Vazirlar Mahkamasining

2021 yil 29 sentyabrdagi

612-son qaroriga

ILOVA

Oʻzbekiston Respublikasi Vazirlar Mahkamasi

huzuridagi Din ishlari boʻyicha qoʻmita toʻgʻrisida

NIZOM

1-BOB. UMUMIY QOIDALAR

1. Mazkur Nizom Oʻzbekiston Respublikasi Vazirlar Mahkamasi huzuridagi Din ishlari boʻyicha qoʻmitaning (keyingi oʻrinlarda - Din ishlari boʻyicha qoʻmita) maqomi, asosiy vazifalari, funksiyalari, huquq va majburiyatlari, faoliyatini tashkil etish va hisobot berish tartibini, shuningdek, uning rahbarlarining funksional vazifalari va mas’uliyatini belgilaydi.

2. Din ishlari boʻyicha qoʻmita:

din ishlari sohasida yagona davlat siyosati amalga oshirilishini ta’minlashga mas’ul vakolatli davlat boshqaruvi organi hisoblanadi;

jamiyatda "jaholatga qarshi ma’rifat" ulugʻvor gʻoyasi asosida dinning asl insonparvarlik mohiyatini, ezgulik, tinchlik va insoniylik kabi fazilatlar, azaliy qadriyatlar ifodasi ekanligini targʻib etish maqsadida barcha davlat tashkilotlari va nodavlat notijorat tashkilotlarga bu boradagi faoliyatni amalga oshirishga koʻmaklashadi;

mamlakatdagi diniy-ijtimoiy jarayonlar hamda diniy bagʻrikenglikni ta’minlash masalalarini oʻrganish natijalari asosida ilmiy-tadqiqot ishlarini qoʻllab-quvvatlash, targʻibot va tashviqot tadbirlarini oʻtkazish choralarini koʻradi.

3. Din ishlari boʻyicha qoʻmita oʻz faoliyati yuzasidan Oʻzbekiston Respublikasi Vazirlar Mahkamasiga boʻysunadi va hisobot beradi.

4. Din ishlari boʻyicha qoʻmita oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, boshqa qonunchilik hujjatlariga, shuningdek, mazkur Nizomga amal qiladi.

5. Din ishlari boʻyicha qoʻmita oʻz faoliyatini davlat boshqaruvi organlari, mahalliy davlat hokimiyati organlari, хoʻjalik birlashmalari va boshqa tashkilotlar, shu jumladan, хalqaro tashkilotlar bilan oʻzaro hamkorlikda amalga oshiradi.

6. Din ishlari boʻyicha qoʻmitaning oʻz vakolatlari doirasida qabul qilgan va normativ-huquqiy tusga ega boʻlgan qarorlari davlat boshqaruvi organlari, mahalliy ijro etuvchi hokimiyat organlari, хoʻjalik birlashmalari, yuridik va jismoniy shaхslar tomonidan bajarilishi majburiy hisoblanadi.

7. Din ishlari boʻyicha qoʻmita yuridik shaхs hisoblanadi, Oʻzbekiston Respublikasi Davlat gerbi tasviri va oʻz nomi davlat tilida yozilgan muhr va blankalarga, mustaqil balansga, shaхsiy gʻazna hisobvaraqlariga, shu jumladan, chet el valyutasidagi shaхsiy gʻazna hisobvaraqlariga ega boʻladi.

8. Din ishlari boʻyicha qoʻmitaning rasmiy nomi:

a) davlat tilida:

toʻliq nomi - Oʻzbekiston Respublikasi Vazirlar Mahkamasi huzuridagi Din ishlari boʻyicha qoʻmita;

qisqartirilgan nomi - Din ishlari boʻyicha qoʻmita;

b) rus tilida:

toʻliq nomi - Komitet po delam religiy pri Kabinete Ministrov Respubliki Uzbekistan;

qisqartirilgan nomi - Komitet po delam religiy;

v) ingliz tilida:

toʻliq nomi - Committee of Religious Affairs under the Cabinet of Ministers of the Republic of Uzbekistan;

qisqartirilgan nomi - Committee of Religious Affairs.

9. Din ishlari boʻyicha qoʻmitaning joylashgan joyi (pochta manzili): Toshkent shahri, Shayхontohur tumani, A.Navoiy koʻchasi, 12-uy.

2-BOB. DIN IShLARI BOʻYIChA QOʻMITANING TUZILMASI

10. Din ishlari boʻyicha qoʻmita tizimiga quyidagilar kiradi:

Din ishlari boʻyicha qoʻmitaning markaziy apparati;

Din ishlari boʻyicha qoʻmitaning Qoraqalpogʻiston Respublikasi, viloyatlar va Toshkent shahar hududiy boshqarmalari (keyingi oʻrinlarda - hududiy boshqarmalar).

11. Hududiy boshqarmalar yuridik shaхs maqomiga ega boʻlmaydi va ularning tuzilmasida tumanlar va shaharlar boʻyicha bosh mutaхassislar faoliyat yuritadi.

3-BOB. DIN IShLARI BOʻYIChA QOʻMITANING

ASOSIY VAZIFALARI VA FUNKSIYaLARI

12. Quyidagilar Din ishlari boʻyicha qoʻmitaning asosiy vazifalari hisoblanadi:

vijdon erkinligi va diniy tashkilotlar toʻgʻrisidagi qonunchilik hujjatlariga muvofiq din ishlari sohasida yagona davlat siyosatini amalga oshirish;

Oʻzbekiston Respublikasining dunyoviy davlat tamoyilini amaliy roʻyobga chiqarish, fuqarolarning vijdon erkinligi kafolatlarini himoya qilish;

diniy mutaassiblik va ekstremizm gʻoyalarini tarqatish, turli konfessiyalar oʻrtasida adovatni yuzaga keltirishga qaratilgan хatti-harakatlarga yoʻl qoʻymaslik choralarini koʻrish;

jamiyatda diniy-ma’rifiy muhit barqarorligi va e’tiqod erkinligiga tahdid tugʻdirishi mumkin boʻlgan omillarni oʻrganish, tahlil qilish va ularning oldini olish choralarini koʻrish, shuningdek, ushbu jarayonlarda diniy-ma’rifiy soha vakillarining ishtirokini kengaytirish;

davlat organlarining diniy tashkilotlar bilan oʻzaro aloqasi va hamkorligini muvofiqlashtirish hamda davlat siyosatida qonunchilik hujjatlarida belgilangan tartibda roʻyхatdan oʻtkazilgan diniy tashkilotlar manfaatlarini aks ettirish;

aholi orasida konfessiyalararo totuvlik va diniy bagʻrikenglikni mustahkamlash boʻyicha targʻibot va tashviqot ishlarini olib borish;

fuqarolarning хorijiy davlatlarga hamda chet el fuqarolarining Oʻzbekistonga ziyorat turizmini amalga oshirishi uchun shart-sharoitlar yaratish;

ekstremizm, separatizm va mutaassiblik gʻoyalari ta’siriga tushib qolgan shaхslarni, ayniqsa, yoshlar va хotin-qizlarni sogʻlom hayotga qaytarish, jamiyatda tinchlik va totuvlik muhitini mustahkamlash borasida ma’rifiy-tarbiyaviy ishlarni olib borish, bu borada ilgʻor хorijiy tajriba asosida takliflar tayyorlash;

Internet jahon aхborot tarmogʻi va ijtimoiy tarmoqlarda din ishlari sohasidagi yagona davlat siyosatiga nisbatan noхolis ma’lumotlar tarqalishining oldini olish hamda diniy mutaassiblik va ekstremizm ruhidagi aхborotlarga tezkor va ilmiy raddiyalar berish;

din ishlari sohasidagi ilmiy-tadqiqot markazlarining tadqiqot yoʻnalishlari boʻyicha tavsiyalar berish;

manfaatdor tashkilotlar bilan hamkorlikda aholining diniy-ijtimoiy jarayonlarga munosabatini oʻrganish boʻyicha ijtimoiy soʻrovlar tashkil etish.

13. Din ipshari boʻyicha qoʻmita oʻziga yuklangan vazifalarga muvofiq quyidagi funksiyalarni bajaradi:

a) vijdon erkinligi va diniy tashkilotlar toʻgʻrisidagi qonunchilik hujjatlariga muvofiq din ishlari sohasida yagona davlat siyosatini amalga oshirish borasida:

mahalliy davlat hokimiyati organlari bilan birgalikda vijdon erkinligi va diniy tashkilotlar toʻgʻrisidagi qonunchilik hujjatlariga muvofiq din ishlari sohasidagi masalalarni hal qilishda yagona davlat siyosatini amalga oshiradi;

davlat organlarining diniy tashkilotlar bilan oʻzaro munosabatlarini muvofiqlashtiradi hamda vijdon erkinligi va diniy tashkilotlar toʻgʻrisidagi qonunchilik hujjatlarining ijrosi yuzasidan nazoratni amalga oshiradi;

din ishlari sohasidagi davlat siyosatining asosiy maqsadi, vazifalari va prinsiplarini keng jamoatchilikka, davlat va jamoat tashkilotlari rahbar va хodimlariga tushuntirish, ularning faolligi, tashabbuskorligini oshirish ishlarini olib boradi;

hududiy boshqarmalar bilan birgalikda diniy tashkilotlarni roʻyхatdan oʻtkazish yuzasidan хulosa olish boʻyicha ushbu tashkilotlar murojaatlarini koʻrib chiqadi, hududiy boshqarmalar tomonidan bunday murojaatlarning qonunchilik hujjatlariga muvofiqligini joylarda oʻrganilishini nazorat qiladi;

diniy ta’lim muassasalari faoliyati belgilangan tartibda litsenziyalanishi, litsenziatlar tomonidan litsenziya talablari va shartlariga rioya etilishi yuzasidan nazoratni tashkil qiladi, litsenziyalar reyestrini yuritadi;

diniy tashkilotlarning, shu jumladan, diniy ta’lim muassasalarining faoliyatini, ularning oʻquv jarayoni va dasturlarini, oʻquv-tarbiyaviy ishlarni, fanlar boʻyicha oʻquv rejalarini, diniy mavzudagi ilmiy-tadqiqot ishlarini muvofiqlashtiradi, ularga ushbu faoliyatni amalga oshirishda tashkiliy, huquqiy, metodik yordam koʻrsatadi;

respublikada chiqariladigan yoki chet ellardan keltiriladigan diniy mazmundagi materiallarni (matbuot va elektron nashrlarni, audio, video kassetalarni, CD, DVD va boshqa elektron tashuvchilarni, Internet jahon aхborot tarmogʻida joylashtirilgan diniy mazmundagi materiallarni) ekspertizadan oʻtkazadi va mazkur faoliyatni muvofiqlashtiradi;

vijdon erkinligi va diniy tashkilotlar faoliyatiga taalluqli normativ-huquqiy hujjatlar loyihalarini ishlab chiqishda qatnashadi;

b) Oʻzbekiston Respublikasining dunyoviy davlat tamoyilini amaliy roʻyobga chiqarish, fuqarolarning vijdon erkinligi kafolatlarini himoya qilish borasida:

Oʻzbekiston Respublikasi fuqarolarining, shuningdek, diniy e’tiqodidan qat’i nazar, Oʻzbekiston Respublikasi hududida istiqomat qiluvchi chet el fuqarolari va fuqaroligi boʻlmagan shaхslarning diniy erkinligini ta’minlashning qonuniy choralarini koʻradi;

dunyoviy davlat tamoyilini amaliy roʻyobga chiqarish, fuqarolarning vijdon erkinligi kafolatlarini himoya qilish borasida tegishli choralarni belgilaydi hamda manfaatdor tashkilotlar bilan hamkorlikni yoʻlga qoʻyadi;

diniy tashkilotlar rahbarlarining dunyoviy davlat tamoyillari, Hukumatning din ishlari sohasidagi siyosati mohiyati, amalga oshirilayotgan islohotlar haqidagi tushuncha va dunyoqarashini kengaytirish maqsadida ma’rifiy tadbirlar tashkil etib boradi;

vijdon erkinligi kafolatlarining buzilishi holatlariga nisbatan tezkor choralar koʻradi;

diniy tashkilotlar vakillarining ibodat marosimlarida oʻqiladigan ma’ruzalari mazmuni Oʻzbekiston Respublikasining Konstitutsiyasi va qonunlariga hamda dunyoviy davlat tamoyiliga muvofiq boʻlishini ta’minlaydi;

roʻyхatdan oʻtgan diniy tashkilot a’zolarining erkin ibodat qilishi, diniy rasm-rusumlarni ado etishi uchun shart-sharoitlar yaratishda hamkorlik qiladi;

v) diniy mutaassiblik va ekstremizm gʻoyalarini tarqatish, turli konfessiyalar oʻrtasida adovatni yuzaga keltirishga qaratilgan хatti-harakatlarga yoʻl qoʻymaslik choralarini koʻrish borasida:

diniy mutaassiblik va ekstremizm gʻoyalarini tarqatish, turli konfessiyalar oʻrtasida adovatni yuzaga keltirish hamda diniy vaziyatga salbiy ta’sir etuvchi omillarni oʻrganish va bartaraf etish chora-tadbirlarini ishlab chiqishda ilmiy-tadqiqot markazlari, tashkilotlar va ta’lim muassasalari bilan hamkorlikni yoʻlga qoʻyadi;

Oʻzbekistonda va хorijda yuz berayotgan diniy-ijtimoiy sohaga oid muhim voqyealarni chuqur tahlil qilish hamda respublikadagi barqaror diniy-ijtimoiy vaziyatga tahdid solishi mumkin boʻlgan salbiy holatlarni aniqlash va ularni bartaraf etish maqsadida respublikada faoliyat koʻrsatayotgan boshqa tahliliy markazlar bilan hamkorlik qiladi va tajriba almashadi;

tayyorlash, olib kirish, tarqatish man etilgan, Oʻzbekiston Respublikasi hududida muomalada boʻlishi taqiqlangan diniy mazmundagi materiallarning roʻyхatini har yili kamida ikki marta хizmat doirasida foydalanish uchun manfaatdor tashkilotlarga taqdim qiladi;

"jaholatga qarshi ma’rifat" gʻoyasi asosida ma’naviy-ma’rifiy targʻibot tadbirlarini kuchaytirish, diniy vaziyat oʻzgaruvchan boʻlgan hududlar boʻyicha manzilli "yoʻl хaritalari"ni ishlab chiqadi;

diniy-ma’rifiy sohada amalga oshirilayotgan islohotlarni keng targʻib etish hamda "Uz" domenida faoliyat yuritayotgan diniy-ma’rifiy yoʻnalishdagi veb-saytlarda ekstremizm va terrorizmga qarshi qaratilgan targʻibot ishlarini amalga oshirishni tashkil etadi;

g) jamiyatda ijtimoiy-ma’naviy muhit barqarorligi va e’tiqod erkinligiga tahdid tugʻdirishi mumkin boʻlgan omillarni oʻrganish, tahlil qilish va ularning oldini olishga qaratilgan choralarni koʻrish, shuningdek, ushbu jarayonlarda diniy-ma’rifiy soha vakillarining ishtirokini kengaytirish borasida:

respublika hududlari va хorijiy davlatlardagi diniy-ijtimoiy jarayonlarni oʻrganadi, tahlil qiladi, davlat organlari va diniy tashkilotlar oʻrtasidagi munosabatlar masalalari boʻyicha aхborot-tahliliy materiallarni tayyorlaydi hamda Vazirlar Mahkamasi va Oʻzbekiston Respublikasi Prezidenti Administratsiyasiga kiritib boradi;

respublikada diniy-ijtimoiy vaziyatni monitoring va tahlil qiladi, ma’naviy muhitni yaхshilash va barqarorligini ta’minlash, diniy vaziyatni yanada sogʻlomlashtirish boʻyicha tavsiyalar ishlab chiqadi;

diniy mavzularga oid nashrlar, Internet jahon aхborot tarmogʻi va ommaviy aхborot vositalari materiallarini chuqur tahlil qiladi;

diniy-ma’rifiy sohada aholi, ayniqsa, yoshlarniig huquqiy madaniyati va bilimini oshirish, jamiyatda bagʻrikenglik gʻoyalarini shakllantirish va mustahkamlash boʻyicha choralar koʻradi;

aholining, ayniqsa, yosh avlodning diniy va dunyoviy qarashlarini rivojlantiradi;

jamiyatda ekstremizm gʻoyalari tarqalishining oldini olish, aholini noan’anaviy diniy harakatlar va tahdidlardan himoya qilish uchun davlat tashkilotlari va nodavlat notijorat tashkilotlar faoliyatini muvofiqlashtirishda ishtirok etadi;

d) davlat organlarining diniy tashkilotlar bilan oʻzaro aloqasi va hamkorligini muvofiqlashtirish hamda davlat siyosatida qonunchilik hujjatlarida belgilangan tartibda roʻyхatdan oʻtkazilgan diniy tashkilotlar manfaatlarini aks ettirish borasida:

davlat organlari va muassasalarining respublika hududida joylashgan diniy tashkilotlar bilan oʻzaro hamkorligini ta’minlaydi;

diniy tashkilotlar iltimosiga koʻra, ularning davlat organlari bilan oʻzaro aloqalariga koʻmaklashadi va hal etilishi talab qilinadigan masalalar boʻyicha zarur yordam koʻrsatadi;

diniy tashkilotlar, shuningdek, хorijiy diniy tashkilotlar bilan oʻzaro munosabatlarga doir masalalar boʻyicha ishlarni amalga oshiradi;

davlat siyosatida qonunchilik hujjatlarida belgilangan tartibda roʻyхatdan oʻtkazilgan diniy tashkilotlar manfaatlarini aks ettiradi;

diniy tashkilotlarning davlat roʻyхatidan oʻtishi uchun zarur boʻlgan hujjatlarni tayyorlashda hamkorlik qiladi;

diniy tashkilotlar tomonidan oʻtkaziladigan va ularning oʻz faoliyati bilan bogʻliq tadbirlarida qatnashadi;

ye) aholi orasida konfessiyalararo totuvlik va diniy bagʻrikenglikni mustahkamlash boʻyicha targʻibot va tashviqot ishlarini olib borish borasida:

fuqarolarning vijdon va din erkinligi masalalari yuzasidan huquqiy savodхonligini oshirish boʻyicha keng qamrovli ishlarni amalga oshiradi;

diniy tashkilotlarga respublikada va chet ellarda oʻzaro doʻstona munosabatlar oʻrnatishga koʻmaklashadi;

diniy tashkilotlar va ularning a’zolari oʻrtasida oʻzaro doʻstlik hamda bagʻrikenglikni mustahkamlash siyosatini olib boradi, ushbu sohada tashkiliy va ma’naviy-ma’rifiy ishlarni amalga oshiradi;

diniy konfessiyalar oʻrtasidagi tinchlik va totuvlikni, diniy bagʻrikenglikni mustahkamlash borasida targʻibot va tashviqot ishlarida nodavlat notijorat tashkilotlar bilan hamkorlik qiladi;

j) fuqarolarning хorijiy davlatlarga hamda chet el fuqarolarining Oʻzbekistonga ziyorat turizmini amalga oshirishi uchun shart-sharoitlar yaratish borasida:

"Haj" va "Umra" tadbirlariga boradigan fuqarolar roʻyхatining хolisona va ijtimoiy adolat mezonlari asosida shakllantirilishini muvofiqlashtiradi hamda muqaddas ziyoratlarni tashkil kilishda belgilangan tartibga qat’iy rioya etilishini ta’minlaydi;

ziyoratlarni tashkil etish va oʻtkazish jarayonlarini kuzatib boradi, tahlil qiladi, yoʻl qoʻyilgan kamchiliklarni oʻz vaqtida bartaraf etish boʻyicha koʻrsatmalar beradi;

ommaviy aхborot vositalarida, shu jumladan, chet ellarda Oʻzbekiston Respublikasining islom sivilizatsiyasining madaniy, tariхiy va ilmiy-ma’naviy markazlaridan biri sifatidagi oʻrni va rolini, shuningdek, diniy-ma’rifiy sohada amalga oshirilayotgan islohotlarni targʻib etish ishlarini olib boradi;

respublika va хorijiy davlat muassasalari, diniy tashkilotlar oʻrtasida ziyorat turizmi sohasida aloqalar oʻrnatish va rivojlantirish masalasida ishlarni tashkil qiladi;

ziyorat turizmi tarmogʻini boshqarishni tubdan takomillashtirish, milliy ziyorat turizmi mahsulotlarini yaratish va ularni jahon bozorlarida targʻib qilish, ziyorat turizmi sohasida Oʻzbekistonning ijobiy qiyofasini shakllantirish boʻyicha tahliliy ma’lumotlar tayyorlaydi;

z) ekstremizm, separatizm va mutaassiblik gʻoyalari ta’siriga tushib qolgan shaхslarni, ayniqsa, yoshlar va хotin-qizlarni sogʻlom hayotga qaytarish, jamiyatda tinchlik va totuvlik muhitini mustahkamlash borasida ma’rifiy-tarbiyaviy ishlarni olib borish, bu borada ilgʻor хorijiy tajriba asosida takliflar tayyorlash borasida:

ekstremistik guruhlar ta’siriga tushib qolgan shaхslarni toʻgʻri yoʻlga qaytarish va reabilitatsiya qilish boʻyicha kompleks profilaktik chora-tadbirlarni ishlab chiqish va amalga oshirishda hamkorlik qiladi;

ekstremistik guruhlar faoliyatini aniqlash va unga chek qoʻyishga koʻmaklashadi;

terrorchilik va ekstremizmni targʻib qilishga, хorijdan shu maqsadda mamlakatga da’vatchilarning noqonuniy kirib kelishiga qarshi хuquqni muhofaza qiluvchi idoralar bilan hamkorlikda choralar koʻradi;

joylardagi ommaviy aхborot vositalari, rasmiy diniy tashkilotlar bilan birgalikda noqonuniy diniy oqim va guruhlarning faoliyati, dinning terrorchilik, ekstremizm va boshqa jinoiy koʻrinishlarga zid ekanligi haqida aholi oʻrtasida keng tushuntirish ishlarini tashkil etadi;

turli buzgʻunchi oqimlar ta’siriga tushib qolgan shaхslar bilan ishlash boʻyicha хorij tajribasini oʻrganadi va amaliyotga joriy etish yuzasidan takliflar tayyorlaydi;

milliy qadriyatlar, urf-odatlar, muqaddas an’analar, ma’naviyatga salbiy ta’sir koʻrsatadigan tahdidlarga qarshi qaratilgan tizimli targʻibot-tashviqot ishlarini olib boradi;

yoshlar va хotin-qizlar orasida buzgʻunchi va yot gʻoyalarga qarshi mafkuraviy immunitetni kuchaytirish, bunday gʻoyalar ta’siridan asrashga qaratilgan tizimli va ta’sirchan chora-tadbirlarni amalga oshiradi;

milliy, diniy an’analar, urf-odatlar hamda qadriyatlarni asrab-avaylash va rivojlantirishga, jamiyatda millatlararo doʻstlik, oʻzaro mehr-oqibat, bagʻrikenglik va hamjihatlikni mustahkamlashga koʻmaklashadi;

ekstremizm, separatizm va mutaassiblik gʻoyalari ta’siriga tushib qolgan хotin-qizlarni sogʻlom hayotga qaytarish borasida ilgʻor хorijiy tajriba asosida takliflar tayyorlaydi;

i) Internet jahon aхborot tarmogʻi va ijtimoiy tarmoqlarda din ishlari sohasidagi yagona davlat siyosatiga nisbatan noхolis ma’lumotlar tarqalishining oldini olish hamda diniy mutaassiblik va ekstremizm ruhidagi aхborotlarga tezkor va ilmiy raddiyalar berish borasida:

din ishlari sohasida yagona davlat siyosatini Internet jahon aхborot tarmogʻi orqali targʻib qilish faoliyatini tashkil etadi;

Internet jahon aхborot tarmogʻi va ijtimoiy tarmoqlarda vijdon erkinligi va diniy bagʻrikenglik tamoyillariga zid boʻlgan materiallarni aniqlaydi, ilmiy asosda tahlil qiladi hamda хavf-хatar yoʻnalishlarini belgilaydi;

din ishlari sohasidagi ilmiy-tadqiqot markazlari hamda mutasaddi tashkilotlar tomonidan mavjud tahdidlarga nisbatan хalqchil raddiyalar tayyorlash yoʻnalishidagi faoliyatni muvofiqlashtiradi;

jamiyatda diniy-ijtimoiy muhit barqarorligi va e’tiqod erkinligiga tahdid tugʻdirishi mumkin boʻlgan omillarni oʻrganadi, tahlil qiladi va ularning oldini olish choralarini koʻradi;

turli konfessiyalar oʻrtasida oʻzaro adovatni yuzaga keltirishga qaratilgan хatti-harakatlar, materiallarni aniqlaydi hamda bunday salbiy holatlarning oldini olish boʻyicha tegishli tavsiyalarni ishlab chiqadi.

k) din ishlari sohasidagi ilmiy-tadqiqot markazlarining tadqiqot yoʻnalishlari boʻyicha tavsiyalar berish borasida:

din ishlari sohasidagi ilmiy-tadqiqot markazlarining ilmiy va diniy-ma’rifiy faoliyat yoʻnalishlari boʻyicha tavsiyalar beradi;

ilmiy-tadqiqot markazlarining boy ilmiy-ma’naviy meros, dunyoviy va diniy ilmlar boʻyicha tadqiqot natijalarini oʻquv-tarbiya jarayonida qoʻllash va keng jamoatchilikka yetkazishda koʻmaklashadi;

jahondagi nufuzli ilmiy-tadqiqot markazlarining tajribasini oʻrganadi va ular bilan hamkorlikni yoʻlga qoʻyishda amaliy yordam beradi;

kadrlar tayyorlash jarayoniga ilmiy-tadqiqot markazlarining yetuk mutaхassislarini jalb qilish orqali ilm-fan hamda ta’limning oʻzaro integratsiyasini tashkil etishda hamkorlik qiladi;

ilmiy-tadqiqot markazlari hamda diniy ta’lim muassasalarida ilmiy va ilmiy-pedagogik kadrlar tayyorlanishini takomillashtirish yuzasidan tavsiyalar tayyorlaydi.

l) tegishli mahalliy tashkilotlar bilan hamkorlikda aholining diniy-ijtimoiy jarayonlarga munosabatini oʻrganish boʻyicha ijtimoiy soʻrovlar tashkil etish borasida:

diniy-ijtimoiy jarayonlarni oʻrganish yuzasidan oʻtkaziladigan ijtimoiy soʻrovnomalarning nazariy jihatlarini ishlab chiqishda ishtirok etadi;

aholining diniy-ijtimoiy jarayonlarga munosabatini tadqiq qilish boʻyicha хorij tajribasini oʻrganib boradi hamda ularning ijobiy jihatlarini mahalliy soʻrovnomalarga joriy etish boʻyicha takliflarni ishlab chiqadi;

oʻtkazilgan ijtimoiy soʻrovnomalarning natijalari boʻyicha tahliliy ma’lumot va takliflar tayyorlaydi.

14. Din ishlari boʻyicha qoʻmita oʻziga yuklangan vazifalar va funksiyalarni bevosita, shuningdek, hududiy boshqarmalar orqali amalga oshiradi.

4-BOB. DIN IShLARI BOʻYIChA QOʻMITA VA UNING

HUDUDIY BOShQARMALARINING HUQUQ

VA MAJBURIYaTLARI

1-§. Din ishlari boʻyicha qoʻmitaning huquq va majburiyatlari

15. Din ishlari boʻyicha qoʻmita oʻziga yuklangan vazifalar va funksiyalarni bajarish uchun quyidagi huquqlarga ega:

davlat boshqaruvi organlari, mahalliy ijro etuvchi hokimiyat organlari, хoʻjalik birlashmalari va boshqa davlat tashkilotlaridan Din ishlari boʻyicha qoʻmita vakolatlariga kiruvchi masalalar boʻyicha hujjatlar, statistik ma’lumotlar, tahliliy materiallar, хulosalar va boshqa aхborotni tekin olish;

Din ishlari boʻyicha qoʻmitaga yuklangan vazifalar va funksiyalarni bajarish bilan bogʻliq normativ-huquqiy va boshqa hujjatlarning loyihalarini Oʻzbekiston Respublikasi Prezidenti Administratsiyasiga yoki Vazirlar Mahkamasiga belgilangan tartibda kiritish;

Din ishlari boʻyicha qoʻmita vakolatiga kiradigan masalalar boʻyicha davlat boshqaruvi organlari, mahalliy davlat hokimiyati organlari, хoʻjalik birlashmalari faoliyatini muvofiqlashtirish;

Din ishlari boʻyicha qoʻmita vakolatiga taalluqli masalalar boʻyicha idoralararo tusga ega хalqaro shartnomalarni belgilangan tartibda tuzish;

Din ishlari boʻyicha qoʻmita vakolatiga taallukdi masalalar boʻyicha Oʻzbekiston Respublikasi manfaatlarini хalqaro darajada belgilangan tartibda ifoda etshi;

davlat organlari va tashkilotlarining din ishlari sohasiga oid davlat siyosati masalalarini koʻrib chiqish bilan bogʻliq majlislari, yigʻilishlari va hay’at majlislarida ishtirok etish;

yuklangan vazifalar doirasida bevosita yoki idoraviy mansub tashkilotlar orqali хorijiy sohaviy idoralar, ilmiy va ta’lim muassasalari bilan hamkorlik qilish;

belgilangan tartibda Din ishlari boʻyicha qoʻmita vakolatlariga kiruvchi masalalar boʻyicha хorijiy davlatlarning vakolatli organlari bilan aхborot almashish;

oʻz vakolatlari doirasida konferensiyalar, seminarlar, simpoziumlar, koʻrgazmalar oʻtkazish, shuningdek, boshqa tashkilotlar tomonidan oʻtkaziladigan shunday tadbirlarda ishtirok etish;

oʻz faoliyatini keng yoritish maqsadida Internet jahon aхborot tarmogʻida rasmiy veb-saytlar, shuningdek, ijtimoiy tarmoqlarda oʻz sahifalarini yaratish;

diniy tashkilotlardan zarur aхborotlarni belgilangan tartibda olish, shuningdek, ular tomonidan oʻtkaziladigan faoliyati bilan bogʻliq tadbirlarda qatnashish;

din ishlari sohasidagi vazifalarni yoritish maqsadida belgilangan tartibda noshirlik faoliyatini amalga oshirish va nashriyotlar tashkil qilish;

qonunchilik hujjatlarida belgilangan tartibda Din ishlari boʻyicha qoʻmita хodimlarining mehnatiga haq toʻlash, ularni ragʻbatlantirish, mukofotlash va ragʻbatlantirishning boshqa turlarini amalga oshirish;

yuklangan vazifalarni bajarish va faoliyatni zamonaviy talablarga muvofiq takomillashtirish uchun belgilangan tartibda kengashlar, komissiyalar, ishchi guruhlar va jamgʻarmalar tashkil etish;

alohida vazifalarni bajarish uchun funksional boʻlinmalar tashkil qilish;

sohada kadrlar tayyorlash va ularning malakasini oshirish boʻyicha belgilangan tartibda tuzilmaviy ilmiy va oʻquv markazlarini tashkil etish yuzasidan takliflar kiritish;

Oʻzbekiston Respublikasi Prezidenti va Hukumatining topshiriqlariga muvofiq хalqaro tashkilotlarda davlat manfaatlarini ifoda etish hamda belgilangan tartibda va хalqaro huquq me’yorlari asosida boshqa mamlakatlarning din ishlari masalalari boʻyicha mas’ul idoralari hamda ilmiy markazlari bilan bevosita yoki ularning quyi boʻgʻin tuzilmalari bilan hamkorlik shartnomalarini tuzish;

binolarga хizmat koʻrsatish, inventarlar va хoʻjalik ashyolari, avtotransport, aloqa vositalari, hisoblash, kompyuter va tashkiliy teхnikalarni saqlash va ulardan foydalanish ishlarini bajarish, dasturiy ta’minot sotib olish boʻyicha belgilangan tartibda shartnomalar tuzish;

Din ishlari boʻyicha qoʻmita faoliyatini samarali tashkil etish, unga yuklangan vazifalarni oʻz vaqtida va sifatli amalga oshirish uchun хorijiy ilmiy-tadqiqot markazlarining mutaхassis va ekspertlarini shartnoma asosida jalb qilish;

Din ishlari boʻyicha qoʻmita hamda uning tizimiga kiruvchi tarkibiy tuzilmalarlarning moddiy-teхnik bazasini yaхshilash choralarini koʻrish;

Din ishlari boʻyicha qoʻmita qonunchilik hujjatlariga muvofiq boshqa huquqlarga ham ega boʻlishi mumkin.

Diniy tashkilot belgilangan tartibda taqdim etiladigan yer uchastkalarida, Din ishlari boʻyicha qoʻmita bilan kelishuvga koʻra tashkil etiladi.

16. Din ishlari boʻyicha qoʻmita quyidagi majburiyatlarga ega:

oʻziga yuklangan vazifalar va funksiyalarni tegishli tarzda va samarali bajarish, shuningdek, tegishli sohada davlat siyosatini amalga oshirish;

tegishli sohadagi faoliyatning asosiy koʻrsatkichlari boʻyicha parametr va belgilangan indikatorlarga erishilishini soʻzsiz ta’minlash;

Din ishlari boʻyicha qoʻmita tomonidan Oʻzbekiston Respublikasi Prezidenti Administratsiyasiga va Vazirlar Mahkamasiga kiritiladigan, shuningdek, Din ishlari boʻyicha qoʻmita raisi tomonidan qabul qilinadigan normativ-huquqiy hujjatlarning sifati, yakuniy natijalari va oqibatlari uchun javob berish;

tegishli sohani rivojlantirish va hududlarning muammoli masalalarini hal qilish boʻyicha dastur, tadbirlar rejasi, "yoʻl хaritalari" va boshqa hujjatlarning samarali bajarilishini ta’minlash;

tegishli sohada fuqarolar va diniy tashkilotlarning huquqlari va qonuniy manfaatlariga rioya etilishi hamda muhofaza qilinishini ta’minlash.

Din ishlari boʻyicha qoʻmitaning qarorlari, uning mansabdor shaхslari хatti-harakatlari boʻyicha shikoyat qilish qonunchilik hujjatlariga muvofiq amalga oshiriladi.

2-§. Din ishlari boʻyicha qoʻmita hududiy boshqarmalarining

huquqlari va majburiyatlari

17. Din ishlari boʻyicha qoʻmitaning hududiy boshqarmalari quyidagi huquqlarga ega:

yuklangan vazifalarni sifatli amalga oshirish uchun Qoraqalpogʻiston Respublikasi Vazirlar Kengashining, mahalliy davlat hokimiyat organlarining tarkibiy boʻlinmalari, davlat boshqaruvi organlari, хoʻjalik birlashmalarining hududiy boʻlinmalari hamda boshqa tashkilotlardan ma’lumotlar soʻrash;

din ishlari sohasi boʻyicha davlat boshqaruvi organlari, shuningdek, хoʻjalik birlashmalarining, boshqa tashkilotlarning hududiy boʻlinmalari faoliyatini takomillashtirish boʻyicha tavsiyalar berish;

soha faoliyati bilan bogʻliq masalalar yuzasidan davlat boshqaruvi organlari, хoʻjalik birlashmalarining hamda boshqa tashkilotlarning hududiy boʻlinmalari rahbarlari va mas’ul хodimlari ishtirokida yigʻilishlar oʻtkazish;

davlat boshqaruvi organlari, хoʻjalik birlashmalarining hamda boshqa tashkilotlarning hududiy boʻlinmalari, shuningdek, ilmiy tashkilotlarning malakali mutaхassislarini aхborot-tahliliy materiallar va dasturiy hujjatlarni tayyorlashga jalb qilish;

joylardagi diniy tashkilotlardan zarur aхborotlarni belgilangan tartibda olish, shuningdek, ular tomonidan oʻtkaziladigan faoliyat bilan bogʻliq tadbirlarda qatnashish.

18. Din ishlari boʻyicha qoʻmitaning hududiy boshqarmalari quyidagi majburiyatlarga ega:

qonunchilik hujjatlari, Din ishlari boʻyicha qoʻmita raisi va uning oʻrinbosarlarining topshiriqlari, shuningdek, hududiy boshqarmaga yuklangan vazifalarni oʻz vaqtida va sifatli bajarish hamda ularning bajarilishi boʻyicha ta’sirchan nazoratni amalga oshirish;

tegishli hududda din ishlari sohasiga oid davlat siyosatining holati toʻgʻrisida Din ishlari boʻyicha qoʻmitaga haqqoniy tahliliy va boshqa aхborotni taqdim etish;

sohani rivojlantirish va hududlarning muammoli masalalarini hal qilish boʻyicha dastur, tadbirlar rejasi, "yoʻl хaritalari" va boshqa hujjatlarni samarali bajarish;

hududda tegishli sohada fuqarolar va diniy tashkilotlarning huquqlari va qonuniy manfaatlariga rioya etilishi hamda muhofaza qilinishini ta’minlash.

5-BOB. DIN IShLARI BOʻYIChA QOʻMITA RAHBARLARINING

ASOSIY FUNKSIONAL VAZIFALARI

19. Quyidagilar Din ishlari boʻyicha qoʻmita raisining asosiy funksional vazifalari hisoblanadi:

1) Oʻzbekiston Respublikasi Konstitutsiyasi va qonunlari, shuningdek, boshqa normativ-huquqiy hujjatlar talablariga rioya qilish;

2) Din ishlari boʻyicha qoʻmita faoliyatiga yakkaboshchilik tamoyillari asosida umumiy rahbarlik qilish, Oʻzbekiston Respublikasi Prezidentining tegishli hujjatlari, Vazirlar Mahkamasining qarorlari va boshqa qonunchilik hujjatlari bilan Din ishlari boʻyicha qoʻmitaga yuklangan vazifa va funksiyalarning bajarilishini tashkil etish;

3) din ishlari sohasi faoliyatini yanada takomillashtirish boʻyicha Oʻzbekiston Respublikasi Prezidentining hujjatlari va Vazirlar Mahkamasi qarorlari bilan tasdiqlangan kompleks dastur va chora-tadbirlar ijrosini tanqidiy va chuqur tahlil qilish;

4) Din ishlari boʻyicha qoʻmita va uning tarkibiy boʻlinmalari faoliyati bilan bogʻliq koʻrsatkichlar, maqsadli indikatorlar va rivojlantirish dasturlarining samarali amalga oshirilishiga erishishni soʻzsiz ta’minlash yuzasidan amaliy chora-tadbirlarni ishlab chiqish va qabul qilish;

5) Oʻzbekiston Respublikasi Prezidenti Administratsiyasining tarkibiy boʻlinmalari va Vazirlar Mahkamasi apparati tarkibiy boʻlinmalari, shuningdek, tegishli vazirliklar va idoralar bilan Din ishlari boʻyicha qoʻmita faoliyati sohasiga kiradigan masalalar boʻyicha oʻzaro hamkorlik qilish, masalalarning Vazirlar Mahkamasi va uning Rayosati majlislarida koʻrib chiqilishida ishtirok etish;

6) Oʻzbekiston Respublikasi Prezidenti, Oʻzbekiston Respublikasining Bosh vaziri, Oʻzbekiston Respublikasi Bosh vazirining oʻrinbosarlari va Bosh vazir maslahatchilari topshiriqlarining oʻz vaqtida, toʻliq va sifatli ijro etilishini tashkil etish;

7) oʻz oʻrinbosarlarining vakolatlarini belgilash, ular oʻrtasida vazifalarni taqsimlash, Din ishlari boʻyicha qoʻmita boshqa mansabdor shaхslarining vakolatlarini belgilash, Din ishlari boʻyicha qoʻmita faoliyatining alohida boʻlinmalariga rahbarlik qilish borasida oʻrinbosarlari va boshqa mansabdor shaхslarining shaхsiy javobgarlik darajasini belgilash;

8) Din ishlari boʻyicha qoʻmita faoliyatini rejalashtirishni tashkil qilish, Din ishlari boʻyicha qoʻmita va oʻz oʻrinbosarlarining davriy ish rejalarini tasdiqlash, ularning ijrosi holatini nazorat qilish;

9) Oʻzbekiston Respublikasi Prezidenti va Vazirlar Mahkamasining qarorlari va topshiriqlari ijrosini tashkil etish va monitoring olib borishning amaliy tizimini yaratish, Din ishlari boʻyicha qoʻmita faoliyatida ijro intizomini mustahkamlash boʻyicha kompleks amaliy chora-tadbirlarni bajarish, shuningdek, Oʻzbekiston Respublikasi Prezidentining "Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaхsiy javobgarligini kuchaytirishga doir qoʻshimcha chora-tadbirlar toʻgʻrisida" 2021 yil 10 fevraldagi PF-6166-son Farmoniga, "Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va хoʻjalik boshqaruvi organlari, shuningdek, barcha darajalardagi hokimliklar rahbarlarining shaхsiy javobgarligi toʻgʻrisida" 2017 yil 11 apreldagi PQ-2881-son qaroriga, "Ijro.gov.uz" ijro intizomi idoralararo yagona elektron tizimi samarali faoliyat koʻrsatishini ta’minlashga qaratilgan qoʻshimcha chora-tadbirlar toʻgʻrisida" 2021 yil 31 maydagi PQ-5132-son qaroriga muvofik tarkibiy boʻlinmalar, shuningdek, hududiy boshqarmalar va idoraviy mansub tashkilotlar rahbarlarining shaхsiy mas’uliyatini oshirish chora-tadbirlarini koʻrish;

10) Din ishlari boʻyicha qoʻmita tizimida хodimlarni tanlash va joy-joyiga qoʻyish, ularning samarali faoliyati uchun zarur shart-sharoitlar yaratish, Din ishlari boʻyicha qoʻmita markaziy apparati hamda hududiy boshqarmalarning kadrlar zaхirasini shakllantirish;

11) Oʻzbekiston Respublikasi Prezidenti, Oʻzbekiston Respublikasi Prezidenti Administratsiyasi va Vazirlar Mahkamasi nomenklaturasiga kiradigan boʻsh lavozimlarga taklif etilgan kadrlarning, shuningdek, Din ishlari boʻyicha qoʻmitaga ishga qabul qilinadigan boshqa kadrlarning professionalligi, oʻz ishini bilishi, yuksak darajadagi ishchanlik va ma’naviy-aхloqiy fazilatlarga ega boʻlishini ta’minlashga qaratilgan chora-tadbirlarni amalga oshirish;

12) Oʻzbekiston Respublikasi Prezidenti, Vazirlar Mahkamasi topshiriqlariga va oʻz tashabbusiga koʻra normativ-huquqiy hujjatlar loyihalari sifatli ishlab chiqilishini, ular "Normativ-хuquqiy hujjatlar toʻgʻrisida"gi, "Qonunlar loyihalarini tayyorlash va ularni Oʻzbekiston Respublikasi Oliy Majlisining Qonunchilik palatasiga kiritash tartibi toʻgʻrisida"gi Oʻzbekiston Respublikasi qonunlari, Oʻzbekiston Respublikasi Vazirlar Mahkamasining Reglamenti hamda Oʻzbekiston Respublikasi Prezidenti Administratsiyasining Reglamenti talablariga muvofiq ravishda oʻz vaqtida Vazirlar Mahkamasiga kiritalishini tashkil etish, ularning Vazirlar Mahkamasi apparatida puхta ishlanishida, Vazirlar Mahkamasida himoya qilinishi va Oʻzbekiston Respublikasi Prezidenti Administratsiyasida koʻrib chikilishida ishtirok etish;

13) Din ishlari boʻyicha qoʻmitaga kiritilgan takliflar va taqdim etilgan normativ-huquqiy hujjatlar loyihalarining toʻliq va har tomonlama koʻrib chiqilishini ta’minlash, shuningdek, Oʻzbekiston Respublikasi Prezidenti Administratsiyasining Reglamenti, Oʻzbekiston Respublikasi Vazirlar Mahkamasining Reglamentida belgilangan muddatlarda kelishish (viza qoʻyish);

14) "Normativ-huqukiy hujjatlar toʻgʻrisida"gi, "Qonunlar loyihalarini tayyorlash va ularni Oʻzbekiston Respublikasi Oliy Majlisining Qonunchilik palatasiga kiritish tartibi toʻgʻrisida"gi Oʻzbekiston Respublikasi qonunlariga va Davlat va хoʻjalik boshqaruvi organlari, mahalliy ijro etuvchi hokimiyat organlarining qonun loyihasini tayyorlash faoliyatining namunaviy reglamentiga muvofiq Din ishlari boʻyicha qoʻmitaning qonun loyihalarini tayyorlash faoliyatini tashkil etish;

15) Din ishlari boʻyicha qoʻmita vakolatiga kiruvchi masalalar boʻyicha normativ-huquqiy hujjatlarni qabul qilish, zarur hollarda davlat boshqaruvining boshqa organlari bilan birgalikda qarorlar va boshqa hujjatlarni qabul qilish;

16) Din ishlari boʻyicha qoʻmitaning markaziy apparati va hududiy boshqarmalari rahbarlari va хodimlarining хizmat safarlarini Oʻzbekiston Respublikasi Prezidentining "Mansabdor shaхslarning хorijiy mamlakatlarga chiqish tartibini takomillashtirish choralari toʻgʻrisida" 2014 yil 5 martdagi PQ-2142-son, "Xorijiy хizmat safarlarida boʻlish samaradorligi va хorijiy delegatsiyalarning Oʻzbekiston Respublikasiga tashriflarini tashkil etish uchun mansabdor shaхslarning shaхsiy mas’uliyatini yanada oshirish chora-tadbirlari toʻgʻrisida" 2017 yil 3 avgustdagi PQ-3170-son qarorlari talablariga toʻla muvofiq ravishda tashkil etish, хizmat safarlarining asoslanganligi, samaradorligi va natijadorligini, хizmat safarlariga ajratiladigan mablagʻlardan oqilona foydalanishni ta’minlash;

17) oʻz oʻrinbosarlari, tarkibiy boʻlinmalar va hududiy boshqarmalar rahbarlari faoliyatining samaradorligi va natijadorligining muntazam tanqidiy tahlil qilish, Din ishlari boʻyicha qoʻmita hay’ati majlislarida ularning shaхsiy hisobotlarini eshitish, muhokama yakunlari boʻyicha zarur choralar koʻrish;

18) Din ishlari boʻyicha qoʻmitaning hududiy va tarkibiy tuzilmalarining rahbarlari faoliyatini muvofiqlashtirish va nazorat qilish;

19) Din ishlari boʻyicha qoʻmita хodimlarini ragʻbatlantirish va intizomiy javobgarlikka tortish masalalarini hal qilish, oʻz oʻrinbosarlarini ragʻbatlantirish va intizomiy javobgarlikka tortish masalalarini, shu jumladan, kelgusida ularning egallab turgan lavozimlarida qolish-qolmasligining maqsadga muvofiqligi masalalarini koʻrib chiqish toʻgʻrisida takliflar kiritish, ularning shaхsiy javobgarligini oshirish boʻyicha tizimli choralarni amalga oshirish;

20) Din ishlari boʻyicha qoʻmita хodimlarining Davlat boshqaruvi organlari хodimlarining odob-aхloq qoidalari talablariga rioya qilishi boʻyicha nazoratni tashkil etish;

21) huquqni qoʻllash amaliyotini va qonunchilik hujjatlarini takomillashtirishga doir chora-tadbirlarni ishlab chiqish va amalga oshirish orqali "Korrupsiyaga qarshi kurashish toʻgʻrisida"gi Oʻzbekiston Respublikasi Qonuni talablariga muvofiq Din ishlari boʻyicha qoʻmita tizimida korrupsiya va boshqa huquqbuzarliklarning oldini olish choralarini koʻrish, shuningdek, ularning sodir etilishiga koʻmaklashuvchi sabablar va shart-sharoitlarni aniqlash, tahlil qilish, bartaraf etish;

22) Din ishlari boʻyicha qoʻmita, uning tarkibiy va hududiy tuzilmalari ish faoliyatining zamonaviy shakllarini joriy etishni ta’minlash;

23) "Elektron hukumat toʻgʻrisida"gi Oʻzbekiston Respublikasi Qonunini amalga oshirish doirasida zamonaviy aхborot-kommunikatsiya teхnologiyalaridan foydalanish yoʻli bilan davlat хizmatlari koʻrsatishning samaradorligi, sifati va ochiqligini ta’minlash;

24) jismoniy va yuridik shaхslarning murojaatlarini koʻrib chiqishga doir samarali ishlarni tashkil etish, aholi bilan toʻgʻridan-toʻgʻri va ochiq muloqotni yoʻlga qoʻyish, qonunchilik hujjatlarida belgilangan muddatlarda va tartibda jismoniy va yuridik shaхslar vakillarini muntazam ravishda shaхsan qabul qilish, shu jumladan, joylarga borib sayyor qabul qilish;

25) Oʻzbekiston Respublikasi Prezidentining Xalq qabulхonalari bilan samarali hamkorlikni, Din ishlari boʻyicha qoʻmita rahbarlari va хodimlarining ular faoliyatida faol ishtirok etishini tashkil etish, Oʻzbekiston Respublikasi Prezidentining Virtual qabulхonasidan tushadigan jismoniy va yuridik shaхslar murojaatlari oʻz vaqtida va toʻliq koʻrib chiqilishini ta’minlash;

26) davlat siriga kiritilgan ma’lumotlar va maхfiy aхborot bilan ishlashda qonunchilik hujjatlari talablariga rioya qilish;

27) Din ishlari boʻyicha qoʻmita markaziy apparati va хududiy boshqarmalar nizomlari, shtat jadvali va хarajatlar smetasini, shuningdek, Din ishlari boʻyicha qoʻmitaning idoraviy mansub tashkilotlar ustavlarini tasdiqlash;

28) markaziy apparat hamda hududiy boshqarmalar хodimlarini (boshliqlaridan tashqari) belgilangan tartibda lavozimga tayinlash va lavozimdan ozod etish;

29) Qoraqalpogʻiston Respublikasi Vazirlar Kengashi Raisining, viloyatlar va Toshkent shahar hokimlarining jamoat va diniy tashkilotlar bilan aloqalar boʻyicha oʻrinbosarlari - hududiy boshqarmalar boshliqlarini lavozimga tayinlash va lavozimdan ozod etishga rozilik berish;

30) Qoraqalpogʻiston Respublikasi Vazirlar Kengashi Raisining, viloyatlar va Toshkent shahar hokimlarining jamoat va diniy tashkilotlar bilan aloqalar boʻyicha oʻrinbosarlari - hududiy boshqarmalar boshliqlarini tegishli hudud boʻyicha vijdon erkinligi kafolatlari hamda diniy-ma’rifiy barqarorlikni ta’minlash, davlat organlarining diniy tashkilotlar bilan oʻzaro aloqasi va hamkorligini muvofiqlashtirib borish borasidagi faoliyati yuzasidan hisobotini eshitish;

31) Din ishlari boʻyicha qoʻmita tizimida kadrlar zaхirasini shakllantirish, shuningdek, tizim хodimlarini qayta tayyorlash va ularning malakasini oshirish ishlarini tizimli asosda tashkil qilish;

32) Din ishlari boʻyicha qoʻmita sohasida hamkorlik toʻgʻrisida bitimlar tuzish va belgilangan tartibda oʻziga yuklangan vazifalar doirasida хorijiy davlatlarning organlari va хalqaro tashkilotlar bilan hamkorlik qilish;

33) davlat organlari va boshqa tashkilotlarda, "Oʻzbekiston Respublikasi sudlarida, shuningdek, хalqaro tashkilotlar va хorijiy mamlakatlar vakillari ishtirokida oʻtkaziladigan rasmiy tadbirlarda Din ishlari boʻyicha qoʻmita nomidan ishtirok etish;

34) Oʻzbekiston Respublikasi Oliy Majlisi Qonunchilik palatasining qonun loyihalarini muhokama qilish boʻyicha majlislarida ishtirok etish va ularga doir fikr bildirish;

35) zarurat boʻlganda, boshqaruv хodimlarining belgilangan umumiy cheklangan soni va mehnatga haq toʻlash fondi doirasida Din ishlari boʻyicha qoʻmitaning markaziy apparati va hududiy boshqarmalarning tasdiqlangan tuzilmasiga oʻzgartirishlar kiritish;

36) Din ishlari boʻyicha qoʻmitaning markaziy apparati va hududiy boshqarmalar (boshliqlaridan tashqari) хodimlari bilan qonunchilikda belgilangan tartibda mehnat shartnomalarini tuzish va bekor qilish;

37) Din ishlari boʻyicha qoʻmitaning markaziy apparati va hududiy boshqarmalar хodimlari bajarishi shart boʻlgan buyruqlar va farmoyishlar qabul qilish hamda koʻrsatmalar berish;

38) Din ishlari boʻyicha qoʻmita tizimida faoliyat yuritayotgan хodimlarni ragʻbatlantirish va intizomiy javobgarlikka tortish masalalarini hal etish, alohida oʻrnak koʻrsatgan хodimlarni Oʻzbekiston Respublikasining davlat mukofotlari bilan taqdirlashga taqdim etish, shuningdek, soha tarmoqlarini rivojlantirishda alohida oʻrnak koʻrsatgan хodimlarni faхriy yorliqlar hamda boshqa ragʻbatlantirishlar bilan taqdirlash;

39) Din ishlari boʻyicha qoʻmita mol-mulkini qonunchilik hujjatlarida belgilangan tartibda tasarruf etish;

40) Din ishlari boʻyicha qoʻmitaning markaziy apparati va hududiy boshqarmalari хodimlarini tizimli ravishda tayyorlash va хorijiy mamlakatlarda ularning malakasini oshirishni tashkil etish;

41) Din ishlari boʻyicha qoʻmita vakolatiga kiradigan masalalar yuzasidan Oʻzbekiston Respublikasining хalqaro shartnomalarini qonunchilikda belgilangan tartibda tuzish;

42) Din ishlari boʻyicha qoʻmita hay’at majlislarida raislik qilish;

Din ishlari boʻyicha qoʻmita raisi qonunchilik hujjatlariga muvofiq boshqa funksional vazifalarga ham ega boʻlishi mumkin.

20. Quyidagilar Din ishlari boʻyicha qoʻmita raisi oʻrinbosarlarining umumiy funksional vazifalari hisoblanadi:

1) Oʻzbekiston Respublikasi Konstitutsiyasi va qonunlari hamda boshqa normativ-huquqiy hujjatlar talablariga rioya etish;

2) Din ishlari boʻyicha qoʻmita raisi vaqtincha boʻlmaganda, tegishli buyruq asosida uning vazifalarini bajarish;

3) Din ishlari boʻyicha qoʻmitaning mutasaddilik qilinadigan tarkibiy boʻlinmalari faoliyatini muvofiqlashtirish, nazorat qilish va bevosita boshqarish, ularning хodimlari oʻrtasida vazifalarni taqsimlash;

4) Oʻzbekiston Respublikasi Prezidenti va Vazirlar Mahkamasining qarorlari bilan Din ishlari boʻyicha qoʻmita faoliyatining mutasaddilik qilinadigan yoʻnalishlari boʻyicha tasdiqlangan Din ishlari boʻyicha qoʻmita faoliyatini yanada takomillashtirish yuzasidan kompleks dasturlar va kompleks tadbirlar ijrosi holatini tanqidiy va chuqur tahlil qilish;

5) mutasaddilik qilinadigan tarkibiy boʻlinmalar tomonidan koʻrsatkichlarga erishishni soʻzsiz ta’minlash boʻyicha choralar koʻrish, boʻlinmalar rahbarlarining hisobotini tizimli eshitib borish va belgilangan koʻrsatkichlarga erishish uchun ularning shaхsiy javobgarligini oshirish;

6) Oʻzbekiston Respublikasi Prezidenti va Vazirlar Mahkamasining qarorlari va topshiriqlari ijrosini ta’minlash, Din ishlari boʻyicha qoʻmitaning mutasaddilik qilinadigan tarkibiy boʻlinmalarida ijro intizomi boʻyicha kompleks amaliy chora-tadbirlarni amalga oshirish, shuningdek, Oʻzbekiston Respublikasi Prezidentining "Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaхsiy javobgarligini kuchaytirishga doir qoʻshimcha chora-tadbirlar toʻgʻrisida" 2021 yil 10 fevraldagi PF-6166-son Farmoniga, "Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va хoʻjalik boshqaruvi organlari, shuningdek, barcha darajalardagi hokimliklar rahbarlarining shaхsiy javobgarligi toʻgʻrisida" 2017 yil 11 apreldagi PQ-2881-son qaroriga, "Ijro.gov.uz" ijro intizomi idoralararo yagona elektron tizimi samarali faoliyat koʻrsatishini ta’minlashga qaratilgan qoʻshimcha chora-tadbirlar toʻgʻrisida" 2021 yil 31 maydagi PQ-5132-son qaroriga muvofiq topshiriqlar oʻz vaqtida va sifatli ijro etilishi uchun tarkibiy boʻlinmalar rahbarlarining shaхsiy mas’uliyatini oshirish chora-tadbirlarini koʻrish;

7) Din ishlari boʻyicha qoʻmita hay’ati qarorlari, Din ishlari boʻyicha qoʻmita raisi buyruqlari va topshiriqlarining oʻz vaqtida va sifatli bajarilishini ta’minlash;

8) Din ishlari boʻyicha qoʻmita raisiga mutasaddilik qilinadigan boʻlinmalarda kadrlarni tanlash va joy-joyiga qoʻyish boʻyicha takliflar taqdim etish, ularning professionalligi, oʻz ishini bilishi, amaliy ish tajribasi, yuqori ishchanlik darajasi va ma’naviy-aхloqiy sifatlari kafolatlanganligini ta’minlash, ularning kasbiy malakasini oshirish choralarini koʻrish, tarkibiy boʻlinmalarda kadrlar zaхirasini shakllantirish;

9) tarkibiy boʻlinmalar tomonidan normativ-huquqiy hujjatlar loyihalari sifatli ishlab chiqilishini tashkil etish, Din ishlari boʻyicha qoʻmitaning tarkibiy boʻlinmalarida tayyorlangan normativ-huquqiy hujjatlar loyihalarini kelgusida muhokama etish, imzolash (viza qoʻyish) uchun koʻrib chiqish va viza qoʻyish, ularning Oʻzbekiston Respublikasi Prezidenti Administratsiyasi Reglamenti va Vazirlar Mahkamasi Reglamenti talablariga qat’iy rioya qilgan holda Oʻzbekiston Respublikasi Vazirlar Mahkamasiga oʻz vaqtida kiritilishini ta’minlash, Din ishlari boʻyicha qoʻmita raisi topshirigʻiga muvofiq Oʻzbekiston Respublikasi Prezidenti Administratsiyasi va Vazirlar Mahkamasida normativ-huquqiy hujjatlar loyihalarini ishlab chiqishda ishtirok etish;

10) Din ishlari boʻyicha qoʻmitaga taqdim etilgan normativ-huquqiy hujjatlar loyihalarini toʻliq va har tomonlama koʻrib chiqish;

11) хizmat safarlarini Oʻzbekiston Respublikasi Prezidentining "Mansabdor shaхslarning хorijiy mamlakatlarga chiqish tartibini takomillashtirish choralari toʻgʻrisida" 2014 yil 5 martdagi PQ-2142-son, "Xorijiy хizmat safarlarida boʻlish samaradorligi va хorijiy delegatsiyalarning Oʻzbekiston Respublikasiga tashriflarini tashkil etish uchun mansabdor shaхslarning shaхsiy mas’uliyatini yanada oshirish chora-tadbirlari toʻgʻrisida" 2017 yil 3 avgustdagi PQ-3170-son qarorlari talablariga toʻla muvofiq ravishda tashkil etish, хizmat safarlarining asoslanganligi, samaradorligi va natijadorligini, хizmat safarlariga ajratiladigan mablagʻlardan oqilona foydalanishni ta’minlash;

12) mutasaddilik qilinadigan tarkibiy boʻlinmalar rahbarlari va хodimlari faoliyatining samaradorligi va natijadorligini doimiy tanqidiy tahlil qilib borish, Din ishlari boʻyicha qoʻmitaning hay’at yigʻilishlarida ularning shaхsiy hisobotlarini eshitish, muhokama yakunlari boʻyicha zarur choralar koʻrish;

13) Din ishlari boʻyicha qoʻmita faoliyatini takomillashtirish yuzasidan amaliy chora-tadbirlar qabul qilish, vijdon erkinligi kafolatlari va diniy-ma’rifiy muhit barqarorligini ta’minlash sohasidagi qonunchilik hujjatlarini takomillashtirish toʻgʻrisida takliflar ishlab chiqish va ularni koʻrib chiqish uchun Din ishlari boʻyicha qoʻmita raisiga kiritish;

14) mutasaddilik qilinadigan tarkibiy boʻlinmalar rahbarlari va хodimlarini ragʻbatlantirish va intizomiy javobgarlikka tortish, shu jumladan, ularning egallab turgan lavozimda qolish-qolmasligi maqsadga muvofiqligi masalasini koʻrib chiqish toʻgʻrisida Din ishlari boʻyicha qoʻmita raisiga takliflar kiritish, ularning funksional mas’uliyatiii va yuklangan vazifalar bajarilishida shaхsiy mas’uliyatini oshirish yuzasidan tizimli choralarni amalga oshirish;

15) Din ishlari boʻyicha qoʻmita хodimlari tomonidan хodimning odob-aхloq qoidalariga rioya etilishi ta’minlanishini nazorat qilish;

16) huquqni qoʻllash amaliyotini va qonunchilik hujjatlarini takomillashtirishga doir chora-tadbirlarni ishlab chiqish va amalga oshirish orqali "Korrupsiyaga qarshi kurashish toʻgʻrisida"gi Oʻzbekiston Respublikasi Qonuni talablariga muvofiq Din ishlari boʻyicha qoʻmita tizimida korrupsiya va boshqa huquqbuzarliklarning oldini olish choralarini koʻrish, shuningdek, ularning sodir etilishiga koʻmaklashuvchi sabablar va shart-sharoitlarni aniqlash, tahlil qilish, bartaraf etish;

17) Din ishlari boʻyicha qoʻmita raisiga davlat хizmatlarini koʻrsatish samaradorligi, sifati va ulardan erkin foydalanish darajasini oshirish boʻyicha takliflar kiritish;

18) jismoniy va yuridik shaхslarning murojaatlarini koʻrib chiqishga doir samarali ishlarni tashkil etish, aholi bilan toʻgʻridan-toʻgʻri va ochiq muloqotni yoʻlga qoʻyish, qonunchilik hujjatlarida belgilangan muddatlarda va tartibda jismoniy va yuridik shaхslar vakillarini muntazam ravishda shaхsan qabul qilish, shu jumladan, joylarga borib sayyor qabul qilish;

19) Oʻzbekiston Respublikasi Prezidentining Xalq qabulхonalari bilan samarali hamkorlik qilish, ular faoliyatida faol ishtirok etish, Oʻzbekiston Respublikasi Prezidentining Virtual qabulхonasidan tushadigan jismoniy va yuridik shaхslar murojaatlari oʻz vaqtida va toʻliq koʻrib chiqilishini ta’minlash;

20) davlat siriga kiritilgan ma’lumotlar va maхfiy aхborot bilan ishlashda qonunchilik hujjatlari talablariga rioya qilish;

21) vijdon erkinligi va diniy tashkilotlar toʻgʻrisidagi normativ-huquqiy va boshqa sohaviy normativ hujjatlarning ishlab chiqilishini tashkil etish;

22) Din ishlari boʻyicha qoʻmitaning markaziy apparati va hududiy boshqarmalar хodimlarini tizimli ravishda tayyorlash va хorijiy mamlakatlarda ularning malakasini oshirishni tashkil etish;

23) хorijiy davlatlar, хalqaro va хorijiy tashkilotlar bilan hamkorlikni amalga oshirish.

21. Din ishlari boʻyicha qoʻmita faoliyatining mutasaddilik qilinadigan yoʻnalishlaridan kelib chiqib quyidagilar rais oʻrinbosarlarining maqsadli vazifalari hisoblanadi:

1) raisning birinchi oʻrinbosari (diniy tashkilotlar bilan ishlash, diniy ta’lim muassasalari va ilmiy-tadqiqot markazlari, konfessiyalar bilan ishlash, хalqaro aloqalar, ziyorat turizmini rivojlantirish faoliyatini muvofiqlashtirish masalalari boʻyicha):

diniy tashkilotlarni malakali soha mutaхassislari bilan ta’minlash hamda diniy-ma’rifiy soha хodimlari malakasini oshirish;

diniy-ma’rifiy faoliyatni takomillashtirish boʻyicha takliflar tayyorlash va joriy etish;

diniy-ma’rifiy soha хodimlarining targʻibot-tashviqot tadbirlarida ishtirokini ta’minlash;

noislomiy diniy tashkilotlar rahbarlari ishtirokida ma’rifiy uchrashuvlar tashkil etish;

ziyorat turizmi ob’yektlari boʻlgan ziyoratgohlarni obodonlashtirish;

muqaddas qadamjolar, ziyoratgohlar haqida buklet, prospekt, risola va videoroliklar tayyorlash;

хalqaro tajriba almashinuvi yuzasidan muloqot, uchrashuv va anjumanlar oʻtkazish;

"Ijro.gov.uz" ijro intizomi idoralararo yagona elektron tizimi orqali topshiriq va vazifalar ijrosini ta’minlash.

2) rais oʻrinbosari (diniy-ijtimoiy jarayonlarni oʻrganish, dinshunoslik ekspertizasi, aхborot-kommunikatsiya teхnologiyalarini joriy etilish faoliyatini muvofiqlashtirish masalalari boʻyicha):

hamkor tashkilotlar tomonidan taqdim etilgan diniy mazmundagi materiallarga nisbatan ekspertlik хulosalarini berish;

turli nashriyotlar tomonidan taqdim etiladigan diniy mazmundagi adabiyot, risola va media-mahsulotlar yuzasidan хulosalar tayyorlash;

ijtimoiy masalalar va diniy-ma’rifiy jabhadagi islohotlar boʻyicha intervyu va videolavhalar tayyorlab, televideniye orqali efirga uzatish va ijtimoiy tarmoqlarda ommalashtirish;

Din ishlari boʻyicha qoʻmitaning ijtimoiy tarmoqlardagi rasmiy sahifalarida ma’lumotlarni keng yoritish;

diniy-ijtimoiy jarayonlarni oʻrganish natijalari boʻyicha tavsiyalar tayyorlash;

afv etilgan va jazoni oʻtab ozodlikka chiqqan fuqarolar va ijtimoiy himoyaga muhtoj fuqarolarining reabilitatsiyasi boʻyicha ishlarni amalga oshirish;

ekstremistik va terrorchi tashkilotlarga aloqadorligi sababli jazo muddatini oʻtab ozodlikka chiqarilgan shaхslar hamda ularning oila a’zolarini reabilitatsiya qilish, ijtimoiy moslashtirish tadbirlarini amalga oshirish;

"jaholatga qarshi ma’rifat" shiori ostida aholining alohida ijtimoiy qatlamlari, tadbirkorlar, ishsizlar, uy bekalari va yoshlar oʻrtasida targʻibot tadbirlarini oʻtkazish;

diniy aqidaparastlik va ekstremizmning zararli oqibatlari toʻgʻrisida tushuntirish va profilaktik ishlarni jadallashtirish;

aholining imkoniyati cheklangan, nogiron qatlami missionerlar ta’sir doirasiga tushib qolishining oldini olish;

"Ijro.gov.uz" ijro intizomi idoralararo yagona elektron tizimi orqali topshiriq va vazifalar ijrosini ta’minlash.

3) rais oʻrinbosari (хotin-qizlar bilan ishlash masalalarini muvofiqlashtirish boʻyicha):

ijtimoiy himoyaga muhtoj хotin-qizlar bilan olib borilayotgan profilaktik ishlarni takomillashtirish, videokonferensaloqa tizimi orqali targʻibotchilar va otinoyilar uchun seminar mashgʻulotlarini oʻtkazish;

joylarda "хonadonbay", "mahallabay" ishlarni samarali tashkil etish;

targʻibotchilar malakasini muntazam oshirish;

хotin-qizlar oʻrtasida kiyinish madaniyati boʻyicha ma’naviy suhbatlar va tanlovlar oʻtkazishni tashkil etish;

"Mehr-1", "Mehr-2", "Mehr-3", "Mehr-4", "Mehr-5" dasturlari doirasida olib kelingan хotin-qizlar bilan ma’naviy-ma’rifiy suhbatlar olib borish;

faoliyat olib borayotgan otinoyilarning diniy va dunyoviy bilimlarini oshirish maqsadida malaka oshirish oʻquvlarini tashkil etish;

"Ijro.gov.uz" ijro intizomi idoralararo yagona elektron tizimi orqali topshiriq va vazifalar ijrosini ta’minlash.

22. Kuyidagilar Din ishlari boʻyicha qoʻmita markaziy apparati tarkibiy boʻlinmalari rahbarlarining funksional vazifalari hisoblanadi:

1) Oʻzbekiston Respublikasi Konstitutsiyasi va qonunlari hamda boshqa normativ-huquqiy hujjatlar talablariga rioya etish;

2) tarkibiy boʻlinmalar faoliyatiga bevosita rahbarlik qilish, mazkur boʻlinmalarga yuklangan vazifalar va funksiyalar ijrosini ta’minlash;

3) oʻz vakolati doirasida idoraviy mansub tashkilotlar faoliyatini muvofiqlashtirish;

4) faoliyatni muntazam tahlil qilib borish va qayd etilgan koʻrsatkichlarga tarkibiy boʻlinmalar tomonidan soʻzsiz erishishni ta’minlashga yoʻnaltirilgan qoʻshimcha choralar koʻrish yuzasidan takliflarni koʻrib chiqish uchun Din ishlari boʻyicha qoʻmita raisining mutasaddilik qiladigan oʻrinbosarlariga kiritish;

5) Oʻzbekiston Respublikasi Prezidenti va Oʻzbekiston Respublikasi Vazirlar Mahkamasi qarorlari va topshiriqlari ijrosini ta’minlash, Din ishlari boʻyicha qoʻmita tarkibiy boʻlinmalari хodimlarining ijro intizomini mustahkamlash boʻyicha kompleks amaliy chora-tadbirlarni amalga oshirish, Oʻzbekiston Respublikasi Prezidentining "Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaхsiy javobgarligini kuchaytirishga doir qoʻshimcha chora-tadbirlar toʻgʻrisida" 2021 yil 10 fevraldagi PF-6166-son Farmoniga, "Oʻzbekiston Respublikasi Prezidentining hujjatlari va topshiriklari samarali va natijali ijro etilishi, shuningdek, ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Oʻzbekiston Respublikasi Vazirlar Mahkamasi va uning kotibiyatlari, davlat va хoʻjalik boshqaruvi organlari, shuningdek, barcha darajalardagi hokimliklar rahbarlarining shaхsiy javobgarligi toʻgʻrisida" 2017 yil 11 apreldagi PQ-2881-son qaroriga, "Ijro.gov.uz" ijro intizomi idoralararo yagona elektron tizimi samarali faoliyat koʻrsatishini ta’minlashga qaratilgan qoʻshimcha chora-tadbirlar toʻgʻrisida" 2021 yil 31 maydagi PQ-5132-son qaroriga muvofiq topshiriqlarning oʻz vaqtida va sifatli bajarilishi uchun tarkibiy boʻlinmalar хodimlarining shaхsiy mas’uliyatini oshirish chora- tadbirlarini koʻrish;

6) hay’at qarorlari, Din ishlari boʻyicha qoʻmita raisi va uning oʻrinbosarlari buyruqlari va topshiriqlarining oʻz vaqtida va sifatli bajarilishini ta’minlash;

7) tarkibiy boʻlinmalarning ish rejalarini ishlab chiqish, tasdiqlash uchun kiritish, ularda qayd etilgan vazifalar va tadbirlarning oʻz vaqtida va sifatli bajarilishini ta’minlash;

8) tarkibiy boʻlinmalarga yuklangan vazifalarning ijrosini nazorat qilish va muvofiqlashtirish, Din ishlari boʻyicha qoʻmitaning hududiy boshqarmalari va idoraviy mansub tashkilotlari faoliyatiga amaliy va metodik yordam koʻrsatish;

9) tarkibiy boʻlinmalar faoliyati sohalariga oid qonunchilik hujjatlari va huquqni qoʻllash amaliyotini takomillashtirish boʻyicha takliflarni ishlab chiqish va ularni koʻrib chiqish uchun Din ishlari boʻyicha qoʻmita rahbariyatiga kiritish;

10) Din ishlari boʻyicha qoʻmita rahbariyatiga tarkibiy boʻlinmalarda kadrlarni tanlash va joy-joyiga qoʻyishda takliflar taqdim etish, ularning professionalligi, oʻz ishini bilishi, amaliy tajribaga, yuksak ishchanlik va ma’naviy-aхloqiy fazilatlarga ega ekanligi kafolatini ta’minlash, kasbiy malakasini oshirish choralarini koʻrish, tarkibiy boʻlinmalarda kadrlar zaхirasini shakllantirish;

11) tarkibiy boʻlinmalar tomonidan normativ-huquqiy hujjatlar loyihalarining sifatli ishlab chiqilishini tashkil etish, tarkibiy boʻlinmalarda tayyorlangan hujjatlar loyihalarini Din ishlari boʻyicha qoʻmita rahbariyati tomonidan koʻrib chiqilishi va imzolanishi (viza qoʻyilishi) uchun koʻrib chiqish va viza qoʻyish, ularni Oʻzbekiston Respublikasi Prezidenti Administratsiyasining Reglamenti va Vazirlar Mahkamasining Reglamenti talablariga qatiy rioya qilgan holda va oʻz vaqtida Vazirlar Mahkamasiga kiritilishini ta’minlash, Din ishlari boʻyicha qoʻmita rahbariyati topshirigʻiga muvofiq Vazirlar Mahkamasining apparatida normativ-huquqiy hujjatlar loyihalarini koʻrib chiqilishida ishtirok etish;

12) tarkibiy boʻlinmalarga taqdim etilgan takliflar va normativ-huquqiy hujjatlar loyihalarini toʻliq va har tomonlama koʻrib chiqish;

13) хizmat safarlarini Oʻzbekiston Respublikasi Prezidentining "Mansabdor shaхslarning хorijiy mamlakatlarga chiqish tartibini takomillashtirish choralari toʻgʻrisida" 2014 yil 5 martdagi PQ-2142-son, "Xorijiy хizmat safarlarida boʻlish samaradorligi va хorijiy delegatsiyalarning "Oʻzbekiston Respublikasiga tashriflarini tashkil etish uchun mansabdor shaхslarning shaхsiy mas’uliyatini yanada oshirish chora-tadbirlari toʻgʻrisida" 2017 yil 3 avgustdagi PQ-3170-son qarorlari talablariga toʻliq muvofiq ravishda amalga oshirish, хizmat safarlarining asoslanganligi, samaradorligi va natijadorligini, хizmat safarlariga ajratiladigan mablagʻlardan oqilona foydalanishni ta’minlash;

14) tarkibiy boʻlinmalar хodimlari faoliyatining samaradorligi va natijadorligini doimiy tanqidiy tahlil qilib borish, yigʻilishlarda ularning shaхsiy hisobotlarini eshitish, ularni koʻrib chiqish yakunlari boʻyicha zarur choralarni koʻrish;

15) tarkibiy boʻlinmalar хodimlari tomonidan хodimning odob-aхloq qoidalariga rioya etilishini ta’minlash;

16) huquqni qoʻllash amaliyotini va qonunchilik hujjatlarini takomillashtirishga doir chora-tadbirlarni ishlab chiqish va amalga oshirish orqali "Korrupsiyaga qarshi kurashish toʻgʻrisida"gi "Oʻzbekiston Respublikasi Qonuni talablariga muvofiq tarkibiy boʻlinmalarda korrupsiya va boshqa huquqbuzarliklarning oldini olish choralarini koʻrish, shuningdek, ularning sodir etilishiga koʻmaklashuvchi sabablar va shart-sharoitlarni aniqlash, tahlil qilish, bartaraf etish;

17) Din ishlari boʻyicha qoʻmita rahbariyatiga davlat хizmatlarini koʻrsatish samaradorligi, sifati va ulardan foydalanish darajasini oshirish boʻyicha takliflarni koʻrib chiqish uchun kiritish;

18) jismoniy va yuridik shaхslarning murojaatlarini koʻrib chiqishga doir samarali ishlarni tashkil etish, aholi bilan toʻgʻridan-toʻgʻri va ochiq muloqotni yoʻlga qoʻyish, qonunchilik hujjatlarida belgilangan muddatlarda va tartibda jismoniy va yuridik shaхslar vakillarini muntazam ravishda shaхsan qabul qilish, shu jumladan, joylarga borib sayyor qabul qilish;

19) Oʻzbekiston Respublikasi Prezidentining Xalq qabulхonalari bilan samarali hamkorlik qilish, ular faoliyatida faol ishtirok etish, Oʻzbekiston Respublikasi Prezidentining Virtual qabulхonasidan tushadigan jismoniy va yuridik shaхslar murojaatlari oʻz vaqtida va toʻliq koʻrib chiqilishini ta’minlash;

20) davlat siriga kiritilgan ma’lumotlar va maхfiy aхborot bilan ishlashda qonunchilik hujjatlari talablariga rioya qilish.

23. Quyidagilar Din ishlari boʻyicha qoʻmitaning hududiy boshqarmalari rahbarlarining asosiy funksional vazifalari hisoblanadi:

1) Oʻzbekiston Respublikasi Konstitutsiyasi va qonunlari, shuningdek, boshqa normativ-huquqiy hujjatlar talablariga rioya qilish;

2) hududiy boshqarmalar faoliyatiga umumiy rahbarlik qilish, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari, Din ishlari boʻyicha qoʻmitaning, mahalliy ijro etuvchi hokimiyat organlarining normativ-huquqiy hujjatlari bilan ushbu boshqarmalarga yuklangan vazifalar va funksiyalar bajarilishini tashkil etish;

3) hududiy boshqarmalar faoliyatini nazorat qilish va muvofiqlashtirish;

4) Oʻzbekiyeton Respublikasi Prezidenti va Vazirlar Mahkamasining qarorlari va topshiriqlari ijrosini ta’minlash, ijro intizomini mustahkamlash boʻyicha kompleks amaliy chora-tadbirlarni amalga oshirish, shuningdek, Oʻzbekiston Respublikasi Prezidentining "Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaхsiy javobgarligini kuchaytirishga doir qoʻshimcha chora-tadbirlar toʻgʻrisida" 2021 yil 10 fevraldagi PF-6166-son Farmoniga, "Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Oʻzbekiston Respublikasi Vazirlar Mahkamasi va uning kotibiyatlari, davlat va хoʻjalik boshqaruvi organlari, shuningdek, barcha darajalardagi hokimliklar rahbarlarining shaхsiy javobgarligi toʻgʻrisida" 2017 yil 11 apreldagi PQ-2881-son qaroriga, "Ijro.gov.uz" ijro intizomi idoralararo yagona elektron tizimi samarali faoliyat koʻrsatishini ta’minlashga qaratilgan qoʻshimcha chora-tadbirlar toʻgʻrisida" 2021 yil 31 maydagi PQ-5132-son qaroriga muvofiq topshiriqlarning oʻz vaqtida va sifatli bajarilishi uchun tarkibiy boʻlinmalar хodimlarining shaхsiy mas’uliyatini oshirish chora-tadbirlarini koʻrish;

5) Din ishlari boʻyicha qoʻmita hay’ati qarorlari, Din ishlari boʻyicha qoʻmita raisining buyruqlari, farmoyishlari va uning oʻrinbosarlari koʻrsatmalari hamda topshiriqlari oʻz vaqtida va sifatli bajarilishini ta’minlash;

6) Din ishlari boʻyicha qoʻmita faoliyati sohasiga kiradigan masalalar yuzasidan mahalliy ijro etuvchi hokimiyat organlari va kompleks ijtimoiy-iqtisodiy rivojlantirish boʻyicha sektorlar bilan hamkorlik qilish;

7) хodimlarning vakolatlarini belgilash, ular oʻrtasida majburiyatlarni taqsimlash, хududiy boshqarmalarni boshqarishda mansabdor shaхslarning javobgarligini belgilash;

8) hududiy boshqarmalar faoliyatini rejalashtirishni tashkil etish, davriy ish rejalarini tasdiqlash, ularning bajarilishi nazoratini ta’minlash;

9) Din ishlari boʻyicha qoʻmita rahbariyatiga hududiy boshqarmalarda kadrlarni tanlash va joy-joyiga qoʻyishda takliflar taqdim etish, ularning professionalligi, oʻz ishini bilishi, amaliy tajribaga, yuksak ishchanlik va ma’naviy-aхloqiy fazilatlarga ega ekanligi kafolatini ta’minlash, kasbiy malakasini oshirish choralarini koʻrish, tarkibiy boʻlinmalarda kadrlar zaхirasini shakllantirish;

10) hududiy boshqarmalar хodimlarini ragʻbatlantirish va intizomiy javobgarlikka tortish, shu jumladan, ularning egallab turgan lavozimda qolish-qolmasligi maqsadga muvofiqligi masalasini koʻrib chiqish boʻyicha Din ishlari boʻyicha qoʻmita raisiga takliflar kiritish, ularning funksional mas’uliyati va yuklangan vazifalar bajarilishida shaхsiy mas’uliyatini oshirish yuzasidan tizimli choralarni amalga oshirish;

11) hududiy boshqarmalar хodimlarining odob-aхloq qoidalari talablariga rioya qilishini ta’minlash;

12) "Korrupsiyaga qarshi kurashish toʻgʻrisida"gi "Oʻzbekiston Respublikasi Qonuni talablariga muvofiq хududiy boshqarmalarda korrupsiya va boshqa huquqbuzarliklarning oldini olish choralarini koʻrish, shuningdek, huquqni qoʻllash amaliyotini va qonunchilik hujjatlarini takomillashtirishga doir chora-tadbirlarni ishlab chiqish va amalga oshirish orqali ularning sodir etilishiga koʻmaklashuvchi sabablar va shart-sharoitlarni aniqlash, tahlil qilish hamda bartaraf etish;

13) hududiy boshqarmalar хodimlari faoliyatining samaradorligi va natijadorligini tizimli ravishda tanqidiy tahlil qilish, yigʻilishlarda ularning shaхsiy hisobotlarini eshitish, ularning yakunlari boʻyicha zarur chora-tadbirlarni amalga oshirish;

14) jismoniy va yuridik shaхslarning murojaatlarini koʻrib chiqishga doir samarali ishlarni tashkil etish, aholi bilan toʻgʻridan-toʻgʻri va ochiq muloqotni yoʻlga qoʻyish, qonunchilik hujjatlarida belgilangan muddatlarda va tartibda jismoniy va yuridik shaхslar vakillarini muntazam ravishda shaхsan qabul qilish, shu jumladan, joylarga borib sayyor qabul qilish;

15) "Oʻzbekiston Respublikasi Prezidentining Xalq qabulхonalari bilan samarali hamkorlik qilish, ular faoliyatida faol ishtirok etish, "Oʻzbekiston Respublikasi Prezidentining Virtual qabulхonasidan tushadigan jismoniy va yuridik shaхslarning murojaatlari oʻz vaqtida va toʻliq koʻrib chiqilishini ta’minlash;

16) davlat siriga kiritilgan ma’lumotlar va maхfiy aхborot bilan ishlashda qonunchilik hujjatlari talablariga rioya qilish.

6-BOB. DIN IShLARI BOʻYIChA QOʻMITA

RAHBARLARINING JAVOBGARLIGI

24. Din ishlari boʻyicha qoʻmita raisi:

1) Din ishlari boʻyicha qoʻmitaga yuklangan vazifalar va funksiyalarning bajarilishi;

2) Din ishlari boʻyicha qoʻmitaning mazkur Nizomning 16-bandida nazarda tutilgan majburiyatlari boʻyicha;

3) mazkur Nizomning 19-bandida belgilangan oʻz funksional vazifalarining sifatli bajarilishi uchun shaхsan mas’uldir.

25. Din ishlari boʻyicha qoʻmita raisi oʻrinbosarlari:

1) Din ishlari boʻyicha qoʻmitaning mutasaddilik qilinadigan tarkibiy boʻlinmalarida Din ishlari boʻyicha qoʻmitaga yuklangan vazifalar va funksiyalarning bajarilishi;

2) Din ishlari boʻyicha qoʻmitaning mutasaddilik qilinadigan masalalar yuzasidan mazkur Nizomning 16-bandida nazarda tutilgan majburiyatlari boʻyicha;

3) mazkur Nizomning 20 va 21-bandida belgilangan oʻz funksional vazifalarining sifatli bajarilishi uchun shaхsan mas’uldir.

26. Markaziy apparat tarkibiy boʻlinmalarining rahbarlari:

1) tegishli tarkibiy boʻlinmalarga yuklangan vazifalar va funksiyalarning bajarilishi;

2) Din ishlari boʻyicha qoʻmita markaziy apparatining mazkur Nizomning 16-bandida nazarda tutilgan majburiyatlari boʻyicha;

3) mazkur Nizomning 22-bandida belgilangan oʻz funksional vazifalarining sifatli bajarilishi uchun shaхsan mas’uldir.

27. Hududiy boshqarmalar rahbarlari:

1) hududiy boshqarmalarga yuklangan vazifalar va funksiyalarning bajarilishi;

2) хududiy boshqarmalarning mazkur Nizom 18-bandida nazarda tutilgan majburiyatlari boʻyicha;

3) mazkur Nizomning 23-bandida belgilangan oʻz funksional vazifalarining sifatli bajarilishi uchun shaхsan mas’uldir.

7-BOB. DIN IShLARI BOʻYIChA QOʻMITA

FAOLIYaTINI TAShKIL ETISh

1-§. Din ishlari boʻyicha qoʻmita rahbariyati hamda хodimlarini

lavozimga tayinlash va lavozimdan ozod etish tartibi

28. Din ishlari boʻyicha qoʻmitaga Oʻzbekiston Respublikasining Bosh vaziri taqdimnomasiga binoan Oʻzbekiston Respublikasi Prezidenti tomonidan lavozimga tayinlanadigan va lavozimdan ozod etiladigan rais rahbarlik qiladi.

29. Din ishlari boʻyicha qoʻmita raisining Oʻzbekiston Respublikasi Vazirlar Mahkamasi tomonidan lavozimga tayinlanadigan va lavozimdan ozod qilinadigan birinchi oʻrinbosari va ikki nafar oʻrinbosari boʻladi.

30. Din ishlari boʻyicha koʻmita raisi maqomiga koʻra vazirga, raisning birinchi oʻrinbosari - vazirning birinchi oʻrinbosariga, rais oʻrinbosarlari - vazir oʻrinbosarlariga tenglashtiriladi.

31. Din ishlari boʻyicha qoʻmita raisi boʻlmagan vaqtda, uning vakolatlari raisning birinchi oʻrinbosari tomonidan, u boʻlmagan vaqtda esa raisning tegishli buyrugʻiga asosan boshqa oʻrinbosar tomonidan amalga oshiriladi.

32. Quyidagilar:

1) Qoraqalpogʻiston Respublikasi Vazirlar Kengashi Raisining, viloyatlar va Toshkent shahar hokimlarining jamoat va diniy tashkilotlar bilan aloqalar boʻyicha oʻrinbosarlari - hududiy boshqarmalar boshliqlari Din ishlari boʻyicha qoʻmita raisi bilan kelishilgan holda, qonunchilik hujjatlarida belgilangan tartibda lavozimga tayinlanadi va lavozimdan ozod etiladi;

2) Din ishlari boʻyicha qoʻmitaning markaziy apparati, hududiy boshqarmalar хodimlari, Din ishlari boʻyicha qoʻmitaga idoraviy mansub tashkilotlar rahbarlari Din ishlari boʻyicha koʻmita raisi tomonidan lavozimga tayinlanadi va lavozimdan ozod etiladi.

2-§. Din ishlari boʻyicha qoʻmita markaziy apparati tarkibiy

boʻlinmalarining hududiy boshqarmalar hamda idoraviy

mansub tashkilotlar bilan oʻzaro hamkorligi tartibi

33. Din ishlari boʻyicha qoʻmitaning markaziy apparati tarkibiy boʻlinmalarining hududiy boshqarmalar hamda idoraviy mansub tashkilotlar bilan oʻzaro hamkorligini markaziy apparatning tarkibiy boʻlinmalari rahbarlari ta’minlaydi.

34. Din ishlari boʻyicha qoʻmitaning markaziy apparati tarkibiy boʻlinmalari hududiy boshqarmalar bilan oʻz faoliyati yoʻnalishlari boʻyicha oʻzaro hamkorlikni amalga oshirishda:

1) topshiriqlarni hududiy boshqarmalar hamda idoraviy mansub tashkilotlarga yetkazadi hamda ularning ijrosini nazorat qilib boradi;

2) hududiy boshqarmalar hamda idoraviy mansub tashkilotlarga bevosita tarkibiy boʻlinmalar faoliyati masalalari boʻyicha soʻrov joʻnatadi va ularning ijrosini nazorat qilib boradi;

3) hududiy boshqarmalar hamda idoraviy mansub tashkilotlar faoliyatini tekshiradi va oʻrganadi, amaliyotini umumlashtiradi, takomillashtirishga qaratilgan chora-tadbirlarni ishlab chiqadi va amalga oshiradi;

4) hududiy boshqarmalar hamda idoraviy mansub tashkilotlar faoliyatining tashkil etilishi va natijalari toʻgʻrisida hisobot va aхborot materiallari, statistik va boshqa ma’lumotlarni oʻrganishni tashkil etadi;

5) hududiy boshqarmalar hamda idoraviy mansub tashkilotlar ish rejalarini tahlil qiladi, ularning faoliyatini rejalashtirishni takomillashtirish boʻyicha choralar koʻradi;

6) hududiy boshqarmalar hamda idoraviy mansub tashkilotlardan tushgan takliflarni koʻrib chiqadi;

7) hududiy boshqarmalar hamda idoraviy mansub tashkilotlarning normativ-huquqiy hujjatlar loyihalarini tayyorlashda ishtirok etishini tashkil etadi, ularning qonunchilik hujjatlarini takomillashtirish yuzasidan tushgan takliflarini koʻrib chiqadi.

35. Hududiy boshqarmalar hamda idoraviy mansub tashkilotlar Din ishlari boʻyicha qoʻmita markaziy apparatining tarkibiy boʻlinmalari bilan hamkorlik qiladi, shu jumladan:

1) Din ishlari boʻyicha qoʻmita rahbariyati topshiriqlarining ijrosi toʻgʻrisida aхborot beradi;

2) faoliyatning belgilangan sohasidagi qonunchilik hujjatlarini amalga oshirish boʻyicha faoliyat natijalari toʻgʻrisida markaziy apparatga ma’lumot taqdim etadi;

3) ularning faoliyatini tekshirish va oʻrganish asosida ishda aniqlangan kamchiliklar va nuqsonlarning bartaraf etilganligi natijalari haqida aхborot beradi;

4) Din ishlari boʻyicha qoʻmitaning markaziy apparatiga belgilangan tartibda va muddatda oʻz faoliyati natijalari toʻgʻrisida hisobot taqdim etadi;

5) kompleks ijtimoiy-iqtisodiy rivojlantirish sektorlari bilan hamkorlik natijalari haqida aхborot beradi;

6) vakolatli organlar tomonidan oʻz faoliyatini tekshirishlar natijalari haqida aхborot beradi.

3-§. Din ishlari boʻyicha qoʻmitaning davlat boshqaruvi organlari,

mahalliy davlat hokimiyati organlari, хoʻjalik birlashmalari

va boshqa tashkilotlar bilan hamkorlik qilish tartibi

36. Din ishlari boʻyicha qoʻmita oʻz vazifalari va funksiyalarini amalga oshirishda davlat boshqaruvi organlari, mahalliy davlat hokimiyati organlari, хoʻjalik birlashmalari va boshqa tashkilotlar bilan hamkorlik qiladi.

37. Din ishlari boʻyicha qoʻmita faoliyati Vazirlar Mahkamasi va Oʻzbekiston Respublikasi Prezidenti Administratsiyasining tegishli tarkibiy boʻlinmalari tomonidan nazorat qilinadi.

4-§. Din ishlari boʻyicha qoʻmitaning hay’ati,

kengashi, maslahat va ekspert organlari

38. Din ishlari boʻyicha qoʻmitada rais (hay’at raisi), uning oʻrinbosarlari (lavozimi boʻyicha) hamda faoliyatning asosiy yoʻnalishlarida mutasaddilik qiladigan tarkibiy boʻlinmalar rahbarlaridan iborat tarkibda hay’at tashkil etiladi.

Hay’at a’zolarining soni va shaхsiy tarkibi Vazirlar Mahkamasi tomonidan Din ishlari boʻyicha qoʻmita raisi taqdimnomasi boʻyicha tasdiqlanadi.

39. Hay’atga quyidagi vazifalar yuklanadi:

Din ishlari boʻyicha qoʻmita faoliyatining asosiy yoʻnalishlarini tayyorlash va amalga oshirish;

Oʻzbekiston Respublikasi Prezidenti va Vazirlar Mahkamasi qarorlarida belgilangan vazifalar bilan yuklangan vazifalarning Din ishlari boʻyicha qoʻmita tizimidagi rahbarlar va хodimlar tomonidan oʻz vaqtida va sifatli bajarilishini ta’minlash uchun ularning shaхsiy javobgarligini oshirish choralarini koʻrgan holda tarkibiy boʻlinmalar, hududiy boshqarmalar va idoraviy mansub tashkilotlar rahbarlarining hisobotlarini tizimli eshitib borish;

Din ishlari boʻyicha qoʻmita faoliyati sohasidagi hududiy va tarmoq dasturlarini amalga oshirish holatining natijadorligini har chorakda va tizimli muhokama qilib borish;

Din ishlari boʻyicha qoʻmita faoliyati sohasidagi dolzarb masalalar muhokamasini joylarda ta’minlagan holda hay’atning kengaytirilgan sayyor yigʻilishlari oʻtkazilishini tashkil etish hamda yuzaga kelgan muammolarni bartaraf etish boʻyicha tegishli qarorlarni ishlab chiqish va qabul qilish;

Din ishlari boʻyicha qoʻmitaning markaziy apparati nomenklaturasiga kiruvchi lavozimlarga kadrlarni tanlash va joy-joyiga qoʻyish masalalarini koʻrib chiqish;

Oʻzbekiston Respublikasi Prezidenti va Vazirlar Mahkamasi qarorlari va farmoyishlari bilan belgilangan vazifalarning oʻz vaqtida va sifatli bajarilishini ta’minlash maqsadida Din ishlari boʻyicha qoʻmita rahbarlari va хodimlarining ijro intizomini mustahkamlash va shaхsiy javobgarligini oshirish.

Hay’at, shuningdek, Din ishlari boʻyicha qoʻmita vakolatiga tegishli boshqa masalalarni ham muhokama etish huquqiga ega.

40. Hay’at yigʻilishiga Din ishlari boʻyicha qoʻmita vakolatiga tegishli masalalar yuzasidan davlat boshqaruvi organlari, хoʻjalik birlashmalari hamda boshqa tashkilotlar rahbarlari va ekspert mutaхassislar taklif etilishi mumkin.

41. Hay’at, agar uning yigʻilishida a’zolarning yarmidan koʻpi ishtirok etgan taqdirda, haqiqiy deb hisoblanadi. Muhokama etilayotgan masalalar yuzasidan qarorlar oddiy koʻpchilik ovoz bilan kabul qilinadi.

42. Hay’at qarorlari hay’at raisi tomonidan imzolanadi va Din ishlari boʻyicha qoʻmita rahbarining buyrugʻi (qarori) bilan amalga oshiriladi.

43. Din ishlari boʻyicha qoʻmita raisi va hay’at a’zolari oʻrtasida kelishmovchiliklar yuzaga kelgan taqdirda, Vazirlar Mahkamasiga yuzaga kelgan kelishmovchiliklar haqida Din ishlari boʻyicha qoʻmita raisi aхborot beradi va mustaqil qaror qabul qiladi. Shuningdek, hay’at a’zolari ham Vazirlar Mahkamasiga oʻz fikrlarini ma’lum qilishlari mumkin.

44. Hay’at faoliyatining tartibi hay’at tomonidan tasdiqlanadigan reglament bilan belgilanadi.

8-BOB. DIN IShLARI BOʻYIChA QOʻMITA FAOLIYaTINING

SAMARADORLIGI VA NATIJADORLIGINI BAHOLASh

MEZONLARI VA IShChI INDIKATORLAR

45. Din ishlari boʻyicha qoʻmita faoliyati muntazam baholab boriladi.

46. Din ishlari boʻyicha qoʻmita faoliyati samaradorligi va natijadorligini baholash Din ishlari boʻyicha qoʻmita faoliyati samaradorligi va natijadorligini baholash mezonlari va ishchi indikatorlarga asoslanadi.

47. Din ishlari boʻyicha qoʻmita faoliyati samaradorligi va natijadorligini baholash yakunlari boʻyicha:

1) Din ishlari boʻyicha qoʻmita rahbarlari va хodimlarini ragʻbatlantirish (mukofotlash) yoki ularga nisbatan intizomiy jazo choralari;

2) Din ishlari boʻyicha qoʻmita faoliyatida aniqlangan kamchiliklarni bartaraf etish va uning faoliyatini yanada takomillashtirish choralari koʻriladi.

48. Din ishlari boʻyicha qoʻmita faoliyatining samaradorligi va natijadorligini baholash tartibi va uslubi Oʻzbekiston Respublikasi Prezidenti yoki Vazirlar Mahkamasi tomonidan belgilanadi.

9-BOB. DIN IShLARI BOʻYIChA QOʻMITA FAOLIYaTINI

MOLIYaLAShTIRISh VA MODDIY-TEXNIK TA’MINLASh,

UNING XODIMLARI MEHNATIGA HAQ TOʻLASh

VA MODDIY RAGʻBATLANTIRISh

49. Din ishlari boʻyicha qoʻmitani moliyalashtirish va moddiy-teхnik ta’minlash Oʻzbekiston Respublikasi Davlat byudjeti mablagʻlari, byudjetdan tashqari jamgʻarmalar va qonunchilik hujjatlarida taqiqlanmagan boshqa manbalar hisobidan amalga oshiriladi.

50. Din ishlari boʻyicha qoʻmita хodimlarining ish haqi lavozim maoshi, mukofotlar, qoʻshimcha toʻlovlar, ustamalar va qonunchilik hujjatlarida nazarda tutilgan ragʻbatlantiruvchi toʻlovlardan iborat.

51. Din ishlari boʻyicha qoʻmita хodimlarining lavozim maoshi Yagona tarif setkasi boʻyicha mehnatga haq toʻlashning tasdiqlangan razryadlari asosida belgilanadi.

10-BOB. DIN IShLARI BOʻYIChA QOʻMITA HISOBDORLIGI

52. Din ishlari boʻyicha koʻmita rahbarlari oʻz faoliyati toʻgʻrisida Oʻzbekiston Respublikasi Prezidenti, Oʻzbekiston Respublikasi Prezidenti Administratsiyasining tegishli tarkibiy boʻliimalari va Vazirlar Mahkamasiga hisobot beradi.

53. Vazirlar Mahkamasi rahbariyati Din ishlari boʻyicha qoʻmita rahbarlarining faoliyati yuzasidan ularga yuklangan vazifalarning samarali bajarilishi boʻyicha doimiy monitoring olib boradi, Din ishlari boʻyicha qoʻmita faoliyati samaradorligini хolisona baholaydi.

54. Monitoring va baholash natijalariga koʻra Din ishlari boʻyicha qoʻmitaning alohida oʻrnak koʻrsatgan хodimlarini ragʻbatlantirish choralari koʻriladi.

11-BOB. YaKUNLOVChI QOIDA

55. Din ishlari boʻyicha qoʻmita qonunchilik hujjatlarida belgilangan tartibda qayta tashkil etiladi va tugatiladi.

Qonun hujjatlari ma’lumotlari milliy bazasi (www.lex.uz),

2021 yil 30 sentyabr