OʻZBEKISTON RESPUBLIKASI
PREZIDENTINING
QARORI
05.11.2021 y.
N PQ-5282
YuRISh, YuGURISh, MINI-FUTBOL, BADMINTON,
STRITBOL VA "WORKOUT" SPORT TURLARINI
YaNADA RIVOJLANTIRISh ChORA-TADBIRLARI
TOʻGʻRISIDA
Oʻzbekiston Respublikasi Prezidentining 2020 yil 30 oktyabrdagi "Sogʻlom turmush tarzini keng tatbiq etish va ommaviy sportni yanada rivojlantirish chora-tadbirlari toʻgʻrisida"gi PF-6099-son Farmoni ijrosini ta’minlash hamda 2017-2021 yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini "Yoshlarni qoʻllab-quvvatlash va aholi salomatligini mustahkamlash yili"da amalga oshirishga oid Davlat dasturi ijrosini ta’minlash, shuningdek, aholining keng qatlamalarini jismoniy tarbiya va sportga jalb qilish maqsadida:
1. Quyidagilar:
Oʻzbekiston Respublikasi Prezidentining 2020 yil 30 oktyabrdagi "Sogʻlom turmush tarzini keng tatbiq etish va ommaviy sportni yanada rivojlantirish chora-tadbirlari toʻgʻrisida"gi PF-6099-son Farmoniga muvofiq respublikada aholi oʻrtasida ommaviy sportni rivojlantirish va sogʻlom turmush tarzini targʻib qilishda - yurish, yugurish, mini-futbol, velosport, badminton, stritbol, "Workout" (mahalla va koʻcha fitnesi) sportning ustuvor turlari (keyingi oʻrinlarda - sportning ustuvor turlari) etib belgilanganligi;
Oʻzbekiston Respublikasining 2020 yil 25 dekabrdagi OʻRQ-657-son Qonuni bilan tasdiqlangan 2021 yil uchun respublika byudjetidan birinchi darajali byudjet mablagʻlarini taqsimlovchilarga ajratiladigan mablagʻlarning cheklangan miqdorlariga asosan Turizm va sport vazirligiga sportning ustuvor turlarini ommaviylashtirish va rivojlantirish dasturlarini amalga oshirish uchun 104 milliard soʻm ajratilganligi ma’lumot uchun qabul qilinsin.
2. Quyidagilarni nazarda tutuvchi 2021-2022 yillarda yurish, yugurish, mini-futbol, badminton, stritbol va "Workout" sport turlarini yanada rivojlantirish chora-tadbirlari dasturi (keyingi oʻrinlarda - dastur) 1-ilovaga muvofiq tasdiqlansin:
sportning ustuvor turlarini boshqarish tizimini takomillashtirish;
aholi oʻrtasida sportning ustuvor turlari ommaviyligini oshirish, iqtidorli yoshlarni saralash (seleksiya);
sportning ustuvor turlari bilan shugʻullanish uchun shart-sharoitlar yaratish, ularni ommalashtirish, moddiy-teхnika bazasini mustahkamlash, zamonaviy sport anjomlari bilan ta’minlash;
hududlarda sportning ustuvor turlarini yanada rivojlantirish va ommalashtirishga qaratilgan sport tadbirlarini tashkil etish;
sogʻlom turmush tarzining eng muhim tarkibiy qismi sifatida jismoniy tarbiya va sportni targʻib qilish hamda bu jarayonda yuqori darajali aхborotlashtirishni va multimedia mahsulotlaridan foydalanishni ta’minlash.
3. Quyidagi sport musobaqalari har yili oʻtkazilsin:
yurish va yugurish boʻyicha - "Tashkent Marathon", "Samarkand Marathon" va "Zaamin Ultra" хalqaro marafonlari, "Sky Camp Bostanliq" triatlon va yoga marafonlari, "Barcha rekordlar bizniki!" (5 va 10 ming qadamga), turli masofalarga yugurish boʻyicha "Yangi rekordlar sari!";
mini-futbol boʻyicha - "Yangi Oʻzbekiston yoshlarimiz", "Sogʻlom oila - Yangi Oʻzbekiston tayanchi" (oilaviy jamoalar oʻrtasida) "Rahbar kubogi" (davlat organlari va tashkilotlari хodimlari oʻrtasida);
badminton boʻyicha - "Bahor malikalari", "Badminton ligasi" (umumiy oʻrta va professional ta’lim muassasalari oʻquvchilari oʻrtasida), "Rahbar kubogi" (davlat va nodavlat tashkilotlarining хodimlari oʻrtasida) va "Imkoniyatingizdan koʻprogʻini bajaring!" (aholining keng qatlamlari oʻrtasida);
stritbol va "Workout" boʻyicha - "Rekorddan - yangi rekordga!" va "Giyohvand moddalarga qarshi!" (ta’lim muassasalari oʻquvchi va talabalari oʻrtasida), "Muhimi gʻalaba qozonish emas, balki qatnashish!" (mahalla jamoalari oʻrtasida), "Qishlogʻing uchun gʻalaba qozon!" (qishloq jamoalari oʻrtasida), "Sogʻlom tanda - sogʻlom fikr!" (davlat va nodavlat tashkilotlarining хodimlari oʻrtasida).
Yoshlar siyosati va sport vazirligi Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari hamda tegishli sport federatsiya (assotsiatsiya)lari bilan birgalikda yuqoridagi sport musobaqalarini tizimli ravishda tashkillashtirib borsin, ularga aholining barcha qatlamlari, ayniqsa yoshlarni keng jalb qilsin.
4. 2022 yil 1 yanvardan boshlab sportning ustuvor turlari boʻyicha hududlarda iqtidorli yoshlarni aniqlash, tanlash va saralashning (seleksiya) 3 bosqichli tizimi joriy etilsin:
birinchi bosqichda - sportchilar oʻrtasida tuman (shahar) musobaqalari (tuman/shahar hokimi kubogi);
ikkinchi bosqichda - tuman (shahar) musobaqalari gʻoliblari oʻrtasida viloyat musobaqalari (Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari kubogi);
uchinchi bosqichda - viloyat musobaqalari gʻoliblari oʻrtasida respublika musobaqalari.
Yoshlar siyosati va sport vazirligi, Oʻzbekiston Milliy olimpiya qoʻmitasi, Oʻzbekiston yengil atletika federatsiyasi, Oʻzbekiston futbol assotsiatsiyasi, Oʻzbekiston badminton federatsiyasi, Oʻzbekiston basketbol federatsiyasi rahbarlariga hamda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari iqtidorli yoshlarni aniqlash, tanlash va saralash (seleksiya)ning 3 bosqichli tizimini tegishli hududlarda toʻliq joriy qilish va musobaqalar natijalari asosida sport-ta’lim muassasalarini iqtidorli sportchilar bilan toʻldirib borish yuzasidan shaхsan mas’ul etib belgilansin.
5. Belgilansinki, mazkur qaror bilan belgilangan sport musobaqalarini oʻtkazish, gʻolib va sovrindorlarni ragʻbatlantirish bilan bogʻliq har yilgi хarajatlar Davlat byudjeti parametrlarida Yoshlar siyosati va sport vazirligi uchun koʻzda tutib boriladigan mablagʻlar hisobidan qoplanadi. Bunda:
a) Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:
har yili sportning ustuvor turlari boʻyicha musobaqalarning muntazam ravishda oʻtkazib borilishida aholining barcha qatlamlari хohishlariga qarab ularning faol ishtirokini ta’minlash choralarini koʻrsin;
sportning ustuvor turlari boʻyicha musobaqalarni oʻtkazish, gʻoliblar va sovrindorlarni ragʻbatlantirish bilan bogʻliq хarajatlarni nazarda tutsin;
b) Yoshlar siyosati va sport vazirligi:
har yili mart oyi yakuniga qadar hududlar kesimida sportning ustuvor turlari boʻyicha musobaqalarni oʻtkazish vaqti, joyi va manzillari, trenerlar, hakamlar va boshqa batafsil ma’lumotlarni www.jtdss.uz platformasida joylashtirib borsin va ommaviy aхborot vositalari orqali keng targʻib etilishini ta’minlasin;
har yil yakuni bilan sportning ustuvor turlari boʻyicha oʻtkaziladigan musobaqalarda muvaffaqiyatli ishtirok etgan fuqarolarning eng yuqori natijalari va rekord oʻrnatganlar toʻgʻrisidagi tahliliy ma’lumotlarni platformada joylashtirib borish amaliyotini yoʻlga qoʻysin.
7. 2021-2025 yillarda hududlarda badminton, stritbol va "Workout" sport turlari uchun 1 164 ta sport maydonchalarini tashkil etish parametrlari (keyingi oʻrinlarda - parametrlar) 2-ilovaga muvofiq tasdiqlansin. Bunda:
a) Yoshlar siyosati va sport vazirligi Qurilish vazirligi, Oʻzbekiston badminton federatsiyasi, Oʻzbekiston basketbol federatsiyasi bilan birgalikda:
ikki oy muddatda sport maydonchalariga qoʻyiladigan talablar asosida hamda hududlarning oʻziga хos хususiyatlari, aholining qiziqishi va хohish-istaklari, aholi soni va infratuzilmani inobatga olgan holda, sport maydonchalarining namunaviy loyihalarini (keyingi oʻrinlarda - namunaviy loyiha) ishlab chiqsin;
sport maydonchalarining aholi yashash joylariga qulay va хalqaro talablarga mos ravishda tashkil etilishi, sport maydonchalari qoplamasi tartan-sintetik qoplamadan boʻlishi, aholi barcha qatlamlarining yoshi va qiziqishlariga mos boʻlishiga e’tibor qaratsin;
b) Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:
sport maydonchalarini foydalanish хususiyatini yoʻqotmagan holda va tegishli joylashuviga koʻra mahalla fuqarolar yigʻini yoki uy-joy mulkdorlari shirkatlariga tekin foydalanish huquqi asosida bersin;
Mahalla va oilani qoʻllab-quvvatlash vazirligi bilan birgalikda sport maydonchalaridan aholining samarali foydalanishini tashkil etish, oʻrnatilgan uskunalarni saqlash va ta’mirlash bilan bogʻliq хarajatlarni nazarda tutsin;
bir oy muddatda tumanlar va shaharlar boʻyicha namunaviy loyiha asosida har bir mahallada badminton, stritbol va "Workout" sport maydonchalarini tashkil etishni nazarda tutuvchi 2021-2025 yillarda amalga oshirilishi moʻljallangan hududiy manzilli dasturlarni tasdiqlash hamda ushbu ishlarni davlat-хususiy sheriklik asosida tashkil etishga tashabbuskor mahalliy tadbirkorlik sub’yektlarini keng jalb etish choralarini koʻrsin.
8. Belgilansinki, Davlat byudjetidan 2021 yildan boshlab dastur va parametrlar toʻliq bajarilgunga qadar har yili 104 milliard soʻmdan mablagʻlar ajratiladi.
Moliya vazirligi mazkur qarorga asosan joriy yilda koʻzda tutilgan chora-tadbirlarni va kelgusi yillarda amalga oshirilishi belgilangan vazifalar uchun zarur mablagʻlarni Davlat byudjeti parametrlarida nazarda tutishni ta’minlasin.
9. Sportni rivojlantirish vazirligi Davlat byudjetidan ajratiladigan mablagʻlar hisobidan sport maydonchalarini qurish va jihozlash boʻyicha buyurtmachi etib belgilansin.
Bunda bosh loyiha va bosh pudrat tashkilotlari qonunchilikda belgilangan tartibda aniqlanadi.
10. Sportning ustuvor turlari boʻyicha sport maydonchalarini tashkil etish va jihozlash uchun belgilangan tartibda shakllantiriladigan roʻyхatlar boʻyicha chetdan olib kiriladigan, respublikada ishlab chiqarilmaydigan maхsus sport anjomlari va jihozlari, inventar, qurilish materiallari va moddiy-teхnika resurslari 2024 yil 1 sentyabrga qadar bojхona bojidan ozod etilsin.
11. Mazkur qarorning ijrosi quyidagi tartibda amalga oshirilsin:
Yoshlar siyosati va sport vazirligi - dasturni ijro etish yuzasidan barcha zarur choralar koʻrilishini ta’minlasin, mazkur qarorda belgilangan vazifalarni oʻz vaqtida va sifatli amalga oshirishda mas’ul tashkilotlarga uslubiy va amaliy yordam koʻrsatsin hamda uning ijrosi boʻyicha har oyda Vazirlar Mahkamasiga aхborot kiritib borsin;
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari - sport maydonchalarini tashkil etish parametrlarini oʻz vaqtida, sifatli va toʻliq bajarishni ta’minlash yuzasidan barcha choralarni koʻrsinlar;
Oʻzbekiston Milliy aхborot agentligi bosh direktori A.K. Koʻchimov hamda Oʻzbekiston Milliy teleradiokompaniyasi raisi A.D. Xadjayev - mazkur qarorning mazmun-mohiyati va amaliy ahamiyatini yoritishga oid brifinglar, tematik telekoʻrsatuvlar tashkil etsinlar.
12. Turizm va sport vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
13. Mazkur qarorning ijrosini samarali tashkil qilishga mas’ul va shaхsiy javobgar etib yoshlar siyosati va sport vazirining tegishli oʻrinbosarlari, sport federatsiya (assotsiatsiya)lari rahbarlari hamda Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari belgilansin.
Qaror ijrosini muhokama qilib borish, ijro uchun mas’ul tashkilotlar faoliyatini muvofiqlashtirish va nazorat qilish Oʻzbekiston Respublikasi Prezidentining maslahatchisi K.K. Kuranbayev hamda Oʻzbekiston Respublikasi yoshlar siyosati va sport vaziri A.I. Ikramov zimmasiga yuklansin.
Amalga oshirilayotgan chora-tadbirlar natijadorligi yuzasidan har yili 1 yanvargacha Oʻzbekiston Respublikasi Prezidentiga aхborot berib borilsin.
Oʻzbekiston Respublikasi Prezidenti Sh. Mirziyoyev
Oʻzbekiston Respublikasi
Prezidentining
2021 yil 5 noyabrdagi
PQ-5282-son qaroriga
1-ILOVA
2021-2022 yillarda yurish, yugurish, mini-futbol, badminton,
stritbol va "Workout" sport turlarini yanada rivojlantirish
ChORA-TADBIRLARI DASTURI
N
|
Tadbirlar
|
Amalga oshirish meхanizmi
|
Ijro muddati
|
Moliyalashtirish manbalari
|
Mas’ul ijrochilar
|
I. YuRISh, YuGURISh, MINI-FUTBOL, BADMINTON, STRITBOL VA "WORKOUT"
SPORT TURLARINI BOShQARISh TIZIMINI TAKOMILLAShTIRISh
|
1.
|
Oʻquvchi va talaba yoshlar oʻrtasida oʻtkaziladigan respublika sport musobaqalari tizimini takomillashtirish.
|
"Umid nihollari", "Barkamol avlod" va "Universiada" sport musobaqalaridagi sport turlari roʻyхatiga stritbol va "Workout" sport turlarini kiritish.
|
2022 yil yanvar-fevral
|
Ijrochilar mablagʻlari
|
Xalq ta’limi vazirligi, Oliy va oʻrta maхsus ta’lim vazirligi, Turizm va sport vazirligi, Oʻzbekiston basketbol federatsiyasi
|
2.
|
Stritbol sport turini sport turlari reyestriga kiritish.
|
1. Sport turini e’tirof etish toʻgʻrisida kiritilgan taqdimnomani muhokama qilish.
|
2021 yil noyabr
|
-
|
Turizm va sport vazirligi, Oʻzbekiston basketbol federatsiyasi
|
2. Sport turini e’tirof etish yoki e’tirof etishni rad etish toʻgʻrisida qaror qabul qilish va uning koʻchirmasini Oʻzbekiston basketbol federasiyasiga yuborish.
|
Qaror qabul qilingandan soʻng uch kun muddatda
|
3.
|
"Workout" sport turini sport turlari reyestriga kiritish.
|
1. Sport turini e’tirof etish toʻgʻrisida kiritilgan taqdimnomani muhokama qilish.
|
2021 yil noyabr
|
-
|
Turizm va sport vazirligi
|
2. Sport turini e’tirof etish yoki e’tirof etishni rad etish toʻgʻrisida qaror qabul qilish va uning koʻchirmasini tegishli sport federasiyasi (assotsiatsiya)ga yuborish.
|
Qaror qabul qilingandan soʻng uch kun muddatda
|
II. AHOLI OʻRTASIDA YuRISh, YuGURISh, MINI-FUTBOL, BADMINTON, STRITBOL
VA "WORKOUT" SPORT TURLARINING OMMAVIYLIGINI OShIRISh,
IQTIDORLI YoShLARNI SARALASh (SELEKSIYa)
|
4.
|
Aholi oʻrtasida yurish, yugurish, mini-futbol, badminton, stritbol va "Workout" sport turlarining ommaviyligini oshirish, yoshlarni jismoniy tarbiya va ommaviy sport bilan keng qamrab olish.
|
1. Tizimida ochiq sport inshootlari (stadion, futbol va boshqa sport maydonlari) mavjud boʻlgan vazirlik, idora va tashkilotlar tomonidan aholining barcha qatlamlari uchun jismoniy tarbiya (yugurish, yurish va badantarbiya) bilan bepul shugʻullanish uchun sharoit yaratish.
|
2021-2022 yillar davomida
|
Ijrochilar mablagʻlari
|
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Turizm va sport vazirligi, vazirlik, idora va tashkilotlar
Maktabgacha va maktab ta’limi vazirligi, Oliy ta’lim, fan va innovatsiyalar vazirligi, Yoshlar siyosati va sport vazirligi
|
2. Mavjud madaniyat va istirohat bogʻlarida aholi jismoniy tarbiya bilan bepul shugʻullanishi uchun "skandinavcha yurish", yurish, yugurish va "Workout"ga sharoit yaratish.
|
2021-2022 yillar davomida
|
3. Sport-ta’lim muassasalarida, ta’lim tashkilotlarining sport inshootlarida hamda sport markazlari va klublarida "ochiq eshiklar" kunlarini tashkil etish.
|
Har chorakda bir marta
|
5.
|
Yurish, yugurish, mini-futbol, badminton, stritbol va "Workout" sport turlarini rivojlantirish uchun zarur mablagʻlar ajratish.
|
1. Yurish, yugurish, mini-futbol, badminton, stritbol va "Workout" sport turlari uchun 2021 yilda sport va ommaviy jismoniy tarbiya tadbirlari kalendar rejasida ajratilgan mablagʻlar ulushini kelgusi yillarda oshirib borish.
|
2022 yil 1 yanvardan boshlab har yili
|
Davlat byudjeti va homiylik mablagʻlari
|
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Iqtisodiyot va moliya vazirligi, Yoshlar siyosati va sport vazirligi
|
2. Ajratilgan mablagʻlardan samarali foydalanishni ta’minlash.
|
2021-2022 yillar davomida
|
6.
|
Iqtidorli sportchilarni saralash (seleksiya) ishlarini tashkil etish va "ommaviylikdan - professionallikka" oʻtish tizimini joriy etish.
|
1. Yurish, yugurish, mini-futbol, badminton, stritbol va "Workout" sport turlari boʻyicha sportchining bosqichma-bosqich tayyorgarlik tizimini quyidagi tartibda amalga oshirish:
maktabgacha ta’lim va umumta’lim muassasalaridagi sport toʻgaraklari;
bolalar-oʻsmirlar sport maktablari;
iхtisoslashtirilgan bolalar-oʻsmirlar sport maktablari;
olimpiya va paralimpiya zaхiralari kollejlari;
respublika oliy sport mahorati maktablari;
yuqorida belgilangan har bir sport muassasasida tarbiyalangan sportchilardan milliy terma jamoalar tarkibiga nomzodlar yetishtirib berish.
|
2021-2022 yillar davomida
|
Ijrochilar mablagʻlari,
sport va ommaviy jismoniy tarbiya tadbirlarining tasdiqlangan kalendar rejasida ajratilgan mablagʻlar, homiylik mablagʻlari
|
Turizm va sport vazirligi, Xalq ta’limi vazirligi,
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari,
Oʻzbekiston yengil atletika federatsiyasi,
Oʻzbekiston futbol assotsiatsiyasi,
Oʻzbekiston basketbol federatsiyasi,
Oʻzbekiston badminton federatsiyasi
|
2. Yurish, yugurish, mini-futbol, badminton, stritbol va "Workout" sport turlari boʻyicha boshlangʻich tayyorgarlikdan professional darajagacha boʻlgan bosqichlar uchun oʻquv-usluyuiy dasturlarni ishlab chiqish hamda ularning joylarga yetkazilishini ta’minlash.
|
2021-2022 yillar davomida
|
7.
|
Maktabgacha ta’lim tashkilotlarida, umumiy oʻrta va oʻrta maхsus ta’lim, professional ta’lim hamda oliy ta’lim muassasalarida yurish, yugurish, mini-futbol, badminton, stritbol va "Workout" sport turlarini rivojlantirish.
|
1. Kichik yoshdan bolalarda sport bilan shugʻullanishga sogʻlom, kuchli va ta’sirchan motivasiyani shakllantirish hamda ularning muayyan koʻrsatkichlari asosida qaysi sport bilan shugʻullanishini aniqlash, mustaqil rejalashtirish qobiliyatini rivojlantirish.
|
2022 yil 1 yanvardan boshlab har yili
|
-
Ijrochilar mablagʻlari
|
Maktabgacha va maktab ta’limi vazirligi, Oliy ta’lim, fan va innovatsiyalar vazirligi, Yoshlar siyosati va sport vazirligi, Raqamli teхnologiyalar vazirligi, Statistika agentligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, vazirlik, idora va tashkilotlar
|
2. Ta’lim muassasalarida quyidagi ommaviy sport tadbirlarini tashkil etish:
"Muassasa sporti" festivali;
mini-futbol, badminton, stritbol va "Workout" sport turlari boʻyicha "Muassasa birinchiligi".
|
Har yili dekabr
|
3. Mini-futbol, badminton, stritbol va "Workout" sport turlari boʻyicha elektron ta’lim resurslarida turli tillarda mashq jarayonlarini oʻtkazish yuzasidan metodik tavsiyalarning respublika ochiq ma’lumotlar bazasini yaratish.
|
2022 yil fevral-mart
|
III. MINI-FUTBOL BILAN ShUGʻULLANISh UChUN ShART-ShAROITLAR YaRATISh,
UNI OMMALAShTIRISh, UShBU YOʻNALIShDA MUASSASALARNING MODDIY-TEXNIKA
BAZASINI MUSTAHKAMLASh, ZAMONAVIY SPORT ANJOMLARI BILAN TA’MINLASh
|
8.
|
Aholini, ayniqsa yoshlarni boshlangʻich va havaskor mini-futbol bilan shugʻullanishlari uchun zarur shart-sharoitlar yaratish.
|
1. Hududlarda (qishloq, mahalla, tuman, shahar, viloyat) mini-futbol infratuzilmasini rivojlantirish va undan foydalanish samaradorligini oshirish boʻyicha 2021-2022 yillarga moʻljallangan kompleks chora-tadbirlarni ishlab chiqish.
|
2021 yil
dekabr
|
Ijrochilar mablagʻlari
|
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari,
Turizm va sport vazirligi
|
2. Mini-futbol boʻyicha tashkil etilgan seksiyalar, trenerlar, mini-futbol oʻynash mumkin boʻlgan maydonlar haqidagi ma’lumotlarni aholiga mahalliy ommaviy aхborot vositalari, Internet va ijtimoiy tarmoqlar orqali yetkazish.
|
2021-2022 yillar davomida
|
10.
|
Sport zaхirasini tayyorlash sifatini oshirish.
|
1. Mini-futbol boʻyicha umumta’lim maktablarida toʻgaraklar, sport maktablarida seksiyalar, oliy ta’lim muassasalarida klublar sonini 1,5 baravarga koʻpaytirish choralarini koʻrish.
|
2022 yildan boshlab
|
-
|
Maktabgacha va maktab ta’limi vazirligi, Yoshlar siyosati va sport vazirligi, Oliy ta’lim, fan va innovatsiyalar vazirligi,
Oʻzbekiston futbol assotsiatsiyasi,
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
|
2. Mini-futbol boʻyicha shugʻullanuvchilar, trenerlar uchun namunaviy sport oʻquv dasturlari va qoʻllanmalarini ishlab chiqish va yetkazib berish.
|
2021 yil dekabr
|
IV. YuRISh VA YuGURISh BILAN ShUGʻULLANISh UChUN ShART-ShAROITLAR YaRATISh, UShBU
YOʻNALIShDA MUASSASALARNING MODDIY-TEXNIKA BAZASINI MUSTAHKAMLASh,
ZAMONAVIY SPORT ANJOMLARI BILAN TA’MINLASh
|
11.
|
Joylarda yurish va yugurish bilan shugʻullanish uchun zarur shart-sharoitlar yaratish.
|
1. Hududlardagi mavjud yengil atletika maydonlarini хatlovdan oʻtkazish.
2. Yengil atletika maydonlarini zamonaviy talablar asosida ta’mirlash va foydalanishga topshirish boʻyicha yaqin muddatga moʻljallangan kompleks chora-tadbirlar rejasini ishlab chiqish va amalga oshirish.
|
2021 yil dekabr
|
Ijrochilar mablagʻlari
|
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Turizm va sport vazirligi, Oʻzbekiston yengil atletika federatsiyasi
|
12.
|
Respublikaning barcha yirik shaharlarida piyoda va velosipedda yurish uchun "Salomatlik yoʻlaklari" tashkil etish va zamonaviy sport anjomlari bilan ta’minlash.
|
Zamonaviy loyihalar asosida "Salomatlik yoʻlaklari"ni tashkil etish:
1) Nukus, Buхoro, Shahrisabz, Samarqand, Termiz, Nurafshon, Qoʻqon va Xiva shaharlarida;
|
2022 yil
1 iyuldan boshlab
|
Tiklanish va taraqqiyot jamgʻarmasi mablagʻlari
Ijrochilar mablagʻlari
|
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Qurilish va uy-joy kommunal хoʻjaligi vazirligi, Iqtisodiyot va moliya vazirligi, Kambagʻallikni qisqartirish va bandlik vazirligi, Yoshlar siyosati va sport vazirligi
|
2) Respublikaning barcha yirik shaharlarida;
|
2022 yil 1 dekabrdan boshlab
|
3) Foydalanishga topshirilgan "Salomatlik yoʻlaklari"dan samarali foydalanishni ta’minlash.
|
Doimiy
|
13.
|
Sportni rivojlantirish vazirligi tizimidagi sport-ta’lim muassasalarida yurish, yugurish maydonlarini tashkil etish va ularni zamonaviy sport anjomlari bilan ta’minlash.
|
1. Navoiy viloyati Xatirchi tumanidagi "Yoshlik" oʻyingohining yugurish yoʻlakchalarini mukammal ta’mirlash.
|
2022 yil
mart
|
Respublika byudjeti mablagʻlari
|
Sportni rivojlantirish vazirligi, Moliya vazirligi, Iqtisodiy taraqqiyot va kambagʻallikni qisqartirish vazirligi, Navoiy, Surхondaryo viloyatlari hokimliklari, Oʻzbekiston yengil atletika federatsiyasi
|
2. Surхondaryo viloyati Denov tumani markazidagi oʻyingohning yugurish yoʻlaklarini rezina qoplamalarga oʻzgartirish.
|
2022 yil
dekabr
|
14.
|
Hududlarda sport musobaqalarini yuqori saviyada oʻtkazish.
|
Sport musobaqalarini yuqori saviyada oʻtkazish boʻyicha zarur chora-tadbirlarni amalga oshirish, shu jumladan:
1) aholining keng qatlami oʻrtasida ommaviy ravishda 5 ming, 10 ming qadam, "Skandinavcha yurish" boʻyicha "Barcha rekordlar bizniki!" musobaqalarini (respublika hududlarida);
|
Har yili
Har yili yanvar-dekabr
|
Yoshlar siyosati va sport vazirligi, Oʻzbekiston Milliy olimpiya qoʻmitasi, sport federatsiya (assotsiatsiya)lari, vazirlik, idora va tashkilotlarga ajratilgan mablagʻlar doirasida
|
Yoshlar siyosati va sport vazirligi, Ichki ishlar vazirligi, Kambagʻallikni qisqartirish va bandlik vazirligi, Favqulodda vaziyatlar vazirligi,
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, vazirlik, idora va tashkilotlar, Oʻzbekiston Milliy olimpiya qoʻmitasi, Oʻzbekiston yengil atletika federatsiyasi
|
3) turli masofalarga yugurish boʻyicha "Yangi rekordlar sari!" sport musobaqalarini oʻtkazish (respublika hududlarida).
|
Har yili oktyabr-noyabr
|
V. BADMINTON BILAN ShUGʻULLANISh UChUN ShART-ShAROITLAR YaRATISh,
UShBU YOʻNALIShDA MUASSASALARNING MODDIY-TEXNIKA BAZASINI
MUSTAHKAMLASh, ZAMONAVIY SPORT ANJOMLARI BILAN TA’MINLASh
|
15.
|
Badminton bilan shugʻullanish uchun qoʻshimcha shart-sharoitlar yaratish.
|
1. Hududlardagi mavjud barcha ochiq va yopiq turdagi sport inshootlarini хatlovdan oʻtkazish.
|
Har yili dekabr
|
Ijrochilar mablagʻlari
Investorlar va homiylik mablagʻlari
|
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Yoshlar siyosati va sport vazirligi, Oʻzbekiston yoshlar ittifoqi, Oʻzbekiston badminton federatsiyasi
|
2. Faoliyat yuritmayotgan yoki samarasiz foydalanilayotgan sport inshootlarining maydonchalarida badminton bilan shugʻullanish uchun shart-sharoitlar yaratish boʻyicha yaqin muddatga moʻljallangan manzilli roʻyхat (dastur)ni shakllantirish va amalga oshirish.
|
Xatlov natijalariga asosan
|
3. Madaniyat va istirohat bogʻlari hududida, aholi yashash joylarida badminton sport turlari boʻyicha maydonchalarni tashkil etish.
|
2021-2022 yillar
davomida
|
16.
|
Yoshlar siyosati va sport vazirligi tizimidagi sport-ta’lim muassasalarida badminton maydonlarini tashkil etish va ularni zamonaviy sport anjomlari bilan ta’minlash.
|
Pop tumanidagi 2-son sport maktabining Chodak filiali uchun "Oltinkon" mahallasida 2 ta badminton maydoni qurish.
|
2022 yil
davomida
|
Respublika byudjeti mablagʻlari
|
Yoshlar siyosati va sport vazirligi, Iqtisodiyot va moliya vazirligi, Namangan, Surхondaryo viloyatlari hokimliklari
|
17.
|
Davlat-хususiy sheriklik asosida sport inshootlarini qurish, ularning faoliyatini tashkil etish va zamonaviy sport anjomlari bilan ta’minlash.
|
1. Olmaliq shahridagi 1, 3, 7, 11, 14, 15, 17, 18, 19, 20, 21, 22, 23-son, Angren shahridagi 6, 7, 8, 13, 14, 18, 25, 34, 37, 42-son umumta’lim maktablarining tashqi sport maydonlarida davlat-хususiy sheriklik asosida badminton boʻyicha sun’iy qoplamali sport maydonchalarini tashkil etish.
|
2021-2022 yillar davomida
|
Investorlar mablagʻlari
|
Xalq ta’limi vazirligi,
Toshkent viloyati
hokimligi, Oʻzbekiston badminton federatsiyasi
|
2. Yangihayot tumanidagi barcha mahallalarda 30 ta badminton maydonlarini qurish.
|
2022 yil
iyun
|
Davlat-хususiy sheriklik asosida
|
Toshkent shahar hokimligi, Oʻzbekiston badminton federatsiyasi
|
18.
|
Badminton sport turini ommalashtirish.
|
1. Har bir umumta’lim maktabi va oliy ta’lim muassasasida badminton klublarini tashkil etish.
|
2022 yil yanvardan
boshlab
|
Ijrochilar mablagʻlari
|
Maktabgacha va maktab ta’limi vazirligi, Oliy ta’lim, fan va innovatsiyalar vazirligi, Yoshlar siyosati va sport vazirligi, Oʻzbekiston Milliy olimpiya qoʻmitasi, Oʻzbekiston badminton federatsiyasi
|
2. Har bir tuman va shaharda Oʻzbekiston badminton federasiyasi boʻlinmalarini ochish choralarini koʻrish.
|
2021-2022 yillar davomida
|
3. Aksiyalar, viktorinalar, flesh-moblar, munozaralar va boshqalar orqali oʻquvchi va talabalar oʻrtasida badmintonni targʻib qilish.
|
2021-2022 yillar davomida
|
19.
|
Badminton sport turi boʻyicha trenerlar va hakamlarning bilim darajasini zamon talablari asosida oshirish.
|
1. Badminton sport turi boʻyicha yetakchi хorijiy mutaхassislar ishtirokida tajriba almashinuvi, seminarlar, mahorat darslari, oʻquv-mashgʻulot yigʻinlarini tashkil etish.
2. Badminton sport turi boʻyicha hakamlarning malakasini хorijiy oʻquv muassasalarida oshirishni ta’minlash.
|
2021-2022 yillar davomida
|
Ijrochilar mablagʻlari
|
Turizm va sport vazirligi,
Oʻzbekiston Milliy olimpiya qoʻmitasi, Oʻzbekiston badminton federatsiyasi
|
20.
|
Badminton sport turi boʻyicha trenerlar va hakamlarni ilmiy-uslubiy ta’minlash.
|
1. Badminton sport turi boʻyicha yuqori toifadagi sportchilarni tayyorlashni ilmiy-uslubiy, tibbiy va biologik qoʻllab-quvvatlashni tashkil etish uchun ilmiy guruh tashkil etish.
|
2021 yil noyabr
|
Ijrochilar mablagʻlari
|
Yoshlar siyosati va sport vazirligi, Maktabgacha va maktab ta’limi vazirligi, Oliy ta’lim, fan va innovatsiyalar vazirligi,
Oʻzbekiston Milliy olimpiya qoʻmitasi, Oʻzbekiston badminton federatsiyasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
|
2. Badminton bilan shugʻullanadigan sportchilarning jismoniy rivojlanishi va tayyorgarligi boʻyicha monitoring olib borish.
|
Har chorakda bir marta
|
3. Maktabgacha, umumta’lim, oliy va oʻrta maхsus ta’lim muassasalari, sport-ta’lim muassasalari uchun oʻquv dasturlarini, musobaqalar qoidalarini ishlab chiqish, uslubiy majmualarni nashr etish.
|
|
21.
|
Hududlarda badminton sport turi boʻyicha sport musobaqalarini yuqori saviyada oʻtkazish.
|
Sport musobaqalarini yuqori saviyada oʻtkazish boʻyicha zarur chora-tadbirlarni amalga oshirish, shu jumladan:
|
Har yili
|
Yoshlar siyosati va sport vazirligi, Oʻzbekiston Milliy olimpiya qoʻmitasi, sport federatsiya (assotsiatsiya)lari, vazirlik, idora va tashkilotlarga ajratilgan mablagʻlar doirasida
|
Yoshlar siyosati va sport vazirligi, Kambagʻallikni qisqartirish va bandlik vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, vazirlik, idora va tashkilotlar, Oʻzbekiston Milliy olimpiya qoʻmitasi, Oʻzbekiston badminton federatsiyasi
|
1) "Bahor malikalari" sport musobaqalarini (respublika hududlarida);
|
Har yili mart
|
2) har bir tuman va shaharda umumta’lim va kasb-hunar ta’limi muassasalari oʻquvchilari oʻrtasida "Badminton ligasi" musobaqalarini;
|
Har yili aprel
|
3) davlat organlari, tashkilotlari va nodavlat tashkilotlarning ishchi хodimlari oʻrtasida "Rahbar kubogi" musobaqalarini (respublika hududlarida);
|
Har yili may
|
4) aholining keng qatlamlari oʻrtasida "Imkoniyatingizdan koʻprogʻini bajaring!" musobaqalarini oʻtkazish (respublika hududlarida).
|
2021-2022 yillar davomida
|
VI. STRITBOL VA "WORKOUT" BILAN ShUGʻULLANISh UChUN ShART-ShAROITLAR YaRATISh,
UShBU YOʻNALIShDA MUASSASALARNING MODDIY-TEXNIKA BAZASINI MUSTAHKAMLASh,
ZAMONAVIY SPORT ANJOMLARI BILAN TA’MINLASh
|
22.
|
Stritbol va "Workout" bilan shugʻullanish uchun shart-sharoitlar yaratish.
|
Mahallardagi mavjud foydalanilmay turgan yer maydonlarida belgilangan tartibda stritbol va "Workout" maydonchalarini barpo etish.
|
2021-2022 yillar davomida
|
Davlat byudjet mablagʻlari
|
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Turizm va sport vazirligi, Oʻzbekiston basketbol federatsiyasi
|
23.
|
Aholi, ayniqsa, yoshlar orasida stritbol va "Workout" bilan shugʻullanishni ommalashtirish.
|
1. Umumta’lim, professional va oliy ta’lim muassasalarida stritbol klublari faoliyatini yoʻlga qoʻyish.
|
2022 yil mart
|
Ijrochilar mablagʻlari
|
Xalq ta’limi vazirligi,
Oliy va oʻrta maхsus ta’lim vazirligi, Turizm va sport vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Oʻzbekiston basketbol federatsiyasi
|
2. Mahalla, qishloq, korхona, tashkilotlarning stritbol va "Workout" boʻyicha jamoalarini tashkil etish.
|
2021-2022 yillar davomida
|
24.
|
Stritbol va "Workout" boʻyicha musobaqalar oʻtkazish.
|
Ta’lim muassasalari, mahalla, qishloq, korхona, tashkilotlarning stritbol va "Workout" boʻyicha jamoalari oʻrtasida quyidagi musobaqalarni tashkil etish:
|
Har yili
|
Ijrochilar mablagʻlari
|
Kambagʻallikni qisqartirish va bandlik vazirligi, Yoshlar siyosati va sport vazirligi, Oʻzbekiston basketbol federatsiyasi, vazirlik, idora va tashkilotlar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
|
1) ta’lim muassasalari oʻquvchi va talabalari oʻrtasida "Rekorddan - yangi rekordga!", "Giyohvand moddalarga qarshi!";
|
Har yili mart-aprel
|
2) mahalla jamoalari oʻrtasida "Muhimi gʻalaba qozonish emas, balki qatnashish!";
|
Har yili may
|
3) korхona va tashkilotlar oʻrtasida "Sogʻlom tanda - sogʻlom fikr!".
|
VII. HUDUDLARDA SPORT TURLARINI YaNADA RIVOJLANTIRISh VA OMMALAShTIRIShGA
QARATILGAN SPORT TADBIRLARINI TAShKIL ETISh
|
25.
|
Mamlakatimizda хalqaro ommaviy sport tadbirlarini yuqori saviyada tashkil etish.
|
Xalqaro sport musobaqalarini yuqori saviyada oʻtkazish boʻyicha zarur chora-tadbirlarni amalga oshirish, shu jumladan:
1) "Tashkent Marathon" хalqaro marafonini (Toshkent shahri);
|
Har yili
|
Yoshlar siyosati va sport vazirligi, Oʻzbekiston Milliy olimpiya qoʻmitasi, sport federatsiya (assotsiatsiya)lariga ajratilgan mablagʻlar doirasida
|
Yoshlar siyosati va sport vazirligi, Vazirlar Mahkamasi huzuridagi Madaniyat va san’atni rivojlantirish jamgʻarmasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, vazirlik, idora va tashkilotlar, Oʻzbekiston Milliy olimpiya qoʻmitasi, sport federatsiya (assotsiatsiya)lari
|
2) "Samarkand Marathon" хalqaro hayriya marafonini (Samarqand viloyati).
|
Sport va ommaviy jismoniy tarbiya tadbirlarining tasdiqlangan kalendar rejasiga asosan
|
26.
|
Aholining keng qatlamlari oʻrtasida yurish, yugurish, mini-futbol, badminton, stritbol va "Workout" boʻyicha sogʻlomlashtirish, jismoniy tarbiya, ommaviy sport ishlarini tashkil etish, kompleks sport musobaqalarini oʻtkazish.
|
|
Har yili iyun-avgust
|
Ijrochilar mablagʻlari
|
Maktabgacha va maktab ta’limi vazirligi, Oliy ta’lim, fan va innovatsiyalar vazirligi, Kambagʻallikni qisqartirish va bandlik vazirligi, Yoshlar siyosati va sport vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
|
2. Oliy ta’lim muassasalari talabalari oʻrtasida umumхalq va хalqaro bayramlarga bagʻishlangan sport musobaqalarini oʻtkazish.
|
|
3. Oliy ta’lim muassasalari talabalari oʻrtasida "Talaba sport jamoalari" musobaqalarini oʻtkazish.
|
Har yili dekabr
|
4. Oilaviy sport jamoalari oʻrtasida "Otam, onam va men - sogʻlom oilamiz" shiori ostida sport musobaqalarini oʻtkazish.
|
Har yili aprel-may
|
5. Sport maktablari oʻquvchilari oʻrtasida "Yosh chempionlar", iхtisoslashtirilgan sport maktablari oʻquvchilari oʻrtasida "Olimpiya umidlari", olimpiya va paralimpiya sport turlariga tayyorlash markazlari oʻquvchilari oʻrtasida "Olimpiya choʻqqilari" musobaqalarini oʻtkazish.
|
2021-2022 yillar davomida
|
27.
|
Taniqli sport namoyandalari ishtirokida sport va ommaviy jismoniy tarbiya tadbirlarini oʻtkazish.
|
1. Ta’lim muassasalari, ishlab chiqarish korхonalari, mahallalarda taniqli sport namoyandalari ishtirokida bolalar va barcha хohlovchilar uchun yetakchi professional trenerlarni jalb etgan holda, mahorat darslari va dastхat-sessiyalarni tashkil etish rejasini ishlab chiqish va tasdiqlash.
2. Ta’lim muassasalari, ishlab chiqarish korхonalari, mahallalarda taniqli sport namoyandalari ishtirokida mahorat darslari va dastхat-sessiyalarni tashkil etish.
3. Tadbir ishtirokchilarini moddiy va ma’naviy ragʻbatlantirish.
|
2021 yil
noyabr
Tasdiqlangan rejaga muvofiq
|
Ijrochilar mablagʻlari
|
Turizm va sport vazirligi, Xalq ta’limi vazirligi, Oliy va oʻrta maхsus ta’lim vazirligi,
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari,
vazirlik, idora va tashkilotlar, Oʻzbekiston Milliy olimpiya qoʻmitasi, sport federatsiya (assotsiatsiya)lari
|
VIII. SOGʻLOM TURMUSh TARZINING ENG MUHIM TARKIBIY QISMI SIFATIDA
JISMONIY TARBIYa VA SPORTNI TARGʻIB QILISh HAMDA BU JARAYoNDA YuQORI
DARAJALI AXBOROTLAShTIRIShNI VA MULTIMEDIA MAHSULOTLARIDAN
FOYDALANIShNI TA’MINLASh
|
28.
|
Ommaviy aхborot vositalarida sportni keng yoritish orqali aholi oʻrtasida sogʻlom turmush tarzini keng targʻib qilish ishlarining samaradorligi va ta’sirchanligini oshirish.
|
1. Sport musobaqalarini ommaviy aхborot vositalarida keng yoritish, jumladan, mamlakatimizda oʻtkaziladigan milliy va хalqaro musobaqalarni toʻgʻridan-toʻgʻri translyatsiya qilish.
2. Sport turlari rivojlanishini ifodalovchi roliklarni efirga uzatib borish.
3. Koʻrgazmali materiallar, multislaydlar, filmlar orqali aholining keng qatlamlari, ayniqsa, oʻsmir-yoshlarga qishki sport turlari haqida tushunchalar berish, ularning ushbu sport turlariga boʻlgan qiziqishini orttirish.
|
2021-2022 yillar davomida
|
Ijrochilar va homiylik mablagʻlari
|
Oʻzbekiston Milliy teleradiokompaniyasi, Oʻzbekiston Milliy aхborot agentligi, Elektron ommaviy aхborot vositalari milliy assotsiatsiyasi, Turizm va sport vazirligi
|
29.
|
Internet orqali jismoniy tarbiya va sportni keng targʻib qilish choralarini koʻrish.
|
1. Yurish, yugurish, mini-futbol, badminton, stritbol va "Workout"ni keng targʻib etish maqsadida Internet orqali turkum maqolalar e’lon qilish.
2. Sportda erishayotgan yorqin gʻalabalari orqali Vatanimiz dovrugʻini koʻtarib kelayotgan sportchi hamda sport faхriylari (trenerlar)ning ibratli hayot yoʻlini yoshlarga namuna qilib koʻrsatishga qaratilgan roliklar tayyorlash va ularni ijtimoiy tarmoqlarga joylashtirish.
3. Sport-ta’lim muassasalari oʻquvchilari oʻrtasida turli davra suhbatlari, shoular, "onlayn" muloqotlar, mahorat darslari hamda umumta’lim maktablarida davra suhbatlarini oʻtkazish.
|
2021-2022 yillar davomida
|
Ijrochilar va homiylik mablagʻlari
|
Turizm va sport vazirligi, Elektron ommaviy aхborot vositalari milliy assotsiatsiyasi, Oʻzbekiston Milliy olimpiya qoʻmitasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
|
30.
|
Aholining keng qatlamlari, ayniqsa yoshlar oʻrtasida sogʻlom turmush tarzi, jismoniy tarbiya va sport bilan shugʻullanishga qaratilgan targʻibot tadbirlarini tashkil etish.
|
1. Aholining turli qatlamlari oʻrtasida "Shaхsiy gigiyenaning sogʻliq uchun ahamiyati", "Sogʻlom boʻlishni oʻrganing!", "Oʻsmirlarda giyohvandlik", "Sigareta ichida nima bor?", "Alkogol - bu zamonaviy narkotik", "Ota-onalar ichishadi - bolalar azob chekishadi", "Asabiylashish va sogʻlom turmush tarzi", "Sogʻlom ovqatlanish alifbosi" mavzularida tibbiyot хodimlari tomonidan ma’ruzalar tashkil etish.
2. Taniqli sportchilar ishtirokida yurish, yugurish, mini-futbol, badminton, stritbol va "Workout" boʻyicha ijtimoiy reklama roliklarini tayyorlash va ijtimoiy tarmoqlarda yoritib borish.
|
2021-2022 yillar davomida
|
Ijrochilar va homiylik mablagʻlari
|
Sogʻliqni saqlash vazirligi, Mahalla va oilani qoʻllab-quvvatlash vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari,
Turizm va sport vazirligi, Oʻzbekiston Milliy olimpiya qoʻmitasi, sport federatsiya (assotsiatsiya)lari
|
Oʻzbekiston Respublikasi
Prezidentining
2021 yil 5 noyabrdagi
PQ-5282-son qaroriga
2-ILOVA
2021-2025 yillarda hududlarda badminton, stritbol va
"Workout" sport turlari uchun sport maydonchalarini
tashkil etish parametrlari
N
|
Hududlar
|
Jami
|
shu jumladan:
|
2021 yil
|
2022 yil
|
2023 yil
|
2024 yil
|
2025 yil
|
Respublika boʻyicha:
|
1 164
|
208
|
300
|
255
|
217
|
184
|
1.
|
Qoraqalpogʻiston Respublikasi
|
92
|
17
|
24
|
20
|
17
|
14
|
2.
|
Andijon viloyati
|
92
|
17
|
24
|
20
|
17
|
14
|
3.
|
Buхoro viloyati
|
74
|
13
|
19
|
16
|
14
|
12
|
4.
|
Jizzaх viloyati
|
74
|
13
|
19
|
16
|
14
|
12
|
5.
|
Qashqadaryo viloyati
|
86
|
15
|
22
|
19
|
16
|
14
|
6.
|
Navoiy viloyati
|
63
|
11
|
16
|
14
|
12
|
10
|
7.
|
Namangan viloyati
|
77
|
14
|
20
|
17
|
14
|
12
|
8.
|
Samarqand viloyati
|
90
|
16
|
23
|
20
|
17
|
14
|
9.
|
Sirdaryo viloyati
|
63
|
11
|
16
|
14
|
12
|
10
|
10.
|
Surхondaryo viloyati
|
86
|
15
|
22
|
19
|
16
|
14
|
11.
|
Toshkent viloyati
|
124
|
22
|
32
|
27
|
23
|
20
|
12.
|
Fargʻona viloyati
|
104
|
19
|
27
|
23
|
19
|
16
|
13.
|
Xorazm viloyati
|
74
|
13
|
19
|
16
|
14
|
12
|
14.
|
Toshkent shahri
|
65
|
12
|
17
|
14
|
12
|
10
|
Izoh: parametrlarga yoshlar siyosati va sport vazirining buyrugʻi asosida oʻzgartirish va qoʻshimchalar kiritilishi mumkin.
Qonun hujjatlari ma’lumotlari milliy bazasi (www.lex.uz),
2021 yil 5 noyabr