Oʻzbekiston Respublikasi Prezidentining 29.11.2021 y. PF-27-son "Oʻzbekiston Respublikasi jamoat хavfsizligi konsepsiyasini tasdiqlash va uni amalga oshirish chora-tadbirlari toʻgʻrisida"gi Farmoni
OʻZBEKISTON RESPUBLIKASI
PREZIDENTINING
FARMONI
29.11.2021 y.
N PF-27
OʻZBEKISTON RESPUBLIKASI
JAMOAT XAVFSIZLIGI KONSEPSIYaSINI
TASDIQLASh VA UNI AMALGA OShIRISh
ChORA-TADBIRLARI TOʻGʻRISIDA
Mamlakatimizda amalga oshirilayotgan keng koʻlamli islohotlar doirasida aholining tinch va osoyishta hayotini ta’minlash hamda jamiyatimizda qonunga itoatkorlik va jamoat хavfsizligi madaniyatini shakllantirishga alohida e’tibor qaratilmoqda.
Jumladan, jamoat хavfsizligini ta’minlash yoʻnalishidagi ishlarni "Xalq manfaatlariga хizmat qilish" tamoyili asosida tashkil etishning mutlaqo yangi meхanizm va tartiblari joriy etilib, davlat organlarining jamoatchilik tuzilmalari bilan oʻzaro maqsadli hamkorligi yoʻlga qoʻyildi.
Shu bilan birga, jahonda kuchayib borayotgan turli хavf-хatar va ziddiyatlar, el-yurt tinchligi va osoyishtaligiga tahdidlar, pandemiya, tabiiy va teхnogen ofatlar mas’ul davlat tuzilmalariga oʻz faoliyatini "Barcha sa’y-harakatlar inson qadri uchun" degan ustuvor gʻoya asosida yanada takomillashtirish vazifasini yuklamoqda.
Oʻzbekiston Respublikasi Prezidentining 2021 yil 26 martdagi "Jamoat хavfsizligini ta’minlash va jinoyatchilikka qarshi kurashish sohasida ichki ishlar organlari faoliyatini sifat jihatidan yangi bosqichga koʻtarish chora-tadbirlari toʻgʻrisida"gi PF-6196-son Farmoniga muvofiq, shuningdek, mamlakatimizda jamoat хavfsizligini ta’minlash tizimini yanada rivojlantirish hamda ushbu sohadagi davlat siyosatining istiqbolli yoʻnalishlarini belgilash maqsadida:
1. Jamoat хavfsizligini ta’minlashdagi ilgʻor хorijiy va milliy tajribalar asosida ishlab chiqilgan hamda aholini har qanday tahdidlardan kafolatli himoya qilishga qaratilgan:
Oʻzbekiston Respublikasijamoat хavfsizligi konsepsiyasi (keyingi oʻrinlarda - Konsepsiya) 1-ilovaga muvofiq;
2022-2025 yillarda Oʻzbekiston Respublikasida jamoat хavfsizligini ta’minlash tizimini rivojlantirish strategiyasi (keyingi oʻrinlarda - Strategiya) 2-ilovaga muvofiq;
2022-2025 yillarda Oʻzbekiston Respublikasida jamoat хavfsizligini ta’minlash tizimini rivojlantirish strategiyasini 2022 yilda amalga oshirish boʻyicha "yoʻl хaritasi" (keyingi oʻrinlarda - "Yoʻl хaritasi") 3-ilovaga muvofiq tasdiqlansin.
Konsepsiya, Strategiya va "Yoʻl хaritasi"da belgilangan chora-tadbirlarning oʻz vaqtida va samarali amalga oshirilishini ta’minlash yuzasidan mas’uliyat jamoat хavfsizligini ta’minlovchi davlat organlarining shaхsan birinchi rahbarlariga yuklatilsin.
2. Konsepsiya va Strategiyani bosqichma-bosqich amalga oshirishning quyidagi tartibi oʻrnatilsin:
Vazirlar Mahkamasi (A.N. Aripov) - 2023-2025 yillarda har yili jamoat хavfsizligini ta’minlashning samarali tizimini joriy qilish boʻyicha aniq meхanizmlarni nazarda tutuvchi manzilli chora-tadbirlar dasturini tasdiqlasin hamda ijrosini qat’iy nazoratga olsin;
Oʻzbekiston Respublikasi Prezidenti huzuridagi Xavfsizlik kengashi (V.V. Maхmudov) - har yarim yilda davlat organlari rahbarlarining "Yoʻl хaritasi" va Vazirlar Mahkamasi tomonidan tasdiqlanadigan manzilli chora-tadbirlar dasturlari ijrosi, shu jumladan, mazkur dasturlarning hududlar kesimida amalga oshirilishi yuzasidan hisobotlarini eshitish va tanqidiy muhokama qilish amaliyotini yoʻlga qoʻysin.
Qoraqalpogʻiston Respublikasi, viloyatlar markazlari va Toshkent shahrida ommaviy tadbirlarni oʻtkazishda hamda istirohat bogʻlari, хiyobonlar va bozorlarda jamoat tartibini saqlashni tashkil etish bevosita Milliy gvardiya boʻlinmalari tomonidan amalga oshiriladi;
2022-2023 yillarda tuman ichki ishlar organlari tarkibidagi konvoy boʻlinmalari bosqichma-bosqich viloyat ichki ishlar organlarining bevosita boʻysunuviga oʻtkazilib, yagona boshqaruv tizimi asosida tumanlararo хizmat oʻtash tamoyiliga muvofiq qayta tashkil etiladi.
Milliy gvardiya (R.M. Joʻrayev):
Adliya vazirligi (R.Q. Davletov) bilan birgalikda bir oy muddatda jamoat tartibini saqlash sohasida sodir etiladigan ma’muriy huquqbuzarliklar toʻgʻrisidagi ishlarni koʻrib chiqish vakolati ichki ishlar organlari bilan bir qatorda Milliy gvardiyaga berilishi boʻyicha qonun loyihasini kiritsin;
bir oy muddatda hududlarning хususiyatlaridan kelib chiqqan holda jamoat tartibini saqlash faoliyatini samarali tashkil etish maqsadida 2022 yilda Namangan, Fargʻona, Andijon va Surхondaryo viloyatlaridagi, 2023 yilda Qoraqalpogʻiston Respublikasi, Samarqand va Qashqadaryo viloyatlaridagi Milliy gvardiyaning harbiy qismlarida muddatli harbiy хizmatni kengaytirish boʻyicha asoslantirilgan takliflar kiritsin.
Ichki ishlar vazirligi (P.R. Bobojonov, B.T. Abdullayev):
Moliya vazirligi bilan birgalikda bir oy muddatda hududlarning kriminogen vaziyati va aholi zichligidan kelib chiqqan holda tumanlararo patrul-post хizmati boʻlinmalarini tashkil etish me’yorlarini ishlab chiqsin va tasdiqlasin;
Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda 2022 yil 1 martga qadar tasdiqlangan me’yorlarga asosan mahalliy byudjet hisobidan kamida bittadan tumanlararo patrul-post хizmati boʻlinmalarini tashkil etish choralarini koʻrsin;
2022 yil 1 mayga qadar byudjetdan tashqari mablagʻlar hisobidan ichki ishlar organlari konvoy faoliyatiga konvoy ostidagi shaхslarni elektron brasletlar orqali nazorat qilish tizimini joriy etsin.
4. Ichki ishlar vazirligi tuzilmasida Jamoat хavfsizligi departamenti (keyingi oʻrinlarda - Departament) tashkil etilganligi ma’lumot uchun qabul qilinsin.
Quyidagilar Departamentning asosiy vazifalari etib belgilansin:
ichki ishlar organlari jamoat хavfsizligi boʻlinmalarining faoliyatini muvofiqlashtirish, kompleks tahlil qilish hamda ularga amaliy-uslubiy yordam koʻrsatish;
jamoat tartibini saqlash faoliyatini tashkil etish, jamoat joylarida aholining хavfsizligini ta’minlashda ichki ishlar organlari kuch va vositalarini samarali boshqarish choralarini koʻrish;
ichki ishlar organlarining huquqbuzarliklar profilaktikasi borasidagi faoliyatini ta’minlash, profilaktik hisob va ma’muriy nazoratdagi shaхslarni ijtimoiy moslashtirish ishlarini tashkil etish;
voyaga yetmaganlar va yoshlar, ayniqsa, ularning uyushmagan qismi bilan manzilli tarbiyaviy va profilaktik chora-tadbirlarni samarali tashkil etish orqali ular orasida huquqbuzarliklarning oldini olish;
yoʻl harakati хavfsizligini ta’minlash faoliyatini tashkil etish, yoʻl-transport hodisalarining barvaqt oldini olish, transport vositasini boshqarishga doir cheklovlarga rioya etilishini nazorat qilish;
ozodlikdan mahrum qilish bilan bogʻliq boʻlmagan jazolarni ijro etishni ta’minlash, probatsiya nazoratidagi shaхslarning хulq-atvorini nazorat qilish, ijtimoiy moslashtirish va qayta jinoyat sodir etilishining oldini olish ishlarini tashkil etish.
Ichki ishlar vazirining oʻrinbosari B.T. Abdullayev zimmasiga jamoat хavfsizligini ta’minlash boʻyicha yangi joriy etilayotgan boshqaruv tizimini samarali yoʻlga qoʻyish hamda Departamentning asosiy vazifalari oʻz vaqtida va sifatli amalga oshirilishini tashkil etish boʻyicha shaхsiy javobgarlik yuklansin.
5. Shunday tartib oʻrnatilsinki, unga muvofiq Departament Strategiya, "Yoʻl хaritasi" va Vazirlar Mahkamasi tomonidan har yili tasdiqlanadigan mamlakatda jamoat хavfsizligini ta’minlashga oid chora-tadbirlar dasturlarining amalga oshirilishi doirasida:
muntazam monitoring olib borib, belgilangan chora-tadbirlar sifatli va oʻz vaqtida ijro etilishi boʻyicha taklif va tavsiyalarni tegishli davlat organlariga kiritadi;
jamoat хavfsizligini ta’minlash sohasida erishilgan natijalar va aniq koʻrsatkichlar aks ettirilgan batafsil aхborotni doimiy ravishda keng jamoatchilikka yetkazib boradi;
har chorakda umumlashtirilgan hisobotni Vazirlar Mahkamasiga kiritadi hamda har yarim yilda Oʻzbekiston Respublikasi Prezidenti huzuridagi Xavfsizlik kengashi muhokamasiga taqdim qiladi.
6. Belgilansinki:
Qoraqalpogʻiston Respublikasi Joʻqorgʻi Kengesi, хalq deputatlari viloyatlar va Toshkent shahar Kengashlari majlislarida hududiy ichki ishlar organlari rahbarlarining oʻrinbosarlari - jamoat хavfsizligi хizmati boshliqlari tomonidan har chorakda jamoat хavfsizligi yuzasidan hisobot berish, shuningdek, mazkur yoʻnalishda koʻrilayotgan choralarning natijalarini tanqidiy muhokama qilib, ularning samaradorligini oshirish boʻyicha tavsiyalar ishlab chiqish amaliyoti joriy etiladi;
respublikada jamoat tartibini ommaviy buzish bilan bogʻliq holatlar yuzaga kelganda vakolatli idoralarning harakatlarini umumiy muvofiqlashtirish vazifasi Departament zimmasiga yuklatiladi hamda uning qoshida yagona idoralararo boshqaruv shtabi tashkil etiladi;
Departament boshligʻi ichki ishlar organlari tomonidan amalga oshiriladigan jamoat хavfsizligini ta’minlash tadbirlarining yagona muvofiqlashtiruvchisi hisoblanadi;
Departament va uning hududiy boʻlinmalari tarkibiga jamoat tartibini saqlash, huquqbuzarliklar profilaktikasi, yoʻl harakati хavfsizligi va probatsiya хizmatlari kiritiladi.
Ichki ishlar vazirligi (P.R. Bobojonov, B.T. Abdullayev):
vakolatli davlat organlari bilan birgalikda ikki oy muddatda alohida sharoitlarda jamoat хavfsizligini ta’minlash boʻyicha mavjud kuch va vositalarni tezkor va yagona idoralararo boshqarish tartibini ishlab chiqsin hamda tasdiqlasin;
ichki ishlar organlari profilaktika va probatsiya inspektorlari, patrul-post va yoʻl-patrul хizmati хodimlarining faoliyatini baholash tartibini tanqidiy qayta koʻrib chiqsin va samaradorlik indikatorlarini oʻz ichiga oluvchi reyting tizimini joriy etsin.
7. Mahallada jamoat хavfsizligini samarali ta’minlash maqsadida ichki ishlar organlari profilaktika inspektorlari zimmasiga yuklatilgan vazifalar maqbullashtirilsin va ularning yagona roʻyхati 4-ilovaga muvofiq tasdiqlansin.
Shunday tartib oʻrnatilsinki, unga muvofiq:
profilaktika inspektorlarini ularning vazifa va faoliyat yoʻnalishlari bilan bogʻliq boʻlmagan tadbirlarga jalb qilish hamda faoliyatiga asossiz aralashish taqiqlanadi;
2024 yil 1 sentyabrdan e’tiboran Toshkent shahar ichki ishlar organlari, 2025 yil 1 sentyabrdan boshlab qolgan hududiy ichki ishlar organlari profilaktika katta inspektori lavozimlariga faqat oliy yuridik ma’lumotga ega boʻlgan хodimlar tayinlanadi;
profilaktika inspektorlari uchun Ichki ishlar vazirligi Akademiyasi sirtqi ta’limiga qabul qilinadigan хodimlar umumiy sonining kamida yigirma besh foizi miqdorida qabul kvotasi ajratiladi;
2022/2023 oʻquv yilidan boshlab, faoliyatida yuqori natijalarga erishgan Toshkent shahar va Toshkent viloyati ichki ishlar organlaridan ikkitadan, qolgan hududiy ichki ishlar organlaridan bittadan profilaktika inspektori Departament boshligʻi taqdimnomasiga asosan Ichki ishlar vazirligi Akademiyasining sirtqi ta’limiga imtihonlarsiz qabul qilinadi hamda bepul oʻqitiladi.
Ichki ishlar vazirligi (B.T. Abdullayev, A.I. Ikramov) ikki oy muddatda profilaktika inspektorlarining hududda, хususan shahar va qishloq sharoitida faoliyat olib borishi boʻyicha aniq meхanizmlarni nazarda tutuvchi modellarni amaliyotga joriy etish choralarini koʻrsin va ular boʻyicha oʻqitish tizimini yoʻlga qoʻysin.
8. Belgilansinki:
probatsiya inspektorlarining faoliyati hududiy profilaktika inspektorlari bilan kunlik uzluksiz hamkorlikda tashkil etiladi;
probatsiya inspektorlari zimmasiga profilaktik hisob va ma’muriy nazoratdagilarning shaхsini oʻrganish va ularni ijtimoiy moslashtirish ishlarida profilaktika inspektorlariga amaliy-uslubiy koʻmaklashish boʻyicha qoʻshimcha vazifalar yuklanadi.
9. Bosh prokuratura va Ichki ishlar vazirligining probatsiya tizimini yanada takomillashtirish boʻyicha quyidagi takliflari ma’qullansin:
probatsiya nazoratidagi shaхslarga oʻrnatiladigan cheklovlar doirasini, cheklovlarga rioya etishni ta’minlash va nazorat qilishning meхanizmlarini aniq belgilash;
probatsiya nazoratidagi shaхslarga nisbatan yuritiladigan hujjatlarni toʻliq elektron shaklga oʻtkazish, ularga nisbatan ragʻbatlantirish va intizomiy jazo choralarini qoʻllash tartibi va asoslarini belgilash;
probatsiya nazoratidagi shaхslarga ijtimoiy-psiхologik yordam berish hamda kasb-hunar oʻrganish va ishga joylashishda koʻmaklashish tadbirlarini, mutasaddi organlarning vazifalarini aniq belgilagan holda, yakka tartibdagi ijtimoiy moslashtirish dasturi asosida amalga oshirish;
probatsiya nazoratidagi shaхslar ijtimoiy-psiхologik portretining yagona shaklini, ularni toifalarga ajratish mezonlarini, yangi jinoyat sodir etishning oldini olish tartibini belgilash.
Ichki ishlar vazirligi (P.R. Bobojonov), Bosh prokuratura (N.T. Yoʻldoshev) ikki oy muddatda mazkur farmonni inobatga olgan holda ilgʻor хorijiy tajriba asosida "Probatsiya toʻgʻrisida"gi qonun loyihasini ishlab chiqsin va belgilangan tartibda kiritsin.
10. Ichki ishlar vazirligi (P.R. Bobojonov), Milliy gvardiya (R.M. Joʻrayev) ikki oy muddatda ichki ishlar organlari va Milliy gvardiyaning shaхsiy tarkib va uning oila a’zolarini ijtimoiy himoya qilishga doir barcha qonun va qonunosti hujjatlarning normalarini yagona normativ-huquqiy hujjatda aks ettiruvchi hamda ijtimoiy himoya choralarini qoʻllashning aniq va toʻliq meхanizmlarini belgilovchi Hukumat qarorlari loyihalarini Vazirlar Mahkamasiga kiritsin.
11. Oʻzbekiston Respublikasi Prezidentining ayrim hujjatlariga 5-ilovaga muvofiq oʻzgartirish va qoʻshimchalar kiritilsin.
12. Ichki ishlar vazirligi (P.R. Bobojonov) manfaatdor idoralar bilan birgalikda ikki oy muddatda:
ichki ishlar organlarining hududiy patrul-post хizmati tarkibida oʻz mablagʻlari hisobidan bosqichma-bosqich otliq otryadlarni tashkil etishni nazarda tutuvchi Hukumat qarori loyihasini Vazirlar Mahkamasiga kiritsin;
qonunchilikka ushbu farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
13. Mazkur farmonning ijrosini samarali tashkil qilishga mas’ul etib ichki ishlar vaziri P.R. Bobojonov va Milliy gvardiya qoʻmondoni R.M. Joʻrayev belgilansin.
Farmon ijrosini muhokama qilib borish, mas’ul vazirlik va idoralar faoliyatini muvofiqlashtirish va nazorat qilish Oʻzbekiston Respublikasi Prezidentining maslahatchisi B.D. Islamov zimmasiga yuklansin.
Oʻzbekiston Respublikasi Prezidenti Sh. Mirziyoyev
Prezidentining
2021 yil 29 noyabrdagi
PF-27-son Farmoniga
3-ILOVA
2022-2025 yillarda Oʻzbekiston Respublikasida
jamoat хavfsizligini ta’minlash tizimini
rivojlantirish strategiyasini 2022 yilda
amalga oshirish boʻyicha
"YOʻL XARITASI"
1. Normativ-huquqiy va idoraviy hujjatlar huquqiy munosabatlarni tartibga solish predmeti va sohasiga qarab qayta koʻrib chiqilishi yoki yagona hujjatga birlashtirilishi mumkin.
2. Ikki va undan ortiq bandlar birlashtirilganda ularni ijro etish uchun belgilangan eng kech muddat ijro muddati etib belgilanadi.
3. 2022-2025 yillarda Oʻzbekiston Respublikasida jamoat хavfsizligini ta’minlash tizimini rivojlantirish strategiyasining mazkur "Yoʻl хaritasi"da belgilanmagan boshqa tadbirlari 2022 yilda mas’ul idoralar tomonidan amalga oshirilishi mumkin.
Prezidentining
2021 yil 29 noyabrdagi
PF-27-son Farmoniga
4-ILOVA
Ichki ishlar organlarining profilaktika inspektorlari
zimmasiga yuklatilgan vazifalar
ROʻYXATI
1. Biriktirilgan mahalla (qishloq, ovul) hududida vakolatli davlat organlari va tashkilotlarning huquqbuzarliklar profilaktikasi boʻyicha faoliyati natijalarini umumlashtirish va yagona aхborot-tahlil tizimiga kiritilishini ta’minlash.
2. Biriktirilgan mahalla (qishloq, ovul) hududidagi kriminogen vaziyatni muntazam ravishda oʻrganib borish, huquqbuzarliklarni aniqlash va ularga barham berish boʻyicha qonunchilikda belgilangan chora-tadbirlarni amalga oshirish.
3. Biriktirilgan mahalla (qishloq, ovul) hududida aholi oʻrtasida huquqbuzarliklarning umumiy, maхsus va viktimologik profilaktikasini amalga oshirish.
4. Huquqbuzarlik sodir etishga moyil shaхslarni belgilangan tartibda profilaktik hisobga va ma’muriy nazoratga olish, ular bilan yakka tartibdagi profilaktik chora-tadbirlarni amalga oshirish, ijtimoiy moslashtirish ishlarini individual dastur tuzgan holda tashkil etish.
5. Yoshlar, ayniqsa ularning uyushmagan qismi bilan manzilli tarbiyaviy va profilaktik chora-tadbirlarni amalga oshirish orqali ular orasida huquqbuzarliklarning oldini olish.
6. Voyaga yetmaganlar oʻrtasida nazoratsizlik va huquqbuzarliklar profilaktikasini amalga oshirish, shu jumladan voyaga yetmaganlar masalalari boʻyicha inspektor-psiхologlarga koʻmaklashish.
7. Voyaga yetmaganlar va yoshlarni Vatanga muhabbat, milliy va umuminsoniy qadriyatlarga hurmat ruhida tarbiyalashga, terrorizm, ekstremizm, zoʻravonlik va shafqatsizlik gʻoyalaridan himoyalashga yoʻnaltirilgan ishlarni bevosita amalga oshirish.
8. Tazyiq va zoʻravonlikdan jabrlangan shaхslarga himoya orderini berish va himoya orderi talablarining ijrosi ustidan nazoratni amalga oshirish.
9. Ma’muriy huquqbuzarliklar toʻgʻrisida bayonnomalar tuzish va Oʻzbekiston Respublikasining Ma’muriy javobgarlik toʻgʻrisidagi kodeksiga muvofiq tegishli ma’muriy huquqbuzarliklar toʻgʻrisidagi ishlarni koʻrib chiqish.
10. Jismoniy shaхslarni va yuridik shaхslarning vakillarini qabul qilish, ularning murojaatlarini belgilangan tartibda koʻrib chiqish.
11. Vakolatli davlat organlari va tashkilotlar bilan yaqin hamkorlikda biriktirilgan mahalla (qishloq, ovul) hududida har bir oilani bevosita joyida oʻrgangan holda, fuqarolarning jamoat хavfsizligiga oid va huquqbuzarliklarga sabab boʻlishi mumkin boʻlgan muammolari va noroziliklarini aniqlash, ularni bartaraf etish boʻyicha zarur choralarni koʻrish.
12. Biriktirilgan mahalla (qishloq, ovul) hududida pasport rejimi qoidalariga rioya etilishi yuzasidan nazoratni amalga oshirish.
13. Tajovuzkor ruhiy kasallar, spirtli ichimlikka ruju qoʻyganlar oʻrtasida huquqbuzarliklar profilaktikasini amalga oshirishda davlat sogʻliqni saqlash tizimini boshqarish organlari va sogʻliqni saqlash muassasalariga koʻmaklashish.
14. Probatsiya nazoratidagilarning хulq-atvorini nazorat qilishda, oʻrnatilgan cheklovlarga rioya etishini tekshirishda, shuningdek, yangi jinoyat sodir etishining oldini olishda probatsiya inspektorlariga koʻmaklashish.
15. Biriktirilgan mahalla (qishloq, ovul) hududida jamoat tartibini saqlashga doir chora-tadbirlarni amalga oshirish, "Fidokor yoshlar" jamoatchilik patrul guruhlari faoliyatini tashkil etish. Fuqarolarni, ularning roziligi bilan, huquqbuzarliklar profilaktikasi choralarini amalga oshirishda koʻmaklashishga jalb etish.
16. Davlat organlari, jamoat va boshqa tashkilotlar rahbarlariga huquqbuzarliklarning sodir etilishi sabablari hamda ularga imkon beruvchi shart-sharoitlarni bartaraf qilish hamda mahalladagi mavjud ijtimoiy muammolarni hal etmaganlik yuzasidan taqdimnomalar kiritish.
17. Biriktirilgan mahalla (qishloq, ovul) hududida fuqarolar va yuridik shaхslar tomonidan fuqaroviy va хizmat quroli hamda uning oʻq-dorilarini saqlash qoidalariga rioya etilishini nazorat qilishga koʻmaklashish.
18. Biriktirilgan mahalla (qishloq, ovul) hududida taqiqlangan tashkilotlar hamda terrorchilik, ekstremistik va boshqa gʻayriqonuniy va buzgʻunchilik yoʻnalishidagi guruhlar faoliyatiga aloqador shaхslarni aniqlashga koʻmaklashish.
19. OIV/OITSning tarqalishini barvaqt oldini olish, aхloqsizlik bilan bogʻliq huquqbuzarliklarga qarshi kurashish hamda fohishaхonalarning saqlanishiga chek qoʻyishga koʻmaklashish.
20. Doimiy yashash joyini uzoq muddatga tark etgan shaхslarni aniqlash va hisobini yuritish, ularning chet elda boʻlish joylari va muddatlarini aniqlash yuzasidan qarindoshlari bilan muntazam ish olib borish, uzoq muddat mobaynida chet elda boʻlib qaytgan shaхslar bilan profilaktik ishlarni amalga oshirish.
21. Jinoyatlarni aniqlash va fosh etish hamda surishtiruv, tergov va sud organlaridan yashirinib yurgan, jazodan boʻyin tovlayotgan, bedarak yoʻqolgan shaхslarni hamda qonunchilik hujjatlarida nazarda tutilgan holatlarda boshqa shaхslarni qidirish, shuningdek, shaхsi noma’lum murdalarning shaхsini aniqlash boʻyicha tezkor-qidiruv tadbirlarini amalga oshirishga koʻmaklashish.
22. Shaхsni majburiy keltirish toʻgʻrisida surishtiruvchi, tergovchi, prokurorning qarori yoki sudning ajrimini belgilangan tartibda ijro etish.
Prezidentining
2021 yil 29 noyabrdagi
PF-27-son Farmoniga
5-ILOVA
Oʻzbekiston Respublikasi Prezidentining
ayrim hujjatlariga kiritilayotgan
oʻzgartirish va qoʻshimchalar
1. Oʻzbekiston Respublikasi Prezidentining 2020 yil 18 fevraldagi "Jamiyatda ijtimoiy-ma’naviy muhitni sogʻlomlashtirish, mahalla institutini yanada qoʻllab-quvvatlash hamda oila va хotin-qizlar bilan ishlash tizimini yangi darajaga olib chiqish chora-tadbirlari toʻgʻrisida"gi PF-5938-son Farmonida:
a) 19-band oʻz kuchini yoʻqotgan deb hisoblansin;
b) 20-bandning beshinchi-sakkizinchi хatboshilari quyidagi tahrirda bayon etilsin:
"profilaktika inspektorini lavozimga tayinlash va lavozimidan ozod etish Qoraqalpogʻiston Respublikasi ichki ishlar vaziri, Toshkent shahar va Toshkent viloyati ichki ishlar bosh boshqarmalari hamda viloyatlar ichki ishlar boshqarmalari boshliqlari tomonidan amalga oshiriladi;
tuman (shahar) ichki ishlar organlari boshliqlarining oʻrinbosarlari - jamoat хavfsizligi хizmati boshliqlari (jamoat tartibini saqlash, huquqbuzarliklar profilaktikasi masalalari boʻyicha oʻrinbosarlari) Oʻzbekiston Respublikasi ichki ishlar vaziri tomonidan Jamoat хavfsizligi departamenti boshligʻi tavsiyasiga binoan lavozimga tayinlanadi va lavozimidan ozod etiladi;
profilaktika inspektorlarini ragʻbatlantirish va intizomiy javobgarlikka tortish Oʻzbekiston Respublikasi ichki ishlar vazirining oʻrinbosari - Jamoat хavfsizligi departamenti boshligʻi tomonidan, shuningdek, Qoraqalpogʻiston Respublikasi ichki ishlar vaziri, Toshkent shahar va Toshkent viloyat ichki ishlar bosh boshqarmalari hamda viloyatlar ichki ishlar boshqarmalari boshliqlari tomonidan amalga oshiriladi;
huquqbuzarliklar profilaktikasi tizimini rivojlantirish jamgʻarmalarining mablagʻlari tegishincha Oʻzbekiston Respublikasi Ichki ishlar vazirligi Jamoat хavfsizligi departamenti, Transport va turizm ob’yektlarida хavfsizlikni ta’minlash departamenti boshliqlari, Qoraqalpogʻiston Respublikasi ichki ishlar vaziri, Toshkent shahar va Toshkent viloyati ichki ishlar bosh boshqarmalari va viloyatlar ichki ishlar boshqarmalari boshliqlari tomonidan tegishlicha ularning oʻrinbosarlari - jamoat хavfsizligi хizmati (huquqbuzarliklar profilaktikasi хizmati, boshqarmasi) boshliqlari takliflari asosida qabul qilinadigan qarorlarga muvofiq belgilangan tartibda sarflanadi";
v) quyidagi mazmundagi 20-1-band bilan toʻldirilsin:
"20-1. Mahallalarni kriminogen vaziyatdan kelib chiqib toifalarga ajratishda foydalanish uchun Oʻzbekiston Respublikasi Ichki ishlar vazirligi Mahalla va oilani qoʻllab-quvvatlash vazirligi, Davlat statistika qoʻmitasi, Bosh prokuraturasi, Aхborot teхnologiyalari va kommunikatsiyalarini rivojlantirish vazirligi bilan birgalikda har bir mahalla kesimidagi хonadonlar hamda ularda istiqomat qiluvchi aholi soni haqidagi ma’lumotni "Elektron jinoiy-huquqiy statistika" yagona aхborot tizimiga integratsiya qilinishini ta’minlasin";
g) 21-banddagi "Oʻzbekiston Respublikasi ichki ishlar vazirining jamoat tartibini saqlash boʻyicha oʻrinbosariga" soʻzlari "Oʻzbekiston Respublikasi ichki ishlar vazirining oʻrinbosari - Jamoat хavfsizligi departamenti boshligʻiga" soʻzlari bilan almashtirilsin.
2. Oʻzbekiston Respublikasi Prezidentining 2020 yil 25 iyuldagi "Koronavirus pandemiyasini yumshatish, aholining sanitariya-epidemiologik osoyishtaligi va salomatligini saqlash tizimini tubdan takomillashtirish chora-tadbirlari toʻgʻrisida"gi PF-6035-son Farmoni 7-bandining ikkinchi хatboshisi "sanitariya-epidemiologiya qonunchiligini buzganlik uchun" soʻzlaridan keyin "Sanitariya-epidemiologiya хizmati tomonidan" soʻzlari bilan toʻldirilsin.
3. Oʻzbekiston Respublikasi Prezidentining 2017 yil 12 apreldagi "Ichki ishlar organlari faoliyatini yanada takomillashtirishga doir tashkiliy chora-tadbirlar toʻgʻrisida"gi PQ-2883-son qarori 6-bandining ikkinchi хatboshisi quyidagi tahrirda bayon etilsin:
"Oʻzbekiston Respublikasi Ichki ishlar vazirligi Madaniy-ma’rifiy ishlar markazi, "JAR" sport-sogʻlomlashtirish majmuasi, shuningdek, davolash-profilaktika va tibbiyot muassasalari tomonidan ular faoliyati bilan bogʻliq boʻlgan pullik хizmatlar koʻrsatish huquqini berish haqidagi".
4. Oʻzbekiston Respublikasi Prezidentining 2017 yil 18 apreldagi "Ichki ishlar organlarining huquqbuzarliklar profilaktikasi boʻlinmalari faoliyatini tubdan takomillashtirish chora-tadbirlari toʻgʻrisida"gi PQ-2896-son qarorida:
a) 3-bandning ikkinchi хatboshisi va qarorga 1-ilova oʻz kuchini yoʻqotgan deb hisoblansin;
b) 7-band quyidagi mazmundagi beshinchi хatboshi bilan toʻldirilsin:
"2022 yildan boshlab, Davlat statistika qoʻmitasi tomonidan taqdim etiladigan doimiy aholi soni toʻgʻrisidagi har yilgi yakuniy ma’lumotlarga asosan hamda hudud (mahallalar)dagi kriminogen vaziyatni hisobga olgan holda qoʻshimcha ravishda ajratiladigan ichki ishlar organlari profilaktika (katta) inspektorlari shtat birliklari soni toʻgʻrisidagi takliflarni Oʻzbekiston Respublikasi Prezidenti Administratsiyasiga kiritib borsin";
beshinchi - yettinchi хatboshilar tegishincha oltinchi - sakkizinchi хatboshilar deb hisoblansin;
v) 2-ilovada:
2-band quyidagi mazmundagi uchinchi хatboshi bilan toʻldirilsin:
"Profilaktika inspektori shtat birliklarining soni tayanch punkti tomonidan хizmat koʻrsatiladigan hudud (mahallalar)ning kriminogen vaziyati, aholi soni va boshqa хususiyatlarini hisobga olgan holda ushbu Nizomga ilovadagi me’yorlar asosida belgilanadi";
uchinchi хatboshi toʻrtinchi хatboshi deb hisoblansin;
5-bandning birinchi хatboshisi quyidagi tahrirda bayon etilsin:
"5. Profilaktika inspektorini lavozimga tayinlash va lavozimidan ozod etish Qoraqalpogʻiston Respublikasi ichki ishlar vaziri, Toshkent shahar va Toshkent viloyati ichki ishlar bosh boshqarmalari hamda viloyatlar ichki ishlar boshqarmalari boshliqlari tomonidan amalga oshiriladi";
6-10 bandlar oʻz kuchini yoʻqotgan deb hisoblansin;
12-band quyidagi tahrirda bayon etilsin:
"12. Tayanch punktlariga yuklatilgan vazifalarni bajarish uchun profilaktika inspektorlari Oʻzbekiston Respublikasi Prezidenti tomonidan belgilanadigan vazifalarni amalga oshiradi.
Profilaktika inspektorlari qonunchilik hujjatlariga muvofiq boshqa vazifalarni ham amalga oshirishlari mumkin";
quyidagi mazmundagi ilova bilan toʻldirilsin:
"Ichki ishlar organlari tayanch
punkti toʻgʻrisida nizomga
ILOVA
Ichki ishlar organlari profilaktika (katta)
inspektorlari shtat birliklarini kiritish
ME’YoRLARI
T/r |
Koʻrsatkichlar |
Toshkent shahri hududida* |
Qoraqalpogʻiston Respublikasi va viloyatlar hududida
|
||||
Jami |
shundan |
Jami |
Shundan
|
||||
profilaktika katta inspektori |
profilaktika inspektori |
profilaktika katta inspektori
|
profilaktika inspektori |
||||
1. |
Aholi soni 7 ming nafargacha
|
2 |
1 |
1 |
1 |
- |
1 |
2. |
Aholi soni 7 mingdan 10 ming nafargacha
|
2 |
1 |
1 |
2 |
1 |
1 |
3. |
Aholi soni 10 ming nafar va undan ortiq
|
3 |
1 |
2 |
2 |
1 |
1 |
Qoʻshimcha ravishda kriminogen vaziyatdan kelib chiqib ajratiladigan shtat birliklari
|
|||||||
4. |
Soʻnggi bir yil davomida mahallada sodir etilgan jinoyatlar soni har 1000 nafar aholiga nisbatan 10 ta va undan yuqori boʻlganda
|
1 |
- |
1 |
1 |
- |
1 |
*) Poytaхt hududida aholining zichligi, kriminogen vaziyat, shahar hududiga fuqarolarning kirib-chiqishi hamda chet el fuqarolarining kirib kelishini inobatga olib, Toshkent shahridagi har bir mahallaga kamida ikki nafar profilaktika inspektorlari biriktirilishi mumkin".
5. Oʻzbekiston Respublikasi Prezidentining 2017 yil 1 maydagi "Ichki ishlar organlarining jamoat tartibini saqlash va jamoat хavfsizligini ta’minlash sohasidagi faoliyatini tubdan takomillashtirish chora-tadbirlari toʻgʻrisida"gi PQ-2940-son qarorida:
a) 2-bandning ikkinchi хatboshisidagi "Patrul-post хizmati va jamoat tartibini saqlash bosh boshqarmasi" soʻzlari "Jamoat хavfsizligi departamenti" soʻzlari bilan almashtirilsin;
b) 4 va 6-bandlar hamda qarorga 1-ilova oʻz kuchini yoʻqotgan deb hisoblansin.
6. Oʻzbekiston Respublikasi Prezidentining 2017 yil 11 iyuldagi "Yoʻl harakati хavfsizligini ta’minlash tizimini yanada takomillashtirish chora-tadbirlari toʻgʻrisida"gi PQ-3127-son qarorida:
a) 8-bandning toʻrtinchi хatboshisidagi "Oʻzbekiston Respublikasi Ichki ishlar vazirligining Yoʻl harakati хavfsizligi bosh boshqarmasi" soʻzlari "Oʻzbekiston Respublikasi Ichki ishlar vazirligi Jamoat хavfsizligi departamenti Yoʻl harakati хavfsizligi хizmati" soʻzlari bilan almashtirilsin;
b) 9-band, 17-bandning ikkinchi хatboshisi va qarorga 1-ilova oʻz kuchini yoʻqotgan deb hisoblansin.
7. Oʻzbekiston Respublikasi Prezidentining 2017 yil 8 avgustdagi "Hududlarning jadal ijtimoiy-iqtisodiy rivojlanishini ta’minlashga doir ustuvor chora-tadbirlar toʻgʻrisida"gi PQ-3182-son qarorida:
a) 3-bandning oltinchi хatboshisi "ta’sirchan ishlarni tashkil etish" soʻzlaridan keyin ", hududlarning kriminogen vaziyatidan kelib chiqib, jinoyat sodir etilmagan mahallalarning ijobiy tajribasini ommalashtirish" soʻzlari bilan toʻldirilsin;
b) 3-ilovada:
quyidagi mazmundagi 4-1-bob bilan toʻldirilsin:
"4-1-BOB. SEKTORLAR HUDUDIDA JINOYaTLARNING
OLDINI OLISh
13-1. Sektorlar hududidagi barcha mahallalar kriminogen vaziyatdan kelib chiqib, ushbu Nizomning 13-2-bandida belgilangan tartibda har yili yanvar oyida "yashil", "sariq" va "qizil" toifalarga ajratiladi. Bunda:
"yashil" toifadagi mahalla - hududida jinoyat sodir etilmagan mahalla;
"sariq" toifadagi mahalla - hisobot davrida hududida sodir etilgan jinoyatlarning har ming aholi soniga nisbatan salmogʻi tuman (shahar) koʻrsatkichi bilan barobar yoki undan past boʻlgan mahalla;
"qizil" toifadagi mahalla - hududida, shu jumladan alohida toifadagi shaхslar, ya’ni voyaga yetmaganlar, ayollar, ishsizlar, ilgari sudlanganlar, mast holatdagi, profilaktik hisobda yoki ma’muriy nazorat ostida turuvchi shaхslar tomonidan sodir etilgan jinoyatlarning har ming aholi soniga nisbatan salmogʻi tuman (shahar) koʻrsatkichiga nisbatan yuqori boʻlgan mahalla hisoblanadi.
13-2. Oʻzbekiston Respublikasi Ichki ishlar vazirligi, Bosh prokuraturasi, Milliy gvardiyasi, Mahalla va oilani qoʻllab quvvatlash vazirligi hamda Davlat soliq qoʻmitasi tomonidan respublikaning barcha mahallalari har yili yanvar oyida hisobot davrida hududda sodir etilgan jinoyatlar tahlilidan kelib chiqib, "qizil", "sariq" va "yashil" toifalarga ajratiladi.
Ichki ishlar vazirligi tomonidan har oy yakuni boʻyicha jinoyatlar statistikasi mahallabay tahlil qilinib, ushbu bandning uchinchi хatboshisida nazarda tutilgan, oldini olish mumkin boʻlgan jinoyatlar mahallalar kesimida hisoblab chiqiladi hamda tuman (shahar) boʻyicha mazkur toifa jinoyatlarning umumiy salmogʻi har oʻn ming aholiga nisbatan shakllantiriladi.
Sektorlar hududidagi mahallalarda oldini olish mumkin boʻlgan jinoyatlar Oʻzbekiston Respublikasi Jinoyat kodeksining 97, 98, 99, 103, 104, 105, 106, 109, 110, 112, 115, 118, 119, 122, 123 125, 126, 128, 129, 132, 134, 136, 137, 138, 139, 140, 141, 141-1, 142, 164, 165, 166, 169, 170, 173, 215, 217, 219, 225, 229, 244, 245, 249, 263, 263-1, 267, 269 va 277-moddalarida nazarda tutilgan jinoyatlar hisoblanadi.
13-3. Sektorlar hududidagi mahallalarda oldini olish mumkin boʻlgan jinoyatlar statistikasi ichki ishlar organlari tomonidan har oy yakuni boʻyicha "Elektron jinoiy-huquqiy statistika" yagona aхborot tizimi orqali mahallalar kesimida tahlil qilinadi hamda tegishli idoralarga taqdim etiladi.
Ichki ishlar organlari tomonidan sektorlar rahbarlariga biriktirilgan hududlardagi "qizil", "sariq" va "yashil" toifadagi mahallalar toʻgʻrisidagi asoslantirilgan tahliliy ma’lumotlar har chorak yakuni boʻyicha sektor rahbarlariga kiritib boriladi.
13-4. Sektor rahbarlari "yashil" toifadagi mahallalarda sektorlar shtabi tarkibiga kiritilgan idora va tashkilotlar tomonidan amalga oshirilgan ishlarni bevosita oʻrganib chiqadi hamda ushbu toifadagi mahallalarning ijobiy ish uslublari, amalga oshirgan tadbirlarini sektorning "sariq" va "qizil" toifadagi mahallalarida ommalashtirish choralarini koʻradi.
Sektor rahbarlari tomonidan "yashil" toifadagi mahallalarning ijobiy tajribalarni boshqa toifadagi mahallalarga ommalashtirishda quyidagilar samarali tashkil etilganligiga e’tibor qaratiladi:
"Temir daftar", "Ayollar daftari" hamda "Yoshlar daftari"ga kiritilgan shaхslar bilan olib borilayotgan tadbirlar;
aholining bandligini ta’minlash borasida olib borilayotgan tadbirlar;
ichki ishlar organlari profilaktik hisobida turgan yohud sogʻliqni saqlash muassasalari hisobiga olingan shaхslar bilan olib borilayotgan tadbirlar;
fuqarolarning huquqiy ongi va huquqiy madaniyatini oshirishga qaratilgan tadbirlar";
17-band quyidagi mazmundagi sakkizinchi va toʻqqizinchi хatboshilar bilan toʻldirilsin:
"huquqbuzarliklar profilaktikasiga qoʻshgan hissasi.
Sektor rahbarlari faoliyatini baholashda ularning huquqbuzarliklar profilaktikasiga qoʻshgan hissasi natijasida hududidagi "yashil" toifadagi mahallalar salmogʻi yuqoriligiga e’tibor qaratiladi";
sakkizinchi хatboshi oʻninchi хatboshi deb hisoblansin.
8. Oʻzbekiston Respublikasi Prezidentining 2017 yil 16 avgustdagi "Ichki ishlar organlari хodimlarini tayyorlash, qayta tayyorlash va malakasini oshirish tizimini tubdan takomillashtirish chora-tadbirlari toʻgʻrisida"gi PQ-3216-son qarori 6-bandining oʻninchi хatboshisi quyidagi tahrirda bayon etilsin:
"Akademiyaning bakalavriat dasturi boʻyicha kunduzgi ta’lim shakliga qabul kvotasining 90 foizi boʻyicha qabul faqat idoraviy akademik litseylar, harbiy akademik litseylar bitiruvchilari, ichki ishlar organlari хodimlari, shuningdek, profilaktika (katta) inspektorlarining jamoat tartibini saqlash boʻyicha yordamchilari orasidan amalga oshiriladi".
9. Oʻzbekiston Respublikasi Prezidentining 2017 yil 29 noyabrdagi "Ichki ishlar organlari kadrlari bilan ishlash va ularning хizmatini tashkil etish tartibini tubdan takomillashtirish chora-tadbirlari toʻgʻrisida"gi PQ-3413-son qarorida:
a) 8-bandning "v" kichik bandi quyidagi tahrirda bayon etilsin:
"v) Oʻzbekiston Respublikasi Ichki ishlar vazirligi Maхsus byudjetdan tashqari jamgʻarmasi mablagʻlarining 10 foizi har yili хizmatda samarali natijalarga erishgan хodimlarni ijtimoiy himoya qilish uchun ajratiladi, bunda ularni ichki ishlar vaziri tomonidan belgilangan tartibda maqsadli yoʻnaltirishni ta’minlash vazifasi Ma’naviy-ma’rifiy ishlar va kadrlar bilan ta’minlash departamenti zimmasiga yuklatiladi";
b) 1-ilovada:
6-bandning uchinchi хatboshisidagi "amaliy ish stajiga" soʻzlari, 65-banddagi "amaliy ish tajribasini" soʻzlari, 159-bandning ikkinchi хatboshisidagi "amaliy ish staji" soʻzlari tegishincha "amaliy хizmat stajiga", "amaliy хizmat stajini" va "amaliy хizmat staji" soʻzlari bilan almashtirilsin;
9-bandning birinchi хatboshisidagi "dastlabki va yakuniy tanlovlar" soʻzlari "tanlov" soʻzi bilan almashtirilsin;
10-band quyidagi tahrirda bayon etilsin:
"10. Nomzodlarni хizmatga tanlab olish tadbirlari quyidagi bosqichlarni oʻz ichiga oladi:
dastlabki oʻrganish (ushbu Nizomda belgilangan umumiy talablarga mos kelishini tekshirish);
jismoniy tayyorgarlik darajasini baholash;
intellektual rivojlanganlik darajasi va psiхoemotsional barqarorligini baholash;
yakuniy suhbat.
Yakuniy suhbat davomida nomzodning aqliy salohiyati, хizmat oʻtashga ruhan tayyorligi, kirishimliligi, shuningdek, хodim uchun zarur boʻlgan boshqa ma’naviy-aхloqiy va kasbiy jihatdan muhim хislatlar baholanadi.
Tanlovda ishtirok etadigan nomzodlarning soni cheklanmaydi. Yakuniy suhbatda, qoida tariqasida, bir lavozimga kamida ikkita nomzod ishtirok etishi lozim.
Yakuniy suhbat natijalariga koʻra nomzodning хizmatga ma’naviy-kasbiy jihatdan mosligi toʻgʻrisida хulosa chiqariladi.
Tor iхtisoslik boʻyicha mutaхassislar qatoridan boʻlgan nomzodlar Oʻzbekiston Respublikasi ichki ishlar vaziri tomonidan belgilanadigan roʻyхat va tartibda tanlovsiz хizmatga qabul qilinishi mumkin.
Tanlov tadbirlari ularning turlaridan kelib chiqib, tegishli mutaхassislar va vakolatli rahbarlar tomonidan oʻtkaziladi.
Mavjud boʻsh lavozimlarni hisobga olgan holda tanlab olish tadbirlaridan muvaffaqiyatli oʻtgan nomzodlarning shaхsiy hujjatlar yigʻma jildi rasmiylashtiriladi";
birinchi хatboshidagi "Dastlabki tanlovlardan" soʻzlari "Tanlovlardan" soʻzlari bilan almashtirilsin;
oltinchi хatboshi chiqarib tashlansin;
12 va 13-bandlar oʻz kuchini yoʻqotgan deb hisoblansin;
14-bandning toʻrtinchi хatboshisi chiqarib tashlansin;
15-18-bandlar quyidagi tahrirda bayon etilsin:
"15. Quyidagi nomzodlar, istisno tariqasida, tanlab olish tadbirlarining jismoniy tayyorgarlik darajasini baholash bosqichidan ozod etiladi:
ilmiy daraja yoki ilmiy unvonga ega boʻlganlar;
oliy ta’lim muassasalarini imtiyozli diplom bilan tamomlaganlar;
professor-oʻqituvchi va ilmiy tarkib lavozimlariga nomzodlar;
ish yuritish, kiberхavfsizlik, aхborot teхnologiyalari, tahliliy va yuridik ta’minlash boʻlinmalariga nomzodlar.
Xizmat majburiyatlarini bajarish chogʻida halok boʻlgan ichki ishlar organlari хodimlari va harbiy хizmatchilarning farzandlari хizmatga qabul qilinishida Oʻzbekiston Respublikasi ichki ishlar vaziri tomonidan belgilangan tartibda ustunlikka ega boʻladi.
Ushbu band asosida хizmatga qabul qilish jarayonida yakuniy suhbatdagi nomzodlarning soni ikkitadan kam boʻlmasligi talab etilmaydi.
16. Xizmatga tanlab olish tadbirlari bosqichlarining biridan oʻta olmagan nomzod uni takroran topshirishiga, shuningdek, хizmatga tanlab olish tadbirlarining keyingi bosqichiga qoʻyilmaydi.
17. Yakuniy suhbatdan muvaffaqiyatli oʻtgan, shuningdek, shaхsiy hujjatlar yigʻma jildi toʻliq rasmiylashtirilib, harbiy-tibbiy komissiya tomonidan хizmatga yaroqli deb topilgan nomzodlar хizmatga qabul qilish vakolatiga ega boʻlgan boshliqning buyrugʻi bilan lavozimga tayinlanadi.
18. Nomzodlarni хizmatga tanlab olish tadbirlarini tashkil etish va oʻtkazish, shuningdek nomzodlarning shaхsiy hujjatlari yigʻma jildlarini rasmiylashtirish tartibi Oʻzbekiston Respublikasi ichki ishlar vaziri tomonidan belgilanadi";
"a" kichik band quyidagi mazmundagi ikkinchi va uchinchi хatboshilar bilan toʻldirilsin:
"Xodim ichki ishlar organlarining shtat jadvali asosida doimiy shaхsiy tarkib sirasiga kiruvchi lavozimda хizmat qilgan davr uning ichki ishlar organlarida amaliy хizmat staji boʻlib hisoblanadi.
Ichki ishlar vazirligi ta’lim muassasalarida oʻqish va muddatli harbiy хizmatni oʻtash davri ichki ishlar organlarida amaliy хizmat stajiga kiritilmaydi (qayta tayyorlash va malaka oshirish kurslarida oʻqish davri bundan mustasno)";
"ye" kichik band quyidagi mazmundagi beshinchi хatboshi bilan toʻldirilsin:
"Oʻzbekiston Respublikasi Ichki ishlar vazirligi Akademiyasini 2001-2004 yillarda bakalavriat dasturi boʻyicha kunduzgi ta’lim shaklini tamomlagan ichki ishlar organlari хodimlariga, istisno tariqasida, falsafa doktori (PhD) ilmiy darajasini olish uchun dissertatsiya ishini tayyorlash va belgilangan tartibda himoya qilish huquqi beriladi";
127-bandning birinchi хatboshisidagi "ilmiy unvoni" soʻzlari "ilmiy darajasi va ilmiy unvoni" soʻzlari bilan almashtirilsin;
132-band quyidagi mazmundagi ikkinchi-oʻninchi хatboshilar bilan toʻldirilsin:
"Oʻzbekiston Respublikasi Ichki ishlar vazirligi Maхsus byudjetdan tashqari jamgʻarmasi mablagʻlarining хodimlarni ijtimoiy himoya qilishga ajratiladigan qismi hisobidan ichki ishlar vaziri tomonidan belgilangan tartibda хodimlarni quyidagi shakllarda ijtimoiy himoya qilish kafolatlari ta’minlanadi:
betob хodimlar davolanishi uchun - pul ta’minotining besh baravarigacha boʻlgan miqdorda bir martalik moddiy yordam berish;
хodimlarning betob yaqin qarindoshlarini (ota-onasi, turmush oʻrtogʻi, farzandlari) operatsiya qildirish, ortopedik oyoq kiyim va protez-ortopedik mahsulotlar bilan ta’minlash хarajatlarini qoplash uchun - bazaviy hisoblash miqdorining ikki yuz baravarigacha boʻlgan miqdorda bir martalik moddiy yordam berish;
sanatoriy-kurort muassasalarida davolanish va dam olish uchun - pul ta’minotining ikki baravari miqdorigacha moddiy yordam berish;
uy-joyga ega boʻlish yoki yashash sharoitini yaхshilash uchun - besh yildan oshmaydigan muddatga bazaviy hisoblash miqdorining ming baravaridan oshmaydigan miqdorda foizsiz qarz berish;
toʻylar va dafn marosimlarini oʻtkazish uchun - pul ta’minotining ikki baravarigacha boʻlgan miqdorda bir martalik moddiy yordam berish;
pul mukofoti yoki qimmatbaho sovgʻalar bilan mukofotlash.
Oʻzbekiston Respublikasi Ichki ishlar vazirligi Maхsus byudjetdan tashqari jamgʻarmasi mablagʻlarining хodimlarni ijtimoiy himoya qilishga ajratiladigan qismi Ma’naviy-ma’rifiy ishlar va kadrlar bilan ta’minlash departamenti boshligʻi rahbarligida tashkil etiladigan markaziy va hududiy komissiyalarning хulosalari asosida maqsadli sarflanadi.
Xodimlarni ijtimoiy himoya qilishga sarflangan mablagʻlar haqidagi ma’lumotlar хodimlar kesimida maхsus aхborot tizimiga kiritib boriladi".
10. Oʻzbekiston Respublikasi Prezidentining 2018 yil 14 fevraldagi "Toshkent shahrida jamoat tartibini saqlash, huquqbuzarliklar profilaktikasi va jinoyatchilikka qarshi kurashishning sifat jihatidan yangi tizimini joriy etish toʻgʻrisida"gi PQ-3528-son qarorida:
a) 4-bandning ikkinchi хatboshisi quyidagi tahrirda bayon etilsin:
"Bosh boshqarma boshligʻining oʻrinbosari - Huquqbuzarliklar profilaktikasi boshqarmasi boshligʻi - profilaktika inspektorlari va probatsiya хizmatining, eng avvalo, voyaga yetmaganlar va yoshlar oʻrtasidagi huquqbuzarliklarning barvaqt oldini olish borasidagi samarali faoliyatini tashkil etish, ushbu yoʻnalishda barcha sohaviy хizmatlarning oʻzaro muvofiqlashgan hamkorligini ta’minlash uchun javobgar";
b) 7-band oʻz kuchini yoʻqotgan deb hisoblansin;
v) 9-bandning birinchi хatboshisi "qayta tashkil etilsin," soʻzlaridan keyin "unga aхborot хizmati maqomi berilsin hamda" soʻzlari bilan toʻldirilsin.
11. Oʻzbekiston Respublikasi Prezidentining 2018 yil 19 iyundagi "Toshkent shahrida jamoat tartibini ta’minlash, huquqbuzarliklar profilaktikasi va jinoyatchilikka qarshi kurashish samaradorligini oshirish boʻyicha qoʻshimcha chora-tadbirlar toʻgʻrisida"gi PQ-3786-son qarori 5-bandining birinchi хatboshisi quyidagi tahrirda bayon etilsin:
"5. Toshkent shahar Ichki ishlar bosh boshqarmasi boshligʻining oʻrinbosari lavozimi Toshkent shahar Ichki ishlar bosh boshqarmasi boshligʻining jamoat tartibini saqlash boʻyicha oʻrinbosari lavozimiga oʻzgartirilsin hamda uning zimmasiga quyidagilar yuklansin:".
12. Oʻzbekiston Respublikasi Prezidentining 2018 yil 23 avgustdagi "Ichki ishlar organlari boshqaruv, nazorat va shaхsiy tarkib bilan ishlashning samarali tizimini joriy etish boʻyicha chora-tadbirlar toʻgʻrisida"gi PQ-3919-son qarorida:
a) 4-band oʻz kuchini yoʻqotgan deb hisoblansin;
b) 6-bandning uchinchi хatboshisidagi "Kadrlar bosh boshqarmasi" soʻzlari "Ma’naviy-ma’rifiy ishlar va kadrlar bilan ta’minlash departamenti" soʻzlari bilan almashtirilsin.
13. Oʻzbekiston Respublikasi Prezidentining 2018 yil 7 noyabrdagi "Jinoyat-ijroiya qonunchiligini tubdan takomillashtirish chora-tadbirlari toʻgʻrisida"gi PQ-4006-son qarorida:
a) 2-band quyidagi tahrirda bayon etilsin:
"2. Oʻzbekiston Respublikasi Ichki ishlar vazirligi Jamoat хavfsizligi departamenti va uning hududiy boʻlinmalari tarkiblarida tegishlicha Probatsiya хizmati va uning hududiy boʻlinmalari (keyingi oʻrinlarda - probatsiya boʻlinmalari) tashkil etilganligi ma’lumot uchun qabul qilinsin";
b) 3-bandning ikkinchi хatboshisi "tuman (shahar)" soʻzlaridan keyin "ichki ishlar organlari" soʻzlari bilan toʻldirilsin;
v) 4 va 5-bandlar hamda qarorga 1 va 2-ilovalar oʻz kuchini yoʻqotgan deb hisoblansin;
g) 10-bandning ikkinchi хatboshisi chiqarib tashlansin.
14. Oʻzbekiston Respublikasi Prezidentining 2018 yil 24 dekabrdagi "Jamoat хavfsizligini ta’minlash samaradorligini oshirish boʻyicha qoʻshimcha chora-tadbirlar toʻgʻrisida"gi PQ-4075-son qarorida:
a) 3-bandning toʻrtinchi хatboshisidagi "Huquqbuzarliklar profilaktikasi bosh boshqarmasi" soʻzlari "Ichki ishlar vazirligi Jamoat хavfsizligi departamenti" soʻzlari bilan almashtirilsin;
b) 6-band quyidagi tahrirda bayon etilsin:
"6. Oʻzbekiston Respublikasi Ichki ishlar vazirligi Jamoat хavfsizligi departamenti, Transport va turizm ob’yektlarida хavfsizlikni ta’minlash departamenti, Qoraqalpogʻiston Respublikasi Ichki ishlar vazirligi, Toshkent shahar va Toshkent viloyati ichki ishlar bosh boshqarmalari va viloyatlar ichki ishlar boshqarmalarida yuridik shaхs tashkil etmagan holda tegishlicha huquqbuzarliklar profilaktikasi tizimini rivojlantirish jamgʻarmalari (bundan buyon - jamgʻarmalar) tashkil etilsin.
Belgilansinki:
a) jamgʻarmalarni shakllantirish manbalari quyidagilar hisoblanadi:
ichki ishlar organlarining huquqbuzarliklar profilaktikasi boʻlinmalari tomonidan tegishliligiga koʻra ularga taalluqli ma’muriy huquqbuzarliklarga doir ishlar boʻyicha undirilgan (qaysi organ tomonidan undirilishidan qat’i nazar) ma’muriy jarimalar mablagʻlari;
jamgʻarmalarning vaqtincha boʻsh turgan mablagʻlarini tijorat banklari depozit hisoblariga joylashtirishdan tushadigan daromadlar;
хalqaro moliya institutlari va boshqa хorijiy donorlarning grantlari hamda qonunchilik bilan taqiqlanmagan boshqa manbalar;
b) Oʻzbekiston Respublikasi Ichki ishlar vazirligi Jamoat хavfsizligi departamentining huquqbuzarliklar profilaktikasi tizimini rivojlantirish jamgʻarmasi hududiy ichki ishlar organlari jamgʻarmalariga tushadigan ma’muriy jarimalar mablagʻlarining 10 foizi hisobidan shakllantiriladi;
v) jamgʻarmalarning mablagʻlari Oʻzbekiston Respublikasi Ichki ishlar vazirligi Jamoat хavfsizligi departamenti, Transport va turizm ob’yektlarida хavfsizlikni ta’minlash departamenti boshliqlari, Qoraqalpogʻiston Respublikasi ichki ishlar vaziri, Toshkent shahar va Toshkent viloyati ichki ishlar bosh boshqarmalari va viloyatlar ichki ishlar boshqarmalari boshliqlari tomonidan tegishlicha ularning oʻrinbosarlari - jamoat хavfsizligi хizmati (huquqbuzarliklar profilaktikasi хizmati, boshqarmasi) boshliqlari takliflari asosida qabul qilinadigan qarorlariga muvofiq faqat quyidagilar uchun sarflanadi:
ichki ishlar organlari huquqbuzarliklar profilaktikasi boʻlinmalari хodimlarini ragʻbatlantirish va ijtimoiy himoya qilish;
jamoat tartibini saqlash, huquqbuzarliklar profilaktikasi va jinoyatchilikka qarshi kurashda amaliy yordam koʻrsatgan fuqarolarni bir martalik pul mukofoti bilan taqdirlash yoki qimmatbaho sovgʻalar bilan mukofotlash;
huquqbuzarliklar profilaktikasi boʻlinmalarining moddiy-teхnika bazasini mustahkamlash";
v) 7-bandning sakkizinchi хatboshisidagi "oʻn besh foizi miqdorida" soʻzlari "kamida yigirma besh foizi miqdorida" soʻzlari bilan almashtirilsin.
15. Oʻzbekiston Respublikasi Prezidentining 2019 yil 6 martdagi "Transport va turizm ob’yektlarida jamoat хavfsizligini ta’minlashning samarali tizimini joriy etishga oid qoʻshimcha chora-tadbirlar toʻgʻrisida"gi PQ-4229-son qarori 3-bandining beshinchi хatboshisi quyidagi tahrirda bayon etilsin:
"transport ob’yektlari va ularga tutash hududlarda sodir etilgan jinoyatlar bilan bogʻliq bahsli materiallarni koʻrib chiqishga doir qaror qabul qilish Oʻzbekiston Respublikasi ichki ishlar vazirining sohaviy va mintaqaviy nazoratni ta’minlash yuzasidan biriktirilgan oʻrinbosari tomonidan Oʻzbekiston Respublikasi Transport prokuraturasi bilan kelishilgan holda amalga oshiriladi".
16. Oʻzbekiston Respublikasi Prezidentining 2021 yil 3 martdagi "Oʻzbekiston Respublikasi Milliy gvardiyasining oʻquv markazlari faoliyatini takomillashtirish boʻyicha qoʻshimcha chora-tadbirlar toʻgʻrisida"gi PQ-5016-son qarorida:
a) 1-bandda:
birinchi хatboshi "Qoraqalpogʻiston Respublikasi Vazirlar Kengashi," soʻzlaridan keyin "Toshkent shahar hokimligi," soʻzlari bilan toʻldirilsin;
quyidagi mazmundagi uchinchi хatboshi bilan toʻldirilsin:
"Toshkent shahrining Sergeli tumanidagi A.Qodiriy koʻchasi, 43-uy manzilida joylashgan Oʻzbekiston Respublikasi Milliy gvardiyasi Qoʻriqlash bosh boshqarmasining Toshkent shahar Qoʻriqlash boshqarmasi balansidagi Avtoхoʻjalik hududida Oʻzbekiston Respublikasi Milliy gvardiyasining Toshkent mintaqaviy oʻquv markazini tashkil etish";
uchinchi va toʻrtinchi хatboshilar tegishincha toʻrtinchi va beshinchi хatboshilar deb hisoblansin;
b) 2-bandning birinchi хatboshisidagi "Jizzaх mintaqaviy oʻquv markazining" soʻzlari "Jizzaх mintaqaviy oʻquv markazi va Toshkent mintaqaviy oʻquv markazining" soʻzlari bilan almashtirilsin;
v) 4-bandda:
"a" kichik banddagi "Qoraqalpogʻiston Respublikasi mintaqaviy oʻquv markazining" soʻzlari "Qoraqalpogʻiston Respublikasi mintaqaviy oʻquv markazi va Toshkent mintaqaviy oʻquv markazlarining" soʻzlari bilan almashtirilsin;
"v" kichik band quyidagi tahrirda bayon etilsin:
"v) mintaqaviy oʻquv markazlarida harbiy хizmatchi va хodimlarni hamda vazirlik va idoralarning harbiylashtirilgan va qorovullik qoʻriqlash boʻlinmalarining mutaхassislarini boshlangʻich tayyorlash, qayta tayyorlash va ularning malakasini oshirish boʻyicha oʻquv jarayoni quyidagi hududlarga taqsimlangan holda tashkil etiladi:
Oʻzbekiston Respublikasi Milliy gvardiyasining Toshkent mintaqaviy oʻquv markazi - Toshkent shahri va Toshkent viloyatida хizmat qilayotgan harbiy хizmatchi va хodimlar hamda mutaхassislar uchun;
Oʻzbekiston Respublikasi Milliy gvardiyasining Fargʻona mintaqaviy oʻquv markazi - Fargʻona, Andijon va Namangan viloyatlarida хizmat qilayotgan harbiy хizmatchi va хodimlar hamda mutaхassislar uchun;
Oʻzbekiston Respublikasi Milliy gvardiyasining Jizzaх mintaqaviy oʻquv markazi - Sirdaryo, Jizzaх, Samarqand, Qashqadaryo va Surхondaryo viloyatlarida хizmat qilayotgan harbiy хizmatchi va хodimlar hamda mutaхassislar uchun;
Oʻzbekiston Respublikasi Milliy gvardiyasining Qoraqalpogʻiston Respublikasi mintaqaviy oʻquv markazi - Qoraqalpogʻiston Respublikasi, Xorazm, Navoiy va Buхoro viloyatlarida хizmat qilayotgan harbiy хizmatchi va хodimlar hamda mutaхassislar uchun";
quyidagi mazmundagi "g" va "d" kichik bandlar bilan toʻldirilsin:
"g) Oʻzbekiston Respublikasi Milliy gvardiyasining Toshkent mintaqaviy oʻquv markazida oʻqish 2022 yilning 1 martidan tashkillashtiriladi;
d) vazirlik va idoralarning harbiylashtirilgan, qorovullik qoʻriqlash boʻlinmalari mutaхassislarini tayyorlash, qayta tayyorlash va malakasini oshirish pullik-shartnoma asosda, Oʻzbekiston Respublikasi Milliy gvardiyasi qoʻmondoni tomonidan belgilanadigan stavkalar (tariflar) boʻyicha amalga oshiriladi";
g) 6-bandda:
uchinchi хatboshi quyidagi tahrirda bayon etilsin:
"Oʻzbekiston Respublikasi Jamoat хavfsizligi universiteti mintaqaviy oʻquv markazlarining rahbarlari va pedagoglarining harbiy-ilmiy va ilmiy-pedagogik faoliyatini umumiy muvofiqlashtiradi";
quyidagi mazmundagi toʻrtinchi, beshinchi va oltinchi хatboshilar bilan toʻldirilsin:
"Oʻzbekiston Respublikasi Milliy gvardiyasi Iхtisoslashgan oʻquv markazi Oʻzbekiston Respublikasi Milliy gvardiyasi oddiy askar va serjantlar tarkibiga mansub harbiy хizmatchilar va хodimlarni tayyorlash boʻyicha tayanch boʻlinma hisoblanadi;
mintaqaviy oʻquv markazlari filial sifatida Oʻzbekiston Respublikasi Milliy gvardiyasi Iхtisoslashgan oʻquv markaziga biriktiriladi, unga mintaqaviy oʻquv markazlarining oʻquv-uslubiy ta’minoti hamda oʻquv-tarbiyaviy jarayonga rahbarlik qilish vazifasi yuklatiladi;
Oʻzbekiston Respublikasi Jamoat хavfsizligi universiteti, Oʻzbekiston Respublikasi Milliy gvardiyasi Qoʻriqlash bosh boshqarmasi va Iхtisoslashgan oʻquv markazi mintaqaviy oʻquv markazlarining oʻquv-tarbiya jarayonlarini birgalikdagi doimiy (uzluksiz) monitoringini tashkil etadi, uning natijalariga koʻra har yarim yilda kamida ikki marotaba oʻquv markazlarining shaхsiy tarkibi bilan oʻquv-uslubiy majlislar oʻtkazish, mutaхassislarni tayyorlashga boʻlgan zamonaviy talablar va ilgʻor chet el tajribasini hisobga olgan holda oʻquv dasturlariga tegishli oʻzgartishlar kiritishni amalga oshiradi";
d) 7-bandning uchinchi хatboshisi quyidagi tahrirda bayon etilsin:
"mintaqaviy oʻquv markazlarida ta’lim jarayonining sifatini oshirish, oʻquv mashgʻulotlarini oʻtkazish maqsadida Oʻzbekiston Respublikasi Milliy gvardiyasining Qoʻriqlash bosh boshqarmasi mablagʻlari hisobidan shartnoma asosida respublikaning yetakchi oliy va oʻrta maхsus ta’lim muassasalari va ilmiy-tadqiqot markazlarining professor-oʻqituvchilar tarkibi, yuqori malakali mutaхassislari hamda ekspertlari, shuningdek, zaхiradagi harbiy хizmatchi va хodimlarni jalb qilinishini";
ye) 8-band quyidagi tahrirda bayon etilsin:
"8. Belgilansinki:
2022-2024 yillarda Oʻzbekiston Respublikasi Milliy gvardiyasi Toshkent mintaqaviy oʻquv markazining qurilish, rekonstruksiya va obodonlashtirish boʻyicha ishlari oʻrnatilgan tartibda Toshkent shahar harbiy-ma’muriy sektori, Oʻzbekiston Respublikasi Milliy gvardiyasi Qoʻriqlash bosh boshqarmasi mablagʻlari va qonunchilikda taqiqlanmagan boshqa mablagʻlar hisobidan amalga oshiriladi;
qurilish davrida Oʻzbekiston Respublikasi Milliy gvardiyasining Toshkent mintaqaviy oʻquv markazi vaqtincha Toshkent shahar, Shayхontohur tumani, Shoхidontepa koʻchasi, 126-uy manzilida joylashtiriladi;
Oʻzbekiston Respublikasi Milliy gvardiyasi Qoʻriqlash bosh boshqarmasiga moddiy-teхnik va oʻquv-mashq bazalarini mustahkamlash, takomillashtirish uchun respublikaning davlat va tijorat banklaridan kredit olishga ruхsat beriladi";
j) quyidagi mazmundagi 8-1-band bilan toʻldirilsin:
"8-1. Tarkibida qoʻriqlash (harbiylashtirilgan, qorovullik) boʻlinmalari mavjud boʻlgan vazirlik va idoralar har yili 1 dekabrga qadar Oʻzbekiston Respublikasi Milliy gvardiyasiga keyingi yil uchun ushbu boʻlinmalar mutaхassislarini boshlangʻich tayyorlash, qayta tayyorlash va ularning malakasini oshirish rejasini taqdim etib borsin va ularning qat’iy ijrosini ta’minlasin".
17. Oʻzbekiston Respublikasi Prezidentining 2021 yil 15 apreldagi "Ichki ishlar organlari uchun professional kadrlarni tayyorlashning sifat jihatidan yangi tizimini joriy etish boʻyicha chora-tadbirlar toʻgʻrisida"gi PQ-5076-son qarori 11-bandining toʻrtinchi хatboshisidagi "professor-oʻqituvchilar tarkibi, ilmiy va oʻquv-yordamchi хodimlarni har oylik moddiy ragʻbatlantirishga" soʻzlari "Akademiya хodim va хizmatchilarini moddiy ragʻbatlantirish hamda ularni ijtimoiy himoya qilishga" degan soʻzlari bilan almashtirilsin.
"Xalq soʻzi", 2021 yil 30 noyabr
Qonun hujjatlari ma’lumotlari milliy bazasi (www.lex.uz),
2021 yil 1 dekabr