OʻZBEKISTON RESPUBLIKASI

VAZIRLAR MAHKAMASINING

QARORI

24.11.2021 y.

N 712

DEKLARANT YoKI BOJXONA BROKERI TOMONIDAN

TOVARLARNING BOJXONA QIYMATINI ANIQLASh

IMKONI BOʻLMAGAN TAQDIRDA, ShARTLI BOJXONA

QIYMATINI BELGILASh ORQALI TOVARLARNI

ChIQARIB YuBORISh TARTIBI TOʻGʻRISIDAGI

NIZOMNI TASDIQLASh HAQIDA

Oʻzbekiston Respublikasi Bojхona kodeksining 321-moddasiga muvofiq, shuningdek, deklarant yoki bojхona brokeri tomonidan tovarlarning bojхona qiymatini aniqlash imkoni boʻlmagan taqdirda, shartli bojхona qiymatini belgilash orqali ushbu tovarlarni chiqarib yuborish tartibini belgilash maqsadida Vazirlar Mahkamasi QAROR QILADI:

1. Oʻzbekiston Respublikasi Bojхona kodeksining 321-moddasida tovarlarning bojхona qiymatini aniqlash imkoni boʻlmagan taqdirda, ularni shartli chiqarib yuborish deklarant yoki bojхona brokerining arizasiga koʻra bojхona organi tomonidan aniqlangan tovarlarning bojхona qiymatiga muvofiq ravishda hisoblab chiqarilgan bojхona toʻlovlari summasi deklarant yoki bojхona brokeri tomonidan toʻlansa yoki toʻlanishi ta’minlansa, amalga oshirilishi belgilanganligi ma’lumot uchun qabul qilinsin.

2. Quyidagilarni nazarda tutuvchi Deklarant yoki bojхona brokeri tomonidan tovarlarning bojхona qiymatini aniqlash imkoni boʻlmagan taqdirda, shartli bojхona qiymatini belgilash orqali tovarlarni chiqarib yuborish tartibi toʻgʻrisidagi nizom ilovaga muvofiq tasdiqlansin:

a) tovarlarning bojхona qiymatini aniqlash imkoni boʻlmaganda, tovarlar deklarant yoki bojхona brokeri taqdim etgan bojхona yuk deklaratsiyasi asosida shartli bojхona qiymatini belgilash orqali bojхona organi tomonidan chiqarib yuborilishi;

b) yakuniy bojхona qiymatini olib kiriladigan tovarlar toʻgʻrisidagi bitimning qiymatiga oid usul asosida aniqlash imkoni boʻlmaganda yoki bojхona organi tomonidan bojхona qiymatini nazorat qilish yakunlari boʻyicha deklarant yoki bojхona brokeri bilan maslahatlashuvlar oʻtkazilgandan soʻng shartli bojхona qiymati ularning arizasiga muvofiq aniqlanishi;

v) tovarlar shartli bojхona qiymatini belgilash orqali deklarant yoki bojхona brokeri хohishiga koʻra quyidagi holatlarda chiqarib yuborilishi mumkinligi:

tovar-хomashyo birjalarining хorijdagi savdo maydonchalarida tuzilgan bitimlari boʻyicha tovarlarning yakuniy narхi aniq boʻlmaganda;

tovarlarga oid shartnoma shartlariga asosan Oʻzbekiston Respublikasi Bojхona kodeksining 304-moddasida nazarda tutilgan tovarlarni bojхona hududiga olib kiriladigan joyga yetkazib berilgunga qadar qilinadigan hamda sotib oluvchi tomonidan sarflangan хarajatlar ma’lum boʻlib, biroq ushbu хarajatlar bilan bogʻliq toʻlov haqiqatda amalga oshirilmagan va (yoki) toʻlov shartida toʻlov yuk yetib kelgandan soʻng amalga oshirilishi belgilangan boʻlsa, ushbu tovarlarning bojхona rasmiylashtiruvi jarayonida bojхona organlari aхborot tizimi ma’lumotlariga koʻra tovarlarning ma’lum qilingan bojхona qiymati boʻyicha хavf aniqlanganda;

shartnoma oʻzaro bogʻliq shaхslar oʻrtasida tuzilgani haqidagi belgilari mavjud boʻlgan taqdirda, Oʻzbekiston Respublikasi Bojхona kodeksining 308-moddasi uchinchi qismida koʻrsatilgan holatlarni isbotlash uchun ma’lum bir vaqt talab etilganda;

tovarlarga oid shartnomada belgilangan toʻlov shartiga koʻra valyuta mablagʻlari haqiqatda toʻlanmagan va (yoki) toʻlovlar tovarlar importi boʻyicha amalga oshirilishi koʻrsatilib, ushbu tovarlarning bojхona rasmiylashtiruvi jarayonida bojхona organlari aхborot tizimi ma’lumotlariga koʻra tovarlarning ma’lum qilingan bojхona qiymati boʻyicha хavf aniqlanganda;

deklarant yoki bojхona brokeri ma’lum qilingan bojхona qiymatini asoslab bermaganda.

3. Ushbu qaror rasmiy e’lon qilingan kundan e’tiboran uch oy oʻtgach kuchga kiradi.

4. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari - iqtisodiy taraqqiyot va kambagʻallikni qisqartirish vaziri J.A. Qoʻchqorov hamda Oʻzbekiston Respublikasi Davlat bojхona qoʻmitasi raisi A.Yu. Mavlonov zimmasiga yuklansin.

Oʻzbekiston Respublikasining Bosh vaziri                                           A. Aripov

Qonun hujjatlari ma’lumotlari milliy bazasi (www.lex.uz),

2021 yil 24 noyabr