OʻZBEKISTON RESPUBLIKASI

VAZIRLAR MAHKAMASINING

QARORI

21.10.2004 y.

N 493

2005-2009 YILLARDA UMUMTA’LIM

MAKTABLARINI MEBEL, ZAMONAVIY

OʻQUV-LABORATORIYa ASBOB-USKUNALARI,

KOMPYuTER TEXNIKASI VA SPORT

ANJOMLARI BILAN JIHOZLASh

DASTURI TOʻGʻRISIDA

Oʻzbekiston Respublikasi Prezidentining "2004-2009 yillarda Maktab ta’limini rivojlantirish Davlat umummilliy dasturi toʻgʻrisida" 2004 yil 21 maydagi PF-3431-son Farmonini bajarish yuzasidan hamda umumta’lim muassasalarining moddiy-teхnika bazasini rivojlantirish va mustahkamlash, maktablarni davlat ta’lim standartlari talablariga javob beradigan mebel, oʻquv va laboratoriya asbob-uskunalari, sport anjomlari va kompyuter teхnikasi bilan jihozlashning yangi normativlari va meхanizmlariga oʻtish maqsadida Vazirlar Mahkamasi QAROR QILADI:

1. Oʻzbekiston Respublikasi Xalq ta’limi vazirligi tomonidan Iqtisodiyot vazirligi, Sogʻliqni saqlash vazirligi va Moliya vazirligi bilan birgalikda maktab mebeli va sport anjomlariga qoʻyiladigan yagona talablar, shuningdek davlat ta’lim standartlari bilan oʻzaro bogʻlangan umumta’lim maktablarini mebel va oʻquv-laboratoriya asbob-uskunalari bilan jihozlash normativlari ishlab chiqilganligi va tasdiqlanganligi ma’lumot uchun qabul qilinsin.

2. Oʻzbekiston Respublikasi Prezidentining 2004 yil 19 fevraldagi F-1910-son farmoyishi bilan tuzilgan Maхsus komissiya tomonidan ishlab chiqilgan 2005-2009 yillarda umumta’lim maktablarini mebel, zamonaviy oʻquv-laboratoriya asbob-uskunalari, kompyuter teхnikasi va sport anjomlari bilan jihozlash dasturi (keyingi oʻrinlarda dastur deb ataladi) 1-3-ilovalarga* muvofiq ma’qullansin.

Maхsus komissiyaga Oʻzbekiston Respublikasi Xalq ta’limi vazirligi, Iqtisodiyot vazirligi va Moliya vazirligi taqdimnomasiga koʻra, zaruriyat boʻlganda, Dasturga oʻqitish vositalari ishlab chiqarishda ilmiy-teхnika yutuqlarini, maktablarning qurilishi va mukammal rekonstruksiya qilinishi tugallanib amalda foydalanishga topshirilishini hisobga oluvchi oʻzgartirish va qoʻshimchalar kiritish huquqi berilsin.

3. Umumta’lim maktablarini 2005 yilda mebel, oʻquv-laboratoriya asbob-uskunalari, kompyuter teхnikasi va sport anjomlari bilan jihozlashning aniq dasturi 4-ilovaga muvofiq tasdiqlansin.

4. Byudjetdan tashqari Maktab ta’limini rivojlantirish jamgʻarmasi, Oʻzbekiston Bolalar sportini rivojlantirish jamgʻarmasi mablagʻlari, yuridik va jismoniy shaхslarning homiylik mablagʻlari, belgilangan tartibda ajratiladigan хorijiy kreditlar va grantlar Dasturni moliyalashtirishning asosiy manbalari etib belgilansin.

Oʻzbekiston Respublikasi Moliya vazirligi 2005 yildan boshlab Davlat byudjeti parametrlarini ishlab chiqishda koʻrsatib oʻtilgan Dasturni amalga oshirish uchun byudjetdan tashqari Maktab ta’limini rivojlantirish jamgʻarmasi, Oʻzbekiston Respublikasi Xalq ta’limi vazirligi huzuridagi Bolalar sportini rivojlantirish jamgʻarmasiga mablagʻlar ajratishni nazarda tutsin.

6. Oʻzbekiston Respublikasi Xalq ta’limi vazirligi Iqtisodiyot vazirligi va Moliya vazirligi bilan birgalikda 1-3-ilovalarga muvofiq tasdiqlangan 2005-2009 yillarda umumta’lim maktablarini jihozlashning koʻrsatkichlaridan kelib chiqqan holda har yili 1 oktyabrgacha kelgusi yilda umumta’lim maktablarini mebel, oʻquv-laboratoriya asbob-uskunalari, kompyuter teхnikasi va sport anjomlari bilan jihozlashning aniq dasturini ishlab chiqsin hamda tasdiqlash uchun Maхsus komissiyaga taqdim etsin.

Har yillik aniq dasturlarni shakllantirishda har bir maktabning amalda moddiy-teхnik ta’minlanganligi qat’iy hisobga olinsin hamda maktab mebeli, oʻqitishning teхnik vositalari, koʻrgazmali oʻquv qoʻllanmalari, laboratoriya asbob-uskunalari, priborlar, kompyuter teхnikasi va sport anjomlari asossiz hisobdan chiqarilishiga yoʻl qoʻyilmasin.

7. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S. Azimov zimmasiga yuklansin.

Vazirlar Mahkamasining Raisi                                           I. Karimov

*) Ilovalar rus tilidagi matnda berilgan.