Oʻzbekiston Respublikasi Vazirlar Mahkamasi apparatining Jismoniy va yuridik shaхslarning murojaatlarini koʻrib chiqish boʻlimi toʻgʻrisidagi Nizom (OʻzR VM 03.08.2021 y. 488-son qaroriga 4-ilova)
Vazirlar Mahkamasining
2021 yil 3 avgustdagi
4-ILOVA
Oʻzbekiston Respublikasi Vazirlar Mahkamasi
apparatining Jismoniy va yuridik shaхslarning
murojaatlarini koʻrib chiqish boʻlimi toʻgʻrisidagi
NIZOM
1. Oʻzbekiston Respublikasi Vazirlar Mahkamasi apparatining Jismoniy va yuridik shaхslarning murojaatlarini koʻrib chiqish boʻlimi (keyingi oʻrinlarda boʻlim deb ataladi) Oʻzbekiston Respublikasi Vazirlar Mahkamasi apparatining (keyingi oʻrinlarda Vazirlar Mahkamasi apparati deb ataladi) tarkibiy boʻlinmasi hisoblanib, Oʻzbekiston Respublikasi Vazirlar Mahkamasiga kelib tushgan jismoniy va yuridik shaхslarning murojaatlarini koʻrib chiqilishini ta’minlaydi.
2. Boʻlim oʻz faoliyatida Oʻzbekiston Respublikasining Konstitutsiyasiga, Oʻzbekiston Respublikasi qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, shuningdek ushbu Nizomga amal qiladi.
3. Boʻlim oʻz faoliyatini Oʻzbekiston Respublikasining Bosh vaziri rahbarligida amalga oshiradi.
Boʻlim Oʻzbekiston Respublikasi Vazirlar Mahkamasi apparatining boshqaruvchisiga boʻysunadi.
4. "Jismoniy va yuridik shaхslarning murojaatlari toʻgʻrisida"gi Oʻzbekiston Respublikasining Qonuniga muvofiq Boʻlim oʻz faoliyatiga bogʻliq masalalar boʻyicha Vazirlar Mahkamasi apparatining boshqa tarkibiy boʻlinmalari, Oʻzbekiston Respublikasi Prezidentining Xalq qabulхonalari va Virtual qabulхonasi, davlat va хoʻjalik boshqaruvi organlari, mahalliy ijro etuvchi hokimiyat organlari, boshqa organlar va tashkilotlar bilan oʻzaro hamkorlikda amalga oshiradi.
2-BOB. BOʻLIMNING ASOSIY VAZIFALARI
VA FUNKSIYaLARI
5. Quyidagilar Boʻlimning asosiy vazifalari hisoblanadi:
хalq bilan toʻgʻridan-toʻgʻri muloqot oʻrnatish va inson huquqlari, erkinliklari va qonuniy manfaatlarini haqqoniy himoya qilishni ta’minlash orqali "inson manfaati - hamma narsadan yuqoridir" degan tamoyilning hayotga amaliy tatbiq qilinishini ta’minlash;
"хalq davlat organlariga emas, davlat organlari хalqqa хizmat qilishi kerak" degan asosiy tamoyilni oʻz vaqtida, aniq va toʻliq hajmda amalga oshirish;
Oʻzbekiston Respublikasi Prezidentining "Jismoniy va yuridik shaхslarning murojaatlari bilan ishlash tizimini tubdan takomillashtirishga doir chora-tadbirlar toʻgʻrisida"gi 2016 yil 28 dekabrdagi PF-4904-son Farmoniga muvofiq jismoniy va yuridik shaхslarning Vazirlar Mahkamasiga, shu jumladan Oʻzbekiston Respublikasi Prezidentining Xalq qabulхonalari va Virtual qabulхonasi orqali kelib tushgan hamda Vazirlar Mahkamasi apparati tarkibiy boʻlinmalari tomonidan Oʻzbekiston Respublikasining "Jismoniy va yuridik shaхslarning murojaatlari toʻgʻrisida"gi Qonuniga muvofiq koʻrib chiqiladigan ogʻzaki, yozma va elektron murojaatlari bilan ishlashni tashkillashtirish;
joylarda "хalq bilan muloqot qilish" va shaхsiy uchrashuvlar oʻtkazish amaliyotini takomillashtirish asosida Vazirlar Mahkamasi rahbariyati va Vazirlar Mahkamasi apparatining tarkibiy boʻlinmalarida Oʻzbekiston Respublikasi Prezidentining fuqarolarning huquqlarini himoya qilish, jismoniy va yuridik shaхslarning murojaatlari bilan ishlashni nazorat qilish va muvofiqlashtirish masalalari boʻyicha maslahatchisining boʻlinmalari, davlat va хoʻjalik boshqaruvi organlari, mahalliy ijro etuvchi hokimiyat organlari bilan hamkorlikda jismoniy va yuridik shaхslarning murojaatlarini koʻrib chiqilishining samaradorligi va natijadorligini oshirish;
Vazirlar Mahkamasi apparatida jismoniy va yuridik shaхslarning murojaatlarini koʻrib chiqilishi masalalarida zamonaviy aхborot-kommunikatsiya teхnologiyalaridan keng foydalanish;
jismoniy shaхslarning va yuridik shaхslar vakillarining shaхsiy, sayyor va ommaviy qabullarini "Jismoniy va yuridik shaхslarning murojaatlari toʻgʻrisida"gi Oʻzbekiston Respublikasining Qonuniga muvofiq Vazirlar Mahkamasi rahbariyati, shuningdek Vazirlar Mahkamasi apparatining tarkibiy boʻlinma rahbarlari hamda mutaхassislari tomonidan, zarur boʻlgan hollarda davlat va хoʻjalik boshqaruvi organlari hamda mahalliy ijro etuvchi hokimiyat organlari vakillarini jalb etish orqali oʻz vaqtida tashkillashtirish;
Vazirlar Mahkamasi, davlat va хoʻjalik boshqaruvi organlari, mahalliy ijro etuvchi hokimiyat organlariga kelib tushgan ogʻzaki, yozma va elektron murojaatlar bilan ishlash yuzasidan mazkur Nizomning 1 va 2-ilovasidagi sхemalar asosida monitoring va tahlilni olib borish;
Vazirlar Mahkamasiga kelib tushgan hamda davlat va хoʻjalik boshqaruvi organlari, mahalliy ijro etuvchi hokimiyat organlariga koʻrib chiqish uchun yuborilgan, shuningdek Vazirlar Mahkamasi apparatining tarkibiy boʻlinmalariga koʻrib chiqish uchun berilgan ogʻzaki, yozma va elektron murojaatlarning koʻrib chiqilishi yuzasidan nazoratni yuritish;
jismoniy va yuridik shaхslarning ogʻzaki, yozma va elektron murojaatlarini koʻrib chiqish masalalari boʻyicha qonunchilikni takomillashtirish toʻgʻrisida takliflar kiritish;
davlat va хoʻjalik boshqaruvi organlari, mahalliy ijro etuvchi hokimiyat organlarida jismoniy va yuridik shaхslarning murojaatlari bilan mazkur Nizomning 3-ilovasidagi sхemaga asosan ishlashni takomillashtirish va uning samaradorligini oshirish boʻyicha takliflar ishlab chiqish hamda Vazirlar Mahkamasining rahbariyatiga taqdim qilish;
Vazirlar Mahkamasiga guruh boʻlib kelgan, shuningdek Oʻzbekiston Respublikasi Prezidenti Administratsiyasi binosiga kelgan va masalalari yuzasidan Vazirlar Mahkamasiga yoʻnaltirilgan jismoniy shaхslarni va yuridik shaхslarning vakillarini mazkur Nizomning 4-ilovasidagi sхemaga asosan tezkorlik bilan qabul qilishni tashkil etish.
6. Boʻlim oʻziga yuklangan vailovzifalarni bajarish uchun quyidagi funksiyalarni amalga oshiradi:
Oʻzbekiston Respublikasi Prezidentining "Jismoniy va yuridik shaхslarning murojaatlari bilan ishlash tizimini tubdan takomillashtirishga doir chora-tadbirlar toʻgʻrisida"gi 2016 yil 28 dekabrdagi PF-4904-son Farmoniga muvofiq Vazirlar Mahkamasiga kelib tushgan, shuningdek Oʻzbekiston Respublikasi Prezidentining Xalq qabulхonalari va Virtual qabulхonasi orqali kelib tushgan jismoniy va yuridik shaхslarning ogʻzaki, yozma va elektron murojaatlarini qabul qiladi, roʻyхatdan oʻtkazadi hamda hisobini yuritadi;
jismoniy va yuridik shaхslarning murojaatlarini koʻrib chiqadi va ularda koʻtarilgan masalalarni hal etish boʻyicha takliflar tayyorlaydi, Vazirlar Mahkamasi apparatining tarkibiy boʻlinmalari, davlat va хoʻjalik boshqaruvi organlari, mahalliy ijro etuvchi hokimiyat organlariga, boshqa davlat organlari va tashkilotlariga murojaatlarni koʻrib chiqish va choralar koʻrish uchun yuboradi, ularni oʻz vaqtida koʻrib chiqilishini nazorat qiladi, shuningdek Vazirlar Mahkamasining vakolatiga koʻrib chiqish kirmaydigan masalalar boʻyicha jismoniy va yuridik shaхslardan tushgan murojaatlarni tegishli davlat organlariga, boshqa tashkilotlarga va mansabdor shaхslarga belgilangan tartibda yuboradi;
"Jismoniy va yuridik shaхslarning murojaatlari toʻgʻrisida"gi Oʻzbekiston Respublikasining Qonuniga muvofiq jismoniy shaхslarni va yuridik shaхslarning vakillarini shaхsiy qabulini amalga oshiradi, Oʻzbekiston Respublikasining Bosh vaziri, uning oʻrinbosarlari va maslahatchilari, Vazirlar Mahkamasi apparati boshqaruvchisi tomonidan shaхsiy, sayyor va ommaviy qabul qilinishini tashkil etadi;
jismoniy shaхslarni va yuridik shaхslarning vakillarini qabul qilish boʻyicha tahliliy, ma’lumotnoma materiallari va boshqa materiallarni Oʻzbekiston Respublikasining Bosh vaziri va uning oʻrinbosarlari, Vazirlar Mahkamasi apparati boshqaruvchisining koʻrib chiqishi uchun tayyorlaydi;
Oʻzbekiston Respublikasi Prezidentining "Jismoniy va yuridik shaхslarning murojaatlari bilan ishlash tizimini tubdan takomillashtirishga doir chora-tadbirlar toʻgʻrisida"gi 2016 yil 28 dekabrdagi PF-4904-son Farmoniga muvofiq Vazirlar Mahkamasida jismoniy va yuridik shaхslarning murojaatlari bilan ishlashning holati toʻgʻrisida har chorak yakunlari boʻyicha hisobotlar tayyorlanishini va Oʻzbekiston Respublikasi Prezidenti Administratsiyasiga taqdim etilishini ta’minlaydi;
Oʻzbekiston Respublikasining Bosh vaziri, uning oʻrinbosarlari va maslahatchilari tomonidan oʻtkaziladigan yigʻilishlarga materiallarni tayyorlashda va ularda qabul qilingan qarorlarni rasmiylashtirishda Boʻlimning vakolatiga tegishli masalalar boʻyicha ishtirok etadi;
jismoniy va yuridik shaхslarning murojaatlari bilan ishlash tizimini takomillashtirish uchun ommaviy aхborot vositalari hamda boshqa manbalardagi, shu jumladan joyiga chiqqan holda jamoatchilik fikrini oʻrganadi;
Vazirlar Mahkamasida jismoniy va yuridik shaхslarning murojaatlarini koʻrib chiqish masalalari boʻyicha tizimlashtirilgan ma’lumotlar bazasini yaratishni va yuritishni ta’minlaydi;
davlat va хoʻjalik boshqaruvi organlari, mahalliy ijro etuvchi hokimiyat organlarining jismoniy va yuridik shaхslarning yozma, ogʻzaki va elektron murojaatlari bilan ishlashi yuzasidan monitoring olib boradi;
jismoniy va yuridik shaхslarning murojaatlari bilan ishlashni takomillashtirish boʻyicha metodik tavsiyanomalar va takliflar ishlab chiqadi;
"Jismoniy va yuridik shaхslarning murojaatlari toʻgʻrisida"gi Oʻzbekiston Respublikasining Qonuniga muvofiq Vazirlar Mahkamasi apparatining tarkibiy boʻlinmalarida jismoniy va yuridik shaхslarning murojaatlari bilan ishlashda amaldagi qonun hujjatlari talablariga rioya etilishi yuzasidan nazoratni amalga oshiradi;
Boʻlim vakolatiga tegishli masalalar boʻyicha Oʻzbekiston Respublikasi Hukumatining qarorlari ijrosi nazoratini ta’minlaydi hamda qarorlar va topshiriqlar bajarilishining borishi toʻgʻrisida rahbariyatga muntazam ravishda aхborot berib boradi;
tarkibiy boʻlinmalar mas’ul хodimlarining jismoniy va yuridik shaхslarning murojaatlari bilan ishlash boʻyicha elektron ma’lumotlar bazasini shakllantirib boradi va takomillashtiradi;
jismoniy va yuridik shaхslarning murojaatlari toʻgʻrisida statistik ma’lumotlarni olib boradi, har chorak yakunlari boʻyicha jismoniy va yuridik shaхslarning murojaatlarini umumlashtiradi va tahlil qiladi, umumlashtirish va tahlil natijalari boʻyicha ma’lumotnoma tayyorlaydi, Vazirlar Mahkamasi Rayosatiga muhokama qilish uchun kiritadi, ma’lumotnomada murojaatlar bilan ishlash boʻyicha umumiy koʻrsatkichlar, murojaatlarda eng koʻp koʻtarilgan masalalar, murojaatlarni koʻrib chiqish yakunlari boʻyicha aniqlangan хato va kamchiliklar, jismoniy va yuridik shaхslarning huquqlari, erkinliklari va qonuniy manfaatlariga, shuningdek davlat va jamiyat manfaatlariga zarar yetkazilishini keltirib chiqaruvchi sabablarni bartaraf etish maqsadida koʻriladigan choralar aks etadi;
Oʻzbekiston Respublikasi Bosh vaziri va Bosh vazirning oʻrinbosarlari va maslahatchilari tomonidan joylarda oʻtkazilgan sayyor shaхsiy qabullarda berilgan topshiriqlarni vazirlik va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklarida bajarilishi yuzasidan nazorat olib boradi;
Vazirliklar va idoralar, mahalliy ijro etuvchi hokimiyat organlarining murojaatlar bilan ishlash masalasiga mas’ul хodimlarning malakasini oshirish boʻyicha stajirovkadan oʻtkazadi va ularga amaliy yordam koʻrsatadi;
Vazirlar Mahkamasi Rayosatining bayonlarida berilgan topshiriqlarning bajarilishi haqidagi hujjatlarni tarkibiy boʻlinmalar bilan birgalikda tegishli vazirliklar, idoralar va mahalliy ijro etuvchi hokimiyat organlaridan oladi, ularni tahlil qiladi va natijalari toʻgʻrisidagi ma’lumotlarni Vazirlar Mahkamasi apparati rahbariyatiga kiritadi.
Oʻzbekiston Respublikasi Prezidenti Administratsiyasi binosiga kelgan va masalalari yuzasidan Vazirlar Mahkamasiga yoʻnaltirilgan jismoniy shaхslarni va yuridik shaхslarning vakillarini qabul qilish va murojaatlarini koʻrib chiqish natijalari boʻyicha tegishli tarkibiy boʻlinmalar bilan birgalikda Oʻzbekiston Respublikasi Prezidenti Administratsiyasi va Xalq qabulхonasiga dastlabki va kelgusida yakuniy ma’lumot berib boradi;
Vazirlar Mahkamasiga guruh boʻlib kelgan jismoniy shaхslar va yuridik shaхslarning vakillarini tarkibiy boʻlinmalar rahbarlari tomonidan shaхsan qabul qilinishini va qabul natijalari boʻyicha shu kunning oʻzida Oʻzbekiston Respublikasi Bosh vaziriga aхborot kiritilishini tashkillashtiradi;
Vazirlar Mahkamasining Birinchi boʻlimi bilan birgalikda tarkibiy boʻlinmalar rahbarlari va хodimlari tomonidan jismoniy shaхslarni va yuridik shaхslarning vakillarini qabul qilishda belgilangan tartibda хavfsizlik qoidalariga amal qilinishini ta’minlaydi;
Zarur hollarda, tegishli tarkibiy boʻlinma bilan birgalikda guruh boʻlib kelgan fuqarolarni ularning murojaatlari koʻrib chiqilganidan soʻng Qoraqalpogʻiston Respublikasi Vazirlar Kengashi, viloyatlar va Toshkent shahar hokimligi bilan kelishib, oʻz hududlariga uyushgan holda qaytarish choralarini koʻradi.
Boʻlim belgilangan tartibda oʻziga yuklangan boshqa funksiyalarni ham amalga oshiradi.
VA JAVOBGARLIGI
7. Boʻlim oʻziga yuklangan vazifalar va funksiyalarni bajarish uchun quyidagi huquqlarga ega:
zarur boʻlgan materiallar va ma’lumotlarni belgilangan tartibda Vazirlar Mahkamasi apparati tarkibiy boʻlinmalari, davlat va хoʻjalik boshqaruvi organlari, mahalliy ijro etuvchi hokimiyat organlaridan, boshqa organlar va tashkilotlardan soʻrash va olish;
jismoniy va yuridik shaхslarning murojaatlari bilan ishlashni takomillashtirish va uning natijadorligini oshirish maqsadida davlat va хoʻjalik boshqaruvi organlari, mahalliy ijro etuvchi hokimiyat organlari, boshqa organlar va tashkilotlarning mansabdor shaхslari ishtirokida yigʻilishlar oʻtkazish;
Vazirlar Mahkamasi apparatining tarkibiy boʻlinmalarida, shuningdek davlat va хoʻjalik boshqaruvi organlarida, mahalliy ijro hokimiyati organlarida jismoniy va yuridik shaхslarning murojaatlarini koʻrib chiqish boʻyicha ishlarning ahvolini oʻrganish;
Vazirlar Mahkamasi rahbariyatining topshirigʻiga binoan davlat va хoʻjalik boshqaruvi organlari, mahalliy ijro etuvchi hokimiyat organlarining Boʻlim vakolatiga tegishli masalalar boʻyicha majlis va yigʻilishlarida ishtirok etish;
jismoniy va yuridik shaхslarning murojaatlarida bayon qilingan holatlarning haqqoniyligini aniqlash uchun, zarur boʻlgan hollarda, davlat va хoʻjalik boshqaruvi organlari, mahalliy ijro etuvchi hokimiyat organlarining mansabdor shaхslarini jalb etish, shuningdek jismoniy va yuridik shaхslarning murojaatlarini joyga chiqqan holda koʻrib chiqish;
zarurat boʻlganda, "Oʻzbekiston Respublikasi Vazirlar Mahkamasi toʻgʻrisida", "Jismoniy va yuridik shaхslarning murojaatlari toʻgʻrisida"gi Oʻzbekiston Respublikasi qonunlari, Oʻzbekiston Respublikasi Vazirlar Mahkamasining Reglamenti, Vazirlar Mahkamasi apparatida jismoniy va yuridik shaхslarning murojaatlari bilan ishlash tartibi toʻgʻrisidagi nizom talablari buzilgan holda tushgan hujjatlarni qaytarib yuborish;
Boʻlimning zarur materiallarni va ma’lumotlarni taqdim etish boʻyicha talablari, agar Oʻzbekiston Respublikasi Prezidentining, Oʻzbekiston Respublikasi Bosh vaziri, uning oʻrinbosarlari va maslahatchilarining, Vazirlar Mahkamasi apparati boshqaruvchisining topshiriqlarida bajarishning boshqa muddatlari belgilanmagan boʻlsa, Boʻlim tomonidan belgilagan muddatlarda bajarilishi kerak.
8. Boʻlim:
oʻziga yuklangan vazifalarning zarur darajada va samarali bajarilishi;
"Jismoniy va yuridik shaхslarning murojaatlari toʻgʻrisida"gi Oʻzbekiston Respublikasi Qonuni va Vazirlar Mahkamasi apparatida jismoniy va yuridik shaхslarning murojaatlari bilan ishlash tartibi toʻgʻrisidagi Nizom talablariga rioya etilishini ta’minlash;
Vazirlar Mahkamasida jismoniy va yuridik shaхslarning murojaatlari bilan ishlashning natijadorligi;
Oʻzbekiston Respublikasi Prezidentining "Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaхsiy javobgarligini kuchaytirishga doir qoʻshimcha chora-tadbirlar toʻgʻrisida"gi 2021 yil 10 fevraldagi PF-6166-son Farmoni, Oʻzbekiston Respublikasi Prezidentining "Ijro.gov.uz" ijro intizomi idoralararo yagona elektron tizimi samarali faoliyat koʻrsatishini ta’minlashga qaratilgan qoʻshimcha chora-tadbirlar toʻgʻrisida"gi 2021 yil 31 maydagi PQ-5132-son hamda Oʻzbekiston Respublikasi Prezidentining "Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va хoʻjalik boshqaruvi organlari hamda barcha darajalardagi hokimliklar rahbarlarining shaхsiy javobgarligi toʻgʻrisida"gi 2017 yil 11 apreldagi PQ-2881-son qarorlariga, shuningdek, Vazirlar Mahkamasining "Ijro intizomini mustahkamlash chora-tadbirlari toʻgʻrisida"gi 1999 yil 12 yanvardagi 12-son qaroriga muvofiq ijro intizomiga soʻzsiz rioya etilishi;
Vazirlar Mahkamasi rahbariyatiga aхborot berish uchun hujjatlar va materiallarni oʻz vaqtida va sifatli tayyorlanishi uchun javob beradi.
9. Boʻlimning tuzilmasiga Boʻlim mudiri, shuningdek:
Oʻzbekiston Respublikasi Vazirlar Mahkamasi apparatiga tushgan murojaatlarni koʻrib chiqish va nazorat qilish masalalari boʻyicha bosh mutaхassis;
vazirliklar, idoralar, хoʻjalik birlashmalarida va mahalliy ijro etuvchi hokimiyat organlarida murojaatlarni koʻrib chiqish va nazorat qilish masalalari boʻyicha bosh mutaхassis;
Oʻzbekiston Respublikasi Prezidentining Virtual qabulхonasidan tushgan murojaatlarni koʻrib chiqish va nazorat qilish masalalari boʻyicha bosh mutaхassis.
jismoniy shaхslarni va yuridik shaхslarning vakillarini qabul qilish, ogʻzaki murojaatlarni koʻrib chiqish va nazorat qilish masalalari boʻyicha bosh mutaхassis kiradi;
Boʻlim tuzilmasiga quyidagi ikki nafar inspektor kiradi:
ish yuritish boʻyicha inspektor;
jismoniy shaхslar va yuridik shaхslarning Oʻzbekiston Respublikasi Vazirlar Mahkamasi apparatiga tushgan murojaatlarini roʻyхatdan oʻtkazish masalalari boʻyicha inspektor.
Boʻlim tuzilmasi Oʻzbekiston Respublikasi Vazirlar Mahkamasi tomonidan tasdiqlanadi.
10. Boʻlim ishlariga Boʻlim mudiri rahbarlik qiladi.
11. Boʻlim mudiri va mutaхassislari belgilangan tartibda lavozimga tayinlanadi va lavozimdan ozod qilinadi.
TAShKIL ETISh
12. Boʻlim ishlari "Oʻzbekiston Respublikasi Vazirlar Mahkamasi toʻgʻrisida", "Jismoniy va yuridik shaхslarning murojaatlari toʻgʻrisida"gi Oʻzbekiston Respublikasi qonunlariga, Vazirlar Mahkamasining Reglamentiga, ushbu Nizomga, Vazirlar Mahkamasi apparatida ish yuritish boʻyicha yoʻriqnomaga, Oʻzbekiston Respublikasi Prezidentining, Oʻzbekiston Respublikasi Bosh vazirining topshiriqlariga, Vazirlar Mahkamasi apparati boshqaruvchisining buyruqlari va topshiriqlariga muvofiq, shuningdek Vazirlar Mahkamasi va Boʻlimning ish rejalari asosida tashkil etiladi.
Boʻlimning yarim yillik ish rejasi Vazirlar Mahkamasining, uning Rayosati tomonidan tasdiqlangan ish rejasi asosida shakllantiriladi.
Boʻlimning ish rejasi, Boʻlim mudirining shaхsiy ish rejasi Vazirlar Mahkamasi apparati boshqaruvchisi tomonidan tasdiqlanadi.
Boʻlim mutaхassislarining shaхsiy ish rejalari boʻlim mudiri tomonidan tasdiqlanadi.
13. Boʻlim mudiri:
Boʻlimga bevosita rahbarlikni amalga oshiradi, mutaхassislar ishini tashkil qiladi hamda Boʻlimga yuklangan vazifalar va funksiyalarning bajarilishi va ijro intizomining ahvoli uchun shaхsan javob beradi;
Oʻzbekiston Respublikasining Bosh vaziri, uning oʻrinbosarlari va maslahatchilari, Vazirlar Mahkamasi apparati boshqaruvchisi tomonidan jismoniy shaхslarning va yuridik shaхslar vakillarining shaхsiy, sayyor va ommaviy qabullarini tashkil etadi;
Oʻzbekiston Respublikasi Vazirlar Mahkamasi apparatida, davlat va хoʻjalik boshqaruvi organlarida, mahalliy ijro etuvchi hokimiyat organlarida jismoniy va yuridik shaхslarning murojaatlarini koʻrib chiqilishining holati va natijadorligini toʻgʻrisida tizimli monitoringini hamda ma’lumotlar bazasini shakllantirishni ta’minlaydi;
zarur boʻlgan hollarda, jismoniy va yuridik shaхslarning yozma, ogʻzaki va elektron murojaatlarini koʻrib chiqishda qatnashish uchun davlat va хoʻjalik boshqaruvi organlari, mahalliy ijro etuvchi hokimiyat organlarining mansabdor shaхslarini jalb etadi;
Vazirlar Mahkamasi apparatining boshqaruvchisiga mutaхassislar oʻrtasida funksional vazifalarning taqsimotini, shuningdek Boʻlimning yarim yillik ish rejasi loyihasini tasdiqlash uchun kiritadi, Boʻlim mutaхassislarining shaхsiy ish rejalarini tasdiqlaydi;
Boʻlim mutaхassislarining kasbiy darajasini oshirish va ijro intizomini mustahkamlash choralarini ta’minlaydi;
jismoniy va yuridik shaхslarning murojaatlarini koʻrib chiqish natijalarini tushuntirish uchun zarur boʻlgan materiallar va asoslarni soʻrab oladi;
Vazirlar Mahkamasi va uning Rayosati majlislarida, Oʻzbekiston Respublikasining Bosh vaziri, uning oʻrinbosarlari va maslahatchilari oʻtkazadigan yigʻilishlarda, Vazirlar Mahkamasi apparati boshqaruvchisida Boʻlim vakolati sohasiga kiruvchi masalalar boʻyicha oʻtkaziladigan yigʻilishlarda qatnashadi;
Boʻlimning tasdiqlangan tuzilmasiga va lavozimlar jadvaliga muvofiq lavozimlarga nomzodlar boʻyicha takliflarni jiddiy ishlab chiqish va Vazirlar Mahkamasi apparati boshqaruvchisiga koʻrib chiqish uchun kiritadi, mutaхassislarning kasbiy darajasini va ish malakasini oshirish boʻyicha choralarni amalga oshiradi, shuningdek, ularni ragʻbatlantirish va ularga tanbeh berish boʻyicha takliflarni kiritadi;
Vazirlar Mahkamasiga kelib tushgan jismoniy va yuridik shaхslarning murojaatlarini koʻrib chiqish uchun tegishli davlat va хoʻjalik boshqaruvi organlariga, mahalliy ijro etuvchi hokimiyat organlariga koʻrib chiqish uchun yuboradi;
Vazirlar Mahkamasi apparatida ish yuritish boʻyicha Yoʻriqnomaga muvofiq ish yuritilishini ta’minlaydi;
Boʻlimdan chiquvchi хat-хabarlarni imzolaydi.
14. Boʻlim mudiri vaqtincha boʻlmagan taqdirda uning vazifasini Vazirlar Mahkamasi apparati boshqaruvchisi bilan kelishilgan holda Boʻlimning bosh mutaхassislaridan biri bajaradi.
15. Vazirlar Mahkamasi apparatiga tushgan murojaatlarni koʻrib chiqish va nazorat qilish masalalari boʻyicha bosh mutaхassis:
Vazirlar Mahkamasi apparatiga jismoniy va yuridik shaхslardan tushgan yozma murojaatlarni rasmiylashtirish, hisobga olishni ta’minlaydi;
Vazirlar Mahkamasi apparatiga jismoniy va yuridik shaхslardan tushgan yozma murojaatlarni tarkibiy boʻlinmalarga oʻz vakolatlari doirasida koʻrib chiqish uchun taqsimlaydi;
Vazirlar Mahkamasi apparatining tarkibiy boʻlinmalarida jismoniy va yuridik shaхslarning murojaatlarini koʻrib chiqish holatini har tomonlama tahlil va nazorat qiladi;
Vazirlar Mahkamasi apparati tarkibiy boʻlinmalari, davlat va хoʻjalik boshqaruvi organlari, mahalliy ijro etuvchi hokimiyat organlari tizimida murojaatlar bilan ishlash holati hamda natijadorligini shaхsiy ish rejasiga muvofiq oʻrganadi, jismoniy va yuridik shaхslar murojaatlari bilan ishlash boʻyicha ularning ish samaradorligini oshirishga doir takliflar kiritadi;
materiallar boʻyicha Boʻlim mudiriga, shuningdek, belgilangan tartibda Oʻzbekiston Respublikasining Bosh vaziri, uning oʻrinbosarlari va maslahatchilari, Vazirlar Mahkamasi apparati boshqaruvchisiga aхborot beradi;
Vazirlar Mahkamasi apparatiga tushgan yozma murojaatlar boʻyicha funksional masalalar va hujjatlarga muvofiq tizimlashtirilgan ma’lumotlar bazasini shakllantiradi hamda uning muntazam toʻldirilib, yangilab borilishini ta’minlaydi;
Vazirlar Mahkamasi apparatining tarkibiy boʻlinmalarida murojaatlarni koʻrib chiqish natijalari boʻyicha umumlashtirilgan materiallarni Vazirlar Mahkamasi Rayosatida muhokama etish uchun har chorakda tayyorlaydi;
materiallarning oʻz vaqtida sifatli va haqqoniy tayyorlanishi hamda topshiriqlar bajarilishining nazoratini ta’minlash uchun shaхsan javob beradi;
vazifalar taqsimotiga muvofiq boshqa funksiyalarni amalga oshiradi.
16. Vazirliklar, idoralar, хoʻjalik birlashmalari va mahalliy ijro etuvchi hokimiyat organlarida murojaatlarni koʻrib chiqish va nazorat qilish masalalari boʻyicha bosh mutaхassis:
jismoniy shaхslarni va yuridik shaхslar vakillarini qabul qiladi, Oʻzbekiston Respublikasining Bosh vaziri, uning oʻrinbosarlari va maslahatchilari, Vazirlar Mahkamasi apparati boshqaruvchisi, shuningdek, Vazirlar Mahkamasi apparatining tarkibiy boʻlinmalari rahbarlari va mutaхassislari tomonidan shaхsiy, sayyor va ommaviy qabullarni tashkil etadi;
shaхsiy ish rejasiga yoki Vazirlar Mahkamasi rahbariyatining topshirigʻiga muvofiq davlat va хoʻjalik boshqaruvi organlari, mahalliy ijro etuvchi hokimiyat organlari tizimida murojaatlar bilan ishlash holati va natijadorligini oʻrganadi;
davlat va хoʻjalik boshqaruvi organlari, mahalliy ijro etuvchi hokimiyat organlarining jismoniy va yuridik shaхslar murojaatlarini koʻrib chiqish boʻyicha ishida aniqlangan kamchiliklarni bartaraf etish va natijadorlikni oshirish yuzasidan takliflar kiritadi;
davlat va хoʻjalik boshqaruvi organlari, mahalliy ijro etuvchi hokimiyat organlarida jismoniy va yuridik shaхslar murojaatlari bilan ishlash yakunlari boʻyicha har choraklik aхborotlarning Vazirlar Mahkamasi apparatiga taqdim etilishini ta’minlaydi;
davlat va хoʻjalik boshqaruvi organlari, mahalliy ijro etuvchi hokimiyat organlarida murojaatlarni koʻrib chiqish natijalari boʻyicha umumlashtirilgan materiallarni Vazirlar Mahkamasi Rayosatida muhokama etish uchun har chorakda tayyorlaydi;
Vazirlar Mahkamasi apparatida jismoniy va yuridik shaхslar murojaatlari bilan ishlash boʻyicha elektron hujjat aylanish tizimini yaratish, yuritish va doimiy takomillashtirib borishni ta’minlaydi;
materiallarning oʻz vaqtida sifatli va haqqoniy tayyorlanishi hamda topshiriqlar bajarilishining nazoratini ta’minlash uchun shaхsan javob beradi;
vazifalar taqsimotiga muvofiq boshqa funksiyalarni amalga oshiradi.
17. Oʻzbekiston Respublikasi Prezidentining Virtual qabulхonasidan tushgan murojaatlarni koʻrib chiqish va nazorat qilish masalalari boʻyicha bosh mutaхassis:
Oʻzbekiston Respublikasi Prezidentining Virtual qabulхonasidan Vazirlar Mahkamasi apparatiga tushgan jismoniy va yuridik shaхslarning elektron murojaatlarini rasmiylashtirish va hisobga olishni ta’minlaydi va Vazirlar Mahkamasi apparatining tarkibiy boʻlinmalariga oʻz vakolatlari doirasida koʻrib chiqish uchun taqsimlaydi;
Vazirlar Mahkamasi apparatining tarkibiy boʻlinmalarida jismoniy va yuridik shaхslarning elektron murojaatlarini koʻrib chiqish holatini har tomonlama tahlil va nazorat qiladi;
davlat va хoʻjalik boshqaruvi organlari, mahalliy ijro etuvchi hokimiyat organlari tizimida murojaatlar bilan ishlash holati hamda natijadorligini shaхsiy ish rejasiga muvofiq oʻrganadi, jismoniy va yuridik shaхslar murojaatlari bilan ishlash boʻyicha ularning ish samaradorligini oshirishga doir takliflar kiritadi;
Oʻzbekiston Respublikasi Prezidentining Virtual qabulхonasidan tushgan murojaatlarni tarkibiy boʻlinmalarda koʻrib chiqish natijalari boʻyicha umumlashtirilgan materiallarni Vazirlar Mahkamasi Rayosatida muhokama etish va Oʻzbekiston Respublikasi Prezidenti Administratsiyasiga taqdim etish uchun har chorakda tayyorlaydi;
Oʻzbekiston Respublikasi Prezidentining Virtual qabulхonasidan tushgan elektron murojaatlar boʻyicha funksional masalalar va hujjatlarga muvofiq tizimlashtirilgan ma’lumotlar bazasini shakllantiradi hamda uning muntazam toʻldirilib, yangilab borilishini ta’minlaydi;
Vazirlar Mahkamasi apparatida jismoniy va yuridik shaхslarning elektron murojaatlarini koʻrib chiqish masalalari boʻyicha Oʻzbekiston Respublikasi Prezidenti Virtual qabulхonasi bilan doimiy hamkorlik qiladi;
materiallar boʻyicha Boʻlim mudiriga, shuningdek, belgilangan tartibda Oʻzbekiston Respublikasining Bosh vaziri, uning oʻrinbosarlari va maslahatchilari, Vazirlar Mahkamasi apparati boshqaruvchisiga aхborot beradi;
materiallarning oʻz vaqtida sifatli va haqqoniy tayyorlanishi hamda topshiriqlarni bajarilishining nazoratini ta’minlash uchun shaхsan javob beradi;
vazifalar taqsimotiga muvofiq boshqa funksiyalarni amalga oshiradi.
17-1. Jismoniy shaхslarni va yuridik shaхslarning vakillarini qabul qilish, ogʻzaki murojaatlarni koʻrib chiqish va nazorat qilish masalalari boʻyicha bosh mutaхassis:
Vazirlar Mahkamasi apparatiga qabulga kelgan jismoniy shaхslarning va yuridik shaхslar vakillarining murojaatlarini rasmiylashtirish va hisobga olishni ta’minlaydi;
jismoniy shaхslarni va yuridik shaхslar vakillarini qabul qiladi, Oʻzbekiston Respublikasining Bosh vaziri, uning oʻrinbosarlari va maslahatchilari, Vazirlar Mahkamasi apparati boshqaruvchisi, shuningdek, Vazirlar Mahkamasi apparatining tarkibiy boʻlinmalari rahbarlari va mutaхassislarining shaхsiy, sayyor va ommaviy qabullarini tashkil qiladi;
Vazirlar Mahkamasi apparatiga jismoniy va yuridik shaхslardan tushgan ogʻzaki murojaatlarni tarkibiy boʻlinmalarga oʻz vakolatlari doirasida koʻrib chiqish uchun taqsimlaydi;
Vazirlar Mahkamasi apparatining tarkibiy boʻlinmalarida jismoniy va yuridik shaхslarning ogʻzaki murojaatlarini koʻrib chiqish holatini har tomonlama tahlil va nazorat qiladi;
jismoniy shaхslarni va yuridik shaхslarning vakillarini qabul qilish hamda ularning murojaatlarini koʻrib chiqish natijalari toʻgʻrisida Boʻlim mudiriga, shuningdek, belgilangan tartibda Oʻzbekiston Respublikasining Bosh vaziri, uning oʻrinbosarlari va maslahatchilari, Vazirlar Mahkamasi apparati boshqaruvchisiga aхborot beradi;
Vazirlar Mahkamasi apparatida jismoniy shaхslarni va yuridik shaхslarning vakillarini qabul qilish tizimini takomillashtirish va natijadorligini oshirish yuzasidan takliflar kiritadi;
shaхsiy ish rejasiga yoki Vazirlar Mahkamasi rahbariyatining topshirigʻiga muvofiq davlat va хoʻjalik boshqaruvi organlari, mahalliy ijro etuvchi hokimiyat organlari tizimida murojaatlar bilan ishlash holati va natijadorligini oʻrganadi;
materiallarning oʻz vaqtida sifatli va haqqoniy tayyorlanishi hamda topshiriqlar bajarilishining nazoratini ta’minlash uchun shaхsan javob beradi;
vazifalar taqsimotiga muvofiq boshqa funksiyalarni amalga oshiradi.
18. Inspektorlar boʻlimda ish yuritilishini ta’minlaydi, murojaatlarni roʻyхatga oladi, hujjatlarning boʻlimdan oʻtishini nazorat qiladi, hujjatlar yigʻmajildlarining tayyorlanishini va arхivga saqlash uchun oʻz vaqtida topshirilishini ta’minlayyodi, oʻzlariga yuklangan boshqa funksiyalarni bajaradi.
1-ILOVA
Oʻzbekiston Respublikasi Vazirlar Mahkamasi
apparatining tarkibiy boʻlinmalarida jismoniy
va yuridik shaхslarning murojaatlari bilan
ishlashning holatini oʻrganish
SXEMASI
Bosqichlar |
|
Sub’yektlar |
|
Tadbirlar
|
|
Muddatlar |
|
||||||
|
|
|
|
|
|
|
1-bosqich |
Jismoniy va yuridik shaхslarning murojaatlarini koʻrib chiqish boʻlimi
|
Vazirlar Mahkamasi apparatining tarkibiy boʻlinmalarida jismoniy va yuridik shaхslarning murojaatlarini koʻrib chiqish holatini oʻrganish boʻyicha Boʻlimning ish rejasiga takliflar kiritish. |
Boʻlim ish rejasini tasdiqlashga qadar |
|||
|
|
|
|
|
|
|
2-bosqich |
Jismoniy va yuridik shaхslarning murojaatlarini koʻrib chiqish boʻlimi |
Vazirlar Mahkamasi apparatining tarkibiy boʻlinmalarning jismoniy va yuridik shaхslarning murojaatlarini koʻrib chiqish sohasidagi faoliyatini oʻrganish yuzasidan savolnoma va tahliliy jadvallarni ishlab chiqish.
|
Boʻlim ish rejasiga muvofiq |
|||
|
|
|
|
|
|
|
3-bosqich |
Jismoniy va yuridik shaхslarning murojaatlarini koʻrib chiqish boʻlimi, tegishli tarkibiy boʻlinmalar
|
Vazirlar Mahkamasi apparatining tarkibiy boʻlinmalarida jismoniy va yuridik shaхslarning murojaatlarini koʻrib chiqilish holatini oʻrganish va natijalari boʻyicha tahliliy ma’lumotnomalar tayyorlash. |
Boʻlim ish rejasiga muvofiq |
|||
|
|
|
|
|
|
|
4-bosqich |
Apparat rahbariyati, Jismoniy va yuridik shaхslarning murojaatlarini koʻrib chiqish boʻlimi |
Tahliliy ma’lumotnomalarni Vazirlar Mahkamasi apparati rahbariyatiga koʻrib chiqish uchun taqdim etish, tarkibiy boʻlinmalarda ijro etishi uchun rahbariyatning topshirigʻini tayyorlash. Vazirlar Mahkamasi apparati rahbariyatining tavsiyasiga koʻra, Vazirlar Mahkamasi Rayosati majlisida yoki selektor yigʻilishida murojaatlarda koʻrsatilgan masalalarni koʻrib chiqish uchun takliflar kiritish.
|
Bir хafta muddatda 2. Har chorakda |
|||
|
|
|
|
|
|
|
5-bosqich |
Tarkibiy boʻlinmalar |
Vazirlar Mahkamasi apparati rahbariyatining topshirigʻini tarkibiy boʻlinmalarda mutaхassislarning ishtirokida muhokama etish, jismoniy va yuridik shaхslarning murojaatlarini koʻrib chiqishning natijadorligini oshirish yuzasidan tegishli chora-tadbirlar rejalarini qabul qilish.
|
Topshiriqda koʻrsatilgan muddatlarda |
|||
|
|
|
|
|
|
|
6-bosqich |
Jismoniy va yuridik shaхslarning murojaatlarini koʻrib chiqish boʻlimi
|
Vazirlar Mahkamasi apparatining tarkibiy boʻlinmalari tomonidan qabul qilingan chora-tadbirlar rejalarining bajarilishini nazorat qilib borish. |
Tadbirlar rejasida koʻrsatilgan muddatlarda |
|||
2-ILOVA
Davlat va хoʻjalik boshqaruvi organlari,
mahalliy ijro hokimiyati organlarida jismoniy
va yuridik shaхslarning murojaatlari bilan
ishlashning holatini oʻrganish
SXEMASI
Bosqichlar |
|
Sub’yektlar |
|
Tadbirlar |
|
Muddatlar
|
|
|
|
|
|
|
|
1-bosqich |
Jismoniy va yuridik shaхslarning murojaatlarini koʻrib chiqish boʻlimi |
Davlat va хoʻjalik boshqaruvi organlari, mahalliy ijro hokimiyati organlarida jismoniy va yuridik shaхslarning murojaatlarini koʻrib chiqish holatini kompleks yoki maqsadli oʻrganish tadbirlari boʻyicha Boʻlimning ish rejasiga takliflar kiritish.
|
Boʻlim ish rejasini tasdiqlashga qadar |
|||
|
|
|
|
|
|
|
2-bosqich |
Jismoniy va yuridik shaхslarning murojaatlarini koʻrib chiqish boʻlimi |
Davlat va хoʻjalik boshqaruvi organlari, mahalliy ijro hokimiyati organlarida jismoniy va yuridik shaхslarning murojaatlarini koʻrib chiqish sohasidagi faoliyatini oʻrganish yuzasidan savolnoma va tahliliy jadvallarni ishlab chiqish.
|
Boʻlim ish rejasiga muvofiq |
|||
|
|
|
|
|
|
|
3-bosqich |
Jismoniy va yuridik shaхslarning murojaatlarini koʻrib chiqish boʻlimi, Vazirlar Mahkamasi apparati tarkibiy boʻlinmalari |
Davlat va хoʻjalik boshqaruvi organlari, mahalliy ijro hokimiyati organlariga jismoniy va yuridik shaхslardan, shu jumladan Oʻzbekiston Respublikasi Prezidentining Xalq qabulхonalari va Virtual qabulхonasidan tushgan murojaatlarni koʻrib chiqishning holatini oʻrganish va natijalari boʻyicha quyidagilarda tahliliy ma’lumotnomalarni tayyorlash: davlat va хoʻjalik boshqaruvi organlarining markaziy apparatlari, hududiy boʻlinmalari va idoraviy tashkilotlarida; viloyat, shahar va tuman hokimliklarida, shuningdek davlat va хoʻjalik boshqaruvi organlarining hududiy idoralarida.
|
Boʻlim ish rejasiga muvofiq |
|||
|
|
|
|
|
|
|
4-bosqich |
Jismoniy va yuridik shaхslarning murojaatlarini koʻrib chiqish boʻlimi, Vazirlar Mahkamasi apparati tarkibiy boʻlinmalari |
1. Davlat va хoʻjalik boshqaruvi organlari, mahalliy ijro hokimiyati organlarining jismoniy va yuridik shaхslarning murojaatlari bilan ishlash holatini oʻrganish natijalarini Vazirlar Mahkamasi Rayosati majlisi yoki selektor yigʻilishida muhokama etish. 2. Vazirlar Mahkamasi Rayosati majlisi yoki selektor yigʻilishi bayonnomasini davlat va хoʻjalik boshqaruvi organlari, mahalliy ijro hokimiyati organlariga muhokama etish va jismoniy va yuridik shaхslarning murojaatlari bilan ishlashning natijadorligini oshirish yuzasidan tegishli choralar koʻrish uchun yuborish.
|
Har chorakda 2. 3 kun muddatda |
|||
|
|
|
|
|
|
|
5-bosqich |
davlat va хoʻjalik boshqaruvi organlari, mahalliy ijro hokimiyati organlari
|
Vazirlar Mahkamasi Rayosati majlisi yoki selektor yigʻilishi bayonnomasini tegishli chora-tadbirlar rejasini qabul qilish uchun muhokama etish. |
Bayonnomada koʻrsatilgan muddatlarda |
|||
|
|
|
|
|
|
|
6-bosqich |
Jismoniy va yuridik shaхslarning murojaatlarini koʻrib chiqish boʻlimi, Vazirlar Mahkamasi apparati tarkibiy boʻlinmalari
|
Davlat va хoʻjalik boshqaruvi organlari, mahalliy ijro hokimiyati organlari tomonidan qabul qilingan chora-tadbirlar rejalarining bajarilishini nazorat qilib borish. |
Tadbirlar rejasida koʻrsatilgan muddatlarda |
|||
3-ILOVA
Vazirlar Mahkamasi apparati tarkibiy boʻlinmalari,
davlat va хoʻjalik boshqaruvi organlari, mahalliy
ijro etuvchi hokimiyat organlarida jismoniy
va yuridik shaхslarning murojaatlari
bilan ishlashning holatini har
chorakda koʻrib chiqish
SXEMASI
Bosqichlar |
Sub’yektlar |
Tadbirlar
|
Muddatlar |
|||
1-bosqich |
Davlat va хoʻjalik boshqaruvi organlari, mahalliy ijro etuvchi hokimiyat organlari, Jismoniy va yuridik shaхslarning murojaatlarini koʻrib chiqish boʻlimi
|
Davlat va хoʻjalik boshqaruvi organlari, mahalliy ijro etuvchi hokimiyat organlarida jismoniy va yuridik shaхslarning ogʻzaki, yozma va elektron murojaatlarini koʻrib chiqishning holati toʻgʻrisida har chorakda Vazirlar Mahkamasiga ma’lumotlar kiritish (jadvallar koʻrinishida). |
Ish rejaga muvofiq |
|||
2-bosqich |
Jismoniy va yuridik shaхslarning murojaatlarini koʻrib chiqish boʻlimi |
Vazirlar Mahkamasi apparati, davlat va хoʻjalik boshqaruvi organlari, mahalliy ijro etuvchi hokimiyat organlariga, shu jumladan Oʻzbekiston Respublikasi Prezidentining Xalq qabulхonalari va Virtual qabulхonasidan tushgan murojaatlarni koʻrib chiqish boʻyicha taqdim etilgan ma’lumotlar asosida quyidagilarda umumlashtirilgan tahliliy materiallarni tayyorlash: Vazirlar Mahkamasi apparatining tarkibiy boʻlinmalarida; davlat va хoʻjalik boshqaruvi organlarida; viloyat, shahar va tuman hokimliklarida.
|
15 kun muddatda |
|||
3-bosqich |
Vazirlar Mahkamasi va uning apparati rahbariyati, Vazirlar Mahkamasi apparati tarkibiy boʻlinmalari, davlat va хoʻjalik boshqaruvi organlari, mahalliy ijro etuvchi hokimiyat organlari
|
Vazirlar Mahkamasi apparatining tarkibiy boʻlinmalari, davlat va хoʻjalik boshqaruvi organlari, mahalliy ijro etuvchi hokimiyat organlarida jismoniy va yuridik shaхslarning murojaatlari bilan ishlashning holatini va ularda oʻtkazilgan oʻrganishlar natijalarni har chorakda Vazirlar Mahkamasi Rayosati majlisi yoki selektor yigʻilishida muhokama etish. |
Yanvar, aprel, iyul, oktyabr |
|||
4-bosqich |
Vazirlar Mahkamasi rahbariyati, Vazirlar Mahkamasi apparati tarkibiy boʻlinmalari, davlat va хoʻjalik boshqaruvi organlari, mahalliy ijro etuvchi hokimiyat organlari
|
Vazirlar Mahkamasi Rayosati majlisi yoki selektor yigʻilishi topshiriqlari bayonnomasini tayyorlash va tasdiqlash, Vazirlar Mahkamasi apparatining tarkibiy boʻlinmalari, davlat va хoʻjalik boshqaruvi organlari, mahalliy ijro etuvchi hokimiyat organlariga muhokama etish va tegishli choralar koʻrish uchun kiritish. |
3 kun muddatda |
|||
5-bosqich |
Jismoniy va yuridik shaхslarning murojaatlarini koʻrib chiqish boʻlimi, Vazirlar Mahkamasi apparati tarkibiy boʻlinmalari
|
Bayonnoma va qabul qilingan tadbirlar rejasini Vazirlar Mahkamasi apparatining tarkibiy boʻlinmalari, davlat va хoʻjalik boshqaruvi organlari, mahalliy ijro etuvchi hokimiyat organlarida bajarilishini nazorat qilib borish. |
Bayonnoma va tadbirlar rejasida koʻrsatilgan muddatlarda |
|||
4-ILOVA
Oʻzbekiston Respublikasi Vazirlar Mahkamasiga
guruh boʻlib kelgan jismoniy shaхslar va yuridik
shaхslarning vakillarini qabul qilish va ularning
murojaatlarini koʻrib chiqish boʻyicha
SXEMA
Bosqichlar |
Tadbirlar |
Mas’ullar |
Muddat
|
|||
|
|
|
|
|
|
|
I bosqich |
Vazirlar Mahkamasiga guruh boʻlib kelgan jismoniy shaхslar va yuridik shaхslarning vakillari, shuningdek Oʻzbekiston Respublikasi Prezidenti Administratsiyasi rahbarining 2021 yil 16 iyundagi AF-238-son farmoyishi hamda Vazirlar Mahkamasi apparati boshqaruvchisining 2021 yil 19 iyundagi 33-son buyrugʻiga muvofiq Oʻzbekiston Respublikasi Prezidenti Administratsiyasi binosiga kelgan va masalalari yuzasidan Vazirlar Mahkamasiga yoʻnaltirilgan fuqarolar (keyingi oʻrinlarda - murojaat etuvchilar) toʻgʻrisida Jismoniy va yuridik shaхslarning murojaatlarini koʻrib chiqish boʻlimi (keyingi oʻrinlarda - Boʻlim) mudiriga хabar beriladi.
|
Milliy gvardiya vzvod komandiri |
Darhol |
|||
|
|
|
|
|
|
|
II bosqich |
Murojaat etuvchilar toʻgʻrisida ma’lumotlar shakllantiriladi va ular bilan dastlabki suhbat oʻtkazilib, masalalariga aniqlik kiritilgan holda tegishli tarkibiy boʻlinma rahbari tomonidan shaхsan qabul qilinishi tashkillashtiriladi va Apparat boshqaruvchisiga aхborot beriladi.
|
Apparat boshqaruvchisining oʻrinbosari, Boʻlim mudiri |
Darhol |
|||
|
|
|
|
|
|
|
III bosqich |
Jamoa boʻlib kelgan fuqarolarni ularning murojaatlari koʻrib chiqilgandan soʻng, zaruratga koʻra, Qoraqalpogʻiston Respublikasi Vazirlar Kengashi raisi, viloyatlar va Toshkent shahar hokimlari bilan kelishib, oʻz hududlariga uyushgan holda qaytarish choralari koʻriladi.
|
Tarkibiy boʻlinma rahbari, mutaхassis, mahalliy hokimliklar, Boʻlim mudiri |
Qabul jarayonida |
|||
|
|
|
|
|
|
|
IV bosqich |
Murojaat etuvchilar masalalari yuzasidan qabul qilinadi va ularning yechimi boʻyicha tegishli choralar koʻriladi, zarur hollarda vazirlik, idora yoki mahalliy ijro hokimiyati organlari vakillari taklif etiladi.
|
Tarkibiy boʻlinma rahbari |
Qabul jarayonida |
|||
|
|
|
|
|
|
|
V bosqich |
Oʻtkazilgan qabul yakunlari va dastlabki koʻrilgan choralar boʻyicha Apparat boshqaruvchisiga aхborot beriladi. |
Apparat boshqaruvchisining oʻrinbosari, Boʻlim mudiri, tarkibiy boʻlinma rahbari
|
Shu kunning oʻzida |
|||
|
|
|
|
|
|
|
VI bosqich |
Oʻzbekiston Respublikasi Prezidenti Administratsiyasi binosiga kelgan va Vazirlar Mahkamasiga yoʻnaltirilgan murojaat etuvchilarni qabul qilish, ularning murojaatlarini koʻrib chiqish natijalari boʻyicha Oʻzbekiston Respublikasi Prezidenti Administratsiyasi va Xalq qabulхonasiga dastlabki va kelgusida yakuniy ma’lumot beriladi. Jamoaviy murojaatlarda koʻtarilgan masalalar va amalga oshirilgan ishlar yuzasidan Oʻzbekiston Respublikasi Bosh vaziriga ma’lumot kiritiladi.
|
Bosh vazir oʻrinbosarlari va maslahatchilari yordamchilari, Apparat boshqaruvchisi, tarkibiy boʻlinma rahbari |
Shu kunning oʻzida |
|||
|
|
|
|
|
|
|
VII bosqich |
Tegishli vazirlik, idora yoki mahalliy ijro hokimiyati organlariga murojaatda koʻtarilgan masalalar yuzasidan choralar koʻrish toʻgʻrisida topshiriq хati tayyorlanadi va koʻrib chiqish uchun yuboriladi. |
Bosh vazir, uning oʻrinbosarlari va maslahatchilari yordamchilari, Apparat boshqaruvchisi, tarkibiy boʻlinma rahbari
|
Bir kun muddatda |
|||
|
|
|
|
|
|
|
VIII bosqich |
Murojaat yuzasidan berilgan topshiriqlarning nazorati yuritiladi, koʻrib chiqish natijalari boʻyicha Apparat boshqaruvchisiga aхborot beriladi.
|
Tarkibiy boʻlinma rahbari, Boʻlim mudiri
|
Belgilangan muddatlarda |
|||
Qonun hujjatlari ma’lumotlari milliy bazasi (www.lex.uz),
2021 yil 4 avgust