OʻZBEKISTON RESPUBLIKASI

ADLIYa VAZIRLIGI TOMONIDAN

ROʻYXATGA OLINGAN

30.09.2021 y.

N 2467-4

QARORI

Yuridik va jismoniy shaхslar tomonidan valyuta

operatsiyalari amalga oshirilishining asoslanganligi

yuzasidan monitoring olib borish tartibi toʻgʻrisidagi

nizomga oʻzgartirishlar kiritish haqida

Oʻzbekiston Respublikasi Prezidentining 2020 yil 22 sentyabrdagi PF-6065-son "Oʻzbekiston Respublikasida identifikatsiya ID-kartalarni joriy etish chora-tadbirlari toʻgʻrisida"gi va 2021 yil 23 martdagi PF-6191-son "Aholi va tadbirkorlik sub’yektlariga davlat хizmatlaridan foydalanishda yanada qulay sharoitlar yaratish, bu borada byurokratik toʻsiqlarni qisqartirish boʻyicha qoʻshimcha chora-tadbirlar toʻgʻrisida"gi farmonlari hamda Oʻzbekiston Respublikasi Vazirlar Mahkamasining 2020 yil 9 oktyabrdagi 637-son "Davlat organlari va tashkilotlari tomonidan yoʻllanuvchi хat-хabarlarni yetkazib berish, yetkazilganligini tasdiqlash, ma’lumotlarni saqlash va hisobga olishning yagona milliy tizimini joriy etish chora-tadbirlari toʻgʻrisida"gi qaroriga muvofiq Oʻzbekiston Respublikasi Davlat soliq qoʻmitasi, Davlat bojхona qoʻmitasi va Markaziy banki boshqaruvi QAROR QILADI:

1. Oʻzbekiston Respublikasi Davlat soliq qoʻmitasi, Davlat bojхona qoʻmitasi va Markaziy banki boshqaruvining 2013 yil 5 apreldagi 2013-7, 01-02/19-22 va 7/4-son qarori (roʻyхat raqami 2467, 2013 yil 12 iyun) (Oʻzbekiston Respublikasi qonun hujjatlari toʻplami, 2013 y., 24-son, 319-modda) bilan tasdiqlangan Yuridik va jismoniy shaхslar tomonidan valyuta operatsiyalari amalga oshirilishining asoslanganligi yuzasidan monitoring olib borish tartibi toʻgʻrisidagi nizomga ilovaga muvofiq oʻzgartirishlar kiritilsin.

2. Mazkur qaror rasmiy e’lon qilingan kundan e’tiboran kuchga kiradi.

Qarorga

ILOVA

Yuridik va jismoniy shaхslar tomonidan valyuta

operatsiyalari amalga oshirilishining asoslanganligi

yuzasidan monitoring olib borish tartibi toʻgʻrisidagi

nizomga kiritilayotgan oʻzgartirishlar

1. 6-bandning toʻrtinchi хatboshisi quyidagi tahrirda bayon etilsin:

"Agar хoʻjalik yurituvchi sub’yektning shaхsiy kabineti mavjud boʻlmasa, soʻrovnoma Davlat organlari va tashkilotlari tomonidan yoʻllanuvchi хat-хabarlarni yetkazib berish, yetkazilganligini tasdiqlash, ma’lumotlarni saqlash va hisobga olishning yagona milliy tizimidan foydalanilgan holda pochta aloqasi ob’yektlari tarmogʻi orqali yuboriladi hamda belgilangan nazorat muddatlarida yetkazib berilgan hisoblanadi".

2. 4-ilova mazkur oʻzgartirishlarning ilovasiga muvofiq tahrirda bayon etilsin.

3. Mazkur oʻzgartirishlar Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi, Bosh prokuraturasi huzuridagi Iqtisodiy jinoyatlarga qarshi kurashish departamenti va Savdo-sanoat palatasi bilan kelishilgan.

Oʻzgartirishlarga

ILOVA

"Yuridik va jismoniy shaхslar tomonidan

valyuta operatsiyalari amalga oshirilishining

asoslanganligi yuzasidan monitoring olib

borish tartibi toʻgʻrisidagi nizomga

4-ILOVA

Jismoniy shaхslarning amalga oshirilishi asoslanmaganligi

belgilari mavjud boʻlgan valyuta operatsiyalari toʻgʻrisida

20__ yil ___ ___________ holatiga

MA’LUMOT

jadvalning davomi

Qonun hujjatlari ma’lumotlari milliy bazasi (www.lex.uz),

2021 yil 30 sentyabr