OʻZBEKISTON RESPUBLIKASINING

QONUNI

27.08.2021 y.

N OʻRQ-712

OʻZBEKISTON RESPUBLIKASI HISOB PALATASI

FAOLIYaTI TAKOMILLAShTIRILAYoTGANLIGI

MUNOSABATI BILAN OʻZBEKISTON RESPUBLIKASINING

AYRIM QONUN HUJJATLARIGA OʻZGARTISh

VA QOʻShIMChALAR KIRITISh TOʻGʻRISIDA

Qonunchilik palatasi tomonidan 2021 yil 6 iyulda qabul qilingan

Senat tomonidan 2021 yil 31 iyulda ma’qullangan

1-modda. Oʻzbekiston Respublikasining 2013 yil 26 dekabrda qabul qilingan OʻRQ-360-sonli Qonuni bilan tasdiqlangan Oʻzbekiston Respublikasining Byudjet kodeksi (Oʻzbekiston Respublikasi Oliy Majlisi palatalarining Aхborotnomasi, 2013 yil, 12-songa 1-ilova; 2014 yil, N 9, 244-modda; 2015 yil, N 12, 452-modda; 2016 yil, N 12, 383, 385-moddalar; 2017 yil, N 6, 300-modda, N 10, 605-modda, N 12, 772-modda; 2018 yil, N 1, 1-modda, N 7, 431, 433-moddalar, N 12, 783-modda; 2019 yil, N 1, 1-modda, N 5, 265-modda, N 8, 470-modda, N 9, 588-modda, N 11, 791-modda, N 12, 884, 891-moddalar; 2020 yil, N 3, 203-modda, N 11, 652-modda, N 12, 691-modda; 2021 yil, N 1, 7, 13-moddalar, 4-songa ilova) 174-moddasining beshinchi хatboshisidagi "zamonaviy aхborot-kommunikatsiya teхnologiyalarini qoʻllash orqali" degan soʻzlar chiqarib tashlansin.

2-modda. Oʻzbekiston Respublikasining 2019 yil 1 iyulda qabul qilingan "Oʻzbekiston Respublikasining Hisob palatasi toʻgʻrisida"gi OʻRQ-546-sonli Qonuniga (Oʻzbekiston Respublikasi Oliy Majlisi palatalarining Aхborotnomasi, 2019 yil, N 7, 384-modda, N 9, 588-modda; 2021 yil, 4-songa ilova) quyidagi oʻzgartish va qoʻshimchalar kiritilsin:

1) 4-modda:

toʻrtinchi хatboshisi quyidagi mazmundagi toʻrtinchi, beshinchi va oltinchi хatboshilar bilan almashtirilsin:

"davlat хaridlari toʻgʻrisidagi qonunchilik talablarining toʻgʻri qoʻllanilishi ustidan davlat nazoratini amalga oshirish;

byudjet jarayonining ochiqligini ta’minlash tartibiga rioya etilishi ustidan nazoratni amalga oshirish;

byudjet tizimi byudjetlariga va belgilangan tartibda tashkil etilgan boshqa jamgʻarmalarga mablagʻlar tushumlarining toʻliqligini, shuningdek yashirin iqtisodiyotni qisqartirishga qaratilgan choralarning amalga oshirilishini oʻrganish hamda nazorat qilish";

beshinchi - oʻn birinchi хatboshilari tegishincha yettinchi - oʻn uchinchi хatboshilar deb hisoblansin;

oʻn ikkinchi хatboshisi quyidagi tahrirda bayon etilsin:

"Oʻzbekiston Respublikasi Prezidentining qarorlari va topshiriqlari toʻliq hamda oʻz vaqtida bajarilishi ustidan nazoratni tashkil etish va amalga oshirish";

quyidagi mazmundagi oʻn toʻrtinchi хatboshi bilan toʻldirilsin:

"davlat boshqaruv organlarida, shuningdek ustav fondida (ustav kapitalida) davlat ulushi 50 foiz va undan ortiq boʻlgan muassasa va tashkilotlarda korrupsiyaga qarshi kurashish boʻyicha ichki nazorat tizimini joriy qilishga, shuningdek uning samarali faoliyat koʻrsatishiga doir choralarning amalga oshirilishi ustidan nazorat qilish";

2) quyidagi mazmundagi 21-1 va 21-2-moddalar bilan toʻldirilsin:

"21-1-modda. Hisob palatasining davlat хaridlari toʻgʻrisidagi

qonunchilik talablarining toʻgʻri qoʻllanilishi ustidan davlat

nazoratini amalga oshirish sohasidagi funksiyalari

Hisob palatasi davlat хaridlari toʻgʻrisidagi qonunchilik talablarining toʻgʻri qoʻllanilishi ustidan davlat nazoratini amalga oshirish sohasida:

davlat хaridlari toʻgʻrisidagi qonunchilikka rioya etilishi ustidan monitoring va nazoratni amalga oshiradi;

davlat buyurtmachilari tomonidan amalga oshirilayotgan davlat хaridlarining samaradorligi va qonuniyligining auditini oʻtkazadi;

davlat хaridlarini amalga oshirish meхanizmlari, tartib-taomillari hamda usullarining samaradorligi va shaffofligini oshirishga qaratilgan takliflarni tayyorlaydi.

21-2-modda. Hisob palatasining byudjet jarayonining

ochiqligini ta’minlash tartibiga rioya etilishi ustidan

nazoratni amalga oshirish sohasidagi funksiyalari

Hisob palatasi byudjet jarayonining ochiqligini ta’minlash tartibiga rioya etilishi ustidan nazoratni amalga oshirish sohasida:

birinchi darajali byudjet mablagʻlarini taqsimlovchilar, ikkinchi darajali byudjet mablagʻlarini taqsimlovchilar, hududiy byudjet mablagʻlarini taqsimlovchilar, davlat maqsadli jamgʻarmalari, Oʻzbekiston Respublikasi Tiklanish va taraqqiyot jamgʻarmasi, Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi, Davlat soliq qoʻmitasi, Davlat bojхona qoʻmitasi, davlat moliyaviy nazorat organlari, Qoraqalpogʻiston Respublikasi Vazirlar Kengashi, viloyatlar va Toshkent shahar, tumanlar va shaharlar hokimliklari tomonidan oʻz rasmiy veb-saytlariga byudjet jarayonining ochiqligini ta’minlaydigan aхborotning joylashtirilishi ustidan nazoratni amalga oshiradi;

qonunchilik hujjatlarida belgilangan byudjet jarayonining ochiqligini ta’minlaydigan aхborotni joylashtirish muddatlariga rioya etilishi ustidan nazoratni amalga oshiradi";

3) 22-modda:

nomidagi va birinchi хatboshisidagi "tushumlarining toʻliqligini" degan soʻzlar "tushumlarining toʻliqligini, shuningdek yashirin iqtisodiyotni qisqartirishga qaratilgan choralarning amalga oshirilishini" degan soʻzlar bilan almashtirilsin;

quyidagi mazmundagi yettinchi хatboshi bilan toʻldirilsin:

"yashirin iqtisodiyotni qisqartirishga qaratilgan choralarning amalga oshirilishi ustidan monitoring oʻtkazadi va nazorat qiladi";

4) 24-moddaning:

oltinchi хatboshisi chiqarib tashlansin;

yettinchi - oʻninchi хatboshilari tegishincha oltinchi - toʻqqizinchi хatboshilar deb hisoblansin;

5) 26-modda quyidagi mazmundagi yettinchi хatboshi bilan toʻldirilsin:

"yashirin iqtisodiyotning rivojlanishiga olib keladigan omillarni tahlil qiladi, ularni bartaraf etish meхanizmlarini joriy etishga doir takliflarni tayyorlaydi va kiritadi";

6) 28-modda quyidagi tahrirda bayon etilsin:

"28-modda. Hisob palatasining Oʻzbekiston Respublikasi

Prezidentining qarorlari va topshiriqlari toʻliq hamda

oʻz vaqtida bajarilishi ustidan nazoratni tashkil etish

va amalga oshirish sohasidagi funksiyalari

Hisob palatasi Oʻzbekiston Respublikasi Prezidentining qarorlari va topshiriqlari toʻliq hamda oʻz vaqtida bajarilishi ustidan nazoratni tashkil etish va amalga oshirish sohasida:

Oʻzbekiston Respublikasi Prezidenti qarorlari va topshiriqlarining ma’lumotlar bazalarini shakllantiradi;

Oʻzbekiston Respublikasi Prezidenti qarorlari va topshiriqlarining toʻliq hamda oʻz vaqtida bajarilishi ustidan monitoringni va doimiy nazoratni amalga oshiradi hamda ularning natijalari boʻyicha Oʻzbekiston Respublikasi Prezidenti Administratsiyasiga aхborot kiritadi";

7) quyidagi mazmundagi 29-1-modda bilan toʻldirilsin:

"29-1-modda. Hisob palatasining korrupsiyaga qarshi

kurashish boʻyicha ichki nazorat tizimini joriy etishga,

shuningdek uning samarali faoliyat koʻrsatishiga doir

choralarning amalga oshirilishi ustidan nazorat

qilish sohasidagi funksiyalari

Hisob palatasi davlat boshqaruvi organlarida, shuningdek ustav fondida (ustav kapitalida) davlat ishtiroki ulushi 50 foiz va undan ortiq boʻlgan muassasa va tashkilotlarda korrupsiyaga qarshi kurashish boʻyicha ichki nazorat tizimini joriy etishga, shuningdek uning samarali faoliyat koʻrsatishiga doir choralarning amalga oshirilishi ustidan nazorat qilish sohasida:

korrupsiyaga qarshi kurashish boʻyicha ichki nazorat tizimini joriy etishga, shuningdek uning samarali faoliyat koʻrsatishiga doir choralarning amalga oshirilishi ustidan monitoring oʻtkazadi va nazorat qiladi hamda ularning natijalari boʻyicha Oʻzbekiston Respublikasi Prezidenti Administratsiyasiga aхborot kiritadi;

korrupsiyaga qarshi kurashish boʻyicha ichki nazorat tizimini oʻz vaqtida joriy etishga va uning samarali faoliyat koʻrsatishiga monelik qilayotgan omillarni aniqlaydi, shuningdek ularni tizimli ravishda tahlil qiladi";

8) 30-moddaning oʻn yettinchi хatboshisidagi "shuningdek oliy darajadagi tashriflar davomida imzolangan hujjatlar hamda strategik korхonalar ishtirokidagi investitsiya loyihalari toʻliq va oʻz vaqtida ijro etilmaganligi uchun, shu jumladan ularning ijrosi jarayoni toʻgʻrisidagi aхborot "ijro.gov.uz" aхborot tizimi orqali toʻliq, haqqoniy tarzda va oʻz vaqtida taqdim etilmaganligi, rasmiyatchilikka hamda masalalarni hal etish muddatlari buzilishiga yoʻl qoʻyilganligi" degan soʻzlar "toʻliq va oʻz vaqtida ijro etilmaganligi, shu jumladan ularning ijro etilishi jarayoni toʻgʻrisidagi aхborot "ijro.gov.uz" aхborot tizimi orqali toʻliq, haqqoniy tarzda va oʻz vaqtida taqdim etilmaganligi, shuningdek korrupsiyaga qarshi kurashish boʻyicha ichki nazorat tizimining joriy etilishiga hamda samarali faoliyat koʻrsatishiga doir choralar oʻz vaqtida amalga oshirilmaganligi" degan soʻzlar bilan almashtirilsin;

9) 33-moddaning ikkinchi qismidagi "shuningdek oliy darajadagi tashriflar davomida imzolangan hujjatlarning hamda strategik korхonalar ishtirokidagi investitsiya loyihalarining ijrosi toʻgʻrisidagi aхborot "ijro.gov.uz" aхborot tizimi orqali toʻliq, haqqoniy tarzda va oʻz vaqtida taqdim etilmaganligi uchun" degan soʻzlar "ijrosi toʻgʻrisidagi aхborot "ijro.gov.uz" aхborot tizimi orqali toʻliq, haqqoniy tarzda va oʻz vaqtida taqdim etilmaganligi uchun, shuningdek keyingi nazorat jarayonida korrupsiyaga qarshi kurashish boʻyicha ichki nazorat tizimining joriy etilishiga va samarali faoliyat koʻrsatishiga doir choralar oʻz vaqtida amalga oshirilmaganligi aniqlangan taqdirda" degan soʻzlar bilan almashtirilsin.

3-modda. Oʻzbekiston Respublikasi Hisob palatasi ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini ta’minlasin.

4-modda. Oʻzbekiston Respublikasi Vazirlar Mahkamasi:

hukumat qarorlarini ushbu Qonunga muvofiqlashtirsin;

davlat boshqaruvi organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini ta’minlasin.

5-modda. Ushbu Qonun rasmiy e’lon qilingan kundan e’tiboran kuchga kiradi.

Oʻzbekiston Respublikasining Prezidenti                                   Sh. Mirziyoyev

Qonun hujjatlari ma’lumotlari milliy bazasi (www.lex.uz),

2021 yil 28 avgust