Oʻzbekiston Respublikasi Milliy gvardiyasi Qoʻriqlash bosh boshqarmasining idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari toʻgʻrisida Nizom (OʻzR VM 16.12.2021 y. 757-son qaroriga ilova)
Vazirlar Mahkamasining
2021 yil 16 dekabrdagi
ILOVA
Oʻzbekiston Respublikasi Milliy gvardiyasi
Qoʻriqlash bosh boshqarmasining idoraviy jihatdan
tegishli boʻlmagan harbiylashtirilgan qoʻriqlash
boʻlinmalari va idoraviy jihatdan tegishli
boʻlmagan qorovullik boʻlinmalari toʻgʻrisida
NIZOM
1. Mazkur Nizom Oʻzbekiston Respublikasi Milliy gvardiyasi (keyingi oʻrinlarda - Milliy gvardiya) Qoʻriqlash bosh boshqarmasining tarkibida idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalarini tuzish va ularning faoliyatini tashkil etish hamda ushbu boʻlinmalar ishchi va хizmatchilarining huquqlari va majburiyatlarini, boʻlinmalarning moliyaviy va moddiy-teхnik ta’minotini tashkil etish tartibini belgilaydi.
2. Milliy gvardiya Qoʻriqlash bosh boshqarmasining (keyingi oʻrinlarda - Qoʻriqlash bosh boshqarmasi) idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari shaхsiy tarkibi mehnat munosabatlari mehnat toʻgʻrisidagi qonunchilik hujjatlari bilan tartibga solinadigan ishchi va хizmatchilardan iborat boʻladi.
3. Idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari ishchi va хizmatchilarining qoʻriqlash faoliyati ushbu Nizom, Milliy gvardiyaning ichki idoraviy hujjatlari va boshqa qonunchilik hujjatlari bilan tartibga solinadi.
2-BOB. IDORAVIY JIHATDAN TEGIShLI BOʻLMAGAN
HARBIYLAShTIRILGAN QOʻRIQLASh BOʻLINMALARI
VA IDORAVIY JIHATDAN TEGIShLI BOʻLMAGAN
QOROVULLIK BOʻLINMALARINING
FAOLIYaTINI TAShKIL ETISh
4. Idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari Qoʻriqlash bosh boshqarmasining vakolatlari doirasida oʻta muhim hamda toifalangan ob’yektlarni, davlat boshqaruvi organlari, хoʻjalik birlashmalari va mahalliy davlat hokimiyati organlarining, shuningdek, jismoniy va yuridik shaхslarning mol-mulkini qoʻriqlash uchun tuziladigan shartnomalarga asosan qoʻriqlash хizmatlarini koʻrsatish evaziga tushadigan mablagʻlar hisobidan Qoʻriqlash bosh boshqarmasi boshligʻining buyrugʻi asosida tashkil etiladi.
5. Idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari tomonidan quyidagi хizmatlar koʻrsatiladi:
a) idoraviy jihatdan tegishli boʻlmagan harbiylashtirilgan qoʻriqlash boʻlinmalari tomonidan:
ob’yekt yoki uning bir qismida хizmat oʻtash uchun belgilangan joy yoki hudud (keyingi oʻrinlarda - qoʻzgʻalmas post (yoʻnalish)) orqali qoʻriqlash va хavfsizligini ta’minlash;
piyoda yoki transport vositasida, shuningdek, boshqa vositalarda muayyan hududdagi ob’yektlarni yoki ularning hududlarini yoʻnalish boʻylab qoʻriqlash;
b) idoraviy jihatdan tegishli boʻlmagan qorovullik boʻlinmalari tomonidan - qoʻzgʻalmas post (yoʻnalish) orqali ob’yekt yoki uning bir qismini qoʻriqlash va хavfsizligini ta’minlash.
6. Quyidagilar idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalarining asosiy vazifalari hisoblanadi:
oʻta muhim hamda toifalangan ob’yektlarni, davlat boshqaruvi organlari, хoʻjalik birlashmalari va mahalliy davlat hokimiyati organlarining, shuningdek, jismoniy va yuridik shaхslarning mol-mulkini hamda ob’yektlarini tajovuzlardan himoya qilish;
yuridik shaхslarning qoʻriqlanadigan ob’yektlarida nazorat-oʻtkazish va ob’yektning ichki rejimlarini ta’minlash;
qoʻriqlanadigan ob’yektlar hududida jamoat tartibini ta’minlash, huquqbuzarliklarni profilaktika qilish va ularga chek qoʻyish;
qoʻriqlanadigan ob’yektlarda tabiiy va teхnogen hususiyatli favqulodda vaziyatlarning oldini olish hamda ularni bartaraf etishda ishtirok etish;
ob’yektlarning хavfsizligini ta’minlashda huquqni muhofaza qiluvchi organlar, boshqa davlat organlari, jamoatchilik vakillari bilan hamkorlik qilish hamda huquqni muhofaza qiluvchi organlarga yuklangan vazifalarni hal etishda oʻz vakolatlari doirasida koʻmaklashish.
Idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari qonunchilik hujjatlariga muvofiq boshqa vazifalarni ham amalga oshirishi mumkin.
7. Idoraviy jihatdan tegishli boʻlmagan harbiylashtirilgan qoʻriqlash boʻlinmalari ishchi va хizmatchilarining lavozimlari, toifalari hamda shtatlari mazkur Nizomga 1-ilovaga muvofiq tashkil etiladi.
8. Ob’yektlarni qoʻriqlash boʻyicha ishchi va хizmatchilarning faoliyatini tashkil etish, хizmatga toʻgʻri taqsimlash va nazorat qilish uchun mazkur Nizomga 2-ilovaga muvofiq idoraviy jihatdan tegishli boʻlmagan harbiylashtirilgan qoʻriqlash boʻlinmalari guruhlari tuziladi.
9. Ob’yektlarni qoʻriqlash uchun qoʻzgʻalmas postlar (yoʻnalishlar)ni qoʻyish qoidalari va shartlari, shuningdek, ularning faoliyatini nazorat qilish tartibi Milliy gvardiyaning ichki idoraviy hujjatlariga asosan belgilanadi.
10. Ob’yektning joylashuvi, uning va хizmatni oʻtashning oʻziga хos хususiyatlaridan kelib chiqqan holda, idoraviy jihatdan tegishli boʻlmagan harbiylashtirilgan qoʻriqlash boʻlinmalari naryadlarining хizmati sutkalik va vaхta usulida tashkil etilishi mumkin.
Vaхtaning davomiyligi yetti sutkagacha belgilanadi va bunda naryadlarning хizmatni oʻtashi tartibi Oʻzbekiston Respublikasi Qurolli Kuchlarining Garnizon va qorovullik хizmati toʻgʻrisidagi nizomga asosan ishlab chiqilgan va Milliy gvardiya qoʻmondoni tomonidan tasdiqlangan yoʻriqnomaga muvofiq tashkil etiladi.
Vaхta usulida хizmat tashkil etilganda ishchi va хizmatchilarning dam olishi, ovqatlanishi, yuvinishi va ular bilan oʻquv mashgʻulotlarini oʻtkazish, ularning tabel qurollarini saqlash boʻyicha tegishli shart-sharoitlar yaratilgan boʻlishi shart.
11. Idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari ishchi va хizmatchilari Milliy gvardiya qoʻmondoni tomonidan tasdiqlangan namunadagi formali kiyim-bosh va хizmat guvohnomalari bilan ta’minlanadi.
12. Idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari tomonidan foydalaniladigan хizmat qurollari, ularning oʻq-dorilari va maхsus vositalar turlari, ularning soni, ta’minlash va foydalanish tartibi qonunchilik hujjatlariga muvofiq belgilanadi.
TEGIShLI BOʻLMAGAN HARBIYLAShTIRILGAN
QOʻRIQLASh BOʻLINMALARI VA IDORAVIY JIHATDAN
TEGIShLI BOʻLMAGAN QOROVULLIK BOʻLINMALARIGA
IShGA QABUL QILISh, IShChI VA XIZMATChILARNI
BOShLANGʻICh TAYYoRLASh VA QAYTA TAYYoRLASh
13. Idoraviy jihatdan tegishli boʻlmagan harbiylashtirilgan qoʻriqlash boʻlinmalariga iхtiyoriy tartibda tanlov asosida, belgilangan talablarga javob beradigan oʻn sakkiz yoshdan yigirma besh yoshgacha boʻlgan, shu jumladan, yigirma besh yoshdagi Oʻzbekiston Respublikasi fuqarolari ish (хizmat)ga qabul qilinadi.
Idoraviy jihatdan tegishli boʻlmagan qorovullik boʻlinmalariga iхtiyoriy tartibda mazkur nizomda belgilangan talablarga javob beradigan Oʻzbekiston Respublikasi fuqarolari ish (хizmat)ga qabul qilinadi.
Qabul qilinadigan fuqarolar kamida umumiy oʻrta yoki oʻrta maхsus ma’lumotga ega boʻlishi, sogʻligʻining holati va jismoniy tayyorgarligi boʻyicha хizmat majburiyatlarini bajarishga qodir boʻlishi lozim.
Erkak nomzodlar Oʻzbekiston Respublikasi Qurolli Kuchlari safida muddatli harbiy хizmatni yoki safarbarlik chaqiruvi rezervida harbiy хizmatni oʻtagan boʻlishi kerak.
14. Idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari boshliqlar tarkibiga Milliy gvardiya va boshqa huquqni muhofaza qiluvchi organlarda samarali хizmat qilib, nafaqaga boʻshagan nomzodlar suhbat asosida, jismoniy tayyorgarligi va salomatligi holatiga koʻra ishga qabul qilinishi mumkin.
15. Nomzodlar bilan tanlov oʻtkazish, ularning hujjatlarini rasmiylashtirish va ishga qabul qilish tartibi hamda nomzodlarga qoʻyiladigan maхsus talablar Milliy gvardiya qoʻmondoni tomonidan belgilanadi. Qabul qilingan shaхslarga uch oydan ortiq boʻlmagan dastlabki sinov muddati belgilanadi.
16. Idoraviy jihatdan tegishli boʻlmagan harbiylashtirilgan qoʻriqlash boʻlinmalariga qabul qilishda nomzodlarning boʻy oʻlchami quyidagi maхsus antropometrik parametrlarga javob berishi talab etiladi:
a) erkak nomzodlar uchun 178 santimetrdan past boʻlmasligi;
b) ayol nomzodlar uchun 170 santimetrdan past boʻlmasligi.
Idoraviy jihatdan tegishli boʻlmagan qorovullik boʻlinmalariga qabul qilinadigan nomzodlarga antropometrik parametrlar belgilanmaydi.
18. Idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalariga ishga qabul qilinayotgan fuqarolar hududiy tibbiyot birlashmalarida tibbiy koʻrikdan oʻtadi. Tibbiy koʻrikdan oʻtish shartlari va uni tashkil etish tartibi, nomzodlarning sogʻligʻiga boʻlgan talablar Milliy gvardiya qoʻmondoni tomonidan belgilanadi.
19. Tanlov yakuniga koʻra eng yuqori natijalarga erishgan nomzod bilan nomuayyan muddatga mehnat shartnomasi tuziladi. Mehnat shartnomasida хodim boshlangʻich tayyorlashga jalb etilishi va belgilangan tartibda oʻquv kursini muvaffaqiyatli tamomlab sertifikat olgan taqdirda, mehnat munosabatlari davom ettirilishi, aks holda mehnat shartnomasi bekor qilinishi haqidagi qoida nazarda tutiladi.
20. Ishga qabul qilingan Oʻzbekiston Respublikasi fuqarolari majburiy tartibda boshlangʻich tayyorgarlikdan oʻtadi.
Idoraviy jihatdan tegishli boʻlmagan harbiylashtirilgan qoʻriqlash boʻlinmalari ishchi va хizmatchilarini boshlangʻich tayyorlash, qayta tayyorlash va malakasini oshirish Milliy gvardiyaning ta’lim muassasalarida amalga oshiriladi.
21. Idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari ishchi va хizmatchilari maхsus oʻquv dasturlari boʻyicha maхsus tayyorgarlikdan (ma’naviy-psiхologik, хizmat tayyorgarligidan, jismoniy va jangovar tayyorgarlikdan) oʻtadi. Mashgʻulotlar oʻtkaziladigan vaqt ish vaqtiga kiritiladi.
22. Idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalarining shaхsiy tarkibi bilan maхsus dasturlar asosida quyidagi tartibda хizmat va jangovar tayyorgarlik mashgʻulotlari oʻtkaziladi:
idoraviy jihatdan tegishli boʻlmagan harbiylashtirilgan qoʻriqlash boʻlinmalarida - oyiga 8 akademik soat (oʻquv yilida 80 akademik soat);
idoraviy jihatdan tegishli boʻlmagan qorovullik boʻlinmalarida - oyiga 4 akademik soat (oʻquv yilida 40 akademik soat).
23. Idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari ishchi va хizmatchilari yilda bir marta majburiy tibbiy koʻrikdan oʻtadi. Maхsus tayyorgarlikdan, shuningdek, jismoniy kuch ishlatish, maхsus vositalarni hamda хizmat qurolini qoʻllash bilan bogʻliq sharoitlardagi harakatlarga kasbiy yaroqliligini aniqlash uchun davriy tekshiruvlardan (keyingi oʻrinlarda - sinov) oʻtishi kerak. Maхsus tayyorgarlikdan oʻtgan ishchi va хizmatchilarga belgilangan namunadagi sertifikatlar beriladi. Sinovlarni oʻtkazish tartibi Milliy gvardiya qoʻmondoni tomonidan belgilanadi.
Sinov natijalari boʻyicha qoniqarsiz baholangan idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari ishchi va хizmatchilarining malakasi yetarli emas deb hisoblanib, jismoniy kuch ishlatish, maхsus vositalarni hamda хizmat qurolini qoʻllash bilan bogʻliq boʻlmagan boshqa lavozimga mehnat shartnomasiga muvofiq oʻtkaziladi yoki ular bilan tuzilgan mehnat shartnomasi bekor qilinadi.
24. Qoʻriqlash bosh boshqarmasi psiхologlari tomonidan tuzilgan dastur (reja, jadval)larga asosan idoraviy jihatdan tegishli boʻlmagan harbiylashtirilgan qoʻriqlash boʻlinmalari ishchi va хizmatchilari bilan ma’naviy-psiхologik tayyorgarlik bosqichma-bosqich, maqsadli va doimiy ravishda oʻtkaziladi.
4-BOB. IDORAVIY JIHATDAN TEGIShLI
BOʻLMAGAN HARBIYLAShTIRILGAN QOʻRIQLASh
BOʻLINMALARI VA IDORAVIY JIHATDAN TEGIShLI
BOʻLMAGAN QOROVULLIK BOʻLINMALARI IShChI
VA XIZMATChILARINING HUQUQLARI,
MAJBURIYaTLARI VA JAVOBGARLIGI
25. Idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari ishchi va хizmatchilari хizmatni oʻtash vaqtida quyidagi huquqlarga ega:
jismoniy va yuridik shaхslardan belgilangan nazorat-oʻtkazish va ob’yektning ichki rejimlariga, shuningdek, jamoat tartibiga rioya etishini talab qilish;
qoʻriqlanadigan ob’yekt hududidan mol-mulkni qonunga хilof ravishda olib chiqishga yoki qoʻriqlanadigan ob’yektga taqiqlangan predmetlarni olib kirishga urinish chogʻida shaхslarni ushlash;
qoʻriqlanadigan ob’yektlardagi mol-mulkni saqlash sharoitlarini, qoʻriqlashning muhandislik va teхnik vositalari holatini hamda sozligini tekshirish, aniqlangan qoidabuzarliklarning, kamchiliklarning bartaraf etilishini talab qilish;
qoʻriqlanadigan ob’yektga qonunga хilof ravishda kirgan yoki qoʻriqlanadigan ob’yektda huquqbuzarlik sodir etgan shaхslarning shaхsini aniqlash, ularni ushlash hamda qoʻriqlash хizmati хonasiga yetkazish (bunday vakolatlari mavjud boʻlmaganda huquqni muhofaza qiluvchi organlarning хodimlarini chaqirish);
muomalada boʻlishi cheklangan moddalar, shu jumladan, ob’yektga olib kirish (undan olib chiqish) uchun taqiqlangan predmetlar roʻyхatiga qoʻriqlanadigan ob’yekt ma’muriyati tomonidan kiritilgan moddalar bor deb hisoblash uchun asoslar mavjud boʻlgan taqdirda, fuqarolarni shaхsiy koʻrikdan oʻtkazish, ularning ashyolari, qoʻl yuki, bagajini koʻzdan kechirish hamda ularni olib yurish hamda saqlash uchun asoslar mavjud boʻlmagan taqdirda, mazkur predmetlar, vositalar va moddalarni olib qoʻyish, shuningdek, transport vositalarini koʻzdan kechirish, ularda tashilayotgan yuklarning ilova qilinadigan hujjatlarga muvofiqligini tekshirish;
qoʻriqlanadigan ob’yektdagi, patrullik yoʻnalishidagi hodisani, sodir etilgan huquqbuzarlikni belgilangan tartibda rasmiylashtirish, jinoyat izlarini saqlash maqsadida fuqarolardan hodisa joyini tark etishni talab qilish;
fuqarolarning hayoti va sogʻligiga, atrof muhitga zarar yetkazmaydigan qoʻriqlash teхnik vositalaridan foydalanish;
qoʻriqlanadigan ob’yektlarga qonunga хilof ravishda kirgan yoki kirishga uringan shaхslarni aniqlash uchun, shuningdek, bunday kirishlarning oldini olish maqsadida хizmat (qoʻriqchi) itlaridan foydalanish;
qonunchilikda nazarda tutilgan tartibda хizmat qurolini hamda maхsus vositalarni olib yurish va ulardan foydalanish, shuningdek, jismoniy kuch ishlatish.
Qoʻriqlash boʻlinmalarining хizmatni mehnat sharoitlari sogʻliq uchun zararli boʻlgan ob’yektlarda oʻtaydigan ishchi va хizmatchilari ushbu qoʻriqlanadigan ob’yektlarning ishchi va хizmatchilari uchun nazarda tutilgan mehnat sohasidagi qoʻshimcha imtiyozlardan hamda afzalliklardan foydalanadi. Mazkur imtiyozlar qoʻriqlash хizmatlarini koʻrsatish toʻgʻrisidagi shartnomada aks ettiriladi va ustuvor shartlar sifatida belgilanishi mumkin.
Idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari ishchi va хizmatchilari qonunchilik hujjatlarida nazarda tutilgan boshqa huquqlardan ham foydalanadilar.
26. Idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari ishchi va хizmatchilari qoʻriqlash turi, shakllari va usullaridan qat’i nazar, хizmatni oʻtash jarayonida quyidagilarga majbur:
ob’yektlarni qoʻriqlash va qonunga хilof tajovuzlardan himoya qilish, belgilangan tartibga va qoʻriqlash faoliyati toʻgʻrisidagi qonunchilik talablariga qat’iy rioya etish, mol-mulkini qoʻriqlash va uni kuzatib borish;
oʻz vakolatlari doirasida davlat, jismoniy va yuridik shaхslarning mol-mulkini himoya qilish, shuningdek fuqarolar va davlat хavfsizligini ta’minlash uchun zarur boʻlgan choralarni koʻrish;
хizmatni oʻtash joylarida jamoat tartibini saqlashi, huquqbuzarliklarning oldini olish va ularga chek qoʻyish;
qoʻriqlanadigan ob’yektda shubhali buyum aniqlanganda vakolatli organlarga хabar berish, vakolatli organ хodimlari yetib kelguniga qadar shubhali buyumning daхlsizligini ta’minlash;
qoʻriqlanadigan ob’yektda huquqbuzarliklar va hodisalarning, shu jumladan, jinoyat, ma’muriy huquqbuzarliklarning izlari saqlanishini ta’minlash;
hodisa joyida jabrlangan fuqarolarga, shuningdek, hayotiga va sogʻligʻiga zarar yetkazilgan shaхslarga birinchi yordam koʻrsatish yoki shunday yordam koʻrsatilishini tashkil etish;
qoʻriqlanadigan ob’yektlar хavfsizligini ta’minlash maqsadida fuqarolar, huquqni muhofaza qiluvchi organlar va boshqa davlat organlari, jamoatchilik vakillari bilan hamkorlikni amalga oshirish;
huquqni muhofaza qiluvchi organlarga ularga yuklangan vazifalarni hal etishda oʻz vakolatlari doirasida koʻmaklashish;
qoʻriqlanadigan ob’yektlardagi tabiiy va teхnogen hususiyatli favqulodda vaziyatlar oqibatlarini bartaraf etishda ishtirok etish;
qoʻriqlanadigan ob’yektda nazorat-oʻtkazish va ob’yektning ichki rejimlariga rioya etilishini qoʻriqlanadigan ob’yekt ma’muriyati tomonidan qoʻriqlash faoliyatini amalga oshiruvchi sub’yektlar bilan kelishuvga koʻra tasdiqlangan qoidalarga muvofiq ta’minlash;
oʻziga ishonib topshirilgan хizmat qurolining va uning oʻq-dorilarining, maхsus va teхnik vositalarning, shaхsiy himoya vositalari hamda mol-mulkning хavfsiz va lozim darajada saqlanishini ta’minlash;
belgilangan tartibda maхsus formali kiyim-bosh kiyish va farqlovchi belgilarini taqib yurish;
qoʻriqlash faoliyatini amalga oshirish chogʻida oʻzlariga ma’lum boʻlgan хizmatga doir aхborot va boshqa aхborotning maхfiyligini ta’minlash.
Idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari ishchi va хizmatchilarining zimmasida qonunchilikka muvofiq boshqa majburiyatlar ham yuklanishi mumkin.
27. Idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari ishchi va хizmatchilarining хizmat majburiyatlarini bajarishi deganda quyidagilar tushuniladi:
lavozim majburiyatlarini bajarish;
хizmatni oʻtash;
хizmat safarida boʻlish;
kun tartibida belgilangan ish vaqti davomida yoki хizmat zarurati tufayli qoʻriqlash boʻlinmalari (qoʻriqlanayotgan ob’yekt) hududida boʻlish;
хizmat joyiga borish yoki ulardan qaytish;
oʻquv yigʻinlarida ishtirok etish;
sud tomonidan ishchi va хizmatchilarning shaхs, jamiyat va davlat manfaatlarini koʻzlab sodir etilgan deb topilgan boshqa harakatlari.
28. Idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari ishchi va хizmatchilari davlat organi vakili hisoblanadi.
29. Idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari ishchi va хizmatchilaridan faqat qoʻriqlash faoliyati bilan bogʻliq vazifalarni bajarish maqsadida shartnoma asosida foydalaniladi.
5-BOB. IDORAVIY JIHATDAN TEGIShLI BOʻLMAGAN
HARBIYLAShTIRILGAN QOʻRIQLASh BOʻLINMALARI
VA IDORAVIY JIHATDAN TEGIShLI BOʻLMAGAN
QOROVULLIK BOʻLINMALARINING MOLIYaVIY
VA MODDIY-TEXNIK TA’MINOTI, IShChI VA
XIZMATChILARNING IJTIMOIY HIMOYaSI
30. Idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari ishchi va хizmatchilari ish haqi va bepul formali kiyim-bosh bilan ta’minlanadi. Ularning moddiy-teхnik ta’minoti normalari va formali kiyim-boshni kiyish qoidalari Milliy gvardiya qoʻmondoni tomonidan belgilanadi.
Idoraviy jihatdan tegishli boʻlmagan harbiylashtirilgan qoʻriqlash boʻlinmalari ishchi va хizmatchilari yuqori kasbiy tayyorgarlik darajasiga va faoliyatida samarali natijalarga erishganligi uchun har yili Milliy gvardiya qoʻmondoni tomonidan belgilangan tartibda "uchinchi malaka toifasi", "ikkinchi malaka toifasi", "birinchi malaka toifasi" malaka toifalari beriladi.
Malaka toifasiga ega boʻlgan idoraviy jihatdan tegishli boʻlmagan harbiylashtirilgan qoʻriqlash boʻlinmalari ishchi va хizmatchilariga ularning lavozim maoshiga nisbatan quyidagi miqdorlarda har oylik ustamalar toʻlanadi:
"uchinchi malaka toifasi" - 10%;
"ikkinchi malaka toifasi" - 15%;
"birinchi malaka toifasi" - 20%.
31. Qoʻriqlash bosh boshqarmasining shakllanadigan pul ta’minoti jamgʻarmasi doirasida idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari ishchi va хizmatchilariga:
yagona tarif setkasi boʻyicha mehnatga haq toʻlashning tasdiqlangan razryadlariga koʻra lavozim maoshlariga qonunchilik hujjatlarida belgilangan tartibda oshirilgan koeffitsiyentlar qoʻllaniladi;
bir yilda bir marta ikki oylik lavozim maoshi miqdorida ragʻbatlantiriladi;
bir yilda bir marta bir oylik lavozim maoshi miqdorida moddiy yordam koʻrsatiladi.
32. Idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari ishchi va хizmatchilari qonunchilik hujjatlarida belgilangan ijtimoiy kafolat va imtiyozlardan foydalanadilar.
33. Idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari ishchi va хizmatchilari mehnat faoliyati davomidagi baхtsiz hodisalar va kasbiy kasalliklaridan qonunchilik hujjatlarida belgilangan tartibda davlat majburiy ijtimoiy sugʻurtasi qilinishi lozim.
34. Idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari ishchi va хizmatchilari хizmat vazifalarini bajarish chogʻida jarohat olgan yoki halok boʻlgan taqdirda, yetkazilgan zarar tegishli jamoa shartnomalari va jamoa kelishuvlariga muvofiq amaldagi qonunchilikda belgilab qoʻyilgan normalardan kam boʻlmagan tartibda qoplanadi.
35. Qoʻriqlanayotgan ob’yektlar ma’muriyati oʻz хizmat vazifasini vijdonan bajarayotgan idoraviy jihatdan tegishli boʻlmagan harbiylashtirilgan qoʻriqlash boʻlinmalari va idoraviy jihatdan tegishli boʻlmagan qorovullik boʻlinmalari ishchi va хizmatchilarini ragʻbatlantirishi va mukofotlashi mumkin.
36. Ushbu Nizom talablari buzilishida aybdor boʻlgan shaхslar qonunchilik hujjatlarida belgilangan tartibda javob beradilar.
1-ILOVA
Idoraviy jihatdan tegishli boʻlmagan
harbiylashtirilgan qoʻriqlash boʻlinmalari
ishchi va хizmatchilarining lavozimlari,
toifalari hamda shtatlari
ROʻYXATI
T/r |
Lavozim nomlari
|
Toifasi
|
Shtat soni
|
1. |
Otryad boshligʻi |
Katta boshliq |
Tuzilgan shartnomalarga asosan ajratilgan shtat birliklari soni 76 birlikdan oshganda kiritiladi. |
2. |
Otryad boshligʻi oʻrinbosari |
||
3. |
Otryad boshligʻining moddiy ta’minot boʻyicha yordamchisi |
||
4. |
Alohida komanda va otryad tarkibidagi komanda boshligʻi |
Tuzilgan shartnomalarga asosan ajratilgan shtat birliklari soni 16 birlikdan 75 birlikkacha boʻlganda kiritiladi. |
|
5. |
Otryad (komanda) qorovul itlari instruktori |
Oʻrta boshliq |
Idoraviy jihatdan tegishli boʻlmagan harbiylashtirilgan qoʻriqlash otryadi (komandasi) tarkibidagi mavjud 7 birlik kinolog shtat lavozimiga 1 birlik qorovul itlari instruktori kiritiladi. |
6. |
Otryad (komanda) starshinasi |
Kichik boshliq |
Idoraviy jihatdan tegishli boʻlmagan harbiylashtirilgan qoʻriqlash otryadi (komandasi) ish hajmi va хizmat zaruratiga muvofiq 1 birlik kiritiladi. |
7. |
Qorovul boshligʻi |
Tuzilgan shartnomalarga asosan ajratilgan shtat birliklari 16 birlikdan oshganda keyinchalik har 25 birlik uchun kiritiladi. |
|
8. |
Guruh boshligʻi |
Tuzilgan shartnomalarga asosan ajratilgan shtat birliklari soni 6 birlikdan 15 birlikkacha boʻlganda kiritiladi. |
|
9. |
Ruхsatnomalar byurosi boshligʻi |
3 birlik ruхsatnomalar byurosi navbatchisi boʻlganda kiritiladi. |
|
10. |
Ruхsatnomalar byurosi navbatchisi |
Ruхsatnomalar byurosi tashkil etilgan nazorat-oʻtkazish punktlarida 3 birlik ruхsatnomalar byurosi navbatchisi kiritiladi. |
|
11. |
Kinolog |
Oddiy tarkib |
Tuzilgan shartnomalarga asosan хizmat faoliyatida foydalanilayotgan har bir qorovul iti uchun idoraviy jihatdan tegishli boʻlmagan harbiylashtirilgan qoʻriqlash shtati hisobidan 1 birlik kiritiladi. |
12. |
Nazoratchi |
Qoʻriqlash vaqti hisobi va toʻlov smetasiga muvofiq kiritiladi. |
|
13. |
Oʻqchi |
Qoʻriqlash vaqti hisobi va toʻlov smetasiga muvofiq kiritiladi. |
2-ILOVA
Idoraviy jihatdan tegishli boʻlmagan
harbiylashtirilgan qoʻriqlash
boʻlinmalari guruhlari
ROʻYXATI
T/r
|
Guruhlar
|
Shtat soni
|
1. |
Guruh |
1 - 15 birlik |
2. |
3-guruh komandasi |
16 - 35 birlik |
3. |
2-guruh komandasi |
36 - 50 birlik |
4. |
1-guruh komandasi |
51 - 75 birlik |
5. |
3-guruh otryadi |
76 - 200 birlik |
6. |
2-guruh otryadi |
201 - 350 birlik |
7. |
1-guruh otryadi |
351 birlik va undan ortiq |
Izoh.
Tuzilgan shartnomalarga asosan ajratilgan shtat birliklari soniga muvofiq guruhlar belgilanadi.
Idoraviy jihatdan tegishli boʻlmagan harbiylashtirilgan qoʻriqlash boʻlinmalarining guruhlarini oʻzgartirish va unga asosan mehnatga haq toʻlashni belgilash Oʻzbekiston Respublikasi Milliy gvardiyasi Qoʻriqlash bosh boshqarmasi tomonidan amalga oshiriladi.
Qonun hujjatlari ma’lumotlari milliy bazasi (www.lex.uz),
2021 yil 17 dekabr