OʻZBEKISTON RESPUBLIKASI

VAZIRLAR MAHKAMASINING

QARORI

15.10.2021 y.

N 647

OʻZBEKISTON RESPUBLIKASIDA

ZAHARLI KIMYoVIY VA BOShQA TOKSIK MODDALAR

KOʻMILGAN HAMDA SAQLANAYoTGAN MAXSUS

OB’YeKTLAR FAOLIYaTINI TARTIBGA SOLISh

ChORA-TADBIRLARI TOʻGʻRISIDA

Zaharli kimyoviy moddalarning fuqarolar sogʻligʻi va atrof-muhitga zararli ta’sirini bartaraf qilish, joylardagi zaharli kimyoviy va boshqa toksik moddalar koʻmilgan hamda saqlanayotgan maхsus ob’yektlarning хavfsiz holatda saqlanishini ta’minlash maqsadida Vazirlar Mahkamasi QAROR QILADI:

1. Oʻzbekiston Respublikasi Prezidentining "Respublikada oʻsimliklar karantini va himoyasi tizimini tubdan takomillashtirish chora-tadbirlari toʻgʻrisida" 2021 yil 15 iyuldagi PF-6262-son Farmoniga muvofiq:

Vazirlar Mahkamasi huzuridagi Oʻsimliklar karantini davlat inspeksiyasi negizida Oʻzbekiston Respublikasi Oʻsimliklar karantini va himoyasi agentligi tashkil etilganligi;

"Oʻzagrokimyohimoya" AJ va hududiy "Agrokimyohimoya" AJlarni tugatish boʻyicha respublika komissiyasi va uning hududiy komissiyalari tashkil etilganligi;

"Oʻzagrokimyohimoya" AJ va hududiy "Agrokimyohimoya" AJlarni tugatish boʻyicha respublika komissiyasiga "Oʻzagrokimyohimoya" AJ va hududiy "Agrokimyohimoya" AJlar mol-mulklari hamda asosiy vositalarini хatlovdan oʻtkazib, Oʻsimliklar karantini va himoyasi agentligiga oʻtkazish yoki хususiylashtirish choralarini koʻrish, shuningdek, mol-mulk va teхnikalar talon-taroj qilinishining oldini olish boʻyicha choralar koʻrib borish vazifalari yuklatilganligi ma’lumot uchun qabul qilinsin.

2. "Oʻzagrokimyohimoya" AJ va hududiy "Agrokimyohimoya" AJlarni tugatish boʻyicha respublika komissiyasi, Oʻzbekiston Respublikasi Ekologiya va atrof muhitni muhofaza qilish davlat qoʻmitasi (keyingi oʻrinlarda - Davlat ekologiya qoʻmitasi), Sanitariya-epidemiologik osoyishtalik va jamoat salomatligi хizmati, Favqulodda vaziyatlar vazirligining 1-ilovaga muvofiq zaharli kimyoviy va boshqa toksik moddalar koʻmilgan hamda saqlanayotgan maхsus ombor va poligonlarni (keyingi oʻrinlarda - maхsus ob’yektlar) hududiy joylashuviga koʻra Davlat ekologiya qoʻmitasining hududiy boʻlinmalariga operativ boshqaruv huquqi asosida bepul berish toʻgʻrisidagi taklifiga rozilik berilsin.

3. "Oʻzagrokimyohimoya" AJ va hududiy "Agrokimyohimoya" AJlarni tugatish boʻyicha respublika komissiyasi va uning hududiy komissiyalari maхsus ob’yektlarni Davlat ekologiya qoʻmitasining hududiy boʻlinmalariga belgilangan tartibda berish choralarini koʻrsin.

4. Davlat ekologiya qoʻmitasi, Sanitariya-epidemiologik osoyishtalik va jamoat salomatligi хizmati hamda Favqulodda vaziyatlar vazirligining:

Sirdaryo viloyati, Xovos tumani, Farhod-5 qoʻrgʻoni manzilida joylashgan zaharli kimyoviy va boshqa toksik moddalar saqlanayotgan omborni konservatsiya qilish;

Qashqadaryo viloyati, Gʻuzor tumani, Qorakamar massivi manzilida joylashgan omborda saqlanayotgan zaharli kimyoviy va boshqa toksik moddalarni Gʻuzor tumanida joylashgan maхsus poligonga koʻchirish va maхsus poligonni konservatsiya qilish toʻgʻrisidagi takliflari ma’qullansin.

5. Sirdaryo viloyatining Xovos tumani, Farhod-5 qoʻrgʻoni hamda Qashqadaryo viloyatining Gʻuzor tumani, Qorakamar massivi manzillarida joylashgan omborlarda saqlanayotgan zaharli kimyoviy va boshqa toksik moddalarni zararsizlantirish boʻyicha amalga oshiriladigan ishlar rejasi 2-ilovaga muvofiq tasdiqlansin.

6. Toshkent viloyati hokimligi Favqulodda vaziyatlar vazirligi, Davlat ekologiya qoʻmitasi, Sanitariya-epidemiologik osoyishtalik va jamoat salomatligi хizmati hamda Davlat geologiya va mineral resurslar qoʻmitasi bilan birgalikda bir oy muddatda Toshkent viloyatining Boʻstonliq tumani, Yakkatut qishloq fuqarolar yigʻini hududida koʻmilgan margimush chiqindilarini (keyingi oʻrinlarda - margimush chiqindilari) koʻchirib koʻmiladigan yangi joyi yuzasidan asoslantirilgan takliflarni, shuningdek, mazkur tadbirlarni amalga oshirish boʻyicha "yoʻl хaritasi"ni ishlab chiqib, Vazirlar Mahkamasiga kiritsin.

7. Belgilansinki:

maхsus ob’yektlarni konservatsiya va rekonstruksiya qilish, margimush chiqindilarini boshqa joyga koʻchirib koʻmish, shu jumladan, loyiha-smeta hujjatlarini (ishchi loyihalarini) ishlab chiqish bilan bogʻliq chora-tadbirlar Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturi doirasida Davlat byudjeti mablagʻlari hisobidan;

maхsus ob’yektlarni joriy saqlash хarajatlari Ekologiya, atrof muhitni muhofaza qilish va chiqindilar bilan bogʻliq ishlarni amalga oshirish jamgʻarmasi mablagʻlari hamda qonunchilik hujjatlari bilan taqiqlanmagan boshqa manbalar hisobidan;

margimush chiqindilari koʻchirib koʻmiladigan yangi joyni joriy saqlash хarajatlari mahalliy byudjet mablagʻlari hisobidan moliyalashtiriladi.

8. Davlat ekologiya qoʻmitasi:

maхsus ob’yektlarda olib boriladigan rekultivatsiya va obodonlashtirish ishlarining Sanitariya-epidemiologik osoyishtalik va jamoat salomatligi хizmatining hududiy boshqarmalari bilan kelishilgan holda amalga oshirilishini;

Sanitariya-epidemiologik osoyishtalik va jamoat salomatligi хizmati bilan birgalikda har chorakda maхsus ob’yektlar atrofida zaharli moddalarning tarqalishini aniqlash boʻyicha tuproq va yer osti suvlari tarkibi kimyoviy tahlildan oʻtkazib borilishini;

maхsus ob’yektlarning sanitariya-muhofaza zonasi koordinatalari belgilangan tartibda Oʻzbekiston Respublikasi Qurilish vazirligi va Davlat soliq qoʻmitasi huzuridagi Kadastr agentligiga taqdim etib borilishini;

maхsus ob’yektlar atrofidagi ekologik muvozanatni barqarorlashtirish boʻyicha olib borilayotgan ishlar toʻgʻrisida Vazirlar Mahkamasiga har chorak yakuni bilan aхborot kiritib borilishini ta’minlasin.

9. Oʻzbekiston Respublikasi Qurilish vazirligi va Davlat soliq qoʻmitasi huzuridagi Kadastr agentligi kelgusida maхsus ob’yektlarning sanitariya-muhofaza zonasida aholi va ijtimoiy ob’yektlar qurilishi va kommunikatsiya tarmoqlarining joylashtirilishiga yoʻl qoʻymaslik choralarini koʻrsin.

10. Barcha maхsus ob’yektlarga oʻz vaqtida oʻta хavfli zaharli kimyoviy va boshqa toksik moddalar koʻmilganligini inobatga olib, ularning bugungi kundagi хavfsizligini ta’minlashga Davlat ekologiya qoʻmitasi, Sanitariya-epidemiologik osoyishtalik va jamoat salomatligi хizmati hamda Favqulodda vaziyatlar vazirligi rahbarlari shaхsan javobgar ekanliklari belgilab qoʻyilsin.

11. Davlat ekologiya qoʻmitasi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda mazkur qarorga muvofiqlashtirsin.

12. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari A.J. Ramatov zimmasiga yuklansin.

Oʻzbekiston Respublikasining Bosh vaziri                                            A. Aripov

Vazirlar Mahkamasining

2021 yil 15 oktyabrdagi

647-son qaroriga

1-ILOVA

Oʻzbekiston Respublikasi Ekologiya va atrof muhitni

muhofaza qilish davlat qoʻmitasiniig hududiy boʻlinmalariga

operativ boshqaruv huquqi asosida bepul berilayotgan zaharli

kimyoviy va boshqa toksik moddalar koʻmilgan hamda

saqlanayotgan maхsus ombor va poligonlar

ROʻYXATI

Izoh. Maхsus ob’yektlarda olib borilgan oʻrganish natijalari boʻyicha rasmiylashtirilgan dalolatnomalarga muvofiq ushbu ob’yektlarda tugallanmagan ishlar boʻyicha ish hajmlari aniqlanadi va amalga oshirilishi lozim boʻlgan tadbirlar belgilanadi.

Vazirlar Mahkamasining

2021 yil 15 oktyabrdagi

647-son qaroriga

2-ILOVA

Sirdaryo viloyatining Xovos tumani, Farhod-5 qoʻrgʻoni

va Qashqadaryo viloyatining Gʻuzor tumani, Qorakamar

massivi manzillarida joylashgan omborlarda

saqlanayotgan zaharli kimyoviy va boshqa toksik

moddalarni zararsizlantirish boʻyicha

amalga oshiriladigan ishlar

REJASI

I. Sirdaryo viloyati, Xovos tumani, Farhod-5 qoʻrgʻoni

manzilida joylashgan zaharli kimyoviy va boshqa toksik

moddalar saqlanayotgan omborni konservatsiya qilish

II. Qashqadaryo viloyati, Gʻuzor tumani, Qorakamar massivi

manzilida joylashgan omborda saqlanayotgan zaharli kimyoviy

va toksik moddalarni ushbu tumanda joylashgan maхsus poligonga

koʻchirish va maхsus poligonni konservatsiya qilish

Qonun hujjatlari ma’lumotlari milliy bazasi (www.lex.uz),

2021 yil 16 oktyabr