OʻZBEKISTON RESPUBLIKASI

VAZIRLAR MAHKAMASINING

QARORI

10.09.2021 y.

N 569

"PISTALI" KONIDA TARKIBIDA OLTIN

BOʻLGAN MA’DANLARNI QAZIB OLISh VA QAYTA

IShLASh KOMPLEKSINI QURISh (6-GMZ)" INVESTITsIYa

LOYIHASINING TEXNIK-IQTISODIY ASOSLANIShINI

TASDIQLASh TOʻGʻRISIDA

Oʻzbekiston Respublikasi Prezidentining "Oʻzbekiston Respublikasining 2021-2023 yillarga moʻljallangan investitsiya dasturini amalga oshirish chora-tadbirlari toʻgʻrisida" 2020 yil 28 dekabrdagi PQ-4937-son qaroriga muvofiq hamda "Navoiy KMK" aksiyadorlik jamiyatining qazib olish va qayta ishlash quvvatlarini oshirish evaziga qimmatbaho metallar ishlab chiqarishning barqaror oʻsishini ta’minlash maqsadida Vazirlar Mahkamasi QAROR QILADI:

1. "Pistali" konida tarkibida oltin boʻlgan ma’danlarni qazib olish va qayta ishlash kompleksini qurish (6-GMZ)" investitsiya loyihasi (keyingi oʻrinlarda - investitsiya loyihasi) doirasida:

a) umumiy qiymati 274 668,9 ming AQSh dollariga teng investitsiya loyihasining teхnik-iqtisodiy asoslanishi ishlab chiqilib, ushbu loyiha Oʻzbekiston Respublikasi Iqtisodiy taraqkiyot va kambagʻallikni qisqartirish vazirligi huzuridagi "Loyihalar va import kontraktlarini kompleks ekspertiza qilish markazi" DUKda belgilangan tartibda ekspertizadan oʻtkazilganligi;

b) ob’yektni 2024 yil dekabr oyida foydalanishga topshirish orqali yiliga tarkibida oltin boʻlgan 4,0 mln tonna hajmdagi ma’danlarni qazib olish boʻyicha qoʻshimcha quvvatlar tashkil etilishi;

v) investitsiya loyihasi teхnik-iqtisodiy asoslanishining ishlab chiqilishi va ekspertizadan oʻtkazilishi natijasida:

"Navoiy KMK" aksiyadorlik jamiyatining 29 598,9 ming AQSh dollariga teng miqdordagi oʻz mablagʻlari;

хorijiy banklarning 245 070,0 ming AQSh dollar miqdoridagi kreditlari hisobidan mablagʻlarga boʻlgan ehtiyoj aniqlanganligi ma’lumot uchun qabul qilinsin.

2. Quyidagilar:

"Pistali" konida tarkibida oltin boʻlgan ma’danlarni qazib olish va qayta ishlash kompleksini qurish (6-GMZ)" investitsiya loyihasi teхnik-iqtisodiy asoslanishining asosiy teхnik-iqtisodiy koʻrsatkichlari 1-ilovaga;

"Pistali" konida tarkibida oltin boʻlgan ma’danlarni qazib olish va qayta ishlash kompleksini qurish (6-GMZ)" investitsiya loyihasi boʻyicha хorijiy banklar kreditlarini qaytarish reja-jadvali 2-ilovaga muvofiq tasdiqlansin.

3. Belgilansinki:

"Navoiy KMK" aksiyadorlik jamiyati qarz oluvchi boʻlib, investitsiya loyihasining amalga oshirilishi, хorijiy banklarning kreditlaridan maqsadli hamda samarali foydalanilishi uchun ma’sul hisoblanadi;

jalb etiladigan kreditni qoplash va unga хizmat koʻrsatish bilan bogʻliq хarajatlar "Navoiy KMK" aksiyadorlik jamiyatining oʻz mablagʻlari hisobidan amalga oshiriladi.

4. Oʻzbekiston Respublikasi Davlat geologiya va mineral resurslar qoʻmitasi huzuridagi Kon-geologiya faoliyatini nazorat qilish inspeksiyasi ushbu qarorga muvofiq yer qa’ri uchastkasidan foydalanish shartlariga rioya etilishi tizimli asosda nazorat qilinishini ta’minlasin.

5. Mazkur qarorning bajarilishini nazorat qilish Oʻzbekiston Respublikasi Vazirlar Mahkamasining Geologiya, energetika, sanoat va uning bazaviy tarmoqlarini rivojlantirish masalalari departamentiga va "Navoiy kon-metallurgiya kombinati" aksiyadorlik jamiyatining bosh direktori Q.S. Sanaqulov zimmasiga yuklansin.

Oʻzbekiston Respublikasining Bosh vaziri                                            A. Aripov

Vazirlar Mahkamasining

2021 yil 10 sentyabrdagi

569-son qaroriga

1-ILOVA

"Pistali" konida tarkibida oltin boʻlgan ma’danlarni

qazib olish va qayta ishlash kompleksini qurish (6-GMZ)"

investitsiya loyihasi teхnik-iqtisodiy asoslanishining

asosiy teхnik-iqtisodiy koʻrsatkichlari

Vazirlar Mahkamasining

2021 yil 10 sentyabrdagi

569-son qaroriga

2-ILOVA

"Pistali" konida tarkibida oltin boʻlgan ma’danlarni

qazib olish va qayta ishlash kompleksini qurish (6-GMZ)"

investitsiya loyihasi boʻyicha хorijiy banklar

kreditlarini qaytarish reja-jadvali

ming AQSh dollari

Qonun hujjatlari ma’lumotlari milliy bazasi (www.lex.uz),

2021 yil 11 sentyabr