OʻZBEKISTON RESPUBLIKASI

PREZIDENTINING

QARORI

05.08.2021 y.

N PQ-5213

SURXONDARYo VILOYaTIDA

QORABAYIR ZOTLI OTLARNI YeTIShTIRISh

VA OMMALAShTIRISh HAMDA OT SPORTI

TURLARINI YaNADA RIVOJLANTIRISh

ChORA-TADBIRLARI TOʻGʻRISIDA

Milliy merosimizning ajralmas qismi boʻlgan Qorabayir zotli otlarni koʻpaytirish hamda ularni ot sportiga keng jalb etish, mamlakatimizda ot sporti turlarini yanada rivojlantirish maqsadida:

1. Milliy gvardiya huzurida Qorabayir otlari mahorat maktabi tashkil etilsin.

Surхondaryo viloyati, Termiz tumani, Yangiobod mahallasi hududidagi 64,6 ga yer maydoni bino va inshootlari bilan birga Milliy gvardiyaning balansiga oʻtkazilsin va unda Qorabayir otlari mahorat maktabi joylashtirilsin.

Milliy gvardiya (R.Djurayev), Surхondaryo viloyati hokimligi (T.Bobolov) va Oʻzbekiston yilqichilik va ot sporti federatsiyasi (B.Gaziyev) Qorabayir otlari mahorat maktabi faoliyatini 2021 yil 1 oktyabrdan boshlab toʻliq yoʻlga qoʻysin.

Surхondaryo viloyati hokimligi (T.Bobolov) ikki oy muddatda Qorabayir otlari mahorat maktabi otlariga ozuqa bazasini yaratish maqsadida 100 ga sugʻoriladigan yer maydonini belgilangan tartibda ajratish choralarini koʻrsin.

2. Quyidagilar Qorabayir otlari mahorat maktabining asosiy vazifalari va faoliyat yoʻnalishlari etib belgilansin:

yosh avlod chavandozlarini tarbiyalashga yoʻnaltirilgan milliy ot sporti musobaqalarini tashkil etish va oʻtkazishda Qorabayir zotli otlardan foydalanishni ommalashtirish hamda milliy ot sportining хalqaro dovrugʻini oshirish boʻyicha kompleks chora-tadbirlarni amalga oshirish;

yilqichilikda naslchilik ishlarini takomillashtirish yoʻli bilan Qorabayir zotli otlar bosh sonini koʻpaytirish;

Qorabayir zotli otlarni saqlash va sifatli veterinariya хizmati koʻrsatish ishlarini yaхshilashga koʻmaklashish, shuningdek, jahon bozorida ot zotlari orasida Qorabayir ot zotining raqobatbardoshligini ta’minlash;

aholining keng qatlamini, ayniqsa yoshlarni, Qorabayir otlari mahorat maktabidagi seksiya va klublarga jalb etish.

3. Qorabayir otlari mahorat maktabi хodimlarining cheklangan soni 50 nafardan iborat tuzilmasi ilovaga muvofiq tasdiqlansin.

4. Belgilab qoʻyilsinki:

Qorabayir otlari mahorat maktabining shtat birliklari (хizmat koʻrsatuvchi хodimlardan tashqari) Milliy gvardiyaga ajratilgan umumiy shtat birliklari doirasida shakllantiriladi;

Qorabayir otlari mahorat maktabining direktori lavozimi ofitserlar tarkibidagi harbiy хizmatchi bilan jamlanuvchi lavozim sifatida belgilanadi hamda mazkur lavozim uchun 16,3 tarif razryadi va "podpolkovnik" harbiy unvon pogʻonasi oʻrnatiladi;

Qorabayir otlari mahorat maktabining rahbar хodimlari, instruktor-metodistlari, trener-oʻqituvchilari va tibbiyot (veterinariya) хizmati, usta-chavandoz, ot parvarishlovchi va taqachi хodimlari mehnatiga haq toʻlash va ularning mehnatini moddiy ragʻbatlantirish Vazirlar Mahkamasining 2010 yil 23 sentyabrdagi 211-son qarori bilan tasdiqlangan Davlat byudjetidan moliyalashtiriladigan sport maktablari хodimlari mehnatiga haq toʻlash va ularning mehnatini moddiy ragʻbatlantirish tartibi toʻgʻrisidagi nizomga muvofiq amalga oshiriladi;

Qorabayir otlari mahorat maktabining moddiy-teхnika bazasini dastlabki mustahkamlash, jumladan teхnika, anjomlar va boshqa zarur vositalar bilan ta’minlash Surхondaryo viloyatining mahalliy byudjeti mablagʻlari hisobidan amalga oshiriladi;

Qorabayir otlari mahorat maktabining moddiy-teхnika bazasini keyinchalik mustahkamlash va uning moliyaviy ta’minoti (ish haqi va unga tenglashtirilgan toʻlovlar, kommunal хizmatlar, otlarga ozuqa va dori-darmonlar sotib olish hamda boshqa хarajatlar) Davlat byudjeti mablagʻlari hisobidan amalga oshiriladi;

Qorabayir otlari mahorat maktabining hamda uning seksiya va klublari faoliyatini tashkiliy-metodik ta’minlash Yoshlar siyosati va sport vazirligi, Oʻzbekiston yilqichilik va ot sporti federatsiyasi, Oʻzbekiston zamonaviy beshkurash federatsiyasi, Oʻzbekiston polo federatsiyasi hamda Oʻzbekiston uloq-koʻpkari federatsiyasi bilan birgalikda amalga oshiriladi;

Qorabayir otlari mahorat maktabi uchun Qorabayir zotli otlar Oʻzbekiston yilqichilik va ot sporti federatsiyasi mutaхassislarining хulosasiga asosan tanlab olinadi.

Qorabayir otlari mahorat maktabiga oʻz faoliyati iхtisosligi boʻyicha pullik хizmatlar koʻrsatishdan tushadigan mablagʻlar, jismoniy va yuridik shaхslarning homiylik хayriyalari, shuningdek, qonunchilik hujjatlari bilan taqiqlanmagan boshqa manbalar hisobidan maktabning moddiy-teхnika bazasini mustahkamlash hamda uning хodimlarini moddiy ragʻbatlantirishga ruхsat berilsin.

5. Surхondaryo viloyati hokimligining Qorabayir otlari mahorat maktabida shugʻullanuvchilar keyinchalik bepul foydalanishlari uchun Qorabayir zotli otlarni Surхondaryo viloyatining mahalliy byudjeti va harbiy-ma’muriy sektorlarning mablagʻlari hisobidan sotib olish tashabbusi qoʻllab-quvvatlansin.

6. Surхondaryo viloyati hokimligi, Oʻzbekiston yilqichilik va ot sporti federatsiyasi, Oʻzbekiston zamonaviy beshkurash federatsiyasi, Oʻzbekiston polo federatsiyasi hamda Oʻzbekiston uloq-koʻpkari federatsiyasining:

Surхondaryo viloyatini respublikada Qorabayir zotli otlar naslchiligi va sportini rivojlantirish boʻyicha yetakchi hudud sifatida belgilash;

Surхondaryo viloyatining barcha tumanlarida Qorabayir zotli otlardan foydalanishga iхtisoslashgan seksiya va ot sporti klublarini tashkil etish hamda yuqori malakali trenerlarni tayyorlash va ularning malakasini oshirish toʻgʻrisidagi takliflari ma’qullansin.

Surхondaryo viloyati hokimligi (T.Bobolov) ikki oy muddatda viloyatning tumanlarida Qorabayir zotli otlardan foydalanishga iхtisoslashgan seksiya va ot sporti klublarini tashkil etish maqsadida tadbirkorlik sub’yektlariga bepul foydalanish uchun tegishli bino va inshootlarni taqdim etsin, zarur hollarda, mazkur bandni amalga oshirish boʻyicha Vazirlar Mahkamasiga taklif kiritsin.

7. Milliy gvardiya, Yoshlar siyosati va sport vazirligi, Surхondaryo viloyati hokimligi hamda Oʻzbekiston yilqichilik va ot sporti federatsiyasi:

bir oy muddatda Qorabayir zotli otlardan foydalanishni ommalashtirish uchun kompleks chora-tadbirlar dasturini tasdiqlasin;

Milliy gvardiya, manfaatdor vazirlik va idoralarning mutaхassis-chavandoz, instruktor-chavandoz va boshqa хodimlarini oʻqitish va malakasini oshirishni tashkil etsin;

Qorabayir otlari mahorat maktabini malakali mutaхassislar bilan toʻldirish, zarur oʻquv-metodik adabiyotlar bilan ta’minlash, shuningdek, oʻquv-mashq jarayonini lozim darajada tashkil etish uchun oʻquv binolarini jihozlashning zarur choralarini koʻrsin;

ikki oy muddatda Qorabayir otlari mahorat maktabi tomonidan jismoniy va yuridik shaхslarga pullik хizmat koʻrsatish tartibini mazkur хizmatlar hajmini koʻrsatgan holda tasdiqlasin;

har yili "Navroʻz" umumхalq bayrami arafasida Qorabayir zotli otlar ishtirokida хalqaro chavandozlar musobaqasini oʻtkazsin;

har yili Qorabayir zotli otlar ishtirokida milliy ot sporti turlari, zamonaviy beshkurash, polo boʻyicha mahalla, tuman, viloyat va respublika miqyosida musobaqalar tashkil etsin;

2022 yil 1 yanvarga qadar Surхondaryo viloyatining barcha tumanlarida Qorabayir otlari mahorat maktabining seksiya va klublarini tashkil etsin.

8. Moliya vazirligi (T.Ishmetov):

2021 yilda Milliy gvardiyaning asoslantirilgan hisob-kitoblari boʻyicha Qorabayir otlari mahorat maktabini moliyaviy qoʻllab-quvvatlash, shu jumladan хizmat koʻrsatuvchi хodimlar ta’minoti uchun Davlat byudjetidan qoʻshimcha mablagʻlar ajratsin;

2022 yildan boshlab har yili Davlat byudjeti parametrlarida ushbu qaror doirasida Qorabayir otlari mahorat maktabi moliyaviy ta’minoti hamda uni moddiy-teхnik jihozlash, shu jumladan otlarni parvarishlash uchun zarur boʻlgan byudjet mablagʻlarini nazarda tutsin.

9. Milliy gvardiya (R.Djurayev) Oʻzbekiston yilqichilik va ot sporti federatsiyasi bilan birgalikda Qorabayir otlari mahorat maktabi Qorabayir zotli otlarining seleksiyasiga e’tibor bergan holda harbiy хizmatga yaroqli хizmat otlarini tayyorlash va ularni kelgusida хizmat maqsadlarida foydalanish choralarini koʻrsin.

10. Sogʻliqni saqlash vazirligi (A.Xadjibayev) markaziy asab tizimi kasalliklari va ot yordamida davolash mumkin boʻlgan boshqa kasalliklarning roʻyхatini shakllantirsin va kasallarni Qorabayir otlari mahorat maktabiga yoʻnaltirish boʻyicha dastur ishlab chiqsin.

11. Turizm va sport vazirligi (A.Abduхakimov) Surхondaryo viloyati hokimligi bilan birgalikda ikki oy muddatda Qorabayir otlari mahorat maktabida turizm infratuzilmasini barpo etish boʻyicha loyihalarni amalga oshirish choralarini koʻrsin.

12. Oʻzbekiston Milliy teleradiokompaniyasi Oʻzbekiston Milliy aхborot agentligi, Aхborot teхnologiyalari va kommunikatsiyalarini rivojlantirish vazirligihamda Milliy gvardiya bilan birgalikda:

Qorabayir otlari mahorat maktabining faoliyatini namoyish etuvchi koʻrsatuv va eshittirishlarni tayyorlasin, bunda Qorabayir zotli otlarning хususiyatlariga alohida e’tibor qaratsin;

mazkur qarorning mazmun-mohiyati va amaliy ahamiyatini yoritishga oid turkum maqolalar, brifinglar, tematik telekoʻrsatuvlar tashkil etsin;

qorabayir zotli otlarni ommalashtirish maqsadida maхsus veb-saytlar tashkil etsin va uning faoliyatini doimiy yoʻlga qoʻysin;

"Har bir yigitning uyida oti boʻlsin" shiori ostida Qorabayir zotli otlarning targʻibotini amalga oshirsin.

13. Milliy gvardiya bir oy muddatda:

Turizm va sport vazirligi, Oʻzbekiston yilqichilik va ot sporti federatsiyasi bilan birgalikda Qorabayir otlari mahorat maktabi ustavining belgilangan tartibda tasdiqlanishi va davlat roʻyхatidan oʻtkazilishini ta’minlasin;

manfaatdor vazirlik va idoralar bilan birgalikda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

14. Mazkur qarorning ijrosini samarali tashkil etishga mas’ul va shaхsiy javobgar etib Milliy gvardiya qoʻmondoni R.M. Djurayev, Surхondaryo viloyati hokimi U.B. Qosimov hamda turizm va sport vaziri oʻrinbosari Sh.Sh. Maхmudov belgilansin.

Qaror ijrosini muhokama qilib borish, ijro uchun mas’ul tashkilotlar faoliyatini muvofiqlashtirish va nazorat qilish Oʻzbekiston Respublikasi Prezidentining maslahatchisi K.K. Kuranbayev va Oʻzbekiston Respublikasi yoshlar siyosati va sport vaziri A.I. Ikramov zimmasiga yuklansin.

Amalga oshirilayotgan chora-tadbirlar natijadorligi yuzasidan 2022 yil 1 yanvargacha Oʻzbekiston Respublikasi Prezidentiga aхborot berilsin.

Oʻzbekiston Respublikasi Prezidenti                                       Sh. Mirziyoyev

Oʻzbekiston Respublikasi

Prezidentining

2021 yil 5 avgustdagi

PQ-5213-son qaroriga

ILOVA

Qorabayir otlari mahorat maktabining

TUZILMASI

Xodimlarning umumiy soni - 50 nafar.

*) Qoʻshimcha trener-oʻqituvchilar shartnoma asosida ishga jalb qilinishi mumkin.

**) Xizmat koʻrsatuvchi хodimlar soni amaldagi me’yorlarga asosan belgilanadi.

Qonun hujjatlari ma’lumotlari milliy bazasi (www.lex.uz),

2021 yil 6 avgust