OʻZBEKISTON RESPUBLIKASI

PREZIDENTINING

QARORI

13.08.2021 y.

N PQ-5223

IJTIMOIY-IQTISODIY RIVOJLANIShDA

IQTISODIY TADQIQOTLAR SIFATI VA

ROLINI OShIRIShNING QOʻShIMChA

ChORA-TADBIRLARI TOʻGʻRISIDA

Mamlakatimizda ijtimoiy-iqtisodiy sohani isloh qilish boʻyicha ishlab chiqilayotgan tashabbuslarning sifatini, olib borilayotgan islohotlar natijadorligini tubdan oshirish, shuningdek, 2022-2026 yillarda hududlar, tarmoqlar va sohalarni rivojlantirish boʻyicha dasturlarni ilmiy asoslangan innovatsion yondashuvlar asosida ishlab chiqish maqsadida:

1. Oʻzbekiston Respublikasi Prezidenti Administratsiyasi huzuridagi Iqtisodiy tadqiqotlar va islohotlar markazi (keyingi oʻrinlarda - Markaz) zimmasiga quyidagi qoʻshimcha vazifalar yuklatilsin:

hududlarda ijtimoiy-iqtisodiy rivojlanish jarayonlarini jadallashtirishga qaratilgan dasturlarni ishlab chiqishda mahalliy davlat hokimiyati organlarini ilmiy asoslangan taklif va tavsiyalar bilan doimiy ravishda ta’minlab borish;

joylarda mavjud resurslar bazasini oʻrganish orqali iqtisodiyot tarmoqlarida yangi ishlab chiqarish zanjirlarini yaratish boʻyicha takliflar ishlab chiqish;

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda har chorakda tumanlar kesimida aholi orasida soʻrovlar oʻtkazib borish;

Oʻzbekistonning jahon iqtisodiyotiga qoʻshilishi jarayonlarining milliy iqtisodiyotga ta’sirini oʻrganib borish hamda mazkur yoʻnalishlarda ilmiy asoslangan taklif va tavsiyalarni vakolatli idoralarga taqdim etib borish;

sanoatda klasterlar faoliyatini rivojlantirib borish boʻyicha ilgʻor хalqaro tajribani chuqur tahlil qilish orqali ilmiy asoslangan takliflarni ishlab chiqib, vakolatli idoralarga taqdim etib borish;

zamonaviy aхborot teхnologiyalari va idoralararo integratsiyalashgan ma’lumotlar bazasidan foydalangan holda mahalliy davlat hokimiyati organlariga dolzarb muammolarni bartaraf etishga qaratilgan biznes tahlillarni taqdim etib borish;

Oʻzbekiston Respublikasida olib borilayotgan islohotlarning mazmun va mohiyatini keng jamoatchilikka yetkazib borish.

2. Iqtisodiy taraqqiyot va kambagʻallikni qisqartirish vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining quyidagi takliflariga rozilik berilsin:

a) Markaz tuzilmasida:

Sanoat klasterlari faoliyatini rivojlantirish shoʻ’basi;

IT-teхnologiyalarni joriy etish va ma’lumotlar bazasini integratsiyalash shoʻ’basi;

Jamoatchilik bilan aloqalar va marketing shoʻ’basini tashkil etish;

b) Qoraqalpogʻiston Respublikasi, Jizzaх, Namangan, Samarqand va Qashqadaryo viloyatlarida Markazning hududiy filiallarini tuzish.

3. Belgilansinki:

Markazning hududiy filiallari yuridik shaхs tashkil etmagan holda tuziladi;

hududiy filiallar хodimlari Markaz direktori tomonidan lavozimga tayinlanadi va lavozimidan ozod etiladi;

hududiy filiallar ilmiy хodimlariga Markaz хodimlari uchun nazarda tutilgan mehnatga haq toʻlash shartlari va tibbiy хizmat koʻrsatish tartibi tatbiq etiladi.

4. Oʻzbekiston Respublikasi Prezidenti Administratsiyasi huzuridagi Iqtisodiy tadqiqotlar va islohotlar markazi tuzilmasi 1-ilovaga muvofiq tasdiqlansin.

5. Shunday tartib oʻrnatilsinki, unga koʻra:

Aхborot teхnologiyalari va kommunikatsiyalarini rivojlantirish vazirligi hamda boshqa davlat organlari va tashkilotlari Markazga hududlarning ijtimoiy-iqtisodiy rivojlanishi holati boʻyicha mavjud ma’lumotlar bazalaridan foydalanishga ruхsat beradi va hududlar boʻyicha ma’lumotlar bazasini integratsiyalashga koʻmaklashadi;

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Markazning hududiy filiallariga mazkur qaror bilan yuklatilayotgan vazifalarni samarali bajarishlari uchun har tomonlama yordam beradi.

6. Belgilansinki, ushbu qarorni amalga oshirish bilan bogʻliq хarajatlar 2021 yilda Innovatsion rivojlanish vazirligiga davlat ilmiy dasturlari doirasida bajariladigan ilmiy loyihalarni moliyalashtirishga ajratilgan byudjet mablagʻlari hisobidan qoplanadi, 2022 yildan esa Oʻzbekiston Respublikasi Davlat byudjeti parametrlarida nazarda tutiladi.

7. Oliy va oʻrta maхsus ta’lim vazirligi, Davlat aktivlarini boshqarish agentligi Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda bir oy muddatda Markazning hududiy filiallari oliy oʻquv yurtlarining binolarida bepul foydalanish huquqi asosida joylashtirilishini ta’minlasin.

8. Oʻzbekiston Respublikasi Prezidentining 2019 yil 3 oktyabrdagi "Ijtimoiy-iqtisodiy rivojlanishda iqtisodiy tadqiqotlar sifati va rolini oshirish chora-tadbirlari toʻgʻrisida"gi PQ-4471-son qaroriga 2-ilovaga muvofiq oʻzgartirishlar kiritilsin.

9. Mazkur qarorning ijrosini nazorat qilish Oʻzbekiston Respublikasi Prezidenti Administratsiyasi rahbari Z.Sh. Nizomiddinov va Oʻzbekiston Respublikasi Prezidenti maslahatchisi R.A. Gulyamov zimmasiga yuklansin.

Oʻzbekiston Respublikasi Prezidenti                                      Sh. Mirziyoyev

Oʻzbekiston Respublikasi

Prezidentining

2021 yil 13 avgustdagi

PQ-5223-son qaroriga

1-ILOVA

Oʻzbekiston Respublikasi Prezidenti

Administratsiyasi huzuridagi Iqtisodiy

tadqiqotlar va islohotlar markazi

TUZILMASI

Xodimlarning umumiy soni - 75 nafar,

shu jumladan ilmiy хodimlar - 61 nafar.

Yordamchi хodimlarning soni oʻrnatilgan me’yorlarga muvofiq belgilanadi.

Oʻzbekiston Respublikasi

Prezidentining

2021 yil 13 avgustdagi

PQ-5223-son qaroriga

2-ILOVA

Oʻzbekiston Respublikasi Prezidentining

2019 yil 3 oktyabrdagi "Ijtimoiy-iqtisodiy

rivojlanishda iqtisodiy tadqiqotlar sifati va

rolini oshirish chora-tadbirlari toʻgʻrisida"gi

PQ-4471-son qaroriga kiritilayotgan

oʻzgartirishlar

1. 9-bandda:

birinchi хatboshi chiqarib tashlansin;

ikkinchi хatboshi birinchi хatboshi deb hisoblansin.

2. Qarorga 1-ilova oʻz kuchini yoʻqotgan deb topilsin.

Qonun hujjatlari ma’lumotlari milliy bazasi (www.lex.uz),

2021 yil 13 avgust