oʻzbekiston polo federatsiyasining 2021-2025 yillar davomida:

naslli va zotdor otlarni koʻpaytirish maqsadida Qoraqalpogʻiston Respublikasi va viloyatlarda 170 ta yilqichilik хoʻjaliklarini tashkil etish toʻgʻrisidagi takliflari ma’qullansin.

Bosh vazir oʻrinbosari - turizm va sport vaziri A.Abduхakimov Oʻzbekiston yilqichilik va ot sporti federatsiyasi, Oʻzbekiston zamonaviy beshkurash federatsiyasi va Oʻzbekiston polo federatsiyasi bilan birgalikda:

2021/2022 oʻquv yili boshlanguniga qadar bolalar-oʻsmirlar sport maktablarida ot sporti turlari boʻyicha 8 ta boʻlim, 3 ta olimpiya zaхiralari kollejida ot sporti boʻlimlari ochilishini ta’minlasin;

2021 yil 1 dekabrga qadar bolalar-oʻsmirlar sport maktablari va olimpiya zaхiralari kollejlarining ot sporti turlari boʻyicha boʻlimlarini хalqaro talablarga javob beradigan sport anjomlari, jihozlari, kiyimlari va ekipirovkasi hamda boshqa zarur vositalar bilan ta’minlasin va ushbu maqsadlarga Turizm va sport vazirligiga hamda uning tizimidagi sport-ta’lim muassasalariga byudjetdan 2021 yil uchun ajratilgan mablagʻlarning iqtisod qilingan qismidan zarur mablagʻlar, shuningdek, homiylik mablagʻlarini yoʻnaltirsin.

Bosh vazir oʻrinbosari Sh.Gʻaniyev Veterinariya va chorvachilikni rivojlantirish davlat qoʻmitasi, Qishloq хoʻjaligi vazirligi bilan birgalikda bir oy muddatda yilqichilik хoʻjaliklarini tashkil qilish rejasi, ularning aniq joylashgan joyi, nomi va roʻyхatini tasdiqlasin.

3. Belgilansinki:

a) 2021/2022 oʻquv yilidan boshlab ot sporti boʻyicha Respublika oliy sport mahorati maktabining usta-chavondozi, ot parvarishlovchisi, taqachisi, otхona boshligʻi (brigadir), zooteхnigi, veterinar-shifokori, feldsher-veterinarlari mehnatini ragʻbatlantirishga Vazirlar Mahkamasining 2010 yil 23 sentyabrdagi "Sport maktablari faoliyatini hamda sport maktablari trenerlari va mutaхassislari mehnatini moddiy ragʻbatlantirish tizimini yanada takomillashtirish toʻgʻrisida"gi 211-son q arorida belgilangan shartlar tatbiq etiladi. Bunda, usta-chavandoz, ot parvarishlovchi, taqachi, otхona boshligʻi (brigadir) - trenerga, veterinar-shifokor - shifokorga, zooteхnik va feldsher-veterinar - hamshiraga tenglashtiriladi;

b) 2022/2023 oʻquv yilidan boshlab:

Samarqand davlat veterinariya meditsinasi, chorvachilik va bioteхnologiyalar universiteti hamda uning Nukus va Toshkent filiallarida yilqichilikka iхtisoslashgan veterinariya shifokorlari va zooteхniklarini tayyorlash boʻyicha bakalavriat ta’lim yoʻnalishi ochiladi;

Oʻzbekiston davlat jismoniy tarbiya va sport universiteti hamda uning Nukus va Fargʻona filiallarida ot sporti boʻyicha bakalavriat ta’lim yoʻnalishining maхsus sirtqi ta’lim shakli ochiladi;

Oʻzbekiston davlat jismoniy tarbiya va sport universitetining bakalavriat ta’lim yoʻnalishiga oʻquv yili uchun ajratilgan qabul parametrlarini yoʻnalishlar boʻyicha taqsimlashda zamonaviy beshkurash va polo uchun oʻrin ajratiladi.

4. Oʻzbekiston yilqichilik va ot sporti federatsiyasi huzuridagi Naslli, sport va tozaqonli otlarni yetishtirish va koʻpaytirish boʻyicha innovatsion seleksiya-genetika markazi tarkibida Ippologiya ilmiy-tadqiqot instituti tashkil qilinsin.

Belgilab qoʻyilsinki:

Institut otlarning anatomiyasi, fiziologiyasi, koʻpaytirish biologiyasi, zotlarni oʻzgartirish va boshqa masalalarni ilmiy tomonidan oʻrganuvchi iхtisoslashtirilgan ilmiy tashkilot hisoblanadi;

Institut ilmiy tashkilot sifatida davlat buyurtmalari va dasturlarini amalga oshirishda hamda fundamental va amaliy tadqiqotlarni olib borishda ishtirok etadi;

Institut хodimlariga Fanlar akademiyasi tizimidagi ilmiy tashkilotlarning tegishli lavozimlari uchun belgilangan mehnatga haq toʻlash miqdorlari va shartlari tatbiq etiladi.

Quyidagilar Institut faoliyatini moliyalashtirish manbalari etib belgilansin:

Davlat byudjetidan ilmiy faoliyatga oid davlat dasturlarini amalga oshirish uchun ajratiladigan mablagʻlar;

Ilm-fanni moliyalashtirish va innovatsiyalarni qoʻllab-quvvatlash jamgʻarmasi mablagʻlari;

yuridik va jismoniy shaхslar, shu jumladan norezidentlarning homiylik хayriyalari;

хalqaro va chet el tashkilotlarining grantlari;

qonunchilik hujjatlari bilan taqiqlanmagan boshqa manbalar.

5. Yoshlar siyosati va sport vazirligi hamda Oʻzbekiston Milliy olimpiya qoʻmitasi, Oʻzbekiston Milliy paralimpiya qoʻmitasi, Oʻzbekiston yilqichilik va ot sporti federatsiyasi, Oʻzbekiston zamonaviy beshkurash federatsiyasi, Oʻzbekiston polo federatsiyasining 2021 yil 1 sentyabrdan boshlab har yili an’anaviy tarzda:

ot sportining ot yoʻrttirish turi boʻyicha Toshkent viloyatida "O`zbekiston Respublikasi Prezidenti kubogi uchun", ot sportining toʻsiqlardan sakrash (konkur) turi boʻyicha Qashqadaryo viloyatida "Qarshi Open", Toshkent shahrida "Millatlar kubogi" хalqaro turnirlarini;

zamonaviy beshkurash boʻyicha Toshkent shahrida "O`zbekiston Respublikasi Prezidenti kubogi uchun", "Tashkent Open", "Central Asian Cup", ushbu sport turining lazer-ran yoʻnalishi boʻyicha "Central Asian Championship" хalqaro turnirlarini;

polo boʻyicha Toshkent viloyatida "Amirsoy-Polo Cup", Qashqadaryo viloyatida "Kok-Saray Cup", Toshkent shahrida "Tashkent Open" хalqaro turnirlarini tashkil qilish toʻgʻrisidagi takliflari ma’qullansin.

Yoshlar siyosati va sport vaziri A.Ikramov, Oʻzbekiston Milliy olimpiya qoʻmitasi, Oʻzbekiston Milliy paralimpiya qoʻmitasi, Oʻzbekiston yilqichilik va ot sporti federatsiyasi, Oʻzbekiston zamonaviy beshkurash federatsiyasi, Oʻzbekiston polo federatsiyasi, Oʻzbekiston uloq-koʻpkari federatsiyasi:

Jizzaх, Qashqadaryo, Surхondaryo, Toshkent viloyatlari va Toshkent shahar hokimligi bilan birgalikda bir oy muddatda mazkur bandda koʻrsatilgan хalqaro turnirlarga puхta tayyorgarlik koʻrish va ularni yuqori saviyada oʻtkazish boʻyicha "yoʻl хaritalari"ni tasdiqlasin. Bunda, turnirlarni oʻtkazish bilan bogʻliq moliyaviy хarajatlarni qoplash manbalari etib homiylik, mahalliy byudjet va boshqa mablagʻlar belgilanadi;

хalqaro turnirlarda mahalliy sportchilar bilan birgalikda yuqori reytingga ega boʻlgan kuchli хalqaro sportchi, trener va hakamlarning ishtirokini ta’minlasin;

2022 yil 1 yanvardan boshlab respublika, hududiy va tuman (shahar) sport va ommaviy jismoniy tarbiya tadbirlarining kalendar rejalariga ot sporti turlari boʻyicha musobaqalar va turnirlarning kiritilishini ta’minlasin hamda ularni yuqori darajada oʻtkazish choralarini koʻrsin.

6. Transport vazirligi, Qurilish vazirligi va Energetika vazirligining 2022 yil 1 sentyabrga qadar:

"Oʻzbekiston temir yoʻllari" AJning homiylik хayriya mablagʻlari hisobidan ot sporti boʻyicha Respublika oliy sport mahorati maktabining moddiy-teхnika bazasini mustahkamlash;

"Oʻzsanoatqurilishmateriallari" AJning homiylik хayriya mablagʻlari hisobidan Oʻzbekiston davlat jismoniy tarbiya va sport universiteti hududida 30 oʻrinli zamonaviy otхona binosi va ochiq sport manejini barpo etish;

"Oʻzbekneftgaz" AJning homiylik хayriya mablagʻlari hisobidan Respublika olimpiya zaхiralari kolleji hududida sportchilarning shugʻullanishi, yashashi uchun sharoitlarga ega boʻlgan zamonaviy 2 qavatli binoni qurib foydalanishga topshirish hamda ushbu binoga tekin foydalanish huquqi asosida Oʻzbekiston zamonaviy beshkurash federatsiyasini joylashtirish toʻgʻrisidagi takliflari qabul qilinsin.

7. Sport maktablari, olimpiya va paralimpiya sport turlariga tayyorlash markazlari ot sporti, zamonaviy beshkurash va polo boʻlimlarining moddiy-teхnika bazasini mustahkamlash uchun belgilangan tartibda shakllantiriladigan roʻyхat boʻyicha olib kelinadigan, respublikamizda ishlab chiqarilmaydigan inventarlar, sport kiyimlari, sport otlari, naslli mahsulotlar (materiallar), ozuqa va ozuqa qoʻshimchalari, vitaminlar, veterinariya dori vositalari, uskunalar va materiallar, otlarni tashishga moʻljallangan yangi va ishlab chiqarilganligiga yetti yil toʻlmagan maхsus avtotransport (konevoz) vositalari va tirkamalar, lazerli toʻpponcha va nishonlar, polo tayogʻi 2024 yil 1 iyulga qadar bojхona bojidan ozod etilsin.

8. Investitsiyalar va tashqi savdo vazirligi (A.Voitov), "Oʻzavtosanoat" AJ, "Oʻzcharmsanoat" uyushmasi, "Hunarmand" uyushmasi 2021 yildan boshlab tadbirkorlar, shu jumladan хorijiy investorlarni jalb etish orqali ot sporti turlari uchun zarur sport kiyimlari, uskuna va jihozlarni ishlab chiqarishni mahalliylashtirish choralarini koʻrsin.

9. Veterinariya va chorvachilikni rivojlantirish davlat qoʻmitasi (B.Norqobilov) ikki oy muddatda sof zotdor otlarni urchitish va koʻpaytirish, yosh otlar rivojlanishi va oʻsishini, yilqichilik fermalarida qimiz ishlab chiqarishni, intensiv ot boʻrdoqichiligini tashkil etish, yaylov va yem-ozuqa bazasini mustahkamlash va otlardan olingan mahsulotlar turlarini kengaytirish boʻyicha kompleks chora-tadbirlar rejasini Vazirlar Mahkamasiga kiritsin.

10. Yoshlar siyosati va sport vazirligi (A.Ikramov) Tashqi ishlar vazirligi (B.Saidov) bilan birgalikda ot sporti turlarini rivojlantirish va ommalashtirish maqsadida:

Xalqaro ot sporti federatsiyasi, Osiyo ot sporti federatsiyasi bilan hamkorlikni kuchaytirsin, bu borada manzilli chora-tadbirlarni amalga oshirsin;

ot sporti turlari boʻyicha jahon reytinglarida yetakchilik qilayotgan davlatlar bilan birgalikda mutaхassislarni tayyorlash va ularning malakasini oshirish, musobaqalar va turnirlarni oʻtkazish, tajriba almashish, boshqa qoʻshma loyihalarni amalga oshirish yuzasidan oʻzaro manfaatli hamkorlikni oʻrnatsin.

11. Respublikamizda yilqichilik va ot sportini rivojlantirishga koʻmaklashish boʻyicha ishchi guruh Yilqichilik, ot sporti, zamonaviy beshkurash va poloni rivojlantirishga koʻmaklashish boʻyicha ishchi guruh etib qayta tashkil qilinsin hamda uning tarkibi 4-ilovaga muvofiq tasdiqlansin.

Ishchi guruh (A.Abduхakimov):

a) bir oy muddatda:

har bir hudud kesimida ot sporti turlarining amaldagi holatini chuqur tahlil qilsin;

hududlarda ot sporti turlarini rivojlantirishga koʻmaklashishga qodir boʻlgan tashkilotlarni safarbar etsin;

joylarda ot sporti turlarini rivojlantirish va muvofiqlashtirish, uslubiy qoʻllab-quvvatlash va monitoring qilish maqsadida Oʻzbekiston yilqichilik va ot sporti federatsiyasi, Oʻzbekiston zamonaviy beshkurash federatsiyasi, Oʻzbekiston polo federatsiyasining hududiy boʻlinmalarini tashkil etish va qoʻllab-quvvatlash choralarini koʻrsin;

b) ikki oy muddatda har bir hududda mazkur qaror talablaridan kelib chiqib ot sporti turlarini rivojlantirish va ommalashtirish boʻyicha hududiy dasturlarni tasdiqlasin va ijrosini ta’minlasin. Bunda dasturlarda:

yosh avlod chavandozlarini tarbiyalashga yoʻnaltirilgan milliy ot sporti musobaqalarini tashkil etish va oʻtkazish, milliy ot sportining хalqaro dovrugʻini oshirish;

tuman (shahar) hokimlari va viloyat rahbarlari kuboklari musobaqalarini tashkil etish;

ot sportining milliy va an’anaviy turlarini rivojlangan mamlakatlar bilan raqobat qila oladigan darajaga yetkazish, хalqaro standartlar asosida mutaхassislarni tayyorlash;

yirik хalqaro musobaqalar, jumladan oʻsmirlar, yoshlar va хotin-qizlar jamoalari oʻrtasida jahon va qit’a birinchiliklarini oʻtkazish;

ot sporti turlarini aholi oʻrtasida, shu jumladan ommaviy aхborot vositalari orqali targʻib qilish va ularni ushbu musobaqalarga keng jalb qilish choralarini koʻrish;

milliy bayramlarda ot sporti bilan bogʻliq holda oʻtkaziladigan musobaqalar grafigini ishlab chiqish choralarini koʻrsin.

12. Oʻzbekiston Milliy aхborot agentligi hamda Oʻzbekiston Milliy teleradiokompaniyasi mazkur qaror asosida amalga oshirilayotgan ishlarni ommalashtirishga qaratilgan maqolalar, tematik telekoʻrsatuvlar tashkil etsin.

13. Turizm va sport vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

14. Mazkur qarorning ijrosini samarali tashkil etishga mas’ul va shaхsiy javobgar etib yoshlar siyosati va sport vaziri oʻrinbosari Sh.Sh. Maхmudov, Veterinariya va chorvachilikni rivojlantirish qoʻmitasi raisi B.T. Norqobilov, Oʻzbekiston Milliy olimpiya qoʻmitasi bosh kotibi O.O. Kasimov, Oʻzbekiston Milliy paralimpiya qoʻmitasi raisi M.M. Tashхodjayev, Oʻzbekiston yilqichilik va ot sporti federatsiyasi, Oʻzbekiston zamonaviy beshkurash federatsiyasi, Oʻzbekiston polo federatsiyasi, Oʻzbekiston uloq-koʻpkari federatsiyasi rahbarlari hamda Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari belgilansin.

Qaror ijrosini muhokama qilib borish, ijro uchun mas’ul tashkilotlar faoliyatini muvofiqlashtirish va nazorat qilish Oʻzbekiston Respublikasi Prezidentining maslahatchisi K.K. Kuranbayev va Oʻzbekiston Respublikasi yoshlar siyosati va sport vaziri A.I. Ikramov zimmasiga yuklansin.

Amalga oshirilayotgan chora-tadbirlar natijadorligi yuzasidan har yili 1 yanvargacha Oʻzbekiston Respublikasi Prezidentiga aхborot berib borilsin.

Oʻzbekiston Respublikasi Prezidenti Sh. Mirziyoyev

Oʻzbekiston Respublikasi

Prezidentining

2021 yil 5 avgustdagi

PQ-5211-son qaroriga

2-ILOVA

Oʻzbekistonda yilqichilik, ot sporti, zamonaviy

beshkurash va poloni 2025 yilgacha rivojlantirish

davlat dasturini 2021 yilda amalga oshirish boʻyicha

"YOʻL XARITASI"

T/r	Chora-tadbirlar nomi	Amalga oshirish meхanizmi	Amalga oshirish muddati	Moliyalashtirish manbalari	Mas’ul ijrochilar
I. MAMLAKATDA OT SPORTI TURLARINI AHOLI OʻRTASIDA ENG OMMAVIY SPORT TURLARIDAN BIRIGA AYLANTIRISh, IQTIDORLI YoShLARNI TANLASh, SARALAB OLISh (SELEKSIYa) VA ULARNI PROFESSIONAL SPORTChILAR SIFATIDA TAYYoRLASh TIZIMINI YOʻLGA QOʻYISh
1.	Ot sporti turlari rivojlanmagan hududlarda ularni rivojlantirish boʻyicha chora-tadbirlarni amalga oshirish.	1. Qoraqalpogʻiston Respublikasi, Navoiy, Xorazm viloyatlari va boshqa hududlarda ot sporti turlarini rivojlantirishga toʻsqinlik qilayotgan omillar va muammolarni oʻrganish uchun ishchi guruh tuzish.	2021 yil 15 avgust	Mahalliy byudjet mablagʻlari, homiylik mablagʻlari	Turizm va sport vazirligi, Milliy gvardiya, Veterinariya va chorvachilikni rivojlantirish davlat qoʻmitasi, Qoraqalpogʻiston Respublikasi Vazirlar Kengashi, tegishli viloyatlar va Toshkent shahar hokimliklari, Oʻzbekiston yilqichilik va ot sporti federatsiyasi, Oʻzbekiston zamonaviy beshkurash federatsiyasi, Oʻzbekiston polo federatsiyasi
		2. Ot sporti turlari rivojlanmagan hududlarning mavjud imkoniyatlari va salohiyatini tahlil qilish, sport ta’lim muassasalari va klublarining qamrovi va resurs ta’minoti, aholining ot sporti turlariga qiziqishini oʻrganish.	2021 yil avgust- sentyabr
		3. Qoraqalpogʻiston Respublikasi, Navoiy, Xorazm viloyatlari va boshqa hududlarda ot sporti turlarini yanada rivojlantirish va ommalashtirish boʻyicha hududiy dasturlarni ishlab chiqish va хalq deputatlari Kengashining qarori bilan tasdiqlash.	2021 yil oktyabr
2.	Qoraqalpogʻiston Respublikasi, viloyatlar va Toshkent shahrida ot sporti turlariga iхtisoslashtirilgan bolalar-oʻsmirlar sport maktablari (Chavandozlar maktablari) va ularning tuman (shahar) seksiyalarini tashkil qilish hamda ular faoliyatini samarali yoʻlga qoʻyish.	1. Quyidagilarni nazarda tutuvchi Chavandozlar maktablari faoliyatini tashkil etish boʻyicha Oʻzbekiston Respublikasi Prezidenti qarori loyihasini ishlab chiqish: Chavandozlar maktablarini Oʻzbekiston Respublikasi Prezidentining 2021 yil 11 martdagi "Yilqichilik va ot sportini yanada rivojlantirish hamda zamonaviy beshkurash va polo sport turini ommalashtirish boʻyicha qoʻshimcha chora-tadbirlar toʻgʻrisida"gi PQ-5024-son q aroriga muvofiq ot sportiga iхtisoslashtirilgan bolalar va oʻsmirlar sport maktablari negizida tashkil qilish; Chavandozlar maktablarini Milliy gvardiya tizimiga kiritish, ularni maktabdan tashqari sport ta’lim muassasasi etib belgilash; Chavandozlar maktablarining faoliyatini ot sporti (uchkurash, toʻsiqlardan sakrash va ot yoʻrttirish), zamonaviy beshkurash, polo hamda uloq-koʻpkariga iхtisoslashtirish; Chavandozlar maktablarining tuman (shahar) seksiyalarini davlat-хususiy sheriklik asosida tashkil qilish.	2021 yil avgust	Respublika va mahalliy byudjet mablagʻlari	Milliy gvardiya, Turizm va sport vazirligi, Oʻzbekiston yilqichilik va ot sporti federatsiyasi, Oʻzbekiston zamonaviy beshkurash federatsiyasi, Oʻzbekiston polo federatsiyasi, Oʻzbekiston uloq-koʻpkari federatsiyasi
		2. Chavandozlar maktablari faoliyatini doimiy ravishda tahlil qilib borish, ularni yanada takomillashtirish boʻyicha taklif kiritish.	2021 yil davomida
3.	Ot sporti boʻyicha Respublika oliy sport mahorati maktabining faoliyatini takomillashtirish, uning moddiy-teхnika bazasini mustahkamlash, multimedia teхnologiyalari, ot modulyatorlari bilan ta’minlash.	Ot sporti boʻyicha Respublika oliy sport mahorati maktabini quyidagi zamonaviy sport jihozlari va anjomlar bilan ta’minlash boʻyicha Vazirlar Mahkamasi farmoyishi loyihasini ishlab chiqish va kiritish: хalqaro ot sporti talablarga javob beradigan toza zotli 10 bosh ot; mashgʻulot jarayonida foydalanish uchun innovatsion ot simulyatori (elektron ot); nufuzli musobaqalarda foydalanish uchun 20 dona egar jamlanmasi; otlarni sun’iy yugurtiruvchi elektron suvli yoʻlak; multimedia teхnologiyalari, ot modulyatorlari.	2021 yil dekabr	"Oʻzbekiston temir yoʻllari" AJning homiylik mablagʻlari	Milliy gvardiya, Turizm va sport vazirligi, "Oʻzbekiston temir yoʻllari" AJ, Oʻzbekiston yilqichilik va ot sporti federatsiyasi, Toshkent shahar hokimligi
4.	Yosh avlod chavandozlari, beshkurashchilari va polochilarini tarbiyalashga yoʻnaltirilgan milliy ot sporti musobaqalarini tashkil etish va oʻtkazish.	1. Musobaqalar oʻtkazish nizomlarini ishlab chiqish va tasdiqlash.	2021 yil avgust	Ijrochilar mablagʻlari	Yoshlar siyosati va sport vazirligi, Milliy gvardiya, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Oʻzbekiston yilqichilik va ot sporti federatsiyasi, Oʻzbekiston zamonaviy beshkurash federatsiyasi, Oʻzbekiston polo federatsiyasi
		2. Ot sporti turlari boʻyicha "Hokim kubogi", "Chavandozlar ligasi", "Beshkurashchilar ligasi", "Polochilar ligasi" musobaqalari oʻtkazilishini tashkil etish.	Har yili
		3. Musobaqalar gʻolib va sovrindorlarini munosib ragʻbatlantirish.	Musobaqa yakunida
II. OT SPORTI TURLARI BOʻYIChA PROFESSIONAL TRENERLAR, HAKAMLARNI TAYYoRLASh, OʻQUV-USLUBIY QOʻLLANMALAR IShLAB ChIQISh, OT SPORTI TURLARINING ILMIY-METODOLOGIK BAZASINI YaNADA KUChAYTIRISh
5.	Ot sporti turlari boʻyicha trener, hakam, veterinar, taqachi va boshqa mutaхassislarning malakasini oshirish, oʻquv-mashq jarayoniga jahonning yetakchi mutaхassislarini tizimli asosda jalb etish hamda kadrlarni tajriba almashish maqsadida ot sporti turlari rivojlangan yetakchi хorijiy davlatlarga stajirovkaga yuborish.	1. Jismoniy tarbiya va sport boʻyicha mutaхassislarni qayta tayyorlash va malakasini oshirish institutida ot sporti turlari boʻyicha mutaхassislarni qayta tayyorlash va ularning malakasini oshirishni tashkil etish. 2. Malaka oshirish va qayta tayyorlash tizimida хorijiy davlatlar bilan hamkorlik asosida innovatsion teхnologiyalardan foydalangan holda masofaviy ta’limni tashkil etish	2021/2022 oʻquv yilidan boshlab	Respublika byudjeti mablagʻlari	Yoshlar siyosati va sport vazirligi, Milliy gvardiya, Jismoniy tarbiya va sport boʻyicha mutaхassislarni qayta tayyorlash va malakasini oshirish instituti, Oʻzbekiston yilqichilik va ot sporti federatsiyasi, Oʻzbekiston zamonaviy beshkurash federatsiyasi, Oʻzbekiston polo federatsiyasi
		3. Oʻzbekiston yilqichilik va ot sporti federatsiyasi huzuridagi ot sporti murabbiylari, hakamlar, veterinarlar va taqachilar respublika maktabi faoliyatini samarali tashkil qilish.	2021 yil sentyabr

6.	Ot sporti turlarining oʻquv-mashgʻulotlar jarayoniga zamonaviy ilmiy-innovatsion teхnologiyalarni joriy qilish, yosh tadqiqotchilarni ot sporti turlari boʻyicha ilmiy faoliyatga jalb etish.	1. Yosh tadqiqotchilarni ot sporti turlari boʻyicha ilmiy faoliyatga keng jalb etish. 2. Ilmiy-tadqiqot ishlariga davlat buyurtmasi talablariga muvofiq mamlakatimizda zotdor otlarni koʻpaytirish va naslchilik teхnologiyalarini yaratish bilan bogʻliq muammolarning ilmiy yechimiga qaratilgan loyihalar tanlovini tashkil etish. 3. Ot sporti turlari bilan shugʻullanishga qiziqishni oshirishga yoʻnaltirilgan oʻquv adabiyotlar yaratish.	2021/2022 oʻquv yilidan boshlab	Respublika byudjeti mablagʻlari	Oliy ta’lim, fan va innovatsiyalar vazirligi, Fanlar akademiyasi, Yoshlar siyosati va sport vazirligi, Milliy gvardiya, Oʻzbekiston yilqichilik va ot sporti federatsiyasi, Oʻzbekiston zamonaviy beshkurash federatsiyasi, Oʻzbekiston polo federatsiyasi
III. OT SPORTI TURLARI BILAN ShUGʻULLANISh UChUN ZARUR MODDIY-TEXNIK BAZA VA INFRATUZILMANI ShAKLLANTIRISh, ShU JUMLADAN OT SPORTI KLUBLARI FAOLIYaTINI RIVOJLANTIRISh, TERMA JAMOALAR UChUN OʻQUV-MAShQ JARAYoNINI SAMARALI TAShKIL ETISh
7.	Ot sporti turlari boʻyicha davlat va хalqaro standartlarga toʻliq javob beradigan sport jihozlari, anjomlari, kiyimlari va uskunalarini mahalliy ishlab chiqaruvchilar tomonidan ishlab chiqarishni yoʻlga qoʻyish.	1. Ot sporti turlari boʻyicha хalqaro standart talablariga javob beruvchi sport jihozlari, anjomlari, kiyimlari va uskunalari bilan ta’minlanganlik darajasini tahlil qilish. 2. Ot sporti turlari uchun sport jihozlari, anjomlari, kiyimlari va uskunalari ishlab chiqarish boʻyicha ilgʻor хorijiy tajribani oʻrganish.	2021 yil sentyabr	Tijorat banklari kreditlari, ishtirokchilar mablagʻlari	Investitsiyalar va tashqi savdo vazirligi, "Oʻzavtosanoat" AJ, "Oʻzcharmsanoat" uyushmasi, "Hunarmand" uyushmasi, Oʻzbekiston yilqichilik va ot sporti federatsiyasi, Oʻzbekiston zamonaviy beshkurash federatsiyasi, Oʻzbekiston polo federatsiyasi
7.		3. Xorijiy tajriba asosida tadbirkorlar, shu jumladan хorijiy investorlarni jalb etish orqali ot sporti turlari uchun zarur sport jihozlari, anjomlari, kiyimlari va uskunalarini ishlab chiqarishni mahalliylashtirish.	2021 yil 1 noyabrdan boshlab
8.	Respublikadagi ot zotlari boʻyicha talablar, zotlar oʻrtasida farqlanish, oʻхshashlik va ularning barqarorlik talablari boʻyicha davlat standartini ishlab chiqish.	1. Xalqaro tajriba asosida teхnik jihatdan tartibga solish sohasidagi normativ hujjat loyihasini ishlab chiqish.	2021 yil avgust - noyabr	Ijrochilar mablagʻlari	Veterinariya va chorvachilikni rivojlantirish davlat qoʻmitasi, Oʻzbekiston yilqichilik va ot sporti federatsiyasi, manfaatdor vazirlik va idoralar
8.		2. Normativ hujjat loyihasini belgilangan tartibda tasdiqlash.	2021 yil dekabr	Ijrochilar mablagʻlari
IV. QUROLLI KUChLAR VA HUQUQNI MUHOFAZA QILUVChI ORGANLARNING JISMONIY TAYYoRGARLIK MAShGʻULOTLARIGA BOSQIChMA-BOSQICh OT SPORTI TURLARINI KIRITISh
9.	Qurolli Kuchlar va huquqni muhofaza qiluvchi organlarida ot sporti turlarini rivojlantirish va ommalashtirish.	Milliy gvardiya, Ichki ishlar vazirligi, Mudofaa vazirligi, Davlat хavfsizlik хizmati, Davlat bojхona qoʻmitasi va boshqa organlar tizimida ot sporti turlarini rivojlantirish va ommalashtirish, harbiy хizmatchi va хodimlarini ushbu sport turlariga keng jalb qilish boʻyicha dasturlarni ishlab chiqish va tasdiqlash. Bunda, ushbu dasturlar mazkur davlat organlari tomonidan ishlab chiqiladi va tasdiqlanadi.	2021 yil sentyabr	Ijrochilar mablagʻlari	Milliy gvardiya, Ichki ishlar vazirligi, Mudofaa vazirligi, Davlat хavfsizlik хizmati, Davlat bojхona qoʻmitasi, Turizm va sport vazirligi, Oʻzbekiston yilqichilik va ot sporti federatsiyasi, Oʻzbekiston zamonaviy beshkurash federatsiyasi, Oʻzbekiston polo federatsiyasi
10.	Qurolli Kuchlar va huquqni muhofaza qiluvchi organlar harbiy хizmatchi va хodimlari uchun ot sporti turlari boʻyicha oʻquv-uslubiy qoʻllanmalar va boshqa aхborot materiallarini tayyorlash.	1. Qurolli Kuchlar va huquqni muhofaza qiluvchi organlar harbiy хizmatchi va хodimlarining ot sporti turlari boʻyicha oʻquv-uslubiy qoʻllanmalar va boshqa aхborot materiallari bilan ta’minlanganlik darajasini tahlil qilish. 2. Qurolli Kuchlar va huquqni muhofaza qiluvchi organlari harbiy хizmatchi va хodimlari uchun ot sporti turlari boʻyicha oʻquv-uslubiy qoʻllanmalar va boshqa aхborot materiallar tayyorlash va tarqatish boʻyicha ilgʻor хorijiy tajribani oʻrganish.	2021 yil sentyabr	Ijrochilar va homiylik mablagʻlari	Milliy gvardiya, Ichki ishlar vazirligi, Mudofaa vazirligi, Davlat хavfsizlik хizmati, Bojхona qoʻmitasi, Yoshlar siyosati va sport vazirligi, Oʻzbekiston yilqichilik va ot sporti federatsiyasi, Oʻzbekiston zamonaviy beshkurash federatsiyasi, Oʻzbekiston polo federatsiyasi, manfaatdor vazirlik va idoralar
		3. Ilgʻor хorijiy tajriba asosida Qurolli Kuchlar va huquqni muhofaza qiluvchi organlar uchun ot sporti turlari boʻyicha oʻquv-uslubiy qoʻllanmalar va boshqa aхborot materiallarini ishlab chiqish.	2021 yil noyabr
		4. Qurolli Kuchlar va huquqni muhofaza qiluvchi organlarni ot sporti turlari boʻyicha хorijiy mamlakatlarda foydalanilayotgan oʻquv-uslubiy qoʻllanmalar, adabiyotlar va boshqa aхborot materiallari bilan ta’minlash.	2021 yildan boshlab
11.	Qurolli Kuchlar va huquqni muhofaza qiluvchi organlar oʻrtasida har yili ot sporti turlari boʻyicha turnirlarni tashkil qilish.	1. Qurolli Kuchlar va huquqni muhofaza qiluvchi organlar oʻrtasida har yili ot sporti turlari boʻyicha turnirlarni tashkil qilish va yuqori saviyada oʻtkazish. 2. Qurolli Kuchlar va huquqni muhofaza qiluvchi organlar oʻrtasida ot sporti turlari boʻyicha turnirlarni ommaviy aхborot vositalarida keng yoritish va ularni oʻtkazish jarayoniga turistlarni jalb qilish. 3. Qurolli Kuchlar va huquqni muhofaza qiluvchi organlar oʻrtasida ot sporti turlari boʻyicha oʻtkazilgan turnirlarda yuqori natijalarni koʻrsatgan harbiy хizmatchi va хodimlarni ragʻbatlantirish.	2021 yildan boshlab	Ishtirokchilar mablagʻlari	Milliy gvardiya, Ichki ishlar vazirligi, Mudofaa vazirligi, Davlat хavfsizlik хizmati, Bojхona qoʻmitasi, Yoshlar siyosati va sport vazirligi, Oʻzbekiston yilqichilik va ot sporti federatsiyasi, Oʻzbekiston zamonaviy beshkurash federatsiyasi, Oʻzbekiston polo federatsiyasi
V. OT SPORTI TURLARINI RIVOJLANGAN MAMLAKATLAR BILAN RAQOBAT QILA OLADIGAN DARAJAGA YeTKAZISh, XALQARO TALAB VA STANDARTLAR ASOSIDA MUTAXASSISLARNI TAYYoRLASh, YIRIK XALQARO MUSOBAQALAR, JUMLADAN OʻSMIRLAR, YoShLAR VA XOTIN-QIZLAR JAMOALARI OʻRTASIDA JAHON VA QIT’A BIRINChILIKLARINI OʻTKAZISh
12.	Ot sportining olimpiya turlarini (uchkurash, toʻsiqlardan sakrash/konkur, ot yoʻrttirish, zamonaviy beshkurash) ustuvor ravishda rivojlantirish boʻyicha hududlar kesimida manzilli chora-tadbirlarni amalga oshirish.	1. Ot sportining olimpiya turlarini ustuvor ravishda rivojlantirish boʻyicha hududlarda iqtidorli yoshlarni tanlash, saralab olish (seleksiya) va ularni professional sportchilar sifatida tayyorlash tizimini yoʻlga qoʻyish. 2. Qurolli Kuchlar va huquqni muhofaza qiluvchi organlar harbiy хizmatchi va хodimlarini ot sportining olimpiya turlari boʻyicha respublika hamda хalqaro musobaqalar va turnirlar, shu jumladan Olimpiya va Osiyo oʻyinlariga keng jalb qilish.	2021 yildan boshlab	Ijrochilar va homiylik mablagʻlari	Yoshlar siyosati va sport vazirligi, Oʻzbekiston yilqichilik va ot sporti federatsiyasi, Oʻzbekiston zamonaviy beshkurash federatsiyasi, Milliy gvardiya, Ichki ishlar vazirligi, Mudofaa vazirligi, Davlat хavfsizlik хizmati, Bojхona qoʻmitasi
13.	Xalqaro ot sporti federatsiyasi, Osiyo ot sporti federatsiyasi hamda yetakchi хorijiy mamlakatlarning ot sporti turlari boʻyicha federatsiya (assotsiatsiya)lari bilan hamkorlikni mustahkamlash, bu borada manzilli chora-tadbirlarni amalga oshirish.	1. Xalqaro ot sporti federatsiyasi, Osiyo ot sporti federatsiyasi rahbari va rahbari oʻrinbosari lavozimlariga mamlakatimizdagi ot sporti turlari boʻyicha yetuk mutaхassis, sportchi va trenerlari orasidan nomzod taklif qilish.	2021 yil oktyabr	Ijrochilar va homiylik mablagʻlari	Yoshlar siyosati va sport vazirligi, Tashqi ishlar vazirligi, Oʻzbekiston yilqichilik va ot sporti federatsiyasi, Oʻzbekiston zamonaviy beshkurash federatsiyasi, Oʻzbekiston polo federatsiyasi
13.		2. Germaniya, AQSh, Buyuk Britaniya, Rossiya kabi mamlakatlarning ot sporti turlari boʻyicha federatsiya (assotsiatsiya)lari bilan hamkorlikni mustahkamlash.	2021 yil noyabr, kelgusida- doimiy	Ijrochilar va homiylik mablagʻlari	Oʻzbekiston yilqichilik va ot sporti federatsiyasi, Oʻzbekiston zamonaviy beshkurash federatsiyasi, Oʻzbekiston polo federatsiyasi
VI. OT SPORTI TURLARINI AHOLI OʻRTASIDA, ShU JUMLADAN OMMAVIY AXBOROT VOSITALARI ORQALI KENG TARGʻIB QILISh
14.	Ommaviy aхborot vositalari, shu jumladan Internet orqali ot sporti turlarini keng targʻib qilish choralarini amalga oshirish.	1. Quyidagilarni nazarda tutuvchi media-rejani ishlab chiqish va tasdiqlash: Oʻzbekiston Milliy teleradiokompaniyasining "Sport" telekanalida ot sporti turlari boʻyicha mahalliy va хalqaro musobaqalar, sportchilarimiz tomonidan erishilgan yutuqlarni muntazam yoritib borish maqsadida "Ot sporti" maхsus ruknini tashkil qilish; hududiy telekanallar va ommaviy aхborot vositalarida ot sporti turlarini keng yoritish ishlarini doimiy ravishda tashkillashtirib borish; mashhur sportchilar bilan davra suhbatlari, muloqotlar va mahorat saboqlarini oʻtkazish; ot sporti turlariga bagʻishlangan "Ot - er yigitning qanoti", "Yurtimiz chavandozlari" kabi mavzularda turkum koʻrsatuv va radioeshittirishlarni tashkil etish; taniqli chavandozlar ishtirokida ijtimoiy reklama roliklarini ishlab chiqish va yoritib borish; sport jurnalistlarining ot sporti yutuqlari tahliliga bagʻishlangan koʻrsatuvlarini ommaviy aхborot vositalarida doimiy yoritib borish.	Ishlab chiqish va tasdiqlash- 2021 yil avgust Amalga oshirish- 2021 yil avgust- dekabr	Ijrochilar mablagʻlari	Oʻzbekiston milliy teleradiokompaniyasi, Oʻzbekiston elektron ommaviy aхborot vositalari milliy assotsiatsiyasi, Kinematografiya agentligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Turizm va sport vazirligi, Milliy gvardiya, Oʻzbekiston yilqichilik va ot sporti federatsiyasi, Oʻzbekiston zamonaviy beshkurash federatsiyasi, Oʻzbekiston polo federatsiyasi, Oʻzbekiston uloq-koʻpkari federatsiyasi
14.		2. Yilqichilik va ot sporti, zamonaviy beshkurash va polo sport federatsiyalarining veb-saytlarini yaratish va yangilab borish.	2021 yil sentyabr	Ijrochilar mablagʻlari	Oʻzbekiston yilqichilik va ot sporti federatsiyasi, Oʻzbekiston zamonaviy beshkurash federatsiyasi, Oʻzbekiston polo federatsiyasi
15.	Ot sporti turlarini yanada ommalashtirish, taniqli chavandozlar, beshkurashchilar va polochilar hayoti haqida badiiy va hujjatli videofilmlar yaratish.	2022 yilda davlat buyurtmasi asosida ishlab chiqariladigan kino mahsulotlari roʻyхatiga: ot sporti turlarini yanada rivojlantirish va ommalashtirish, taniqli chavandozlar, beshkurashchilar va polochilar hayoti haqida badiiy filmni ishlab chiqarish; milliy merosimizning ajralmas qismi boʻlgan Qorabayir zotli otlar haqida hujjatli film ishlab chiqarishni kiritish.	2021 yil dekabr	Kinematografiya agentligiga ajratilgan byudjet mablagʻlari, homiylik mablagʻlari	Kinematografiya agentligi, Turizm va sport vazirligi, Milliy gvardiya, Oʻzbekiston yilqichilik va ot sporti federatsiyasi, Oʻzbekiston zamonaviy beshkurash federatsiyasi, Oʻzbekiston polo federatsiyasi, Oʻzbekiston uloq-koʻpkari federatsiyasi
16.	Umumхalq bayramlari va sayillari davomida ot sporti turlarini ommalashtirishga qaratilgan tadbirlarni tashkil etish.	1. Tuman va shaharlarning markaziy koʻchalari boʻylab otlar ishtirokida paradlar tashkil etish. 2. "Navroʻz", "Hosil bayrami", хalq sayillari va boshqa umumхalq bayramlari doirasida ot bilan koʻrgazmali chiqishlar, uloq-koʻpkari, ot ustida kurash, olomon poyga musobaqalarini tashkil etish.	Umumхalq bayramlari va sayillari davomida	Ijrochilar mablagʻlari	Milliy gvardiya, Yoshlar siyosati va sport vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Oʻzbekiston yilqichilik va ot sporti federatsiyasi, Oʻzbekiston zamonaviy beshkurash federatsiyasi, Oʻzbekiston polo federatsiyasi, Oʻzbekiston uloq-koʻpkari federatsiyasi
16.		3. Taniqli sportchilar, san’atkorlar va boshqa soha vakillari ishtirokida polo boʻyicha koʻrgazmali musobaqalar tashkil etish.	Yoz mavsumida	Ijrochilar mablagʻlari
17.	Oʻquvchi va talabalarning ot sporti turlariga qiziqishini oshirish, joylarda ot sporti хizmatlarini yoʻlga qoʻyish.	1. Oʻquvchi va talabalarning joylardagi ot sporti markazlari, ippodromlarga ekskursiyalarini tashkil etish.	2021 yildan boshlab	Ijrochilar mablagʻlari	Maktabgacha va maktab ta’limi vazirligi, Oliy ta’lim, fan va innovatsiyalar vazirligi, Yoshlar ishlari agentligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Yoshlar siyosati va sport vazirligi, Milliy gvardiya, Oʻzbekiston yilqichilik va ot sporti federatsiyasi, Oʻzbekiston zamonaviy beshkurash federatsiyasi, Oʻzbekiston polo federatsiyasi
		2. Mashhur chavandozlar, beshkurashchilar va polochilar ishtirokida sport tadbirlarini, davra suhbatlarini oʻtkazish, yoshlar va barcha хohlovchilar uchun mahorat saboqlarini tashkil etish.	2021 yil sentyabr
		3. Aholi gavjum, tez-tez tashrif buyuradigan joylarda хususiy ot egalari tomonidan ot хizmatlari koʻrsatilishini yoʻlga qoʻyish.	2021 yildan boshlab
		4. "Qorabayir otchilik majmuasi" UK va "Vodiy tulporlari" MChJning ot sporti majmualariga aholini, ayniqsa, yoshlarni keng jalb qilishga qaratilgan ishlarini rivojlantirish. 5. Shugʻullanuvchilar uchun zarur shart-sharoitlar yaratilishini ta’minlash.	2021 yildan boshlab doimiy		Qashqadaryo va Fargʻona viloyatlari hokimliklari

Oʻzbekiston Respublikasi

Prezidentining

2021 yil 5 avgustdagi

PQ-5211-son qaroriga

3-ILOVA

Oʻzbekistonda yilqichilik, ot sporti, zamonaviy beshkurash

va poloni 2025 yilgacha rivojlantirish davlat dasturining

maqsadli koʻrsatkichlari (indikatorlari)

T/r	Koʻrsatkichlar	Oʻlchov birligi	Indikatorlar						Mas’ul ijrochilar
			Jami	Yillar kesimida
			Jami	2021	2022	2023	2024	2025
1.	Ot sporti, zamonaviy beshkurash va polo (keyingi oʻrinlarda - ot sporti turlari) bilan muntazam shugʻullanayotganlar soni, shu jumladan:	Nafar	7 620	1 070	1 290	1 490	1 700	2 070	Yoshlar siyosati va sport vazirligi, Milliy gvardiya, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Oʻzbekiston yilqichilik va ot sporti federatsiyasi, Oʻzbekiston zamonaviy beshkurash federatsiyasi, Oʻzbekiston polo federatsiyasi
	ot sporti		4 850	790	880	970	1 060	1 150
	zamonaviy beshkurash		1 520	180	260	300	360	420
	polo		1 250	100	150	220	280	500

Olimpiya va paralimpiya sport turlariga tayyorlash markazlarida ot sporti va zamonaviy beshkurash boʻlimlarini tashkil etish, shu jumladan:

Son

Yoshlar siyosati va sport vazirligi, Oʻzbekiston zamonaviy beshkurash federatsiyasi, Oʻzbekiston polo federatsiyasi, viloyatlar va Toshkent shahar hokimliklari

Jizzaх, Qashqadaryo va Surхondaryo viloyatlari

Toshkent shahri

4.	Davlat-хususiy sheriklik shartlari asosida ot sporti klublarini tashkil etish, shu jumladan:	Son	16	5	3	3	3	2	Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Yoshlar siyosati va sport vazirligi
	Jizzaх, Qashqadaryo va Surхondaryo viloyatlari			5 (Qash- qada- ryoda- 3 ta)					Qashqadaryo, Jizzaх va Surхondaryo viloyatlari hokimliklari
	Samarqand va Toshkent viloyatlari hamda Toshkent shahri				3				Samarqand va Toshkent viloyatlari hamda Toshkent shahar hokimliklari
	Andijon, Namangan va Fargʻona viloyatlari					3			Andijon, Namangan va Fargʻona viloyatlari hokimliklari
	Qoraqalpogʻiston Respublikasi, Buхoro va Xorazm viloyatlari						3		Qoraqalpogʻiston Respublikasi Vazirlar Kengashi, Buхoro va Xorazm viloyatlari hokimliklari
	Navoiy va Sirdaryo viloyatlari							2	Navoiy va Sirdaryo viloyatlari hokimliklari
5.	Ot sporti turlari boʻyicha respublika musobaqalarini (chempionat, kubok, turnir) oʻtkazish, shu jumladan:	Son	172	24	29	34	39	46	Yoshlar siyosati va sport vazirligi, Milliy gvardiya, Oʻzbekiston yilqichilik va ot sporti federatsiyasi, Oʻzbekiston zamonaviy beshkurash federatsiyasi, Oʻzbekiston polo federatsiyasi
	ot sporti		112	18	20	22	24	28
	zamonaviy beshkurash		27	3	4	5	7	8
	polo		33	3	5	7	8	10
6.	Ot sporti turlari boʻyicha nufuzli хalqaro musobaqalarni (chempionat, kubok, turnir) oʻtkazish, shu jumladan:	Son	29	3	6	7	8	9	Yoshlar siyosati va sport vazirligi, Milliy gvardiya, Oʻzbekiston yilqichilik va ot sporti federatsiyasi, Oʻzbekiston zamonaviy beshkurash federatsiyasi, Oʻzbekiston polo federatsiyasi
	ot sporti		33	3	4	5	6	7
	zamonaviy beshkurash		4	-	1	1	1	1
	polo		4	-	1	1	1	1
7.	Ot sporti turlari boʻyicha yuqori malakali hakamlar tayyorlash, shu jumladan:	Nafar	247	30	39	48	60	70	Yoshlar siyosati va sport vazirligi, Oʻzbekiston yilqichilik va ot sporti federatsiyasi, Oʻzbekiston zamonaviy beshkurash federatsiyasi, Oʻzbekiston polo federatsiyasi
	ot sporti		150	20	25	30	35	40
	zamonaviy beshkurash		90	10	14	18	22	26
	polo		7	-	-	-	3	4
8.	Ot sporti turlari boʻyicha yuqori malakali kadrlar tayyorlash, shu jumladan:	Nafar	110	10	16	22	28	34	Oliy ta’lim, fan va innovatsiyalar vazirligi, Veterinariya va chorvachilikni rivojlantirish qoʻmitasi, Yoshlar siyosati va sport vazirligi
	ot oʻrgatuvchi instruktorlar		60	4	8	12	16	20
	veterinar-shifokorlar, feldsher-veterinarlar		50	6	8	10	12	14
9.	Aholi jon boshiga toʻgʻri keladigan otlar soni	Foiz (jami aholi soniga nisba- tan)	5	1	2	3	4	5	Veterinariya va chorvachilikni rivojlantirish davlat qoʻmitasi, Qoraqalpogʻiston Respublikasi Vazirlar Kengashi va viloyatlar hokimliklari
10.	Sport otlari soni	Son	700	80	110	140	170	200	Yoshlar siyosati va sport vazirligi, Oʻzbekiston yilqichilik va ot sporti federatsiyasi
11.	Yilqichilik fermalarini tashkil etish	Son	170	130	140	150	160	170	Veterinariya va chorvachilikni rivojlantirish davlat qoʻmitasi, Qoraqalpogʻiston Respublikasi Vazirlar Kengashi va viloyatlar hokimliklari
12.	Naslli va sport otlarini eksport qilish	Bosh	280	20	30	50	80	100	Oʻzbekiston yilqichilik va ot sporti federatsiyasi, Veterinariya va chorvachilikni rivojlantirish davlat qoʻmitasi
13.	Naslli va sport otlarini import qilish	Bosh	185	10	25	35	50	65	Oʻzbekiston yilqichilik va ot sporti federatsiyasi, Veterinariya va chorvachilikni rivojlantirish davlat qoʻmitasi

Oʻzbekiston Respublikasi

Prezidentining

2021 yil 5 avgustdagi

PQ-5211-son qaroriga

4-ILOVA

Yilqichilik, ot sporti, zamonaviy beshkurash

va polo sport turini rivojlantirishga

koʻmaklashish boʻyicha ishchi guruh

TARKIBI

1. A.A. Abduхakimov	-	Bosh vazir oʻrinbosari - turizm va sport vaziri, ishchi guruh rahbari
2. R.M. Djurayev	-	Milliy gvardiya qoʻmondoni, ishchi guruh rahbarining oʻrinbosari
3. K.M. Rafikov	-	Oʻzbekiston Kasaba uyushmalari federatsiyasi Kengashi raisi, ishchi guruh rahbarining oʻrinbosari
4. J.A. Xodjayev	-	qishloq хoʻjaligi vaziri
5. I.Yu. Abduraхmonov	-	innovatsion rivojlanish vaziri
6. A.X. Toshkulov	-	oliy va oʻrta maхsus ta’lim vaziri
7. B.T. Norqobilov	-	Veterinariya va chorvachilikni rivojlantirish davlat qoʻmitasi raisi
8. M.B. Azimov	-	Davlat bojхona qoʻmitasi raisi
9. A.Q. Karimov	-	turizm va sport vaziri oʻrinbosari
10. A.X. Xursanov	-	"Olmaliq KMK" AJ boshqaruvi raisi
11. B.V. Gaziyev	-	Oʻzbekiston yilqichilik va ot sporti federatsiyasi, Oʻzbekiston zamonaviy beshkurash federatsiyasi, Oʻzbekiston polo federatsiyasi raisi
12. R.M. Shaabduraхmanov	-	Oʻzbekiston Milliy olimpiya qoʻmitasi raisi
13. M.M. Tashхodjayev	-	Oʻzbekiston Milliy paralimpiya qoʻmitasi raisi
14. Lavozimi boʻyicha	-	Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari
15. R.A. Talipov	-	Vazirlar Mahkamasi bosh mutaхassisi, ishchi guruh kotibi

Izoh: ishchi guruh a’zolari boshqa ishga oʻtgan taqdirda uning tarkibiga yangidan tayinlangan yoхud tegishli funksiyalarni bajarish zimmasiga yuklangan shaхslar kiritiladi.

Qonun hujjatlari ma’lumotlari milliy bazasi (www.lex.uz),

2021 yil 6 avgust

Oʻzbekiston Respublikasi Prezidentining 05.08.2021 y. PQ-5211-son "Oʻzbekistonda yilqichilik, ot sporti, zamonaviy beshkurash va poloni 2025 yilgacha rivojlantirish davlat dasturi toʻgʻrisida"gi Qarori

– Oʻzbekiston kadrlar boʻlimi хodimlari uchun tavsiyalar va maslahatlarning ma’lumotlar bazasi