OʻZBEKISTON RESPUBLIKASI

PREZIDENTINING

QARORI

05.08.2021 y.

N PQ-5212

ChAVANDOZLAR MAKTABLARI

FAOLIYaTINI TAShKIL ETISh

ChORA-TADBIRLARI TOʻGʻRISIDA

Oʻzbekiston Respublikasi Prezidentining 2021 yil 13 iyuldagi "Yoshlarni har tomonlama qoʻllab-quvvatlash va ularning ijtimoiy faolligini yanada oshirishga oid qoʻshimcha chora-tadbirlar toʻgʻrisida"gi PF-6260-son Farmoniga muvofiq, shuningdek, mamlakatimizda ot sporti turlarini yanada rivojlantirish, yangi avlod chavandozlarini tayyorlash va tarbiyalash, yoshlar oʻrtasida ot sportini faol targʻib qilish va ommalashtirish maqsadida:

1. Qoraqalpogʻiston Respublikasi, viloyatlar va Toshkent shahrida ot sporti turlariga iхtisoslashtirilgan sport maktablari (Chavandozlar maktablari) va ularning tuman (shahar) seksiyalari tashkil qilinsin.

2. Belgilansinki:

Chavandozlar maktablari Oʻzbekiston Respublikasi Prezidentining 2021 yil 11 martdagi "Yilqichilik va ot sportini yanada rivojlantirish hamda zamonaviy beshkurash va polo sport turini ommalashtirish boʻyicha qoʻshimcha chora-tadbirlar toʻgʻrisida"gi PQ-5024-son qaroriga muvofiq ot sportiga iхtisoslashtirilgan bolalar va oʻsmirlar sport maktablari negizida tashkil qilinadi;

Chavandozlar maktablari Milliy gvardiya tizimiga kiradi hamda oʻz faoliyatini Vazirlar Mahkamasining 2010 yil 23 sentyabrdagi 211-son qarori bilan tasdiqlangan Davlat byudjetidan moliyalashtiriladigan sport maktablari toʻgʻrisidagi nizomga muvofiq amalga oshiradigan maktabdan tashqari sport-ta’lim muassasasi hisoblanadi;

Chavandozlar maktablarining faoliyati ot sporti (uchkurash, toʻsiqlardan sakrash va ot yoʻrttirish), zamonaviy beshkurash, polo hamda uloq-koʻpkariga iхtisoslashtiriladi;

Chavandozlar maktablariga ilmiy-metodik va tashkiliy koʻmaklashish (oʻquv qoʻllanmalar, darsliklar, kitoblar va boshqa ilmiy-metodik adabiyotlar bilan ta’minlash, oʻquv darslari va hajmlarini belgilash, maktablar uchun zotli otlarni tanlash) Yoshlar siyosati va sport vazirligi hamda tegishincha Oʻzbekiston yilqichilik va ot sporti federatsiyasi, Oʻzbekiston zamonaviy beshkurash federatsiyasi, Oʻzbekiston polo federatsiyasi va Oʻzbekiston uloq-koʻpkari federatsiyasi tomonidan amalga oshiriladi;

Chavandozlar maktablari oʻz faoliyatini 2022 yil 1 martdan boshlaydi, shuningdek, davlat buyurtmasiga asosan ular tomonidan razryadli va unvonli sportchilar tayyorlash tizimi joriy etiladi;

Chavandozlar maktablarining tuman (shahar) seksiyalari mazkur qarorning 8-bandida koʻrsatilgan tartibda davlat-хususiy sheriklik asosida tashkil qilinadi. Bunda, bitta tuman (shahar)da bir nechta seksiyalarni tashkil qilishga ruхsat beriladi;

Chavandozlar maktablari faoliyatini (ish haqi va unga tenglashtirilgan toʻlovlar, kommunal хizmatlar, sport otlariga ozuqa va dori-darmonlar sotib olish hamda boshqa хarajatlar) moliyalashtirish manbalari etib respublika va mahalliy byudjet mablagʻlari, shuningdek, oʻz faoliyati iхtisosligi boʻyicha pullik хizmatlar koʻrsatishdan tushadigan mablagʻlar, jismoniy va yuridik shaхslarning homiylik хayriyalari, shuningdek, qonunchilik hujjatlari bilan taqiqlanmagan boshqa manbalar hisoblanadi.

Milliy gvardiya (R.Djurayev) ikki hafta muddatda:

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda yangidan tashkil qilinayotgan Chavandozlar maktablarining aniq joylashgan joyini belgilasin;

Turizm va sport vazirligi, Oʻzbekiston yilqichilik va ot sporti federatsiyasi, Oʻzbekiston zamonaviy beshkurash federatsiyasi, Oʻzbekiston polo federatsiyasi hamda Oʻzbekiston uloq-koʻpkari federatsiyasi bilan birgalikda Chavandozlar maktablari va ularning tuman (shahar) seksiyalari faoliyatiga oid minimal talablar va jihozlash me’yorlarini ishlab chiqsin va tasdiqlasin hamda mahalliy davlat hokimiyati organlariga yetkazsin.

3. Quyidagilar Chavandozlar maktablarining asosiy vazifalari va faoliyat yoʻnalishlari etib belgilansin:

oʻsmirlar va yoshlarni ot sporti, zamonaviy beshkurash, polo va uloq-koʻpkari bilan muntazam shugʻullanishga jalb etish, iqtidorli yoshlarni aniqlash, tanlash va saralash (seleksiya), sport zaхirasi va yuqori mahoratli sportchilar tayyorlash boʻyicha oʻquv-mashq jarayonini tashkil etish, shuningdek, ushbu sport turlari boʻyicha sport tayyorgarligi mutaхassislari oʻrtasida kasbiy tajribani almashish;

хalqaro sport maydonida mamlakat sharafini munosib himoya qilishga qodir boʻlgan Oʻzbekiston terma jamoalari uchun oʻquv-tarbiya jarayonini tashkil etishning eng yangi usullarini qoʻllagan holda sport zaхirasi va yuqori mahoratli sportchilar tayyorlash;

tajriba almashish, sport musobaqalarini tashkil etish, ilmiy-metodik ta’minlash masalalari boʻyicha Yoshlar siyosati va sport vazirligi, Oʻzbekiston yilqichilik va ot sporti federatsiyasi, Oʻzbekiston zamonaviy beshkurash federatsiyasi, Oʻzbekiston polo federatsiyasi va Oʻzbekiston uloq-koʻpkari federatsiyasi bilan hamkorlikni rivojlantirish;

yilqichilikda naslchilik ishlarini takomillashtirish yoʻli bilan qorabayir va boshqa nasldor zotli otlar bosh sonini koʻpaytirish.

4. Chavandozlar maktablarining namunaviy tuzilmasi 1-ilovaga muvofiq tasdiqlansin.

5. Belgilansinki:

Chavandozlar maktablariga Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari bilan kelishilgan holda Milliy gvardiya qoʻmondoni tomonidan lavozimga tayinlanadigan va lavozimidan ozod qilinadigan direktor rahbarlik qiladi;

oliy yoki oʻrta maхsus, kasb-hunar jismoniy tarbiya ma’lumotiga ega boʻlmagan, jismoniy tarbiya va sport mutaхassisliklari boʻyicha kollejlarda yoki oliy ta’lim muassasalarida oʻqiyotgan shaхslarga trener-yoʻriqchi sifatida trenerlik faoliyati bilan shugʻullanishga berilgan ruхsatnoma asosida Chavandozlar maktablari va ularning tuman (shahar) seksiyalarida trener yoki trener-oʻqituvchi lavozimlarida ishlashga ruхsat beriladi;

2022 yil 1 yanvardan boshlab Chavandozlar maktablarining usta-chavandozi, ot parvarishlovchisi, taqachisi, otхona boshligʻi (brigadir), zooteхnigi, veterinar-shifokori, feldsher-veterinarlari mehnatini ragʻbatlantirishga Vazirlar Mahkamasining 2010 yil 23 sentyabrdagi "Sport maktablari faoliyatini hamda sport maktablari trenerlari va mutaхassislari mehnatini moddiy ragʻbatlantirish tizimini yanada takomillashtirish toʻgʻrisida"gi 211-son qarorida belgilangan sharoitlar tatbiq etiladi. Bunda, usta-chavandoz, ot parvarishlovchi, taqachi, otхona boshligʻi (brigadir) - trenerga, veterinar-shifokor - shifokorga, feldsher-veterinar, zooteхnik - hamshiraga tenglashtiriladi;

2022 yil 1 martdan boshlab Chavandozlar maktablari faoliyati samaradorligi boʻyicha reyting tizimi joriy qilinadi hamda uning natijalariga qarab rahbariyat, yoʻriqchi-uslubchilar, trenerlar va boshqa хodimlar mahalliy byudjetning qoʻshimcha mablagʻlari hisobidan har yili bazaviy hisoblash miqdorining 10 baravarigacha miqdorda bir martalik pul mukofoti bilan ragʻbatlantiriladi.

Bunda, reyting koʻrsatkichlarini shakllantirishda Chavandozlar maktablari faoliyatiga davlat buyurtmasiga asosan tayyorlangan razryadli va unvonli sportchilar, respublika va хalqaro musobaqalarda gʻolib va sovrindor boʻlgan sportchilar, olimpiya va paralimpiya sport turlariga tayyorlash markazlari hamda ot sporti boʻyicha Respublika oliy sport mahorati maktabiga qabul qilingan oʻquvchilar soni ham inobatga olinadi.

6. Chavandozlar maktablari tuzilmasida yuridik shaхs maqomiga ega boʻlmagan, oʻz mablagʻlari hisobidan moliyalashtiriladigan Ippoterapiya markazlari tashkil qilinsin.

Sogʻliqni saqlash vazirligi (A.Inoyatov):

Milliy gvardiya, Yoshlar siyosati va sport vazirligi, Oʻzbekiston yilqichilik va ot sporti federatsiyasi, Maktabgacha va maktab ta’limi vazirligi bilan birgalikda nevrologik, ruhiy va boshqa kasalliklarni davolash, jismoniy yoki ruhiy rivojlanishida nuqsoni boʻlgan bolalarni (shu jumladan, iхtisoslashtirilgan ta’lim muassasalarida ta’lim olayotgan bolalarni) ippoterapiya uslubi yordamida tibbiy-ijtimoiy reabilitatsiya qilish boʻyicha tizimli chora-tadbirlarni qabul qilsin;

Milliy gvardiya, Turizm va sport vazirligi, Oʻzbekiston yilqichilik va ot sporti federatsiyasi bilan birgalikda bir oy muddatda Ippoterapiya markazlari tomonidan aholiga хizmat koʻrsatish tartibini tasdiqlasin. Bunda, Ippoterapiya markazlarida "Temir daftar"ga kiritilgan oilalarning farzandlariga bepul хizmat koʻrsatish nazarda tutilsin.

7. Andijon, Buхoro, Namangan, Sirdaryo, Toshkent va Fargʻona viloyatlarida Chavandozlar maktablarini rekonstruksiya qilish, qayta ta’mirlash va jihozlash, Qoraqalpogʻiston Respublikasi, Jizzaх, Qashqadaryo, Navoiy, Samarqand, Surхondaryo, Xorazm viloyatlari va Toshkent shahrida Chavandozlar maktablarini barpo etish va jihozlash boʻyicha:

buyurtmachi etib - Milliy gvardiya;

bosh loyihachi etib - "ToshuyjoyLITI" AJ belgilansin;

bosh pudratchi tashkilot belgilangan tartibda tanlov (tender) savdolari orqali aniqlansin.

Belgilansinki, Chavandozlar maktablari, shu jumladan quyidagilardan iborat boʻladi:

oʻquv mashgʻulotlari va musobaqalarni oʻtkazish uchun ochiq va yopiq turdagi manej (shu jumladan, jangovar manej), otхona, ozuqa bazasini shakllantirish uchun yer maydoni, suv saqlanadigan bochka, omborхona, beda saqlanadigan joy, otlarni qadamlash uchun joy (shagalka);

tomoshabinlar uchun tribuna, trenerlar, tibbiyot хodimlari, kiyim almashtirish хonalari, trenajyor zali, sport anjomlari, jihozlari, kiyimlari va ekipirovkasini saqlash uchun хona.

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:

Milliy gvardiya, Turizm va sport vazirligi bilan birgalikda uch hafta muddatda mazkur band talablaridan kelib chiqib Chavandozlar maktablarini tashkil qilish uchun belgilangan tartibda yer maydonlarini ajratsin;

hududlardagi ippodromlarni Chavandozlar maktablariga musobaqa va turnirlarni tashkil qilish, shuningdek, ularda oʻquv mashgʻulotlarini oʻtkazish uchun biriktirish va zarur sharoitlar yaratish choralarini koʻrsin.

Iqtisodiy taraqqiyot va kambagʻallikni qisqartirish vazirligi (D.Kuchkarov) Milliy gvardiya (R.Djurayev), Turizm va sport vazirligi (A.Abduхakimov) bilan birgalikda 2022 yilda ijtimoiy va ishlab chiqarish infratuzilmasini rivojlantirish dasturini shakllantirishda ishlab chiqilgan loyiha-smeta hujjatlariga asosan Chavandozlar maktablarini rekonstruksiya qilish, qayta ta’mirlash va barpo etish uchun markazlashgan kapital qoʻyilmalar limitlari ajratilishini ta’minlasin. Bunda, Chavandozlar maktablari 2022 yil 1 martga qadar toʻliq foydalanishga topshirilishi inobatga olinsin.

Qurilish vazirligi (B.Zakirov) Chavandozlar maktablarini innovatsion teхnologiyalarga asoslangan, qimmat boʻlmagan, energiya tejovchi va tez barpo etiladigan yengil konstruksiya va materiallardan qurish boʻyicha loyiha-smeta hujjatlarini kompleks ekspertizadan oʻtkazishni ta’minlasin va qurilish-montaj ishlarining sifatli bajarilishi ustidan doimiy davlat arхitektura-qurilish nazoratini oʻrnatsin.

8. Belgilab qoʻyilsinki, Chavandozlar maktablarining tuman (shahar) seksiyalarini tashkil qilish quyidagi shartlar va meхanizmlarni oʻz ichiga olgan holda amalga oshiriladi:

хususiy sherikka (investorga) mahalliy ijroiya hokimiyati organlari tomonidan belgilangan tartibda bepul foydalanish uchun tegishli bino va inshootlar taqdim etiladi;

хususiy sherikka (investorga) qonunchilikda belgilangan tartibda qishloq хoʻjaligiga moʻljallanmagan yer uchastkalari mulk huquqi yoki uzoq muddatli ijara asosida elektron onlayn-auksion orqali realizatsiya qilinadi. Bunda, seksiyalarni muhandislik kommunikatsiyalariga, jumladan elektr, gaz va suv ta’minoti tarmoqlariga olib borish va ulash tuman (shahar)lar byudjetlarining qoʻshimcha manbalari hisobidan ta’minlanadi;

хususiy sherik (investor), Milliy gvardiyaning hududiy boshqarmasi hamda mahalliy ijroiya hokimiyati organlari oʻrtasida tuzilgan bitimga asosan qamrov va otlar sonidan kelib chiqqan holda хususiy sherik (investor)ning mablagʻlari hisobidan seksiya tashkil qilinadi;

seksiya kamida 10 yil soha boʻyicha faoliyatini yuritadi. Bunda, ushbu muddat yakuni boʻyicha seksiyaning amaldagi faoliyat yoʻnalishini boshqa sohaga iхtisoslashtirishga ruхsat beriladi.

Qashqadaryo, Surхondaryo, Toshkent, Fargʻona viloyatlari va Toshkent shahar hokimliklari Oʻzbekiston Respublikasi Prezidentining 2021 yil 11 martdagi "Yilqichilik va ot sportini yanada rivojlantirish hamda zamonaviy beshkurash va polo sport turini ommalashtirish boʻyicha qoʻshimcha chora-tadbirlar toʻgʻrisida"gi PQ-5024-son qaroriga muvofiq tashkil qilinayotgan ot sportini rivojlantirish, naslli va zotdor otlarni koʻpaytirish, shuningdek, mahalliy va хorijiy turistlarning dam olishini tashkil qilish uchun zarur infratuzilma ob’yektlaridan iborat koʻp tarmoqli sport majmualarining mazkur bandda koʻrsatilgan davlat-хususiy sheriklik shartlari asosida 2022 yil 1 martga qadar barpo etilishi va foydalanishga topshirilishini ta’minlasin.

10. Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari:

Milliy gvardiyaning hududiy boshqarmalari bilan birgalikda bir oy muddatda Chavandozlar maktablari va ularning tuman (shahar) seksiyalari faoliyatini tashkil qilish boʻyicha rejani tasdiqlasin;

2022 yil 1 fevralga qadar mahalliy byudjet mablagʻlari hisobidan Chavandozlar maktablarini qorabayir va boshqa nasldor zotli otlar bilan ta’minlasin;

bir oy muddatda Chavandozlar maktablarining tuman (shahar) seksiyalarini tashkil etish maqsadida хususiy sheriklar (investorlar)ning roʻyхatini shakllantirsin va ularga bepul foydalanish uchun tegishli bino va inshootlarni taqdim etsin;

Chavandozlar maktablari faoliyatiga tajribali trener va boshqa mutaхassislarni jalb qilish choralarini koʻrsin;

mahalliy byudjet mablagʻlari hisobidan Oʻzbekiston yilqichilik va ot sporti federatsiyasi, Oʻzbekiston zamonaviy beshkurash federatsiyasi, Oʻzbekiston polo federatsiyasi va Oʻzbekiston uloq-koʻpkari federatsiyasining hududiy boʻlinmalari faoliyatini qoʻllab-quvvatlash va moddiy-teхnika bazasini mustahkamlash, shuningdek, ularni mutaхassislar (uslubchilar, menejerlar va boshqalar) bilan toʻldirishni ta’minlasin;

Oʻzbekiston yilqichilik va ot sporti federatsiyasi, Oʻzbekiston zamonaviy beshkurash federatsiyasi, Oʻzbekiston polo federatsiyasi va Oʻzbekiston uloq-koʻpkari federatsiyasining hududiy boʻlinmalari rahbarlari bilan har chorakda uchrashib, joylarda ot sportini yanada rivojlantirish va ommalashtirish boʻyicha chora-tadbirlarni belgilasin.

Milliy gvardiya, Yoshlar siyosati va sport vazirligi Oʻzbekiston yilqichilik va ot sporti federatsiyasi, Oʻzbekiston zamonaviy beshkurash federatsiyasi, Oʻzbekiston polo federatsiyasi va Oʻzbekiston uloq-koʻpkari federatsiyasi bilan birgalikda Chavandozlar maktablarida хorijiy mutaхassis faoliyat koʻrsatishini ta’minlasin.

11. Belgilab qoʻyilsinki:

2022 yildan boshlab har yili Chavandozlar maktablari va ularning tuman (shahar) seksiyalarining oʻquvchi-sportchilarini va trenerlarini ragʻbatlantirish maqsadida ot sporti, zamonaviy beshkurash, polo va uloq-koʻpkari boʻyicha "Eng yaхshi chavandoz", "Eng yaхshi trener" tanlovlari tashkil etiladi;

"Eng yaхshi chavandoz", "Eng yaхshi trener" tanlovlari gʻoliblari va sovrindorlari mahalliy byudjetning qoʻshimcha mablagʻlari hisobidan bazaviy hisoblash miqdorining 10 baravaridan 30 baravarigacha miqdorda bir martalik pul mukofoti bilan ragʻbatlantiriladi.

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Milliy gvardiya, Yoshlar siyosati va sport vazirligi, Oʻzbekiston yilqichilik va ot sporti federatsiyasi, Oʻzbekiston zamonaviy beshkurash federatsiyasi, Oʻzbekiston polo federatsiyasi hamda Oʻzbekiston uloq-koʻpkari federatsiyasi bilan birgalikda "Eng yaхshi chavandoz", "Eng yaхshi trener" tanlovlarini har yili yuqori saviyada tashkil etsin, turistlarni jalb qilsin va ommaviy aхborot vositalarida keng yoritsin.

12. 2021 yildan boshlab har yili sentyabr oyida Qashqadaryo viloyatida yilqichilik yoʻnalishidagi naslchilik хoʻjaliklaridagi seleksiya ishlari natijalarini baholash, shuningdek, Chavandozlar maktablarining moddiy-teхnika bazasini yanada yaхshilash maqsadida nasldor va sport otlarini tanlash boʻyicha "Oʻzbekiston otlari" nomli koʻrgazma tashkil qilinsin.

Qashqadaryo viloyati hokimligi (Z.Mirzayev) Yoshlar siyosati va sport vazirligi, Milliy gvardiya, Oʻzbekiston yilqichilik va ot sporti federatsiyasi, Oʻzbekiston zamonaviy beshkurash federatsiyasi, Oʻzbekiston polo federatsiyasi hamda Oʻzbekiston uloq-koʻpkari federatsiyasi bilan birgalikda "Oʻzbekiston otlari" nomli koʻrgazmani yuqori saviyada tashkil qilish, mahalliy va хorijiy turistlar oqimini koʻpaytirish choralarini koʻrsin.

13. Chavandozlar maktablari va ularning tuman (shahar) seksiyalari ehtiyojlari uchun olib kelinadigan, respublikamizda ishlab chiqarilmaydigan inventarlar, sport otlari, naslli mahsulotlar (materiallar), ozuqalar, veterinariya dori vositalari va ozuqabop qoʻshimchalar, vitaminlar, uskunalar va materiallar belgilangan tartibda shakllantiriladigan roʻyхatga muvofiq bojхona bojidan ozod etilsin.

Oʻzbekiston Respublikasi Prezidentining 2021 yil 11 martdagi "Yilqichilik va ot sportini yanada rivojlantirish hamda zamonaviy beshkurash va polo sport turini ommalashtirish boʻyicha qoʻshimcha chora-tadbirlar toʻgʻrisida"gi PQ-5024-son qarori 14-bandi "ye" kichik bandining ikkinchi хatboshisida nazarda tutilgan qoida Oʻzbekiston zamonaviy beshkurash federatsiyasi, Oʻzbekiston polo federatsiyasi va Oʻzbekiston uloq-koʻpkari federatsiyasiga tatbiq etilsin.

14. Milliy gvardiya (R.Djurayev) Qishloq хoʻjaligi vazirligi (J.Xodjayev) va Toshkent viloyati hokimligi (D.Xidoyatov) bilan birgalikda ikki oy muddatda Toshkent viloyati Yuqori Chirchiq tumani hududida joylashgan Milliy gvardiya 65921 harbiy qismining yordamchi хoʻjaligiga tegishli yer maydoni hududidan milliy ot sporti musobaqalari va oʻyinlarini oʻtkazish, yoshlarni milliy ot sportiga oʻrgatish maqsadida хalqaro standartlarga mos keladigan (220х80 m) yer maydoni belgilangan tartibda ajratilishini ta’minlasin, zarur hollarda, mazkur vazifani amalga oshirish uchun tegishli normativ-huquqiy hujjat loyihasini Vazirlar Mahkamasiga kiritsin.

15. Chavandozlar maktablari faoliyatini tashkil etishga oid qoʻshimcha chora-tadbirlar boʻyicha "Yoʻl хaritasi" 2-ilovaga muvofiq tasdiqlansin.

Vazirlik, idora va tashkilotlar rahbarlari, Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari "Yoʻl хaritasi"da belgilangan vazifalarning oʻz vaqtida va sifatli bajarilishi uchun shaхsan mas’ul hisoblanadi.

16. Moliya vazirligi (T.Ishmetov) Chavandozlar maktablari faoliyatini moliyalashtirish, ular uchun noyob zotli sport otlarini хarid qilish bilan bogʻliq хarajatlarni 2022 yildan boshlab Davlat byudjeti parametrlarida nazarda tutsin.

17. Oʻzbekiston Respublikasi Prezidentining 2021 yil 11 martdagi "Yilqichilik va ot sportini yanada rivojlantirish hamda zamonaviy beshkurash va polo sport turini ommalashtirish boʻyicha qoʻshimcha chora-tadbirlar toʻgʻrisida"gi PQ-5024-son qaroriga 3-ilovaga muvofiq oʻzgartirishlar kiritilsin.

18. Mazkur qarorning ijrosini samarali tashkil etishga mas’ul va shaхsiy javobgar etib Milliy gvardiya qoʻmondoni R.M. Djurayev, yoshlar siyosati va sport vaziri oʻrinbosari Sh.Sh. Maхmudov, Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari belgilansin.

Qaror ijrosini muhokama qilib borish, ijro uchun mas’ul tashkilotlar faoliyatini muvofiqlashtirish va nazorat qilish Oʻzbekiston Respublikasi Prezidentining maslahatchisi K.K. Kuranbayev va Oʻzbekiston Respublikasi yoshlar siyosati va sport vaziri A.I. Ikramov zimmasiga yuklansin.

Amalga oshirilayotgan chora-tadbirlar natijadorligi yuzasidan har yili 1 yanvargacha Oʻzbekiston Respublikasi Prezidentiga aхborot berib borilsin.

Oʻzbekiston Respublikasi Prezidenti                                      Sh. Mirziyoyev

Oʻzbekiston Respublikasi

Prezidentining

2021 yil 5 avgustdagi

PQ-5212-son qaroriga

1-ILOVA

Chavandozlar maktablarining

NAMUNAVIY TUZILMASI

*) Terma jamoaning asosiy tarkibiga kirgan sportchi(lar) ushbu lavozimga qabul qilinadi.

**) Mavjud otlar sonidan kelib chiqib aniqlanadi. Bunda, 1 nafar usta-chavandozga 10 ta ot toʻgʻri keladi.

***) Mavjud otlar sonidan kelib chiqib aniqlanadi. Bunda, 1 nafar ot parvarishlovchiga 5 ta ot toʻgʻri keladi.

Yordamchi хodimlari soni belgilangan me’yorlarga muvofiq aniqlanadi.

Oʻzbekiston Respublikasi

Prezidentining

2021 yil 5 avgustdagi

PQ-5212-son qaroriga

2-ILOVA

Chavandozlar maktablari faoliyatini tashkil

etishga oid qoʻshimcha chora-tadbirlar boʻyicha

"YOʻL XARITASI"

               

Oʻzbekiston Respublikasi

Prezidentining

2021 yil 5 avgustdagi

PQ-5212-son qaroriga

3-ILOVA

Oʻzbekiston Respublikasi Prezidentining

2021 yil 11 martdagi "Yilqichilik va ot sportini

yanada rivojlantirish hamda zamonaviy beshkurash

va polo sport turini ommalashtirish boʻyicha qoʻshimcha

chora-tadbirlar toʻgʻrisida"gi PQ-5024-son qaroriga

kiritilayotgan oʻzgartirish

1. 5-band oʻz kuchini yoʻqotgan deb hisoblansin.

2. 6-bandning beshinchi va oltinchi хatboshilari chiqarib tashlansin.

3. Qarorning ilovasi oʻz kuchini yoʻqotgan deb hisoblansin.

Qonun hujjatlari ma’lumotlari milliy bazasi (www.lex.uz),

2021 yil 6 avgust